You Cannot Download this book untill you login but you can read it .

---

Login Register

An dauko wannan littafi daga shafin https://taskarnovels.com.ng ku ziyarci shafin na https://taskarnovels.com.ng domin samun kayatattun littatafan hausa kama daga kan na yake yake dana soyayya




Marubuci ko marubuciya zasu iya turo mana da littatafansu mu dora masu a shafinmu kyauta don masoyansu su rika Downloading a online,



Sannan marubuta zasu iya turo mana da tarihin rahuwarsu da tarihin rubutunsu, dama sharhin littatafansu don masoyansu su gani kuma su karu da hakan

Domin turo mana da littafi ko tarihin rayuwar marubuci ko marubuciya sai ayi mana magana ta whatssap da wannan nambar +2348140419490



A lura dakyau - kyauta muke saka littafi a shafinmu bama amsan ko sisin marubuci, duk wanda ya amshi kudinku da sunanmu babu ruwanmu,



Alura dakyau - manazarta bama tura littafi ta private ku dena binmu private kuna neman mu tura maku littafi, duk mai bukatar littafi yaje website namu



Alura da kyau - Littatfanmu suna fitowa cikin manhajoji uku ne PDF,TXT da DOC amman munfi amfani da PDF da TXT masu amfani da wayar android ko tablet ko computer zai fi kyau ku riga dauko PDF da DOC



Masu amfani da kananan wayoyi java ko mara java TXT zakuna zaba don shine daidai wayarku


This hausa novel was uploaded and downloaded from https://taskarnovels.com.ng

You can download more hausa novels there

Also you can send us your novel to upload it in our website for your fans to download it online

It is free we do not charge for uploading novel

Also if you are an Author be it online or Non online you can send us your biography including your book summary,commentary and others via this number +2348140419490 its free we do not charge for our services



Note that - we do not charge for our services we uploaded novels and posted biography free, any person that collect your money in our name is your fault do not blame us



Note that - pls readers stop calling us and be asking us to send you a novels we are not sending novels through whatssap or private our novels is public at any day, any time you can visits our site and download it



Note that - our ebooks came as PDF,TXT or DOC format but the popular format are PDF or TXT, those with android or tablet or pc we suggest you to download PDF or DOC
those with java phone or non-java phone we recommend you to download TXT



This Novel is downloaded from https://taskarnovels.com.ng
to download more hausa novels visits our site at www.taskarnovels.com.ng

For feedback and support

Facebook : https://facebook.com/taskarnovels

Twitter : https://twitter.com/taskarnovels

Telegram : https://t.me/taskarnovels

TARAR ARADU
Littafi na Uku 3
Umar lawan Abdul
Typing Shuraih Usman
Page 1
.
.
Na kara kiran sunanta tun iya karfi "farida" Amma shiru farida batako motsaba
.
Na rikice na kuma dimauce hankalina ya nemi gushewa tuni alamomin tambaya suka runtumo kaina shin me haka yake nufi? Farida suma tayi ko mutuwa? In har mutuwa tayi baga abunda zai hana na bita ba, na mike tsaye tsayuwar taki yiwuwa, sai na sake komawa na tsugunna
Bakina na kara a kunnenta na kara kiran sunan da karfi , shiru haryanzu bata canja zani ba, sai na fashe da kuka kukan da bazai taba zama magani ba, ban san adadin mintunan da na karar ba a wannan hali nidai na kiyasta awa ko fiye
.
Ana haka na jiyo takun kafafu ban iya tashi domin dubo ko wayeba bada jimawa ba sai gata a ciki, Mummy ta dawo tayi sallama bata yi ba nidai ban sani ba , ta dubeni a rikice "umar me ya faru?"
.
Rudun dana shiga gami da rikici mai kama dana tsufa suka sanya ne furta a zancen da ba shi ya kamata ba, dubanta nayi kai tsaye "ta mutu"
.
Ta dora hannu aka "ta mutu"
Eh! Nace mata ba a'a ba
Akwai tashin hankali ganin yanda matar ta fashe da kuka gaba daya "inna lillahi wa inna ilaihi raji'un, shikenan farin ciki yayi nisa dani 'yata daya jal dana kwallafa raina akanta ta tafi, Ya lillah"
Itama sai ta zube anan muka ci gaba da kukan tare , cikin rashin samun wanda zaiyi karfin halin lallashin wani, kimanin minti goma muna wannan hali, a sannan ne wani sauti ya fito kamar minshari, farida ce taja dogon numfashi, mummy ce tafara mikewa "umar suma tayi ba mutuwa ba"
.
Na tashi nima gami da matsowa kusa da ita numfashinta ya fara fita ahankali
Na dubi mommy "yaya za a yi?"
"Asibiti zamu tafi , titi da nisa kafin a dauko mota an bata lokaci gashi tana bukatar agajin gaggawa, da ina da cikakkiyar lafiya dana goyata"
"Ni zan goyata mummy sai mu tafi"
.
Ina maganar ne cikin halin zubar da hawaye.
Ta girgiza kai "farida tayi maka nauyi"
"Babu komai, lokaci yana kara kurewa"
Ta kimtsa ta sosai sannan ta taimakamin na goyata, muka fito daga gidan a gaggauce ga duk wanda ya ganmu dole ne ya tausaya mana.
Mu dai gamu muna tafiya cikin halin rudu, da sauri, ga kuma mara lafiya goye a bayana, Bakunan jama'a suka juri fadin Allah yabada sauki
.
Tafiyace mai nisa Amma banji alamun gajiya ba a haka har muka riski asibiti, muka sami motar da muka sakata
****
Na cigaba da kai kawo a dogon zauren asibitin zuciyata fal damuwa, sakamkon rashin sanin halin da farida zata wanye, daga lokaci zuwa lokaci nakan dubi mummy wacce ke zaune cikin tagumi, tun data zauna hawaye bai daina zarya ba a fuskarta,
Tsawon lokaci likitocin suna kanta, bayan abun daya tunkari awa biyu wata Nurse ta fito na ga sanda ta kira mummy take shaida mata wani abu
Na nufi wajen bayan da suka kammala
.
"Yaya akayi"
Ta share kwalla da gefen mayafi "cewa sukayi tana kan hadari, zai yi wuya ta iya numfashi da kanta yanzu, sai dai da taimakon na'ura"
Kaina ya sara da karfi hakika wannan wata hanyace ta nisa da rayuwa da yawa sun zarce a irin haka nan, me yiwuwa farida ma haka ce zata faru, kuma duk ni naja, da ban bata labari ba dayanzu tana nan kalu, kaito na!"
.
Mummy ta cigaba "umar inaga kakoma gida , awa ashirin da hudu suka ce zatayi"
Nayi karfin halin kai idona ga kallonta "to mummy izan na tafi wa zai rinka taimakawa"
Ta zurawa kasa ido kuri "ida wata ya wannan yanzu ma badon kai ba jigata zata yi sosai, umar biyanka sai dai mahalicci"
Na daga mata hannu " kar ki damu, na cancanci yin komai don farida na matukar lallabani"
.
Aka sami shiru na dan lokaci a cikin sane ma na sami damar yin tunani, sai yanzu alkawarin dana daukarwa mahaifina na komawa ayau ya fado raina, hakika babu makawa na cikashi, to amma ya kamata na tsallake na bar farida a wannan hali? Alhali idan nayi nazari zan ga cewa dukda ran da bani da lafiya bata nisa dani,
Na tuno yanda da kanta taje bakin bariki ta daukeni zuwa asibiti (karken littafi na daya 1,) na tuna yadda take kwana ta kuma yini a wajena ,batare da tunani ko tsoron afkuwar wani abu ba, kudadenta da lokutanta duk ta kashe a kaina, saini yanzu bata da lafiya sai na tsallake na barta da mahaifyarta saboda itace dolenta? Kai dasake akwai butulci zalla a cikin aikata hakanan, sai kawai na fashe da kuka,
.
Mummy ta dafa kafadata "umar sai hakuri na sani kana kaunar farida sosai mai yiwuwa ma fiye da ni, sai sauki idan Allah yayi hukuncinsa ya za'ayi?"
Na share hawaye "mummy bari wannan zance farida ba mutuwa zatayi ba, tana da sauran kwanaki"
Ta kwantar da kai "to Allah yasa hakanan dan idan farida ta mutu ban san inda zan saka kaina ba, na sani ko wace uwa tana kaunar danta, amma ni nasan kaunata da farida na musammance ba kowacce uwa zatayi ma danta kaunar da na ke yiwa farida ba, saboda ita naki aure shekaru sha shida kenan, domin ni bazan barta a wani waje ba, kuma ni bazan je da ita agolanci ba, karta rasa walwala da jindadi,
Me yiwuwa wata rana agoranta mata wanda da haka ya faru duk kimar mijin na rabu da shi"
.
Tausayin mummy ya kamani ni sai yanzu na san dalilinta na kin yin aure na dade ina ta yan kame-kame , kyakkyawar mace kamar ta da bata haura shekara talatin da biyar ba ace bata da aure shakka babu abin a duba ne
.
Na kara yin kasake ina tunanin wacce za a yi, hakika abubuwan da gazawata zata fito fil yawa ne da su, bazan auna a wajen farida ba kuma bazan dauki nauyinta kamar yadda take daukar nauyina ba, abun danake magani naira dubu shida suma daga kudin data yimin kyauta ne a baya, na fara kashe su a asibiti sai taci gaba da daukar dawainiyata,
Wani abun kuma ita kanta dubu shidan tana dakina anan na boye don gudun kada ta hadu da tsautsayi, in har ta halaka banga inda zan samu sisin kwabo ba
.
Na dubi agogon hannuna karfe biyar da minti hudu, hakika ya kamata nasan wacce za'ayi idan zaman zaman idan kuma komawa kauyen komawar
Na yanke shawarar tuntubar mommy sai na dubeta sa'ar data ke cikin tagumi
"Mummy ina mai bada hakuri nayi bakin ci da zan matsa daga nan sai dai babu yanda zanyi mahaifina nayiwa alkawari cewa lallai zanje yau kuma ga abinda ya faru"
.
Ta cira kai "kar ka damu kaje wajen mahaifinka umar yanzu ma abun da kayi ya isa Allah ya rabaka lafiya da su"
Na amsa "amin" sannan na ci gaba
"Mummy idan farida ta tashi ki shaida mata cea ta kwanatar da hankalinta ba zamu rasa juna ba, na tafi fafutukar sama mana mafita gobe-gobe zan dawo"
Ta kalleni cikin bkuatar karin haske" menene ya ke faruwa?"
Na sunkuyar da kai "babu komai"
"A'a Umar kar ka boye min , ka dauka cewa agare ka ina matsayin uwa"
Hawaye ya biyo kumatuna nasa hannu na share sannan na fara da cewa wani rikici ne ya bullo tsakani na da iyayena an kai masu labarin na zama dan iska shine suke so na koma can da zama kuma an nema min aure, wai jibi ma za'a daura shi, labarin naba farida ta shiga wannan hali
.....
Kai MALAM UMAR
Haryanzu fa akwai.......
.
Nidinne dai Shuraih Usman
Inkiya 99%
.
Yi maza ku like na page namu www.facebook.com/hausaebooksTARAR ARADU
Littafi na Uku 3
Umar lawan Abdul
Typing Shuraih Usman
Page 2
.
.
Tayi shiru tsawon lokaci , daga bisani tayi karfin hali "umar zama bai same ni ba, dole ne muje dakai na roki arziki,in har aka daura maka aure,to farida kuwa shikenan"
Na girgiza kai "mummy ba zakije ba , zuwanki ba zai fa'idantar ba, nasan iyayena in sukace baki ba zasu canja da fari ba, ki bari ni zan samo mafita"
"A wadannan 'yan awoyi Umar?"
"Asu din kuwa , ina jin radadin raba ni da farida bazan jure ba zanyi duk abinda zan iya don ganin bata faru ba"
"To don Allah ka taimaka ga Allah nake dogara amma na san farin cikin 'yata na tattare da kai"
Na mike "kar ki damu zanyi fafutaka iya yina har komai ya faru yanda ake nema"
Itama ta mike muka kama hanyar fita daga asibitin a haka har gamu a titi, ta dafa kafadata "Umar haka ceci rai , ka tallafawa rayuwar marainiya"
Na gyada kai "Mummy zan yi"
***
Nayi shiru a shagona, cikin tunanin hanyar da zanbi na tarwatsa maganar aurena, shakka babu jan aiki ne wanda fasa goron dutse da cokalin roba zai fishi sauki, na sani a irin dattaku na mahaifanmu maganar fatar baki bata isa ta rusa auren ba, babu wata kalma da zata sanya mahaifiyna ya janye , idan haka ne to kuwa sai an yi amfani da hikima kenan, akan ce hikima ce da ni, in har ba karya ake yi ba to hikimar tayi aikinta.
Na fara sake-sake da warware-warware da ni masaki ne abunda na saka zai samar da katon gwado, wanda na warware kuwa zai samar da abawa kwarkwaro kwarkwarkwaro.
.
Haka na kasance , na saka da yawa na warware da dama, har ya zuwa lokacin dana sako wata badakala, na maida hankali ga nazari akanta sosai, hakika in har bukata ta shine a fasa aure to za fasa shi sai dai fa za a yi babban tashin hankali, na kuma bar wani katon tabo da zaici gaba da radadi a jikina, bayan na barwa dangi da yan uwana dalar gyadar bakin ciki da damuwa, wadda idan ba sa'a ba guguwar mutuwace kadai ke iya bajeta
.
Na mike tsaye cikin jin karfin guiwar na aiwatar da abinda zuciyata ke shaida min aikin ceton rai ne, na amince da uzurin data bayar amma fa dole ayi gyara, Anya akwai wani rai da zan je fa kaina wannan tashin hankali domin ceto shi, idan ka dauke ran wadda a halin yanzu zanyi don ita? Ba a saka iyaye wadannan layin su da bam, amsar dana samawa kaina ba a halicci ran ba, ashe kenan ceton soyayya zanyi bana rai ba, lallai jiki bawane zuciya kuma sarauniya sai dai so ita kanta sama yake da ita, yana juya ta ya sarrafa ta duk inda yaso, babu yadda zatayi dole ta yi biyayya ga duk hiron da yayi, komai dadi komai wuya, (ni Shuraih Usman Na jinjina ma sarkin Masoya
*****
Na dubi lateef cikin halin bijiro masa da bukatata bayan dana kwashe labarin rayuwata kaf na sanar da shi, ba don komai na yi haka ba sai don na sami duk taimakon dana ke nema
Yayi shiru yana jinjina lamarin daga bisani ya dago kai "hakika umar rayuwarka tattare take da rikici, kai gwarzo ne da har ka iya jurewa wannan tashin hankali, mai kwakkwalwa kamar ni ba zai jure ba , na tabbata da ni ne da tuni nayi watsi da ita, idan ma so ya hana ni, to zallar bakin ciki da tashin hankali zasu haukatani"
.
Na saurari duk abinda ya fada, na sani mutum dari tara da casa'in cikin dubu asu mara masa baya, sai sa'ar gaske goma su tsaya tare dani.
.
Ya katse min tunani "yanzu wane taimako kake bukata?"
Na gyara zama sannan na fara tsara masa duk shirin dana yi har na kammala baice kala ba, sai dana gama ya girgiza kai"ina ba zai yiwu ba, wannan wani tashin hankaline sabo , ne yiwuwa ma wanda duk ya zarce na baya muni, wai umar a hankalinka kake kuwa?"
.
Na gyada kai "kwarai kuwa, ina cikin cikakken hankalina, shin ba farar rigace dakai ba? Ka shigo dakinnan rike da bakin carbi, ko kuma wannan hular taka ba koriya bace"
.
Ya gyada kai "duk haka ne"
"To kagani ina cikin hayyacina, dole ce ta sanya ni tsarawa kaina haka a wannan lokaci da komai ya kure ita kadaice hanyar da zata fiddani, kai dai abinda nake so ka taimaka min da abinda na nema"
.
Ya kwantar da kai"to zanyi in har abinda kake bukata kenan, sai dai ina duba sakamakon da za'a samu a gaba, lamarin zai zame maka heater din dumama ruwa a cikin garwashin wuta"
Na daga masa hannu"kar ka damu da wannan idan ana sabo da bala'I nayi, kuma ka sani dare daya ya rage wa jemage, shine daren mutuwarsa"
Ya jinjina kai "zuciyarka ta kekashe ina shakkar a fasa aga bata canza ba daga zallar tsoka zuwa kashi"
Na mike tsaye "akan farida tafi hakanan, mulmulallen bakin karfene da wuta ke gazanar kashi"
****
Tun da muka dauki hanyar garinmu hira ta yanke mana, a motar lateef muke taxi da ya ke haya da ita, Ni ne driver yayin da shi kuma lateef ke sanye da kaya dukun dukun tamkar bakaniken da ko abu ya mutu zai iya tayar da shi, wannan shine shirin dana yi imanin zai yi min magani
.
Sai dai a wannan lokaci in har ana neman sarkin ganganci to lateef ne , daya san irin abubuwan dake kai kawo azuciyata da bai yarda naja shi ba, sam bana hayyacina zuciyar ta tafi ga tunani, karfe goman dare daidai nayi fakin a kofar gida a lokacin majalisar iyayenmu bata tashi ba, ina ganin yanda suka juyo gare mu banyi mamaki ba a duk rukunin babu mai mota sai hakimi, kuma shi kadai ya mallaki wayar sadarwa, wanda su da dama can mahaifinmu ke tafiya cin arziki izan yana son yayi magana da mu
Muka fito tare da lateef a hankali na nufi wajensu domin gaida su
.
Har kasa na zube duk na gaida su cikin girmamawa sannan na mike domin shiga gida
Mahaifina ya biyone a baya "kai tsaya"
Na dakata
Ya iso gareni, banga walwala a fuskar sa ba, ya kalli nahiyar motar "wannan kuma fa?"
Na fara murza yan yatsu "tawa ce baba"
"Kana nufin ka sayi mota"
Gyada kai nayi
"Yaya akayi yayanka bai fada min ba?"
Na sunkuyar dakai "ai yau na karbota, bashi nake bi aka biyani da ita"
.
Yayi nazari na tsowon lokaci daga bisani ya dora "wancan mutumin fa waye shi?"
"Bakanike ne"
"Bakanike kuma? Me ne ne fa'idar tahowa da shi?"
"Eh ina so ne yayi min gyara da safe"
Ya nuna ni da yatsa "kai umar duba nan karfa ka jawo mana bala'I muna zaune kalau, in har akwai cikakkiyar gaskiya menene na azarbabin tahowa da bakanike? Ba za kabar motar a can a gyara ba, sannan ka dauko, ka shiga taitayinka in har ka san bata ka bace ka gaggauta ficewa garinnan da ita, ka je ka mayarwa da masu ita a barsu, kar ka goga mani Kashin Kaji
.
Tambaya
SHIN WAYE ZAI IYA KINTATAR SHIRIN DA UMAR KE SHIRYAWA
.
Nidinne dai Shuraih Usman
Inkiya 99%
Domin dauko littatafanmu zuwa kan wayoyi da kwamfitarku a matsayin hausa-ebooks sai ku shiga nan kuyi like
Like:- www.facebook.com/hausaebooksTARAR ARADU
Littafi na Uku 3
Umar lawan Abdul
Typing Shuraih Usman
Page 3
.
.
Na marairaice "tawace baba"
Bai kara komai ba sai ya tafi ya rabu dani na dan tsaua jim sannan na nufi cikin gida
.
A wajen mahaifiyata farin ciki na tarar da kyakkyawar maraba, ta gabatar min da abinci da kuma fura, Na fito wajen lateef gayyatarsa nayi muka shiga cikin dakin da aka ce nawa ne nida laraba, na ajiye masa abincin ni kuma na koma gefe guda.
"To taso muci mana"
Nayi tsaki "bai da muhalli a ciki na"
Hakika bai kamata nayi haka ba, ko don gudun kar ya zargi wani abu musamman saboda bambancin kabila dake tsakaninmu ga kuma dukiyarsa da muka taho da ita, Amma ina! Shi sam bai kawo haka arai ba tuni yaci tuwo yasha fura, daga bisani yaja fulo ya tuntsure, anan yabar ni ina ta kulle kulle arai har safe,
.
Tun da sassafe lateef ya hau tabe tabe ! Ba wani gyara ne na gaske ba, juyen baikin mai ne da yan abubuwan daba a rasa ba, wajen karfe dayan rana ya kammala, na sallame shi ya tafi, bayan da nace ina zuba idanu, wani lamarin da mahaifina ya tuhume ni akai shine ganin na kwance Number plate(Lamba) na ajiye, wannan ma ya sanya masa shakku a zuciya, na shiga gida na sami mahaifiyata, izini na nema akan ina so mu gana da amaryata, ban sami matsala ba, kai tsaye ta aika gidan ta sanar da su, aka ajiye karfe hudu a matsayin lokacin daya kamata na je, wanka na yi na yi fess dani sannan na hau mota na shiga zagaya gari, duk inda na bi sai abini da kallo, wai su abin mamaki ne saurayi kamata da mota mallakin kansa, ni abin har ya kan bani da riya, ba wata motar kirki bace, irin tsohuwar yayin nan ce da ake yiwa lakabi ajalin tafiya(tab
.
Kafin wani lokaci labari ya game ko'ina Umar ya sayi mota, aka rinka zuwa yiwa iyayena barka, sai dai abinda basu sani ba gab barka take da komawa jaje, meyi wuwa awoyi biyu nan gaba
.
Karfe hudu shaura na durfafi gidan liman , bayanda nayi sallar la'asar, kafin n kara sa, shi ma ya fito daga masallaci yana zaune a wani katon buzu yana jan carbi naje na durkusa gwiwa biyu na gada shi, ya amsa gami da shi min albarka, wai har yarom kirki yake kirana, na tashi zuwa gindin mota ta bayan da muka kammala
.
Na harde hannaye a kirji, gami da jingina sosai da motar daidai nake kallon mutane taamkar wani dan birni mai ji da kansa a taron kauyawa
.
A karo na tara na kai idona ga kofat gidan liman , babu abinda nake son gani illa fitowar laraba yarinyar da aka ce da ita ake shirin daura mana aure gobe, koda yake fuskarta bata nuna komai ba, amma amma adadin majalisun tattaunawa dake zuciyata har sun wuce kirge, wadda nafi jin haushi itace mai cewa idan bayeraben ya gaza aiwatar da shirin yaya zanyi.?
.
Shakka babu wannan tunani ne dana ke wwadai da shi, koda a mafarki kuwa ba zan so ya wakana ba, duk kuwa da cewa aiwatar da shirin wani tashin hankali ne babba, amma a wajena tashin hankalin shirin yafi rashin masoyiyata, a wani sashin kuma tafarfasa zuciyata take yi tana kuna, ba don komai ba, sai don abubuwan uku da ahalin yanzu suke tare da ni, Na farko tsana ta da ganin yarinyar dana aika ayo min kiranta, araina zan fi son kallon abu mafi muni fiye da kallon fuskarta, ba don komai ba sai don kasancewarta mai son mallake wani matsayi dana alkawartawa farida shi, hali na biyu kuwa zulumi da jimamin abinda zai biyo bayan shirin danayi, ko tantama babu zai zamo bacin rai da bakin ciki mai girma ga iyayena, zan tafi na barsu cikin tashin hankalin da ban san abinda ya kamata na kwatanta shi da shi ba, tun da na gano haka kuwa kamata yayi na fasa sai dai ina, zuciyar ta yi nisa ban da tunanin mallakar farida bata tuna komai
.
A gefe guda kuwa rashin sanin halin da farida ke ciki ne ke dagula min lissafi, ko ba komai dai na tabbata tana jin jiki, in haka ne kuwa dole ne nayi gaggawar komawa kusa da ita, a cikin wannan hali na hango 'yan mata biyu fitowa daga gidan liman
Fuskar daya na iya gani ma'abociyar tsage 'yan baka da uku-uku dayar kuwa ta rufe fuskarta da farin mayafi, abun d ya tabbatar min da cewa itace wadda ake so na aura, tsayuwarsu a kusa dani ta sanya wani abu yuko min arai, na tsane su iya tsana tamkar na rufe su da duka naji araina, dayar ce ta fara gayar dani, karfin hali nayi na amsa batare da nuna wani abu a fuska ba
.
Daga bisani ta juya ga dayar "laraba baku gaisa ba"
"Ina wuninka" ta maganar ne cikin murya mara kara
Na amsa "lafiya lau" daga haka ban kara komai ba
Batare dana shirya ba , dayar ta janye mayafin da yarinyar ta rufe fuskarta, hakan yabani damar ganin abinda fuskarta ta kunsa,
Doguwa ce ma'abociyar dogon hanci da dan karamin baki idanunta dara dara farare da suka wadatu da gashin gira, idan aka cire hassada mai wannan siffar ita ake kira da kyakkyawa, irin kyawun da duk wanda matarsa ta zama haka bazai rinka nisa da ita ba kuma na sani hikimar mahaifina kenan ta nema min aurenta, sai dai hikimar bata amfanar ba , domin ina tare da wadda ta dame ta ta sahnye, kyakkyawar da idan tana nan duk wata mai kyau ta kan dusashe
.
A zahiri na san yadda ake hira da masoyi sai dai ban san yadda ake hira da mutumin da bai da kima a rai ba, shiru nayi ina sake saken wani batun da bam, abinda na tabbatar zai jefawa 'yan matan shakku a rai, kuma a lokacin na tabbata fuskata ta nuna damuwar dana ke ciki
Kamar an watso su sai gasu suna nufo mu da gudu-gudu, bakake wuluk da su kamar tawagar tururuwa, gayyar irin yan kungiyar nan ne vigilante group (kato da gora) suna cikin motarsu kirar hyundai samfurin pick up (a kori kura) duk da cewa na san su wakilai ne na tashin hankali, wadanda. Lokacin dauke suke da manyan kwandunan takaici, sai na kasance cikin farin cikin zuwansu, ko shakka bana yi a yau din nan maganar auren zata ruguje, sai dai na tabbata duk wani mutunci da kima dana ke da su zasu bi hadarin kaka
.
Na kai idona ga nahiyar da liman yake zaune yana aikin jan carbi, nayi farin ciki dana ga cewa shima yaga zuwansu, ba shi kadai ba hatta ilahirin jama'ar dake rukunin hankalinsu yana kansu baya ga wata gayyar 'yan bin kwakwaf da sukaa biyo su da gudu ban yi mamaki ba a kauye