You Cannot Download this book untill you login but you can read it .

---

Login Register

tsangwaman da zamu shiga gun mutanen gidan mu.


ZAINAB IDRIS MAKAWA
SEENABU
8/14/20, 7:10 PM - Ummi Tandama: BAHAGON, , , , , , ,

🧕🏿2⃣🧕🏿

FREE PAGE


SEENABU MAKAWA


MAISON WANNAN NOVEL ZATA IYA KIRANA DA WANNAN LAYIN DON YIN REGISTER 300 TA BANK KO RECHARGE CARD NA 400
ZAINAB IDRIS MAKAWA ZENITH BANK 2253380105 SAINAJI KU MASOYA AI HAKKURI DA MU WRITERS YANAYI NE YA KAWO HAKAN DA FATAN ZAKU FAHINCE MU, , , , ,


Sauri nake ina shirin tafiya makaranta kasancewa yau monday don nasan akwai dogon assembly da wasu bayanai a irin wanan ranan.
Socks na jawo na fara sakawa a kafana daya yayin da na ji an fara kwala min kira a tsakar gida.
Haushi da takaici ne ya rufe ni a lokaci daya don nasan wani sabon fitina ina zata dora min duk wanan saurin da nakeyi zai tashi a zero ke nan bazan samu assemby din da nakewa kwadayin samu ba kuma wata kila aike ne ko wani aikin zanyi.
Na aje socks din ban saka ba don karba kiran inna din samun ta nayi tana kokarin dama kunun koko take cewa dani na kwaso kayan zuba kunun ko wani daki na kawo mata.
Na juya rai bace naje karbo kayan na kawo ina kokarin ajewa ne takai idon ta akan roban dakin mu sai kawai naga tai cilli dashi a gefe daya.
Ni dai ina tsaye ina kallon ikon Allah ta fara zubawa sai data gama zubawa kowa ta jawo roban ta dan yafuta ta dan zuba muna rabin abinda take awo dashi ta dangwara mun sai na dauka na nufi daki ina juyawa a hankali ina kallon kunun da rai bakwai zasu sha su rayu a gidan.
Ina kokarin rufe roban ne naji ummina tana cewa babu kunun ne ko don naga kin dawo da roban hakana ba komai a cikin sa.
A sanyaye na ce akwai ima anzuba muna ta mike ta jawo roban tana kdllon kunnun dake a cikin sa sai naga ta dauki roban zata fita.
Da sauri na tare ta nace ummi kiyi hakkuri kusha hakana may duniya don Allah bata saurare ni ba ranta ya baci tafita.
Ba wai wanan ne karo na farko da Inna ke muna haka ba a gidan koda yaushe in dai ita zata raba abinci to na dakin mu kan kankare ne kuma ko mutum biyu baya isa a dakin namu.
Ina ga yau ta gaji ne gashi kuma mun kwana babu ko kwandala a dakin balle ta dan sai garin kwaki ko kanzo tabawa yara dan abin dake gare mu munyi kitso da wanki dashi a cikin sati.
Muryan Ummi naji tana fadin haba yaya wanan koko aiko su shaibu ba zai isa ba balle sauran yaran har akai ni.
Sai naji Inna tace da ita au da kika fito kikai min tsaye a kai zikau dake tsoron ki zanji na kara maku babu ko may ?
Ummi tace kawowa nayi ki duba ki gani ga sauran roban nagani duk a cike amma ki duba abinda kika zuba muna don Allsh dai.
Tabe baki tayi tare da fadin yanzu aike akeji kunu ne shi naga daman zubawa idan kin isa ki diba ki kara maku tunda keda diyan ki kune yan gwal a gidan ku kadai akaiwa bakin cin abinci cikin mu.
Ummi tace ba sai na diba ba ai idan bazaki kara ba abarshi don ban san wa zanbawa ba wazan hanawa ba, cikin yaran.
Eyye lalai ma Rabi wuyan ki ya isa yan ka wallahi to bara kiji ke din nan dai da nake gani baki kai min can ba kunu ne ba zan kara ba sai kiyi abinda zakiyi dama naga tun da na zuba munafukar yar ki take bin kunnun da kallo tana min wani tsiwa a kai.
Nifa din nan kujera ce daidai da zaman kowa idan wani abu kike ji da safe nan daidai nake dake yanzin nan don ban daukan raini da wullakancin kowa.
Don idan mutum yai min tsiya yanzun nan na nada mai dukan tsiya inbuge shi in bugi banza naga wanda zai rama mai kuma.
Ummi dai bata tanka taba ta duka tana kokarin juye kunun a roba da sauri inna ta tare tana fadin kada ki lalata muna kunu da wanan kazamin roban naku daya dafe don tsufa.
Muryan babana naji ya fito daga dakin inna yana fadin wai may nene ya akayi ne kuma da farar safiyan nan haka ?
Wani irin harara ta watso mashi tace wanan yar kauyen matar taka ke son shiga mun hanci da kudundune da safen nan akan kunun dana dama na basu.
Niko idan ta kawo rainin da sukewa mutane kaina yanzu zata sha na jaki wanan iskancin ta tsaya iya kai tai maka shi can bani ba.
Baba yace muga kunun sai ummi ta nuna mai ya kada kai yace haba Rakiya yanzu wanan dan kunun ace rai bakwai zasu sha shi ai babu gaskiya ga wannan zance yakai ido ga sauran robobin da aka cika yake cewa wanan nasu waye haka shi ?
Tace ko zaka shigar mata ne naga daga jin muna zancen mu na mata kayi wuf kafito kana kokarin saka bakin ka ciki.
Fitowan ka ba zai hana ni yin abinda nai niyar yi ba akai don ba wani yai wahalan dama min ba.
Ita har waye da zata fito tace min wai banyi daidai ba ko iskancin nasu ne zai kawo gare ni yau kuma ?
Ummi ta wufta da kunun a roban dake gaban inna ta juye tace ga kunun ki nan ki barshi Allah da ya halice mu ba zai barmu da yunwa ba yana sama yana ganin mu.
Tace da baba kagani ko kaga irin cin kashin da tai min dai a gaban ka ko ita wacece da zanyi wahala dama kunu ta fito tai min wullakanci dashi.
Ummi ta juya bata ce da ita tak ba ta nufi dakin ta inna ke fadin samun wuri banza diyan masiyata yar kauye wanda bata da tarbiya ta uwa ta uba.
Ummi ta ce a, a yaya maganan nan iya ni dake ne baikai na iyayye ba fa don haka ki daina zaga min iyayyena da basu ji basu gani ba da safen nan.
Don ni iyayena ba mutanen banza bane ko da suke kauye ba wanda ya taba ganin su suna roko a wurin wani.
Dama mahaifin inna maroki ne ya tsufa amma har yanzu yana roko a cikin gari kowa yasan shi sai inna ta fusata da maganan ummi din.
Tai wuf ta kamo hijjabin dake wuyan ummi ta shake ta har idanuwan ta suka firfito waje tana fadin rokon sata ne ko maita da zaki min gori dashi.
Bata bata amsa ba ta sake sabon shake ta daga inda baba yake yana karasowa yana fadin sake ta mana Rakiya kasheta zakiyi ne ko may ?
Kafin ya karaso ta kaita kasa ta danne tana duka tana fadin gobe ki kara zagin ubana don yana roko roko ai ba sata bane duniya.
Jin sun kicimay yasani fitowa da sauri ga ummi a kasa inna ta haye tana duka mahaifin mu na kokarin banbareta daga saman ta.
Ihu na saka da karfi har yasa mutanen gidan gaba daya fitowa dama wanda bai tashi daga barci ba ya falka.
Ya banbareta saman ta shi da mama tana huci tana fafin gobe kice zaki kara zagina yar iska don an kyale ki har zaki kaiga zagin iyayye na.
Haka kawai don samun wuri yar kauyen banza a kauyen may kuke sha banda ruwan kasari da gwabe da safe.
Mama tace don dama sunyi hayaniya da yamman jiya a, a Rakiya baki da gsskiya ni kaina na san baki basu abinci yadda ya dace ba yau ba.
Ta juya kan mama tana fadin bani bayarwa kedin daban ne wurin basu wake kwashe abincin bakeda yara ki ba ku goma a daki daya katan banza kin tarasu ba moriya.
Daga can Nura dan mama daya taso daga barci ihu na ya tayar dasu yace kada kice zaki zagi maman mu yanzu rayuka su baci wallahi.
Su dai da kika raina don basu kawo karfi ba ki tsaya a kansu amma mu kan idan kokai wa maman mu yanzu zaki ji mu don kin dai san mun fiku karfi da yawa kuma.
Da sauri na karasa na daga ummi ina gurza kuka ina mata sannu ummi a cikin kuka itama din kukan take sharba a lokacin.
Tsawa baba ya daka min wai na raba su da ihu kada na tara mashi mutane a gida a dauka ko anyi mutuwa ne a gidan tun da safe haka.
Yaya Sani dan wurin Inna din ne mai dan dama a gidan mu yace a, a baba ai dole ne Safiya ta kuka irin wanan wullakancin haka a daki uwarta a gaban ta don basu da karfi kuma a hanata kuka ai cin zalun yayi yawa mana.
Ya juya gare ni yana fadin ke ba makaranta zaki ba maza kije ki shirya ki tafi kada ku makara bar su da Allah kowa ya zalunci wani Allah na gani ai don ba anan duniya zata tabbata ba ai.
Na dago kai nabi babana da kallo na sake kallon yaya sani din na juya nabi bayan ummi muka shiga daki.
Sai naji Inna na fadin kaikan sani anyi hasara wallahi yanzu akan kishiya da yan uba kake fafin wanan maganan haka to tunda kaji haushi sai kazo ka rama masu nasan ka isa wawa kawai wanda bai san ciwon kan shi ba.
Banji may ce da ita don rashin kunya a gidan mu ba sai na tsaya fadi ba ba abin kunya bane da yaci wa uwar shi mutunci a bainan jama, a.
Ina kokarin daukan dan tsunman jakan makaran ta ina goge hawaye ummi ke fadin kuyi hakkuri yar nan mu kuma namu rayun a haka yazo muna gidan nan Bahagon rayuwan Allah ya nufe mu da gani cikin su.
Yaya sani ne ya dago labulen dakin yana fadin ke Safiya miko min roban kunun naku naku nan ya dauke da katon roban da inna ta dama kunu a cikin sa gaba daya.
Uwar na daga wurin madafa tana fadin wai ko dan nan ka ka daya kuwa ko an hada dakaine an mallake min ban sani ba wai ?
Jikina na rawa na dauko roban dake gefe na mika mai ya raba kunun biyu ya juye muna a roban mu yana fadin maza ku sha ku tafi kada ku makara.
Da sauri na dauka na ciki na fara zubawa yan kanne na don ina gudun inna ta shigo ta hana mu sha kuma.
Har muka gama inna bata bar zagin Sani ba zagi irin wanda ba a son uwa taiwa diyan ta shi take faman zuba mashi.

********* ********* *********
Ko da muka shiga school ranan mun makara sosai nasha bulala na na wuce aji raina a bace ba don bugu ba sai dai abinda na bari a gidan mu na cin kashin da akewa mahaifiyan mu.
Don ni a iya sani na banga wani hslin rashi biyayyan da take nuna masu ba a gidan don ko aiki yai masu yawa watarana sai ta taya su idan kuma diyan su ko sune basu da lafiya zakace wani nata ne ba lafiya ta shiga sintiri gaida mashi ke nan a cikin su.
Ita ranan da duk wani yaron ta zai kwanta ciwo babu mai lekashi har ya ji sauki ya mike ba su gaida mutum.
Don Allah maijin kan bawan sa ne da wuya dan dakin mu ya kwanta ciwo a gidan mu sai can ba a rasa ba zakaji wani cikin mu ba lafiya.
Zan dai iya cewa ummin mu mace da bata da kyashi ko hassada kuma mu kan mu ta koya muna wanan akidar nata na matukar hakkuri tare da sanin ya kamata .
Ba don halin nan nata ba na irin rayuwan da kishiyoyi da miji suke mata a gidan na wullakanci amma daidai da rana daya bata mayar da martani irin wanda bai dace ba a kan su.
Ni na rasa may ke jawo wanan kiyayyan haka akan mu da uwar mu sai yanzu da wayo ya fara zo min ne na fahinci ba komai bane illa zalar kishi irin na macen bahaushe kawai.
Don ummin mu yarinya ce a cikin su kuma har yawan haihuwar da tayi bai sa kyaun ta da dirin ta ya gushe ba gare ta wanda su sauran sai dai kawai zaman rayuwa.
Zan iya cewa a gun mahaifiyan mu yan dakin mu maka kwaso dirin mu mazan mu da matan mu ba laifi uban mu ma dogo ne sai dai shi baki ne amma baya ga tsayin nashi komai na mahaifiyar mu muke debowa.
Daga hasken fata tsayin don itama tana dashi zuwa suma hanci da idanuwa manya masu fari kal dasu.
Don idan zagi ya tashi dashi matan gidan mu ke zagin mu ko yaushe sai suce damu shegu masu zubin uwar su.
Sai kaji guda ta karbe da cewa ba dole ba tunda tafi miji jaraba dama ai ance wanda yafi jaraba a wurin saduwa shi da ke biyowa a duniya.
Tun ban san kallaman ba har na fara fahintar ma anan shi idan sun fadi na turo baki ina maijin haushin kalamin su gare mu.
Ranan dai sunan naje makaran ta ne amma babu wani abinda na iya tsinanawa a karatuna na dawo gida da bacin rai na samu ummi ta dan gyagiji tana aiyukan ta a tsakar gida.
Uniform din kannena kwaso duk da tsofi ne amma bana taba barin su da dauda kullun na dawo sai na wanke muna su na sha idan sun bushe na buge nakai daki kafin mu wuce islamiya.
Do ba halin na barsu nazo na iske an masu ba daidai ba ko tukunya za a sauke dasu ake saukewa idan an tashi aiki in suna shanye a waje.
Mun gama shirin mu muka shirya zuwa islamiya mun fito ke nan yaya sani yana zaune a daban su na yan matasa yace dani ke Safiya zo nan.
Jiki na min bari na nufe shi sai naji yace dani kunci abinci nace eh yaya munci yace to ki saurareni kiji daga yau duk wanda kika ga zai daki ummin ki ki nemo sanda kema ki buga mashi ninace a mutu har liman.
Da sauri na dago kai ina mamakin kalamin shi yace eh don abin yai yawa daga magana sai duka irin haka itama Rabin na fada mata ta daina zama ana mata wanan cin fuskan tun bakuyi wayo ba har gashi kun tasa ana bu daya a gidan.
Yace baki ji may Nura ya fada bane kowa ma ai uwarshi ya sani don haka ninace ki rotsa mutum koma waye.
Yace maza ku tafi kada ku makara zance a gun yaya sani muka samu sauki dakin mu don yafi kowa zama tantiri a gidan mu.
Sai gashi kuma Allah ya dora mu a kan shi yana jin mu a gidan ko dan ladabin da muke mashi ne oho ?
Don zamu ganshi komai yawan abokan shi sai mun duka mun gaida shi idan kaya muka gani a hannun shi zamu karba a hannun shi mukai dakin su.
Shima idan yar dahuwar shi ya samo ni zai nema na dafa mai kuma ko ya bani bana karba nace ya bar shi, sai idan ya zare min ido zan karba naci ko na bawa kan ne na suci.
Tun wanan fadan da akayi gidsn mu ummin mu ta dan samu baki idan ana mata wanin abin cin fuska zata zage ta mayar da martani kamar yadda akai mata ba dadi din itama.
Abin dake ci mun rai shine irin yadda gamu da yawa a gidan mu amma kowa a ware yake ba mai hurda da wanin shi dan dama tsakanin yaran dakin mama dana Inna akwai dan shiri a tsakanin su.
Nice dai babu halin idan suna zaune ko suna wanin abin da ya shafe yara mata nace zanzo wurin yanzu zakaji sun fara hattarana.
Suna fadin ke kuma may kika zo yi nan munafuka kawai sai wata tace muguwa mai irin halin uwar ta kawai in ba gulma ba may kika zo saurare nan.
Dole zan bar wurin don zagi da hattara irin haka yasa ko suna abin su bana shiga shirgin su ina daki da ummi na ko ina wani aikin a waje sai dai abinka da yaro inayi ina sauraren su sai na manta na saka baki wata rana su kyale ni wata rana kuma nasha ba dadi garesu.
In kaji dariya na ko farin cikina muna tare da kanne na ko kuma na fita zuwa makaranta ne.
Idan baba ya shigo yaga bana cikin su yanzu zai fara fada dani wai ina tsabbare kaina a cikin yan uwana.
Sai kaji Inna tace mugun hali ya ci may idan batai hakan ba ko uwarta baka ganin komai nata a makidance takeyi shi don dai kawai duniya ta zage mu.
Ace muna gallaza mata ita da uwarta a gidan kasan mutum baida gadon ka amma yana da na maganan ka yanzu.
Sai kaji baba ya amsa da naga alama ai an koya mata halin tsiya ta iya itama.
To ba dole ba kullun suna daki ana mata hudubar tsiya a kai dabiar da ba zai amfane ka ba ko yau tana tsabbare sun hada kai da uwar ta a daki suna wance tayi min abu kaza don may bazata tashi da mugun hali ba kuwa ?
Abin yana ban mamaki don sai inga ai komai a baiyyane yake ai a gidan ni dai a iya sani wani fitina bai tasowa ace da Safiya a cikin sa.
Ko wani ya kawo kara daga waje yace ai Safiya tai mun wani abin suko ko yaushe cikin sallama mashi ake ana kawo karan su gun shi.
Sai dai abin mamaki wanan bai sa yayyena maza su kini ba a gidan namu don su basu matsa min kuma ba su yarda ai min sheri a gaban su yanzu zasu ce zasu daki yarinya idan tai masu tsiya tun dai yaya sani.
Kuma duk wanan abin idan sun dan samo kudin su gun Ummina zasu nufo dashi ta baye masu har ya kare.
Da haka har ummi ke dan samu tana basu shawaran abinda zasu yi wanda zai amfane su a rayuwan su, sai kuma iyayyen nasu suka koma cewa.
Wani sallon yaudara ne don ta raba su da yayan su ummi ta dauko sukai mata ahir da yaran su shikan yaya sani da ya samu labari tun a nan yau zaune tsakar gida yana fadin.
Oho wai ni za aiwa yau don a raba ni da mai taimaka min a dinga kwace min kudi to ban yarda ba babu wanda zai hanani bawa maman safiya a jiyan kudi na a gidan nan.
Ke mama da kike fadin haka ba nan Nura ya sayo akuya ba ku kai masa sheri aka sayar da akuyan akace mai ya bata.
Cikin tsawa mama tace dashi kai kada ka kawo min diban albarka idan kaje kayo shaye shayen kane kake son saukewa a kaina bazaka sha da dadi ba yanzu na saka yara na suyi maka tsinanen duka a gidan nan.
Wuf daya yayi ya yanko reshen darbejiyan dake baya gidan mu yana fadin yau naga shegen dan ki daya isa ya tabani a gidan nan idan ba a kwashi gawan shi ba shege nake.
Yau kuwa zan gwada maki halin mashayan da kika kira min aiko yai cikin su a kofan dakin ta da take tsaye da diyan ta a take suka watse.
Suna rige rigen shiga daki wani na ture wani daga kofan dakin wurin shiga dakin don yai masu mai ka uwa da wabi baki daya.
Ashe fadan bai kare ba sai ga Inna ta na cewa idan har yaron na yana shaye shaye ke ko diyan ki barayin kororo ne da karuwai, waye bai san abin da suke a gari ba har akuyan da kike fadin an sace dake da diyan ki kuka sace shi ai.
Nan fada ya kaure tsakanin ranan dai gidan mu babu dadi tonon asiri zalla suka dinga yiwa junan su har abin dake a boye saida kowa yaji shi gare su.
Baba na kasuwa dole aka kirashi shi yazo ya kashe wanan wutar fitinar da ya ruru a gidan don gaba daya yaya Sani ya haukace masu a gidan.
Iyakarmu kallo da saure sai washe gari da baba ya kira sulhu da safe kuma suka so su dora laifin gun ummi na mai farin jini a gare su.
A nan ma yaya Sani baiyi shiru ba yace may ye laifin ta a ciki kudi dai ne har gobe ko kaya ita zanbawa a jiya ni babu ruwa na da zancen kishin ku.
Dole inna tana ji tana gani suka saka mashi ido don ya riga da ya kangare ba mai iya lankwasa shi a halin yanzu.
Idan ya shigo gida har da gaiyya yake jan ummi na da hira a cewan shi haushin mama yake ji don itace ke kulla duk wani makirci a gidan.
Ita ko Inna bata tsayawa saurare sai ta hau ta zauna a kai daga baya kuma mama ta zamay jikin ta ta nuna bada ita akayi zancen ba ta bar Inna a ciki.
Mu dai a gun mu har gobe gaba dayan su a yan uwa muka dauke su ba mu banbanta a tsakanin mu dukkan su a yan uwa muke daukan su.
Sai dai su a gun su ba wani canji a gare mu dasu har gobe halin yana nan na yan ubanci da suke nuna muna a gidan.
Mun zama su shanun ware ko bare da suke kyankyamin mu daga cikin su suna bakin ciki su bude ido su ga dan dakin mu na wani abin ci gaban rayuwa yanzu sheri zai tashi a tsakani sai anga bayan abin an durkusa.



ZAINAB IDRIS MAKAWA
SEENABU
8/14/20, 7:10 PM - Ummi Tandama: BAHAGON, , , , , , , ,


🧕🏿3️⃣ 🧕🏿


FREE PAGE, , ,


SEENABU MAKAWA, , ,

NA ROKE KI DAN ALLAH DON SON MANZON RAHAMA IDAN DA ZUCIYA BIYU ZAKI SHIGO GROUP DIN KADA KI SHIGA DON ALLAH DON BAZAN YAFE MAKI BA WANDA KIKA TURAWA HAKKIN YANA AKAN KI YAR UWA DON ALLAH KI HAKKURI DA DAUKAN HAKKI AKAN NOVEL DON BA A YAFE BA ONLINE NOVEL NE KIN SANI BA PUBLISH NOVEL BANE DA KI KE FADI KIN BIYA NE DON ALLAH MU SAHIRCE WA JUNA AKAN HAKA YAR UWA KAN ABINDUNIYA DAFATAN ZAKI KU FAHINCE NI.


Yau alhamis bamu shiga islamiya don haka na ke son zuwa ziyara gidan yan uwan mahaifiyar mu dake a cikin gari.
Zaune nake ina kwaliya a kofan dakin mu yayin da mutane gidan mu ke ta aiyu kan su na yau da kullu a cikin su har da ummi na wacce ke wanke kofi.