You Cannot Download this book untill you login but you can read it .

---

Login Register

da jikinta yayi mugun sanyi wasu abubuwan da yake min ba akan idonsu bane shi yasa harta kwallafa rai a kansa, shi ya yarfa ka gaban mutane ba abu bane mai wuya a wajansa................





*KADUNA* POV



Nawwara tana gama abinda zata yi ta dannawa Halima kira ta waya, Halima dake zaune a babban parlon gidansu tare da Hjy Kharima Mahaifiyarta duk duniya Kharima Halima kad'ai ce d'iyarta shi yasa ta sangartata da yawa kuma ita ta reneta Babanta sun rabo da Kharima da tsiya ta karb'e d'iyarta, tunda baida wani k'arfi da tsiya ta amsu Halima wajanshi tasa Malamanta suka rufe mai baki bai iya cewa komai ba.



Da sauri Halima ta tashi tana cewa "kinga Momy Nawwara ke kira" da sauri Kharima ta ce "yi sauri ki d'auka inaga maganar auranku ce da Ramadan ta taso" ai da hanzari Halima ta d'au wayar tana sata a amsa kuwwa, bayan sun gaisa da Nawwara sai taba Hajiya inda Hajiya ke shaidama Halima tana so gobe zuwa jibi ta shirya tazo zasuje gidan Ramadan zata zab'i sashin da take so koda na Munnira ne idan dai har yayi mata, wani tsallan murna Halima ta saki tana cewa "insha Allahu tana nan shigowa zuwa jibi", da haka Halima ta katse wayar.


Kallon Mahaifiyarta tayi ganin yadda ta saki wani k'asaitaccan murmushi tana d'ora k'afa d'aya kan d'aya wata shegiyar dariya ta saki tana cewa "lallai Hajiya basirarki ta toshe tunda har kikayi tunanin had'a jini dani, d'an naki da kike tak'ama dashi, kike ikirarin wata ta mallake sa to yanzu ne za'a mallake sa da gasken-gaske ai naku wasa ne" tafawa sukai ita da Halima suna sakin shewa Halima ta ce "ai Momy sai nasa ma Hajiya hawan jini bana ruwa ba saina maida d'anta kamar d'an korena sai abinda nake so shi zaiyi kai saina basa umarni ma idan zaije wajanta" tafawa suka sake yi Kharima ta ce "Hajiya kin d'akko ruwan dafa kanki, shiri zamuyi babba gobe zamuje can dajin zango wajan wani boka aikinsa kamar yankan wuka tun kamin ki shiga gidan za'a gama dashi".


Nan suka zauna suna tsara yadda abun zai kasance.


Kamar yadda suka tsara tunda dugu-dugun safiya suka d'au hanyar zango sunyi tafiya mai nisan gaske sana suka fara kutsawa cikin jejin mai duhun gaske tun a bakin hanya suka aje motarsu da k'afa suka rink'a kutsawa cikin uban jijin kwata-kwata ba ko d'igon tsoro a tare dasu bare gajiyawa daka kalli yadda suke kutsa kai cikin uban duhun jejin zaka san sun saba zuwa dama, a yadda suke bin hanyar data mik'a cikin dajin, sai da sukai tafiya a k'alla takai ta minti talatin sana suka iso wani waje wadda fili ne ba alamar akwai wani rai wadda ke rayuwa a wajan, amma ga mamaki na wata bukka ce ta bayyana kamar k'iftawa da bismililla, dajin ne ya d'auke wata irin girgiza da wata irin mahaukaciyar dariya, sai wani irin gurnani dake fitowa daga cikin bukkar, tsabagen yadda guguwa ke tashi da wasu irin koke-koke yasa Kharima da Halima had'ewa waje d'aya suna zazzare ido, wata irin murya sukaji ta kewaye su mai cike da kauri da kaushi amonta ba dad'in ji tana rarrabuwa kashi-kashi, ana zayya ne musu duk abinda suke tafe dashi.




Danda nan Kharima ta ce "eh boka mai jan aiki uban la'anannu uban shaid'ano waya ce dake ba kai ba boka mai zamani mai tafiya da zamani" wata irin mahaukaciyar dariya aka kece da ita ana cewa "kware kuwa nine ubanku la'ananun Allah, ga wani magani nan gabanku ta tabbatar sai ta shiga cikin gidan a matsayi mata, ta tabbatar duk wani abun shanshi ko na wanka tana sa wannan maganin a ciki, sai wani d'aurin gashi nan shi kuma ta tabbatar sai idan zai sadu da ita zata sashi a gabanta, ta tabbatar tayi aikin yadda akace idan ba haka ba k'aik'ayi ne zai koma kan mashek'iya, ku aje kud'in ku b'ace min daga gani".



Ai da sauri suka aje mai damen kud'i suka d'au maganin da kawai sai dai suka ganshi a gabansu, suka kama hanyar barin jejin cike da murna da samun cikar burinsu................✍️






ZAHRA ROYAL STAR CE



SHARE FISABILILLAHI🥰🙏



*👩‍❤️‍👨💞 WAYAFI K'AUNATA 👩‍❤️‍👨💞*
(Love Story)




PAID BOOK #500






MALLAKIN
*©ZAHRA ROYAL STAR*





*Littafin kud'i ne wadda ya shirya yin tafiyar dashi zai iya turo kud'insa, ko katin MTN ko hoton katin saika turo shaidar biya #500 ne kacal*




8130479973
*FATIMA RABI'U OPAY BANKA*




Zaka turo shaidar biyanka ko hoton katin ta wannan number d'in,
(08130479973.08035023054)





*from this PAGE's freebies are over guys, hurry up and pay for your trip*



*END OF FREE PAGE'S*


Free Page 9-10



بسم الله الرحمن الرحيم العالم




A kwana a tashi har candy mu ya matso sosai, inda y'an gidanmu nata shirye-shiryen gama makaranta.

Muna gaf mu gama yin candy Ummah tazo gari ba k'aramar murna nayi ba da zuwanta, inda ina mak'ale jikinta, muna zaune can saita kalle Iya ta ce "Iya dama nazo ne domin na tafi da Maryam can inda nake aure domin ta cigaba da karatun ta" shuru Iya tayi tana kallo na yadda nima jikina yayi mugun sanyi duk da murnar dake cina hakan baisa na fasa yin fargaba ba, saboda tuno maganar mu da mukai da Iya.


Iya ta gyara zama itama cike da farin ciki ta ce "Umman Maryam nima gaskiya zanso haka amma ki bari magabatan ta suzo tukun kinsan nima ban isa yanke hukunci a kanta ba".


Tun daga nan Umma ta ta d'an bari zuwa kwana biyu taji mi ake ciki, sai dai amma kwatsam sai muku tsinto maganar Kawu Mamman wai zancen aurar damu ake miye na sai na wuce karatu, gaba d'ayanmu suke shirin aurar damu, ba wata maganar wucewa karatu, wai d'an-d'an Hakimin garin mu shine yake son aure na, sosai na shiga tashin hankali tunda bansan dashi ba, kuka kawai nake kwana biyun nan sosai nayi bak'in cikin hakan amma babu yadda na iya dan Ummata tana gaf tafiya ta ce bazata iya zama tana ganina cikin damuwa ba, zaune nake akan cinyarta ina kuka d'agoni tayi tana cewa "Maryama kalle ni nan" d'agowa nayi ina kallonta idona cike tab da hawaye ta ce "nasan Kakarki ta baki tarbiyya yadda ya kamata banyi nadamar barinki a wajansu ba, kuma dama sunfi ni iko dake, naji za'a kira ki domin tabbayarki, Maryam karki cuci kanki ki fito ki sanar dasu idan baki son wannan yaron d'an gidan Hakimi, ina Yayanki Hafiz mi yasa bazaki zab'e shi ba?, na tabbatar zai kula min dake, shawara na baki a matsayi na na mahaifiyarki nasan kuna da jituwa dashi Yayanki Hafiz na tabbata shima yana sonki, tunda nazo gidan nan na lura hankalinsa shima ba kwance yake ba saboda yaji labarin anzo neman auranki, ya kasa fad'a ma manya ne saboda uwarsa tayi mai mugun gargad'i a kanki, amma ai ba a nan gidan zaku zauna ba, again ba a kanta zaku zauna ba, karki duba rashin jituwar ku da ita ki cuci kanki ki fito fili ki fad'a masu abinda kike so dan sunce baza su yi miki auran dole ba, kina jina?", tashi nayi a jikinta ina share hawaye tabbas naji dad'in maganarta, ko banza Ya Hafiz yafi min wannan D'an gidan Hakimin gara na auri Ya Hafiz duk da bana jin sonshi shima a raina kwata-kwata.



Amsa mata nayi da "insha Allah Ummah zanyi anfani da abinda kika ce" tunda daga nan Ummah ta wuce birni inda take aure bayan tafiyarta da kwana biyu, ashe shima Ya Abbas nata shirye-shiryen tafiya k'aro karatu k'asar waje inda school d'in su da yake karatu an zab'esa cikin masu zuwa k'asar waje dan cigaban karatun su, dama yana karantar likita ne ta b'angaran mata ta b'angaran lalurar su.



Shima Ya Hafiz ashe ya kasa hakuri sosai yake ta rokon alfarma gurin Iyayenmu maza dan ganin sun amince masa da kudirin aurena, har lokacin ina cikin matsananciyar damuwa har yanzu bazan ce bana son Ya Hafiz ba, sai dai shid'in bai damu da rayuwar birni ba, duk da cewa shid'in kyakkyawa ne kamarsu d'aya da Ya Abbas amma Ya Abbas yafi shi komai nesa ba kusa ba, kuma ko a nan cikin garin namu shid'in dan gayo ne wayayye, sai dai shifa ba ruwansa da harkar birni shine kawai matsalar sa, Kawu Iro da Kawu Mamman sune suka kirani domin tabbaya ta fisabilillahi ina son Hamza d'an gidan Hakimi dan basa so suyi min dole.



A can gefenmu ashe Ya Hafiz na kusa na hango shi ya jingina da bango yana kallo na wani irin kalar tausayi ya bani, da sauri na girgiza kaina ina cewa "ni gaskiya Ya Hafiz nake so", da sauri Kawu Mamman ya ce "kin tabbata?", kai kawai na iya d'agawa san nan na duk'ar da kaina k'asa, shuru sukayi kafin su ce "na tashi na tafi kawai".

Tashi nayi jikina a sanyaye ina hangen Ya Hafiz dake sujjada ta godiya ga Allah ina hangen fuskarsa cike take da tsananin farin ciki, ji yake kamar ya goya ni dan murna sai jifa na yake da wani shu'umin kallo harna b'acewa ganinsa.



Bayan kwana biyu Inna Rabi da taji irin had'in da akai da yaranta inda Hajara ita da saurayinta, ita ko Zeena da Hashim d'an abokin Kawu Iro sai kuma Sa'ida da Hamza d'an gidan Hakimi ni ko tare da Ya Hafiz duk muna murna da hakan, bare ni bazan ce bana so ba, ba kuma zance bana ra'ayi ba, duk dai Sa'ida taso Ya Abbas amma ba yadda ta iya ta hak'ura.



Inda Inna Rabi ta tasa Kawu Iro gaba da masifa danmi za'ayi irin wannan had'in masifa take tana cewa "ni gaskiya an cuce ni ba'a kyauta min ba danmi za'a had'a Hafiz da waccar yarinyar mai bak'in jini" tashi yayi kanta rantsa ya d'an fara b'ace ya ce "koke keda ikon aurar dasu, idan kin isa sai ki suke auran na gani" tashi tayi itama a zuciye tana banbamin masifa tana cewa "ai dole ka ce haka mana saboda an tab'a y'ar so, kuma wallahi indai na isa da Hafiz bazai aure wannan yarinyar ba bazata sab'o ba wallahi bazan yarda ba a maida min yaro yadda aka ga dama ba a maida min shi kamar wani lusari, waye bai san uwar wannan yarinyar ba sadda take aure a nan gidan, sai da ta maida Yayan naku kamar wani bawanta", wata irin tsawa ya buga mata idonsa ya kad'a yayi jawur, ita kanta sai da ta firgita ganin yadda mijin nata ransa yayi mugun b'ace ba shiri ta rufe bakinta cike da b'acin ran dake taso mai ya ce "wallahi Rabi kika sake kika tada zancan nan wajan Hafiz ko kikai mai maganar ya fasa auran nan to kema a bakin auranki.............






*KADUNA* POV





Zaune Munnira take tun jiya gabanta yake wata irin mahaukaciyar bugawa tun tana daurewa har wasu irin hawaye suka sami nasarar zubo mata wadda bata shirya zubowarsu ba, tashi tayi ta shiga d'aki, domin Ramdan ya fita zuwa wajan aiki d'akko wayar tayi ta dawo ta zauna Yayarta ta kira mai suna Hafsa wadda suke uwa d'aya uba d'aya su kad'ai suka rage ma junan su, iyayansu sun rasu tun suna y'an yara, itama Hafsar tana aure ne a Kadunar amma ita tana auran wani d'an siyasa ne mai kud'i, suna matuk'ar son junansu.



Bayan ta d'au wayar jin an d'auka ta sauke ajiyar zuciya can cikin wayar Hafsa jin kamar y'ar uwar tata tana cikin damuwa yasa ta ce "Munnira lafiya kuwa?, na jiki kamar ma kuka kike miye yake faruwa ne?" Munnira kam bata san sadda ta fashe da kuka ba, dama damuwar ta mata yawa, ta rasa wadda zata fad'awa ta samu sauk'i a zuciyarta abinda yasa bata yawan kai kukanta wajan y'ar uwarta indai tana cikin damuwa to itama ba k'aramar damuwa take shiga ba, cike da tashin hankali Hafsa ta ce "wai miye yake faruwa ne?, Munnira karki sa na wanko k'afata yanzu nazo gidan naki minene yake faruwa ne dan Allah?", share hawayen tayi tana girgiza kai kamar tana gabanta tana cewa "a'a ba sai kinzo ba amma Hafsa zuciyata ta kasa samun natsuwa akan wannan auran da Ramadan danginsa suke so yayi, wallahi Hafsa zuciyata bugawa take" cike da tausayin y'ar uwar tata tasan kishiya a yi maka ita da ciwo bare ita danginsa basa sonta wacce suke so ita za'a auro, cike da sanyin murya da son kwantar mata da hankali ta ce "ki kwantar da hankalinki dan Allah ki daina sa damuwa a ranki idan kika ji irin haka ki rink'a mai-maita Innalillahi wa'inna ilarhir raju'un, sana Munnira ki rink'a karanta Alqur'ani mai girma ki yawaita yin azzakar, insha Allahu koda da niyyar cutar dake ta shigo Allah bazai tab'a bata ikon hakan ba", sosai Munnira taji zuciyarta tayi sanyi.


Inda Hafsa ta ce zata shigo gidan zuwa gobe su k'ara tattaunawa, da haka sukai sallama.


Tana nan zaune kawai taji tsayuwar motoci a cikin harabar gidan nata ba shiri yadda zuciyarta ta buga ta tashi ta lek'a ta wundo, ganin masu fitowa a cikin motocin yasa ta d'an zare ido, da sauri ta zawo hijabinta ta sa tana cewa "to mi ya kawo Hajiyar Ramadan da Yayarsa guda d'aya Nawwara?," ta tabbayi kanta, can kuma saita tuno ai dama sunce zasu zo, addu'a take Allah yasa su gama abinda suke su tafi karma su shigo cikin sashinta dan taga sun shiga d'ayan sashin wadda tasan nanne amaryar zata tare bayan anyi auran.



Tana cikin tunani taji an banko k'ofar parlon, da sauri ta waiga tana kallon su yadda suke bin parlon da kallo yasa cike da fara'a ta ce "Hajiya ku shigo ina wuni" ta idasa maganar tana kaiwa har k'asa tana gaishe da Hajiya dake binta da hararara da kallon wulak'anci, Halima ce dake cin chingum tana bin ko ina na parlon da kallo tana jefama Munnira wani matsiyacin kallo ta juyo wajan Hajiya tana cewa "dama Hajiya wannan kucakar ce matar My Man ai na zata zanzo na tadda wata uwar mata a yadda kuke ikirarin wai ta mallake sa a hakan", ta idasa maganar tana nuna Munnira, tafawa sukai ita da Nawwara ta ce "hmm kema kin gani dai ya rasa uban mi yake ci tare da wannan tsohowar guzumar matar tasa kullum suna mak'ale da juna" wani irin taku Halima tayi tana matsowa kusa da Munnira tada dake tana kallonsu bak'in ciki ya cika zuciyarta amma ta dake tana son kawar da fushinta, ko kad'an idan ka kalli fuskarta baza ka ce abinda suke fad'a game da ita ya bata haushi ba, Halima dake kallonta cike da tsana da hassada saboda taga ta fita ta ko ina kyanne kyan jiki da diri da komai kawai ta fad'i hakan ne danta bak'anta mata rai sai dai tana kalli fuskarta sai taga sab'anin haka dan kuwa fuskar Munnira wani kalar annuri ma ke fita da kwarjini, ta bud'e baki ta ce "ai daga yanzu a shirya dan ba mutum shi kad'ai keda shi ba, kuma idan banda jaraba ta d'a namiji ina wani abun so da abun mak'alewa a nan", shuru Munnira tayi dan tasan shine alkhairi baza ta so tayi cece kuce a gaban sirikarta ba kuma tun kamin ma ta shigo tsayawa fad'a tana fad'a kamar zubar da mutumci ne da kima.




Shurun da tayi kuwa ba k'aramar shak'a sukai ba ta maida su mahaukata kenan cike da isa Hajiya ta zauna kujera tana d'ora k'afa d'aya kan d'aya tana nunama Halima gidan ta ce "fatan dai wancan sashin yayi miki idan ma baiyi miki ba, wannan ne yayi miki zata iya kwashe kwamutsanta ta baki waje mai gurin yazo mai tabarma ai dole ya nad'e" wata dariya Halima ta saki ta jin dad'i ta ce "ai Hajiya nafi k'arfin na zauna a inda ta zauna sabon waje yayi min ina ni ina zaunawa inda ta tashi ai nafi k'arfin haka Hajiya tayi zamanta dama bakiga wajan ba duk an maida shi wani iri" Hajiya data gyara zama ta kai dubanta wajan Munnira dake tsaye ko ci kanku bata ce ba, wani banzan kallo ta watsa mata tana cewa "da alama gidanku basu iya tarbar bak'i ba ko?, kinga mutane bazaki basu abin tab'awa ba kin wani tsaya kin tsare mutane da idonki irin na munafukan farko, nazo gidan d'ana amma ko arzik'in ruwa bazan samu nasha ba, saboda baki da mutumci dama marar tarbiyya ce ke", sosai taji maganar Hajiya ta b'ata mata rai amma saita d'an k'ak'aro murmushin k'arfin hali ta ce "a'a Hajiya ba haka bane baku zauna bane na gani, kunata wasu maganganu ne wadda bai shafe ni ba, bari nayi wai ku gama idan kuka zauna saina gabatar muku da abun motsa baki" cike da mamaki suke dubanta au yanzu duk maganar nan da suka yab'a mata bata dameta ba, kam uban nan kayyasa kai rik'e baki Nawwara tayi, Halima kuwa sakin baki tayi tana duban Munnira dake shigewa kitchen, harta kawo masu ruwa da lemo suna tsaye cike da mamakinta.


Hajiya dake zaune ta cika tayi fam ai gani take kamar gayamata magana Munnira tayi, ai kuwa Halima data harbo jirgin Hajiya ta bud'e baki domin k'ara zuga tana d'aukar robar ruwa ta zuk'a tana watsa ma Munnira shi a fuska, ta ce "ai wannan maganar da tayi Hajiya gaya miki magana kawai tayi wallahi" runtse idonta Munnira tayi tana jin ciwon watsa mata ruwa da Halima tayi, Halima dake kallonta ta sake cewa "ke har kina da abunda zaki bamu mu ci?, saura muma a gama damu komi kike nufi?", Munnira dake shirrin yin magana suka ji wani irin k'arar mari tasssss tassss mai azabar k'arfe k'arar mari ta mamaye parlon su duka har rige-rigen dubawa suke waye aka zafga ma mari haka..........✍️






*To laifin dad'i aka ce k'arewa, Jama'a nima zanso inji waye aka zafga ma mari haka, mu had'u a PAID BOOK akwai k'ura fa, shin yaya rayuwar Maryam zata kasance a gidan Ya Hafiz ne?' shi kuma Ya Abbas wai miye yake nufi ne da Maryam?, akwai cakwakiya a wanga littafi, ta b'angaran su Munnira ma fa yanzu wasan zai fara yanzu aka soma tafiyar*......




ZAHRA ROYAL STAR CE



SHARE FISABILILLAHI🥰🙏

An dauko wannan littafi daga shafin https://taskarnovels.com.ng ku ziyarci shafin na https://taskarnovels.com.ng domin samun kayatattun littatafan hausa kama daga kan na yake yake dana soyayya




Marubuci ko marubuciya zasu iya turo mana da littatafansu mu dora masu a shafinmu kyauta don masoyansu su rika Downloading a online,



Sannan marubuta zasu iya turo mana da tarihin rahuwarsu da tarihin rubutunsu, dama sharhin littatafansu don masoyansu su gani kuma su karu da hakan

Domin turo mana da littafi ko tarihin rayuwar marubuci ko marubuciya sai ayi mana magana ta whatssap da wannan nambar +2348140419490



A lura dakyau - kyauta muke saka littafi a shafinmu bama amsan ko sisin marubuci, duk wanda ya amshi kudinku da sunanmu babu ruwanmu,



Alura dakyau - manazarta bama tura littafi ta private ku dena binmu private kuna neman mu tura maku littafi, duk mai bukatar littafi yaje website namu



Alura da kyau - Littatfanmu suna fitowa cikin manhajoji uku ne PDF,TXT da DOC amman munfi amfani da PDF da TXT masu amfani da wayar android ko tablet ko computer zai fi kyau ku riga dauko PDF da DOC



Masu amfani da kananan wayoyi java ko mara java TXT zakuna zaba don shine daidai wayarku


This hausa novel was uploaded and downloaded from https://taskarnovels.com.ng

You can download more hausa novels there

Also you can send us your novel to upload it in our website for your fans to download it online

It is free we do not charge for uploading novel

Also if you are an Author be it online or Non online you can send us your biography including your book summary,commentary and others via this number +2348140419490 its free we do not charge for our services



Note that - we do not charge for our services we uploaded novels and posted biography free, any person that collect your money in our name is your fault do not blame us



Note that - pls readers stop calling us and be asking us to send you a novels we are not sending novels through whatssap or private our novels is public at any day, any time you can visits our site and download it



Note that - our ebooks came as PDF,TXT or DOC format but the popular format are PDF or TXT, those with android or tablet or pc we suggest you to download PDF or DOC
those with java phone or non-java phone we recommend you to download TXT



This Novel is downloaded from https://taskarnovels.com.ng
to download more hausa novels visits our site at www.taskarnovels.com.ng

For feedback and support

Facebook : https://facebook.com/taskarnovels

Twitter : https://twitter.com/taskarnovels

Telegram : https://t.me/taskarnovels