You Cannot Download this book untill you login but you can read it .

---

Login Register

na tsokano Abun gidan Bawa me jakai,tace sai mun had'u a makaranta zata ci ubana,kuma me tare mini ba lafiya in ba so kike tayi k'uli k'ulin Kubra da ni ba." Ba yadda Fad'ime ta iya haka ta bar Bulki ta juya gida ita kuma ta nufi makarantar bokon nasu da ke da d'an tazara sosai da su,ajinsu uku a yanzu,kuma ajinsu d'aya duka su ukun,k'awaye ne tun daga yarinta,Bulki tsinanniyar tsokana ce da ita wacce ta dame ta Rahin ta shanye ga tsoro fal ciki,idan tayo tsokanar Rahin ke uwa ke makarb'iya,ita Rahin fitina tafi yawa a cikinta,Fad'ime ce me sanyin hali kawai a cikinsu anman itama idan ana fad'a da d'aya a cikinsu haka zata zage ayi da ita duk da ba ta kasance me son fad'a ba.


Bayan sallar la'asar Baba Malam（Mahaifin Madu,Rahina ce ta rad'a masa Baba Malam,dama Malam d'in ake kiransa,Innarta ce me ce masa Baba ita kuma sai ta had'e duka biyun take cewa Baba Malam）yayi sallama cikin gidan,Inna na jin sallamarsa ta fito da hanzari rik'e da tabarma ta shimfid'a masa a gurin da yakan zama a duk sailin da ya kawo musu ziyara,sannu take ta jera mishi har ya cire takalmansa ya nemi guri ya zauna da bismillah a bakinsa,yayin da Inna ta juya ta d'ebo masa ruwan randarta me sanyi a kofin silba ta kawo ta ajiye a gabansa kana ta durk'usa har k'asa ta gaisheshi ya amsa cike da kulawa da soyayya kana yace. "Hala uwata ba ta gidan nan？" "Taje nan gidan Hari ta anso awara,jiya da zazzab'i ta kwana ta kasa cin abinci,shine na bata hansin ta anso awara da kunu ko zata iya ci." "Haba ko da naji,tun da naga ba azo tarb'ata ba nasan ba ta nan,Ayya ashe ba taji dad'i ba？shiyasa Gwaggo （Matarsa da ya aura bayan rasuwar Inna Halima）tace mini yau ba ta biyo daga makaranta ba."
"Wallahi kuwa,anman dai da d'an sauk'i."
A dai dai nan Inna Hajara ta fito suka gaisa da Malam,ya amsa mata cikin kulawa had'e da tambayarta yara,sai ga Rahin ta shigo da hanzari ta k'araso gurin Malam ta kwanta a jikinsa had'e da fad'in. "Baba Malam" "Uhmmm,Uwata,ya jikin naki？" Ya fad'a yana shafa wuyanta yaji babu zafi. "Naji sauk'i Baba Malam." "To maza gyara zamanki ga gurasa da nama na kawo miki,har da fura." Baki ta washe cike da farin ciki ta gyara zamanta Inna ta d'auko kofi ta juye mata furar a ciki bisa Umarnin Malam,shi kuma ya bud'e mata ledar nama da gurasar ta hau danna lauma kamar ba mara lafiya ba,ta ma manta da ledar awara da kunun da ta ajiye a gefenta saboda taga masoyinta nama,Sale da Mubrak da Kabiru ne suka shigo,suka tisa Rahin d'in a gaba da kallo,Mallam ya d'ad'd'auka ya basu kafin Inna Hajara ta fito ta korasu d'aki tana zaginsu,ko d'aga kai Malam baiyi ya kalleta ba sai hirar su da suke ta yi da Inna Rahin na kora furarta bayan ta gama cin naman.
"Ina sonka Baba Malam,ina jin sonka sama da na Baba,ni dama kaine ka haifeni wallahi." Ta fad'i hakan bil hak'k'i da gaskiya har cikin ZUCIYARTA "Nima ina sonki Uwata sosai da sosai,Allah Ubangiji ya nuna mini auranki anan za'a ga soyayya." Rufe idanuwanta tayi alamun jin kunya kafin tace.
"Ai Inna tace ba za tamin aure da wuri kamar Yaya Halima ba sai nayi karatu sosai." Tana kai k'arshen maganarta Baba da Idi da Kabiru suka shigo,sun dawo daga gona,jin muryar Baban yana sallama su sale suka fito suna masa oyoyo yayin da Rahin ma ta shiga ayarin 'yan masa oyo yo anman haka ya tureta daga jikinsa alamun ba ya so tazo kusa da shi,gurin Malam ya nufa ya durk'usa yana gaisheshi,yayin da ya amsa masa a sake,kafin suka d'an tattauna game da aikin gona.

"Malam, 'yan bindiga fa sun kuma kawo hari k'auyen dake kusa da mu,kuma ana rad'e rad'en k'auyen nan zasu kawowa hari na gaba shiyasa nake k'ara rok'anka dan Allah mu tattara mu koma birni."
"Tun tuni na gaya maka,babu abinda zai saka na bar mahaifata,kuma kaima ban aminta ka bar garin nan ba sai dai idan har bana numfashi,ka saka a ranka duk wanda kaga ya mutu lokacinsa ne yayi."
Jinjina kai kawai Baba yayi,anman Allah na gani k'auyen gaba d'aya ya fita a kansa kawai dai dan ba yadda zaiyi da mahaifin nasa ne.
"Hajara kuje d'aki ke da yara zamui magana." Cewar Malam kafin ya kalli Rahina ma yace. "Uwata kema jeki d'aki kici gaba da shan furarki." Ran Inna Hajara babu dad'i ta shige d'aki yaran suka bi bayanta,dama dawowar Baba ce ta saka ta fitowa bacin haka tasan Mallam d'in ba ya maraba da ita ko kad'an. （A cewarta ba）

"Ahmadu ....



09037093702
[9/18, 2:59 PM] Mtn Number: BEBE'ARTH

2023

Wattpad@Rashuna
Mama Jiddah
Heenah
Silar soyayya
Masoya
Rabee'ah
Babbar Cuta
Muguwar surika
K'addarar Rayuwarmu
Cikin Duniyarmu500
Katanga500
Cin Amana500
Wadjda500
Halittar ZUciya500
Compleet guda hud'unnan ga masu buk'ata zan iya baku a 1500 da kuma samun damar karanta HALITTAR ZUCIYA KTAUTA.
Ban yadda a juya mini littafaina ko wata siga ba,duk wanda yaci da gumina idan ban gani ba Allah yana gani.


HALITTAR
ZUCIYA

（4）
Malam ya kira sunansa,ya amsa yana me bawa Malam d'in dukkanin nutsiwarsa,dan da dukkan alamu magana ce zai masa mai muhimmanci,baiyi mamakin ganin bai cewa Inna ta bashi guri ba dan yasan akwai sirrikan Malan d'in da Innar ta sani wanda ko shi da ya haifa bai sansu ba.
"Wanene ni a gurinka." Malam ya jefo masa tambayar nan sai da ya numfasa kafin yace. "Mahaifina ne kai." "To a mtsayina na mahaifinka yau ina k'ara jaddada maka akan abinda muka sanar da kai ni da mahaifiyarka,ko bayan raina ka rabu da Mariya ko ka wulak'anta ta ban yafe maka ba,ina sane da har yau akwai nauyikan da baka sauke mata wannan kuma Allah ne zai tambayeka dalili,dan wallahi dalilinka ba dalili ba ne jahilci ne da jayayya da Ubangin,domin kuwa shine ya halicci ko wani jinsi,kuma shine nan ya bawa Mariya kyautar 'ya'ya matan da kake gudu ya kuma bawa Hajara mazan da kake so saboda haka yaso kuma haka yaga dama dukkaninsu ba zab'insu ba ne ba kuma son ransu ya zab'aba,sai dai dan hakan yayi niya kuma kyautar da yaga damar basu kenan.Bari na sanar da kai abinda baka sani ba,sanda Allah ya bamu cikinka fata muka dinga yi Allah yasa mace ce,anman da aka haifeka kazo a namiji haka muka nuna maka so da gata duk kwa tsanani da son da mukai na mace bai hana mun nuna maka k'auna ba,kuma daga kanka Innarka ba ta sake haihuwa ba har Allah ya bamu kyautar Mariya.
Dan haka abinda kake a tak'aice sunanshi jahilci,idan zaka gyara ka gyara dan wallahi abu d'aya nake jiye maka ranar da ZUCIYAR RAHEENA zata fara tsanarka,in bakai wasa ba kuwa sai kazo kana zub da hawayen ta soka wata rana a lokacin kuma bata da ikon yin hakan.Banga abin tsana a mace ba.Mahaifiyarka mace ce,kowa da ka gani a duniya silar zuwansa macece,idan ba macen za'a haifa ma mazan da kake so ne？
Mace na nufin k'warin guiwa.
Idan ba mace ba hayayyafa.
Idan ba mace ba rayuwar halitta.
Idan ba mace ba Zubin halitta.
Idan ba mace ba d'orewar gobe.
Idan ba mace babu ahali.
Idan ba mace babu gudanar da rayuwa.
Idan ba mace babu samun nutsuwar rayuwa.
idan ba mace ba ni'imar rayuwa.
Mace abar a tausayawa ce ba abar tsangwama da kyara ba. Idan maganganuna sun hankaltar da kai ruwanka,duk da ba yau na fara ba,idan kaci gaba da nunawa Raheena tsangwama da kyara ruwanka Allah yana gani."

Daga haka ya mik'e sukai sallama da Inna ya fice yabar Baba a durk'ushe ko karatun Malam ya shige shi？
（To wa ya sani sai mun bishi munji tukunna. ）


Washe gari RAHENA ragas ta tashi,dan haka da su Bulki suka biyo mata makaranta a shirye suka tarar da ita,suna zuwa suka rankaya suka tafi Bulki rik'e da jakar Rahin d'in dan ita ke d'aukar mata ba kuma ta isa tace ta gaji baza ta d'auka ba.
"Rahin nima jiya fa banje makarantar ba Abun gidan Bawa me jakai na tsokana a burtsatse shekaran jiya shine na gudu tace sai a makaranta zata kama ni taci ubana."
"Me yasa ba ki gaya mata ubanki yayi mata kad'an ba sai dai taci Bawa me jakai dan shine dai dai da ita."
"Bari nayi sai yau ma gaya mata."
A dai dai nan suka shiga cikin ajinsu,Salima ce dake mugun son k'awance da Rahin ta taso ta tareta had'e da fad'in.
"Allah yasa kin tahon da wainar Inna ？"
"Na dai tawo da ita,idan an fita break in zamu ci sai na kirawoki ." "Me yasa jiya ba kizo ba？na tambayi Fad'ime ba ta kulani ba ." Dan haushinta suke ji yadda take likewa Rahinan ta k'arfin tsiya,yanzun ma tsaki sukai suka wucesu.
"Ban ji dad'i ba ne,nayi fama da zazzab'i."
"Ayya,Allah ya sawak'e,idan an fita break d'in sai mu fita tare yai d'ari Innata ta bani "
Washe baki Rahin tayi had'e da farin ciki,a ranta tana b'uyarwa su Bulki zasui wainar ma yau baza taci tare da su ba.
Bayan tashinsu daga makaranta ansha dambe tsakanin Abur wacce Bulki ta tsokano da Rahin,har sai da Rahin tayi mata k'ululu a goshi aikwa tayi rantsuwar baza ta yadda ba washe gari sai takai k'ara gurin Headmastee d'insu dan ba ma za ta kaiwa Innarsu k'arar ba da iyakacinta tace tayi hak'uri.


A k'aida kullum aka tashesu daga makaranta sai ta biya ta gidan Ya Halima,a k'ofar gidan suke rabuwa da su Bulki,su huce ita ta shiga ciki,to yauma hakance ta kasance,da gudu ta manna tayi cikin gidan kawa wacce aka biyo a guje,da ta daki wata buta dake babban tsakar gidan ba ta sauka a ko ina ba sai a gadon bayan Innar Audu （Surukar Halima）da ta tsuguna tana hura hutar iccen da ke ta bata wuya,a fusace ta d'ago dan ganin wanda ya jefo mata butar sukai ido hud'u da Rahin tana shishshigar da ido ciki sai kuma tayi murmushi ta bagarar kafin tace.
"Innar Audu me kike dafa mana ne." Dan haushi da takaici ba ta san sanda bakinta ya bata amsa da "Innarki Mariya nake dafa muku,dan tsabar rashin kunya ki jefon buta,sannan ki tsareni da k'ananun idanuwanki kina tambayata me nake dafa muku,to uwarki Mariya na had'a da yayarki Halima nake dafawa."
Turo baki gaba tayi kafin k'asa k'asa tace."Wannan mitsitsiyar tukunyar taki ai tawa Innata kad'an sai dai wannan tsililin mijin naki me kama da sandar rake,dan shi kam cif tukunyar zata amsheshi har da sarari" "Me kike cewa？" Innar Audu ta tambaya dan ganni bakinta yana motsi,sai kwa Rahin cewa tayi. "Ca nayi da kwa kin samu tsoka ba kamar k'yamushashen mijinki ba da motsatstsiyar Zuwairarki "（Itace Autar Innar daga Audu sai ita）
A harzuk'e Innar Audu ta d'auki muciya tayi kanta,da ta manna a guje tayi sashen Halima.
Halima kuwa tana can da d'an Audunta,fad'a suka yi da faccalarta ta mata gorin haihuwa shine take ta kuka shi kwa ya saka kayarsa a d'aki yace yau ba inda zashi sai sunyi cikin a yau yau d'innan.（To Malam Audu zafin nema ai baya kawo samu da yana kawo wa da mutane da yawa ba su jiggata ba,samu da rashi duka na Allah,Allah ka bamu zuri'a tsarkakakkiya.）
Jin yadda aka banko k'ofarsu aka shigo da mugun gudu yasa Audu hantsilawa gefen gadon yana k'ok'arin shigewa k'ark'ashin gadon,Halima kuwa cikin sif take k'ok'arin shigewa tsabar razana da kad'uwar da sukai babu wanda ya tsaya suturta jikinsa,duk a tunaninsu 'yan bindigar da aka ce suna harin k'auyansu ne suka shigo,a tsakar gidan ta tsaya tana rarraba idanu ,dan Inna ta hana ta afkawa mutane d'aki kai tsaye.
"Yaya Halima" Ta shiga rattaba mata kira,jin muryar Rahina yasa Halima sauke ajiyar zuciya da fasa shiga cikin sif din da take ta k'ok'arin yi,zani ta janyo ta d'aura,tana kallo Audu ma ya ja rigarsa yana maidawa,kallon Rahinan take cike da takaici kafin ta hauta da fad'an shigowa a gujen da tayi,sai cewa tayi." To ba Innar Audu ce ta biyoni da muciya ba" "Hala b'arnar da kika saba yi mata kikai mata？" "To ba ita bace daga tambayarta me take dafa mana tace Inna da ke take dafawa ba shine nace..." Saurin katseta Halima tayi,sanin cewar Audu yana jinsu,kuma tasan ba abu me dad'i Rahinan zata fad'a ba.

Fitowa Audun yayi yana.
"Kaga k'anwar matas,tafi matas kyau,duk da ba haka naso ba,amman haka dai nake maleji,dama can rufa ido aka mini"
Wani dad'i ne ya kasheta dan daga Baba Malam sai Innarta sai Audun ne kawai suke cewa tafi Halima kyahu,kowa sai dai kiji yace Halima ta fita kyau, Inna kwa cewa take a jira aga girman Rahinan tata musamman idan ta nutsu guri d'aya.

"Allah ya bar mini Yaya Auduna,anman da ni zaka tafi Habujar ko？"

"Ai k'afata k'afarki matas,dole naje da ke na sanya ki a makaranta mai kyau da inganci,Allah dai yasa Inna ta bamu ke."

Wani ihu da tsalle ta daka tana murna kafin tace.
"Zata baku mana,ai Inna tana so nayi karatu sosai,tace baza tamin aure da wuri kamar Yaya Halima ba."
"To ya zaki da saurayinki Tanimu？" Ya fad'a cike da tsokana. "
Cif wa zai auri wannan k'azamin gaja da shi？ Nidai na tafi gayawa Inna da ni za'a Habuja."
Ba ta jirayi cewarsu ba ta manna a guje,tayi ball da tukunyar Innar Audu ta kife akan murhun ta kashe hutar da ta bata huya kafin ta kama anman ko waiwaye Rahin ba tayi ba ta fice,Innar Audu ta shiga sababi da masifa har sai da Halima ta kuma hura mata wutar ta mai da mata da tukunyar a ranta tana ta adduar Allah ya shirya musu RAHEENAH.

09037093702




Sa k'amshi sa dad'i,hana gafi k'arni no,spices da curry kenan gangariya gurin k'awata girki.
09037093702
Ina macen da girkinta ke k'arni idan tayi amfani da nama,ina macen da ke son amfani karafish tana tsoron k'arni,ina kuma macen da rashin albasa ke hanata soya k'wai,ina macen da take son girkinta ya k'ara dad'i da d'and'ano da kuma k'amshi？maza hanzarta ki nemi spices d'in Rashuna domin kuwa nata ba irin nasu ba ne.09037093702
Mata da dama idan suka soya kifi zubar da man suke saboda gudun k'arni,abinda kuma ba ku sani ba kun zubar da sinadarin ki kelaya abinki Hajiyata,ki kawo curry da spices d'in Rashuna ki zuba,Hmmm na rantse miki da Allah mityarki ba za tayi k'arni ba.
[9/18, 2:59 PM] Mtn Number: BEBEE'ARTH



HALITTAR
ZUCIYA.....



Watpad@Rashuna
Mama Jiddah
Heenah
Silar Soyayya
Masoya
Rabee'ah
Babbar Cuta
Muguwar Suruka
K'addarar Rayuwarmu
Cikin Duniyarmu500
Katanga500
Cin Amana500
Wadjda500
Halittar Zuciya500

Hak'k'in Mallaka.Rabee'ah Shu'ayb Nababa （Rashuna,Bebee'arth）Ban yadda a juya mini littafaina ba ko ta wata siga,duk wanda yaci da gumina idan ban gani ba Allah yana gani.


（5）
Da gudu ta shigo cikin gidan nasu,wanda ba ta kula da redion Baba da ke tsakar gida ba tayi gaba da ita ta ragargaje a gurin dama redion ba ta kirki ba,gefe ta ja cike da tsoro tana shishshigar da idanuwanta ciki,kafin hantar cikinta ta kuma kad'awa jin muryar Baban daga d'akinsa yana. "Kai waye nan ya tab'an radio？"
Inna Hajara ce da ke durk'ushe gaban murhu tace. "Wa ka sani banda mahaukaciyar 'yarka" A harzik'e ya fito ya kalli radion dake yashe a k'asa a ragargaje ya d'ago ya kalleta tana ta raba idanuwa,kwalfa yayi ya koma d'aki ya zaro wayar radion ya fito,wayam ya tarar babu ita ba alamunta kallon Inna Hajara yayi had'e da tambayarta.
"Ina Rahin d'in take？" "Ta fice"
Ta bashi amsa,k'wafa yayi had'e da fad'in. "Zata dawo ta same ni ne"

"Idan ta dawo ta sameka dan Allah kada ka barta da ranta,ina ba Sale ne ya lalata radion ka zauna ka gyarata ba ko dunguri ba kai masa ba sai ita da yake tsintarta akayi ba haihuwarta akai ba？" Cewar Inna da fitowarta kenan daga band'aki takaici yasa ta yin magana ta yadda ko yaushe yake nuna yafi son 'ya'yansa maza a kan Rahin d'in. "Ke ni kike gayawa maganar banza,idanma na kasheta ai na kashe banza da ita da babu duk d'aya suke a gurina wallahi,ki bar tunk'aho da Malam,dan wallahi ba shi zai hana na ci miki mutumci ba." D'aki Inna tayi shigewarta ba ta saurareshi ba tana jinsa yana ta sababi a tsakar gidan,dama bata tanka mishi yau dinma kuskure aka,samu.


Har yamma Inna na zaman jiran shigowar Rahin shiru kike ji,ga babar Salima ta kaho k'arar Rahin d'in wai tana saka Salimar sato mata kud'i tazo makaranta su kashe,hak'uri ta bata anman da cewar ba musu tayi mata ba tunda ba'a shaidar 'ya'yan yanzu,in Rahin d'in ta dawo zata tisota suzo nan gidan duk inda matsalar take za'ai maganinta,to anman gashi har yamma Rahin d'in shiru ba ta dawo ba,duk inda take tsammaninta taje ba ta nan,gidan Halima ne hop dinta na karshe anman kuma ta rasa wani yaro zata aika.
Itakwa Rahin tana can gidan Halima,kamar yadda Innar take tsammani,tsoron dukan Baba take tunda har yau ba ta manta dukan da yayi mata shekaran jiya ba,shiyasa tayi zamanta gidan Haliman,idan taje gurin Innar Audu ta isheta da fitina ta koreta sai ta koma gurin matar wan Audun can ma in ta korota sai ta dawo gurin Haliman,to itama Haliman ba tsira tayi ba kawai itama dan ba yadda za tayi da ita ne,daga k'arshe dai cewa tayi ta tashi ta rakata gida,ita kuma ta botsare ba inda zata sai da ta bata naira ashirin kana ta yadda suka taho,uniform d'innan nata yaci k'aniyarsa ya fita daga hayyacinsa.

Halima gaisawa sukayi da Inna kawai ta juyo,dan ba ta k'aunar su had'u da Baba ya koreta ranta yana matuk'ar k'una da suya,sai da Inna taiwa Rahin wanka ta shiryata kana ta sakata gaba da tuhumar ita ke saka Salima na sato kud'in Innarta suna kashewa？ Sai da tayi rau rau da ido kafin tace.
"Wallahi cewa take Innarta ce ta bata,ni kuma idan naje da waina sai muci tare mu kashe kudin tare."

"Ta Innarta ki gayan gaskiya,fain lam takun tarahu."
"Fa innahu yaraka" Tayi saurin k'arasa mata,haka Innar ke mata indai tana son gane gaskiyarta,a gaba ta sakata sukaje gidansu Salima,sai gashi da aka titseye Saliman ta fad'i gaskiyar Rahin din ba ta san sato kudin take ba,Innar Saliman kunya duk ta isheta ta bawa Innar Rahin din hak'uri.Kashedi sosai Inna taiwa Rahin akan babu ita babu Salimar,tace ai dama su Bulki basa son ta kulata,Salimar ce ta nane mata anman tawa Innar alkawarin ba ita ba ita. A haka kwanaki ke shud'ewa a hankali su koma watanni,watanni su rikide su koma shekaru cikin hikimomi da iyawar Ubangiji.Su Rahinah har an zana common entrance,ana ta tsalle da murnar jiran zuwan su Halima su tafi da ita Habujar.Audun ne ya fara yin gaba sai da yayi wata shida a can kana ya turowa wansa Magaji kud'i ya yiwa Halima shirin komai na tafiya ta bi bayanshi da alk'awarin idan Rahin ta kare primary Halima zata zo ta taho da ita,sai dai kuma murna da farin cikin Rahin ya koma ciki sabili da Baba da yace babu inda zata je makarantar ma ta gama aure zai mata,a can gidan mijin tayi hankali,Inna babu yadda ta iya tunda maganar aure ake anman ta so Rahin d'in tata tayi karatu sosai sai gashi ita tun tana shekara goma ma Baban zai mata aure ko shekarun Haliman ba ta cika ba sanda aka mata auran.Ihu kuka tumami Rahin baza ta auri Tanimu ba,anman Baba ya kafe sai ta aureshi dan ya karb'i komai na aladarsu yinin biki ya rage,kuma ya samu goyan baya gurin Baba Malam d'in nata tunda shima bai fiya son karatun bokon ba,kuma auran shi ya dace da Rahin d'in sai tayi hankali da nutsuwa.Rahin kuwa tayi rantsuwar baza ta auri Tanimu ba dan haka ta shiga neman hanyar kaucewa wannan aure.


Gidansu Tanimu sukaje da ita da su Bulki suka dinga yi musu ruwan duwatsu ko ta ina suna yi suna cusa musu zagi kala kala har da ambato sunan Innar Tanimu da cewa."Zulai idan har kin haifu cikin iyayanki kisa Tanimu ya fasa aurena,dan kwa in na shigo cikin gidianna sai na zame muku masifa da bala'i."
Daga nan kuma sai sukai gonar Malam Buba（Mahaifin Tanimu）sukai b'arnarsu san ransu suka sha mangoro sukai nak kana kowa yayi gida.
Aikwa a ranar Malam Buba yayi sallama da Baba ya anshi komai da suka kawo na aure,dan ya samu labarin su Rahin ne sukai masa b'arna a gona,ga ruwan duwatsun da sukai a gidansa har goshin Shafa（kanwar Tanimu）suka fasa shiyasa ma suka yanke shawarar fasa aurota dan in ta shigo ba su san wata illa zata yi musu ba,Tanimu dai yasha kuka dan yana mugun son Rahin dan ba yadda zai da mahaifansa ne,ya gaya musu k'uruciya ce nan gaba sai sunsha mamakinta anma sunk'i fahimtarsa bama su tsaya sun saurareshi ba. To dai fad'a k'arshe sai da ya kaure tsakanin Malam Buba da Baba,dan yace sai an biyashi b'arnar da su Rahin suka shiga gonarsa sukai,shikwa Baba yace bazai biya ba sai dai yaje ko wacce tsohuwarta ta biya shi,shikwa Malam Buba yace hukuma ce zata raba su,ai dama yasan 'yarsa bata da hankali da yake neman lik'awa d'ansa,shikwa Baba yace dad'in abin d'an nasa ne ya kawo kansa ba janyoshi yayi ba.

A harzuk'e Baba ya shiga cikj ya dank'i Rahin yana jibgarta kamar Allah ya aiko shi yana fad'in.
" 'Yar iskar yarinya mara mutumci mara hankali,haka kawai kin janyo mini masifa ina zaman zamana wallahi in baki wasa ba sai na nakasta ki,kuma aure dole ne ki rubuta ki ajiyeshi wallahi sadaka zan bada ke tunda ke annoba ce ga duk wanda ya rab'e ki ." Wani mari da yakai mata ta hantsila ta kifa kan dan damalin k'ofar d'akin Innarta goshinta ya dakin gurin da ta saki wata shegiyar k'ara ta azabar da takai mata ziyara har tsakiyar k'wak'walwarta.
"Waiyo Inna Baba zai kasheni,Innata kaina,innata goshina ,innata idona zafi,Innata jini,shi kenan Innata zan mutu ban cika miki burinki ba....
[9/18, 2:59 PM] Mtn Number: BEBEE'ARTH



HALITTAR
ZUCIYA.....



Watpad@Rashuna
Mama Jiddah
Heenah
Silar Soyayya
Masoya
Rabee'ah
Babbar Cuta
Muguwar Suruka
K'addarar Rayuwarmu
Cikin Duniyarmu500
Katanga500
Cin Amana500
Wadjda500
Halittar Zuciya500

Hak'k'in Mallaka.Rabee'ah Shu'ayb Nababa （Rashuna,Bebee'arth）Ban yadda a juya mini littafaina ba ko ta wata siga,duk wanda yaci da gumina idan ban gani ba Allah yana gani.

(Oum Samha)
(DATA SERVICES)

(MTN)
>500 =150
>1Gb =250
>2Gb =580
>3Gb =900
>4Gb =1200
>5Gb =1500
>10Gb=3000

( AIRTEL)
>500mb =150
>1Gb. =300
>2Gb. =600
>3Gb. =900
>4Gb. =1,200
>5Gb. =1,500
>10Gb. =2,850

(GLO)
>1Gb. =350
>2Gb. =700
>3Gb. =1,050
>4Gb. =1,400
>5Gb. =1,750
>10Gb. =3,000

( 9MOBILE)
>1Gb. =450
>2Gb. =1,000
>3Gb. =1,400
>4Gb. =1,700
>5Gb. =2,150
>10Gb. =3,500
>11Gb. =3,800

✓All data plan valid for 30days.

Always available and reliable.

Account Details:
8167316776
Ummi Saidu
08167316776
.Thanks as u patronize🤝
（6）
Ganin yadda jini ke wanke mata fuska yasa jikin Baba yin sanyi,Inna kuwa ta rasa wani taimako zata bawa Rahin d'in,ga tsohon ciki ne jikinta haihuwa ko yau ko gobe,ga kuma Rahin d'in ta runtse ido tana zunduma uban ihu sai Baba ne jiki a sanyaye ya d'auketa ya nufi camise da ita,treatment in goshin nata akai tana zunduma ihu tana kaiwa Baba duka ko ta ina sai da ya had'e hannuwan nata guri guda kana aka samu aka gama mata har d'inkin goshin nata da ya tsage a tsaye,sai kuma me？ Tana bud'e idanuwanta taga babu abinda take gani banda duhu dumd'in ai da ta zunduma wani uban ihu sai da ta firgita mai camise d'in da Baba.