You Cannot Download this book untill you login but you can read it .

---

Login Register

"Na shiga uku na lalace Inna Baba ya makanta ni,kizo kice ya maida mini da idanuwana." Hantar cikin Baba ce ta kad'a ya kalli mai camise d'in cike da tsoro.
"Ke Rahin nutsu ki gaya mini me kike ji？" Cewar Baba k'irjinsa na dakan lugude. "Wallahi bana ganin komai,ka taimaka mini ka dawo mini da idanuwana wallhi na maka alk'awarin zan auri ko mahaukaci ne ba ma Tanimu ba dan Allah Baba." "Innalillahi wa inna ilaihir raji'un" Cewar Baba yana kallon mai camise ko da wani taimako da zai musu. "Ai abinda yafi kamata kawai ku bari zuwa gobe da safe ka tafi da ita asibiti anan ne za'a binciki ko wata matsala ce."
"Tom shikenan na gode" Cewar Baba ya kamo hannun Rahin d'in suka taho yana ta zabga salati,wata iriyar nadama ce ta shige shi （NADAMA MARA AMFANI）itakwa Rahin kuka take bil hakki tana tausayawa rayuwarta tana fad'in shi kenan rayuwarta ta durkushe ta lalace tunda ta makance zata fara bara a titi,da ta sani da ba tayi jayayya da auran Tanimu ba,gashinan Baba ya makantata a banza makantar da bata jin akwai wanda zai iya auranta a haka,burin rayuwarta（karatu）ya ruguje raga raga.

A tsaye suka tarar da Inna ta kasa zaune ta kasa tsaye,k'irjinta sai wani irin bugu yake.
"Har d'inki akai a goshin？"
Tana jin muryar Inna ta k'ara k'arfin kukanta. "Inna bana ganin komai sai duhu,shi kenan na daina ganinki Innata sai dai naji muryarki,na daina ganin komai,ji nake kamar zan mutu Inna,dan Allah kicewa Baba ya dawon da idona bazan k'ara masa musu ba,bazan k'ara rashin ji ba,zanje duk inda zan samo HANKALI DA NUTSUWAr da kuke so kuga nayi."
Innalillahi Inna ke ta ambata a zuciyarta kafin ta kalli Baba tace. "Yau dai hankalinka ya kwanta ka aikata abinda ka dade kana furtawa （furuci）ka nakasta Rahina,sai ka zuba ruwa dan Allah a k'asa kasha tsabar farin ciki."
Tana kawowa nan,ta share hawayen da ya biyo kuncinta,ta kamo hannun Rahin d'in suka nufi d'aki tana rarrashinta da cewar zaa gyara mata idanuwanta zata dawo tana gani kamar daa.
Baba baisan da wani baki zai wanke kansa gurin Inna da Malam ba,komai zaice komai zai dad'e yana gaya musu baza su yarda ba da niyya yai mata ba duba da furucinsa a kullum a kanta,anman zai nema mata magani matuk'ar zata warke dan goge laifinsa daga idanuwansu harma da na Rahin d'in.


Fad'a da sababi babu wanda bai sha a gurin Malam ba,ya tabbata da zai iya dukanshi babu abinda zai hana ya dakeshidon ransa yayi mugun b'aci aunun.
"Muddun kana son ganin farin ciki cikin rayuwarka yadda ka zamo silar nakasta Uwata ka zamo silar warkewarta,in ba haka ba ni kaina bazan yafe maka ba." Kalamin mahaifinshi ya k'ara masa k'aimi gurin ganin ya nemawa Rahin lafiya,asibitoci biyu suka je suka bashi shawarar ya kaita asibitin Makka da ke garin kano.
Da Inna Hajara ya so su tafi kanon tunda Innar Rahin d'in babu dama anman tace ba inda zata je dan haka suka tafi daga shi sai Rahin d'in.

Kasantuwar mota da ta dinga lalace musu ana sallar isha suka shiga garin kano,dan haka ya bari su kwana a tasha washe gari sai sui tambaya su isa asibitin Makan,cikin dare 'yan fashi suka yiwa tashar haure a lokacin Baba yana can ya zaga cikinsa ya rud'e,ya bar Rarhin tana barci,aikwa aka shiga gudun ceton rai kowa ta kansa yake Baba kuwa hankalinsa yana kan Rahin har zuwa lafawar komai ya koma inda take kwance wayam ba ta nan,hankalinsa yayi mugun tashi yadda alk'alami bazai iya rubutawa ba.Kwanansa biyu cikin tashar yana fita bilayin neman Rahin bai ganta ba,har police d'in da suka zo bayan barin 'yan fashin gurin ya sanarwa amman har yau babu wani information haka ya hak'ura ya koma cikin taraddadi da tashin hankali anman da niyar zai dawo yaci gaba da nemanta ko Allah zaisa a dace,fatanshi d'aya Allah yasa ba 'yan fashin ne suka saceta ba.Bai iya gayawa Malam da Inna gaskiyar Rahin d'in ta b'ata ba,musamman da yaga Innar ba dad'i take ji ba sai kawai yace da su anyi aikin,basa bukatar masu jiyya ne shiyasa ya taho anman kwana biyu kawai zai ya koma,a daren washe garin da ya dawo kuma 'yan bindiga suka dira a k'auyan,sun kashe na kashewa sun tafi da na tafiya wanda suka tsira Allah ya tseratar da su,a cikin wanda aka kashe harda Baba Malam da matarsa da Idi suka tafi da Bashir （Da yake Idi da Bashir d'in acan gidan Baba Malam d'in suke kwana）su kuma Baba da Inna,Inna Hajara,Sale,Kabiru,Mubarak suka b'uya a d'akin da Baba ke ajiyar dukiyarsa,kunsan mutumin k'auye ba kowa ya yadda da accaunt ba,k'ofa ya sakawa d'akin me kyau wacce duk dukan da za'a mata kuma datse kanta take ta nan Allah ya kub'utar da su wanda a cikin gumurzun Inna ta haihu ta haifi jaririyarta MACE,rungume 'yarta tayi ta fashe da kuka, ba ta sani ba ashe kukan rashin Malam take,ta rasa mahaifi,ta rasa mai sanyawa jaririyarta suna,ta kuma rasa mai tayata son jaririyarta a wannan karan.
Zata iya rantsuwa mutuwar Mallam tafi gigitata akan yadda ta gigita Baba,mutuwar ta kad'ata yadda ba kwa zato,addu'a zata yi ta bin bayansu da ita da itace take jin zata iya cike wani guri na soyayya da d'awainiyar da sukai da ita dan ba tace zata biyasu ba Allah ne kawai zai iya biyansu. An yiwa wa'yanda suka rasu sallah an binbinnesu,a ranar Baba ya harhad'a komai nasa suka bar garin dan da yuyuwar 'yan bindigan suka k'ara waiwayar garin nasu,wasu da dama ma sun bar garin,wanda kwa zaman garin ya zame musu dole haka suka zauna da kuma masu halin rik'au irin na Baba Malam.


Halima da d'an Audunta kamar wa'yanda aka sanarwa da abinda ya faru a k'auyansu gaba d'aya hankalinsu yayo gida,dama kuma Haliman na ta shirin zuwa d'aukar Rahin,sai kwa Audun yace tare kawai zasu huce shima hankalinsa ya yo gida,dan yana ta kiran wayar Magaji baya samu,kwana biyu da barin Baba garin su kuma suka dura anan ne suka tarar da bak'in labari dan shi Audu gaba d'aya gidansu babu wanda ya tsira sun kashe na kashewa sun tafi da na tafiya,Halima kuwa tashin hankalinta ba ta san ina su Innarta suka nufa ba,ga cikinsu babu wani mai waya,dama Kabiru ne me wayar kuma sun kasheshi,taji mutuwarsu shi da su Baba Malam ta kuma bi bayansu da addu'a ga kuma mutuwar ajalin mijinta,ta tayashi kukan fili da na zuciya sun taho da daddad'an labari a bakunansu （Halima na dauke da cikin watanni hudu）ashe babu wanda zasu fesawa cikin ahalin nasu,gara ita in da rabo zata ga nata iyayan shi kuwa sun tafi inda babu dawowa har abada,kwana sukayi cikin alhini da k'unar zuciya washe gari suka koma inda suka fito rayuka babu dad'i,kuzari ya tafi sai zuciya ke azabta...
[9/18, 2:59 PM] Mtn Number: BEBEE'ARTH



HALITTAR
ZUCIYA.....



Watpad@Rashuna
Mama Jiddah
Heenah
Silar Soyayya
Masoya
Rabee'ah
Babbar Cuta
Muguwar Suruka
K'addarar Rayuwarmu
Cikin Duniyarmu500
Katanga500
Cin Amana500
Wadjda500
Halittar Zuciya500

Hak'k'in Mallaka.Rabee'ah Shu'ayb Nababa （Rashuna,Bebee'arth）Ban yadda a juya mini littafaina ba ko ta wata siga,duk wanda yaci da gumina idan ban gani ba Allah yana gani.

(Oum Samha)
(DATA SERVICES)

(MTN)
>500 =150
>1Gb =250
>2Gb =580
>3Gb =900
>4Gb =1200
>5Gb =1500
>10Gb=3000

( AIRTEL)
>500mb =150
>1Gb. =300
>2Gb. =600
>3Gb. =900
>4Gb. =1,200
>5Gb. =1,500
>10Gb. =2,850

(GLO)
>1Gb. =350
>2Gb. =700
>3Gb. =1,050
>4Gb. =1,400
>5Gb. =1,750
>10Gb. =3,000

( 9MOBILE)
>1Gb. =450
>2Gb. =1,000
>3Gb. =1,400
>4Gb. =1,700
>5Gb. =2,150
>10Gb. =3,500
>11Gb. =3,800

✓All data plan valid for 30days.

Always available and reliable.

Account Details:
8167316776
Ummi Saidu
08167316776
.Thanks as u patronize🤝
（7）

Baba bai bari sunyi kwanan tasha ba,duk da kasancewar sai dare suka sauka cikin garin kano,gudin kar 'yan fashin su kuma yi musu haure,gashi tare da dukiyarshi yake tafe,duk da ba wanda zaiyi zatan kud'i ne don sun fi kama da tsummokara. Kwatancan gidan hamsin wani bawan Allah yayi musu,musamman da yake babu nisa gidan daga nan tashar sai suka nufi can d'in kai tsaye,suna zuwa ya biya kud'in kwanan da zasu yi kowa hamsin-hamsin.
Innar Rahin tafi kowa jigata musamman da yake gata da d'anyen jego,daga ita har jaririyar wanka suke buk'ata shine zasu samu yin bacci cikin nutsuwa,don jaririyar ma sai 'yan koke koke take mata,anan cikin gidan ta samu ta sayi ruwan zafi ta hayi bawo ta fara yiwa jaririyarta wanka ta shiryata kana taje ta yo nata wankan,sai da ta fara wanke band'akin tas kafin ta iya shigarsa don ya mugun k'azancewa babu kyahun gani,ga mamakinta shayi ta tarar me mugun kauri da gurasa a Baba ya ajiye mata,ba tace komai ba anman cikin ranta cike da mamaki har tasha shayin ta ci gurasar ta kwanta.
Washe gari ma ruwan zafin ta siya sukai wanka ita da jaririyarta,wainar shinkafa Baba ya siya musu a nan cikin gidan dan yadda ta fuskanta babu abinda ba'a sayarwa a gidan,anman ita har da shayi mai kauri ya siya mata yayin da lamarin nasa ke k'ara d'aure mata kai anman dai ta ja bakinta tayi shiru,ko sallama bai musu ba yasa kai ya fice dan tsoron kar Inna ta sako masa zancen Rahin.
Tashar ya fara zuwa don jin ko an samu wani information na b'atan Rahinan,anman bai samu labarin komi ba don haka ya fara bulum biton neman gida tare da wani Malam Habu da Allah ya had'a su a cikin tashar jininsu kuma ya had'u,ba su samu gidan ba duk inda suka je sai dai haya shi kuma yafi son ya siya gidan saboda,idan kana da muhalli komai da zai biyo baya mai sauk'i ne,ganin magariba tayi dole suka hak'ura sai zuwa gobe sa cigaba da bulumbiton neman gidan,haka ya nufo gida k'irjinsa na dukan tara tara da tunanin amsar da zai bawa Inna akan Rahin,ya ya zata d'auki lamarin,zata yadda da duk abinda zai gaya mata ko kuma zata zargeshi da saka hannunsa a b'atan Rahinan？Wannan tunanin kad'ai na dugunzuma zuciyarsa yana kuma sanyashin nadamar tsanar da ya nunawa Rahinan a sarari.




RAHINAH

hayaniya da iho ihon mutane yasa ta farkawa a firgice tana kiran Baba,jin babu alamun Baban kusa da ita sai ihun mutane da take ji yasa ta fashewa da wani irin kuka mai ban tausayi,kukanta ne yasa Hadi da ya lab'e daga bayan katangar da take lek'owa idonsa ya sauka a kanta,wani irin sanyi yaji a ransa,yana ganin kamar wahalarsa ce tazo k'arshe idan ya samu damar k'wamushe wannan yarinyar,da azama ya fito ya ja hannunta ya koma inda ya lab'e,ganin yadda take a firgice tana kiran Baba yasa shi janyo wani hankici daga aljihunsa ya shek'a mata,ba tayi baccin da yake so ba anman jikinta ya saki gaba d'aya ta zube a jikinsa,bayan komai ya lafa ya faki idanuwan mutane ya sakata a bayan motarsa,Allah Allah yake gari ya waye ya fice daga cikin tashar dan ko lodi bazai yi ba tunda ga babban lodi ya samu.
K'arfe bakwai ya fice daga cikin tashar ya fara sharara gudu akan titi Allah Allah yake yaga ya d'auki hanyar barin gari dan yana hango yawan kud'in da zai samu idan ya kaiwa oga wannan yarinyar sai dai kuma kana naka ne Allah yana na shi,nashi kuma shine gaskiya domin kuwa wani k'aton ice da bai kula da shi ba motarshi ta daka a take sitiyarin motar ya kubfce mishi motar ta kife akan titi,mai ya fara zuba a take ta fara hayak'i alamun tana gab da kamawa da huta,mutum biyu Allah ya jeho zasu huce,su suka taimaka suka ciro Rahina daga cikin motar ba su kai ga fito da Hadi ba motar ta kama da huta.
Ko k'warzane babu jikin Rahina,anman a mugun tsorace take,rashin gani babbar illa ce a rayuwa tana jin komai anman bata ganin abinda ke faruwa,kuka take sosai tana kiran sunan Innarta ba ta san ina Baba ya kawota ya ajiye ba ko kuma da had'in bakinsa wannan mutumin yake k'ok'arin sayar da ita,dan taji wayar da yakeyi abinda ya shek'a mata baiyi nasarar sakata bacci ba jininta yana da mugun k'arfi,hankulan mutane na can kan motar da ta kama da huta da kuma k'ok'arin kiran police ta d'auki wata hanya da ban tana tik'ar gudu a ganinta Allah ne ya kub'utar da ita daga hannun azzalumin can dake k'ok'arin sayar da ita,bata da tabbas d'in wanda suka cirota daga motar suma ba azzaluman ba ne,gudu take sosai akan titi wanda ita ba ta san titin bane tunda ba gani take ba,aikam wata mota da ta yanko a guje tai sama da ita ta watsar babu alamun rai a tattare da ita,kifa kai mamallakiyar motar tayi jikin siyiyarin cike da takaici da bak'in cikin wannan mahaukaciyar yarinyar,ba komai take tsoro ba sai azumin da zata janyo mata ba taji ba ba ta gani ba,na Ramadan ma da yaya take sauke shi bare kuma wannan da ya ninka shi,tsaki ta ja kafin ta fito daga motar a ranta tana addu'ar Allah yasa ba ta mutu ba,ko k'warzane babu a jikinta anman da alamun wuya ta saka numfashinta d'aukewa.
D'aukarta tayi ta sanya cikin motarta ta juya zuwa asibitin da ta fito,tana jan tsaki akai akai da addu'ar Allah sa ba ta mutu ba,tsabar zafin da kanta ya d'auka baccin da ke cikin idanuwanta ji tayi ya wartsake gaba d'aya. Sai da aka tabbatar mata yarinyar na da rai ta samu karaya a k'afa da hannu kana ta samu nutsuwar tafiya gida bayan ta bar sallahun a yiwa yarinyar duk abinda ya dace idan taje gida zata turo wanda zai kula da ita.
Sai takwas da rabi ta baro asibitin zuwa gida,tana parking d'in motarta ta hango Fadwa ta nufi sashen FASIHUL LISAN a ranta tace "Wahalalliya." Tana shiga falon,Fadwan ta shigo da tray a hannunta fuskarta d'auke da damuwa,dining ta nufa kai tsaye ta ajiye tray d'in hannunta tana fad'in.
"Ammi sai yanzu？"
"Hmm wata yarinya ta jamin musifa wallahi,ta hau kan tsakiyar titi tana gudu ban aune ba na kad'eta,inda Allah ya tak'aita ba ta mutu ba,kicema Talatu ta shirya Bala ya kaita asibitin ta kula da yarinyar kafin a samu kanta."
"Ayya Allah ya kiyaye gaba,nima zan bisu na duba yarinyar."
Kamar yadda ta tsammata Ammin baza ta tanka ba,ba kwa ta tanka d'in ba sai shigewarta part d'inta tayi dan wanka take buk'ata kafin ta kwanta bacci,kwana tayi ba ta rintsa ba saboda yawaitar marasa lafiya duk rashin kirkinta tsakaninta da Allah take aikinta.

Murmushi Fadwa ta saki,ta d'auko kwaandon saka abinci ta jere break fast d'in da ta hana idonta bacci ta tashi ta tsantsarawa Yaa Fasee duk don ta burgeshi ta kuma karkato da hankalinsa kanta a bisa shawarar aminiyarta Siyama,sai dai kuma da yake Namijin duniya ne haka ya tsallake break d'in ko tab'awa bai yi ba ya fice ya bar mata,yanzu kuwa dole ya ci tunda ta samu hanyar zuwa asibitin sai ta bishi da shi har office d'insa wahalarta baza ta zama a banza ba in sha Allah.

Sai da ta gama jera abincin kana taje ta sanarwa da Talatu sak'on Ammi,ta d'auki d'an abinda zata d'auka suka fito Bala ya jasu zuwa asibitin...


Zan iya cewa a nan free page ya k'are masu buk'atar cigabansa zasu iya samuna kai tsaye a wannan layin 09037093702 na gode.


BEBEE'ARTH RASHUNA[9/18, 2:59 PM] Mtn Number: BEBE'ARTH

2023

Wattpad@Rashuna
Mama Jiddah
Heenah
Silar soyayya
Masoya
Rabee'ah
Babbar Cuta
Muguwar surika
K'addarar Rayuwarmu
Cikin Duniyarmu500
Katanga500
Cin Amana500
Wadjda500
Halittar ZUciya500
Compleet guda hud'unnan ga masu buk'ata zan iya baku a 1500 da kuma samun damar karanta HALITTAR ZUCIYA KYAUTA.



HALITTAR
ZUCIYA

（1）

Shimfid'a

Jajare garin jajaye in kaga bak'i to bak'o ne ya ka zo,wannan inkiya ce ta garin Jajere.Jajere gari ne na fulanin damaturu,Malam Madu yana d'aya daga cikin mutanen garin,haifaffan garinne shi tun iyaye da kakanni,mahaifansa ne suka wanke Mariya suka bashi,Mariya kamar 'ya take a gurinsu saboda su sukayi rik'onta tun tana yarinya,sun tsinceta ne a wani kango da ake gini suka rik'eta ba tare da k'yamata ba,suka kuma d'auketa suka bawa d'ansu duk saboda soyayya,anman Madu sam ba ya k'aunar Mariya,ya karb'i auranta ne saboda biyayya ga iyayansa,suna zaune,lafiya ba mai jin kansu duk da Mariya tana matuk'ar hak'uri da wasu halayen na Madu dan baza ta iya fitowa ta fad'a ba ne ana haka ta samu ciki inda ta haifi 'ya mace,zo kuga ruwan tijara gurin Madu shi ba ya son mace,mace ai k'arin wahala ce babu abinda za ta tsinana maka yak'i yin komai na haihuwa sai iyayansa ne suka yi mata,sunama babansa ne ya rad'a mata Halima,（Sunan mahaifiyar Madun kenan）a haka rayuwa ta gangara Mariya na matuk'ar hak'uri da halayen Madu duk saboda darajar iyayansa wanda su take kallo a matsayin nata iyayan da Allah ya bata sama ta ka,gashi yanzu k'asa ta rufewa Inna Halima idanu wacce ta kasance tana tausayinta da taimaka mata da wasu abubuwan,a haka rayuwa take ta juyawa Madu ya sake auran Hajara, haihuwar fari ta haifo masa namiji zo kuga murna gurin Madu sai a wannan haihuwar Mariya ta san mijin nata ba k'aramin arzik'i ne da shi ba dan sosai ya saki bakin aljihu yana wa Hajara da d'anta hidima har zuwa ranar suna inda yaro yaci sunan mahaifin Madu Idris.

Tun daga haihuwar Halima,Mariya ba ta sake haihuwa ba har sai da Hajara tayi haihuwa uku a jere duk maza wanda suke ganin so da k'auna da gata gurin Madu,Halima kuwa ko kallo ba ta isheshi ba a cewarsa bazai wahalta mata ba,dan su mata sai dai ka wahalta musu a banza ba tare da kaci moriyarsu ba,inda Allah ya taimaki Halima sai ya yota mai sanyin hali,ko kad'an ba ta dosar mahaifin nasu saboda ta san halinsa,abu kad'an za tayi ya mangareta har yanzu kuwa da take da shekaru takwas a duniya.
Hajara da Mariya a lokaci guda suka haihu inda Mariya macen dai ta kuma haifa,inda Hajara ta dinga yadar mata da maganganu shi kwa Madu ba ta isheshi kallo ba daga ita har jinjirar da ta haifa,inda Allah ya taimaketa ta tanadi komai na haihuwarta saboda tana sana'arta ta kayan miya bushashe da kuma wainar gero da k'uli da safe,tunda mai taimakon nata babu ita yanzu a doron k'asa,kamar haihuwar Halima wannan ma mahaifin Madu shi ya nad'awa jaririya suna RAHEENA.

Akwai bam-bamcin halaye k'ara k'ara tsakanin Halima da Raheena,Halima mai shiru shiru ce da sanyin hali,duk inda aka nuna ba'a sonta ba ta dosar gurin,yayin da Raheena ta kasance mai kwaraf niya ga tsokanar tsiya a cikinta kamar me,inda kuma Allah ya d'ora mata k'aunar mahaifinsu Madu duk da kasancewar shi yafi tsanarta ma akan Halima,dan dukan da take sha gurinsa bai daki Halima haka ba ga kyararta da yake anman ba shi zai hana ta koma gurinsa ba,zasu had'u ita da Mubarak tsarar haihuwarta d'an wajan Hajara suyi k'iriniya anman idan Madu ya tashi ko dunguri ba zaiwa Mubarak ba anman in ya kama Raheena da duka kamar Allah ya aikoshi.
Halayen Raheena suna mugun ciwa Mariya tuwo a k'warya anman babu yadda za tayi sai addu'a ta san k'uruciya ce ko wani yaro da kalar k'uruciyarsa nan gaba idan ta san ciwon kanta ba za tayi ba,gashi yanzu ta aurar da Halima tana cikin shekarunta na sha hud'u kenan Raheena kuma shida,komai na auran Halima Baffa Idris mahaifin Malam Madu shi yayi,har yau yana nisar da d'an nasa anma ya kasa ganewa shiyasa ya d'au ido ya zuba masa ya tabbata akwai ranar da zai gane kad'an daga cikin ni'imar da Allah ya yi maka idan ya azurtaka da samun 'ya mace.

Wannan kenan

……

Da gudu ta yanko layin gidansu k'afafuwanta fututu hakama kayan jikinta,kafin fitarta sai da Innarta tayi mata wanka tas anman yanzu wani ya ganta zaiyi zaton tafi sati rabonta da wanka,tana gab da shiga soron gidansu suka ci karo da Babansu wanda ya doso kai zai fita,k'afafuwanta ya tad'e ta zube a gurin had'e da sakin k'arar dake nuni da ba k'aramin buguwa tayi ba,kuma taji zafin fad'uwar ainun,ko sauraranta baiyi ba yasa kai ya fice daga soron gidan,yayin da kuma Innarta ta yo soron gidan dan jin ihunta da ya karad'e cikin gidan gaba d'aya,da sassarfa ta isa gareta ta d'agota tana kallon yadda bakinta ya fashe,ba ta kai ga tambayarta abinda ya faru ba sai ga Ramatu ta shigo zauran rik'e da hannun k'aninta jikinsa kwata ce gaba d'aya.
‘’Lafiya？‘’
Inna ta tambayi Ramatu,bayan ta mik'ar da Rahina tsaye har lokacin tana kuka sai dai kuma ta rage sautin kukan nata.
‘’ Rahin ce ta jefashi cikin kwatar gidan Ade,shine Innarmu tace na kawoshi ki wanke masa,ita baza ta iya saka hannunta cikin kwatar ba.‘’
Ba tace komai ba bayan ta gama saurarar Ramatu sai hanun k'anin nata da ta kama bayan ta saki na Rahin tayi ciki da shi,k'ilama sakayyar yaron ce ta saka Rahin d'in fad'uwa har ta fasa bakinta,ba manaki kuma kwatar da ta jefashin ce ta sakata nufo gida da gudu har ta fad'in ta fasa baki .
Kowa yasan kwatar gidan Ade da tsinannan d'oyi,k'azamai ne na k'in k'arawa,wani zubin a rariya suke kashi su koroshi waje,shiyasa kowa yake k'ank'yamin kwatar,anman haka Inna ta wankewa yaron kwatar tas,tayi masa wanka had'e da wanke kayan tas,to ya za tayi？D'an kuka ai shi ke janyowa uwarsa jifa.

Bayan ta gama wanke kayan ne ta nufi d'aki zata d'an zauna ta huta,dan Rahin ta faki idonta ta kuma ficewa,addu'ar shiriya kawai take nemawa Rahin d'in cikin ranta,har ta tsuguna zata zauna aka rafka sallama daga soron gidan,d'an dakatawa tayi da zaman gabanta na fad'uwa kafin ta amsa sallamar.
"Ina magana da Innar Rahin"
Cewar Muhammadai mai kanti dake tsaye a soran gidan,fuskarsa a murtuke babu sassauci a cikinta karma ayi tunanin zai d'aga k'afa,dan wallahi bazai d'auki asara ba.
Jin abinda akace ya sanyata sanyo hijabi ta nufo soron jikinta a matuk'ar sanyaye da tunanin wata maganar kuma ta innarta ta kuma d'auko mata？
[9/18, 2:59 PM] Mtn Number: BEBE'ARTH

2023

Wattpad@Rashuna
Mama Jiddah
Heenah
Silar soyayya
Masoya
Rabee'ah
Babbar Cuta
Muguwar surika
K'addarar Rayuwarmu
Cikin Duniyarmu500
Katanga500
Cin Amana500
Wadjda500
Halittar ZUciya500
Compleet guda hud'unnan ga masu buk'ata zan iya baku a 1500 da kuma samun damar karanta HALITTAR ZUCIYA KTAUTA.



HALITTAR
ZUCIYA
（2）

Idonta akan Ta innarta ya fara sauka wacce ke rik'e da hannun Muhammadai,d'aya hannun nasa kuma rik'e yake da wata yarinya wacce kayan jikinta duk ya b'aci da wani abu mai yauk'i wanda baza ta tantance meye shi ba,sanyi jikinta ya kuma yi don ta tabbatar wata maga Ta innarta ta kuma d'auko mata,don a rana in ba'a kawo k'ararta sau goma ba za'a kawo sau biyar.

"Na ajiye k'waina a bakin shago,kafin na bud'e shagon na shiga da shi ciki,shine ta hankad'o wannan yarinyar kai,gaba d'aya sun fashe."
Cewar Muhammadai yana kuma d'aure fuskarsa karma tayi tunanin zai yafe.

"Innalillahi wa inna ilaihir raji'un,yanzu Mhumadai k'wan har na nawa ne？"

"Kiret biyar ne"

"Nawa kenan ya kama？" Inna ta kuma tambaya.

"8000 a ma yadda na saro"Muhammadai ya fad'a yana k'ara tamke fuska,karma tayi tunananin zai iya ragin ko ficika"

Jinjina kai Inna tayi,tana shiga tunanin yadda zata lalibo wannan kud'i,don ko jarin wainarta bai kai haka ba,bare kuma d'an kud'in kayan miyan da sai lokaci zuwa lokaci ake cinikinsa."Dan Allah Muhammadai kayi hak'uri zuwa k'arshen watan nan idan na d'au dashina zan baka."
"A'a wallahi,ni yanzu nake son kud'ina don wani zan koma na saro kinsan d'an jarin nawa ba wani taka kara ya