You Cannot Download this book untill you login but you can read it .

---

Login Register

karya yayi ba."

"Yanzu yanzu kuwa ai sai Allah,don ni ko zuwa gobe ma kace ban san inda zan samo maka kud'innan ba,idan baza ka jirayi zuwa k'arshen watan ba,bansan kuma ya zan maka ba."

"Zaki san yadda zaki mini idan naje na d'ebo miki 'yan sanda,dan wallahi yau duk masifar da za'ayi sai an biyani kid'ina."

Yakai k'arshen maganar yana hankad'a Rahin d'in gaban Inna,saurin tareta Innar tayi bacin haka da sai tayi muguwar fad'uwa.
"Hankalinki ya kwanta ko Rahina,kin fi son ki ganni cikin tashin hankali ko yaushe？."
"Innarmu wallahi ita ta fara tsokanata,ni kuma ban san ya ajiye k'wai ba da bazan turata gurin ba."
Innar ba tace komai ba sai hannunta da ta jaa suka shiga ciki,suna shiga ciki sai ga Halima tayi sallama da gudu Rahin taje ta tarota,duk da a rana takan je mata sau kusan uku,anman idan taga Haliman a cikin gidansu ba k'aramin dad'i take ji ba,ko don ba ta fiya ganinta cikin gidan nasu ba ne oho？tunda ba kasafai takan zo ba,saboda Baba ba ya barinta,da tazo yake korarta indai yana cikin gidan.
Rungume k'anwarta Halima tayi cike da so da k'auna,anman da sun zauna guri d'aya sai sun raba gari saboda k'iriniyar Rahin d'in.
"Inna ina yini？"
"Lafiya lau Mamana,ya kuke ya Abdullahin？"
"Lfy lau wallahi yana gaisheki,lafiya naganki wani iri？"
"Ina amsawa "Kafin ta numfasa ta kuma cewa.
"Ta Innarta ce ta tura wata yarinya kan k'wan Muhammadai suka fashe,yanzun nan yabar k'ofar gidannan yace sai na biyashi kud'inshi ko ya kira mini 'yan sanda."
"Innalillahi,kud'in har nawa ne？"
"8000 yace,wai akan ma yadda ya saro"
Duka ta kaiwa Rahin d'in da ke kusa da ita tana danna wayar Haliman,duk da ba ta san inda take shiga ba,wani wawan ihu ta saki saboda yadda dukan ya shigeta ba zato ba tsammani,aikwa ba shiri tayi jifa da wayar Haliman inda tayi gefe tai fisis fisis.
A fusace Haliman tayi kanta ita kuma tayi bayan Inna tana zunduma ihu.
"Yi hak'uri Mamana,kinji,sau nawa zan gaya miki ki dinga hak'uri da k'anwar nan taki,idan kowa ya kasa hak'uri da ita ke ya zamar miki dolen doliya ki hak'uri da ita,wata rana idan ba na raye ke zata rab'a taji sanyi domin ke zaki zame mata gurbina."
Cike da takaicin Innar ta hanata dukan Rahin d'in take had'a wayar tata,dama wayar ba wata wayar kirki ba,sam ba ma ta saurari me Innar ke fad'i ba saboda ranta da yayi mugub b'aci."
"Amman Inna har da d'aurin bayanki Rahin ke samu tana wani iskancin wallahi"
"Haba Mamana,yau ke kike gaya mini wannan maganar,maganar da in an jefeni da ita kin fini jin d'acinta？Nonon da kika sha shi Rahina ta sha,tarbiyar da na baki ita na bata ba kuma hakanne zai hana halayyarku bam bamta ba,ba zab'ina bane ba kuma son raina ba ne Rahina ta zamo a haka,duka zagi hantara ba shi zai sauyata ba illa addu'a ina kuma fatan Allah ya tsayar mata iya k'uruciya."
"Ba ina nufin ba ki bata tarbiya ba,ba kuma ina nufin ke kike sakata yi ba,ina ganin kamar soyayyar da kike mata ce ta saka hakan saboda tasan baza ki tab'a iya dukanta ba."
"Ke kanki shaida ce,da duka yana gyara mutum da ko dukan da Babanku kewa Rahina yasa ta gyaru,so kike Babanku ya daka yayyanta su daka 'yan waje su daka,nima na daka,babu inda zata rab'a taji sanyi kenan？Itama ba zab'inta bane Allah ne yayi ta haka,kuma ko wani yaro da kalar k'uruciyarsa duk me kallon ni na sangarta Rahina Allah ne zai mana sakayya."
"Allah ya huci zuciyarki Innarmu" Halima ta fad'a cike da dana sanin furucinta.Sallama aka rafka daga k'war gida,Inna na jin sallamar tace.
"Ina to Muhammadai ne ya dawo."
"Inna ke a gurinki nawa za'a samu？ mu had'a mu bashi kud'insa,ni bana son harka da 'yan sanda"
"Ai ina jin kud'in hannuna idan na had'esu gaba d'aya baza su huce dubu hud'u ba."
"Kawo na bashi,anjima idan na koma na fasa bankina na cikasa masa sauran."
"Yaa Halima zaki bani biyar in kin fasa bankin？"
Wata shegiyar harara ta zabga mata kana ta anshi kud'in gurin Inna ta fita kai masa,anci sa'a ya karb'a,da sharad'in anjima tana komawa zai biyo bayanta ya ansa.

"Inna sati mai zuwa Abdullahi zai tafi habuja cirani."
"Ke dan Allah."
"Wallahi kuwa,nima yace idan yaje yaga yanayin garin zai turowa D'ahiru k'aninsa kud'i na bi bayansa,dan yace in ya tafi zai jima bai zo ba,zai dai dingawa su Innarsa aike,saboda matsa masan da suke sai ya k'ara aure wai tunda ni nak'i haihuwa,shiyasa ma ya tsiri tafiyar."
"Hmmmm,Allah ya kyautawa wasu mutanen wallahi,da yake ke zaki bawa kanki shiyasa kika k'i haihuwa kenan,in banda jahilci na mutane sun san Allah ke bada haihuwar nan anman da mutum ya kwana biyu bai samu ba za'a jingina masa laifi,dudu auran naku da ko shekara biyu bai rufa ba har an sanya muku idanu,banda ma haihuwar ta zama ta zamani yanzu wata tara cif zaki ji mace ta haihu,da kwa da sai a 'yebi shekaru kafin kiji ance wance ta haihu."
"Wallahi kuwa Inna,shiyasa ma bana damuwa,saboda ban isa na bawa kaina abinda Allah bai bani ba,shima kuma bai damu ba,ko nayi zancen sai dai kiji yace"To ke zaki bawa kanki,ba sai sanda Allah yaso ba"
Dai dai k'arshen maganarta Hajara tayi sallama ta shigo,taje yinin biki a can mak'otan gidansu,sai yanzun ta dawo,sallamarta kawai suka amsa suka cigaba da hirarsu dama Halima ba kulata take ba,tun wani fad'a da akai tun kafin bikin Haliman,babu yadda Inna ba tai da ita ba akan taci gaba da gaisheta anman fir tak'i,tace gaisuwa kam tsakaninsu da ita har abada,Halima akwai zuciya ban bancinta da Rahina kenan,ita Rahina yanzu zaki mata abu kuma anjima ta komo gurinki.


Bayan sallar magariba Inna na cikin zubowa Halima d'anwaken da tayi dominta sai ga sallamar Baba ya shigo cikin gidan,idansa akan Haliman ya fara sauka ya wani had'e fuska,ko gaisuwar da take mik'o masa bai amsa ba yace tazo ta shige ta koma inda ta fito,tsam ta mik'e tana saka hijabinta a ranta fad'i take."Banda arzik'in mahaifiyarta dake cikin gidan da ko fuskarta baza su k'ara gani ba,har sai sun manta ya kalar fuskar tata take.A kwano mai murfi Inna ta juye mata d'an waken ta k'ulle a leda ta bata."To Inna na gode,idan da sauran canji zan bayar a kawo miki sai ki sayi sauran abinda babu a kayan wainar."
"To na gode Mamana,Allah ya yiwa rayuwa albarka,ki gaishe da mutan gidan."
"Amin Innarmu,zasu ji in sha Allah"

"Yauwa Babansu ga Mubarak can a kwance mashashshara ta kwantar da shi sakamakon dukan da Rahin tayi masa."
Cewar Hajara,bud'ar bakin Inna sai cewa tayi.
"Ke Hajara kiji tsoron Allah,yanzu Mubarak d'in da ke sa'an Rahina,shi za tayiwa dukan da har zai sakashi zazzab'i,bayan ke kanki kinsan k'arfin mace da namiji ba d'aya ba ne,idan har bai saka mata zazzab'i ba ai ba ta saka masa ba."
"To zan mata k'arya,sai an magana ba ke ke daure mata baya ba ki kawowa mutum k'auli da ba'adi."
Baba kuwa inda Rahin ke kwance na sharar bacci ya nufa,tun bayan gama cin abincinta ta b'ingire a gurin,saboda anyi fitina har an gaji...
[9/18, 2:59 PM] Mtn Number: BEBE'ARTH

2023

Wattpad@Rashuna
Mama Jiddah
Heenah
Silar soyayya
Masoya
Rabee'ah
Babbar Cuta
Muguwar surika
K'addarar Rayuwarmu
Cikin Duniyarmu500
Katanga500
Cin Amana500
Wadjda500
Halittar ZUciya500
Compleet guda hud'unnan ga masu buk'ata zan iya baku a 1500 da kuma samun damar karanta HALITTAR ZUCIYA KTAUTA.
Ban yadda a juya mini littafaina ko wata siga ba,duk wanda yaci da gumina idan ban gani ba Allah yana gani.


HALITTAR
ZUCIYA

（3）

Sa k'amshi sa dad'i,hana gafi k'arni no,spices da curry kenan gangariya gurin k'awata girki.
09037093702
Ina macen da girkinta ke k'arni idan tayi amfani da nama,ina macen da ke son amfani karafish tana tsoron k'arni,ina kuma macen da rashin albasa ke hanata soya k'wai,ina macen da take son girkinta ya k'ara dad'i da d'and'ano da kuma k'amshi？maza hanzarta ki nemi spices d'in Rashuna domin kuwa nata ba irin nasu ba ne.09037093702
Mata da dama idan suka soya kifi zubar da man suke saboda gudun k'arni,abinda kuma ba ku sani ba kun zubar da sinadarin ki kelaya abinki Hajiyata,ki kawo curry da spices d'in Rashuna ki zuba,Hmmm na rantse miki da Allah mityarki ba za tayi k'arni ba.


K'afa yasa yakai mata wani irin dukan da ya sanyata farkawar ba shiri had'e da tsanyara wani uban ihu,dukanta ya shiga yi ko ta ina tana ihu tana kwararato shikwa yana fad'in.
"Ai yadda kika saka shi yau zai kwana da zazzab'i wallahi yau kema sai kin kwana da shi,shegiya me siffar aljanu,in baki wasa ba wata rana sai na nakasta ki wallahi."

Ko kallon inda yake dukanta Inna ba tayi ba tai shigewarta d'aki,duk da zuciyarta dake mata suya bama akan dukan nata da yake ba,a'a irin furucin da yake jifanta da shi,duk wanda ya zauna da su na wuni d'aya sai ya fuskanci irin tsanar da yayiwa Rahina wacce ba ya iya b'oyeta ko a gaban waye,ita kuma zuciyarsa na matuk'ar sonsa da k'aunarsa,abu d'aya take jiye masa shine ranar da ZUCIYAR RAHINAN zata fara tsanarsa wacce kuma ta tabbata wannan tsanar mai iya cireta daga zuciyarta sai Allah kuma.

Sai da ya tabbatar ta daku kana ya k'yaleta,band'aki ya shiga ya fito ya d'aura alwala ya fice saboda kiraye kirayen sallar isha da aka fara.Tana zaune tana rusa kuka Sale ya shigo,irin kukan da take ya fara kwaikwaya,aikwa da ta d'auki farantin silbar dake kusa da ita ta lailaya shi ta jefa masa sai kuwa akan goshinsa,wata gigitacciyar k'ara ya saki da ta sanya Hajara saurin fitowa,nufo inda take a zaune yayi yana."Wallahi bazan yadda ba sai na rama." Mik'ewa tayi tana huci tana jiran yazo ayi duk wacce za'ayi,janyeta Inna tayi had'e da fad'in. "Shige kiyi alwala kibar nan gun."

Hajara ce a k'ufule tace."Wannan wani irin zalinci ne？Kibar yaro mana ya rama abinda ta masa zaki wani janyeta tsabar rashin gaskiya." Ci kanki Inna ba tace da ita sai tsaiwarta ta gyara tana jiran Rahin d'in ta fito daga band'akin,tana fitowa kuwa Hajara ta hankad'a Sale had'e da fad'in jeka ka rama dukanka,in kuwa ba haka ba wallahi Babanku ya dawo sai na gaya masa tunda ita aljana ce duka ba ya shiga jikinta,ko kuma nace jaka"

Inda Rahin d'in ke tsugune na alwala Sale ya nufa Inna ta dakatar da shi da fad'in. "Kada ka sake hannunka ya sauka a jikinta,in ba haka ba wallahi sai ranka yayi mugun b'aci,uban waye yace ka tsokaneta？da kaja girmanka zata bi ta taka shine？"
Jaa da baya yayi saboda yana shakkar Innar Rahin d'in,sam bata musu wasa shiyasa suka fi tsoranta ma akan Innarsu,k'wafa kawai yayi,had'e da cewa Rahin d'in. "Shegiya mummuna,duk fad'in garin nan kowa ya shaida Baba baya sonki,kuma wallahi zan kamaki a waje ne inda babu Innar taki sai naga me tare miki."
"Ka nad'a mata na jaki wallahi ni nan na tsaya maka,kuma mahaifinka ma ya tsaya maka,yarinya sai kace iblishiya kuma ana dad'a d'aure mata baya,kai nidai Allah na gode maka da ba ka bani 'ya mace ba,ashe ta bakin baban nasu 'ya mace tarin wahala ce."

"Shige d'aki,kiyi sallar magariba sannan ki isha." Inna tacewa Rahin,sai da taga shigewarta d'akin kana ta juyo kan Hajara dan mayar da martani. "A gurin kune 'ya mace tarin wahala,anman a gurina ni'ima ce kuma sanyin idaniya,da ace zan k'ara haihuwa dubu,kuma Allah du ya bani 'ya'ya mata da zanyi matuk'ar farin ciki,abinda Rahin kuwa keyi k'utuciya ce kuma kowa da kalar tasa k'uruciyar,wata rana baza kice tayi haka ba,kuma ina ji a jikina wata rana sai kin shiga inuwarta 'ya'ya mazan da kike ganin mafaka ne a gareki sai tawa macen ta zane miiki mafaka kafin su,da kina da hankali da tunani ko akan Halima zaki fahimci falala da ni'imar da yayi mini da ya azurta ni da samunta."
Tana kawowa nan tayi shigewarta d'aki ba ta tsaya saurarar kunfar bakin da Inna Hajara ke yi ba ta dai jiyota tana Allah ya sawak'e ta shiga inuwar Rahin d'in ba taga abinda zata tsinana mata ba ita da Allah ya azurtata da samun mazaje har guda biyar ba taga wani abu da wannan iblishiyar za tayi mata ba. A k'udun dine ta samu Rahin d'in tana ta rawar d'ari,alamun zazzab'i ne yake shigarta,paracetamol ta d'auko ta bata tasha,kana tace ta shige cikin gidan sauro ta kwanta ita kuma ta tayar da sallar isha'i. Rantsuwar Baba taci Rahin,dan kwa kwana tayi da azababban zazzab'i,gashi in tana zazzab'i sai tai ta firgita,washe gari da safe kuwa ko makaranta ba taje ba su Fad'ime da suka,biyo mata suka tarar bata da lafiya sai kwa bulki cewa tayi. "Alqur'anin Allah yau nima kwa baza ni ba,komawa zanyi nacewa Innata ba'a yi." cikin marai raita Fad'ime tace.
"Kekwa dan Allah Bulki kizo muje,yau ni kad'ai kuke so ku bari,makarantar baza tamini dad'i ba,gashi in naje na yiwa Innata k'arya baza ta yadda ba." "Ai yau ko me zaki Fad'ime ba zanje makarantar nan ba,kin manta jiya na tsokano kin manta jiya na tsokano Abun gidan Bawa me jakai,tace sai mun had'u a makaranta zata ci ubana,kuma me tare mini ba lafiya in ba so kike tayi k'uli k'ulin Kubra da ni ba." Ba yadda Fad'ime ta iya haka ta bar Bulki ta juya gida ita kuma ta nufi makarantar bokon nasu da ke da d'an tazara sosai da su,ajinsu uku a yanzu,kuma ajinsu d'aya duka su ukun,k'awaye ne tun daga yarinta,Bulki tsinanniyar tsokana ce da ita wacce ta dame ta Rahin ta shanye ga tsoro fal ciki,idan tayo tsokanar Rahin ke uwa ke makarb'iya,ita Rahin fitina tafi yawa a cikinta,Fad'ime ce me sanyin hali kawai a cikinsu anman itama idan ana fad'a da d'aya a cikinsu haka zata zage ayi da ita duk da ba ta kasance me son fad'a ba.


Bayan sallar la'asar Baba Malam（Mahaifin Madu,Rahina ce ta rad'a masa Baba Malam,dama Malam d'in ake kiransa,Innarta ce me ce masa Baba ita kuma sai ta had'e duka biyun take cewa Baba Malam）yayi sallama cikin gidan,Inna na jin sallamarsa ta fito da hanzari rik'e da tabarma ta shimfid'a masa a gurin da yakan zama a duk sailin da ya kawo musu ziyara,sannu take ta jera mishi har ya cire takalmansa ya nemi guri ya zauna da bismillah a bakinsa,yayin da Inna ta juya ta d'ebo masa ruwan randarta me sanyi a kofin silba ta kawo ta ajiye a gabansa kana ta durk'usa har k'asa ta gaisheshi ya amsa cike da kulawa da soyayya kana yace. "Hala uwata ba ta gidan nan？" "Taje nan gidan Hari ta anso awara,jiya da zazzab'i ta kwana ta kasa cin abinci,shine na bata hansin ta anso awara da kunu ko zata iya ci." "Haba ko da naji,tun da naga ba azo tarb'ata ba nasan ba ta nan,Ayya ashe ba taji dad'i ba？shiyasa Gwaggo （Matarsa da ya aura bayan rasuwar Inna Halima）tace mini yau ba ta biyo daga makaranta ba."
"Wallahi kuwa,anman dai da d'an sauk'i."
A dai dai nan Inna Hajara ta fito suka gaisa da Malam,ya amsa mata cikin kulawa had'e da tambayarta yara,sai ga Rahin ta shigo da hanzari ta k'araso gurin Malam ta kwanta a jikinsa had'e da fad'in. "Baba Malam" "Uhmmm,Uwata,ya jikin naki？" Ya fad'a yana shafa wuyanta yaji babu zafi. "Naji sauk'i Baba Malam." "To maza gyara zamanki ga gurasa da nama na kawo miki,har da fura." Baki ta washe cike da farin ciki ta gyara zamanta Inna ta d'auko kofi ta juye mata furar a ciki bisa Umarnin Malam,shi kuma ya bud'e mata ledar nama da gurasar ta hau danna lauma kamar ba mara lafiya ba,ta ma manta da ledar awara da kunun da ta ajiye a gefenta saboda taga masoyinta nama,Sale da Mubrak da Kabiru ne suka shigo,suka tisa Rahin d'in a gaba da kallo,Mallam ya d'ad'd'auka ya basu kafin Inna Hajara ta fito ta korasu d'aki tana zaginsu,ko d'aga kai Malam baiyi ya kalleta ba sai hirar su da suke ta yi da Inna Rahin na kora furarta bayan ta gama cin naman.
"Ina sonka Baba Malam,ina jin sonka sama da na Baba,ni dama kaine ka haifeni wallahi." Ta fad'i hakan bil hak'k'i da gaskiya har cikin ZUCIYARTA "Nima ina sonki Uwata sosai da sosai,Allah Ubangiji ya nuna mini auranki anan za'a ga soyayya." Rufe idanuwanta tayi alamun jin kunya kafin tace.
"Ai Inna tace ba za tamin aure da wuri kamar Yaya Halima ba sai nayi karatu sosai." Tana kai k'arshen maganarta Baba da Idi da Kabiru suka shigo,sun dawo daga gona,jin muryar Baban yana sallama su sale suka fito suna masa oyoyo yayin da Rahin ma ta shiga ayarin 'yan masa oyo yo anman haka ya tureta daga jikinsa alamun ba ya so tazo kusa da shi,gurin Malam ya nufa ya durk'usa yana gaisheshi,yayin da ya amsa masa a sake,kafin suka d'an tattauna game da aikin gona.

"Malam, 'yan bindiga fa sun kuma kawo hari k'auyen dake kusa da mu,kuma ana rad'e rad'en k'auyen nan zasu kawowa hari na gaba shiyasa nake k'ara rok'anka dan Allah mu tattara mu koma birni."
"Tun tuni na gaya maka,babu abinda zai saka na bar mahaifata,kuma kaima ban aminta ka bar garin nan ba sai dai idan har bana numfashi,ka saka a ranka duk wanda kaga ya mutu lokacinsa ne yayi."
Jinjina kai kawai Baba yayi,anman Allah na gani k'auyen gaba d'aya ya fita a kansa kawai dai dan ba yadda zaiyi da mahaifin nasa ne.
"Hajara kuje d'aki ke da yara zamui magana." Cewar Malam kafin ya kalli Rahina ma yace. "Uwata kema jeki d'aki kici gaba da shan furarki." Ran Inna Hajara babu dad'i ta shige d'aki yaran suka bi bayanta,dama dawowar Baba ce ta saka ta fitowa bacin haka tasan Mallam d'in ba ya maraba da ita ko kad'an. （A cewarta ba）

"Ahmadu ....



09037093702
[9/18, 2:59 PM] Mtn Number: BEBE'ARTH

2023

Wattpad@Rashuna
Mama Jiddah
Heenah
Silar soyayya
Masoya
Rabee'ah
Babbar Cuta
Muguwar surika
K'addarar Rayuwarmu
Cikin Duniyarmu500
Katanga500
Cin Amana500
Wadjda500
Halittar ZUciya500
Compleet guda hud'unnan ga masu buk'ata zan iya baku a 1500 da kuma samun damar karanta HALITTAR ZUCIYA KTAUTA.
Ban yadda a juya mini littafaina ko wata siga ba,duk wanda yaci da gumina idan ban gani ba Allah yana gani.


HALITTAR
ZUCIYA

（4）
Malam ya kira sunansa,ya amsa yana me bawa Malam d'in dukkanin nutsiwarsa,dan da dukkan alamu magana ce zai masa mai muhimmanci,baiyi mamakin ganin bai cewa Inna ta bashi guri ba dan yasan akwai sirrikan Malan d'in da Innar ta sani wanda ko shi da ya haifa bai sansu ba.
"Wanene ni a gurinka." Malam ya jefo masa tambayar nan sai da ya numfasa kafin yace. "Mahaifina ne kai." "To a mtsayina na mahaifinka yau ina k'ara jaddada maka akan abinda muka sanar da kai ni da mahaifiyarka,ko bayan raina ka rabu da Mariya ko ka wulak'anta ta ban yafe maka ba,ina sane da har yau akwai nauyikan da baka sauke mata wannan kuma Allah ne zai tambayeka dalili,dan wallahi dalilinka ba dalili ba ne jahilci ne da jayayya da Ubangin,domin kuwa shine ya halicci ko wani jinsi,kuma shine nan ya bawa Mariya kyautar 'ya'ya matan da kake gudu ya kuma bawa Hajara mazan da kake so saboda haka yaso kuma haka yaga dama dukkaninsu ba zab'insu ba ne ba kuma son ransu ya zab'aba,sai dai dan hakan yayi niya kuma kyautar da yaga damar basu kenan.Bari na sanar da kai abinda baka sani ba,sanda Allah ya bamu cikinka fata muka dinga yi Allah yasa mace ce,anman da aka haifeka kazo a namiji haka muka nuna maka so da gata duk kwa tsanani da son da mukai na mace bai hana mun nuna maka k'auna ba,kuma daga kanka Innarka ba ta sake haihuwa ba har Allah ya bamu kyautar Mariya.
Dan haka abinda kake a tak'aice sunanshi jahilci,idan zaka gyara ka gyara dan wallahi abu d'aya nake jiye maka ranar da ZUCIYAR RAHEENA zata fara tsanarka,in bakai wasa ba kuwa sai kazo kana zub da hawayen ta soka wata rana a lokacin kuma bata da ikon yin hakan.Banga abin tsana a mace ba.Mahaifiyarka mace ce,kowa da ka gani a duniya silar zuwansa macece,idan ba macen za'a haifa ma mazan da kake so ne？
Mace na nufin k'warin guiwa.
Idan ba mace ba hayayyafa.
Idan ba mace ba rayuwar halitta.
Idan ba mace ba Zubin halitta.
Idan ba mace ba d'orewar gobe.
Idan ba mace babu ahali.
Idan ba mace babu gudanar da rayuwa.
Idan ba mace babu samun nutsuwar rayuwa.
idan ba mace ba ni'imar rayuwa.
Mace abar a tausayawa ce ba abar tsangwama da kyara ba. Idan maganganuna sun hankaltar da kai ruwanka,duk da ba yau na fara ba,idan kaci gaba da nunawa Raheena tsangwama da kyara ruwanka Allah yana gani."

Daga haka ya mik'e sukai sallama da Inna ya fice yabar Baba a durk'ushe ko karatun Malam ya shige shi？
（To wa ya sani sai mun bishi munji tukunna. ）


Washe gari RAHENA ragas ta tashi,dan haka da su Bulki suka biyo mata makaranta a shirye suka tarar da ita,suna zuwa suka rankaya suka tafi Bulki rik'e da jakar Rahin d'in dan ita ke d'aukar mata ba kuma ta isa tace ta gaji baza ta d'auka ba.
"Rahin nima jiya fa banje makarantar ba Abun gidan Bawa me jakai na tsokana a burtsatse shekaran jiya shine na gudu tace sai a makaranta zata kama ni taci ubana."
"Me yasa ba ki gaya mata ubanki yayi mata kad'an ba sai dai taci Bawa me jakai dan shine dai dai da ita."
"Bari nayi sai yau ma gaya mata."
A dai dai nan suka shiga cikin ajinsu,Salima ce dake mugun son k'awance da Rahin ta taso ta tareta had'e da fad'in.
"Allah yasa kin tahon da wainar Inna ？"
"Na dai tawo da ita,idan an fita break in zamu ci sai na kirawoki ." "Me yasa jiya ba kizo ba？na tambayi Fad'ime ba ta kulani ba ." Dan haushinta suke ji yadda take likewa Rahinan ta k'arfin tsiya,yanzun ma tsaki sukai suka wucesu.
"Ban ji dad'i ba ne,nayi fama da zazzab'i."
"Ayya,Allah ya sawak'e,idan an fita break d'in sai mu fita tare yai d'ari Innata ta bani "
Washe baki Rahin tayi had'e da farin ciki,a ranta tana b'uyarwa su Bulki zasui wainar ma yau baza taci tare da su ba.
Bayan tashinsu daga makaranta ansha dambe tsakanin Abur wacce Bulki ta tsokano da Rahin,har sai da Rahin tayi mata k'ululu a goshi aikwa tayi rantsuwar baza ta yadda ba washe gari sai takai k'ara gurin Headmastee d'insu dan ba ma za ta kaiwa Innarsu k'arar ba da iyakacinta tace tayi hak'uri.


A k'aida kullum aka tashesu daga makaranta sai ta biya ta gidan Ya Halima,a k'ofar gidan suke rabuwa da su Bulki,su huce ita ta shiga ciki,to yauma hakance ta kasance,da gudu ta manna tayi cikin gidan kawa wacce aka biyo a guje,da ta daki wata buta dake babban tsakar gidan ba ta sauka a ko ina ba sai a gadon bayan Innar Audu （Surukar Halima）da ta tsuguna tana hura hutar iccen da ke ta bata wuya,a fusace ta d'ago dan ganin wanda ya jefo mata butar sukai ido hud'u da Rahin tana shishshigar da ido ciki sai kuma tayi murmushi ta bagarar kafin tace.
"Innar Audu me kike dafa mana ne." Dan haushi da takaici ba ta san sanda bakinta ya bata amsa da "Innarki Mariya nake dafa muku,dan tsabar rashin kunya ki jefon buta,sannan ki tsareni da k'ananun idanuwanki kina tambayata me nake dafa muku,to uwarki Mariya na had'a da yayarki Halima nake dafawa."
Turo baki gaba tayi kafin k'asa k'asa tace."Wannan mitsitsiyar tukunyar taki ai tawa Innata kad'an sai dai wannan tsililin mijin naki me kama da sandar rake,dan shi kam cif tukunyar zata amsheshi har da sarari" "Me kike cewa？" Innar Audu ta tambaya dan ganni bakinta yana motsi,sai kwa Rahin cewa tayi. "Ca nayi da kwa kin samu tsoka ba kamar k'yamushashen mijinki ba da motsatstsiyar Zuwairarki "（Itace Autar Innar daga Audu sai ita）
A harzuk'e Innar Audu ta d'auki muciya tayi kanta,da ta manna a guje tayi sashen Halima.
Halima kuwa tana