You Cannot Download this book untill you login but you can read it .

---

Login Register

da ita. "Shin ba ki san inda macizai suke bah a makarantar nan dan Allah?".

Kallon Du'a maryam ta yi mamaki lulluɓe kan fuskarta ta ce. "Kamar ya bansan inda macizai suke bah?, ban fahimci maganar ki bah, ina so ki ganar dani".

Du'a ta ce. "Eh abin da de kika ji na faɗa, nace kinsan inda macizai suke da zama a wannan makarantar?".

Wani kallon baki da hankali Maryam ta bi Du'a da shi sannan ta ce. "Kin manta har girki da wanka nake musu. Wato sabo da rainin hankali irin naki kike wani tambaya na nasan inda macizai suke".

"Shin ni jinsin su ce da zan san inda suke da zama? Hanya Du'a kalau kike kuwa? Ta ya ya zaki tsare ni ki dinga yi min wannan tamabayar, duk wanda ya jiki ma sai ya ɗauka koh kina da mental problem wallahi".

"Aba Maryam, ni fah nasan me yasa nayi miki wannan tamabayar. Su ɗin da kike gani abokai na ne sosai, na shaƙu dasu tun ina ƙaramar yarinya. kuma sannan har yanzu muna abota dasu ".

"Abin da ma yasa kika ga na tambaya shi ne, sabo da na fara kewar su ne. Kin san ya nake dasu kuwa? Su kaɗai ne idan ina kuka suke rarrashi na, su suke ɗebe min kewa idan ina cikin kaɗaici".

"Basua so su ganni cikin kunci, damuwar su ke sani ɗimuwa, murmushin su kuma ke sani dariya. Idan har ban gansu bah, banajin cewa zan iya bacci yau".


"Tabbas kina buƙatar ganin likita Du'a". Cewar Maryam. Sannan ta ƙara da faɗin. "Hanya Du'a bakida shafar aljanu kuwa? Ta ya ya za'a ce mutum yana abota da macizai wanda suke da illa wa lafiyar mu? Ni wallahi kin fara bani tsoro ma, karna je kema macijiya ce".

Ɓata rai Du'a ta yi ta ce. "Kada ki ƙara ce min macijiya bana so ".
Maryam ta ce. "Toh kema in banda abinki ta ya ya nima bazan yi tunanin koh kema macijiya bace, kin san yadda nake matuƙar tsoron macizai kuwa? Na tsani macizai a rayuwata. Ke bama ni kaɗai bah, kowane ɗan adam a duniya bazai so dabbar da zata cutar da lafiyarsa bah".

"Ni dan Allah abar ma wannan maganar, ki tashi muje mu yi abin da zai finshe mu".
Cewar Maryam.

Miƙe wa Du'a ta yi tsaye ta ce. "Shi kenen kada kiji tsoro in sha Allahu daga yau bazan sake ambatar sunan maciji bah kinji?".


"Shi kenen". Kawai Maryam ta furta, daga bisani ta ja hannun Du'a suka fita don neman ruwan da za su gabatar da alwala.


"Saina saka ta gane kuskuren ta, tun da har ta sake ta yi sa'insa dani toh saina sa ta gane Allah ɗaya ne. Ba'a min na ƙyale .saina saka wannan makarantar ya gagare ta da zama".


"Aba Ahmad this is not fear, bai kamata a ce ka dinga faɗan kalamai marasa daɗi haka bah, koh ba komai duk ƙanƙantar mace uwa ce ".

"Kuma sannan kaima mace ce ta kawo ka wannan duni.....
Maganar sace ta dakata sakamakon tsawana da Ahmad ya daka masa.

Zumbur Ahmad ya miƙe daga kan kujerar da yake tare da nuna Abdul da ɗan yatsarsa sannan ya ce. "Idan har ban gasa magana da kai bah, toh bana so ka saka min baki ".

"Dame take takama a wannan garin?, shin kasan maganganu marasa daɗi da ta faɗa min, idan da kana wajan ba zaka tsaya kana faɗa min story bah, kasan cewa na tsani na ja magana a ja ".

"Tun da ta ruga ta ta yi musayar yawu dani, toh walwala da farin ciki sun ƙare mata, don saina gallazawa rayuwarta a makarantar nan ". Yana kaiwa nan ya shige cikin mota tare da tada motan sannan ya bar cikin makarantar.

Baki sake Abdul ya bishi da kallo, sannan ya ce. "Ahmad ina fatan Allah ya shirye ka idan mai shiryuwa ne".


*9: o'clock na dare*
Mata wajan kusan biyar zuwa shida na hango kwance akan bonch ɗin kwanciya. Kowacce tanada wajan kwanciyar ta. Gefe guda kuma su Du'a ne kwance akan gado wanda mafi yawanci student ke amfani da shi wajan kwanciya.

Gaba ɗaya idanuwan matan ɗaƙin akan Du'a ya ke, duk inda Du'a ta juya sai ta ga suna kallonta.yayin da suke ganin irin tsananin kyau na halitta da Du'a ta ke da shi.

Juyarda da kanta Du'a ta yi tare da mai da kallonta kan Maryam ta ce. "Me yasa matan nan suke kallo na ne? Shin na aikata musu wani abu ne?".

Murmushi Maryam ta yi sannan ta ce. "Kema in banda abinki ta ya ya ba zasu kalle ki bah, farko kina da kyau, ga gashi har baya, kina da idanuwa da matsakaicin hanci masu ɗaukar hankali, gaba ɗayanki ma baki yi zubin yan Nigeria bah".

"Toh faɗa min ta ya ya ba za su kalle ki bah? Nida bani da kyau gashi nan babu ma wanda ta ke kallona sabo da bana gaban ta, kawai ki kwanta kiyi bacci ki daina waɗan nan saƙe-saƙen a ranki".

"Na ji shi kenan zan kwanta" cewar Du'a.
Sai da Maryam ta rabbatar kowa ya gama uzurin sa sannan ta kai hannunta kan fitila domin kashe hasken ɗaƙin.

Ganin aka da Du'a ta yi ya sa ta saurin riƙe hannun Maryam damuwa lulluɓe kan fuskarta.

Mai da kallonta Maryam ta yi kan Du'a sannan ta ce. "Mene ne haka kuma Du'a? Me yasa kika riƙe min hannu lokaci ɗaya?".

Girgiza kai Du'a ta yi sannan ta ce. "Dan Allah Maryam kada ki kashe fitilan nan, wallahi ina matukar tsoron duhu, idan kika kashe zan iya shiga wani hali wanda ke kanki saikin zo kina da na sani ".

"Bana son duhu maryam ki bar wutan a kunne dan Allah".

Ɗaya daga cikin yan ɗaƙin ne ta kalli Du'a ta ce. "Aba baiwar Allah, ta ya ya zaki ce kada a kashe hasken wuta. Toh mudai sabo da ke ba zamu iya kwana cikin haske bah gaskiya".

"Haka ne Du'a, maganarta gaskiya ne, bai kamata a ce mun kwana cikin haske bah gaskiya, sabo da babu ma kyau kwana da haske, sai dai fa kiyi haƙuri, ki lallaɓa ki kwanta a aka". Maryam ta ƙarashe maganar tare da kashe fitilan ɗaƙin.

Cun kushewa waje guda Du'a ta yi yayin da zuciyarta ya tsananta faɗuwa. Ƙaƙƙarwa jikin ta ya soma yi, yayin da haƙoranta na dukan na sama da ƙasa.

A ta ke hawaye suka fara zarya akan fuskarta, babu zato ƴan ɗaƙin suka ji ƙaran tsawa da walkiya. Mamaki ne ya kama su sabo da a sanin su dai wannan lokaci bana damuna bane, amma kuma alamu sun nuna kamar za'a yi ruwan sama ne.

gurnanin Du'a Maryam ta faraji ƙasa-ƙasa, saurin kunna fitila Maryam ta yi tsreda mai da kallonta kan Du'a.


Rass ta ji gabanta ya faɗi! Cikin tashin hankali ta nufi inda Du'a ta ke ganin yadda gaba ɗaya ta rikice numfashinta na neman sarƙewa.

Tashi suma sauran ƴan ɗaƙin suka yi tare da tallafawa Maryam ta ɗago Du'a. Ganin tadda idanuwan Du'a ke jujjuyawa yasa gaba ɗaya tsoro ya baibaye zuciyoyin su.

Saurin miƙe wa ɗaya daga cikin matan ɗaƙin ta yi, sannan ta nufi inda bokitin ruwa ya ke. Ɗaukar kofi ta yi sannan ta ɗebi ruwa kaɗan a cikin kofi ta nufi inda su Du'a suke.

A hankali ta fara shafa mata fuskarta da ruwan koh Allah zai sa ta dawo dai-dai, amma kamar ma abin da ɗa ƙaruwa ya ke.

"Na shiga uku ni Maryam!, dama na sani ban kashe fitilan nan bah, yanzu mai zamu yi ta dawo dai-dai?".

"Ɗaya daga cikin ƴan ɗaƙin ne ta kalli Maryam ta ce. "Ki kwantar da hankalin ki wannan abin da ke damunta nasan ba zai wuce shafar aljanu bane, dan aka kawai mafita ɗaya ce, shi ne muyi mata ruƙiya koh Allah zai sa su lafa".

"A'a ƴar uwata bata da aljanu koh kaɗan, bana so ki kara ce mata tanada aljanu ".
Tana kaiwa nan ta miƙe da zimmar fita don neman wa kansu mafita.

Ji ta yi an riƙe mata hannu, waigawa ta yi tare da ɗora idanuwan ta kan nata. Baki na rawa Du'a ta ce. "Kada ku tayar da hankulan ku a kaina, wannan bah sabon abu bane, bah yau ne karo na farko dana fara shiga irin wanann halin bah, zan dawo dai-dai nan bada jimawa, kudai kawai ku kwanta kuyi bacci nasan ta yadda nake dawo da kaina dai-dai".

"Kin tabbatar zaki dawo dai-dai ba sai mun nemi mafita bah?". Cewar Maryam.

"Kwarai ina da tabbaci akan maganar dana faɗa, kawai kuyi abin da nace".

Jin hakan da suka yi ya sa gaba ɗayansu kwanciya cike da fargaban kada wani abu ya samu Du'a.



"Mene ne ya faru Inna wuro? Ya naga hankalin ki a tashe?". Cewar mai gari .
Amsa Inna wuro ta bashi da cewa. "Gaba ɗaya hankali na ya'ƙi kwanciya zuwa birnin da Du'a ta yi, tun ɗazu gabana yake ta faɗuwa, kuma bansan dalilin akan bah".

"Kuma jikina yana bani cewa Du'a na cikin halin tsaka mai wuya wanda babu wanda zai iya taimaka mata bayan mu da muka san duk matsalolin da ke damunta, ina tsoron kada wani abu ya faru da ita".


Murmushi Mai gari ya yi sannan ya ce. "Babu abin da zai faru in banda alhkairy, dan Allah ki daina irin wannan saƙe_saƙen a ranki, Allah shi ne mai karewa, kuma ina da tabbacin cewa Allah zai kare ta domin tana tareda albarkar iyaye da kuma albarkar mutanen kauyen nan".

"Maza kije ki kwanta dare ya yi, in sha Allahu ma babu abin da zai same ta ƙunshi?.


"Na ji shi kenan Mai gari na gode, ni yanzu zan koma ciki, da safe zamu ci gaba da yiwa mahaifiyarta magani sabo da na fara ganin sauyi a tattare da jikinta, alamu na nuna cewa nan kusa zata tashi".

"Masha Allah". Mai gari ya faɗa sannan ya ce. "Allah yasa akan, ubangiji ya saka ta farfaɗo nan kusa, domin yarta na matuƙar buƙatar ta".


Washe gari sa sassafe jikin Du'a ya yi sauƙi, harta shirya zata tafi aji domin daukar darasi. Kallonta Maryam ta yi ta ce. "Du'a kamar ba keba wallahi, kinga yadda kika bamu tsoro a jiyan nan".

Mai da kallonta Du'a ta yi kan Maryam ta ce. "Kinga dan Allah abar wannan maganar, ki tawo muyi sauri mu tafi aji sabo da kada mu makara".

Murmushi Maryam ta yi ta ce. "Ke in banda abinki wazai yi miki lecture ƙarfe shida na safe, koh mune ƴan hallazi boko ai sai akan, gaggawan me kike? Ki bari bakwai ta yi tukun nan sai mu tafi ".

Ɗaukar jakarta na saƙa Du'a ta yi sannan ta ce. "Kinga tafiyata, ni bazan iya jiran har ƙarfe bakwai ya yi bah, sabo da ina so naje na kofi rubutun da aka yi bana nan".

Dakatar da ita Maryam ta yi da faɗin toh idan ma za kije, sai ki tafi da wannan jakar dan Allah, ai saiki sa a raina mu. Kalli fah jakar gaba ɗaya ta yi muni da yawa gashi kuma saƙa ta aka yi, kawai ki ɗau ɗaya daga cikin jakunkuna na ki tafi dashi".

Girgiza kai kawai Du'a ta yi sannan ta ce. "Babu wanda ya ajiye ni a makarantar nan, ni karatu nazo yi bah gayu bah, duk abin da nake dashi toh shi zan saka, idan kuwa bani dashi toh bazan takura wa kaina don mallakar abin da banda shi bah ".

"Idan ma kallona za suyi koh zagi koh akasin aka toh sun daɗe basu yi bah. Ni kinga tafiyata sai kin tawo". Tana kaiwa nan ta fice daga ɗaƙin.


Ɗaukar jakarta Maryam ta yi tare da bin bayanta da sauri.
Tafiya mai nisa suka yi kafin daga bisani suka isa wajan department ɗin su.

Shiga ciki suka yi suka tarar babu kowa a cikin ajin. chan sama Du'a ta nufa tare da ajiye jakarta akan kujera sannan ita ma ta zauna akan kujerar da ta ke ganin shi yafi cancan ta ta zauna.

Zuwa Maryam ta yi kusa da ita sannan ta ce. "Du'a me zai hana ki samu wani kujeran ki zauna, wannan kujerar da kika zauna akai, na su Jennifer ne kuma babu wanda ya ke zama in banda Jennifer".

"Dan Allah ki nemi wani ki zauna". Murmushin takaici Du'a ta saki sannan ta kalleta ta ce.

"Ni dai dana zo wajan nan banga inda aka rubuta cewa iya Jennifer ce kawai ke da ikon zama akan wannan kujerar bah, shin kujerar daga gidan su ta tawo dashi koh me? Koh an rubuta a jikin kujerar cewa kada wanda ya zauna a kan wannwn kujeran, dan aka dan Allah ki rabu dani ".


Shiru Maryam ta yi mata sannan itama ta samu guri ta zauna. A hankali ɗalibai suka fara shigowa cikin aji, babu bata lokaci ajin gaba ɗaya ya cika, yayin da suka dinga bin Du'a da kallo.


Chan Maryam ta hango tawowar su Jennifer daga windon ajin. Da sauri ta taɓa Du'a Tare da faɗin. "Du'a ki tashi gatanan zuwa fah, dan Allah ki tashi kada tazo ta tarar dake a kan kujerar zamanta".

"Murmushi Du'a ta yi wanda ya sanya dimple ɗinta lotsawa, sannan ta ce. "Allah ya kawo ta lafiya, wallahi daɗi na dake Maryam bakida jarumta, samm bakisan darajar ki ta mace bah, ta ya ya wata ɗaliba zata zo tana tsorata ki, kuma ke.....

Maganar ta ne ya tsaya chak jin muryar Jennifer na faɗin. "Waya baki izinin zama a waje na, kinsan kuwa wace ce ni a makarantar nan, toh maza- maza ki tashi kafin na nuna miki ɗanyen kaina".

Miƙe wa Du'a ta yi murmushi ɗauke kan fuskarta ta ce. "Keda wannan bahamagen wanda kuke kira shugaban ɗalibai baku da maraba, shima aka ya ke kuri amma banga har yanzu ya aiwatar da abin da ya ce bah".

"Kuma kema aka, dan aka ki samu wani gurin ki zauna, dan kuwa wannan gurin karfi ya cinye".

Ƙoƙarin magana Jennifer ke yi suka ji shigowar lectura, harara Jennifer ta watsa mata sannan ta samu wani kujerar ta zauna akai.

Gaishe sa gaba ɗaya ɗaliban suka yi, daga bisani kuma lecturan ya fara koyar dasu darasi.

Sosai Du'a ke fahimtar darasin da ake koyarwa, duda cewar bah duka abubuwan ta ke fahimta.

A hankali ya sanya kafufawansa a cikin ajin. Ɗaliban ajin na ganin sa gaba ɗaya suka mimmiƙe, tare da gaishe sa.
Banda Du'a wacce ke zaune kamar bata san da shigowar sa bah.

Ran Ahmad ne ya soma ɓaci, ganin gaba ɗaya ta yi kamar bata san da shigowar sa ajin bah. Gyaran murya ya yi sannan ya ce.

Wace ce Du'a a wannan ajin? Jin ya ambaci sunan ta yasata ɗago da kanta ta ce. "Nice nan fatan dai komai lafiya?".

"Kallonta lecturan ajin ya yi, mamaki ɗauke akan fuskarsa ya ce. "Ke baki ga shugaban ɗalibai bane, ba zaki iya tashi ki gaida shi bah, baki ga kowa ya tashi bane?".


"Eh na gani, naga ɗalibai sun tashi, ni kuma bai kai matsayin wanda zan tashi na gaida bah, idan ma mafarki ya ke toh ya farka, dan bazan taɓa gaishe shi bah saidai duk abin da zai faru ya faru".

A hassale Ahmad ya fara tunkaran inda ta ke, babu tsammani Du'a taji saukar maruka kam fuskarta, yana sauke hannunsa ita ma ta ɗaga nata hannun.




*TUNATAR WA......, Free page ya kusan kare wa, fan's ina fatan Allah(SWA) ya hore muku ya baku ikon biyan kuɗin wannan littafin Naira ₦400 complt babu tsada, ki siya ki mori karatun ki cikin kwanciyar hankali*.

COMMENTS & SHARE PLS 🙏 🙏 🙏
ALKALAMIN ✍️
A'ISHA M.B💞💞💞
(Zinariyar 🪙Jajirtattu)


https://www.facebook.com/61556643936657/posts/122103978398221464/?substory_index=159698751105534&mibextid=rS40aB7S9Ucbxw6v
💪 *JAJIRTATTU WRITER'S ASSOCIATION*💪 ✍️
(J.W.A)
_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️


BISSMILLAHI RAHMANI RAHIM🌹

*🌸RAYUWA DA MACIJIYA* 🐍 🐍🐍

*PAID BOOK ₦400 complt*
kacal babu tsada
*9043687746 Hassana Aliyu Opay bank*
*Evidence of payment*
09130398321

FREE PAGE ️️1️⃣2️⃣➡️1️⃣3️⃣
WRITTEN & DIRECTED ✍️ BY A'ISHA M.B💞
(Zinariyar 🪙 Jajirtattu)


*_______________________________*
Chak Du'a ta tsaya sakamakon riƙe mata hannu da jennifer ta yi.
Murmushi Jennifer ta sakar ma Du'a, sannan ta ce. "Mene kike shirin aikata wa? Wai da niyarki ki ɗaga hannu sannan ki maresa? Toh ki sani duk wanda ya yi yinkurin akan sai ya fuskanci hukunci, dan aka kema dole ki fuskanci hukunci".
Cike da ɓacin rai Ahmard ya kalli Du'a ya ce. "Da tunanin ki ki ɗaga hannu ki mare ni? Har yanzu baki san waye ni bah Koh? Toh ki jira kiga abin da zan aikata yanzu a wajan nan".


Yana kaiwa nan ya ja mayafin ta sannan ya riƙe hannunta ya fara jan ta. Ƙoƙarin kwace kanta ta ke amma akan ya cutura. Ganin dai da gaske waje zai kai ta ya sata fara bashi haƙuri. Shiko Ahmad kamar ma bai san tana yi bah.
Sai da ya kaita tsakiyar makarantar ya yin da dalibai daga kowane department suka fara fitowa daga classes ɗin su.
Zama ya yi akan mota, ya yin da ita Du'a ke tsugunne a kasan wajan. Ganin dalibai sun zagaye su ya sashi sakar mata murmushi.

Ganin jama'a sun taru waje ɗaya tare da kewaye wajan ya sanya su Abdul suka karasa wajan.
Kallon ɗalibai makarantar Ahmard ya yi ya ce. "Wannan da kuke gani ta raina muku shugaba sannan ta daga hannunta da zimmar mari na".

Shin wane mataki ya kamata na ɗauka akan ta? Na hukunta ta ne ko na barta taci bulus?".
Hatare gaba ɗaya ɗaliban suka haɗa baki wajan cewa . "A hukunta ta".
Ku kan da Du'a ke riƙe wa ne ya subuce mata. Ya yin da ta fara ku ka hawaye na zarya kan fuskarta.
Babu zato suka ga gaba ɗaya garin ya yi duhu, ya yin da hadari ya ta shi a sararin samania tare da iska mai karfin gaske.


Da mamaki gaba ɗaya suka kalli sama ya yin da suka yi matuƙar mamaki ganin lokaci ɗaya hadari ya ta shi. Babu zato suka ga an zuge da ruwan sama mai matukar yawan gaske.

A ta ke ɗalibai suka fara komawa aji da sauri. Ganin aka ya sa Ahmard sauƙowa daga kan motar da ya ke kai sannan ya shige cikin mota sannan ya figi motar tare da barin wajan.

Da sauri Maryam ta isa inda Du'a ta ke sannan ta ja hannunta da zimmar ɗaga ta sama. Fizge hannunta Du'a ta yi sannan ta ce. "Bana so ki rabu dani, harni zai ci wa mutunci, ni zai tarawa jama'a sai kace wacce ta yi sata a kasuwa, tun da har ya kuskure ya yi min wannan cin mutuncin wallahi saina nuna masa cewa Allah ɗaya ne"

"Zan nuna masa bambancin ƙauye da birni. Ki tafi kawai ki barni a nan wajan".

"Ta ya ya zan tafi na barki a nan Du'a? Kema kin san ba zan iya tafiya na barki ke kaɗai a nan wajan bah, kizo mu koma class, kada ki bari professor's su zo su gan mu a nan wajan". Maryam ta ƙarashe maganar tare da jan hannunta.
"Ki rabu dani!". Du'a ta faɗa cikin daka tsawa.

"Shi kenen Du'a zan barki kamar yadda kika buƙata". Maryam na kaiwa nan ta shige cikin class.

Ruff da ciki Du'a ta yi sannan ta ci gaba da rusa ku ka. Daga sama ta ji muryar mutum a kan ta yana faɗin.

"Barkan ki dai kyakkyawar sura, mene ne ki ke yi a cikin ruwan sama kuma? Bai kamata a ce kyakyawa irin ki tana cikin ruwa bah, ki ta shi kada ki bari zazzaɓi ya kama ki". Saurin ɗago da kan ta Du'a ta yi sannan ta ɗora a kan sa.

Motsa leɓenta ta yi sannan ta ce."wane ne kai? Mene kake bukata daga waje na? Shin waya turo ka domin ka cutar dani?".
Tambayar da ta shiga yi masa kenen.

Murmushi ya yi sannan ya kalle ta ya ce. "Babu wanda ya turo ni kuma bawai na zo ne don cutar da lafiyar ki bah".

Koda ma zuwa ka yi don cutar da lafiyata toh akan ma ba zata faru bah, don ka ma cire a ranka cewa zaka cutar dani domin babu wanda ya isa kwatanta akan". Cewar Du'a.

"By the way ni sunana Umar habib harun ne, kuma ni ɗin ba kowan kowa ba ne, nima ɗan makarantar nan ne kamar ke ɗin nan, jiya na ga lokacin da shugaban ɗalibai na miki magana kina mayar masa, akan yasa naji tabbas tun da har ki ka iya yi wa shugaban ɗaliban makaranta magana ba tare da wani tsoro koh fargaba bah, ya sa naji cewa koma waye ba zaki kyale ba".

"Shi ya sa nake so kiyi min wani taimako".
Kallonsa Du'a ta yi ta ce. "Mene ne?".
Amsa Umar ya bata da cewa. "Ina so na zama abokin ki, mu kasance tare koh ina duk abin da baki gane bah a boko zan fahimtar da ke, kuma ina so ki yarda dani cewa bah cutar da ke na zo yi bah".

"Shi kenen na ji amma da sharaɗi". Kallonta Umar ya yi sa'annan ya ce. "Faɗa min mene ne sharaɗin? In sha Allahu zan bi kuma zan kiyaye".

Tashi Du'a ta yi sannan ta nufi garden ɗin makarantar. Ganin akan da Umar ya yi ya sa shi saurin bin bayanta.

Zama Du'a ta yi daga cikin kujerun da ke wajan ya yin da shi ma ya zauna ba tare da tsoron abin da zai biyo baya bah.

Kallonsa Du'a ta yi ta ce. "Kace sunanka Umar koh"? Amsa umar ya bata da cewa. "Eh".

"Shi kenen sharaɗin dama shi ne abota ni da kai ta tsaya a iya abota kawai banda soyayya, domin babu abin da na tsana a duniyar nan sama na ji an furta kalman soyayya a kusa da ni bana sonta dan aka a tsaya a iya abota".


Murmushi Umar ya yi sannan ya ce. "In sha Allahu ma a iya abota zamu tsaya, nida na ke da tawa budurwar me kuma zan yi da guda biyu".

"Karki damu nayi miki alƙawari iya abota ce kawai zata haɗa mu da ke banda soyayya, amma dan Allah ina so tun da yanzu kin ɗauke ni a matsayin aboki kuma ɗan uwa, kuma a matsayin aboki nake so na faɗa miki wannan magana. Kuma maganar ita ce ina so kije ki bawa Ahmard haƙuri dan Allah".

A ta ke fuskar Du'a ya koma daga walwala zuwa ɓacin rai. Lokaci ɗaya ta tuna da irin cin mutuncin da ya yi mata ɗa zu, cikin jin aushin maganarsa ta ce.

"Bazan je bah, Allah ya kiyaye na je na basa haƙuri sabo da shi ɗin autar maza ne zai sani na je na basa haƙuri, ai koh da me ya ke yawo a makarantar nan bai isa na je na basa haƙuri bah shi ɗin banza shi ɗin wofi".

Girgiza kai Umar ya yi ya ce. "Du'a ina da dalilin da ya sa ki ka ji na ce aka, wallahi Ahmard bah kunya ce ta ishe shi bah, a makarantar nan kusan ɗalibai amsin ya sa aka kora, kuma ɗaliban yawancin su mata ne kuma sabo da sun ce suna sonsa ne ya sa aka kore su daga makaranta".

"Shi ya sa ma babu wacce ta ke tanka masa a makarantar nan, indai ya yi magana ba'a ja hatta malamai sha yinsa su ke, indai har bakyason ki kunyatar da kanki da kuma iyayen ki toh dan Allah ki je ki ba shi haƙuri, in ba aka bah zaki sha baƙar wahala".

Ajiyan zuciya Du'a ta sauke ta ce. "Gaskiya wannan anyi shedani kuma mara tunani, aka kawai dan mata sun ce suna sonsa sai ya fara koransu sai kace ubansa ne ya gina makarantar, shi kenen in ba dan nayi wa yan ƙauyen mu alƙawarin cewa zan zamo musu garkuwa wacce zata dinga yi musu magani idan na zama likita bah koh, da Allah ba zan ba shi hakuri bah sai dai duk abin da zai faru ya faru".

Tana kaiwa nan ta miƙe tsaye tare da nufar inda department ɗin su ya ke. Bin ta Umar ya yi da kallo sannan ya saki murmushi.
Ciro wayar sa ya yi daga aljihu sannan ya yi dialling ɗin number wacce gaba ɗaya number bata yi kama da ta Nigeria ba.

Kira ɗaya biyu aka ɗaga, lankwasa kafa ya yi ya ce. "Yallabai na fara aikin kamar yadda ka umarta, ta ruga da ta bani haɗin kai yanzu shiga jikin ta zan yi sannan na sace ta tare da kawo maka ita fada".

Daga ɗayan ɓangaren aka ce. "Shi kenen abin da nake so kenen, amma ka tabbata baka cutar da ita bah, bana so koh kwarzane ta ji, idan har