You Cannot Download this book untill you login but you can read it .

---

Login Register

ina da halin dakatar da su da kuwa ba bu tantama sai na kawar da su".

Murmushi Maryam ta yi ta ce. "Koda ya shafe ki ma ba za ki iya bah, keda bah kowan kowa bah shi ne za ki ce wai za ki dakatar da sheɗanu makarantar nan, kuma bara kiji na faɗa miki, a makarantar nan ba bu sheɗanu. dan aka ki dinga kiyaye harshen ki dan Allah domin ba bu wanda ya san me zai zo ya biyo baya".

Girgiza kai Du'a ta yi ta ce. "Koh kare ya zama sarki, toh kura ta fi karfin haraji. Idan na faɗi abu toh ki yarda cewa sai na yi, a ƙauye mu har dajin da ba bu wanda ya ke iya shiga ta fito a raye na shiga kuma na fito batare da na ji koda kwarzane ne".

"Ƙauye da birni Du'a suna da banbamci, ke ƙauye ki ka sani bakisan birni bah, abin da ki ke gani a kauye bah lallai ki zo birni ki tarar da shi bah, aka zalika abin da ki ke gani a birni babu tabbacin ki iya gani sa a ƙauye".

"Ni Allah na tuba ma daji nawa ne ban shiga bah, koda yaushe a makarantar nan muna cikin zuwa excusion, kuma ba bu inda muke zuwa sai daji, domin samo magani cututtuka. Amma bah gashi bah ba bu abin da ya same ni".


"Shi kenen" Du'a ta faɗa. Tana kaiwa nan ta miƙe tsaye tare da nufar cikin hostel. Bin bayan ta Maryam ta yi da kallo tare da sakin murmushi ta ce. "Allah ya yaye miki Du'a".

Tana kaiwa nan ita ma ta miƙe tsaye tare da bin bayan Du'a.

Ƙarfe takwas ya yi musu a cikin hostel, kafin daga bisani suka fito cikin shigar su ta alfarma. Sanye Du'a ta ke cikin abaya milk colour wanda umma ta aiko a ba ta.

Kayan bah ƙaramin kyau ya yi mata bah. Gaba ɗaya ɗalibai idanuwansu akanta.

Murmushi Maryam ta yi ta ce. "Du'a kinga yadda ɗalibai maza da mata suke binki da kallo?".

Amsa Du'a ta bata da cewa. "Wannan su ya dama, sun daɗe basu kalle ni bah, ni buri Na yanzu shi ne muyi sauri mu isa inda Ahmad ya ce mu haɗu dan wallahi bana son koma wa ƙauye" ta faɗa tare da fito da sarƙar ta daga cikin kayan ta.

Zaro idanu Maryam ta yi ganin sarƙar da ke wuyan Du'a. Baki na rawa ta ce. "Du'a ina ki ka samu wannan sarƙar? Na tabbata wannan sarƙar lu'ulu'u ne kuma zai kai makudan kuɗaɗe kuma naga kamar harda tambarin masarauta a jiki. Du'a a ina ki ka samo shi?"

Kallon sarƙar wuyarta Du'a ta yi sannan ta saki murmushi ta ce. "Wai kinq nufin wannan sarƙar? Toh ai wannan sarƙar ta daɗe sosai. Inna ta fe min mamata ce ta bani kyautar sarƙar, nima tashi nayi naga sarƙar a wuyana".

Bin ta Maryam ta yi da kallo sannan ta ce. "Du'a kuma kin tabbata ke yar ƙauyen gembiza ce? Dan idai har wannan sarkar naki ne kuma mamanki ce ta baki, Toh bani da tantama kin haɗa jini da sarauta, tabbas kina da halaƙa da jinin sarauta".

Kallon baki da hankali Du'a ta bita dashi ta ce. "Kinsan me ki ke faɗa kuwa Maryam? Ni da aka haife Ni can cikin ƙauye shi ne za ki ce na haɗa jini da sarauta, sai dai inaga kece ki ka haɗa jini da sarauta bani bah".


Taɓa ta taji Maryam ta yi. Saurin kallonta Du'a ta yi ta ce. "Mene ne?". Nuni Maryam ta yi mata da ɗan yatsarta.

Bin ɗan yatsar Maryam Du'a ta yi da kallo, zaro ido ta yi ganin yadda jama'a suka taru guri guda, gefe ɗaya kuma HOD da sauran lectures ɗin makarantar ne zazzau ne. Provost kuma na zaune gede ɗaya, yayin da kowanensu ya ƙagu ya ji mai zai fito daga bakin Ahmad.

Gaban Du'a ne ya bada wani sauti. Cikin ɗimauce wa ta ce. " Na shiga uku Maryam, kardai Ahmad ya tara su ne don a kore ni daga makaranta? In kuwa aka ne na tabbata tawa ta kare". Ta faɗa yayin da idanuwanta suka cicciki da hawaye.

Jan hannunta Maryam ta yi ta ce. "Dan Allah Du'a ki daina saka ire-iren waɗan nan abubuwan a ranki, in sha Allahu ma ba abin da ki ke tunani bane zai faru kizo muje mu kashe kwarkwatar idanun mu".

Girgiza kai Du'a ta yi ta ce. A'a ni bazan je bah, bana so naje naji abin da zai tayar min da hankali, ke kije kawai ni zan tsaya a nan wajan".

"Dallah can Du'a ki tawo muje ba bu ko mai fah kawai dai kina sawa ranki abin da bashi bane bah, kuma akan bah abu bane mai kyau, kawai ki tawo mu tafi".

Ta faɗa tare da jan hannunta, ba bu musu Du'a ta bita. Sai da suka isa wajan sannan suka tsaya, yayin da Du'a ta ƙagu taji abin da ya sa Ahmad ya tara ɗalibai da malamai a wajan.


Gyara muryarsa Ahmad ya yi sannan ya ce. “Barka da safiya fitattun malamai da sauran mahalarta taron nan. Abin da ya sa ku ka ga na tara ku a nan shi ne saboda, ina so na sanar muku da wata muhimmiyar magana ne.

"Kwarai da gaske ni ne shugaba dake kula da ƙoƙarin ƙungiyarsa akan abubuwan ayyukan ɗalibi da tsarawa, tallafin manufofin makaranta daga dalibai, kasafi kasafin kudi, tsara kasafin kudi, sanin abubuwan da suka shafi ci gaba da suka shafi dalibai, da sadarwa tsakanin malamai / ma'aikata da ƙungiyar dalibai, kuma ni ɗaya nake fafutuka wajan kula da fanin ɗalibai".


"Shi ya sa nake neman alfarma da a bani wanda zai dinga taimaka min a makarantar nan domin aikin ni kaɗai ya yi yawa".

Ɗaya daga cikin lectures ɗin ne ya ce. "Haka ne ne Ahmad maganar ka gaskiya ne, amma naga ko za'a kowa to wacce ta cancanta ita ce Jennifer koh kuma Amina, kuma sannan sai sun cika ka'idoji da kuma ɗaukar alƙawarin cewa za suyi duk abin da ya kamata ba za su taɓa tauye haƙkƙin wani bah".


Ɗan jimm Ahmad ya yi sannan ya fara waige-waige. can ya hango Du'a wacce ta yi zuru -zuru tana kallonsa, murmushin mugunta ya saki sannan ya ce. "Akwai wacce nake so ta zama assistant ɗina, kuma wacce kane magana akai bah kowa bace illa Du'a".



Zaro idanuwa gaba ɗaya ɗalibai da su Du'a suka yi. Ɗaya daga cikin malamai ne ya ce. "Ta ya ya zamu bata assitan bayan ita new comer ce, wa enda suka yi shekaru a makar nan ba'a basu bah sai ita za'a kalla ace za'a bawa. Ita me ta sani a fanin kula da karatun ɗalibai? Ba zai mau yiwu a ce mu bata bah, saboda har yanzu bata gama sanin dokokin makarantar nan bah, kuma kasan dole sai an yi voting kafin a bata assistant".


Kallonsa Ahmad ya yi ya ce. "Ita nake bukata in bah aka bah zan yi withdraw daga makarantar nan. Sai ku zaba koh a saka ta a cikin waɗan da za'a yi voting ɗinsu Koh kuma na bar makarantar nan baki ɗaya".

Shugaban makarantar ne ya miƙe tsaye sannan ya ce. "Shi kenen toh Indai har aka yi exam na zaɓe sannan dalibai suka zaɓe ta toh za'a bata mataimakiyar ka, amma kuma indai ba ita taci ba toh sai dai kayi haƙuri, ƙa'ida kuma shi ne".



"Zama jami'ar ƙungiyar ɗalibai yana ba ku damar kawo canjin da ku ke son gani a makarantarku. Haka nan yana da ban sha'awa akan CV ɗinku".

"Dan aka dole tun da ita ka ke so ta ci sai ka kasance koda yaushe kana bata shawarwari kuma sannan saika dage ka nuna mata hanyoyin da za ta bi. Dan aka Amina jafar, Jennifer David and Du'a Muna so gaba ɗaya ku kasance cikin shiri, in sha Allah next month za'a fara voting, ta yadda kowa zai zabi kuri'ar sa".

"Yanzu muna so kowa ya kowa ya koma department ɗin sa". Babu bata lokaci dalibai suka fara watse wa.

Sauko wa Ahmad ya yi daga wajan sannan ya riƙe hannun Du'a tare da nufan cikin laboratory room da ita. Ganin akan da Maryam ta yi ya sa ta yi saurin bin bayan su.

Shiga cikin wajan suka yi, ganin Maryam na ƙoƙarin shigowa ya sa ya dakatar da ita da faɗin. "Kada ki kuskure ki shigo wajan nan. Babu jayayya Maryam ta bar wajan.

Zaunar da Du'a ya yi. Jikin Du'a na kakkarwa ta ce. "Me yasa ka kawo ni wajan nan? Koh kayi tuannin ni yar iska ce kamar.....

Bata inda karasa maganar bah taji ya ja mata leɓenta da mugun karfi. Ƙara ta saki! Yayin da taji bakin ta na mata raɗaɗi.

Sai da yaga ta jigata sannan ya saki leɓen ya ce. "Waya ce ke yar iska ce, ke wallahi ki kiyaye ni, ni bah kamar sauran mazaje ba ne da zaki min abu na kyale ki ni tattaka ki zan yi a banza a wofi".

"Yanzu dai na kawo ki nan ne badan komai bah sai dan na faɗa miki abubuwa game da voting, dan aka ki nutsu ki saurare ni".

"Lokacin shirya jawabi don zaɓen Shugaba Koh assistant, yana da mahimmanci ki mayar da hankali kan nuna halayen jagoranci, hangen nesa ga makaranta".

"da ikon ki na wakiltar ƙungiyar ɗalibai yadda ya kamata. Anan akwai wasu shawarwari zan faɗa miki abubuwan da za ki iya yi don haɓaka damar ki na cin nasara".

"Farko dai, Gabatar da Kanki. Fara da gabatar da kanki da kuma raba kaɗan game da tarihin ki, abubuwan da ki ke so, da kuma dalilin da ya sa kike takarar assistant of head of students".

Miƙe wa Du'a ta yi cikin ɓaci rai ta ce. "Mene ne akan? Shin ni na bukaci a bani takara ne a makarantar nan? Kuma ma wai mataimakiyar ka, na rasa wanda zan yi wa bauta sai kai, shin kana cikin hayyacin ka kuwa?. Toh yanzu a ta ke a wajan nan ka yi maza ka koma ka sanar da waɗan da ka faɗa wa zan shiga takara cewa, bakaso bani ka ke nufi ba in bah aka bah.....

Tasss taji ya tsinka mata maruka har guda biyu. Cike da ɓacin rai ya shaƙe mata wuya sannan ya ce. In bah aka bah mene zai faru? Shin kashe ni zakiyi koh kuwa za ki dake ni ne?, kin san da wa ki ke ja kuwa? Kin san waye ni? A yanzu da ina so zan iya sa a batar min dake daga kasar nan baki ɗaya".

"Ki kiyaye ni in bah aka bah zaki sha bakar wahala". Yana kaiwa nan ya ture ta ta faɗi a kasa. Tari Du'a ta fara yi yayin da idanuwanta suka fara sauya launi, yayin da hawaye ya fara sauka kan kunci ta.

Ba bu bata lokaci aka fara yayyafi mai haɗe da iska mai karfi. Saurin dafa kanta ta yi yayin da ta rintse idanuwan ta cikin kunan zuciya ta saki wani irin razannaniyar ƙara".




COMMENTS & SHARE PLS 🙏 🙏 🙏
ALKALAMIN ✍️
A'ISHA M.B💞💞💞
(Zinariyar🧝♀️Jajirtattu)

Follow this link to join my WhatsApp group: https://chat.whatsapp.com/D80k1puBPBn6uJhojKKhK5





https://www.facebook.com/61556643936657/posts/122103978398221464/?substory_index=159698751105534&mibextid=rS40aB7S9Ucbxw6v
💪 *JAJIRTATTU WRITER'S ASSOCIATION*💪 ✍️
(J.W.A)
_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️




BISSMILLAHI RAHMANI RAHIM🌹

*🌸RAYUWA DA MACIJIYA* 🐍 🐍🐍

*PAID BOOK ₦400 complt*
kacal babu tsada
*9043687746 Hassana Aliyu Opay bank*
*Evidence of payment*
09130398321

*LAST FREE PAGE*
️️1️⃣5️⃣➡️1️⃣6️⃣

WRITTEN & DIRECTED ✍️ BY A'ISHA M.B💞
(Zinariyar 🪙 Jajirtattu)

*___________________________________*
Babu zato ya ji jikinsa ya fara kakkarwa, yayin da idanuwansa su ka daina gani gaba ɗaya.ja da baya ya fara yi yayin da ya gigice tamkar wanda ya sha maye.

Ganin akan da Du'a ta yi ya sa hankalin ta ya yi matukar tashi. Tattaro nutsuwar ta ta yi sannan ta nufi inda ya ke cikin halin tsaka mai wuya.

Ganin tana tunkaro inda ya ke ya sa ya yi saurin dakatar da ita sannan ya ce. "Kada ki kuskure ki karaso inda na ke, in bah aka bah duk abin da ya biyo baya ke ki ka ja".

Tsaya wa Du'a ta yi tana kallonsa cike da tsoro da fargaba ta ce. "Ka yi haƙuri da nasan aka ne za ta biyo baya da ban ja da maganar ka bah, ka yi haƙuri ba zan sake bah".

"Maza-maza ki fita kafin kija wa kanki masifar da zai yi miki wahala kafin ki fita daga ciki". Ya faɗa yana mai ƙara ja da baya.

"Shi kenen zan fita amma dan Allah kasa a janye maganar zaɓen dan nidai ba zan shiga wani zaɓe bah". Cewar Du'a.

Rintse idanuwansa ya yi sannan ya buɗe su a hankali ya ɗora su akanta ya ce. "Wannan shi ne zai zama na farko da na ƙarshe da zan gaya miki cewa ki fita daga wannan wuri. Idan ba haka ba za ki sha wahalar da har numfashin ki na ƙarshe ba za ki taɓa mantawa da ni ba. Wannan shawara ce ba gargaɗi bah".

"Kuma daga yanzu bana son sake ganin fuskarki har abada, yanzu ki fita daga wurin nan in ba haka ba, zan ba ki mamaki da har ki mutu ba za ki taɓa mantawa da ni bah".

Cikin rashin tsoron abin da zai biyo baya, Du'a ta nufi inda ya ke sannan ta tsaya ta kalle shi ido cikin ido sannan ta yi murmushi ta ce.

"Har yanzu bakasan wace ce ni bah Koh?, domin naga alamin kana jin ka wani jan wuya a makarantar nan. Toh ka sani cewa ba zan taɓa mika wuya bah domin naga alamin kwata-kwata baka daraja ƴa mace kuma bakasan mahimmancin da ta ke dashi bah a rayuwar ɗan adam".

"Ka sani cewa, Wasu raunuka ba sa warkewa, komai nawa lokaci ya wuce. Yadda nake ganin ka ɗin nan, Zuciyata na ji kamar na wargaje ka zuwa gida miliyan".

Tana kaiwa nan ta fice ta barsa a cikin ɗaƙin gwaje-gwaje na makarantar.

Mamakin kan sa ya soma yi, gsnin mace ta faɗa masa magana bah tare da ya tanka mata bah. Girgiza kai ya yi sannan ya ce "dole ne na gyara mata zama".

Takun takalmin da ya ji ne, ya sa shi saurin juyawa. Mamaki ne bayyane kan fuskarsa ganin wanda bai yi zaton ganin bah.

A ta ke ta ƙara turnuƙe fuska sannan ya kalle ta a kasƙance ya ce. "Wai ke Amina sai kace mayya, aba dan Allah shin soyayyar nan dole ce koh me, na ce bana son ki amma kin wani na ce min kamar ƙuda".

Murmushi wanda ya fi kuka ciwo Amina ta yi sannan ta ce. "Me ya sa kullun ka ke watsi da bukatuna? Da alama kana kula da kanka ne kawai kuma batare da ka yi la'akari da yadda nake ji".

"Na cancanci zama fifiko a rayuwar ka Ahmad, baka taɓa tunanin wane irin hali zan shiga idan na rasa ka. Koda ya ke yanzu ka yi budurwa koh wancan yarinyar sabuwar zuwa, shi ya sa gaba ɗaya ka ƙi karbar soyayya ta Koh? Tsawon shekaru uku kenen ina daƙon sonka amma baka taɓa bani dama dai-dai da rana ɗaya na bayyana maka abin da ke raina bah".

"Akan ka, na zama tamkar wacce bata da gata koh kaɗan, duk girman kai na na sauke su duk dan na samu soyayyar ka Ahmad, kayi haƙuri kah bani koh da dama ɗaya ce kawai. Ni kuma ina mai tabbatar maka cewa zan........

Bata inda maganar ta bah ta ji ya ce. "Kina hauka ne? Akwai wani abu da ke damun kwakwalwar ki ne ban sani bah? ban faɗa miki cewa kada ki taɓa kusantar inda nake ba? Na yi kama da mutumin da bai san abin da ya ke yi ba? Na gaya miki sau da yawa Cewa ba zan taɓa soyayya da jahila mara hankali irin ki bah".

Kuka Amina ta fashe dashi sannan ta ce. "Toh naji koh da ba za ka karɓi soyayya ta bah, kawai ka amince mu zama abokai nida kai".

Takaici ne ya kama Ahmad ya ce. "Shin ke kurma ce bakya jin magana ne? Na ce miki ba zan iya bah koh. Ke sai na ma tsaya yi miki dogon zance? Maza zo ki fita kafin na ɓata miki rai yanzu".

"Ka sani duk daren daɗe wa saika soni kuma saina sa ka faɗa a soyayya ta". Tana kaiwa nan ta fice da mugun gudu.

Su Jennifer wanda su ka maƙala kunne jikin gini ne su ka gano tawowar ta. Sai da Amina ta isa inda su Jennifer su ke sannan ta fashe da wani irin matsanancin kuka.

Rarrashin ta jennifer ta fara yi sannan ta tambaye ta meyafaru?. Duk abin da ya faru tun daga farko har karshe Amina ta zayyane musu.

Cikin ɓacin rai Jennifer ta ce. Sai yau nasan da cewa Amina bakida hankali, kema in banda abinki kin san da cewa koh mutuwa za ki yi Ahmad Ba zai saurare ki bah. Kuma kina so ki zama budurwarsa amma ki ke tambayar sa ko zaku iya zama abokai kawai. Me ya sa zai zama abokin ki kawai? Kuma ki faɗa masa aka sannan ki sa ran zai yarda?".


Daga sama suka ji muryar Du'a na faɗin. "Kin fara tuntuɓar wani ɗan makarantar nan halinsa? Dana son wancan banzan mutumi, na gwammace in shaƙe da gwada hakan. Idan ni ma ina son ki kuma na sarrafa na nuna miki ƙaramin kore haske kuma ba ki da wayo, kawai na yi watsi da kasancewar ki budurwa ta ya za ki yi, kawai ki manta da shi ki fara sabuwar rayuwa".

Cikin huci Amina ta ce. "Ina ruwan ki dani? Shin an gasa magana da ke ne da za ki zo ki wani saka mana baki?".

Murmushi Du'a ta yi ta ce. "Baku gasa dani bah, amma kawai na faɗa muku magana ne a kaikaice amma idan na fassara muku abin da nake nufi toh ba za ku ji daɗi bah".

Sannan ta ƙara da cewa. "

Ƙaunar namijin da ba ya son ka yana da wuyar gaske, amma ba sabon abu ba ne - wannan yanayin ya haifar da yawancin fasaha a duniya, Abin takaici, idan wani ba ya son ka, ba za ka iya canza ra'ayinsa bah".

"Samun kan wanda ba ya son ka yana yiwuwa gaba ɗaya, Ba yana nufin keda shi ba ku cancanta ba, ko kuma ba ku isa ba. yana nufin gaba ɗaya jininki bai zo ɗaya da nasa bane koh wani abu mai kyau tsakanin ku biyun. Wasu zan basua son mace mara kamun kai koda kuwa ita ce maƙurar kyau a duniya".

"don aka inaga ki dage koh Allah zai sa ya fara sonki". Tana kaiwa nan ta bar wajan.

Tsaki gaba ɗayansu suka ja, yayin da Amina ta ce. "Nasan da cewa saboda ita ne ya ƙi ƙarbar soyyayata, amma mudin nasa aka kawar min da ita daga doron duniya toh komai zai dawo dai-dai.".

Murmushi Jennifer ta yi ta ce. "Rabu da ita kawata, za ta san duk wanda ya ci tuwo damu miya yasha. Sai mun nuna mata matsayin ta a makarantar nan".


"Ke Du'a ina ki ka je tun ɗazu na ke ta neman ki? Shin Ahmad ɗin ne ya tsayar da ke aka kome?".

Amsa Du'a ta ba ta da cewa. "rabu da shi zai san dani ya ke, ba'a min na ƙyale wallahi, saina nuna masa bambancin da ke tsakani na dashi".

Ɗan jimm Maryam ta yi sannan ta ce. "Aa Du'a ki bi komai a sannu, kinga next week muna da exam wanda kuma kowa sai ya biya kuɗi kafin ya rubuta, kamata ai a ce ki fara neman kuɗaɗen da za ki rubuta jarabawa, bawai ki tsaya ki biye wa Ahmad bah".

"Kuma fah Maryam kin kawo magana mai kyau, in sha Allahu ma mi ba zan ƙara shiga harkar sa bah. Kum...

Maganar ta ne ya dakata sakamakon jin sallamar Umar daga bayan ta.
Juyawa ta yi da sauri sannan ta kalle shi ta ce. "Me kuma ya kawo ka nan wajan?".

Kallon mamaki Maryam ta bi Du'a da shi sannan ta ɗaga mata gira ɗaya ta ce. "Shi ɗin wane ne?".

Amsa Du'a ta bata da cewa. " Shiɗin sabon aboki na ne, jiya muka haɗu da shi ya ce yana son mu zama abokai".

"Ohhh masha Allah akan ma ya yi Toh ya ka ke abokin mu". Maryam ta faɗa. Dariya Umar ya yi sannan ya ce. "Wallahi lafiya kalau alhamdulillah, ya karatu da fatan dai hana mai da hankali kan karatu sosai Koh".

Amsa Maryam ta bashi da faɗin. "Eh wallahi karatu sai abin da ya yi gaba, dan alhamdulillah muna mai da hankali sosai".

"Masha Allah aka akeso. Dama na zo ne na yi wa Du'a sallama na tafi. Shi kenen Ni zan tafi sai gobe. kuma ku tabbata cewa kun fara karatun exams yau domin ku tsallake sharrin carry over".

"In sha Allahu zamu yi karatu". Cewar Du'a.
Shi kenan Toh sai goben. Yana kaiwa nan ya shige cikin motarshi sannan ya fice daga makarantar.

Duk abin da suke akan idanuwan Ahmad wanda ya jingina jikin motarsa yana hayyana wane irin azabtar wa zai yi wa Du'a ya ji sauƙin abin da ta yi masa.

Abdul ne ya karaso inda Ahmad ya ke yana mai cewa. "Babban president bada kanka a sare, me aka yi maka naga ranka a bace?".

Kawar da kansa Ahmad ya yi ya ce. "Bana son takura Abdul, ka rabu dani ka yi abin da zai finshe ka, bawai ka tsaya ka dinga tsegumi bah".

Kallonsa Abdul ya yi ya ce. "Ahmad ni ka ke cewa ina maka tsegumi,Ahmad ni". Ya faɗa tare da nuna kan sa. Sannan ya kara da cewa. "Shi kenan Ahmad in sha Allah ba zan sake tambayar ka wani abu wanda ya shafi rayuwar ka bah". Yana kaiwa nan ya bar wajan.


Tsaki Ahmad ya ja sannan ya ce. "Ka ji dashi, shashancin banza kawai".
Wayarsa ya ji ta fara Ringing, dauka ya yi sannan ya shige cikin mota tare da jan motar ya bar makarantar gaba ɗaya.


"Ke Du'a gaskiya Umar ɗin nan yana da mutunci sosai, har namiji ya zo ya ce yana son ku zama abokai bana soyayya bah kinga mutumin kwarai ne. Gashi kyawawa amma fah bai kai Ahmad bah".

Takaici ne ya kama Du'a ta ce. "Ni fa idan muna tare da ke bana son ki dinga ambatar sunan wannan mutumin a inda na ke. Kuma shi Umar ɗin da ki ke magana akai ma ni ban yarda da shi bah wallahi , gaba ɗaya fuskarsa baiyi kalan mutanen kirki bah. Kin san ance, Kada ka yanke hukunci da littafin da murfinsa (don't judge book by it cover)".

"Haka ne Du'a ban musan dame ya zo mana dashi bah, koma mene ne aniyarsa ta bishi". Yanzu muje kawai mu fara shirye-shiryen exam na first semester, Na riga dana faɗa wa umma komai kuma ta ce in sha Allah za ta tura mana da kuɗin".

"Shi kenen" kawai Du'a ta furta. Yayin da kai tsaye suka nufi cikin hostel.

Bah dare bah rana su Du'a suke fafutuka wajan karatun exam. Yayin da suma sauran ɗalibai na course ɗinsu suke karatu sosai. Gefe ɗaya kuma tsakanin Du'a da Ahmad ba bu wanda ya sa ke haɗa ido da wani. Gefe ɗaya kuma ƴan ƙauyen su sun yi fafutuka wajan neman kuɗin da Du'a za ta rubuta jarabawa, aka suka dinga siyar da amfanin gonar su don cika muradin ƴa ɗaya tilo wacce za ta zamo jagoran ƙauyen. Inda a karshe da ƙyar da wahala suka samu suka haɗa dubu amsin kuɗin jarabawa.

Ya Inna wuro ce ta kira Du'a a wayar mai gari sosai suka gaisa da Du'a yayin da Inna wuro ta ce wa Du'a. "Ƴata kiyi min alƙawarin cewa ba za ki faɗi wannan jarabawar bah, idan ki ka faɗi toh ki sani cewa ba zamu kara baki kuɗin karatu bah sai dai kije ki nemi wanda zai dinga biya miki kuɗin jarabawa. Dan aka ki dage sosai dan bakisan irin wahalar da muka sha bah wajan ganin mu fidda wannan kuɗin".

Murmushi Du'a ta yi ta ce. "In sha Allah Inna ba zan taɓa yin rashin nasara bah, a koda yaushe zan kasance cikin yin nasara ne. Dan aka ku kwantar da hankulanku wannan jarabawar kamar naci ne".



Ranar Monday su Du'a suka rubuta jarrabawar su da kwarin gwiwar cewar za su yi nasara a wannan jarabawa.

Yau ne ta kama ranar Friday, wato ranar