You Cannot Download this book untill you login but you can read it .

---

Login Register

ji sauƙi ba, babu abinda yake damuna sai rashin ƙarfin jikina”, ita kam Haj Hudah tana gefe kan kujera ta kasa jurar irin kallon da su ke ma juna da irin saƙonnin da ke cikin idanun nasu na soyayya. Ƙasa kawai tayi da kanta, tana son ta mallaki natsuwarta.
Murtala ya matsa kusa da shi yana yi masa sannu, su ma duka su Mallam mahmud ɗin suka gaishe shi, daga bisani suka juya kan Haj Hudah su na yi mata godiyar ɗawainiya da Musaddiƙ, inda ta nuna musu duk abinda ta yi masa haƙƙinta ne ta yi masa don haka ba sai sunyi mata godiya ba. Ta ƙara duban Inna Halima sosai tace “ Amma wai dama ya saba yin irin wannan aman ne na ban tsoro?”,
Ta girgiza kai tace “ Bai taɓa ba Haj wannan ɗin ma, bana tashin hankali ba ne, abin ayi ma Allah godiya ne, domin aman nasa silar abubuwa ne na alheri da yawa a rayuwarsa”.
Cike da mamaki Haj Hudah tace “ Ban fahimceki ba, kamar ya ya , bayan irin wahalar da ya sha me tsanani”,
Mallam Mahmud ya muskuta ya gyara zamansa yace “ Halima ai Haj ta zama wani ɓangare na zuri’ armu , domin duk me ƙaunar na ka, ai kai yake ƙauna, a yanzu dai babu abinda zamu ɓoye mata, don haka ki yi mata bayanin komai”. Ya waiwayo ya dubi Musaddiƙ yace “ Shi kansa Musaddiƙ ɗin yana da buƙatar sanin abinda ya yi sanadiyyar shigarsa wannan halin, domin nasan yanzu yana jin sa ne kamar wanda ya yi bacci ya farka, don haka ki yi musu bayani dukkan su”.

Musaddiƙ ya yi shuru yana kallon Inna Halima, ya ƙosa ya ji abinda ke faruwa, domin tabbas abinda Mallam Mahmud ya faɗa gaskiya ne, ji yake kamar ba shi ba, yana jin kamar ya manta da wasu abubuwa da yawa a rayuwarsa, haka zalika a yau ya ji daɗin jikinsa sosai tamkar wanda aka sauke masa wani kaya. Murtala ya ƙara matsowa kusa da shi cikin nuna kulawa yace “ ka natsu naga kamar kasa ma kanka fargaba, ba wani abu ba ne”, kai kawai ya gyaɗa ba tare da ya ce komai ba. Sannu a hankali Inna Halima ta fara yi musu bayanin duk abinda ya faru, tun kafin ta gama idanun Musaddiƙ su ke zubar da hawaye, haka ma Afrah sai kuka take, ta yi dabarar zura hannunta a cikin nasa ba tare da kowa ya gani ba, ta damƙe hannunsa sosai, har sai da ya ɗago ya zuba mata ido duk yadda ya so da ya tsaida hawayensa ya kasa.
Har Inna Halima ta gama faɗan komai Haj Hudah ta kaɗu kwarai da jin wannan labari mai cike da ban tausayi, tsananin tausayinsa ya ƙara jefa ƙaunar musaddiƙ a cikin zuciyarta, ta dubi musaddiƙ tace “ Amma wannan wace irin muguwar macece, ai da an kaita kotu bai kamata kuce an haƙura ba, ta ci banza kenan fa, ki raba mutum da dukiyarsa, ki raba shi da natsuwa da kwanciyar hankali, gaskiya ni bazan bar wannan maganar ba sai na wulaƙantata kamar yadda ta wulaƙanta musaddiƙ”, kawai yadda ta haƙiƙance damuwarta akan lamarin ya yi yawa, hakan yasa Afrah ƙura mata ido, bata jin zargi ko shakka akanta, amma me yasa ta damu haka da yawa, kwatankwacin irin damuwar da ta yi.
Kalaman Mallam Mahmud ya yi sanaduyyar korar tambayoyin da Afrah ta fara yi ma kanta.
Inda ya dubi Haj Hudah yace “Ka da ki damu Haj, Allah muka roƙa ya yi mata hukunci irin nasa da gaggawa, Alhamdulillah kuma ya amshi addu’ar mu, domin ya hukuntata da mafi munin hukunci, don duk wanda aka raba shi da hankalinsa, aka kuma sa shi ya gayama duniya duk irin mugun aikin da ya aikata da kansa da bakinsa ai an gama yi masa hukunci”.
Inna Halima ta karɓe maganar tace “ Ta yi hauka tuburan, sai ɗaureta aka yi to ko kinga ai ba’a yi ƙarshe mai kyau ba”. Da sauri musaddiƙ ya yunƙuro ya daidaita zamansa cike da damuwa da tashin hankali yace “ Hauka, Hajiyar?” Murtala yace “ ƙwarai kuwa ai tabbatar Allah baya zalunci kenan, shi yasa ya yi maka sakayya tun a duniya”.
Ya runtse idonsa ya buɗe yace “ Na san ta zalunce ni, don a duniya babu abinda na fi so sama da mutuncina, gashi kuma ta watsar min da shi, amma duk da haka ban ƙullaceta da komai ba, domin duk abinda ta yi min kanta ta yi ma, haka zalika ko don takabar da ta yi ma mahaifina bazan wofintar da ita ba, don haka ina yi mata addu’ar samun lafiya cikin gaggawa, dukiya kuma da ta ƙwace min a cikin irin son ranta da ta tambaye ni zan iya mallaka mata ba tare da ta naƙasa min rayuwa ba, domin ni na fi son mahaifina akan dukiyar da ya bar min, a kullum kuma na fi son na tara tawa dukiyar da gumi na, hakan ne yasa bazan taɓa ɗaga maganar ba, na karɓi komai a matsayin ƙaddarar rayuwata”.
Maganganun Musaddiƙ sun ƙara da sa ma Afrah ƙaunarsa, domin cikakken mutum kenan, wanda ya ke yin afuwa ga wanda ya zalunce shi , lalle yana ƙaunar irin waɗannan bayin nasa , shi ma kuma yana yi musu afuwar dukkan zunubansu tare da ba su kyakkyawar makoma. Ita kanta Haj Hudah ji ta yi musaddiƙ ya ƙara mallakar dukkan zuciyarta, a kullum tana ganin babu wani namiji irin musaddiƙ to a yanzu ma ta ƙara tabbatar da hakan, samun mutum irinsa yana da wahala.
Musaddiƙ ya ƙara gyara muryarsa yace “ Abu dai mafi dasa farinciki a gare ni shine da zan koma mutumin ƙwarai da zan dawo da ɗabi’u da halayyata irin wanda na bari, sannan na yi sallama da mummunar rayuwar da take sani zubar da hawaye kullum kwanan duniya( ya juya ya dubi Afrah) duk wannan kuma ya faru a dalilin ki ne Afrah Allah ya saka miki da alheri, ke ɗin samun ki a cikin rayuwata babban alheri ne da Allah ya yi min”, wani irin abu ne ya shiga yawo a cikin ƙwaƙwalwar Haj Hudah.
Irin murmushin da Suke ma juna ya isa ya ƙarasa narkar da zuciyar Haj Hudah.

Ya dawo da kallonsa ga Mallam Mahmud da Inna Halima yace “ kuma Allah ya saka muku da alheri da kuka zama silar mallaka min Afrah, nagode” mallam Mahmud ya matso yana murmushi yace “ Allah ya yi maka albarka ya rabaka da dukkan sharri”, yana magana ya na buɗe robar rubutun da ya zo da ita ya miƙama Afrah yace “ ki bashi ya sha, ya kuma shafe fuskarsa da jikinsa”. Ta karɓa da kanta ta buɗe ta bashi yasha sannan ta zuba a tafin hannunta ta shafe masa fuskarsa, ta rage wanda zata shafe masa a jiki idan jama’ar ɗakin sun bar ɗakin.
Sai bayan la’asar sannan Murtala ya koma da su Mallam Mahmud, bayan musaddiƙ ɗin shi ma ya yi masa godiya mai yawa, a yayinda suka bar Afrah a gunsa, ita kanta Haj Hudar dole yasa ta tattara ta koma gidanta na nan Abujan tabar Afrah tare da shi, a dalilin ba zata iya jurar cigaba da ganin irin soyayyar da suke nunawa juna ba wacce tun bayan tafiyar su Inna Halima suka kasa ɓoyewa juna ba, ita kuma ji take kamar zuciyarta zata fashe a duk lokacin da ta ga irin soyayyar da musaddiƙ ya ke ma Afrah a cikin ƙwayar idonsa.
Tunda Haj Hudah ta shiga gidanta ta ji ta kasa samun kwanciyar hankali, damuwa ne fal a cikin zuciyarta na yadda ta ke neman ja ma kanta fitina, domin dai tana jin tamkar soyayyar musaddiƙ ta zo gaɓar da zata fallasa ta, amma ta ya ya?, bayan tana matar aure, musaddiƙ kuma yana mijin aure, shin wace irin alaƙa ta ke son ƙullawa tsakaninta da shi?,
Wata zuciyar ta ce mata ko da aurenki zaki iya ƙulla alaƙa ta sirri tsakaninki da shi. Ta yi saurin dafe ƙirjinta, tana aje ajiyar zuciya, bata zina amma me yasa soyayya zata rufe mata ido ta fara akan musaddiƙ, ta lumshe idanunta tana tuna lallausan jikin musaddiƙ da hannunta ya taɓa, ba taƙi ta rayu tana taɓa jikinsa ba, kamar yadda take jin zata iya ɓarin mutuncinta don kawai ta kasance tare da musaddiƙ.
Har ta gama shirin kwanciya ta kwanta ƙarfe sha ɗayan dare ba ta sami sassauci ba, ba ta jin kuma zata iya runtsawa, domin tunaninta na ga musaddiƙ da Afrah shin wace wainar suke toyawa a inda suka kasance su kaɗai. Dai dai lokacin wayarta ta ɗauki ƙara, ta na dubawa ta ga nambar Alh yusuf sanda ce ta ƙasar italy, ta ɗan saki ƙaramin tsaki ba ta ɗauka ba harta kartse, sai dai tana katsewar ya ƙara kira, tasan idan ba ta ɗauka ba ya dinga kira kenan, hakan yasa ta fisgo wayar cikin ɓacin rai ta ɗauka.
Ta daidaita muryarta tace “ Ranka ya daɗe”, daga can ɗaya ɓangaren Alh yusuf sanda ya kurɓi lemo ya aje kofin kan ƙaramin tebur ɗin da ke gabansa sannan yace “ Tare da na ki, kina lafiya?”, tace “ Lafiya lau, har an sauka a italy ɗinne?”, ya yi ɗan murmushi yace “ Ai na daɗe da sauka, na kiraki a lokacin ba ki ɗaga ba, na kuma yi mamakin yadda ba ki biyo kiran ba, yanzu kuma na yi ta kira ba ki ɗaga ba na yi zaton ma ko kinyi bacci ne, nace to yau kuma yan mulkin ne suka motsa”, ta gyatsine fuska tace “ Banga kiranka ba, kaima kasan da na ga ni ai da na kiraka,” ya ƙara murmusawa yace “ Babu damuwa, kada ki damu”, ta gyara kwanciyarta tace “ To ka binciki kayanne ka ji farashin su” ya girgiza kai yace “ Haba yaushe na iso da har zan sami damar yin hakan, sai na huta gaskiya sai zuwa gobe zan je kamfanin na bincika komai”, cikin ƙosawa da hirar tace “ Allah ya kaimu”, sai da ya ja numfashi ya saki sannan yace “ kina ina ne?”. Ta yi ɗan jim sannan tace “ wace irin tambaya ce wannan, ina yakamata na kasance a dai dai wannan lokacin da dare ya yi”, cikin murmushinsa yace “ Gida”, tace “ To idan kasan hakane me yasa ka tambaya, ina gida Minna ina kan gadona zanyi bacci”,
Ya zame ya kwanta sosai akan kujerar yana cigaba da murnushi lokaci ɗaya kuma ya kashe wayar ba tare da sunyi sallama ba, a fili yace “ dama haka nasa ran zanji kin faɗa, amma me yasa ba zaki gaya min gaskiyar cewa kina Abuja kina jinyar musaddiƙ ba, yanzu kuma kin dawo gidan ki kin kwanta ne a dalilin zuwar matarsa asibitin………………


Yar gidan Imam✍️
https://chat.whatsapp.com/JUeJeOL9kA8AHOGOfXOnSZ





MUSABBABI BOOK 2

NA

HABIBA ABUBAKAR IMAM
( mrs Aliyu Mayere )

Page 10

Ya yi wata irin miƙa ya cigaba da cewa “Me yasa ki ka canja da yawa, ada ban sanki da yi min ƙarya ba, kina ƙoƙarin gaya min gaskiya komai ɗacinta, me yasa ni ban iya canja ki ba?, me yasa Musaddiƙ ne zai canja ki?. Nan ma wata irin siririyar dariya ya saki lokaci ɗaya ya ƙurama wayar hannunsa ido, tamkar yana magana da wani yace “ Duk wani motsinki yana kan idona, ko ina gari tare da ke ko ba na gari tare da ke nasan duk abinda ki ke ciki”. Ya aje wayar ya ɗauki kofin lemonsa ya cigaba da sha hankali kwance cikin nishaɗi da kwanciyar hankali.

Haj Rakiya dai ta ga ta kanta, domin haka ta ƙara kwana cikin cell cikin cizon sauro da yunwa, domin dai duk kiran da take ma Mallam Tasi’u to fa ya ƙi zuwa, sai da ya ga dama sannan wajen yamma ƙarfe biyar da kwata Mallam Tasi’u ya iso police station ɗin, fes da shi cikin shadda koriya mai ɗaukar ido, bai waiwayi Haj Rakiya ba har sai da ya dangana da tebur ɗin insifektan ya ji duk irin laifin da Haj Rakiya ta aikata, hannu kawai yasa ya dafe kansa, yana jin wani irin tsana da ƙyamar Haj Rakiya, da ko aka yanko masa kuɗin da zai biya na beli, ji ya yi babu yadda za’ayi ya yi asarar kuɗinsa akan Haj Rakiya, don haka ya nemi alfarmar ganinta kofur Lawal ne ya kai shi har inda take.

Sai da Mallam Tasi’u ya yi da gaske sannan ya iya lalubo Haj Rakiya acikin ɗimbin mutanen da ke cikin cell ɗin, yadda ta yi baƙin ƙirin ta fita hayyacinta ta yi mugun ramewa, ta kasa haɗa ido da shi, shi kuma sai banka mata wata muguwar harara yake yi, cikin kausasshiyar murya yace “ Rakiya, ni ba ni da kuɗin da zanyi belinki, ko da ina da shi kuma na rantse bazan asarar da su ta hanyar belinki da su ba, don haka idan har ki na jin kin gaji da zaman wajen nan, to ki fito da kuɗin da kika aje wanda ki ke cin kaji kullum kwanan duniya, kinga yau sai su yi miki ranar da ya kamata, ki fito da su ayi belinki da su”, nan da nan idanunta suka kaɗa su kayi jajir tace “ Ba ni da wani kuɗi yanzu a ɗakina, duk kuɗaɗena suna wajen Babaye Dillali da na yi nufin sayen gida ta hanyarsa, kuma ni kaina yanzu bansan inda zan gan shi ba, don kuwa ya rufe wayarsa”.
Mallam Tasi’u ya sakar mata wani sakaran kallo yace “ ke yanzu saboda rainin arziƙi har gida zaki saya amma ni bansani ba, ba ki kuma sa ni a cikin maganar ba to ai ya yi kyau”, ta marairaice murya tace “Don Allah kayi haƙuri……..?,
Bata kai aya ba ya dakatar da ita “ka da ki dameni da wani ban haƙuri ni meye nawa, dama a yanzu ai kinfi buƙatar mallakar gida fiye da komai”, ta dube shi sosai tace “ Ban fahimci maganar ka ba”, yace “ zaki fahimta, yanzu sai ki faɗi inda za’a sami kuɗin da za’ayi belinki”, ta yi jugum cike da tashin hankali sannan ta ɗago tace “ sai dai ka je ɗakina ka fitar da duk wani abu wanda idan aka sayar zai isa ayi belin nawa, sai a sayar kazo ka fitar da ni a wajen nan”, shuru ya yi yana yi mata wani watsattsan kallo, wanda yasa ta ƙara rikicewa domin babu komai a cikin idanunsa sai tsana, a hankali cikin magiya tace “ Don Allah ka taimake ni zaman wajen nan masifa ne, ka duba kaga yadda sauro ke kwashe dukkan albarkatun jikina, ga rashin bacci ga yunwa ga zazzaɓi mai zafi da nake ji a jikina”, ya watsa mata harara yace “ waye ya ja ma kansa idan ba ke ba, kaɗan ma kenan domin wannan masifar duniya ce kawai saura na lahira”. Yana gama faɗin haka ya juya ya fice a binsa.
Yana da kuɗin da zai iya yin belinta don haka ya wuce gidan da amaryarsa take ya sanar da amaryarsa Hafsatu ta fara shiri, domin zai saki gidan hayan da suke ciki, zata koma ainihin gidansa gobe da safe. Cike da mamaki Hafsatu tace “ matar ta ka fa, da kake shakkar tasan kayi aure”, ya girgiza kai yace “ Na dai gaya miki ki fara shiri kawai, dama kuɗin wata uku na iya badawa”. Daganan ya fice ba tare da ya yi mata wani ƙwaƙƙwaran bayani ba.
Kai tsaye gidansa ya nufa, duk wani abu na mora dake ɗakin Haj Rakiya ya nemi masu motar ɗaukar kaya ya kwashe zuwa gidan amaryarsa ya zube su anan, ya koma ragowar kayan kuma duk ya fito da su daga ɗaki ya zube mata su a tsakar gida, da shi da wasu almajirai suka share ɗakin fes sannan ya sallame su. Atakaice dai zuwa safe sun tare da shi da amaryarsa a ɗakin Haj Rakiya.
Ita kuwa tana can tana tsammanin dawowarsa amma har gari ya waye bai dawo ba, acikin mutanen cikin cell ɗinne ta samu wata mai ɗan sauran imani ta sammata kokon da aka kawo mata da safen, domin fahimtar da ta yi na Haj Rakiya tana cikin matuƙar yunwa.
Mallam Tasi’u bai iso police station ɗin ba sai ƙarfe goma shabiyu na rana, kai tsaye ya je ya biya kuɗin belin.
Ba’a daɗe ba aka fito da Haj Rakiya, sai tashin wari take, da sam mallam Tasi’u ya kasa tsayuwa kusa da ita, don ko da suka fito, dubu biyar ya miƙa mata yace “ Ragowar kuɗin kayanki da aka sayar sai ki hau mashin ki ƙarasa gida”, kafin ta buɗe baki ta yi magana ya wuce da sauri tana kallo ya tare a daidaita sahu ya shige ya yi tafiyarsa ya barta tsaye kamar wacce aka dasa.
Wannan ɗabi’un da mallam Tasi’u yake nuna mata, ya fara bata mamaki domin idan da ne akace mata zai iya yi mata haka zata ƙaryata, amma tasan yanzu dole saita daure ta kuma kau da kai daga duk irin wulakancin da zai yi mata, tunda asirinta ya gama bankaɗewa bata da wani bakin da zata kare kanta, sai dai ta lallaɓa, son zuciya da son abin duniya gami da kauce hanyar Allah duk shi ne silar faɗawarta cikin wannan masifar.

Cikin sanyin jiki da rashin ƙwarin guiwa Haj Rakiya ta tare a daidaita sahu ta wuce gida, sai dai ta rasa dalilin da yasa gabanta ke faɗuwa, haka zalika har ta kai gida nambar wayar Babaye Dillali take kira, amma a kashe, haka ta shiga gida cikin tashin hankali, sai dai kuma shigarta gidan ya ƙara tattago mata wani tashin hankalin, domin ganin tarkacen kayanta a zube a waje, cikin rawar jiki ta ƙarasa bakin ƙofar ɗakinta inda take jiyo muryar Mallam Tasi’u, yana ba da labarin irin mugun abinda Haj Rakiya ta aikata, ta ji ya ƙara da cewa “ Ni a yanzu duk duniya babu wacce na tsana sama da ita, ashe yar dakon shaiɗan nake zaune da ita, ni kaina Allah kaɗai yasan mugun abin da ta ƙunsa min”, bata fita daga fargabar maganarsa ba kawai ta ji muryar mace ta yi dariya tace “ shi yasa ma ka ke tsoronta ashe an gama wankema kasha ne, amma dai bata jidaɗin rayuwarta ba, wannan ma ai abin tsoro ce”, yace “ Abin tsoro ce kuwa sosai, kuma kada ki ƙara cewa ina tsoronta, kawai dai ina rakata ne kuma a yanzu dai komai ya zo ƙarshe”. Cikin tsananin rawar jiki ta yaye labulen don taga wacece a cikin ɗakinta, kuma meye dalilin ganin kayanta a waje.
Tana faɗawa ɗakin daga Hafsatu har Mallam Tasi’u tsayawa su kayi suna kallonta, kafin ta yi kan Hafsatu ta shaƙeta tana tambayarta dalilin kasancewarta da mijinta, a fusace Mallam Tasi’u ya tashi ya ɗauke Haj Rakiya da mari, wanda hakan ya yi sanadiyyar dawowarta hayyacinta, ta tsaya ta dafe kuncinta tana yi masa kallon mamaki, tace “ yanzu ni ka mara akan karuwa”, Hafsatu zata yi magana Mallam Tasi’u ya rigata cikin fusata yace “ kada ki ƙara kiran matata ta sunna da karuwa…” ta fiddo idanu gaba ɗaya waje tana makerkyata tana maumaita “ matarka?”.
Ya matso kusa da ita sosai yace “ ƙwarai da gaske matata ce na aureta” ta yi ƙasa da kanta tana sharar hawaye tace “ Matarka, ka yi aure baka gaya min ba kuma ka sata a ɗakina, sannan kuma ka watsar min da kayana waje”.
Ya kafeta da ido, yayin da Hafsatu ta koma ta zauna akan kujera ta harɗe ƙafa tana yi ma Haj Rakiya kallon biyu saura kwata, gami da wani murmushin rainin wayau.
Mallam Tasi’u yace “ Na fitar da kayanki waje ne saboda bazan iya zama da mushirika irinki ba, wacce ta maida bin bokaye da malaman tsubbu ibadar rayuwarta, ni gaba ɗaya tsoro ki ke ba ni, don haka na yanke duk wata alaƙa da ke tsakanin mu”, a gaggauce tace “me kake nufi da faɗin hakan?”. Ya tsaida idanunsa kem a kanta sannan yace “ ina nufin na sake ki saki uku tabbatar babu kome, don bana son wani abu ya ƙara shiga tsakanina da ke, Allah ya shiga tsakanin nagari da mugu”.gaba ɗaya ji tayi jiri na fisgarta, kuka take yi sosai wannan karon da ƙarfi take kukan tana kira ma kanta ta shiga uku ta lalace, lokaci ɗaya kuma ta durƙushe ƙasa tana yi masa magiya, ya dubeta sosai yace “ Me ki ke so na yi miki kuma, kada ki ɓatama kan ki lokaci, kada ki manta saki uku na yi miki”.
Ta kasa ɗagowa daga durƙuson da ta yi, gaba ɗaya duniyar juya mata take yi tana jin kamar ana fisgar naman jikinta, shin ina zata?, kawunta na gadon asibiti bayan ma hakan matar kawun nata ba sauƙi gareta ba, ko kawun nata ya barta ta zauna a gidansa to a gaskiya zaman bazai mata daɗi ba don tafi kowa sanin rashin kirkinta. Lokaci ɗaya Babaye ya faɗo mata arai, da sauri ta miƙe tamkar hauka sabon kamu ta fice da gudu ko abin hawa bata nema ba da ƙafarta ta cigaba da tafiya zuwa gidan Babaye.
Bata daɗe da fita ba me sayen kayan ɗakin Haj Rakiya ya kira mallam Tasi’u ya sanar da shi yana ƙofar gida, ya dubi Hafsatu yana dariya yace “ yanzu zaki fanshe shaƙar da Rakiya ta yi miki, da kuma ribar shurun da ki kayi ba ki tanka ta ba”, ta yi dariya tace “ Ina jira maigidana nagode”. Da sauri ya fita, tare suka rankaya zuwa tsohon gidan da ya ɓoye kayan. Mai sayen kaya ya gani ya kuma yi tayin mutunci don haka mallam Tasi’u ya sayar masa, take ya cake masa kuɗinsa ya kwashe kayan. Mallam Tasi’u ya fitar da kuɗin da ya yi belin Haj Rakiya, a cikin ragowar yaba Hafsatu dubu ashirin ta ja jali, wai bakinta har kunne don murna ta yi ta godiya. sauran kuɗin ya jefasu a aljihunsa dasu yake sa ran yin jali shi ma hankalinsa kwance ya yar da ƙwallon mangoro ya huta da ƙuda.

A ƙalla sai da musaddiƙ ya yi kwanaki huɗu a ssibiti kafin a sallame shi, wanda zuwa wannan lokacin Haj Hudah ta kasa daurewa dole tun ranar da Afrah ta kwana washegari direbanta ya dawo da ita Minna, domin yadda musaddiƙ da Afrah ke cikin shauƙin soyayya abin yana dugunzuma zuciyarta, bata son zuciyarta ta tabbatar da ƙiyayyar Afrah a cikinta don haka ta tattara tabar garin, bayan ta gama biyan kuɗin na asibitin musaddiƙ ɗin, haka zalika ko da aka sallame shi direban ta ne ya zo ya tafi da su Minna. Sai waya kawai ta yi da Musaddiƙ ya yi mata godiyar irin ɗawainiyar da ta yi da shi, daga bisani ya miƙama Afrah wayar itama ta yi mata godiya sosai.
Isar su gida Baba maigadi ya ji daɗin ganin Musaddiƙ cikin lafiya, kallo ɗaya kuma ya yi ma fuskarsa ya tabbatar da wannan shine asalin Musaddiƙ ɗin da ya sani, Allah abin godiya, Bayan sun gama gaisawa da Musaddiƙ ne cikin irin girmamawar da yake yi masa tun farko, sannan kai tsaye Musaddiƙ ya nufi ɓangaren Haj Kilishi, Afrah tana tsaye tana