You Cannot Download this book untill you login but you can read it .

---

Login Register

hakan za'ayi."
shi kuwa Ahmed motar tata ya d'an kalla tare da cewa.
"Wannan d'in za'a gyara sai a saida ta in cikata miki ki samu sabuwa koda wacce bata kai wannanba,
ki samu ta zuwa aiki."
tsalle tarikayi tareda rike hannunsa,
tana fad'in.
"Na gode Ya Ahmed Allah ya k'ara bud'i rabbi ya k'arawa Baba Malam daraja da lafiya da tsawon rai."
murmushi yayi cikin tsananin jin dad'in addu'arta ga mahaifin nasu ya rik'o hannunta suka shige cikin gida.
Wani babban parlour suka shiga wanda yake wadace da tsananin tsabta, wasu manyan kujerune na alfarma ke zagaye da fad'in parlour kana sai wani tattausan carpet mai tsananin taushi sai can gefen dama wasu manyan kanta guda biyu da suke cike da tarin Qura'anai da sauran littafai kama daga na addini dana boko harda su baibul wanda.
sai wani babban tv dake manne da jikin ginin, kana gefen hagu kuma dinning area wanda yasha gyara,
sai kuwa wata kujera dake tsakiyar parlour wacce tafi kama data sarakuna sai wani stoll na glass dake gaban kujerar.
wani dottijone mai tsananin kyau fari k'al k'al dashi yake zaune bisa kujerar nan ta tsakiyar parlour, bisa dukkan alamu alwala yayi yanzu, duk da anyi sallan isha koda yake hakan baya rasa nasaba da kasan cewarshi baya zama ba tare da alwala ba.
zaune yake kana ya mik'e k'afafunshi bisa stoll d'in hannun shi had'e wuri d'aya yana murzasu kana yana d'an karkad'a k'afafun nashi,
a hankali yake motsa labbanshi bisa dukkan alamu tasbihi yakeyi kasan cewa d'abi'arsa ce duk abinda yake bashi hanashi ambaton Allah.
can gefenshi kuwa wata kekyawar matace mai d'an ma dai-dai cin tsawo da jiki, bona ce ta jona jikin soket d'in wuta kana tasa wani turaren wuta mai dad'in k'amshi,
labulayen parlour ta sassake sabida yanayin hazo,
kana ta rage gudun fankan, sannan ta kashe A, C gaba d'aya.
cikin nitsuwa dottijon ya juyo ya kalli k'ofar parlour inda yaji muryar yaran nashi,
amsa musu sallamarsu yayi tare da basu izinin shiga.
a tare suka shigo gabanshi suka zauna cikin cikar tarbiya sukace.
"Barka da dare Baba malam."
cikin son yaran nashi yace.
"Allah ya muku Al'barka."
cikin tsananin jin dad'i Ahmed yace.
"Amin Amin Baba malam mun gode."
murmushi yayi dan yasan yadda Ahmed ke tsananin jin dad'i in ya mishi addu'a,
ita kuwa Zaliha cikin nitsuwa sanin a gaban Baba malam suke ta kalli Hajia Aisha mahaifiyar Ahmed kenan wacce suke kiranta da Mamy, cikin logob'ar da kai tace.
"Mamy yunwa nakeji."
cikin nitsuwarta ta matso inda suke kana tace.
"Ke kinada tsiya ne komai aka dafa kice bai mikiba, sai kije kitchen ki dafawa kanki dan ni dai tuwo nayi."
a hankali ta mik'a tare da cewa.
"Baba malam saida safe."
ido ya d'an juyo ya kalleta kana yace.
"Allah ya bamu Al'khairi kada ki konta bakiyi al'wala da adduba kada kiyita jin kid'e-kid'enan da kike sawa a gidan radionku."
cikin sanyi tace.
"Toh". kana ta juya ta fita.
Ahmed kuwa murmushi yayi sanin an d'aureta tunda an hanata shan kid'a,
nan sukayi ta hira da mahaifinshi da mahaifiyarshi,
ita kuwa Zaliha kai tsaye parlour Mamanta ta nufa,
gefen wata mata mai d'an k'iba da alamun rashin fara'a a fuskarta gefenta ta zauna da gani matar k'abilace ba hausa fulani bace sam bata da fara'a
cikin sauk'e numfashi tace.
"Mama barka da dare."
murya can k'asa a dak'ile tace.
"Sai yanzu kika dawo ko can d'akin uwar taki kika je."
konciyarta ta gyara bisa 2 str kana tace.
"Nida ya Ahmed ne kuma wurin Baba malam muke."
kai ta gyad'a kana tace.
"To tashi kije kici abinci Zulaihat ta muku awaran kuskus."
jin haka ta mik'e da sauri ta nufi dinning table, gefen washing hand baby ta nufa hannunta ta wonke sannan tazo ta zauna tanaci suna d'an hira da Mamansun.
Kad'an ta ci ta mik'e jiki a mace ta nufi d'akinta
tazo gab da bakin k'ofarsu Zaheera taji Zulaihat nata hayaniya alamun tana tarfawa Zaheera rashin kunya,
kai ta kauda ta wuce d'akinta dan bata cikin yanayin jin dad'i bare konciyar hankali.

Tana shiga ta cilla woyoyinta bisa gadonta kana ta zame ta durkusa a k'asa tare da kife k'irjinta bisa gadon pillow ta jawo tare da d'aurashin kanta a hankali ta rumtse idanunta sai kuma tayi saurin bud'esu da sauri sabida ganin tamkar yanzu ake sokawa Saifuddeen wuk'a a bayanshi kife kanta tayi cikin pillow ta saki wani irin zazzafan kuka mai sanyin sauti, ta jima tana kukan a hakan tayi baccin da baifi 45 minutes ba ta fara mafarki tana jujjuya kai da karfi ta saki ihu tare da cewa.
"Mu gudu kada su kasheka kazo mu gudu wayyo ya Ahmed sun kashe minshi."
sai ta kuma mik'e da sauri sabida farkawan da tayi,
kai ta kife bisa gadon tana wani irin kuka mai cike da tausayi da rauni,
sai ta kuma mik'ewa da sauri kai tsaye bathroom ta nufa al, wala tayi kana ta fito nafilfili tayi tayi wanda duk cikin sujjadanta shi take yiwa addu'a ranar da a haka ta kwana batayi bacciba wonkan da yake al'adar rayuwarta ma kafin tayi bacci amman yau bata Toshiba.

Washegari damisalin karfe 6:00 Am, Dr Adnan yafito daga room d'inda Saifuddeen yake,dukda sanyin asuba irinta hunturu dakuma sanyin AC dake zagaye awurin saida Dr Adnan yahad'a zufa sharkaf sabida tashin hankali da fargabar dake tare dashi,
kallo d'aya zaka yimasa kagane tsantsar tashin hankalin da ke shinfide akan fuskarsa cikin mutuwan jiki yayi isa office d'inshi,
Cikin hanzari Ummi dake zaune akan sallaya tana jan jarbi,
tamik'e tsaye tana mai zuba mishi ido tare da fad'in.
"Baban Adnan yafarka kuwa?."
saurin sai-sai ta nutsuwarsa yayi dan son boye tashin hankalin da yake ciki kana yace.
"Ehm Uhmm ba..ba..bakomai fa Ummi in sha Allah zai farka in Allah ya yarda ba wata matsala."
ita kam Ummi cikin rashin gamsuwa da maganarsa tafara magana cikin zubda kwalla tanafadin,
"Ka fad'amin halin da yake ciki in yamutune ma kada ka boye min dole inyi imani da k'addarata."
da sauri su Raliya dasuke zaune agefe suma bayan sun idar da sallah suka taso.
Hayatuddeen dayanzu dawowarsa daga masallacin dake cikin asibitin,shima ya'iso da sauri,
ganin haka yasa Dr Adnan cewa.
"Ummi baifa mutuba zo kuganshi ma."
kana ya juya yayi cikin room d'in dasauri suka rufamasa baya,can suka hangosa kwance ga na'urori sakale ajikinsa
da sauri suka nufi jikin gadon,idanunsa arufe ruf bayako motsi, abinda zainuna maka cewa yanada rai shine numfashin shi da yake ja tacikin na'uwar jan numfashi.
cikin rauni da fargaba jiki na rawa Ummi tariko hannunsa yayinda hawaye ke kwaranya a idanunta murya na rawa
tace.
"Saifuddeen wanene yayimaka wanna illa haka? waya zalincemu zalumci mafi muni arayuwar mu? memuka tare masa?."
a tare tajero tanbayar tareda kife kanta ajikin gadon ta saki sassanyan kuka.
Hayatuddeen,da shima kukan yake ganin dan'uwansa acikin mawuyacin hali,
Raliya Raihana duk kuku suke,
Dr Adnan ma shima kukan yake babu mai rarrashin wani a cikin su zuwa can Dr Adnan yashare hawayen sa cikin hanzari yamaso kusa da Ummi muryarsa narawa ya kwakulo murmushi dole yace.
"Ummi bawata masalafa ku kwantar da hankalin ku in sha Allahu zamuyi duk abinda yadace."
cikin muryar kuka Ummi tace.
"Adnan duba kaga halinda Saifuddeen yake cikifa sannan kace wai babu wata damuwa,
ka duba ka gani nice yau a gaban Saifuddeen amma yagaza d'aga ido yadubeni bare harya shiga farin ciki kamar kullum saboda ganina akusa dashi,
lallai Saifuddeen d'ina yana cikin mawuyacin hali."
sai ta kuma rik'e hannunsa tamatse acikin nata tanamai cigaba da kukan,
da sauri Dr Arabi yaturo k'ofar da sauri dan duk abinda suke yanajinsu daga cikin offece insa,ya'isa ciki tareda d'aura wata na'urar dake rike a hannunsa asaman kirjin Saifuddeen dan da alamun bugun zuciyarshi ta tsananta da sauri
yace.
"Ummi ku d'an je waje zamuyi aiki yanzu."
dakyar Ummi tasaki hannun Saifuddeen ta fita tana cigaba da sharar kwalla,
su Raliya ne sukabi bayanta.
Hayatuddeen ko wayar Saifuddeed ya d'auka wanda yagani agefensa sanna yafita, sunafita Dr Arabi yahad'a na'urar daya d'aura kan kirjin Saifuddeen,
kana ya juyo yana fuskantar Dr Adnan tare da cewa.
"Haba Dr Adnan a matsayin ka na Dr bai kamata karika kashewa majin yatanka guiwaba,
kamata yayi karika karfafa musu goiwa surika sawa aransu majinyacinsu zaisami lfy,
amma kaima kazauna agabansu kana zubda hawaye ai sai ka saka musu kokwanto azukatansu,
tabbas nasan shakuwar dake tsakanin ka da Saifuddeen,
so hakuri zakayi kabasu kwarin goiwa akan samun saukinsa sai kaga komai yatafi dai-dai."
a hankali Dr Adnan yashare hawaye kana yace.
"Hakane amman kaima kasan dai akwai babbar masala,
bazan tab'a iya mik'ewa ya tsaya da kansa ba,bazai iya morar kansa ba,
saboda illar da suka yimasa agadon bayansa zuwa kugunsa,bansan tayanda zansanarwa Ummi wanna mummunar labarin ba"
a hankali Dr Arabi yace. "Nasani,to amma ya zamuyi da ikon Allah, shi ya halicci Saifuddeen kuma ya fimu sonshi kuma insha Allah shi zai zama gatanshi,
yanzu dai ya kamata musan menene mafita."
shiru Dr Adnan yayi saboda tunanin hanyar data fi dacewa don dole a wuce da Saifuddeen Abuja.

Koda Hayatudden yafita Gefe yakoma yazaro wayarsa a'al'juhu dan tun jiya yake akashe yakunna sanna yasaka wayar Saifuddeen acikin aljuhun,
bayan yakunna wayarsa saiya lalub'o number Ishaq wato babban abokin Saifuddeen,
yana d'agawa yace.
"Hello Hatuddeen yau kuma gaisuwar sassafene za'ayiwa Hamma Ishaq."
cikin raunin murya yace.
"Ina kwana Hamma Ishaq."
da sauri yace.
"Lafiya lau, Hayatuddeen."
bayan sungaisanne Hayatuddeen yake ce masa. "Hamma ishaq muna asibiti Hamma Saifuddeen bashida lfy."
ba k'aramin tashin hankali Is'haq yashiga ba dajin cewa abokin sa na'asibiti wanda jiya da yamma suka rabu lafiya-lafiya sannan kuma yanada tabbacin cewa bakaramin ciwo bane zaisa Saifuddeen yakwanta a asibiti.
shiko Hayatuddeen katse wayar yayi yakoma inda su Ummi suke,
jugum-jugum sukayi kowa da abinda yake sakawa azuciyarsa.
sunan zaune har gari yayi haske.

Karan ababen hawane yacika cikin harabar asibitin motoci da mashunan guragu irin masu tsada da kyau wanda zasu iya kaiwa 23 kana sai wasu motoci kusan guda 6 wanda sukeda tambarin (Jonapwd) Gombe state chapter all the best! bi ma'ana tambarin k'ungiyar nakassasu ta jihar wato Joint national association of persons with disabilities.
kuma kowani mashin guda mutane biyu ne ke kansa,haka sukarika faka mashin d'in suna sauka akansa,abin mamaki mutanen duk nakasassune,
sai dai bazaka tab'a banbance makafin cikiba domin babu sanduna a hanunsu bare yan jagora kana suna cikin tsabtacecciyar shiga ta alfarma mafi akasarinsu sunfi kama da ma'aikata, kuramen ciki kuwa bazama ka tab'a zaton sunada wata nakasa a jikinsu ba, guragu kuwa sai dai ka gane da sawun wasunsu da suke a shanye wasu kuma da sanduna suke dan tokarawa gaba d'aya sun cika harabar asibitin kuma ba hayaniya bare sowa suna komansu cikin tsari da wayewa fiyema da masu ji da gani yayinda wasu ke ambaton.
"Ya Allah! kabaiwa d'an uwanmu Garkuwarmu lfy,
idan kacire manashi a cikinmu bamu san ya zamu k'are da rayuwaba dan munsan cewa zamu tagayyara mudawo abin kyama abin gudu acikin al'umma sunai mana kallon wasu hallitu na daban." makafin cikinsu nata fad'in. "ku kaimu inda yake?."

Mutane sukarika fitowa daga cikin asibitin, wad'anda suke gefe da asibitin wato mazauna gefen asibitin suma suka shisshigo,danganin taron mutanen dasuka shigo cikin asibitin.
Dan ganin abinda kefaruwa,jama'ar dasuka fito dan kallon mutanen sunsha mamakin jin kallama da ya kefita abakin wadanna nakasassun,sai ambaton Saifuddeen suke,
jama'a duk suka cika da alhinin jin sunan wanna bawan Allahn dasuke ammaba,to waye shi dahar wadanna mutanen zasu nuna damuwarsu da tashin hankalinsu akansa,lallai wanna mutumin komai akayi adaline,sosai a garesu domin wasuma sunyi zaton ko zanga-zangar lumana nakasassun keyi,
gurin ya kacame da hayaniyar mutane dake tambayar meke faruwa.
Hayatuddeen ne yamik'e tsaye da sauri yace.
"Ummi mutanen Hamma Saifuddeen ne sukazo dan naji sunata kiran sunansa bari naje wurinsu."
kai kawai Ummi ta'iya gyad'a masa alamar toh.

Hayatuddeen yafito farbajiyar asubitin suna ganinsa suka nufi inda yake suka zagayeshi,suna fadin.
"Ina Saifuddeenin d'inmu yake kanunama inda yake."
hannu sa yad'aga sama yana juyashi, tare da yin sauri ya isa gaban Ishaq cikin girmamawa yace.
"Ya ishaq barka da zuwa."
da sauri ishaq ya mik'o hannu ganin haka shima Hayatuddeen ya mik'o mishi hannu tare da cewa.
"Gani nan Ya ishaq."
da sauri ishaq yace.
"Yauwa Hayatuddeen ta ina Saifuddeen yake muje mu ganshi."
cikin d'an murmushi Hayatuddeen yace.
"Hmmm kai ishaq kullum lamarinka akwai k'arfin hali da iya ruggumar k'addara wai muje mu ganshi sai kace kana gani."
shima Ishaq murmushi k'arfin hali yayi tare da cewa.
"ai ba idone gani ba, ku masu idone kuke d'auka da ido kawai ake gani, mu kunnuwanmu ma tamkar idone kana da zuciyarmu da k'ok'wolwarmu, yayinda kuramenmu kuma idanunsu ne kunnuwansu, ba gashi yanzu koda bana ganinka nasan kana zubda hawaye daga sautin muryarka."
cikin sanyi Hayatuddeen yace.
"Ku kwantar hankalinku,
ku dakata dan Allah kuyi hakuri yanzu bazaku sami ganin saba dan yasamu yin bacci saidai zuwa anjima."
cikin gamsuwa sukace.
"To yajikin nasa?."
saida ya maida hawayensa dake kukarin zubo masa dagudun kada hankulansu yatashi,danyasan cewa basu kadai ahalinsa kebukatar Hamma Saifuddeen ba, hardasu wadanna nakasassun,dama wasunsu baki d'aya,.
"Da sauki". yace dasu atakaice,
dakyar shugabannin nasu suka samu suka lallab'asu sukatafi,sanna shikuma Hayatuddeen yayiwa su ishaq d'in iso zuwa ciki inda su Ummi suke.

Suna shiga Dr Adnan nafitowa,
kana Dr Arabi nabiye dashi su Ummi naganinsu sukamike tsaye suka k'araso inda suke,Ummi kallonsu take fuska kunshe da tanbayoyi
Dr Arabi yakalli Dr Adnan wanda keta noke-noke yayi masa alama da ido,
jiki asanyaye Dr Adnan ya mik'awa Ummi wata doguwa takarda fara yace.
"Ummi wanna takardar ta transfer ce zuwa Abuja,
naturaku asibitin kimiya dake birnin tarayya Abuja National hospital Abuja
,idan kun isa saikiba su wanna takardar
da sauri Ummi tace.
"Abuja! Kuma?."
kai ya gyad'a mata alamar eh,
a hankali tace.
"Lallai ciwon Saifuddeen babbane tunda har katuramu Abuja."
Kai Adnan ya girgiza dasauri,dan bazai iya fad'a mata akwai masala ba, yafiso sai sunje can d'in asanar musu.
tana karbar takardar yayi saurin juyawa dasauri dan gudun kada Ummi takuma jefo masa wat tanbayar,
yanafita yayi duk wani cuku-cukun dayadace natafiyarsu ba tareda bata lokaciba yakammala komai bank'arensu.
Ishaq kuwa takardar ya amsa kana suka juya tare da Raihana, kai tsaye Federal low cos suka nufa,
E passport d'in Ummi da Saifuddeen dana Hayatuddden yasa Raihana ta kawo mishi,
daga nan direban k'ungiyar tasu yaja suka wuce Airport, nan ya gama musu dukkan shirin tafiya hardashi d'in suka kuma yi sa'a akwai jirgin da zai tashi zuwa Abuja k'arfe biyun rana zai tashi.

1:53 pm duk sun gama shirin komai,
takofar baya Dr Adnan yashiga yaturo gadon yafita takofar bayan,
Dr Arabi natsaye ajikin motar da zai kaisu airport da taimakon sa suka tura gadon cikin motar suka dai-dai zaman gadon sosai acikin motar,
Kana Dr Adnan yakoma indasu Ummi suke yace.
"To Ummi an gama shirya komai shirya komai ku akejira yanzu,
sanna kuma tafiyar zai kasance dole damutun biyune sanna kuma... da sauri Raihana tace.
"Ummi ku kutafi keda Hayatuddeen, mu zamu koma gida nida Raliya fatanmu samun saukin Hamma Saifuddeen zan kira Abban Farida yayi k'ok'arin dawowa,."
cikin gamsuwa Ummi tace. "to".
"kuyi maza kutafi nima zuwa gobe da yamma zan shigo Abujan."
Dr Adnan ya fad'i tare da juyawa yayi gaba,
da sauri suka bishi abaya.
koda suka'isa jikin motar, Ummi da Hayatuddeen suka shiga,driver yatada motar Raliya da Raihana nad'aga musu hannu dayimusu fatan samun nasara,yiyinda dukansu suke ta sharar kwalla,driver yaja sukabar harabar asibitin,
"Sukadau hanyar Airport, in da tuni ishaq na can su kawai yake jira.
suna isa bada jimawa ba jirginsu ya tashi.
3:00pm yamusu a cikin birnin taraiya Abuja direct National hospital suka nufa.
Kasancewar duk abinda yadace Dr Adnan yarigada ya'aiwatar dashi ta online , so ansan da zuwansu,basusha wani wahalaba,suna isa nurses suka taho jikin motar data d'aukosu daga airport nan suka fito dashi.
Kana Ummi
tamikawa d'aya dagacin nurse d'in takardar da Dr Adnan yabata,sanna suka turoshi sukashiga cikin asibitin, direct Emergence room aka shige dashi.
Nan Doctors suka dukufa akanshi basu yi wata-wata ba suka fara bincike akan laluransa kamar yanda yazo musu arubuce,
cikin k'ank'anin lokaci S.....!







By
*GARKUWAR MARUBUTA*
8/18/20, 7:52 PM - Ummi Tandama: [3/30, 10:50 AM]
📝🍇🍇🍇🍇🍇🍇🍇🍇🍇🍇🍇🍇

*NAKASA BA KASAWA BACE*

*PAGE 15*

NA
*AYSHA ALIYU GARKUWA*

🍇🍇🍇🍇🍇🍇🍇🍇🍇🍇🍇🍇🍇


~Free page~


Suka gano matsalar shi, kana suka dugufa kanshi dan samo numfashin sa ya dai-dai ta, domin babu wani aiki da zasuyi mishi har sai ya dawo haiyacinshi.
Hakan yasa suka meda hankali ganin komai ya dai-dai ta, cikin ikon Allah a daren ranar ya farfad'o yana kuma cikin haiyacin sa, kasan cewar dare yayi nisa, yasa aka bar batun dubashi zuwa safiya.

Bappa Ali da Warisu da Mudassir kuwa tunda Hayatuddeen ya sanar musu gaba d'aya hankalin su ya tashi sai dai sun meda hankali wurin yi mishi addu'ar samun lfy a cikin ka'aba.

Ishaq kuwa, tunda aka shaida musu bazasu dubash yau ba sai gobei, sai ya kira babban yayanshi dake nan Abuja da iyalanshi ya shaida mishi, ba jimawa kuwa Ya Rabi'u yazo tare da direbanshi, domin dukkan sashin zuriya biyun sun san abotar Ishaq da Saifeddeen domin abotace tun na yarinta, hakan yasa har iyaye su suke mutunci da zumunci mai k'arfi.
Kasan cewar babban doctor uban gidane ga Dr Adnan hakan yasa tun kafin suzo an shirya komai, hatta da masu kula dashi, ya tanadar cikin ma aikatan nasu,
ya kuwa kontarwa Ummi hankali ta tare da bata k'arfin guiwa.
Haka yasa Ya Rabi'u ya tafi da su gidanshi, cikin sa'a ma kuwa asibitin ba tazara sosai da diganshi.


Ummi kuwa da Hayatuddeen dugufa sukayi da Addu'a jigon nasu.
Deren ranar sam basu rumtsaba, shima Ishaqa bayi bacciba.


A can gida Gombe kuwa, bayan su Raihana sun koma gida, kai tsaye falon Ummi suka wuce,
cikin sanyin jiki Raihana ta zauna bisa kujera,
idonta ta rumtse da k'arfi, a jere wasu zafafan hawaye suka zubo mata,
ita kuwa Raliya wayarta ta d'auka, ta fara 'yan dube-dube bayan yan wasu dak'ik'u ta kara wayar a kunne,
a hankali ta bud'e labbanta tare da cewa.
"Wa'alaikassalam, Abban Farida, yaushe zaka dawo?."
a can d'aya sashin Abban Farida yace.
"Lafiya dai ko?."
murya a sanyaya tace.
"Alhamdulillahi ala kulli halin."
jin haka yasan to tabbas akwai matsala sai dai iya sarrafa harshe na matar kwarai wacce tasan yadda zata isar da sak'o wa mijinta ba tare data firgitashi ba,
cikin dakiya yace.
"Meke faruwa?."
tallabe hab'arta tayi tare da cewa.
"Abban Farida ka dawo gobe, please inda hali in zaka samu jirgin yau dan Allah ka taho gida."
cikin kad'uwa yace.
"Raliya meke faruwa ki gaya min mana, zuciyata ta cika da zulumi."
"Hamma Saufudddeeen! Saifuddeeen!! Saifuddeen..!!!."
tai ta maimaita mishi murya na rawa.
mik'ewa yayi tsaye cikin fargaba yace.
"Innalillahi wa Inna'illaihi rajiun. Meya sameshi? ina Hayatuddeen? Ina Ummi?."
Cikin kuka tace.
"Suna Abuja an tafi dashi asibiti."
daga nan ta sanar dashi dukkan abinda yake faruwa,
ta k'ara da cewa.
"Ya Adnan ya turasu Abuja. Abban Farida ka dawo wlh Hamma Saifuddeen ko motsi baya yi sanda suka tafi dashi."
ta karishe maganar tana zubda hawaye.
Shi kuwa Abban Farida datse kiran yayi kana ya fara harhad'a yan abin buk'atunshi, kai tsaye Airport ya nufa cikin sa'a ya samu jirgin Abuja, dama shi bai niyar zuwa Gombe ba.

Kafin su isa abuja dare ya d'an fara nisa kuma yayi ta kiran number Hayatuddeen da Ummi duk basu d'agawa, haka yasa ya nemi masauk'i inda ya kwana da nufin da safe zai nemesu.


Dr Adnan kuwa, saida yaga tashin su Ummi sai da ya koma asibitin kafin ya koma gida.
Shiru parlour nasu ba kowa haka yasa ya zauna bisa 1 str zuciyarshi da jikinshi na cike da fargaba da tsoron halinda martashi Rahma zata shiga in taji abinda ya samu d'an uwanta,
ya rasa tudun dafawa, a fili yace.
"Ya ilahi ya mujubbat da'awati ko taya zan sanarwa Rahma."
sai kuma yayi sauri zaro woyarshi Ishaq ya kira,
bayan sun gaisa yace.
"Kun isa lfy,?."
"Lafiya lau Alhamdulillahi."
gyara zamanshi yayi tare da kallon k'ofar corridor d'in part d'in Raihana sannan yace.
"Kun samu Dr Aliyu ko?."
"Eh to gsky mun samu tarba daga wurin Doctors har uku to gsky ban sanan wanne ne Dr Aliyun ba a cikinsu."
cikin sanyi yace.
"Zakaga Dr Aliyu shima nakasasshene ai domin shima yanada matsalar spanal cord kuma shine big doctor a k'asarnan in dai a wannan fannin ne, uban gida nane kuma wa nane d'an kawuna."
cikin jin dad'i Ishaqa yace.
"Alhamdulillahi, hakan yayi kyau domin dama shi nakasa ai ba kasawa bace, kuma ya yi mana k'arin bayani kan mu kontar da hankalin mu, Alhamdulillahi kuwa tuni ya farfad'o kuma yana cikin haiyacin sa, so zuwa gobe da safe zasu fara bincikan adadin zurfin ciwon."
lumshe ido Dr Adnan yayi kana yace.
"To Allah ya kaimu, in sha Allah nima gobe zan taho please kuke kontarwa Ummi hankalinta."
"In sha Allah ba matsala." cewar Ishaq.
Kana daga nan sukayi sallama,
shi kuwa Dr Adnan Dr Aliyu ya kira bayan sun gaisa yake mishi godiya tare da tambayar ya mai jikin, so shima Adnan ya samu d'an nitsuwa duk da cewa Dr Aliyu ya tabbatar mishi cewa Saifuddeen ya samu nakasar lakkar bayanshi.
bayan sun gama woyar ne yana d'ago kanshi ya hangi Rahma tsaye bakin k'ofar kitchen ta kafeshi da ido gaba d'aya jikinta tsuma yakeyi tuni hawaye sun jik'a fuskarta,
mutuwar zaune yayi domin tabbas yasan taji duk wayar da yayi dasu, dan sam hankalinshi bai bashi ko tana kitchen ba.
Ita kuwa matsowa ta farayi a hankali take taku still jikinta na rawa,
gabanshi ta tsaya tare da tirtsetsen cikinta,
da sauri yasa hannu ya jawota jikinshi kan cinyarshi ya ajiyeta, suna fuskantar juna, murya na rawa tace.
"Me kuma zaka boye min Ya Adnan me zaka boye min? gaya min me zaka boye min. wani abune kuma ke tinkarar rayuwarmu? meya samu d'an uwana? ina yake, waye zai nak'asa Saifuddeen ne ko Hayatuddeen gaya min wani hali Ummi ke ciki?."
gaba d'aya ta birkice ta gigitashi da tambayoyinta yama rasa wanne d'aya zai amsa mata kuma tana k'ara tuno mishi fargabar da Ummi ke ciki.
Kawai sai ya had'eta da k'irjinshi ya ruggumeta da k'arfi kana ya fara magna cikin dakiya yace.
"Madadin kiyi mishi addu'a sai kiyi mishi kuka? kin san halin da yake shiga duk sanda yaga hawaye a kwaranya a idanunki, meyasa rauninki yake yawaita, da can baya da juri na sanki to meyasa bazaki ruggumi k'addaraba, ki godewa Allah a cikin dukkan lamarinki."
tunda yace mata kin san baya son kukanki ta gane Saifuddeen ne, to wani zafin ya wuce inda hawaye yake fargabarta da nitsuwarta duk sun had'u sun hargitse sun danne hawayenta,
sai tayi wani azabebben murmushi da yafi kuka zafi cikin sanyi tace.
"Alhamdulillahi ala kulli halin, ya Allah ka fini sanin waye Saifuddeen ya Allah ka fini sani adadin mutanen da ya zame musu uwa uba yaya k'ana, ya Allah ka fini sanin rauninshi dana mahaifiyarmu ya haiyyu ya k'aiyyum ya zirjalali wal ikram ya Allah ka bashi lfy ka d'aga kafad'un shi."
da sauri Dr Adnan yace. "Amin Amin, Ameeen ya rabbil izzati."
daga nan yayi ta bata baki da nuna mata ciwon baiyi tsanani ba.
Amman duk da haka daren wannan ranar itama sam bata rumtsaba.


Raihana kuwa har dare Allah baisa ta tuno da Affan ba domin tunda suka dawo data haura sama d'akin Saifuddeen kuka tayi tayi,
sai bayan sallan isha da Amira 'yar Alhaji Kabiru ta dawo mata da shi itama haka ta kwana yiwa d'an uwanta addu'a.


A can Abuja kuwa, tunda asuba matar ya Rabi'u Aunty Mami ta tasa yar aikinta gaba suka shiga kitchen, dan Ishaq ya gaya mata da sanyin