You Cannot Download this book untill you login but you can read it .

---

Login Register

gaisawa da su Umma, ta
fito ya bita da kallo, kin yi kyau kanwata, Umma
ta ce yau za ku hoton ne? Ta ce kila, Abba ya ce
shi yasa ki ka yi kwalliya haka? Ba ta ce komai
ba sai dai ranta bai so ma maganar da Umman
tayi ba. Suna hira da Umma ta shirya misi abinci
ta koma kan kujera ta dauki littafi lokaci-lokaci
idanunta suna kan Abba. 13 Suna hira da Umma
ta shirya mishi abinci ta koma kan kujera ta dauki
littafi, lokaci-lokaci idanunta suna kan Abba. Shi
ma haka ya ce wai ni littafin nan da ku ke nacin
karatunshi dame kuke karuwa? Umma ta ce, Ai fa
gara ka tambaye ta, don ban ga abinda ta ba
muhimmanci ba irin wannan littafin. Ummi ta cem
ina karuwa sosai Umma suna koya mana tarbiyya
yyanda zamu tafi da rayuwarmu cikin tsarin
Addini da al'adarmu. Abba ya ce amma basa
koya tsafta da biyayya, Ummi ta ce suna yi sosai
ma, ya ce Umma ni naga jarabar karatu irin na
Bishira amma kullum mugayen halayenta bayyana
suke yi. Ummi ta ce ni ko har addu'o'i zuwa girki
kala- kala ina koyo, Umma ba rannan nayi
dafadukan kwakwa ku ka ce ya yi dai ba?" Ta ce,
"To ki dai dinga daukan na kwarai kina yarda na
banza, Abba ya ce in haka ne d agaske zan samu
lokaci in zo ki karanta min in ji, ta ce "To." 27.....
Umma ta yi 'yar dariya ta ce, "Sai ka ce ba ka da
aikin yi? Ya ce, "Allah Umma da gaske nake yi
don in ji wacce irin koyarwa suke yi, marubutan
ko ko sai shirme?" Kiran sallar Isha'i ne yasa
Abba mikewa, ita kuma Umma ta tafi kicin don
shiryawa su Alhaji Abinci. Ummi kam sun bar ta
cikin takaicin tafiyar Abba don dai bata gundura
da shi. * Alhaji Ya kalli Umma, wai yau bikin
yaran nan saura wata nawa? Ta ce, "Wata ko
kwana dai?" Yau saura kwana talatin da shida,
ban ga kana motsi ba? Alhaji bikin nan zai
mamaye mu, ya ce "Yanzun ya za a yi da batun
kaya?" Ta ce, "Ni da cewa nayi ga Abba sai yaje
ko kuje ku za6a musu kaya masu kyau a siya,
kada a ba kafintoci in ba a yi sa'a ba har lokacin
yayi ba a gama ba". Ya ce, "To zan sa shi ya tafi
da su kawai su za6a". Ta ce, "Sai kayan girki na
dai sayi tukwane da risho, sai kuloli". Ya ce, "Duk
da haka uwata zan sa ta za6i wasu kayan."
Umma tayi dariya tare da cewa, "Allah ya kara
budi, nan dai suka yi ta lissafin kudi. Da safe
Alhaji ya kira Abba a waya ya sanar da shi cewa
ya dauki su Ummi suje su za6i irin kayan da suke
so, duk da cewa zancan ya doki zuciyarshi amma
ya ce "To." insha Allah zamu je, suka yi sallama.
Sam baya son ya ji batun auran su Ummi, baya
son rasata, kuma yana ji a jikinshi cewa zai same
ta. ** ** 28.....Yammacin ranar Asabar La'asar
lis garin yayi dan sanyi Abba ya nufi gidansu don
daukan su Ummi zuwa kasuwa. Jikinshi sanye da
farin yadi mai shara-shara, har ana iya hango
fara kar din singiletin da ke ciki ta manne a
jikinshi. Kamshin turarenshi ya cika dakin Umma
wanda ba shiga yayi ba daga bakin kofa suka
gaisa. Ya ce, "Ummi su fito don Ummi ce ke
shiryawa tuni Fati ta fito, ya matsa kofar
Tsohuwa suka gaisa, sannan ya ce "Umma sai
mun dawo. Ya nufi waje yana fadin su Ummi su
mishi sauri. Sun fito za su duru a baya Abba ya
ce Ummi ta dawo nan gaba, ta zauna ranta
dagule don ita bata bukatar wani za6i tunda ba
wanda take so zata aura ba. Haka nan ta
fuskanci Abba yau yana cikin wani irin yanayi,
kila daga gida aka 6ato masa rai, nata tunanin
kenan. Shi kam takaicin zuwa za6on kayan ke
damunsa, ya kalli wayarsa da ke ruri ya daga,
Salis ya ce kana ina ne? Ya ce ina nan
unguwarmu zan kai kannena ne za su za6i kayan
daki. Ya ce, "Ta ina zaku bi? Abba ya ce kai kana
ina ne? Ya ce ina nan kusa da asibitin Malam,
bari in jira ka a jikin gidan man nan, Abba ya ce
"To." Salis ya kalli yarinyar da Abba ya ce Ummi
koma baya ya ce, "'Yammata sannunku, suka
gaishe shi ya yi murmushi ke ce Ummi?" Ta ce,
"Eh, ya ce ya su Umma?" Ta ce lafiya lau, ya
maida dubansi ga Abba wanda ke tuki cikin
nutsuwa ya ce, "Idris akan batun yarinyar nan ne
don Allah ka daure muje gidansu yau". Gaban
Ummi ya fadi. Abba ya ce, "Don Allah Salis ka
bar batun yarinyar nan, kai dai kasan halin da
nake ciki game da wata". Salis ya ce, "Me yasa
ka amsa kana sonta, kuma har kana daga waya
duk lokacin da ta kira ka?" Abba ya ce, "Shike
nan za mu je da yamma tunda wancan na rasa
madafa". Salis ya ce kuma fa da hakan zai fi
maka. Ummi gashin jikinta duk ya mike, suna fitar
da zufa lumshi ido tayi luf a kan kujera ta kwantar
da kai, Salis ya waiwaya ya dubeta, yaya dai? Ta
yi dan yake, "Ba komai." . 29.... Sun je gurin
kujeru da gadaje, Fati tayi ta ruwan ido yayin da
Ummi ta koma ta jingina a kujerar da ta zauna.
Abba ya dube ta. "Ke wanne ki ka za6a? Ita ta ce
wancan farin". Ummi ta yatsina fuska, "Nifa bani
da za6i, duk wanda ku ka ga yayi". Salis ya ce, "
Idris yarinyar nan ina zaton tana sonka, naga
tunda muka yi maganar zuwa gurin wata ta
canza yanayi. Abba ya ce, "Kyaleta ba wani ya
dubeta ba, ke Ummi tashi ki za6a mu ji
farashinsu, sauri muke. Ta ce, "Ya Abba cikina ke
ciwo, ka za6ar min don Allah". Ya ce, "Salis ita
ma a bata farin kawai ko? Salis ya ce, "A daukar
mata mai ruwan madaran, mai shagon ya ce sun
fi tsada, Abba ya ce ka daukar mata su. Sun
koma gefen kujeru nan fa Abba ya ce dole sai ta
za6a, nan ma wanda ta za6a a ka ce sun fi na
Fati tsada, suka ji farashinsu su sannan ya ba da
wani abu suka tafi. Ya sauke su a gida, Fati sai
ba Umma labari take yayinda Ummi ta shiga
kuka, Umma ta ce ke kuma lafiya ki ke kuka?
Ummi ta ce "Umma ni bana son in yi auren nan,
bana son in bar gida. Fati ta ce, "Shi yasa naga
tun a gurin shagon kina ta 6acin rai? Umma ta
ce, "Shirmen banza da wofi, sai ki tayi. Ta fice,
Fati ta ce Ummi ke kin cika son damuwa. Menene
na damuwa? Kila ma kina nan unguwar.ovels / ZURFIN CIKI book 3 part 5
ZURFIN CIKI book 3 part 5
Posted by Bashir Sani Fesan on 15 Dec 2016 - 00:29
ummi sannu da zuwanku, nan sukayi masa
gaisuwa yace ummi kaisu ciki. 36.. Zainab tace a
ranta wato ma ummi yafara gani, a fallon su
umma suke don nan ta fara kai su, tace umma
wanan ce zainab, wannan kuma matar abokinshi
salis, umma tayi masu sannu da zuwa sanna tace
ummi ta kaisu dakin bishira, sun shiga sun yi
mata gaisuwa, bishira tace ke ko gaisuwa baki zo
min ba koda yake bai dame ki ba, ummi tace
nima ana ta zuwa min gaisuwan ne a gd, duk yan
dakin suka kalli ummi, sahura tace ke asuwa?
Bishira tace ita a mahaifiyar shi, ummi tace
zainab kuzo muje, tun daga lkcn zainab tasa a
ranta akwai matsala a wanan familyn din, basu
jima ba suka yi sallama, inda ummi ta rakasu
daga can itama ta wice gd, suna shiga soro
shima ya shigo yace badai tafiya zakuyi ba? Ya
kalli ummi sun sha ruwa ma kuwa?ummi wadda
dama idanunta na kanshi ta amsa mishi da
idanu. Yace yama akayi kuka gane gdn zainab
tace yaya salis ne yakawo mu, ya kalli matar
salis yace madam mun gode fa,tace bakomai
Allah ya jianshi, sam ummi batasan lokacin da
furucin ya fito mata ba, sai dai taji tace ya abba
duk ka rame baka cin abinci ko? Shi kanshi yayi
mamaki don haka ya ya tsura mata ido, sai taji
kunya ta rufee ta saita kau da kanta daga
kanshi,don kada su zargeta. Kayi hkr naji wani
malami yace duk wanda yaranshi kananan uku
suka rasu to zasu ceceshi ranar gobe. Kaga ynz
kafara da daya,matar salis tace ai koma dayane
indai kayi hkr kayi tawakkali,ummi ta kalle shi
tace to kaji ma,yace ummi nifa tuni na
dangana,ta sake tausasa murya to meyasa baka
cin abinci? Ya tausasa murya wadda dama take a
dusashe yace ummi inaci,tace ya abba baka fa
yin karya,yace to yau zanzo inci a gabanki, ya
kalli matar salis wadda ke murmushi, in naci a
gabanta saita yarda ko? Tace tabbas! 37..Zainab
wadda takaici ya cikata tace da matar salis anty
nifa natafi, abba ya dubeta zainabu nagode ki
gaida su mama sai nazo,batare da ta tsaya ba
tace to, ummi ta musu sallama itama ta tafi gd.
Zainab ta dubi matar Salis bayan tafiyar Ummi,
ta ce, "Duk da son da na ke ma Idris din nan ba
zan aure shi ba". Matar Salis ta ce dalili? Zainab
ta ce, "Bana zaton ko matarshi ta gida da ya
aura ya aje yana sonta irin yanda yake son Umiin
nan". Abin nasu yayi yawa. Dubi yanda ya manta
da ni, ta ita kawai yake yi. Matar Salis ta ce, kin
ji ki da wani shirme, ita da zata yi aure?" Zainab
ta ce, "Abinda ke tausar zuciyata ke nan in na
tuna cewa zata yi aure, amma kai naga ji ba zan
iya ba, haka suka tafi tana ta bai wa yarta
labarin yanda Abba ke ji da Ummi. Kamar yadda
Abba ya ce zai zo cin abinci da dare yazo, Ummi
ta saka shi gaba wai sai ya cinye wake da
alayyaho da kifin da ta dafa masa. Da kyar ya
cinye plate din farko ya ce "Ummi na koshi kin ji?
Ta daure fuska tana kallonshi, shi ma ita yake
kallo yana dan murmushi. Ya ce, "Ina ma a ce
tun da da haka muka yi sabo, Ummin cikin
kwanakin nan kin lura cewa muna shiri". Ta
harare shi, "Kana zaton na manta da irin dukan
da ka yi ta min ne? Shi ma ya harare ta tare da
kwaikwayon muryarta. "Kina tsammanin zan
manta da irin tsokanar fadanki ne? Ko zan manta
da Suhailar Kaduna...?" Kafin ya rufe baki tuni ta
yi uwar daka da gudu, shi kam dariya yayi ta yi
yana cewa ki zo mana Ummi, kin fitowa tayi har
sai da ya bar gidan. Duk lokacin da suka kasance
tare kowannan su yana mantawa yana da wata
matsala. Saura kwana uku daurin auransu,
lokacin dangi sun soma zuwa, musamman 'yan
Zamfara. Ummi da Abba hankalinsu ya kai
kololuwa gurin tashi. Ranar ya ziyarci Zainab wai
ko zai samu 'yar nutsuwa. Bayan sun gaisa ta
sake mishi gaisuwa, shi kuma ya mata bangajiya,
dama tun da aka yi rasuwar bai zo ba. Ya ce
"Zainab ina ganin da an gama hayaniyar bikin
Ummi zan turo". Tayi shiru bata yanke ma kanta
shawarar matsawar ya cikata da zancan Ummi
yau kam za su yi ta ta kare. Jin tayi shiru ya ce
kina jina Ummi... ta katse shi da sauri, "Ba Ummi
nake ba Sorry Zainabu. Ya ci gaba bakina ne ya
saba da kiran Ummi, da yake daga ni sai ita ne a
gidan. Yanzun haka auran nan da zata yi ina cikin
tsananin kewarta...Zainab ta ce ina Idris? Don
Allah ni na hakura ka je ka auri Ummi, Abba ya
dubeta cikin tsananin mamaki. 38.. Me ki ke
fada? Me Salis ya sanar da ke? Ta ce Idris duk
wanda ya san so, minti biyar in ya zauna da ku
zai san kuna tsananin son junanku kuma ni na
tambayi Salis cikinku daya? Ya ce min A'a tun
daga nan nasan cewa ku masoya ne, ta nufi
hanyar gida, da sauri ya sha gabanta. Zainabu
kada muyi haka da ke, wallahi auranki zan yi. Ta
ce, "Eh ai na san aurena zaka yi, amma ba sona
ka ke ba, don Allah ban hanya sonka in zai yi
ajalina ba zan aure ka ba, ya kauce ta wuce, ya
bita da kallo har ta shige. Jiki ba karfi yake tuka
motar har ya iso gida, kukan Muhibba ya jiyo don
haka ya nufi dakin. 21. Jiki ba karfi yake tuka
motar har ya iso gida, kukan Muhibba ya jiyo don
haka ya nufi dakin. Bishira na zaune ta zuba
tagumi tunanin danta take, ga Abba sam baya
sakar mata fuska, ya ce "Lafiya Mamina take
kuka?" Ya shiga ya dauketa Bishira ta ce, "Rigima
cee kawai, ya nufi kan madubi inda ya hangi
pampers ya dauki guda daya ya nufi dakinshi da
ita. Bishira ta biyo shi itama ta zauna a gefen
katifa kusa da shi, cikin sanyin murya ta ce,
"Abban Walid don Allah kayi hakuri, ya ce me a
ka yi? Ta ce, "Gani nayi kana ta fushi, ya ce ni
bana fushi wannan kadan kenan ki ka gani daga
cikin sakacinki, na tabbata kin fini jin bakin cikin
mutuwar yaron nan. Musamman da ki ka zama
sanadi, amma don batun yawo ni na daina miki
fada, kiyi tayi illa dai zan nemo wadda zata dinga
lurar min da gida. Ta ce me ka ke nufi? Ya ce
aure zan yi". Ta doki kirji tare da fadin, "Aure?" ya
ce, "Eh". Ta soma kuka haba Baban Walid, wane
laifi na maka da zaka yanke min irin wannan
mummunan hukuncin? Ya ce, "Don Allah fita, ta
ce sai ka fada min dalilin yin auranka, ba za ka
bar ni in ji da rashin dana ba ko? ta mike an
zugo ka an ce kayi aure, to bisimilla. Ta fita ta
zari mayafi tayi gidan Umman Bashir. Abba ya
rungume 'yarshi ya yi laf a kan katifa shawara ya
yanke zai tura magabanshi gidan su Zainabu ba
tare da ya sake bi ta kan Zainabun ba. * Umma
ta leko dakin Tsohuwa, Ummi kin san na ce miki
kizo ki kwashe kayanki daga dakina ki adana su
ko? Kin san dai yau duk na nesa za su iso, ki cire
wadanda za ki bada. Tsohuwa ta ce, "Suwaiba
yarinyar nan ina kallonta jiya bata runtsa ba,
sannan da Asubahi a zaune tayi sallah. Umma ta
shiga dakin warwas take a kan gado, Umma ta
tasheta zaune Ummi ciwon kai ta keya ga jiri da
ta ke gani daga zaune. 39.. Umma ta ce taso ki
dan watsa ruwa ki karya, mikewar da zata yi sai
ta sulale a kasa sumammiya, nan suka dau
salati, Toshuwa kam kuka ta saka. Alhaji ya fito
wanka kenan ya ji Umma na salati, don haka
dakki ya shiga ya dauko waya ya kira Abba
lokacin yana kokarin shiga wanka. Alhaji ya kira
shi, jin cewa Ummi ba lafiya zari mukullin mota
ya fito. Sai da suka kai asibiti sannan ya lura da
silifas ya fito da jallabiyarshi ta wanka, Lkitan ma
bai zo ba lambarshi suka amsa Abba ya kira shi.
Ya duba Ummi sosai da kyar suka samu
numfashinta ya dawo, sun daura mata ruwa
sannan aka kaita wani daki. Likitan ya ce su zo
ofishinsa, Ya kalli Alhaji ya ce, "Gaskiyar magana
yarinyar nan tana bukatar kulawarku, ciwonta
baya son sakaci. Jininta ya hau ya wuce matakin
da zata iya samun mutuwar 6arin jiki. Su Alhaji
suka dauki salati,, ya ci gaba da cewa yanzun dai
addu'a zamu ci gaba da yi. Allah yasa in ta
farfado kada wata matsala ta biyo baya. Sannan
ya basu takardar magunguna". Alhaji ne ya amsa
don Abba fita yayi ya koma dakin da Ummi ke
kwance. Idanu ya zub amata, sam bai san cewa
kuka yake ba, sai da Alhaji ya shigo ya dafa shi
tare da cewa, "Haba Abba ba girmanka ba ne
kuka. Addu'a za ka yi Allah ya bata lafiya". Ya
share hawaye. Alhaji don Allah kada ka sanar da
Umma abinda Likitan ya ce, Alhajin ya ce ai
dama ba zan fada mata ba. Bari in je sai tazo ga
takardar maganin inta zo sai ka siyo, ya ciro kudi
ya mika ma Abba, Abba ya ce a'a da kudi a
jikina. Alhaji ya ce ka amsa ka kashe kudi cikin
kwanakin nan ina sane da duk lokacin da na ce
kazo ka siyo wani abu sai kawai in gan ka da shi
ban da kayan dakin da ka siya musu, Abba ya ce
ai ina da shi ne. Bayan fitar Alhaji Abba yaja
kujera ya zauna ya zabga tagumi tare da tsura
ma Ummi ido, a zuciyarshi fadi yake ALLAH ka
tashi yarinyar nan lafiya, Allah kasa kar ko ina na
jikinta ya nakasa. Alhaji ya fada wa Umma an ba
Ummi gado, don haka ta shirya su wuce. Abba ya
tashi ya nufi ofishin Likitan, bayan ya kwankwasa
Lokitan ya ba shi izinin shiga, ya same shi yana
rubuce-rubuce. Ba tare da ya dago kai ba ya ce,
"Zauna sai da ya kai aya rubutunshi sannan ya
dago kai ya kalli Abba "Ba dai mai jikin ba ce
ko?" Abba ya ce, "a'a ina son ne nima agwada
nawa jinin, Likitan ya ce kana jin jikinka ba dadi
ne?" Abba ya ce, "Eh da har yasa a dauko fayal
din Abba kuma ya tasa ya dauki abin gwaji.
Bayan ya gama ya zaunar, ya tsare Abba da ido
wai kun yi gadon ciwon nan ne? Abba ya ce,
"A'a, Likitan ya ce, "Jininka ya hau, sai dai ba
sosai ba. Kila don kai namiji ne kana kokarin
kauce ma abubuwa. Zan rubuta maka magani na
sati daya, kuma ka dinga kokarin yin bacci a kalla
na wa shida kada ka dinga yawan tunani. Kaga
kanwar nan taka, sai sa'ar gaske zata tashi
lafiya. Ku dai cigaba da addu'a, zata yi bacci na
tsawon awa tara ko goma. Ina son daidai lokacin
da zata farka ya kasance ta soma dora ido a kan
wanda suke shiri ko wanda ta fi so a cikin
mahaifanta ko danginta, Abba ya ce "To."
Lokacin da ya koma dakin su Umma sun zo har
da tsohuwa, nan Abba yake fada musu abinda
Likitan ya ce game da farkawa in tayi. Koda bude
bakin tsohuwa sai cewa ta yi ai ko dai ba a bar
mai sunan Malam ba, tunda an ce wanda suke
shiri, don in taga mai sunan Malam karasawa
zata yi. * 22. Duk da ana cikin wani hali sai da
su Alhaji suka murmusa. Abba kam daure fuska
yayi yana kallon Tsohuwa, Umma ta ce, "Ai da ne
Tsohuwa. Yanzun shiri suke tunda ta daina rashin
jinta". Likitan ya shigo ya sake musu bayani
kamar yadda ya yi ma Abba, sannan ya ce su
bata guri kada zantukansu ya farkar da ita a
samu matsala. Suka fito, Umma ta ce da Abba ya
tafi gurin aikinsa, su Alhaji ma suka fita tare da
Abba. Fati ta je gidansu Sahabi dan uwansa yana
kankarar rake a kofar gida, inda yake saidawa ta
tambayi Sahabi. Yaron ya ce mata ya ffita, ta ce
To in yazo kaa ce masa Ummi tana asibiti ba
lafiya, an bata gado. Karfe uku ya iso asibitin
hankali a tashe, sun gaisa da Umma ta raka shi
dakin, hankalinshi ya tashi da ganin Amaryarshi
kwance a gadon. Abba kam yana gurin aikinshi
amma hankalinshi na Asibiti, su Alhaji ma duk
nan suka nufo, Abba sai da yayi magriba sannan
ya shigo asibitin. Jikinshi babu karfi, bai matsa
sai yaga farkawar Ummi ba ne saboda yasan da
gaske ba shi ne ya dace idanunta su soma arba
da shi ba, ya samu su Umma da su Alhaji.
Sahabi da abokansa duk suna gurin, ya gaida su
tare da tambayar ko ta farka? Umma ta ce har
yanzun dai shiru. Ya nufi cikin gurin Likitan suka
gaisa, ya ce Likita har yanzu ba ta farka ba. Suka
jera zuwa dakin, Likiran yana cewa cikin wannan
dan takin zata farka, In sha Allahu. Sun shiga
takin tana dan motsi suka nufi gadon Abba ya ce
Ummi. Likitan ya daga mishi hannu alamar yayi
shiru ita kam daidai lokacin mafarkin Abba take
wai suna tafiya ya rike mata hannu sai ga
Sahabi. Yana zuwa ya kama hannunta tana
tirjrewa, sai janta yake zai fita da ita, Abba yana
tsaye yana kallonsu. Ita kuma sai kiran "Ya Abba!
Ya Abba!! Take yi. Likitan ya kara kunne gurin
bakinta ya dagowa yayi ya dube shi. "Waye Yaya
Abba?" Abba ya ce ni ne. Liitan ya ce, matsa
kusa, ya kama hannunta. Ummi. A hankali ta
bude ido. Ya Abba! Ya abba, zan sha ruwa, ya ce
to ya kalli likitan za ta sha ruwa, Likitan ya ce,
"A'a bari ta dan kara warwarewa tukunna. Likitan
ya kama kafafunta ya dan matsa, sannu ko. Ta
kalle shi, kin ji zafi? Bata yi magana ba ya dauki
allira ya 6are ya dan soka mata a tafin kafa ta ja
kafafunta alamun taji zafi. Ta yunkura zata tashi,
Ya abba zan tashi, ya tayar da ita zaune. "Likitan
ya ce Alhamdulillah, Abba ya kalli likitan, ba
matsala kenan? Ya ce, Ina zaton haka insha
Allah, Abba ya ce "Alhamdulillahi, ya jinginata da
jikinshi, sannu Ummina. 41.... Alhaji ya shigo
yana cewa, "Ina Abba ne?" ya ganta zaune a'a ta
farka ne? ya kama hannunta sannu uwata. Ta
kalle shi. "Ina Ummata?" ya ce, "Bari in kira miki
ita". Yaje ya sanar da su, sun shigo da murna.
Sahabi ya iso gaban gadon. "Sannu Ummi". Ta
kalle shi sai ta kwantar da kanta a kafadar Abba,
"Ya Abba ina son in wanke bakina". Ya ce, "To
bari in siyo miki Maclean din". Ta ce, "A'a kada
kaje". Ya gyara zama "To shi kenan." Umma ta
ce, "Me ta ke so?" Abba ya ce "Baki zata wanke".
Umma ta ce "Ai nazo mata da maclean da
burushin nata, don nasan ita gwanar wanke baki
ce". Nurse ta kawo wani dan kwano na silba
Ummi ta wanke baki da taimakon Abba. Likitan
ya ce, a bata tea mara zafi sosai, sannan a bata
magani. Takaici dan'kam a zuciyar Sahabi, irin
wannan shigewa da Abba ke matar da zai aura
tayi yawa. Kai shi fa wannan Yaya Abban bai
masa ba ma, don yana daure mishi fuska ko
gaida shi yayi d kyar yake amsawa. Shi fa tun
ranar da a ka ce mishi Ummi ba cikinsu daya da
Abba ba ya ji ya tsane shi. Umma ta ce, "Abba
an kira Isha'i. Sahabi kaje kai ma ka huta yaran
nan tun tuni ya ke nan". Abba ya kalle shi, "Ya
kamata ka tafi haka ko?" ya kalli Ummi sannan
ya dan rusuna "Sannu Ummi". Ta ce, "Yauwa"
"Innata ta ce in gaida ki da jiki, ni zan tafi sai da
safe. Me zan kawo miki?" Abba ya dube shi a
kule., "Don Allah Malam kaje ba za ta iya cin
wani abu yanzun ba". Umma ta ce, "Abba". Ya
kale ta, sai ta girgiza mishi kai alamun ya bari.
Sahabi jiki a sanyaye ya fice tare da cewa "Umma
sai da safe". Ta ce, "To Sahabi, ka gaida Innar
taka". Da ya fita ta kalli Abba "Wannan ba
halinka ba ne kada in kuma gani". Ya ce "To
Umma". 23. Su Alhaji sun yanke shawarar daga
auran Ummi a darua na Fati kawai, ita sati biyu
masu zuwa sannan ta murmure sai a daura nata.
Gidan su Sahabi sun ji haushi musamman
Innarshi, sun kashe dan abinda suka tattala don
bikin amma gashi an daga, su kam da an daura
auren in ta murmure sai a yi bikin. Sahabi ya
shigo gidan ranshi a 6ace, ya kalli Mahaifiyarshi,
"Inna wai sun ki a dauram?" Ta ce, "Sun ki, dama
ai gaddamar dan yau ce. Ban da shegiyar
gaddama ga 'ya can da a ka baka a daura ka
gaddame, to yanzun ina ranar abin da aka mana?
Gida duk dangi sun cika amma wai a daga biki,
mu kuma karamin karfi ne da mu, bare mu ce nan
da sati biyu zamu sake kashe kudi". Sahabi ya
tuna abinda Abba ya masa a asibiti, shi ne dalilin
da bai sake zuwa asibitin ba, yaja tsaki. "Kin san
Allah Inna ni kaina sai yanzun nake jin haushin
kaina da na ki amincewa da Badariyya. Mu zuba
musu idanu in za su sake kawo mana cikas sai
kawai in koma gurin Badariyya." Inna ta ce, "In
da tun jiya kamin zancan nan da tuni yau ba a
fasa daura auranka ba an ma da Badariyya". Ya
ce, "Kiyi hakuri Inna mu ga nufin su". * 42... An
sha shagalin bikin Fati kuma an kaita gidanta.
Ummi jiki Alhamdulillah, Abba kullum in zai je aiki
sai ya biya. Haka nan in ya dawo gida wanka
kawai zai yi ya tafi, wataran sai goma ko sha
daya. Abokanshi suna ta zuba duba Ummi, ita
kanta da lokacin zuwanshi ya karato ta dinga
kallon agogo ke nan tana kallon kofa. A zaman
asibitin nan Umma ta gama karantar su tsaf.,
matukar son juna suke yi, sai dai taji takaicin da
sai yanzun sonsu ga juna ya bayyana. Lokacin da
ya kasance an riga an bada Ummi ga wani sai
dai ta ci gaba da addu'a Allah yayi za6i na
alkairi. Bashir yayi murna da fasa auran Ummi,
dama a fasa gaba daya. Yana fitowa dakinshi ya
ji Ummarsu tana cewa, "Kin san Allah Tasalla,
uwar yaron nan da zai auri Ummi zata ga bakin
ciki, don mallake mata da za su yi. Tana ji tana
gani sai yanda suka yi da shi. Kuma ba yanda
zata yi sai Allah ya isa". Tasalla ta ce "Ban da
halin mutanan yanzun ba da sai na fada mata ba.
Kin san makotanmu ne ta baya, gashi su ba karfi
ba. Sahabin ne fa ke rike da gidan, kin san shine
Babban a gidan". Sahura ta ce, "Don Allah Tasalla
ki taimaka ki fada musu, don ko in har aka yi
auran nan in suna cin abinci sau uku ne a rana,
to za su koma dau daya". Tasalla ta ce "Ai ko
zanje". Tana fita Bashir ya dawo kusa da
Ummarsu ya ce, "Umma dama da kanki ki ka je,
saboda za su fi yarda tunda sun ga ke kina da
danganta da gidan". Ta ce, "To in Babanku ya ji
fa?" Ya ce "Umma ai in kin