You Cannot Download this book untill you login but you can read it .

---

Login Register

Ranar da ummi takira ummansu tafada
mata cewa bishirafa tuntuni tayi yaji amma Abba
yaqi zuwa, umma ta kira shi tace inya dawo gurin
aiki tana son ganinshi. To kafin yadawo ma saiga
hajiya zainu da direba tazo gidan su umma tadire
musu 'yar, sannan tashiga gidan umman bashir
tace, in kin haifi danki na halas ne ba shege ba to
kisa shi ya aiko wa 'yata saki. Umman tace zoko
kiga dan halas ne in yaso kuje ku nemi arne mara
sallah dan uwanta kazami kubashi. Nan fa zage-
zage ya tashi har su umma dasauran makota
suka shigo. Dakyar aka tura hajiya ta tafi, tace
kuma saita kira 'yan sanda anzo antafi da umman
bashir. Alhji qarami ma cewa yayi maza abba
Abba yarubuta takarda ya aika ma bishira.ZURFIN CIKI book 4 part 32
ZURFIN CIKI book 4 part 32
Posted by Bashir Sani Fesan on 15 Dec 2016 - 14:37
Shiko alhji babba da umma suka ce a'a abari
qura ta lafa sannan aje. Koda aka kwana 2 abba
kin bin alhaji yayi sai wani abokinshi alhaji
yasamu suka tafi tare. Mahaifin bishira yaji
mamaki cewa ba sakinta abba yayi ba. Kuma bai
san sun maida 'ya ba, tadai ce mishi kunzo kun
amshi 'yarku, to yanzun tunda haka ne kunga
kenan bishira da uwarta basa son takoma gidan
mijinta ko? Su alhaji suka ce eh, yace to ku sa
shi ya rubuto takardarta ku kawo min, su alhaji
sukace ba za'ayi haka ba. Yace, to kuje ku barta
zata gane gidan ubanta bananne yadace tazauna
ba. Sukai godiya suka tafi. Harta koma gidan
anty farida mahaifinsu yace tadawo nan gidanshi
badashi take takama ba? Wato ta kashe auranta
zata je ta kashe na yarta dole ta dawo, tsohuwar
dake musu aiki yace ta koma gida tahuta amma
duk wata tazo ta amshi albashinta. Sannan yace
bishira itace zata dinga wannan aikin duka ita
kadai, lamarin yayi wa bishira tsauri da yawa,
gashi ba fita duk ta rame ta lalace ga tunanin
'yarta. Muhibba kuwa tana gurin umma, ummi
ma takan daukota sannan ummi tasamu nasarar
rufe bakin umman bashir, ta hanyar yi mata
kyautuka ko me sukace sai ta aika mata. Tasa
Abba ya canja mata gado don nata ya lallace,
sannan da fati ta haihu tasa Abba ya sai mata
garar abinci, ita kuma tasa zani da rigunan yara.
Nan fa sai ga sahura babu ko kunya tana shima
ummi albarka, ko bashir ne yakawo gulmarsu
ummi sai tace ai ita bata yo halin uwarta ba.
Tafi-tafi ma in ya kawo sai tace ai su umma da
ummi sun gane kuransu. Haba sahura kodai ki
gane kuranki? Abba yasoma damun ummi da
batun ciki, wai shifa yana tsoro kada su gaji su
umma, ummi tace su dai yi addu'a sunje asibiti
ba wata matsala, likita yace in rabonsu yazo zasu
haihu. Da kyar ummi ta shawo kan Abba ya
amince ta zana (JAMB) don ci gaba da karatu,
sannan ta shiga islamiya. Abba yayi kyau yayi
kiba ya kara gogewa, haka nan ummi duk wanda
yaganta saita birge shi, daka ganta kaga wayayya
wadda mijinta yasan da ita. Taci nasarar samun
(POLY) saboda bata samu abinda take so don
zuwa (UNIVERSITY) ba, sai dai ba tasha dokoki
kafin ta fara zuwa. Bayason kawaye baya son
abokai, irin wanda wasu matan keyi sannan
yadinka mata manyan hijabai, kuma banda hawa
acaba, inya samu sarari zai dinga zuwa da kansa
yana daukarta. Sai kuma gargadi na karshe kuma
da babbar murya, in har ya daina samun kular
datake bashi ta kowane fanni wai saboda karatu,
to kuwa za adaina karatun gaba daya. Tace,
insha Allah sai abinda yai gaba. Ya canja mota,
umma tayi ta fada wai tafi son yasai fili yayi dan
gidanshi irin na zamani yace za'azo gurin
ahankali kada ki damu umma. Bishira ta sulale ta
tafi na'ibawa gidan anty da kukanta wiwi don
Allah ta taimaka mata taba Abba hakuri ya maida
ta, wlh tagane kuskurenta. Anty tace, nifa bazan
iya kiran Abba ba don kin riga kin bmu kunya, sai
dai in ke ce zaki kira shi ga waya can. Ta dauko
ta kira, shikuma ganin kiran anty sai yayi parking
yadauko ummi daga makaranta, ya daga sai yaji
muryar bishira. Cikin kuka tana cewa, don Allah
abba nice, kayi hakuri indawo dakina, wallh zan
canza, yace ok baki riga kin canza din ba, to bari
inkin canza din sai muyi magana. Yakashe haka
tayi ta kuka tagama anty tabata wasu kayan
sawanta sannan ta tafi. In lokacin labarai yayi
haka take zuwa ta tasa TV tayi ta kallonshi tana
kuka, kullum kara sonshi take gashi yayi kyau
idanunshi sun qara haske. Wata ranar jumma'a
wuraran karfe sha daya ta saci jiki tanufi gurin
aikin Abba, yana fitowa dakin daukar labarai
akace wata tana nemanshi. Baiji wani mamaki ba
don mata kanzo neman shi wasu suce suna
sonshi wasu suce ganinshi kurum zasuyi don
yana birge su. Yana zuwa sai yaga bishira, nan
take ya daure fuska tamkar bai taba dariya ba,
duk da cewa acan kasan zuciyarshi yatausaya
mata. Ta tsugunna gwuiwa 2 tana rokonsa, yace
ke tashi kada ki janyo min mutane, jeki zanzo.
Koda ta tafi cikin murna shi ko harkokinsa
yakama. Shiru-shiru tana saka rai bashi ba
alamarsa. Nan kuma tashiga daukar waya
kannanta tana kiranshi, harma yadaina dagawa.
Wataran taje tasamu ahmad tana kuka, ahmad
yace taje zai ganshi. Rannan kuwa har gida
ahmad yiyi sallama da abba yashiga rokon Abba
ya maidota. Abba yace taje taroqi mahaifiyarsa
dasu umma insun yarda shikenan. Har gida
ahmad yaje ya fada mata, bata yi sanyi ba tanufi
gurin umman bashir. Umman tana zaune da
'ya'yanta suna shan farfesun kifin da ummi ta
aiko musu dashi, tana ganin bishira ta hade rai.
Tace, lapiya? Bishira tace lpy lau umma zuwa
nayi in roqi gafararki. Tace nime kika min? Tace
don Allah dai ki yafe ni, ina son indawo dakina
Abba yace sai kin hakura, tace oho, yanzun kin
yarda ina da kima agurinsa? To bari kiji bazaki
dawo ba, mai baqar rowa kince nimai kwadayi ke
kuma mai rowa ko? To kin gani wannan ummi ce
ta dafo mana ta nuna mata kular kifi, sanda
kinanan bana cin komai bansan dana yana samu
ko baya samu ba. Yanzun abin arziki iri-iri
kidawo ki toshemana kofar samu? Tace, wlh
bazan toshe ba, umman bashir tace dukda haka
dai bazaki dawo ba. Tayi takuka sannan tafita,
har zata wuce gidan su ummanshi sai ta tuna
kada suyi mata dariya sai tace baridai ta shiga.
Kyakkyawar karba umma tayi mata suka gaisa,
tazauna umma ta kawo mata ruwa ta amsa
tasha. Muhibba tana ta tsalle tsallenta kan kujera
zuwa jikin umma, umma tace ji hibba ki gaida
mamanki, ga mamakin bishira sai yarinyar ta
kalleta tace. Umma niba wannan bace ba
momina, momina sun tafi da babana zaya kaita
makaranta. Umma tace, wannan ma ummarki ce
yarinyar taruga dakin tsohuwa tana cewa, ita ba
ummarta bace. Bishira ta bita dakallo, yarinyar
tayi bulbul gata cikin shiga mai kyau da tsafta
kanta yaji kitso da 'yan duwatsu. Saita soma
kuka tana fadin mahaifiyata ta cuce ni, umma
tace a'a kece kika cuci kanki, inbaki dauki
damuwarki kin kai mata ba yaushe zatasan anyi?
To ynzun dai dubi 'yarki tana gudunki sbd bata
sanki ba, ina amfanin wannan? Tsohuwa tace
kukan wanikeji ta shigo tana kallon bishira cikin
mamaki tace. 'yar nan kece haka? Ciwo kikayi ko
ko duniya ce ta juya miki baya? Kai jama'a dubi
yanda kika kare kikayi bikinkirin. Ita da tadukar
dakai tare da cewa bnyi ciwo ba nidai nazo ku
yafe ni, sannan ku roqa min abba ya yafe min in
dawo dakina. Yace, bazan dawo ba har sai kun
yafe min, amma naje gurin umman bashir ta kore
ni tace bazata bari in dawo ba. Kuma gidanmu
wuya nake sha, kusan rabin aikin gidan nikeyi ga
qannaina duk sun raina ni. Umma tace, yi shiru
share hawayenki bari zaki koma. Tsohuwa tace,
ke dai kin cika sa kai a uku suwaiba, gashi abin
kirki bai karbe kiba. Kina yi ana zaginki ana zagin
'yarki, bishira ta ce wlh duk na daina, yanzu na
gane kune masu sona, umma tace ba komai.
Tadaga waya ta kira alhaji ta fada masa komai
yace to yana zuwa donshi ya qosa asulhunta
yarinyar ta koma dakinta saboda darajar
tsohonta. Yana zuwa yaji komai nan ya daga
waya yakira Abba, yace yana zuwa yana hanya
ne yace to ya same su gida. Abba yana shigowa
ganin bishira yahade rai ya zauna nan dai alhaji
ya hada su yayi musu fada da nasiha, sannan
yace baya son abba yace komai komai kuma ko
sun koma gida banda tashin tashina. Bishira tayi
ta godiya alhaji babba yace su tashi ashiga gurin
umman bashir din tana ganinsu tahau cewa alhaji
dakanka? Maimakon ace in zo? Umma tace, a'a
keda zamu zo baki hakuri ai mu ya dace mu
shigo. Nai dai alhaji yayi bata hakuri tace taci
albarkacinta na hakura, amma da sharadi inta
sake maimaita halin da tayi abaya ko taje ta
takurawa ummi tofa saita tabar gidan. Bishira
cikin kuka tace ta daina insha Allahu, nan itama
umman bashir din tace dasu umma su yafe mata
sharrin shaidan ne da qaryar barayin imani wato
bokaye da 'yan tsibbu suka ce ba komai. Nan
alhaji yace da abba yakai bishira gida, ba don son
ranshi ba yadauke tazuwa gida, sam bata damu
da daure fuskarshi ba, dadi da murna fal ranta.
Yana sauke tazai wuce tace, don Allah ka yafe
min sannan ka gaida min ummi, yace zataji. Tace
to yaushe zan dawo? Yace, duk lokacin dasu
alhaji suka zo gurin dadynku. Nan yatafi, ita
kuma ta shiga gida, hajiya zainu ta tsareta wai
sai ta fadi inda taje, tunda ta kira anty tace, bata
can. Bishira tace naje ba mijina da surukaina
hakuri ne, hajiya zainu tace ni dazai maida ki ai
sai nafi kowa murna. Na gaji da zamanki da
qazantarki, tunda babanku yaqi ki koma
makaranta yakashe miki kudi ki goge ko kya
samu mai kudin dazai aure ki, to gara kin koma
can kin qarata. Abba kam shi tunaninshi ta ina
zai soma sanar da ummi dawowar bishira? Don
baya son ko kusa hankalinta yatashi, baya son
wani abu yayi musu katsalandan a cikin
daddadan zamansu, don haka ya share bai fada
mata ba. Da dare alhaji da umma suka je, an
sasanta sannan suka taho da alkawarin cewa
gobe zata dawo dakinta. Washegari umma ta kira
Abba tace ya share ma bishira daki yau zata
dawo, yace umma nifa gsky dabata hankalina yafi
kwanciya. Sannan ina ta tunanin yanda zan
tunkari ummi da wannan zancen, umma ta riqe
baki tare da rafka salati, yace ynzun tsoron
ummin ka koma ne? Yace, a'a umma kin gata
sakankance ynzun hankalinta yakwanta sai kuma
taji nazo mata da zance dawowar bishira? Tace,
shi kenan nina fada mata. Awaya ta kira ummi
tafada mata cewa bishira zata dawo, duk datasan
cewa matar mijinta ce dama, amma sai da
gabanta yafadi. Umma taja mata kunne da cewa
kada taji kada tagani, abba ranar sai kusan sha
biyu zaije gurin aiki. Don haka yace kannanshi
suje su soma fito da kayan kafin yazo sunzo sun
fada ma ummi, ita ce ta bude musu dakunan don
abba ya canza makulli bayan tafiyar bishira. Abba
ya shigo tana zaune kan kujera sai tunani take yi
na irin zaman dazasu yi in bishira tadawo.
Yazauna tare dariko hannunta, tunanin me ki ke
yi? Takalle shi, halin rayuwa nake tunani, yace
yanzun umma ta kira ni jiya sun je gidan su
bishira wai yau zata dawo. Ummi ta taba baki,
Allah yakawo ta lpy. Ya ce ni ban soba gsky. Sbd
ke ummi tadafa kirji, sbd ni? Ni ya abba, kada
kasa duniya ta zage ni, Tare fa nasameku? Yace
to ni dai kada kiga kamar da son raina, tace don
Allah ya Abba kabar zancen nan. Kaje kagyar
mata dakunanta don su kamal bazasu iya ba,
yanufi gurinsu ganin kamar ya damu yasa itama
taje tasa musu hannu don dai ya saki ranshi, sun
gyara tsaf ummi ta goge sannan ta rufe dakin.
Har magriba bishira bata ji an ce za'a maida
taba, sai ta dauki wayar kanwarta ta kira shi wai
yazo don Allah yadauketa. Tsakanin mata da miji
sai Allah, nan ya tausaya mata yace zaizo, kafin
ya isa sai daya sai mata waya irin dai ta hannun
ummi. Har cikin gidan ya shiga suka gaisa da
babanta, yayi murna sosai yayi tawa Abba
godiya, tare da ba shi hakuri yace yasan yanda ta
horu zai gata canza da yardar Allah. Yasa aka
turo ta yayi mata nasiha, sannan ya gargadeta da
cewa inhar ta bari mijinta yakawa kararta zatayi
mamakin abinda zai mata. Tace, insha Allahu
baza ta kara ba, yakawo kudi yaba Abba, da kyar
ya amsa ita kuma ya bata wasu zannuwa acikin
leda, yace su raba da abokiya zamanta. Taje tayi
wa hajiya zainu sallama suka tafi, tamkar
baquwa haka ta koma, sai kace basu taba zaman
aure da Abba ba, nauyinsa take ji. Suna tafe ya
ciro waya ya miqa mata, tasa hannu ta amsa
yace taki ce, tayi ta godiya yace ba komai.
Sallamarsu tasa gaban ummi faduwa, ta dake ta
fito ta amsa, wani kishi ya tasho mata amma
saita danne. Ta kalli bishira tare dayi mata sannu
dazuwa, ta amsa tana kallon ummi tayi kyau
tagoge daga ka ganta kaga wayayya 'yar gatan
miji. Ta dauko makullin dakin ta ba bishira, abba
kuma ya nufi dakin ummi. Bishira ta dinga kallon
yanda abba ya gyara gidan yaja gini ta gefen
ummi yayi mata falo da kicin, sannan tsakar
gidan an gyare shi da tiles. Haka bandakin su
yagyara shi, nan dai bishira ta shiga dakinta ta
zauna bakin gado tana yi wa allah godiya tare
dayi wa kanta alkawarin har abada bazata ta
kara yin yaji ko ta janyo abinda zaisa mijinta ya
sake ta ba. Ummi tana kan gado tana karanta
wani littafi yazo ya zauna bakin gadon bata ko
kalle shi ba don haushi take ji. Sai take ganin
kamar rawar kai yake yi da dawowar bishiran,
kuma tuntuni yana zuwa gurin ta ya boye mata.
Yace madam ina son in yi magana da ku ne ke da
bishira, ummi tace ina jin ka, yace can zaki zo
muje. Tace, gsky nagaji, kayi maganar da safe.
Yagama gano kishi ne ke damunta, don haka yayi
murmushi yace yanda kikace hakan za'ayi. Ya
fita kamar minti 30 yasake shigowa ya aje mata
leda tare da cewa saida safe aciki tace Allah
yabamu alheri. Yana tafiya taje ta banko kofarta,
yau kam bacci ya qi idanun ummi sbd tayi sabon
bacci a haqarqarin Abba. Dukkan filolinta ta rasa
wanda zai maye mata madadin haqarqarin
mijinta, ynzun yancan da wata tasan yanda yake
wannan rawar jikin ynzun ya manta da batunta.
Tarasa me yake mata dadi, littafin datake
karantawa kuwa sam bata fahimtar abinda ke
ciki. Hka ta dinga zubda hawaye har nisan dare,
ganin bata da wata mafita, tashi tayi ta bude kofa
lokacin 2 saura taje tayo alwala tazo ta kama
nafila. Abba jin bude kofarta ne yasa shi leqowa
ta window aranshi yaji tausayinta don yasan bata
iya bacci sai ajikinshi, ita bata san ya leqo ba
don ko hanyar dakin bata ishe ta kallo ba. Yakalli
bishira wadda bacci yayi gaba da ita ya tausaya
mata sosai yanda tayi tarawar jiki alokacin
auratayyarsu dazun. Yadauko wayarshi yarubuta
ma ummi sako. KI KWANTA KIYI BACCI BABY,
TARE DA QISIMA CEWA KINA LAFE
AMAKWANCINKI (WATO JIKINA) INA CIKE DA
KEWAR LEBUNANKI. Tana sallah taji shigowar
saqo amma bata yi ko marmarin dubawa ba, haka
tai sallah har zuwa lokacin da bacci yasoma
fizgarta. Tayi adduo'o'i sannan ta kwanta, saida
asubahi ne datayi sallah sannan ta karanta, dan
tsaki taja tare da cewa, Karya kawai, kishi yasa
ta fadin haka don tasan Abba sosai baya boye
mata komai ynzun. Sai dai abinda yasake qular
da ita da asubahin nan yanda tana fita shi kuma
ya fito wanka, duk da tasan dole wani abu yafaru
tsakaninshi damatarsa, amma sai taga tamkar da
gayya ya tsaya don tafito taganshi. Tna idar da
sallah ta dora ruwa akicin dinta, tadafa ruwan tea
taje kicin din bishira tadauko flask tazo ta wanke
ta zuba musu ruwan zafi taje kofar bishira tayi
sallama bishiran ce ta bude ummi tamiqa mata
tare da cewa an tashi lpy? Cikin sakin fuska tace,
lpy lau, nagode. Ummi ta ce ba komai takoma
dakinta ta kulle kofarta don yau bata da darasin
safe. Abba ma yau bada wuri zai fita ba, don
haka yadan samu baccin safe sai 8 yayi wanka
ya karya, sannan yanufi dakin ummi. Kofarta tana
rufe, ya kwankwasa ta share sai can dai dataji
yaqi tafiya sannan tazo tabude. Takalle shiya yi
kyau cikin kananan kaya, ta kauda kai tare da
cewa, an tashi lpy? Yace lpy lau, kin karya? Tace,
um'um sai anjima, zata rufe kofar yace,
makaranta fa? Tace sai karfe 2 nake da darasi.
Ta maida kofar ta rufe, yayi dan murmushin
takaici sannan yafita. Kwananshi 2 dakin bishira
yayi niyyar dawowa dakin ummi, don ya kosa
yadawo ya lallasheta bazai iya daukar wannan
shariyar da take mishiba. Tsakaninta da bishira
lpy lau amma shi sai tana wani share shi. part 33 the end
Posted by Bashir Sani Fesan on 15 Dec 2016 - 14:45
Ya shigo da zumudi zai nufi dakinta, tamiqe cikin
fara'a daga wanke-wanken da take yi ta amshi
ledar hannunsa da jakar laptop ta nufi dakin
bishira. Shida bishira suka bita da kallo, ganin
zata shiga bishira tace ummi yau ai dakinki yake.
Ummi tace injiwa? Anty bishara ai kullum ke ce
dashi har sai kin rama duk kwanakin da kika
dauka agida. Kinga kenan kusan wata goma sha
daya kenan. Abba cikin sauri yace ke
mahaukaciya ce? Ina ki kasamo wannan fatawar?
Ta kalle shi, sannan tashiga dakin ta ajiye ta fito
taqara kallonshi gurin malamai, yace to ban
yarda ba, don haka zanci gaba dayi muku kwana
bibbiyunku, ummi tace to ni na yafe mata nawa
kwanakin bishira tace nagode ummi. Haushi ya
cika Abba, amma shi bazai dauki wannan horon
da ummi take shirin yi masa ba. Yadawo dakin
bishira a fili yafurta kema saina baki haushi zakiyi
dakin sanin wannan furucin. Sharewa yayi yaci
gaba da kwana dakin bishira tare da nuna kulawa
ga bishiran. Ummi ta jure duk da duk daren Allah
sai taci kuka ta gode Allah, sannan tashiga zargin
cewa shi ma ya Abban dama can yana son
tarewa dakin bishira, inba haka bame zaisa yayi
saurin yarda kuma yayi ta nuna mata soyayya?
Ganin ummi tana yi tamkar bata damu ba yasa
shi qa rajin haushi, yadawo da yamma suna
zaune kowa A qofarshi. Ummi tayi kwalliya cikin
qananan kaya, bishira kuma tana sanye da leshi,
karatun littafi bishiran keyi ita kuma ummi tana
yin gyaran qumbunanta. Bawai suna wata hira
bane amma suna kula juna sosai musamman
bishira tana son su saba da ummi. Ummin ce
bata cika son fitowa ba, bishira ta tashi ta masa
sannu dazuwa tare da amsar kayan hannunsa
don yanzun tana koyi da ummi gurin kyautatawa,
ummi ta kalle shi sannu dazuwa, ya amsa da
yauwa baby. Yakalli bishira sweety zanyi wanka,
tace to, takai masa ruwa yashiga dakinta, sai
tazo tace masa takai nan kuma yajanyo bishira
jikinshi. Ba wai yana da bukata bane, amma don
ya shaqar da ummi sai ya banko kofar, qaran
kofar ne yasa ummi kallon gurin dakin. Ta duqar
dakai taci gaba da abinda take yi, kusan minti
arba'in suka fito, Abba ya matsawa bishira wai
suyi wanka tare, tace ni bazan iya ba akwai ummi
dama da dare ne inajin kunya. Kuma kada taga
kamar cin fuska ne, yace kenan don kada ki bata
mata rai ni mijinki bazaki faranta min ba ko? Dole
ta bishi suka shiga bayi. Baqin ciki yasa ummi
tashi tashige daki, kuka sosai tayi daga nan bata
fito ba sai magriba, tanayin alwala tarufo kofa,
washegari ma qin bude qofar tayi daga alwalar
asubahi. Abba yayi ta raba ido ya ganta amma
bata fito ba, yasan fushi take, ya kira wayarta
taqi dagowa yayi mata saqo cewa in zata
makaranta tafito inkuma sai darana ta bude ta
amshi kudin mota. Tana gama karantawa tayi
wuri da wayar ba tare data bashi amsa ba, haka
ya tafi. Bishira ta qwanqwasa ma ummi ta bude
suka gaisa, tace naga baki fito bane ina fata lpy?
Tace lpy lau bacci ne, tace yau baza kije
makaranta bane? Ummi tace, zanje sai sha biyu.
Bishira tace kinji dadinki ni gashi nan ina tayi
masa zancen karatun amma ya share ni, ummi
tace inkin matsa zai yarda, tace ko za ki dan sa
min baki? Ummi ta riqe baki, ni a wa? Ke da yake
hannunki ai ke ce zai saurara, ni kin zo ne ma ki
zage ni. Bishira tace wane irin zagi? Ni dama ki
amshi mijinki ummi don gangar jikinshi ce kawai
agurina, amma ruhinsa yana gurinki. Ummi ta ce,
ngd da zagi, bishira ta ce zancan gsky ne ba
wani zagi. Haka suka yi ta rayuwa cikin kwanakin
ummi kam har rama tayi shima Abba ya rage
walwala don wanda yasan kan kula da shi
kamarta. Yayi missing din abincinta. Amma ya
gaji bazai jure ba. Ya tuna bishira tace masa zata
ta yini gidan ummanshi. Don haka yana gama
muhimman abubuwan da zai yi agurin aikin
yanufi gida. Ummi tana shirin tafiya makaranta ta
dauko jakarta sai kurum taga mutum kamar an
jeho shi. Ta daure fuska tamkar bata taba dariya
ba, yace ummi nagaji kin ji ko, na gaji da wannan
horon naki. Laifin me nayi miki? In don na dawo
da bishira ne sai in saketa, duk ba kece kika
takura min sai na dawo da ita ba? Ummi tace, ni
karka doran jakar tsaba kasa kaji su bini, ka saki
matarka sbd ni? Ba ruwana. Yace, to ki dawo
yanda kike, kuma ki janye batunki na wai kin
haqura dani, niban haqura ba. Ke ma kuma nasan
dole ki kasa kanki, ummi ta ce ni ban damu ba,
ya ce qarya ne gashi nan duk kin rame? Ya
canza daga fada zuwa lallashi, ummi don Allah
na roqeki mu koma kamar da, haba bebyna. Ya
lalubo hannunta ta qwace, don Allah ka tafi kada
bishira ta dawo ta same ka anan ta zargi wani
abu. Haushi yakamashi sosai, ya daga murya da
qarfi, kin san Allah ummi zan hadaki da umma, ta
nufi hanya fita, nikaga kada kasa ni yi latti don
lokaci yayi nisa. Ya ficiko ta ta dawo ba zaki
makarantar ba, ke an ma daina karatun tunda yafi
ni. Ta zubar da jakar da hijabi ta nufi gado shi
kuma ya fita cikin zafin rai, gidan su umma yaje.
Bishira tana dakin umma tana sallah yabi umma
kicin, umma gurinki nazo, ta dube shi lafiya
Abba? Ya turo baki, alamun ranshi bace baki,
yace umma ki sallami bishira, tace kamar yaya?
Yace taje can gidan ko muyi maganar agabanta?
Tace, kyale ta muje dakin babanku. Abba ya fada
ma umma komai da ummi ke masa, tun dawowar
bishira ran umma ya baci tace ka barni da ita.
Banda shashancin ta da ita kadai take son
azauna? Baga bishirar nan ba gidan nan ta gane
kuskurenta ko yau yarinyar nan sai da tace in
yafe ta nace ni dama ban riqe ta da wani abu ba.
Shine ita zata qirqiro fitina? Yace, umma ai ba da
bishira take yi ba dani take yi, tace to zata gane
kurenta da dare kuzo kai da ita. Umma ce ta kira
ta awaya tace tazo ita da abba, jikinta ya mutu
don tasan qararta aka kai, tana idar da sallar
isha'i taje gidan. Can tasamu abba, nan ko umma
ta rufe tada fada, koda tsohuwa ta jiyo tazo
umma tafada mata komai sai ta shiga fada. Wai
ai kishi halas ne, ke suwaiba tsakani ga Allah ko
ke bazaki so kishiya ba, bare ita yarinya. Abba
yace to gata nan ita ce fata dame ne nida batun
in dawo da bishirar, yanzun na dawo da ita kuma
ni abin ya qare akaina? Nan fa umma tayi mata
tatas, ta kuma sata anan ta ba Abba Haquri, aka
kira shi awaya ya fita. Umma ta samu dama
taqara yi mata nasiha da cewa, in bnda shirmenki
yaushe zaki bar ladanki, hanyar aljannarki kice
kinyi fushi da ita kin barwa kishiya? To kada in
sake jin haka, ki riqe darajarki da mijinki, ke
ganinki da ita. Ta jima tana bata shawara kafin
Abba yadawo suka nufi gida. Ya shiga gurin
Bishira ya fada mata cewa yau gurin ummi zai
kwana, nan ya bar ta da kewa yanufi gurin ummi,
tamkar yaune daren farkonsu hara sukai rayuwa
aranar. ** ** ** ** Kwanci tashi asarar mai rai,
shekara ta zagayo lokacin bishira da tsohon ciki,
Abba nason yara don muhibba taqi dawowa tafi
son umma dole suka haqura suka bar mata. Ta
haifi 'yarta budurwa tubarkalla ranar suna ta ci
sunan sahura inda suka sa mata walida. Ummi
nason yara, don haka in tana gida to tana manne
da walida, Abba yana damuwa da rashin samun
cikin ummi, wanda ita ummin ta barma Allah
komai. Shekaru uku sun sake biyo baya, lokacin
Bishira ta sake haihuwar habiba takwara Abba
yayi wa ummi. Tsohuwa an qara tsufa, 'yan
rigingimu sun qaru tace ita Abba yama takwara
amma bata son ya duke ta irin yanda yayi wa
ummi. Abba kullum qara son ummi yake, umma
ta matsa masa sai da yayi qoqari ya sai fili rabin
filoti tace kuma a rage ciye ciyen dadin nan agina
shì. Haka kuwa ya gina flat mai daki hudu, daya
ummi daya bishira, sai nashi sannan na yara.
Yayi qoqari gurin gyaran falon ita kuma ummi ya
canza mata kayan daki don bishira an canza
mata daza su tashi agidan su. Yace tabishi bashi
in ya samu zai bata kudi amadadin kayan daya
saima ummi, tace ta yafe. Ummi dake karantar
(BUSSINESS) har ta hada (H.N.D) dinta kuma
tayi bautar qasa. Abba dai yace baza'ayi aiki ba
amma ya yarda tayi kasuwanci, Alhaji babba ne
ya bata jari inda take saro kaya zannuwa, lesuna,
takalma zuwa jakunkuna. Abin ya amsheta don
har kayan aure tana hadawa, tana yin saqo irin
su kwatano da chaina, india, pakistan ko dubai,
ta hanyar wani wan kawarta. Haka kawai ummi
ta samu kanta da zaban abinci, yawan bacci
kasala da dai sauransu, sam bata san
takamaiman lokacin al'adarta ba. Don bata wani
lissafi in yazo shi kenan in bai zo ba bata damu
ba tama cire ranta daga batun ciki. Abba ya kalli
nonuwanta, baby kwanan nan kirjinki ya cika
sosai, gashi kinyi haske ko kin canza mai ne?
Tace yaya yaushe kazama likita? Yace, ummi kin
fa canza shirya muje asibiti, ta ce ya Abba don
Allah ka bar ni nagaji dazuwa asibiti. Yace, to ni
zan je inya tambaya game da yanda