You Cannot Download this book untill you login but you can read it .

---

Login Register

but din kwado yayi yayi ya bude Amma yaki buduwa yayi iyakar kokarin shi Amma but ya ki buduwa ya dubi Dan sandan Yana sharce zufa
"Ranka ya Dade wallahi yaki buduwa karfen nasara kenan ban fa Dade da budeshi ba Amma yanzu da yake so ake ya bude yaki da zaku yarda sai ince muku babu komai aciki.............

"A a ranka ya Dade a dai bude don Rana tsaka aka tashe mu aikin Nan ..............
Ya Miko mishi key din motar

"Karbi to ka gwada kagani Ni dai na gaji gaskiya,
Dan sandan ya karbi key din ya soma kokarin gwada tashi sa ar inda ya turza sosai kafin yayi nasarar bude but din cikin sa a Kuma ya hango wani Abu me kama da jini na bin wani tsumma dake kudun dune yajawo shi ya warware inda yaga wani Abu me kama da hannun mutum inda kafar mutum ta fado Kuma wani Abu ya fado me kama da kokon Kan mutum

Eng AK ya zaro idanu Yana mamakin yadda wannan alamarin ke Shirin faruwa ta Yaya akayi wannan abin ya shigo motar shi

Inda Dan sandan yake kallon eng abdukarim da mamakin wannan abinda da ya samu acikin motar inda daga can baya Kuma cikin masu jiran go slow Kabir masi ya fito daga tashi motar ya karaso wurin inda shima yaga abinda ake mamakin gani amotar abdulkarim

"Wai abdulkarim Kaine da part din mutum a mota? Eh lallai da gaske kake har da tsafi kake hadawa shiyasa ka shiga gabana to Allah ya shirye ka ya fada Yana murmushi ya koma motar shi Yana kallo aka fidda motar eng abdukarim aka saka Mata key aka kulle shi Kuma aka wuce dashi sashen da zai bincike shi yayin da Yan sandan suka ci gaba da bincike motocin mutane

Da wata irin dariya Kabir ya SHIGA gida inda izzatu ta tarbeshi tana tambayar dariyar Nan ta lafiya ce?

"Ki tayani dariya don ya akan idona Dan banzan can AK ya shiga hannu shigar da ba zai taba fita a yanzu ba. Kai lallai na yabawa gambo mafiyas akan wannan aikin nashi Dole ne in mishi biya me kyau,

Izzatu ta kyalkyale da dariya tana fadin nasan gambo mafiyas ya fi da haka Amma ya akayi har hakan ta faru?

"Nima ban San yadda gambon ya shirya wannan makircin ba ya dai kirani ya fada min abinda Zan sanar da Jami an tsaro na Kuma fada musu sai gashi akan idona aka damke Dan banza da kafafun mutane har da hannu da kokon Kai
Amma Bari in Kira gambo mafiyas din yazo ya karbi kudin shi kuma inji yadda ya shirya wannan makircin
Ya dauko wayar shi ya Kira gambo ya ce yazo yanzu
Ai kuwa ba a rufe awa guda ba sai ga gambo mafiyas

Kabir ya daga mishi hannu alamar jinjina inda gambon ke murmushi
"Me gida kaga aiki ne Hala?
"Naga aiki gambo don akan idona aka damke Dan banza da kafafun mutane har da hannu da kokon Kai ya akayi ka shirya mishi hakan?

"Ai me gida na Dade ina binshi sannu ahankali har na samu sa ar ya bude but din na fakaici idon shi na saka mishi hannu da kafar shiyasa nace ka sanar da hukuma don ta fara binciken motocin ta yadda Za a kamashi kaga idan aka samu wannan abin a motar shi Dole za a shiga bincike kaga daga Nan sai sunan shi ya baci har ya Kai Babu me kallon shi bare sunan shi ya motsa

Izzatu da Kabir suka tafawa gambo mafiyas akan makircin shi Kabir kuwa ya bashi kudi masu yawa ya Kuma ce zai neme shi matukar wani zai yi mishi shigar sauri irin na ak to yanzu ne zai Kira shi don yayi mishi maganin shi da haka sukayi sallama gambo ya wuce Yana murna izzatu da Kabir ma suka wuni farin ciki sun jefa Rayuwar bawan Allah cikin garari....................
[5/22, 7:24 PM] Aunty Fauzah Yar Amanah: *ZAN FASA KWAI*


*NA*

*HADIZA BARA'U GIDAN IKO*


_Hakkin Mallakar na gidan iko ne_


*Page 34*


*_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*




..........Bincike tamkar za a binciko yadda uwa tayi ciki har ta haife lamarin da yazo mishi da wani irin rudani har yakasa Gane inda mafita take bayan ta Allah

Yasha tambayoyi har na tashin hankali inda lamarin ya koma hannun C I D inda kuma suka rikeshi Wai sai sunyi bincike agidan shi

Wayarshi ma kasheta akayi don kar ya Kira wani ko wani ya kirashi,

Lubabatu da sukayi dashi ba zai wuce shida na maraice ba gashi har takwas da Rabi tayi mamakin abinda ya tsaidashi don ta San baya son yayi sallar magruba a waje
Ta jawo wayar ta ta doka mishi Kira Amma abin haushi matar Nan me zakin muryar tsiya na sanar da ita sai dai ta sake Kira lokaci na gaba yanzu Wai ba za a samu layin ba

Haka tayi ta jaraba Kiran wayar shi Amma ta kasa samun shi Dole ta hakura ba Kuma hakura tayi ba tunanin abinda ya tsaidashi da kuma Rashin samun wayar shi don tasan ba lafiya ba don ta San wayar shi Yana da caji

Ummita ta shigo Mami Ina Abba ya shige yau har yanzu Bai dawo ba?
"To Ni kuwa ina Zan sani ummita? Gaba na dai na faduwa don na fara tunanin ba lafiya ba............

"Mami bara na Kira wayarshi naji inda ya tsaya................
"Wayarshi Bata shiga na Kira na kasa samun shi Ubangiji yasa dai lafiya.

Hankali ya kasa kwanciya inda ummita tace zata Kira haj mama taji ko ta San inda abban ya shiga Amma lubabatu ta ce ta saurara tukuna
Sai dai har Sha dayan dare Babu wani Abu ko da na samun wayar shi ne Dole lubabatu ta Kira wayar haj Mama wadda har ta fara bacci ta jiyo karar waya ta farka tana tambayar lubabatu lafiya kuwa?

"Hajiya AK ne har yanzu Bai dawo ba Kuma duka layikan shi arufe shine ko ya fada Miki zaije wani wuri?

"Inna lillahi wa Inna ilaihir Raju un Wallahi lubabatu bai fada min ko zaiyi tafiya ba Kuma kince duka layi kanshi basa aiki ? Eh wallahi hajiya Amma Bari na Kira abokin shi zayyan ko ya san inda yaje da haka lubabatu tayiwa haj mama sallama ta Kira wayar zayyan din take tambayar shi ko yaji AK din zaije wani wuri Amma ya sanar da ita Bai sani ba Rabon shi dashi tun la asar.

Hankalin lubabatu da ummita ya tashi matuka gaya har dai bacci ya gagari idon su suka kwana salla suna fadawa me babbar rumfa me iko akan komai me tassarufin Al amura haka suka kusa kwana zaune inda Mubarak da Ahmed da Fatima ke ta sharar bacci abinsu saboda yarinta da kuruciya

Wayewar garin na laraba yazo musu da wani irin tashin hankali domin ko Jami ai ne daga hukumar bincike ta C I D suka diro gidan eng abdukarim inda lubabatu ta rude da Ganin su suka Fara yi Mata bayani

"Karki damu hajiya tambayoyi ne kawai Zaki amsa Mana da Kuma binciken da zamuyi agidan Nan saboda an Kama me gidan Nan da part part din mitane amota................

",Inna lillahi wa Inna ilaihir Raju un hasbunallahu wa Ni imal wakil Allahumma ajirni fee musibaty haza wa ahalufnee khairan minha.

"Abdulkarim din ne akewa wannan zargin? Ubangiji ka bashi mafita da mafitar ka........
"Kar ki damu hajiya bincike muke tukuna ba Wai an tabbatar ba abinda kawai muke so shine ki bamu hadin Kai mu gudanar da binciken komai zai daidaita da yardar Allah,
Ta share hawayenta da habar hijabinta ta soma amsa masu duk tambayoyin su har suka Kare suka shiga bincike gidan shima Allah da ikon shi ko wata kakkaifar wuka Basu samu ba da haka suka kammala sukayi Mata sallama bayan sun sanar da ita Yana hannunku

Kuka ummita keyi tamkar zata hadiye zuciyar ta inda lubabatu ma ta ke nata kukan sai yaran ma suka dauki kukan Babu Wanda yayi kokarin rarrashin wani inda Kuma haj mama ta taho gidan don taji ko AK din ya dawo don itama ta nemi wayar shi yafi akirga Amma Bata sameshi ba sai ta iske iyalan gidan sunata rizgar kuka

Hankalin ta ya tashi inda lubabatu tayi shiru tana korawa hajiyar bayani abinda ya gigita hajiya Mama itama ta fashe da nata kukan sai da kyar lubabatu ta rarrashe ta inda tace ta bari yanzu zasuje su ganshi

Suka hada mishi kayan kalaci suka tafi su duka inda hajiya Mama ke ta sharar hawaye inda suka taho har da talai itama hawayen takeyi

Sai dai duk yadda suka so ganin abdulkarim din lamarin ya ci tura Wai ba zasu ganshi yanzu ba sai dai ko Nan gaba an dai karbi abincin an Kai mishi Amma ganin shi sunce ba yanzu ba
Kuka hajiya Mama take tana rokon su su taimaka Mata ko hango shi ne tayi in ba zatayi magana dashi ba to su nuna Mata shi ta hango lafiyar shi..................
[5/23, 11:35 PM] Aunty Fauzah Yar Amanah: *ZAN FASA KWAI*


*NA*

*HADIZA BARA'U GIDAN IKO*


_Hakkin Mallakar na gidan iko ne_


*Page 35*


*_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*




.........Kukan da hajiya Mama keyi ne yaba wani Jami I tausayi inda yake girmama girman kaunar uwa ga danta lallai duk Wanda Bai kyautatawa iyayen shi ba shine asararre duniya da lahira

Don haka sai ya ce abude musu su shiga aikuwa hajiya Mama tayi ta saka mishi albarka Inda yace ai albarkar ku muke nema mama duniya da lahira

Suka shigs inda suka samu AK lafiya kalau sai dai zaman wuri Daya kawai ne damuwar

Ummita ta makale shi tana kuka lubabatu da hajiya ma kuka suke inda yake ta Basu hakuri akan yadda kaddara ke saukowa bawa babu zato bare tsammani Kuma da anyi hakuri sai komai ya wuce .

Mubarak da Ahmed da Fatima ma rungume shi sukayi inda hajiya ke tambayar yadda abin ya faro ya Kuma sanar da ita kaf abinda ya faru.

"Ubangiji ya fidda ka kunya abdulkarim yau duniya wani baya so ko silifas ka sauya bare Kuma Ubangiji ya daukaka ka shikenan sai ashiga hassada da bin mutum ta karkashin kasa Amma Babu komai inda ADDU A ta zatayi tasiri akanka to Babu Ranar da zaka tozarta Kuma da ikon Allah kayi gaba gaban da ba za a iya cimma ka ba.............

Wani Jami I ya shigo yake sanar dasu Wai lokacin da aka Basu ya wuce sai dai suyi hakuri sai wani lokacin na gaba
Haka suka taho suna addu a da neman mafiita sai dai duk yadda suka dauki lamarin ya wuce Nan don kusan tsayin wata biyu Amma Babu bayanin komai Wai bincike ake duk yadda yan uwa da dangi ke shiga da fita Kan lamarin Dole aka saurara aka barwa Allah ikon shi

Agefe guda Kuma Kabir mashi kashe arna fakuwar eng AK ya dawo da martabar shi dominko yanzu Dole tasa ake bashi aikin kwangila ya Kuma yi yadda yake so don da gaske son Rai yafi yawa cikin aikin shi Wanda yake zaftare kaso arba in cikin dari sittin shine za ayi aiki dashi ko Babu nagarta inda Kuma izzatu da fulani suke warwasawa yadda suke so don yanzu duniyar dasu take damawa kudi suna ta shigowa asusun izzatu ya cika ya tumbatsa yayin da fulani Bata da sauran damuwa komai ta nema tana samu don haka suke Jin Basu da sauran matsala


Tsayin watanni shida Wai ana bincike inda daga karshe aka Mika batun gaban kotu don Alkali ya yanke hukunci

Zuwa kotun ma Bai zo da sauki ba domin ko wasu Bakin fuskoki ne suka zo suka bada shidar zur akan eng AK Wai dama Yan unguwa suna jitajita akan shi game da lamarin shi inda wasu ke ganin Yana da hannu a kungiyar matsafa don an Sha gano yaran da suka Bata agidan shi don haka kotu ta yanke mishi humunci irin Wanda yake yankewa yaran jama a
Sharri dai kala kala inda daga karshe Ubangiji ya kawo mishi dauki ta hanyar binciken da akayo gidanshi ba a samu wata shaida da zata nuna shi amatsayin me hannu a kungiyar matsafa ba haka Kuma duk tsayin lokacin ba akama shi da abinda zai alamta tabbatar zargin ba
Abinda dai akayi mishi an karbe duk abinda ya mallaka don biyan diyyar ran da ya kashe na Wanda aka samo kafa da hannu har da kokkon Kai

Haka aka sallamo shi ya dawo gida Inda murnar iyalai da Yan uwa ta kasa boyuwa acewar hajiya mama ita dukiya dama bakuwa ce Kuma raba bawa da arziki sai mutuwa inda take mishi nasiha da kar ya damu da abinda aka karbe mishi yanzu ne ma yake da damar sake samun wani arzikin fiye da Wanda yayi don ita hassada takin arzikice (Allah kajikan haj Saliha Zaria ita ke fada min hassada takin arzikice me hassada kuwa Yana cewa Allah Bai iya ba to Wanda yace Allah Bai iya ba ya kake zaton zai Kare?)

Bai damu ba ya Kuma amsawa hajiyar da cewa komai ya samu bawa da sanin Allah Kuma bawa Bai Isa kaucewa kaddarorin shi ba ko da kuwa zai shige akasa ne don haka ya riki hajiya da tayi mishi ADDU A Allah yasa ya cinye jarrabawar shi

Haka Yan uwa da abokan arziki ke ta zuwa yi mishi jaje kasancewar shi mutum me ALHERI kowa nashi ne inda Kuma yake matukar Jin kunyar mutane akan sharrin da aka kala mishi amma Allah shi zai wanke shi

Rayuwa tayi wata irin sauyawa agidan shi Babu abinda ya tsira dashi sai gida hatta da motoci an karbe sai Yan kudin da sukayi saura abanki

Kallon lamarin yake tamkar mafarki Wai yau shine a wannan bigiren Amma babu komai ya godewa Allah da ba imanin shi ya rasa ba sai ya karbi kowace irin Rayuwa da ta Zo inda ajalin shi ya riska Dole ya mutu Kuma Dole ayi hakuri

Sauyin da Rayuwa tazo dashi har ta Kai an cire su Mubarak daga makarantar kudi zuwa ta gwamnati don ba za a iya biya musu kudin ba inda takai abincin da za akai baka ma na neman gagara sai dai dayake lubabatu macece me kokari itake Kara karfafa mishi gwiwa akan yayi hakuri dai kar yayiwa Allah butulci da sannu bawa ke cimma Rabo da arziki
Haka Kuma da sannu kunkuru zaije inda jirgin sama yaje


Hajiya da Yan uwa da abokan arziki wadan da Basu zamo kaza me ci ta goge Baki ba suke ta hidimta mishi don Suma ya hidimta musu lokacin tasu bukatar Amma fa da yawan su Wanda suka ci moriyar tashi suna Nan suna juya kudi Amma dayake Dan Adam ne me yin Abu don yabo ko ganin ido sun ma manta da tsiruwar shi zumuncin zamani kawai mutane suka Rika Amma duk da haka shi Bai rike su ba duk inda Rabon yake zai fito shiyasa ya ke zaune lafiya inda Kuma hajiya ke taimaka mishi har ta Fara siyar da kaddarorin ta tana bashi kudin don ita Kam ranta ma zata iya bawa abdulkarim don yayi Mata Hidima tana Kuma addu a Allah ya kawo mishi mafita ya Kuma bude mishi kofofin arziki

Dare daya lubabatu ta soma kosawa da wannan Rayuwar ta talauci tun Bai Gane ba har aiyukan ta suka soma nuna mishi....................
[5/23, 11:35 PM] Aunty Fauzah Yar Amanah: *ZAN FASA KWAI*


*NA*

*HADIZA BARA'U GIDAN IKO*


_Hakkin Mallakar na gidan iko ne_


*Page 36*



*_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*





.......... Lubabatu tamkar wadda aka zuge dare Daya ta sauya sauyi kuwa me yawa abinda ya bawa AK mamaki Amma duk da haka yayi Mata uzuri don aganin shi Dole taji Babu Dadi musamman yadda ta Saba Rayuwa cikin iko da wadata yau Kuma lamarin sai sannu

Bata fito fili ta fada mishi ba Amma ya lura da ita da take taken ta
Amma duk da haka yayi Mata hanzari don abinda ya nuna mishi kamar tagaji shine kullum cikin bacin Rai take abu kadan Kuma sai ya fusata ta Koda ko ita da yarane sai kaji tana ta antaka musu zagi abinda ta San bayaso bare duka sai ya zamo yanzu duk ta hada tanayiwa yaran sai dai ya kalla ya kauda kanshi

Idan Kuma ta hadosu shi da ita zata rufe idonta ta gurza Rashin mutunci son ranta Amma duk da hakan baya biyewa don ya San mafarin lamarin har dai wata Rana ya zaunar da ita Yana mata nasiha

"Kiyi hakuri lubabatu komai Kika gani aduniya Yana da farko da Kuma karshe. Kar wannan canjin yasa kiji aranki ko Rahamar ta Kare ko babu sauran wani Jin Dadi Nan gaba . A a yanzu ne ma lamarin zai Fara duk bawan da Kika ga an jarrabeshi matukar ya cinye jarrabawar shi to matakin nasara ne ya hau . Hska Kuma Babu Wanda zaiyi hakuri Bai cimma rabar hakurin shi ba don haka don Allah da manzon sa kiyi hakuri babun da muke ciki in Sha Allah zamu samu kanmu cikin wadata wata Rana matukar dai munyi hakuri domin Allah. Na sani ba kowane zai jurewa Rashi ba to Amma ai bawan da yayi imani yasan Dole ajarabeshi sai mu godewa Allah da ya bamu wannan jarabtar me sauki kiyi hakuri ki Kuma jure ki koma hango baya yadda kika samu Kai sai ki godewa Allah shi Kuma sai ya dubeki ke da lamarin ki.

Ta matse hawaye ba tare da tankawa nasihar sa ba inda yaji tausayin ta ya Kara kamashi

Da hakan dai ake ta gurgurawa da Dadi ba Dadi kamar dai ta dauka ko ta hakura inda ake cikin Rufin Asirin Allah wani abun mamaki Kuma ba a Kara kiranshi Kan abinda ya shafi harkar kwangila ba shima kuma Bai nemi cusa kanshi ba ya tsaya matsayin shi Yana ta laluben hanyar da Asiri zai rufu inda Allah cikin ikon shi masu zanen taswirar gidaje Kan bashi aikin zanen kasancewar shi eng Wanda ya hada har da sanin makamar zanen inda Kuma kudi ke Dan shigowa Amma ba kamar yadda aka sababa

Inda agefe Daya Kuma Kabir yayi wata irin shahara da tunbatsa akan harkar gwangila saboda ayanzu shine ke Kan kadamin shi aiki Kuma Babu nagarta haka za ayi shi agama kafin lokaci kadan ya lalace saboda an saka manuba da ha inci

Malam Ali yayi ta Kiran wayar shi Amma kememe yaki dagawa saboda ya San maganar dungo za ayi mishi inda a yau malam Ali ya bugo hanya ya iso garin Abuja duk da Bai San gidan Kabir din ba Amma akace matambayi baya Bata kasancewar shi shahararre Bai Sha wuya wurin gano gidan ba inda ya tsaya Yana karewa gidan kallo Wai gidan dan dungo ne wannan Amma ta Rayu a wani gida da bashi da maraba da kufai saboda ruwan damuna da ya kayar dashi Anna Bata samu arzikin tadawa ba Amma dubi gidan da yazo garin Abuja ya Gina tamkar yayi wurin Zama aduniya

Bama wannan ne abin ji ba irin yadda aka kirashi yazo ya samu mahaifiyar shi cikin halin ciwo da neman agaji Amma bawan Allah Nan tunda ya ufa ya tafi Bai Kara waiwayo ta ba bare yayi tunanin duba yadda ta karaji da jiki bare ya kawo Mata dauki ko agaji
Yau tsayin watanni shida Babu dungo Babu labarin ta Amma ko dai dai da Rana guda Daya Tak Bai tunawa da uwar shi na cikin neman taimako da agaji bare Kuma ya ruko wani Abu irin na jinkai da ya'yan kwarai masu neman albarka kewa tsaffin su Kai wannan wace irin SHIGA UKU da asara ce? Ubangiji ka shiryi bayinka masu Bata kasa yaran musulmi su zamowa iyayen su sanyi idaniya irin su kabiru Kam da haihuwar su wallahi gara barin su don haihuwar su batayiwa Wanda yayita Rana ba

Malam Ali ya share hawayen tausayin dungo yayiwa me gadin magana akan asanar da me gidan yayi bako
Aiko sai gashi ya fito cikin shiga ta Wanda ya samu wurin Zama a duniya Kaya masu tsada Wanda kallo daya zakayi mishi ka bashi matsayin minister ko Dan majalissa

Ganin malam Ali yasa ya ji wani Abu marar Dadi ya sauki she da ruwa da lemu inda yake tambayar shi

"Kabiru baka tambayi me jiki ba bare ka Kira kaji ya ta Kare ji?
"To ai lafiya ita ke fakuwa na San dai taji sauki..............
"Amma ko taji sauki ai tana bukatar kulawa mussamman Kai da kake dolen ta

"Kabir kayi sannu da kidan da duniya ke maka kana taka rawa Wallahi Babu komai acikin wannan Rayuwar sai rudani
Duk nasarar mutum a Rayuwa ya samota ne daga addu ar iyaye don su ke da mabudin kowace irin nasara...

"Bama abinda ya kawo Ni wurinka kenan ba don kowa ya gyara ya sani banzo don nayi maka wa azi ba sakone dungo taba Ni ta Kuma ce in isar gareka gashi Kuma Allah ya Taya min na kawo maka sai dai abin tashin hankali da saka zuciya rawa shine mun nemi dungo sama ko kasa mun rasa.....................
[5/24, 7:50 PM] Aunty Fauzah Yar Amanah: *ZAN FASA KWAI*


*NA*

*HADIZA BARA'U GIDAN IKO*


_Hakkin Mallakar na gidan iko ne_

*Page 37*

*_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*





...........Arude yake kallon malam Ali Jin yace Wai Babar tashi ta bace an nemeta sama da kasa Babu ita Babu labarin ta.............

"Malam Ali ba asan inda take ba kenan?
"Abinda yake daurewa mutane Kai kenan don faruwar lamarin tamkar kiftawar ido Wai an nemi dungo Babu ita Babu dalilin ta

"Shin wani ne ya sace ta Koko guduwa tayi???..........

"Allah shine mafi sani abinda kawai na kawowa Raina shine dungo tana ganin Bata da kowa sai kanta idan ta faku idanun Al umma batayi laifi ba shiyasa don nafi zargin guduwa tayi don bakin ciki Babu abinda baya sawa...........

"Bakin cikin me malam Ali?........
"Bakin cikin ka kabiru me yuwa dungo tana kallon kanta a wadda batayi SA AR haihuwa ba don ban taba ganin Dan halak yayi irin abinda kayiwa mahaifiyar ka ba Kabir
Abu Daya Zan fada maka shine ka saurari zuwan musiba don kuwa kajawo Allah fada....

Arikice kabiru ya Mike Yana duban malam Ali da ya fada mishi gaskiya Amma ya kasa abinda zaiyi don ya yarda ya amince lallai ya jawo Allah fada

Malam Ali ya Mike Yana fadin
"Ni na koma sai Allah ya kaddaro saduwar mu idan kazo inda nake ma gaisa idan kuwa ta Kama mun hadu shima ma gaisa don ba Zan yaudari kaina cewa zaka zo gidana sada zumunci ba Toni a wa?
Da haka malam Ali ya fice ya bar Kabir da hada hudu da ukun da zasu bashi takwas

Izzatu da taji batun itama taji Babu Dadi Amma sai tace addua kawai zasuyi itace mafita
Yayinda humaira fulani taji ya kakar tata ta Bata kuka take tamkar dai izzatu ce ta Bata abinda ya Bata ran izzatu ta shiga zazzaga Mata masifa

Kwana biyu Kabir ya watsar da batun dungo inda yace duk ma inda ta SHIGA zata fito idan Kuma tayi haka ne don ta tada mishi hankali to ta tada mishi

Bai samu zarafin duba kunshin da takardar ba ya kwashe su ya watsa ciki kabit din ajiyar takardun shi

Kwana biyu ummita na zuwa kuki cafee kasa saboda Babu kudin da zatayi transport din zuwa gashi saura wata biyu ta Ida ta karbi sakamakon

Tana tafe anatse inda kamar daga sama Wilson ya hangota zata ketare titin da zai sadata da kuki cafee inda ya zuba Mata ido a yau ji yake tamkar idan baiyi Mata magana ba zaiyi Rashi na zuciyar shi sai dai kafin ya faka