You Cannot Download this book untill you login but you can read it .

---

Login Register

duk rashin son kallo irin nasa, indai film din Ibro ne, yana kalla,dan yaci dariya.



Giftawar Sumayya ya gani tana kokarin sauka kasa sai faman sosa soshe take, saura kadan ta fadi saboda idanunta a rufe suke rike karfen barandan tayi ta bude idonta kadan tana kallon hanya,

Ransa ne ya b'aci ganin irin kayan da suke jikinta riga da wando ne duk sun matse ta sun futo mata da shatin jikinta gashinan, shi kuwa Khamis kallonta yake kamar tsohon maye, Tsaki yaja ya had'e fuska tamau ya kira sunanta a kausashe! Gabanta ya fad'i jin muryar Yayarmu sai tayi bude idon nata gaba d'aya tana kokarin sauka kasa da sauri,


Da k'arfi yace '' Sumayya mutukar kika sauka kasa baki kiran da nake miki ba sai na b'ata miki rai!



Tsayawa tayi tana sosa kai kamar mara gaskiya ta koma da baya simi simi hannuta ta sa abaki tana cin farce taje ta tsuguna gabansa, baki na rawa tace'' Yayanmu ina wuni an dawo lafiya''?

Harara ya banka mata. Batare da ya amsa mata gaisuwar taba yace, '' Dan ubanki ban hanaku sa kananun kaya ba? wato kece me kunan k'ashi ko'' Yafad'a yana murd'e mata kunne. Khamsi ya b'ata fuska yace'' Wanan cin zali ne kawai ka kama yarinya kana murd'e mata kunne duk abunda tayi k'uruciya ce in ta girma zata daina''



Babu abunda yace wa Khamis d'in ya cigaba da murde mata kunne. Yace '' Kika sake na sauko na same ki da wannan kayan a jikinki sai na zane ki wallahi kin san zan iya ko''

D'aga kai tayi cike da tsoro idanunsa ta kalla ta gansu jazur tasan bashi da imani dukanta zaiya. rank'washi ya buga mata a ka cikin tsawa yace'' Tashi ki bani guri munafuka kawai. Zan zo ai in tambayi duk abubuwan da kikayi da banan''

Da sauri ta mike daga kusa dashi ta ruga a guje, tana sauka matattakalar farko ta kurma ihu! sosai da gudu ta afka d'akin Hajiya Tabawa tana kuka kamar wacce a kaiwa dukan tsiya




Karku manta da cewar wannan littafin na siyarwa ne naira d'ari ga me bukata ga numbar nan
08089965176
07084653262
[20/08, 21:38] 80k: https://m.facebook.com/Zamaniwritesassociation

⚱⚱⚱⚱
_*TSANTSAR BUTULCI*_
⚱⚱⚱⚱


_*NA*_
_BINTA UMAR ABBALE_
*®BINTUBATULA👄*


_*MARUBUCIAR*_

```NANA KHADIJA```
```YARO DA KUDI```
```GIMBIYA BALARABA```
```LOODING......```
_*TSANTSAR BUTULCI*_




_*ZAMANI WRITERS ASSOCIATION🤝🏻*_
____________________
_*We are here to educate,motivate and entertain aur Reades*_
_______________________






_*BISIMILLAHIR-RAHAMANIR-RAHIM*_



*🅿12*





Hajiya Tabawa na tsaka da ninke kayanta na sawa taji ihun Sumayya, girgiza kai tayi kawai ta cigaba da nin ke kayanta tana fad'in, '' Ke kam Sumayya naga ranar da zaki daina shagwaba wallahi.ke kenan kuke-kuke bakya gajiya'


Cikin kuka Sumayya tace' Hajiya yayanmu ne ya rank'washe ni akaina kin san kuma babanmu ya hana a tab'amin kai saboda ciwon kan da nakeyi wallahi yanzu ma kaina ya fara ciwo'
Ta karashe maganar cike da shagwaba da sangarta.


Tab'e baki Hajia tayi tace'Wannan ciwon kan naki ai na sangarta ne,haka kawai sai kice baza ai miki kitso ba in aka tab'a kan ko yaya ne sai kice kanki na ciwo sai kace wata mai iska'

Kuka Sumayya take sosai cikin zuciyarta tana wa Habibu Allah ya isa domin babu hali ta zageshi gaban Hajia tasan halinta tana da zafi zata iya kai mata duka.


Babansu ne ya shigo gidan yana sanye da wani yadi fari tas anyi masa d'inkin babbar riga kanshi da hula dara irin ta mutan da, hannushi rike da carbi fari tas dashi, tunda soran farko yake jiyo kukan shalelensa dan haka da sauri ya k'arasa shiga cikin gidan da sallama a bakinsa.


Hajia Gaji na zaune kujera tana gyara kayan miya ta amsa masa.



'Alh Sannu da shigowa' Hajia Gaji tafad'a tana gyara zamanta


Amsawa yayi yace'Kukan me Sumayya take ne, tun daga soro nake jin kukanta.

Hajia Gaji tace' Yanzun nan ta sauko daga sama, bacci take tun d'azu amma inajin ita da Habibu ne, ai gwara da ya taso ta taci abunci ta tafi makaranta duk "yan uwanta sun tafi tun d'azu"


Alh. yace"Shikkenan sarkin cinzali ya dawo zai tasa min yarinya a gaba da duka kamar wanda ya samu jaka, bari zai shigo y same ni ai"


Hajia Gaji shiru tayi kawai tana d'an murmushi tasan halin fad'an mijinsu a kan Sumayya kwata-kwata baya son jin kukanta.


D'akin Hajia Tabawa ya nufa inda yake jiyo kukan Sumayya.

D'aga labule yayi ya shiga dakin cikin fad'a yace"Kina ji yarinyar nan tana kuka kinyi burus da ita ko"


Hajia Tabawa tace"Nayi -nayi tayi shiru taki yi alh kasan kukan Sumayya babu mai rarrashinta sai kai"


Da sauri Sumayya ta mike daga kan gadon taje ta rike hannun baban nasu tana fada masa irin cinzalin da Habibu yayi mata harda sharri ciki


Hannuta ya rik'e suka futa daka dakin. Sama suka nufa suna tafe yana rarrashinta kamar k'wai
Yace "Ki share hawaye ki zan samu Habibu in ja masa kunne kan kar ya k'ara dukanki"



Shiru tayi tabar kukan suka haura sama, har yanzu d'akin Habibu a bud'e yake yana hango hawowar babansu da Sumayya ya mik'e zaune sosai yana me k'ara daure fuskarsa saboda yasan yanzu zai tuhume shi kan me yasa ya daki Sumayya, aikuwa dai-dai k'ofar d'akinsa ya tsaya yana ya mutse fuskarsa ya kalli Habibu da b'acin rai a fuskarsa yace" Kar ka kara dukan ta har ka koma inda ka futo.shikkenan kazo gida bata da kwanciyar hankali sai duka da kyara me ta tsare maka ne"?


Gyaran murya yayi yana d'an sunkuyar da kai yace" Alh wannan yarinyar bata da tarbiya duba fa ka gani irin tufafin dake jikinta, tuntuni na hanasu sakawa sauran sun daina ita tak'i jin magana, saboda tana samun d'aurin gindi a gurin ka, tarbiyarta tana iya lalacewa"



Cikin fad'a Alh. yace"kafi ni ido ne, da har zakace min in dubi tufafin dake jikinta yarinyar guda nawa take da gar kake min wannan zancan, na fad'a maka kar ka kara dukanta"


Habibu ransa ya b'aci jin abunda mahaifin nasu yake cewa kan Sumayya wannan na nuna cewar gata zai yi sanadiyar lalacewar ta, wanda yana ganin haka ba gata bane abunda yake nunawa yarinyar tunda amanar Allah ce ita, Ubangiji yace " yayanku amanarku ne kuma amana ta ne,zan tambaye ku ranar lahira to balle kuma Sumayya da take marainiyya wacce bata san uwarta da ubanta ba bata san kowa nata ba a sali ma batasan wacece ita ba ita dai kawai ta so cikin gata da kulawa gami da soyayyar iyaye biyu wato Alh MADU da HAJIYA Zulai matarsa ta uku kenan.



_*Wai shin wacece Sumayya?*_

SHEKARU GOMA SHA BIYU DA SUKA WUCE.

ALH. Madu ne tare da matarsa Hajiya Zulai suna tafiya cikin mota hanyarsu ta zuwa abuja shekaru goma sha biyu da suka wuce.
Akwai wani kamfani da k'warori suke bude a abuja ake har kar taklma a wancan lokacin. suka nemi sa hannun ALh MADU saboda shaharasa a duniya ta fannin kasuwanci ko wane iri ne, babu wani b'ata lokaci ya amunce musu ya zuba dukiyarsa aka fara aiki sosai ake samun albarka, ba sosai yake zuwa ba sai dai duk abunda yake faruwa yana da labarinsa.

Kwatsam!ranan ya shirya tare da matarsa suka nufi abuja cikin motarsa kirar toyota wanda a lokacin sai wane da wane.

Dake futar asuba sukai shiyasa suka yi sauri sun wuce kaduna kad'an dai-dai wani k'aramin gari motarsu ta tsaya taya tayi faci. Alh Madu ya futo da sauri yana dubawa lokacin shida da kwata na safe gari ya soma yin haske. d' agowar da zaiyi kawai ya hangi wata ba fulatana ta yanko daga wani daji da gudu jikinta sanye da kayan sak'i irin nasu hannuta nan nad'e da wani abu ta rungume sai gudu take.








Karku manta da cewar wannan littafin na siyarwa ne naira dari biyu ne ga me bukata ga numbar nan
08089965176
07084653262
[21/08, 17:37] 80k: https://m.facebook.com/Zamaniwritesassociation

⚱⚱⚱⚱
_*TSANTSAR BUTULCI*_
⚱⚱⚱⚱


_*NA*_
_BINTA UMAR ABBALE_
*®BINTUBATULA👄*


_*MARUBUCIAR*_

```NANA KHADIJA```
```YARO DA KUDI```
```GIMBIYA BALARABA```
```LOODING......```
_*TSANTSAR BUTULCI*_




_*ZAMANI WRITERS ASSOCIATION🤝🏻*_
____________________
_*We are here to educate,motivate and entertain aur Reades*_
_______________________




_Mu fad'i alkairi ko muyi shiru,mu kiyayi aibata wani ko cin zarafin wani,ba tare da hakkinsa ba, mu kintsa harshen mu,domin yana iya kaimu ya baro mu guji k'yashi da hassada ga jununmu, domin mu samu rabo a duniya da lahira, muyi wa kanmu kyakykyawan zato, mu giji fad'ar abunda ba,tayi ba, muce anyi, A kwai ranar tsayuwa ta ranar mahashar,ranar da kowa yake ta kansaUwa Uba Miji mata "yaya, K'awa Aboki kowa na takansa, mun sanyawa Harshenmu linzami_


*Allah kasa mu dace*



_*BISIMILLAHIR-RAHAMANIR-RAHIM*_




*🅿13*


Kafin Alh Madu ya ankara matar tayi kan titi da gudu, bata kallon gabanta bare bayanta, wato mota k'irar marsandi tazo tayi gaba da ita,abunda yake hannunta ya gangara bakin hanya.

Salati Alh Madu yayi ya nufi inda matar take kwance tana nishi cikin jini,me motar kuwa yayi nasa guri, Hajiya Zulai ta futo daga mota da sauri,bakinta d'auke da Kalmar innalillahi wa'inna ilahi raji'un.

Kukan jariri taji da sauri ta nufi inda take jin kukan ta dauke jinjiri sabuwar haihuwa,bata tsaya dubawa mace ko namiji kawai ta nan nad'e shi,ganin babu ko wando a jikinsa, kusa da mijinta ta matsa tana nuna masa jaririn dake hannuta, shi hankalinsa na kan matar, gashi sai nishi take,tana k'okarin mutuwa babu mataimaki, da sauri ya mik'e yaje ya bud'e but d'in motarsa ya ciro tayar mota,yazo ya kwance wacce ta sace ya daura wacce ya d'auko, da kansa ya zo ya kinkimi matarnan cikin jini yaje ya sanyata a mota,Hajiya Zulai taje ta shiga tana rungume da jariri sabuwar haihuwa,gwanin tausayi sai kuka yake, cikin tausayi da tu'ajibi ya kunna motar suka bar gurin,sauri kawai yake ya isa abuja, domin ya kai matar asibiti a dubata ganin yadda jini yake ta zuba ta baki ta hancinta,ga kanta ta fashe duk jikinta ya kurje,da alama batasan inda kanta yake ba, wani babban asibiti suka isa, da sauri ya futo daga motar ya bude gidan baya inda take kwance rai a hannun Allah,ya ciccib'ota, fuskarta kawai ya kalla ya tabbatar da cewar rai yayi halinsa,amma domin ya kara tabbatarwa yasa ya shiga da ita asibitin, ma'aikaita sai kai kawo sukeyi, suna ganinshi, da sauri suka k'araso, suka karbeta daga hannusa, kai tsaye, Emagency aka nufa da ita.


Duk wasu aune-aune sunyi sun duba ta sosai matar Allah yayi mata rasuwa mintuna talatin da suka wuce,haka suka futo suka sanar da Alh Madu, dama ya san haka, innalillahi ya furta a fili yace"Allah ya jikanki wannan baiwar Allah, wannan abunda kika bari kuma Allah ya rayashi ya albarkaci rayuwarsa,nan Alh Madu ya sanar da hukumar asubitin abunda ya faru dashi,da matar kuma ya nuna yana bukatar taimakonsu kan yadda za'ayi rayuwar wannan jaririyar da tabari ta inganta, shawarwari sosai suka bashi, kan abunda ya nema, suka d'ora baby kan madara irin wacce ta dace da ita, a takaice dai, wasu daga cikin ma'aikatan asubitin dasu akai jana'izar matar da ba'asan daga wace duniya take, Alh Madu yayi musu godiya sosai kuma ya sakar musu kud'i yadda ya kamata, sannan suka kama hanya suka bar asubitin, kai tsaye gida suka koma,domin ji yayi bazai iya zuwa wani guri ba, da jaririyar yarinyar domin wani irin so da tausayinta yakeji a zuciyarsa,yana tausayawa rayuwarta,

***
Kaf ya tara matansa ya sanar musu halin da ake ciki,to suma dake sun san meye rayuwa sun tausawa rayuwar Sumayya, Alh Madu yace"Bayaso su tab'a nuna banbanci tsakanin Sumayya da yayansu, duk suka d'auki Wannan alk'awari, Masu hankali daga cikin yaran gidan sune suka fahimci abunda yake faruwa, amma sauran k'ananun yaran murna sukeyi wai Hajiya Zulai ta haihu,Rab'ia sai murna take, ta samu k'anwa.

Alh Madu shine ya zab'a mata suna Sumayya, Hajiya Zaliha ta cigaba da rainonta cikin kulawa,itama haka kawai take jin tausayin Sumayya ita kuma haka zata taso batare da tasan suwaye iyayenta,menene tushenta wannan abu na d'aga mata hankali.


*Wannan shine tarihin Sumayya*

Shida da rabi na yamma "yan makaranta suka fara dawowa, Alh Madu na zaune kan wata kujerar k'arfe wacce yake zama yana shan iska a k'ofar gidansa yana kallon hanya, da yara " yan makaranta, Sumayya na zaune kusa dashi da goro ba,a hannuta tana ci, ko kishin kanta batayi,ganin yadda yara suke ta wucewa ko wanne sanye da uniporm na makaranta, can ya hango iyalinsa sun tawo reras da su abun sha'awa, ya kalli Sumayya, a tausashe yace" Yanzu Sumayya bakya yiwa kanki fad'a ba, dubi "yan uwanki fa,suna zuwa makaranta ke kink'i kin tsaya wasa, ko kinaso in had'aki da Yayanku ne"?

Girgiza kai tayi,tana cigaba da cin gorobar ta,yace" To indai kina so mu shirya dake,kar in k'araji anyi rigima dake, gurin zuwa makaranta,lokaci na yi kiyi himma,kinji ko, in naga kina maida hankali ke zan fara kaiwa Umara"

Dariya take sosai ta rik'e hannusa cike da k'uruciya tace"Don Allah da gaske kake Babanmu"

Fuskarsa a sake yace"Kwarai kuwa ke dai ki maida hankalinki kan karatu ki gani"

Tace"Insha Allahu zanyi,amma zaka bani kud'in makaranta wanda yafi nasu Ummu da Rabi'a ko"?

"Ke zan bawa a hannuki ma,in zaku tafi, makarantar sai ki rarraba musu"
Jin abunda yace ne yasa tai ta murna da dariya.

Su Rab'ia duka k'araso tsugunawa sukai dukaninsu sukace"Babanmu Sannu da hutawa"

"Yawwa sannu ku, Rabi'a kun dawo"
Suka amsa da "Eh mun dawo Baba"?

Yace" Allah yayi muku albarka,to ku shiga gida"



Har sun wuce, Suwaiba ta dawo da baya,tana kallon Sumayya dake musu wani irin kallo,yace" Ke Sumayya malam Mubarak yace"Wallahi zaku gamu ne, yana lissafa iya adadin fashin da kikayi, sai ya zane miki jiki"


Cikin tsiwa Sumayya tace" Eh ai dama kune masu zugashi ya dake ni, gobe zanje,kuma Babanmu ne zai kaini sai inga ta inda zai dake ni"

Suwaiba tace"Oho miki dai!ke kika sani"

Sumayya ta mik'e da sauri jikinta na b'ari tace"Babu ruwanki dani,tunda dai ni kinga ban kulaki ba,ko"?

Alh Madu yace"Ke Suwaiba wuce gida,bana san tsokana" Suwaiba ta wuce gida,tana mamakin masifar Sumayya daga magana ta mik'e tana k'okarin kamata da kokawa"

Bayan tafiyar Suwaiba Sumayya ta koma ta zauna,tana zumb'ura baki tace"Babanmu gobe ka kaini makarantar da kaina idan ba haka ba,nasan muguntar Malam Mubarak wallahi"

Alh Madu Yace"Allah ya kaimu lafiya,ai dai kinyi min alk'warin baza ki k'ara fashi ba ko"?

D'aga kai tayi
Yace"Yawwa"

Suwaiba kuwa
Dai-dai soro na biyu suka had'u da Habibu shi da Khamis zasu futa,ta durk'usa har k'asa ta gaishe su, suka wuce,ita kuma ta mik'e ta shiga Gida.


Abun mamaki suna futa ya ga Sumayya na gwagwuyar goroba sai kace wata akuya,babu kamun kai,a tare da ita, still haryanzu,Wannan kayan ne na jikinta Wanda yace ta cire, wato bata ciresu ba,saboda tana ji da taurin kai,lallai dole yayi maganinta.

Tana ganinsu ta d'suke kanta,domin bata so su had'a ido da Habibu,shi kuwa Khamis sai wasa yake mata,ta sha kunu,tak'i kulasa

Shima bai kalli inda take zaune ba.

"Barka da yamma"
Yafad'a yana mik'awa mahaifin nasu hannu"
"Barka ka dai"
Alh Madu ya fad'a,Khamis ma gaisawa sukayi cikin mutumci, suka wuce majalisar su.





Karku manta da cewar Wannan book din na kud'i naira Dari biyu ga me buk'ata ga numbar nab.
08089965176
07084653262
[22/08, 14:16] 80k: https://m.facebook.com/Zamaniwritesassociation

⚱⚱⚱⚱
_*TSANTSAR BUTULCI*_
⚱⚱⚱⚱


_*NA*_
_BINTA UMAR ABBALE_
*®BINTUBATULA👄*


_*MARUBUCIAR*_

```NANA KHADIJA```
```YARO DA KUDI```
```GIMBIYA BALARABA```
```LOODING......```
_*TSANTSAR BUTULCI*_




_*ZAMANI WRITERS ASSOCIATION🤝🏻*_
____________________
_*We are here to educate,motivate and entertain aur Reades*_
_______________________






_*BISIMILLAHIR-RAHAMANIR-RAHIM*_



*🅿14*





A na kiran sallahr magariba Alh Madu ya shiga gida domin d'aura al'wala, Sumayya na bayansa sai kace jela, Alwala ya d'aura ya futa zuwa masallaci, Ita Alwalar ta d'aura, ta shige d'akinsu babu wanda tayi wa magana a gidan.

Bayan ta idar da sallah ne ta kwanta kan dadduma bacci na neman d'auke ta.

Hajiya Zulai ta shigo d'akin, ganinta a kwance kan hanya tace"Ke ki tashi ki ci abunci sai ki kwanta, magariba nayi zaki hau bacci sai kace wata kaza"

M'ikewa zaune tayi, tana mutsika ido, Hajiya Zulai ta d'auki abunda zata d'auka ta futa,Sumayya ta mik'e tabi bayanta.


Habibu ne ya dawo gidan, yana rarraba ido neman Sumayya yake,da bai ganta ba, a tsakar gidan, sai ya nufi d'akin Hajiya Zulai sukayi kicib'us da ita, ta futo daga d'akin, Sumayya na bayanta.

Babu abunda yace Kawai ya kamo hannu Sumayya, ido ta bud'e jin an mata rik'on tsauri, Yayanmu ta gani yana janta, bud'e baki tayi zata kurma ihu ya rik'e bakin.



Hajiya Zulai tace"Wato da kaga Alh ya futa shine ka dawo domin kaci zali ko"


Shiru yayi yaja Hannun Sumayya tana turjewa ya kaita d'akin.

Girgiza kai Hajiya Zulai tayi kawai tai tafiyarta.

"Wayyo Hajiya ta"
Abunda Sumayya take fad'a kenan.

"Babanmu kazo ka taimake ni"

Tsawa! Ya buga mata, yace"Rufe min baki,ko in ci Ubanki"

Tsitt!! Sumayya tayi tana zare ido,ga d'akin da duhu Hajiya bata kuna fitila ba.
Zatinsa kawai, take gani a d'akin, cikin tsawa yace"Cire wannan kayan na jikin ki,kiyi shirin makaranta"


Jikinta na kyarma ta fara cire kayan jikinta,dake da duhu a d'akin ba sosai yaga jikinta ba,yana tsaye da fuska a murtuke

Ta bud'e sif d'in kayansu ta d'auko doguwar riga , ta zura da sauri ta d'ora hijabi a kai, yace"Wuce muje"
Simi-simi tayi gaba yana bayanta suka, Tsayuwa yayi tsakar gidan, yana kallonsu Rabi'a suna cin abunci Yace" Ke Suwaiba da kungama cin abunci, ku tafi makaranta tare,in ta gudo ko tayi barci, a makarantar ku fad'a min"

Suwaiba tace"To" fucewarsa yayi daga gidan,dama abunda ya dawo dashi kenan.

Hajiya Gaji ta zuba mata abunci ta zauna tana ci tana gyangyad'i domin baccin ya hau kanta sosai.

Kad'an taci ta cire hannuta, taje ta wanke, sai zumb'ura baki take.


Babansu yaji dad'i da yaganta cikin a yari zasu tafi makaranta, ya basu kud'i duk da cewa ta magariba ce, in sun dawo hanya suna tsayawa siyi siye-siye irin nasu gyad'a me gishiri da Aya me sukari.




Rab'ia na lure da Sumayya sai gyangyad'i take sam bata fuskanci, karatun da akai ba,haka aka tashi daga makaranta, Suwaiba ta rik'e mata hannu dan kar ta fad'i.

Har yanzu Alh Madu na zaune a inda yake, yanzu suna tare da wani mak'ocinsa suna hira.

Yaga ana rirrik'e Sumayya tun daga nesa,suka k'araso, inda yake, yace" Yaya kuke rik'eta ne"
Ummulkairi tace"Bacci takeyi a hanya"
Dariya Alh Madu yayi yace"Sumayya kenan, to maza ku shiga ciki kar ta fad'i"

Ciki suka shiga, Alh Madu suka cigaba da hira da mak'ocinsa.


Duk suna zaune tsakar Gida, suka shiga, Hajiya Zulai tace"Nasan za a rina dama,ai in bacci ya hau kanta, sai tayi ko a ina ne, Hajiya Tabawa tace" Ai kuwa dole ko zata dunga baccin a makaranta ta dunga zuwa sai ta saba"

Dariya suke wa Sumayya sosai.
K'asa ta kwanta,hijab d'in jikinta ma Rab'ia ce ta cire mata.


Hajiya Gaji tace"Ai saboda baccin da take da wuri shiyasa take riga kowa tashi da wuri, gashi abunci da na zuba mata ma kad'an taci"

Hajiya Zulai tace"Sai da safe kuma ta tashi da yunwa"

Haka suka cigaba da hirarsu cikin fahimtar juna har wajan goma na dare, daga bisani sukayi sallama da junansu ko wacce ta shiga d'akinta domin shirin kwanciya.




Karku manta da cewar wannan littafin na kud'i ne naira Dari biyu ga me buk'ata ga numbar nan.
08089965176
07084653262
[23/08, 13:00] 80k: https://m.facebook.com/Zamaniwritesassociation

⚱⚱⚱⚱
_*TSANTSAR BUTULCI*_
⚱⚱⚱⚱


_*NA*_
_BINTA UMAR ABBALE_
*®BINTUBATULA👄*


_*MARUBUCIAR*_

```NANA KHADIJA```
```YARO DA KUDI```
```GIMBIYA BALARABA```
```LOODING......```
_*TSANTSAR BUTULCI*_




_*ZAMANI WRITERS ASSOCIATION🤝🏻*_
____________________
_*We are here to educate,motivate and entertain aur Reades*_
_______________________






_*BISIMILLAHIR-RAHAMANIR-RAHIM*_



*🅿15*




Washe gari da wurwuri Sumayya ta tashi daga bacci ,domin ko irin baccin nan na bayan sallah Asuba bata koma ba, shirin makaranta takeyi, cikin walwala,yau za'abata kud'inta a hannuta ta siyi abunda ta ke so, yau me alawar madara za tayi cini ki a gurinta, tsaf ta shirya, hatta da takalmi da safa ta saka, su Suwaiba sai dariya suke mata, tana kallonsu tai musu banza,domin tasan tayi musu wani abun, Yaya Habibu dukanta zai yi, ba tare da ya bi ba'asin waye me tsokana a cikinsu ba,amma dole sai ta gayawa Babansu domin yaja musu kunne babu ruwansu da ita.

Kai tsaye sama ta nufa gurin Babansu, tana taka matattakala ta uku, Habibu ya futo daga d'akinsa, yana sanye da riga da wando ga jere irin na "yan ball, wuyansa rataye da wani k'aramin towol, k'afarsa takalmi ne irin na " yan ball, da'alama motsa jiki zai futa.

Kallo guda yayi mata ya kauda kansa, ya fara saukowa.
Sai ta ja ta tsaya, tana jira ya sakko sai ta hau, hannunta ta zura a bakinta, as'usul ta fara cin farce kamar yanda ta saba in ta ganshi.

Wannan d'abi'a da take in ta ganshi yana mugun b'ata masa rai,yana zuwa dab da ita,yasa hannu ya buge hannuta dake bakinta, fuskarshi babu walwala,yace"Wallahi duk sanda kika k'ara ganina ki ka saka hannu a baki kina cin farce, sai na sa, d'an Yaya me yankan farce, ya cire miki farcen gaba d'aya, sai inga ta iskanci, shashasha kawai"


Wasu hawaye ne suke k'okarin zubo mata,taji haushin abunda yayi mata,k'okarin danne hawayen take tana son hanasu su zubo,bakinta na rawa tace"Yayanmu ina kwana" domin tasan wata masifar ce idan bata gaishe ba"

A banza ce ya amsa ya wucewarsa yana wata tafiya irin ta "yan kwallo.


Sai da ya futa, ta fara goge hawayen da ya ke ziraro mata,tana jin wata irin tsanar sa a zuciyarta, duk gidan babu wanda yake kyararta gami da hantararta sai shi,duk sauran " yan uwansa maza suna mata wasa ban dashi,Yaya Auwal har yawo yake tafiya da ita, a cewarsa,duk tafi sauran kyau ita ta shiga mutane ce.





Babansu na ganinta ya saki fuskarsa sosai, yace"Lallai yarinyata me jin magana ce, Allah yayi miki albarka"

Tsuguwa tayi kusa dashi tana gaida shi,ya amsa da fuska a sake.

Nazarin ta yake, yaga fuskarta babu walwala yace"Waye ya tab'a min ke da safiyar nan"?


Shiru tayi ta zumb'ura baki,domin babu halin tace"Yaya Habibu ne, tasan fad'a zai yi masa, shi kuma Yaya Habibu, zai iya dukanta a kan haka.


Girgiza kai yayi yace"Rabo dasu kinji ko,kinga je ki d'auko jakar alawa,cikin wancan kwalin, ki tafi da ita makarantar,ki bawa duk wanda kike so."


Da sauri ta mik'e taje ta bud'e kwalin da yake nuna mata,ta ciro jakar Alawa gudu,ta farke ta ciri biyu ta b'are, ta sa abakinta,tana tsotsa.


Dariya Alhaji Madu yasa yace"Uwar shan zak'i kenan, nasan dai babu komai a cikin ki,tunda safiya ce,yanzu kije ki karya tukkuna,sai ki sha alawar amma kar ki k'ara sha yanzu kar ta k'ulle miki ciki."


Gyad'a kai tayi, tace"Babanmu bani kud'in to" Wata durowa ya bud'e ya ciro gudar dari biyu,yace"Gashi ke ki d'auki naira Hamsin, d'ari da Hamsin d'in kuma sai su raba, sauran "yan uwan naki"


Wannan magana da yayi, itace ta tuno mata da bashin, da take bin Rabi'a shaf! ta manta, Lallai kuwa yau zata bata kud'inta wallahi ko ta tona mata asiri,tunda itama dariya suke mata.


Karb'ar kud'in tayi daga hannunsa ta mik'e tana godiya,shi kuma ya nai musu fatan dawowa lafiya, har ta bud'e k'ofar d'akin zata futa, sai ta tsaya, tana kallonsa tace"Babanmu "Za'ai min dukan fashi fa,kace zaka kaini da kanka,ka basu hak'uri"


Girgiza kai yayi yace"Kije kawai, jiya na tura Yayanku Habibu yayi magana da malaman makarantar"

Dariya tayi cike da farin ciki ta futa daga d'akin.


Tana sauka k'asa ta zura jakar alawar da kud'in a jakarta, ta nufi kicin domin d'auko kayan karin kumallon ta.


Wani irin kunun gyad'a ne fari tas dashi ya