You Cannot Download this book untill you login but you can read it .

---

Login Register

jiki, saida Ishaq ya shiga gida ya fito suka sake wucewa wajen aiki tare, babu abinda yayi sai ganin Khairat a wannan yanayin, shi dai kawai ya sani koma karuwanci ne Khairat ke masa, to tabbas yana son wannan karuwancin, a haka suka tashi yana tunanin idan ya koma zai sameta tazo, amma kash yaje ba Khairat, hakan yasa tunda yayi sallah magrib ya fara kiran wayarta amma shiru.


Khairat kam na d'akin Mammie suna hira har saida tayi bacci, sannan kowa ya koma d'akinshi, tana zuwa kuma bacci itama ya d'auketa....


**************

Saida safe yana wajen aiki ta kirashi take fad'a masa abinda ya faru, cikin rashin jin dad'i yace "ayya, dan Allah ki gaishe min da amaryar, kice ina mata sannu."

"Zan fad'a mata insha Allah."

"Yanzu kenan yaushe zaki dawo?"

"Ai tare zamu taho idan taji sauk'i."

"To, ya zanyi? sai hak'uri, Allah dai ya bata lafiya."

"Ameen."


*************

Mamie kuma naci gaba da koya mata girki da kalan jus da wasu abubuwan tab'awa, a haka suka qara kwana biyu kuma a ranar suka sake shirin tafiya, Khairat ce ta fita tace zatayi siyayya kafin su wuce...

_Me kuka ce fan's?_

😍😍😍
14/08/2019 à 15:32 - Meerahgee❤: 💑💑💑💑💑💑💑💑💑💑
*JIHADI*
_Umar faruk_
💑💑💑💑💑💑💑💑💑💑

_NA_

_SAMIRA HAROUNA_


_DEDICATED TO_

*MA FAMILLE*

🇸🇦 *ZAMAN AMANA WRITER'S*
_(Gidan zaman lafiya da amana insha Allah)_🤜🤛


_Bismmilahir-rahman-rahim_


4⃣2⃣


Tunda ya shigo haka ya gama duk abinda ya saba amma babu wanda ya kula wani tsakaninshi da Zuby, ganin babu ko plate akan tebur yasa shima ya shareta bai mata maganar abinci ba, akan kujerar ya kwanta yana latsa wayarshi, a hankali yake duba photunan da suka d'auka da Khairat musamman wanda take sanye da hularsa, haka ake kwance abinshi har gari ya waye.



Washe gari ma tare suke shiri da ita amma babu mai kallon wani, har saida suka gama ta d'auki jakarta zata fita a daqile yace " haka zaki fita baki karya ba?"

Saida ta harareshi tace "kana da matsala da cin abinci nane? "

"A'a, kije."

Yana fad'a yayi wuf ya fita daga d'akin ya barta tana rufewa, kosu Mama bata kalla ba ta wuce, su kuma da kallo suka bita yayin da sukansu suke tunanin, yaushe Zuby ta zama haka marar kunya, suda suke zaton wuta a maqera sai kuma su ganta a masaqa, k'ofar gidan ta sameshi ya paka motar da alama ita yake jira, d'auke kai tayi ta kama hanya ta nufi bakin titi, kallon kan bala'i ya bita dashi😂 da tsananin mamaki, yana kallo harta kai bakin titi tana jiran taxi, kai ya girgiza ya taka motar da k'arfi, yana kaiwa kusanta ya kawar da kanshi kamar baisan da wata halitta ba a wurin ya wuce, ganin ya wuce yasa ta bishi da kallo baki bud'e, dan tunaninta zai biyota ne kuma ya bata hak'uri, a ranta tace "anya Mama ta bani shawara mai kyau, karfa na tsaya jan aji da hauka Umar Faruk ya sub'uce min."

Da qyar ta samu taxi hakan yasa taje a makare, ta kuma yi niyyar idan aka tashi kai tsaye gida zata je ta fad'awa Mama, dan ba zata iya da wannan shawarar ba, gashi duk da ta saka mishi magani a abincin amma bata ga wani canji ba, kuma itama tayi wanka da wanda aka bata amma shiru, na wajen Khairat ne kawai ya rage tayi aiki dashi, kuma duk kusantar da yake mata bai nuna yana wani jin dad'in da zai iya kasheshi, a tak'aice dai bata ga wani anfanin abubuwan da take yi ba.

************

*13:20* ta shiga gida, zaune ta samu Mama akan tabarma tana cin wake da shinkafa, jefar da jakarta tayi har tana neman buge Mama sannan ta zauna tana cire hijab da d'an kwali, Mama kallonta take harta d'auki ruwa tasha kafin ta aje tace "Mama, akwai matsala fa?"

Cikin harara Mama tace "to ke kuma dan ubanki, baki gajiya da matsala ne, me kuma ya faru yanzun?"

Cikin turo baki tace "Mama, sam shawarar da kika bani ba tayi ba, haka ma wannan magungunan naki babu abinda suka qara mana, yanzu haka maganar da nake miki yah Umar jiya marina yayi, kuma har yanzu bama magana ko kulani baiyi ba."

"Mtsssss." shine dogon tsakin da Mama tayi.

"To shine me, dama wannan ce matsalar, waike yaushe zakiyi hankali? kina mace amma sam ba kyada aji da kama kai, to yanzu me kike so na miki da kika zo nan so kike nace kije ki masa magana ko? to kiji yarinya, kamar yanda nace karki yarda ki kulashi, ki barshi zaiyi ya gaji ya dawo gareki , kuma karki qara cewa magungunan dana baki basuyi ba, sai dai in kece ki kayi ba daidai ba."

"Mama, wallahi duka nayi yanda ya dace, kawai dai ba sa'a ne wallahi, nifa gaba d'aya na rasa me yake damun yah Umar, wallahi ni harma na fara tsanarshi, kwata kwata bana son zaman gidanshi ma duk na fara takura."

"Ke! fita idona wallahi, ke kinsan me kike fad'a kuwa? to kima cire wannan tunanin a ranki, dan aurenki dashi mutu ka raba ne takalmin kaza, wallahi kina gidanshi har sai yayi kud'i kuma mun moreshi."

Da mamaki tace "kud'i kuma Mama, an fad'a miki zaiyi kud'i ne?"

"Ke kuma a tunaninki nan zai zauna baiyi kud'i ba?

"Aina jima da sanin zaiyi kud'i, shi yasa ma na shiga na fita na had'aku aure."

"Tohh, lallai, nidai yanzu kawai kisan ya za kiyi dani wallahi, danni rainin hankalinshi ya fara isata."

Cikin sassauta murya Mama tace "yana kusantarki kuma?"

Cikin jin kunya tace "Mama fa tun ranar da waccen karuwar ta tafi bai qara neman wani abu wajena ba."

"Bai nema ba kodai baki bashi ba?" ta fad'a cikin d'aga murya.

Sosai kai tayi tace "eh to, amma aike kika ce na dinga jan aji, kuma ni wallahi bana ma son yana kusantata, saboda...."

"Saboda me?"

Cikin yamutsa fuska tace "kefa Mama baki sanshi ba, wallahi jaraba ce dashi, baya da aiki sai lagudar mutum, gashi inya fara baya dainawa sai yaga ya maka liqis, gashi da tsinannan k'arfi, ga...."

*Wal'iyazu billah, towana miji asiri irin haka, abin yayi muni yan uwa, kuma ace uwar ta kasa kwab'arta , nidai ba zan iya fad'a ba gaskiya* 😏

"To kinsan me za ayi? yanzu zan sake komawa wajen malam na fad'a mishi komai, ina tabbatar miki wannan karan, ba sauk'i a al'amarin dan aiki zansa yayi sosai."

Shiru tayi hakan yasa Mama cewa "waini ke kad'ai ke zuwa ecole d'in?"

"A'a Mama, shi yake kaini, yaune na tafiyata saboda bama magana."

"Da motar tashi yake kaiki ko motar waccen karuwar?"

"Haba Mama, nice zan shiga motarta, da tashi muke zuwa."

"Hum, aini fa wannan tsinnaniyar motar ma saina sa an faffasata kafin ta dawo."

"Mama rufa min asiri, jiya fa saboda nace mata karuwa ne ya mareni , idan kin fasa mata mota kuma sai dai ya sakeni, dan wallahi na fahimci yafi sonta a kaina."

"Ai kuwa za kiga me zanyi, kuma wallahi saina raba tsakaninsu, ni na fad'a miki wannan maganar."

Kiran Umar Faruk ne ya shigo wayarta, dan yaje gida abazata bai sameta gidan ba, hakan yasan ya kira dan yaji ina taje....


_Kafin muji me za tace mishi, zamu waiwaya baya muji tarihin mahaifiyarsu Zuby ._


*WAIWAYE ADON TAFIYA*


*Fatima* shine sunan mahaifiyarsu wato kakarsu Umar Faruk, mahaifinsu kuma *Mamman*, sun haifi yara biyar hud'u mata *Khadija, Asma'u, Maryama, Zeinabu* sai kuma autansu namiji mai sunan *muhammad Sani*, yaran sun samu tarbiya da kuma ilimi na boko da addini, kasancewar mahaifinsu yasan anfanin ilimi, kuma cikin ikon Allah sun sameshi yanda ya kamata, sai dai matan basa wani zuzzurfan karatu ake aurar dasu.

Suka yaran suna aiki da tarbiyar da iyayensu suka basu amma banda Asma'u, tun tana yarinya iyayensu suka fahimci bata da kirki kamar sauran yaransu, sam bata da ragowa ga yan uwanta gata da masifar fad'an tsiya, ga kuma son kud'i da tijara akansu, saboda son kudinta yasa ta kasa fitar da mijin aure har saida ta samu zabinta , a lokacin kuma har qanwarta Zeinabu ta isa aure, dan haka aka had'asu tare aka aurar dasu.

*Hamza* shine wanda wannan hau ta fad'a ma, a waccen zamanin yana d'aya daga cikin masu kud'in da ake ji dasu, amma aurenshi da Asma'u saiya zama silar tarwatsewar komai, ta samu ragama da akalarshi tana juyawa yanda ranta yake so, bata d'aga masa qafa ba wajen rabashi da yan uwanshi dama mahaifiyarshi d'aya da yake da ita a duniya, hatta fita sai taga dama take bari ya fita, hakan yayi sanadiyar raba alak'arshi da abokan harkokinshi mak'ota da abokan arzik'i, sannu sannu kuma sai arzik'inshi ya fara durk'ushewa sakamakon yawan bani bani da take masa kuma bata bari ya fita ya nema, a hankali sai abubuwa suka fara canza musu har takai ya fara siyar da k'adarorinshi daya mallaka.

A lokacin kuma ciwo yaci qarfin mahaifiyarshi, amma babu kud'in da zai iya siya mata koda magani bare ya kaita asibiti, da qyar Asma'u ta bashi izinin zuwa yaga mahaifiyarshi bayan dogon rarrashin daya mata, yana zuwa kuma ya makara dan sai gawarta ya samu, ya girgiza sosai da mutuwar mahaifiyarshi, amma rashin imani na Asma'u bata barshi ya qarasa jimamin rashin mahaifiyarshi ba ta fara azabtar dashi ta wata sabuwar hanyar, a lokacin ta fito da wani sabon salo ta hanyar d'ora mishi duk aikin gida, saboda kawai yanzu ba yada komai, kuma duk abin nan da ake akan idon 'ya'yansu mata guda uku da Allah ya basu, ko sau d'aya bata tab'a tunanin yayanta mata bane kuma zasu iya koyi da ita, haka take azabtar dashi yaran kuma na gani kuma dukansu basu damu ba, dan dama tana d'orasu ne akan turbarta.

Kasancewar suna nesa da gida yasa iyayenta da 'yan uwanta basu riga sun fahimci halin da take ciki ba, a ranar da suka samu labari mahaufiyarsu tayi tattaki izuwa gidan, anan kuma idanta ya gane mata tabbas, danta samu Hamza ya tak'ark'are yana sharar gida, ran Fateema ya b'aci sosai kuma taji kunyar abinda ta gani, amma abin takaici shine, koda ta fara mata magana akan abinda take saita mik'e ta fara zuba rashin mutunci da fad'a, cike da quna Fateema tace,

"Yanzu Asma'u ni kike fad'awa wannan maganar, ni kike kallo kike fad'a min wai na takura miki?

Cike da rashin kunya tace "eh mana, na fad'a miki, gidana fa kika zo, kuma naga mijina ne ba mijinki ba, to miye a ciki? nifa ba zan iya wannan banzar rayuwar ba irin taku, kana zaune gidan miji bakin ciki da takaicin namiji ya kasheka , ai muna gani tun muna qanana irin rayuwar da kike a gidan mahaifinmu, hawan jinin da kike fama dashi ma ai duk shine sila, shine kike so nima na zauna ya qaqaba min, wannan da kike gani namiji shima, kuma dana bashi dama babu abinda zai hana yamin tsiyarsu irinta maza."

Cikin sanyin murya tace "naji, tunda haka kika zab'arwa kanki, ga hanyar nan, kuma duniya ta isheki riga da zanin d'aurawa."

Qarasa mata tayi da "harda d'an kwali ma."

"Haka kika ce? shikenan kije , amma ki sani akwai ranar qin dillanci, akwai ranar da za kiyi nadama, bansan ko zamu riski lokacin ba, amma dai nasan tabbas zata zo, kuma ki sani daga yau ba zan qara shiga sabgarki ba."

"To saime, nace saime dan baki shiga sabgar tawa ba? hakan ma yafi min dad'i, yanzu ne kuma zan sake watayawa yanda nake so, dan haka tafi nono fari, danni ko baki kika min ba kamani zaiyi ba." duk tayi maganar ne tana murgud'a baki.

"Haka kike gani, ai kuwa da zan miki wallahi ba zaki kai ko ina ba, amma ina jin tsoron karki qara lalacewa."

"Kiyi mana, wallahi babu abinda zai sameni, ina yin duk abinda nake so kamar yanda nake samun duk abinda nake so, dan haka babu abinda bakinki zaimin ."

"Haka ki kace?"

"Eh, haka nace."

"Shikenan kije , kije kya gani."

"Wallahi sai dai naga alkairi."

Juyawa tayi ta bar gidan rai b'ace tare da tunanin yaushe Asma'u ta zama haka, da wannan tunanin takai gida kuma ta kwanta bacci ba tare data fad'awa mahaifinsu ba, dan tasan inta fad'a masa toshi zai tsine mata ne ba tare da b'ata lokaci ba.

Babu wanda yasan me zai faru a gaba, badan haka ba da Fateema ta janye mugun bakin data ma Asma'u tun kafin ta kwanta bacci, domin kuwa wannan baccin data kwanta bacci ne na qarshe, baccin da babu tashi sai lokacin da aka busa qaho na biyu.


Haka lokaci yaja sosai babu abinda ya sauya a game da al'amarin Hamza, har suka aurar da *Salamatu* wacce suke kira da Uwani, da kuma Zulfa'u ya rage Zabba'u, lokacin kuma aka samu cikin Zuby amma sam Asma'u bata bari Hamza ya sani ba, domin kuwa cikin ba nashi bane na abokinshi ne, kuma hakan ta faru ne lokacin da abokin yazo gidan domin sanin meke faruwa ya daina fita, daga ranar suka qulla wannan alaqar kuma tana jin dad'in haka saboda yana sakar mata kud'i masu yawa, sai dai ta manta da ciki d'an dumane dole wata rana zai fito kuma ta haifeshi.


A ranar da Hamza yaga cikin kuwa, ya sameta ne d'akinta kwance da kayan bacci, anan yaga cikin dake jikinta d'an wata shida zuwa bakwai wanda take b'oyewa kullum,

"Me zan gani haka Asma'u?" ya fad'a yana sake kallon cikin gidan nata.

Cikin baccin daya fara d'aukarta taji muryarshi, a zabure ta tashi zaune tana d'aukar hijabin da take ajewa saboda gudun irin haka, cike da dakiya tace "mefa kake gani, miye haka zaka shigo min d'aki a wannan daren?"

"Asma'u, ciki fa nake gani a jikinki, ko kuma kina so kice min wannan ba cikin mutum bane?

"Ciki kuma, a ina?"

Da hannu ya nunata amma ya kasa fad'ar komai saboda yanda zuciyarshi ke bugawa, ya jima yana nuna hannun amma baice qala ba, daga haka kuma ya fad'i qasa wanwar , fashewa tayi da qara hakan yasa Zabba'u fitowa daga d'akinsu, nan dai aka samu aka kaishi asibiti amma ina lokaci yayi Hamza, shima nan aka tabbatar musu da zuciyarshi ce ta buga, Asma'u bata ji mutuwarshi ba saboda lasisi ne ya bata ci gaba da harkarta, bayan wattani kuma ta haifi Zuby kuma samu kulawar mahaifinta wanda mutane sukewa kallon aminin mahaifinta, sai dai tunda akayi arba'in d'in Zuby shima Alhaji *Bala* ya fita sabgarta, da farko tayi yunkurin tona musu asiri, amma sai Bala ya nuna mata ya fita zama d'an iska, domin kuwa cewa yayi taje ta fad'a, shi namiji ne bai gudun abinda mutane zasu ce, bayan tunani da tayi saita fahimci ita zata jefa kanta rijiya, dan haka taja bakinta tayi shiru.

Sai dai rayuwar ta sauya musu sosai, dan abinda zasu ci wani lokacin wuya yake musu, wani lokacin ma saita d'an kula maza kafin ta samu abinda zata ciyar da Zuby da kanta, rufi asiri d'aya shine su Zulfa'u suna taimaka musu wani lokacin, a haka rayuwa ta tafi har girma ya risketa tare da yarta Zubeida.


Ranar wata *litinin* Zuby ta taso daga école, a qasa take tafiya ga rana ga yunwa, Umar Faruk ne ya b'illo akan hanyar da take, nan dai suka gaisa kuma ya d'auketa ya rage mata hanya, suna zuwa gida kamar yanda ya zama saban Mama zama k'ofar gida a bakin bishiya, yauma nan take zaune daga ita sai kallabin dake kanta, saida ya sauka daga kan mashin d'in ya gaisheta sosai kafin ya tashi ya tafi, Zuby kuma tuni dama tayi cikin gida bata ko kulata ba, bin kowannensu tayi da kallo tana girgiza kai, har zuciyarta taji sun birgeta kuma sun dace da juna, hakan yasa tayi tunanin had'a aurensu, sai dai kuma Umar Faruk talaka ne haka ma mahaifinshi, amma ba zata aiwatar da komai ba har saita nemi shawarar malam sannan.

Ba tayi qasa a gwiwa ba wajen zuwa wajen malam tare da fad'a mishi abinda ya kaita, bud'ar bakin malam cewa yayi "tabbas, wannan yaron zaiyi arzik'i, kuma arzik'in zaizo ta sanadiyar matarshi ne ta farko."

"Ban gane matarshi ta farko ba, kana nufin ba yata kad'ai zai aura ba, kuma wacce zai aura farko itace silar arzik'inshi, to wacece ita.?"

Rarraba ido yayi, dan na farko ma yayi qarfin hali ne ya fad'a da d'an abinda shed'anu suka nuna mishi, duk da yasan ba lallai gaskiya bane, amma saboda ita d'in abokiyar harka ce ba zaiso mutuncinshi ya zube ba, dan haka yace "haba Ma'u, ai 'yar taki nake nufi."

A wulak'ance tace "ka tabbata?"

"K'warai ma kuwa, ai kisan yanda za ayi ki hadasu, dan arzik'inshi na tattare da ita, yarinyar akwai qashin arzik'i."

"Gado tayi gaba da baya." ta fad'a tana yamutsa fuska.


A lokacin da taje ma iyayen Umar Faruk da maganar basu ce komai ba sai fatan alkairi, haka ma Umar Faruk da aka fad'a mishi, bud'ar bakinshi cewa yayi "Allah ya sanya alkairi."

"Ameen, Allah ya maka albarka." cewar Mama

"Ameen."

Daga wannan rana ne sai Asma'u take turo Zuby gidan tazo har takanyi sati biyu wani lokacin, shakuwa ta shiga tsakaninsu duk da dai Umar Faruk baya jin komai a zuciyarshi a game da ita, amma a lokacin da girma ya qara zuwa masa ya sake mallakar hankalin kanshi, a lokacin yana da shekara *30* sai buk'atar aure ta kamashi, amma sam Zuby tak'i amincewa tace saita samu certificat d'inta na (BEPC) sannan suyi aure, dole ya hak'ura tunda baida wacce yake so kuma baya da ra'ayin yin mata biyu a cikin qananin lokaci da kuma qarancin shekarunshi.

*Wannan* ne dalilin da yasa tanti ta tsani Khairat ba tare da wani dalili ba, ta yarda d'ari bisa d'ari akan abinda malam ya fad'a ,musamman da tasan Khairat 'yar babban mutum ce, tasan ba makawa sai yayi kud'i ta silarta, hakan yasa ma tayi gaggawar shigo da Zuby gidan.

*WANNAN KENAN*

😍😍😍😍😍


*_CIGABAN LABARI_*


Tana d'auka yace " ina kika je?"

Cikin gunaguni da harare tace "ina gida wajen Mama."

"Da izinin wa kika je?"

"Toh , wajen mahaifiyar tawa ma da zanzo saina fad'a maka? to da izinina nazo."

Da qyar ya taushi zuciyarshi yace "naji, na miki uzuria karo na farko, amma ki sani kika sake maimaita irin haka, wallahi ranki idan yayi dubu zai b'ace, sannan, ki gaggauta dawowa gida nan da minti talatin ina jiranki."

Yana fad'a ya kashe wayar ita kuma ta kalli Mama tace "kiji rainin wayo."

Shiru Mama ta mata ganin haka yasa ta tashi ta kimtsa nata yanata sukayi sallama ta kama hanya, dan nisan dake tsakani ma zai iya d'aukarta minti talatin d'in, da qyar ta samu taxi ta hau, koda taje bata samu Umar a gidan ba, hakan kuma ya mata dad'i sosai.


*************

B'angaren Khairat kuma tana babban shagon siyayya , kud'i kawai take kashewa yayin da take tuna iya mutanen dake cikin qwaqwalwarta take siya musu kaya, ta jima sosai kafin ta fita ta d'auki hanyar komawa masaukinsu, tana zuwa su Mammie ita suke jira , dan haka basu b'ata lokaci ba wajen isa filin jirgi kuma suka tashi da izinin Allah suka sauka lafiya.


_Me kuma zai faru yanzu? my Hajja fa ta dawo._

*Kamar yanda na fad'a, babu abinda zai tsayar dani rubutu idan harna fara rubutawa,amma fa akwai yiwuwar na dakatar da rubuta _Jihadi_ na d'an wani lokaci, danna lura kamar kun fara gajiya da comment, comment bawai yana nufin a turo maka💃 tsalle ko🤸‍♂talar qafafu ba, ko striker dake cinye data, tabbas muna jin dad'in addu'a, amma mutum yayi sharhi akai shine zai baka tabbacin an karanta abinda ka rubuta d'in, so idan kun gyara zanci gaba, idan ba haka ba😎bana da matsala, zan sawake ma kaina ta hanyar ajiyeshi gefe ko kuma na dinga turawa masu so na fita daga duk grp d'in da basa comment.*


_Ina muku barka da sallah, Allah ya nuna mana ta bad'i, Allah ya karb'i ibadunmu , Allah ya gafarta mana zunabanmu, Allah yasa muna cikin bayin da aka 'yanta._👏 *Ameen ya Hayyu ya Qayyum.*
14/08/2019 à 15:32 - Meerahgee❤: 💑💑💑💑💑💑💑💑💑💑
*JIHADI*
_Umar faruk_
💑💑💑💑💑💑💑💑💑💑

_NA_

_SAMIRA HAROUNA_


_DEDICATED TO_

*MA FAMILLE*

🇸🇦 *ZAMAN AMANA WRITER'S*
_(Gidan zaman lafiya da amana insha Allah)_🤜🤛

*Sufa iyaye girmane dasu, samun Zuby bata hanyar aure ba yana d'aya daga cikin kamun da bakin mahaifiyar Asma'u ya fara mata, kuma wannan ba abun mamaki bane danni naga irin haka da idona.*😎

_Muje zuwa masoya masu fahimta_😉


_Bismmilahir-rahman-rahim_


4⃣3⃣


Driven gida ne ya kawo Khairat saboda shiya d'aukosu daga filin jirgi, saida ya shigar mata da kayan cikin gidan kafin ya wuce, nanfa yara suka mata ca suna mata sannu da zuwa, haka ma manya sannu suke mata cikin murna, jin ana sallah isha'i a masallaci yasa Khairat kallon duka mutanen wajen cikin farin ciki tace "zanje nayi sallah, amma kumin alk'awarin ba zaku fad'awa Faruk ba."

Fateema da Zeinab ne suka amsa da "munyi aunty."

Kumatunsu ta shafa tace "da kyau 'yan mata, zan wuce, idan na fito zan baku tsarabarku."

Wucewa tayi Ruk'ayya tabi bayanta da kayanta, tana shiga d'akin taga yasha gyara, kallon Ruk'ayya tayi tace "kece ko?"

Cikin dariya tace "eh aunty, ai naga bakya son k'azanta, shi yasa nake shigowa ina gyarawa duk da ba kya nan."

"Kin kyauta." ta fad'a tana shirin fitowa yin alwala.

"Amma fa aunty naga sai farin ciki kike, kodai da wani abu ne?" cewar Ruk'ayya.

Cak Khairat ta tsaya amma bata juyo ba, ajiyar zuciya ta sauke mai nauyin gaske, ita kanta haka take ji tana farin ciki, kuma baya rasa nasaba da kusanto da kanta da tayi wajen Umar Faruk, ba tare data juyo ba kuma ta wuce ta fad'a 'yar qaramar toilet d'insu, koda ta fito bata samu Ruk'ayya ba, a haka ta kabbara sallah kuma harta kammala Umar Faruk basu shigo ba.

Jakar data zuba tsarabara ciki ta janyo ta fito da ita tsakar gidan, fitowarta yayi daidai da fitowar Zuby daga d'aki itama, kallon juna sukayi Zuby kuma ta bita da harara, Khairat kuma binta tayi da kallon zan kamaki a hannuna, wajensu Mama ta nufa inda suke zaune akan tabarma, zaune tayi itama tana cire hijab d'in jikinta danya d'an takurata sannan ta bud'e jakar, kayan kanti ne masu kyau da qualitie wanda ta siyowa Zeinab, Fateema, Yusuf, Ubaidullah, Bilal, Abdul rahaman, bawa kowa tayi sai lokacin ta fahimci ba kowa ya samu ba, dan dama ba wani sanin yaran tayi ba tayi anfani da ganinsu ne yau da gobe, kallon sauran tayi tace "ayya, kuyi hak'uri kunji, insha Allah kuma zan siyo muku naku."

Mama Sa'a kuma cewa tayi "haba, aiba komai ba, wannan ma an gode wallahi, Allah yashi albarka."

Mama kuma dad'i taji sosai saboda ganin anyi daidai, dan Bilal d'ane ga Mama Maimuna kuma ya samu, Abdul rahaman d' ga Mama Sa'a kuma shima ya samu, Zeinab kuma 'yarta ce itama kuma ta samu, sai Fateema da Yusuf yayan Abbakar, suna cikin godiya kuma saiga takalma ta fiddo ta bawa Mama Sa'a Mama Maimuna da kuma Mama, suna da kyau kuma basu da tudu ko kad'an, nanma godiyar suka fara sai kuma ga wasu kayan masu kyau tabawa Ruk'ayya har kala uku, wata agogo ta fito da ita mai shegen kyau qirar rolex ta bawa Mama Sa'a da tafi kusa da ita tace "wannan na Baba ne."

Kafin tayi magana Khairat ta fito da wata agogon qirar gucci ta fata tabawa Saratu tace "na mijinki ne wannan."

Sannan ta bita da wasu had'add'un turare kala uku tace naki ne wannan."

"Kai, amma na gode sosai yer uwa, irin wannan tsaraba haka."

Sallamar Aliyu da Usman ce ta katsesu, 'karasowa sukayi Usman na fad'in "matar yaya, yaushe garin?"

A harshen zarma ta amsa mishi da "ana sallah na shigo."

"Sannu da zuwa, ya hanya?" cewarsu gaba d'aya.

"Lafiya lau." ta fad'a tana mika musu wasu kwalaye wanda ko a cikin bacci aka