You Cannot Download this book untill you login but you can read it .

---

Login Register

da Aysha bayan an tashi daga makaranta, har ya yi gaba sai kuma yaga kamar Fattomah hakan yasa ya dawo baya dan tabbatar da ita ɗin ya gani. Fitowa ya yi daga motar tasa yana sanye cikin ƙananun kaya wanda suka amshi jikinsa ba karya ya yi kyau fuskarsa asake kamar koda yaushe ya ce"Fattomah!" kallonsa ta yi da mamaki sai kuma ta ce"kai ne??" gyaɗa mata kai ya yi ta ce"me kake yi anan kuma?"murmushi ya yi ya ce"zan wuce sai naga wata kamar ke shine na dawo ashe kuwa kece" dariya ta yi ta ce"naji toh shige ka tafi" yanda ta yi maganar serious yasa ya tuntsire da dariya saida ya yi mai isarsa sannan ya ce"toh Hajiya Fattomah" kwaɓe fuskarta ta yi ya ce"shikenan zamuyi magana a waya ko?" gyaɗa masa kai ta yi ya ɗaga mata hannu itama ta mayar masa sannan ya shige motarsa yabar wajen, da kallo tabi bayan motar. Aysha ce ta taɓota ahankali ta ce


"Kee Fateemah ga Uncle dinkin can fa tunɗazu ya zo yana kallonmu" da sauri Fattomah ta juyo tana kallon inda take nuna matan, wani irin faɗuwa gabanta ya yi dan duk a zatonta yaya Jawaad ne ya zo ɗaukan nata, da sauri ta riƙe hannun Aysha ta ce"yaushe yazo?" ta ce"sanda kuke magana da wannan mutumin" shuru Fattomah ta yi na wasu sakwanni sannan ta ce"shikenan bye sai Monday" ok Aysha ta ce sannan tabar wajen. Kamar wacce akayi forcing nata haka Fattomah ke tafiya tana haɗa hanya har ta ƙaraso inda ya yi parking ɗin, buɗe motar ta yi ta shiga batace komai ba drivern yaja suka bar wajen, tunda taga irin kallon da ya yi mata ta sunkuyar da kanta har suka je gida bata ɗago ba.





Drivern na gama parking ya sakko daga motar without looking at her ya kama hannunta ya jata har cikin gidan yana zuwa parlon ya watsar da'ita yana mata wani mugun kallo ya ce cikin ɗaga murya



"Da ubanwa kike tsaye?"


Girgiza masa kai Fattum ta yi dan batasan amsar da zata bashi ba, wata uwar tsawa ya daka mata wacce tunda uwarta ta haifeta ba'a taba yi mata irin ta ba, jikinta ne ya fara rawa ta fashe da kuka kamar ranta zai fita, kallon rainin hankali Imad ya yi mata sannan ya fincikota ta miƙe tsaya haɗe hannayenta biyu ya yi a hannunsa ya wanketa da wasu maruwa ji kake


"Tassssssssss"


Tsabar yanda ta ji marin kusan shiɗewa tayi lokaci ɗaya gefen bakin ya fara fitarda jini, yana mata wani shegen kallo ya ce"zaki faɗa mini ko kuma sai na kakkaryaki anan wajen?" ƙoƙarin magana take amma ta gagara yi sai ajiyar zuciya da take saukewa dan ko kukanma batada zarafin yinsa. Ganin batada niyyar magana yasa ya ɗorata kafaɗarsa ya haye sama da'ita, cikin bedroom ɗinta ya direta yana mata wani kallo ya ce"yau zaki gane bakida wayo wallahi sai nayi maganinki nan gaba koda sunana kika ji an ambata zaki shiga taitayinki" yana gama faɗin hakan ya juya ya fita ta kwanta nan wajen tana wani irin kuka mai ban tausayi kusan 2mins sai gashi ya dawo hannunsa riƙeda wata irin bulala irinta dukan dokin nan, bai tsaya sake faɗar wata magana ba ya Fara sauke mata ita a gadon bayanta, tun tana ƙoƙarin karewa har saida ta gagara yin hakan saida dan kansa ya gaji sannan ya rabu da'ita ya ajiye bulalar yana kallonta cikin ɗaga murya ya ce"daga yau na sake ganin kin fita daga cikin gidan nan bare har kiji zaki iya tsayawa da wani" wayarta ya ɗauke kan drawer ya ce


"Wallahi daga nan har sanda zaki bar gidan nan babu ke babu ita ni bazaki raina min hankali na gyaleki ba shashasha kawai" yana gama faɗin hakan ya juya ya yi fitar yana huci kamar wani zaki.




Allah Sarki Fattum kasa koda motsi tayi daga inda take tunda tazo duniya babu wanda ya taɓa yi masa koda kasan abinda Imad ya yi mata ayau ba duk ya fasa mata jiki da duka ko'ina ta shafa jikinta sai taga jini na biyo wajen tasan ko kaɗan baya ƙaunarta amma bata taɓa tunanin har dukanta zai iya ba gashi ya kwace mata waya, wannan takaicin ya sanya ta sake fashewa da kuka tana kwanciya kan carpet ɗin dake wajen.




Murmushi Ameesha ta yi tana kallon Salma ta ce"Allah ya yi zamu haɗu yasa ban tafi ba yanzu nake shirin tafiya" Salma ta ce"dan Allah fa?, toh ya kike kwana ɗagawa kin ɓuya" dariya Ameesha ta yi ta ce"wallahi lafiya lao kema ai kin ɓuya ni kinga ina yawan zuna gidan nan" Salma ta ce"ina Ayrah?" "Ta shiga kitchen yanzu zaki ganta"okay Salma ta ce sannan suka ci-gaba da hirarsu.





Ganin har sannan ransa a ɓace yasa Jawaad ya ce"dan Allah kayi haƙuri Imad kasan yarinya ce ƙarama komai ma zata iya aikatawa amma bai dace ace kana fushi da'ita irin haka ba dan Allah ka dinga sassauta zuciyarka kaji" tsaki ya yi ya ce"saboda ba kaine wanda kake zaune da'ita ba shiyasa kake faɗin haka akanme Daddy zai haɗani da wannan kucakar yarinya wacce batasan kanta ba wlh ji nake inama na fita da'ita can daji na yarda ita ko nma samu na huta duk tabi ta isheni" dafa shi Kamal ya yi ya ce"calm down please komai zai shige abinda ba zama ne na har ƙarshen rayuwa ba, kayi haƙuri da wautarta please" shiru Imad ya yi bai ce masu komai ba amma shi kaɗai yasan abinda yake ji cikin zuciyarsa gamewa wannan yarinyar.


Ayrah ta ce"wallahi fa ni shiyasa nafison na dafa abinci da kaina bana wani tolerating ƴan aiki" murmushi Salma ta yi ta ce"nima abun yana burgeni amma kullum maids sune ke yi maka aiki cikin gida ai babu daɗi, ni Kinsan mene ne yake damuna?" girgiza mata kai Ayrah ta yi ta ce"sai kin faɗa" numfasawa Salma ta yi ta ce


"Wallahi abinda Imad yake yiwa Fattum baya dacewa kwata-kwata bana jindaɗi bakiga yau irin dukan da yayi mata ba wlh gwara ya mayar da'ita wajensu Daddy da wannan zaman doya da manja kwata-kwata baya sonta ya tsaneta bakiga yanda ta dawo ba sai ta baki tausayi wlh ina matuƙar tausayinta"


Tunda ta fara maganar suke kallonta baki buɗe har ta yi shiru sannan Ayrah ta ce"Allah ya kara daidai kenan maganin mai son auran mazajen wasu" da rashin fahimta Salma ta ce"mazajen wasu kuma?" Ameesha ta ce"kin bani haushi wallahi ke saboda mijinki na faɗa da kishiyarki shine Abinda zai dameki har ki dinga jin haushinsa tab" da mamaki Salma ta ce"bangane kishiya ba wace kishiyar?, Fattomah fa nace muku" dariya Ayrah ta yi ta ce"ashe baki nan baki san Abinda ya faru ba bakisan da kishiyarki kike zaune ba" labari Ayrah ta bata na abinda ya faru gidan Daddy tundaga farko har ƙarshe, miƙewa Salma ta yi tana huci ta ce"wai kina nufin Fattomah matar Imad ce yanzu?" miƙewa itama ta yi ta ce"Eh wlh matarsa ce ta sunna ma kuma" cize laɓɓe tayi ta ce"aikuwa saina nuna mata kuskurenta na bari ta auri mijina domin har abada Imam na wane ni kaɗai wlh, i must teach her a lesson" tana gama faɗin haka ta juya ta fita ko gyale bata samu zarafin yafawa ba.




*Ameenatou ce#*
*Nanameera ce#*



*Like nd share*
[5/16, 9:55 PM] Nanameera: *FATTOMAH*

*MIKIYA WRITERS ASSOCIATION*


*Ameenatou I Ibrahim*
Nanameera



PAGE 29-30.


*I dedicated this page to yhu mabiyan FATTOMAH, Imad yana kallonku kuma duk yaji abinda kuka tattauna tawagar Nanameera's Library 😂ya ce a sanar daku yana nan babu gudu babu ja da baya he most teach her a lesson kuma babu yanda kuka iya 💪idan kunji haushi to kuce Daddy ya ɗauki abarsa mudai muna bayan Imadudden 🌝aikin hajjin bana damu team IMADUDDEN 😂😂much luv FATTOMAH na godiya wasu tashi sallar dare tana godiya da abin arziƙi 🙏*




Dakyar take tafiyar saboda wani irin ciwo da jikinta yake mata tunda take babu wanda ya taɓa yi mata irin wannan dukan da Imad ya yi mata jikinta duk ciwo yake, ahankali ta zauna gefen gadon nata tana duƙunƙune jikinta saboda wani irin sanyi da yake ratsata kamar mai jin zazzaɓi cikin mintuna kaɗan jikinta ya ɗauki wani zafi sai shivering take sosai zata baka tausayi saboda yanda ta koma gashi babu magani kusa kuma batasan wanda zata sanarwa ba babu waya a hannunta bare ta kira yaya Jawaad inna'lil lahi wa ina ilayhi raji'uun wannan wace irin rayuwace ta tsinci kanta wasu zafafan hawayene suka shiga rige-rigen sauka kan kuncinta. Jiki asanyaye ta miƙe kamar zata haɗi ta fara tafiya azaba sosai take ji da tafiyar amma batada wani zaɓi wanda ya shige ta nemi magani domin batajin zata iya kaiwa gobe idan har tana cikin wannan yanayin, Kalle-Kalle ta shiga yi aparlon ganin kamar babu kowa ƙofar bedroom ɗin ta kalla taji sanyi aranta, without knocking ta shiga ɗakin tana rarraba idanu Salma ce zaune gefen gadon ta zuba wani uban tagumi kana ganinta kasan tabbas wani abun yana damunta ahankali Fattomah ta ƙarasa gabanta dan Salma batasan ta shigo ba tana can tunani


"Aunty Salma!"


Sai a sannan ta ɗago tana yi mata wani irin kallo cikeda tsana ta ce"lafiya?" tuni ruwa ya kawo idanun Fattomah ta ce"wallahi Aunty kullum jikina ciwo yake bana iya bacci dan Allah ki bani magani ko ki kaini asibiti kinji" afusace Salma ta miƙe tana riƙe da ƙugunta cikin wani irin ɓacin rai ta ce"uban asibiti zan kai ki ba asibiti ba keeee harni zaki rainawa hankali?, wallahi duk ranar dana sake ganin ƙafafuwanki cikin apartment ɗina wlh sai kin gwammace baki zo duniyar ba sannan ni ba abokiyar wasanki bace ke ko fuskarki banason na sake gani acikin gidan nan duk sanda muka haɗu to wlh sai ranki ya yi mugun ɓaci shashasha ƴar matsiyata kawai"



Tsabar shock Fattomah kasa magana tayi zazzaɓin jikinta na dawowa sabo kuma mai zafi fiye da na da, bakinta na rawa amma ta kasa furta koda kalma ɗaya infact ma batasan abinda zata ce ba


"Dallacan fita awajen nan!!"


Agigice Fattomah tayi waje har tana neman haɗuwa, tsaki Salma ta yi ta ce"gayyar tsiya wlh sai zaman gidan nan ya gagareki zaki san kin haɗa hanya dani"




Wani irin raunataccen kuka ta fashe dashi tana sake ƙanƙame pilon dake hannunta wace irin ƙaddarace wannan ke bibiyar rayuwarta?, meyasa Abba ya mutu ya barta, meyasa Ammi ta koma garinsu without second thought na makomarta?, meyasa Daddy yabar garin nan ba tare da ita ba?, meyasa ba'a ce ta zauna gidan yaya Jawaad ba sai gidan Imad?, waɗannan sune tambayoyin wanda ta gagara samun mai amsa mata tabbas akwai ƙalubale sosai a rayuwarta kamar yanda Abbanta ya faɗa mata cikin mafarki batasan laifin da ta yiwa Salma ba amma tana jin idan babu ita bazata iya cigaba da zama cikin gidan ba domin watarana zuciyarta sai ta fashe saboda tsananin ɓacin rai da tashin hankali tuna irin waɗannan abubuwan yasa ta sake rushewa da kuka iya ƙarfinta amma babu wanda yake sauraronta har bacci ya saceta. Wani kallo ya yiwa Jawaad sannan ya ce"banfa gane abinda kake nufi ba" murmushi Jawaad ya yi ya ce"zama ka fahimta ne Footballer tunda kana abinda kaga dama yanzu zuwa yaushe zaka tafi??" Imad ya ce"Ehh tohhh nan da one week in sha Allah" okay Jawaad ya ce, miƙewa ya yi ya ce"ni fa zan tafi coz inada meeting around 3pm zuwa 5pm zamu fito sai mu ƙarasa maganar ko kazo gida da daddare" okay ya ce masa sannan sukayi sallama ya fita..






Tsaki Aysha ta yi ta ce"kawai muje gidanmu kiyi zamanki wallahi tunda babu kowa gidan kuma kina jin tsoro" girgiza kai Fattum ta yi ta ce"A'a Aysha idan Uncle ya tarar bana gida dukana zai yi kawai zan tafi saina zauna wajen gatekeeper har su dawo kinga daman gobe bamuda paper sai next week" haɗe rai ta yi ta ce"ke wllh kin fiye tsoro ai shikenan kuma ke ba waya ba bare muyi magana ta chat" murmushi kawai Fattomah ta yi bata ce komai ba, can kuma ta ce"ina wayarki please?" "Me zaki yi da'ita?" tsaki ta yi ta ce"please ki bani da sauri zanyi amfani da'ita ne" miƙa mata tayi ta ce"hope akwai card?" gyaɗa mata kai ta yi sannan ta ci-gaba da kallonta. Ringing biyu ta ɗaga wayar ta sanya akunnenta daga ɗaya ɓangaren akayi sallama ji tayi kamar duk wata damuwarta ta gushe hawaye na taruwa akurmin idanunta ta ce asanyaye


"Ammina!"


Wani irin yanayi ta jita ciki itama hawaye na cikowa idanunta ta ce"Fattum kina nan klao?" girgiza kanta ta yi amma ta ce"ina lafiya Ammi, kin tafi kin barni ko Ammi?" ajiyar zuciya Ammi ta sauke sannan ta ce"ban barki ba Fattum babu yanda zanyi ne shiyasa na barki karki damu nasan zaki zo ko kuma ni nazo inda kike Faɗemah" kuka Fattum ta saka tana jin wata sabuwar kaunar mahaifiyarta na shiga jikinta tabbas baka gane amfanin abu sai sanda ya yi nesa dakai ayau ji take inama Amminta na gefenta da bata dinga yi mata rashin jin magana ba, da ta zaunar da'ita tana yi mata hira mai daɗi har bacci ya ɗauketa. Jin tayi shuru yasa Ammi ta ce"Kina kan layi Fattomah?" gyaɗa mata kai tayi kamar tana gabanta ta ce"Eh Ammi yaushe zaki zo?" murmushi Ammi ta yi ta ce"in Sha Allah zan zo nan bada daɗewa ba, kina karatu dai?" ta ce"Eh Ammi ina yi yanzuma exams muke ta Waec mun kusa gamawa" Ammi ta ce"toh Masha Allah, Allah ya taimaka ya bada sa'a Faɗeemah ki cigaba da haƙuri" Ameen ta ce jiki asanyaye sannan sukai sallama, ajiyar wayar tayi kawai ta kifa kanta ta fashe da kuka sosai taka kewar iyayennata, dafata Aysha ta yi ta ce"kiyi haƙuri kinji Fateema dan Allah ki daina wannan kukan duk kin rame kinyi baƙi fa" dakyar Fattomah ta yi shiru sannan ta tashi tana kallon Aysha ta ce"zan tafi ni dai" "ke kaɗai zaki zauna?" gyaɗa mata kai ta yi dan bata yanayin da zata iya doguwar magana gaba tayi kaiwa Aysha ta bita da kallo cikeda tausayawa koda Fattomah bata faɗa mata halinda take ciki ba tasan tabbas akwai abinda yake damunta domin yanda duk ta fice hayyacinta cikin ƴan sattitika ƙalilan.





Da mamaki Fattomah ke kallon motar tasa dan tama gagara ƙarasawa kar taje ba ita yazo ɗauka ba, tsaki Imad ya yi ganin ta tsaya tana kallonsa fitowa ya yi daga motar yana sanye cikin wata jallabiya blue colour ya tufke gashinsa ya zubo har gadon bayansa dukda yanda ransa yake a haɗa hakan bai hana ainihin kyansa fitowa ba kana ganinsa kasan yesssss akwai kyau babu ƙarya. Da kallo ɗaliban makarantar suka bishi ganin mutum mai kamada Larabawa yana tafiya toward direction na makarantar, duk yanda zuciyarta ke lugude haka ta danne ta cigaba da kallonsa har ya ƙaraso, wani banzan kallo ya watsa mata sannan ya ce"kin bar kallona ko saina tsiyaye idon" sauke idanunta ƙasa tayi bata ce komai ba ya juya ya koma motar itama tana biye dashi.





Kwafa Salma ta yi sannan tabar wajen tana jin baƙin ciki kamar ya kasheta wato daman son yarinyar yake shine dalilin daya sanya yake raina mata hankali kuma baya bata lokacinsa ko kaɗan, suna shigowa parlon ta yi sauri ta haye sama gudun kada ya yi mata magana ko kuma ya yi mata tsawa, da kallo ya bita sannan ya taɓe baki ya zauna kan kujerar yana kallon tv inda al-jazeera ke haska labarai. Tana fitowa daga wanka ta shige kitchen ɗinta, tsaki ta saka tunawa da tayi babu komai cikin kitchen ɗin sai indomie kuma ta gaji da cinta, juyowa ta yi zata fito suka yi karo da sauri ta koma baya tana ɗan yarfe hannu haɗe rai ya yi ba tare da ya yi magana ba ya miƙa mata wayar hannunsa karɓa ta yi tana sanya kunnenta tana ɗan satar kallonsa juyawa Imad ya yi yabar ɗakin tana murmushi ta ce


"Mommy nayi missing naki sosai inason na ganku please"


Murmushin itama ta yi ta ce"Fattomah rigima ki bari da zarar kin ƙarasa exams Imad zai dawo dake shikenan mu cigaba da rayuwarmu kamar da" sosai Fattum ta ji daɗin haka ta ce"toh Mommy daman mun kusa gamawa ai"okay ta ce sannan suka ci-gaba da hirarsu cikeda so da ƙauna kai ka ɗauka da gaske ita ce wacce ta haifeta.




Wani irin sanyi taji ya daki hancinta ta lumshe idanunta dan daman tana matuƙar ƙaunar yanayi irin wannan shiru parlon yake babu alamar mutum ciki hakan yasa kai tsaye ta shige bedroom ɗin mamaki ta yi ganin yanda ɗakin yake da wani irin kyau kaf ɗakunan gidan ba taga wanda ya kai shi kyau da kuma tsaruwa ba, tsayawa ta yi tana kallonshi ganin yanda yake bacci hankalinsa ya kwance ya duƙunƙune cikin lallausan duvet ɗin harararsa ta yi ta ce can ƙasa"mugu shi gashi ya zo yana ta baccinsa ni kuwa kullum bayana ya yi ta yimin ciwo" tsaki ta yi sannan ta ajiye masa wayar gefen bedside drawer juyawa ta yi zata fita sai kuma ta dawo ta ce"nima bari na ɗan kwanta na huta anan kafin ya tashi"tana gama faɗin hakan ta haye kan gadon ahankali kamar wata ɓarauniya haka har ta samu ta kwanta daga can gefe guda ta ja bargon ta rufa wata irin ni'ima taji tana saukar mata ta lumshe idanunta nan da nan bacci mai daɗi ya ɗauketa.





Wani irin azababben ciwo taji mararta na yi mata tun tana dauriya har ta miƙe daga kwancen duk ta haɗa gumi kamar wata wace take naƙudar haihuwa kuka ne ya kwace mata dan tasan irin azabar da zata sha nan gaba dan ita duk sanda zata yi period tofah sai duniya ta sani dukda Allah ya taimaka mata tana kaiwa wajen 4 to 5months bata yiba amma duk randa yazo mata tofah sai tasha baƙar wahala arayuwarta sau biyu ta taɓa yi sai kuma wannan karo na uku, ahankali ya buɗe idanunsa jin kamar sautin kuka ware idanunsa ya yi tass akanta ya miƙe yana kallonta da mugun mamaki amma ya kasa magana ganin yanda jikinta ke rawa sai zufa take yasa ya ƙara sa wajenta yana zuwa ya kalleta da sauri ta riƙe masa hannu bakinta na rawa tama kasa faɗa masa abinda take so ya sani ɗin, hannunsa ya ɗora kan goshinta yaji babu zafi kwata-kwata mamaki ya yi dan ya ɗauka zazzaɓin dare take, ahankali ya ce


"What wrong?"


Hannunsa ta kama ta ɗora daidai saitin mararta dan batajin zata iya yi masa bayani, kallon wajen ya yi sai kuma ya yi tsaki ya ce"toh ubanme zan miki nd me kika shigo yi ɗakin nan?" kuka kawai Fattomah ta sanya tana riƙe da hannunsa dan gani take kamar idan ta saki zata mutu ne, sauka ya yi daga kan gadon ya fita a ɗakin, bai wani daɗe ba ya dawo hannunsa riƙe da injection sai drip. Tana nan zaune inda ya barta ya gama haɗa allurar ya yima amma hankalinta baya wajen, yana sanya mata drip ɗin ya fice daga ɗakin ya koma parlon ya yi kwanciyarsa dan wani irin mugun bacci yake ji.





Kiraye-Kirayen sallar asubar da aka fara shine ya farkar dashi da sauri ya miƙe ya shige toilet dan ɗauro alwala dan ko sallar dare bai samu damar yiba, yana fitowa ya tarar da ita zaune kan gadon sai nuƙurƙusu take kamar wacce zata haihu, tsaki ya yi sannan ya ƙara so gabanta yana kallonta ya ce"keeeee" dakyar ta ɗago ta kalleshi idanunta duk sun sauya kala sun kumbura, taɓa jikinta ya yi yaji zafi zau saɓanin ɗazu, ganin kamar tana neman sumewa azaune ya sanya ya ɗaukota tamkar Baby ya sakko da'ita yana fita ya sanya driver ya taso ya shiga mota shikuma ya shiga baya yana riƙe da'ita ajikinsa.




*Ameenatou ce#*
*Nanameera ce#*



*Like nd share*[5/17, 9:24 PM] Nanameera: *FATTOMAH*


MIKIYA WRITERS ASSOCIATION.


*Ameenatou I Ibrahim*
Nanameera



PAGE 31-35.


Tsaki Imad ya yi ganin yanda take kuka kamar ranta zai fita duk tabi ta dagula masa lissafi ranshi a ɓace ya ce"wai ba zaki yiwa mutane shuru ba?" ko kallonsa Fattomah batayi ba bare ya yi tunanin amsa ta ci-gaba da kukanta tana yarfe hannu, sai kusan ƙarfe 7am sannan ta samu ta yi bacci shi kuma ya fito dan komawa gida dan sai a asibitin ya yi sallah asuba. Tunda ya shiga parlon take kallonsa amma ta kasa yi masa magana har ya shige rai ɓace Salma ta miƙe daga kan kujerar wato saboda rainin hankali har wani fita suke abarta cikin gidan saboda batada amfani, goge hawayen dake ƙoƙarin zubo mata tayi sannan ta shige bedroom ɗinta tayi kwanciyarta zuciya babu daɗi. Ƙarfe 12pm ya shiga asibitin yana sanye cikin wani yadi black colour ɗinkin babbar riga da jamfa sosai ya yi kyau abinsa ya sanya face mask a fuskarsa gudun kada attention ɗin mutane ya zo kansa yana shiga ɗakin ya tarar tana zaune sai wata nurse dake ƙoƙarin cire mata drip ahankali ya yi sallama wacce idan ba kasa kunne ka yiba bazaka ji abinda ya ce ba, tsayawa ya yi yana kallonta har ta ƙarasa cire mata sannan ta juya ta fita, sunkuyar da kai Fattum ta yi ya zauna kan kujerar dake gefen gadon ya ce"ya jikin naki?" ahankali ta ce"da sauƙi"miƙewa ya yi ya fita ta bisa da kallo. Murmushi Doctor ya yi ya ce"sir hakan dana faɗa shine solution kuma kai ma kasan haka tunda kasan field ɗin" ajiyar zuciya Imad ya sauke yana jin abun kamar ba mai yiwuwa ba lura da hakan yasa doctorn ya ce"sir kadai duba maganar coz haka ne kawai mafita wallahi komai na iya ka sancewa da rayuwarta kuma kullum ahaka zata kasance cikin ciwo tunda dai akwai halin taimakawa please ka taimaki rayuwarta kayi trying ko sau ɗaya ne" miƙewa Imad ya yi ya ce"zanyi tunani akai" okay Doctorn ya ce sannan ya juya ya fita.




Yanda ya barta haka ya tarar da'ita har sannan bata kwanta ba amma wannan karan ta haɗa uban gumi jikinta sai rawa yake ƙara sawa gabanta ya yi ya kama hannunta ya ce"keeee" kasa kallonsa ta yi tana kuka ahankali sosai yaji jikinta da zafi ta ɗora kanta kan cinyarsa koda wasa bai yi yunƙurin hanata ba yana jin yanda take fitarda zazzafan numfashi kan cinyarsa, kusan 5mins sannan ta fara sauke numfashi ahankali ya shafa kanta tana sauke ajiyar zuciya sallama Jawaad ya yi ya shigo aɗan rikice ya ce"ya jikin nata?" Imad ya ce" da sauƙi Alhamdulillah" kallonta Jawaad ya yi ya ce"sannu dear" gyaɗa masa kai ta yi ya ce"yaushe za'a yi discharging naku?" Imad ya ce"har anyi gida zamu tafi yanzu"okay Jawaad ya ce sannan ya kalli Fattum wacce duk ta fice hayyacinta ya ce"tashi mu tafi gida" miƙewa Imad ya yi ya kama hannunta ta miƙe jikinta na rawa ta ce asanyaye"bazan iya tafiya ba ni"kallonta Imad ya yi kamar ya ce wani abu sai kuma ya yi shiru ya ɗauke ta kamar Baby suka fita daga ward ɗin.





Waro ido Salma ta yi hankali atashe ta ce"kamarya Ameesha?" murmushi Ameesha ta yi ta ce"naga kin wani firgita ko daman baki shirya ba?" girgiza kai Salma ta yi ta ce"bawai haka bane Ameesha kawai banason zuwa wajen wani malami ne shiyasa kawai gwara Imad ya sakeni na kama gabana ni bazan iya kunsar baƙin ciki ba wlh" tsaki Ameesha ta yi ta ce"aikin banza ashema ke ƙaramar ƴar iska ce kenan kin haƙura da duk tarin dukiyarsa wacce zaki mallaka idan yana ƙarƙashin ikon ki har kike tunanin fita daga cikin gidansa" Salma ta ce cikeda damuwa"wai to Ameesha mene ne abinda zan yi kusan 5yrs muke tare dashi kuma Alhamdulillah na samu abinda na samu wajensa dan Imad bashida rowa ko kaɗan ni gaskiya bazan taɓa iya cutarda shiba lemme tell you" dariya Ameesha ta yi ta ce"da ni nace miki ki cutar dashi ne?, ko kuwa kina ganin zaki iya cutar dashi ɗin ne?, ai daman ba shine target ɗinmu ba ya kamata ace kina saurin fahimta Salma" da mamaki Salma ta ce"bangane abinda kike nufi ba, waye target ɗin toh?" murmushi kawai