You Cannot Download this book untill you login but you can read it .

---

Login Register

Ga mamakina sainaga yazube
gabana gwaiwa biyu biyu yanacewa, "Sadiya dan
Allah na rokeki ki yafemin kidawo aurena wallahi
ke kadai nakeso,kanki nasoma sanin wacece
mace, dake kadai nake samun nutsuwa, Sadiya
ki amince kiyimin takaba."
"Takaba kuma?"
"Inna nufin kikoma gidan har inmutu kiyimin
takaba."
Na tabe baki,"ga Mujidat can zatayimaka takaba
ni bazan iya zama dakaiba," nasake juya baya,
sainaji muryar Khausar, "Dan Allah Mama dan
girman Allah mamanmu," nace nifa bazan koma
wani sabon gidankaba bare aurenka inkamanta
abindakayimin to ni banmantaba, yamike, "ke
wace irin zuciya gareki bayan na kaskantar da
kaina na rusuna a gareki akan kiyafe kidawo
kince a'a to bari kiji dole nema ki Koma gidan,"
nace, "bazan komaba" Yace, "to ai nanma gidan
ubanane,meye banbancinsa da nawa?" Na
kalleshi cikin bacin rai, "dadin abin nima ubana
yanda gidan, kuma zankoma yanzunnan."
Nasoma hada kayana, da sauri yafito yana
fadawa baba Hauwa wainace zantafi gidan
banana, sai gata tashigo, "haba Sadiya, me yayi
zafi haka,"
"Gorin gida yayimin, dan haka zan tafi gidan
ubana,"
"inkinyi haka kuwa iya bazataji dadiba," nasoma
kuka to Baba Hauwa duk yatakuramin, ina
ruwansa dani? gara intafi abuna." Tace, "ba inda
zakije, kuma yanzunnan zamu tare a sabon
gidan idan na isa dake, inkuma taurin kan zaki
nunamin ina yabinki to bisimilla."
Shiru nayi dan babu abinda natsana a duniya
irin babban yaga na raina shi, banson ayimin
shaidar rashin kunya, inna kuka riris Muka shiga
Mota zuwa gidan da yaya ya ginamana.
Sam barka,gaskiya gidan ya tsaru. Abin mamaki
can Muka samu makotanmu sunje kallon gidan,
inna zaton Yayane yasa Habu yasanar musu
zamu tashi. Anzuba komai sabo, tafkeken falo
da dakuna hudu, nawa dana Iya dana yara,sai
na baki. Can gefe ga wani gini, dana tanbayi
Habu sai yacemin na megidanne in yazo hutu,
"muje kigani." Nace bazaniba. yara kuwa sai
murna suke suna tsalle ga kayan wasansu nan
kala-kala. Bayan kowa ya watse na daga waya
nakiraki Aunty Abida inna gayamata yanda
mukayi, tace zatazo, A'isha ma haka.
Inna kitchen dinmu mai dauke da kayan girkin
zamani, inna yiwa yara abincin tafiya
makaranta, dayake da safene, zani na daura
akan rigar baccina,Sai hula akaina, sai naji
maganar Yaya a bayana.
"My choice, me kikeyine.? Nadafe kaina cikin
takaici,na kalli jikina, yaci ace da hijabi a jikina,
sabida kirjina yafito, dayake rigar tana da katon
wuya, nace, " Lafiya?"
Yace, "lafiyalau, nazo ingaishekine "
Nace, "nagode, jeka."
Ya iso daf dani, "kintashi lafiya?"
"Don girman zati kafita, mufa musulmine, bai
dace kazo inda nake cikin kowane yanayiba."
Yace, "Ok! Hakane, sai anjima,amma
ataimakamin da abin kari." Sabida yafita nace, "
toh."
Banyimasa abin karinba,ina sallamar yara
nakoma na kwanta. Baba Hauwa tashigo gurin
sha daya ta tasheni.
"Kin karyane Halimatussa'adiyya?"
Nace, "a'a"
Ku ziyarci blog dinmu domin karanta Littatafai
masu nishadantarwa
Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?_e_pi_=7%2CPAGE_
ID10%2C737012347
Alhajima yana ta shigowa, wai kin hadamai abin
kari. Nace, "bazan hadaba Baba Hauwa, ni
matarsace?"
Tace, "amma Kanwarsace ko?"
"Eh, amma banason wata alaka ta hadamu."
"Aiko da alaka ta hada, 'Yaya hudufa, don haka
kibar batunnan,abin karidai nayimasa, shine ma
ya kunna kayan girkin."
Nace, "ni bamanajin yunwa, sai anjima zanci na
rana gaba daya."
Tace, "to shikenan, Allah yakaimu."
Can saiga Aunty Abida wajen karfe daya muna
kitchen muna girki. Gaskiya tayi santin gidan,
muna cikin hira sai mukaji sallamar A'isha, nan
muka yini muna hira, dan ko dakko yara a
makaranta Baba Hauwa ce ta dakkosu.
Aisha tace, "Kyan gidannan kunmaida aurenku."
Na daka mata duka a baya, "aniyarki tabiki."
Abida tace nidai ba ankimuba, mene aibun
mijina? Kin gwammace mai mata biyu da yara."
Nace, "Haka nake sonshi."
A'isha tace, "kikoma gidan mijinki Hajiyar Allah
Ku rungumi yaranku."
Nace, "Zanje in haifi wasu a can." Tace,
"shikenan."
Sun yini har dare sannan suka tafi,nakira Alhaji
a waya nace mai muntashi har yakemin korafin
Cewa bandaukeshi da muhimmancibane sai
bayan muntashi sannan nafadamai? Nace masa,
"tashinne yazomana cikin bazata, Yayane ya
uzzura."
Yadanyi dif, sannan yace, "nifa duk lokacin da
kikace Yaya dinnan sai gabana ya fadi gani
nakeyi kamar har yanzu kinasonsa ."
Nace, "dan Allah adaina maida hannun agogo
baya, ni bazan Koma gidansaba."
Yace, "to zaibari inshigomasa gida?"
Nace, "tinda yakawoni dole inshigo dakai."
Yace, "a'a, bazan shiga gidansaba, in nazo kya
fito. Ina kikacema gidan Yake?"
"Nan unguwar mu'azune,Amma sabon gurine."
Yace, "to zamuyi waya, anjima zanzo."
Nace, "Allah yakawoka."
Washegari yashirya zaitafi Abuja inna kwance
kan gadona na saki A.C inna Karanta wani littafi
maisuna Yayana safara na Asma'u Lamido
sainaji sallama,kafin na amsa har yashigo, naja
hijabi na rufe jikina, fuskata a hade na dubeshi.
Dan murmushi naga yanayi, sannan yace,
"menene Bako ake rufe-rufe?" Cikin zolaya yayi
maganar.
Nace, "aidai haramunne ka kalleni cikin wannan
yanayin."
Yace, "to nidai zantafi." Nacigaba da
karatuna,kudi ya ajiye a gefena, bankalleshiba
ballantana kudin, har yakai bakin kofa sai yajuyo
yace.
Karkijawa wani kato duka dan nacewa 'yansanda
dake gadi su daki duk wanda yashigo gidan.
Tsaki naja tare da cewa, "Dadin abin nasa gidan
yafi Wannan." Bai tankaba yafita yabani ina ta
fada.
Kamar ance ya wai waya, Aliyu yaga Mujidat
cikin mota tare da wani Mutum,kasancewar bata
ganshiba, sai kurum yabi bayansu,dayake mota
ukuce tsakaninsu, amma yaga Hotel din da suka
shiga, shima yabisu, ga alama ba lokacin zasu
kama dakinba,sun kama tuni, don baigansu nan
gurin karbar bakina.(Reception)
Yashiga kai tsaye yanuna katin shaidarsa ta
zama Dansanda, sannan yayi tanbaya game da
dakin da suka kama, yayimusu kwatance da
motar da yagansu, har dakin aka kaishi, ya
kwankwasa shiru, sai ya murda kofar, baizaci
zata budeba,amma sai ta bude.Irin kamun
dayayimusu ya kazanta,domin haihuwar uwarsu
suke, sannan maimakon saduwa irin ta mace da
namiji, sai yakamasu yana saduwa da ita ta
dubura,wato luwadi.
Wa'iyazubillah! Allah yayimana tsari da mugunji
da mugun gani, Ameen.
Salati Aliyu yasaka,Mujidat tayi wuki-wuki,Alhajin
yasoma yiwa Aliyu fadan meyasa yashigo?
Mujidat tace mijinane, juyawa yayi batare
dayace kalaba.
Ni naga yasake dawowa washegari da Abdul da
kaya niki-niki,ko kallonshi banyiba,Baba Hauwa
itace ta tare shi,itacema ta bawa Abdul
abinci,nabar falon nakoma dakina, sai gashi
cikin raunanniyar murya yace,"Sadiya inna
maikara nemana afuwarki, jiya naga abin
dayaban tsoro bayan komawata daganan, wai
ashe har yanzu Mujidat tana bin maza, dumu-
dumu na kamata da aurena akanta wani kato
yana luwadi da ita."
Na kalleshi cikin zaro ido,ban tankaba yacigaba.
"Don Allah ga Abdul nan na rikeki kisakashi cikin
'ya'yanki, kodadai yazone ba tahanyar data
daceba jinine, nasani bashi da gadona amma
baidace inbarshi ya wulakantaba,donshi ba
ruwanshi." Ya aje kudi a gefena.
"Kisashi makarntar Isalamiyya da Boko wadda
'yan uwanshi keyi, nasan zaki iya."
Duk bantakamasaba, har sai dayace "zakuyi
kwanaki baku ganniba akwai aikine a hannu na
kila ya daukeni lokaci, kiyimin addu'a."
Na tabe baki, "Allah ya tare ."
Yace, "nagode."
Haka kuwa cikin kwnaki uku Abdul yasoma bin
'yan uwanshi makaranta.
Aliyu wani course yaje na wata biyu
India,Yasamu Wannan damarne daga gwamnati
me ci a yanzu,yasan sunyi hakane Don ayi zabe
baya nan,tinda yanuna baya goyon bayansu suyi
yanda suke so, shikuwa ya karbi wannan dama
da zuciya daya, dankuwa ba kowane
dansandane ke samun wannan damar ba.
Ku ziyarci blog dinmu domin karanta Littatafai
masu nishadantarwa
Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?_e_pi_=7%2CPAGE_
ID10%2C737012347
Su Iya sun dawo, muna ta murna,kullum
gidanmu sai yacika da Iyalai da abokan arziki,
anata rabon tsaraba, abakinta nakejin inda Yaya
Yake.
Baba Hauwa daki daya muke kullum sai tayimin
zancen Yaya tayi ta kwarzantashi tana bani
shawara har abin ya isheni nagudu dakin yara,
suma suka isheni da tanbayar ina Abbansu,
nace bansaniba kuma kada wanda yasake
tanbayata. Iyace kurum ke goyon bayan aurena
da Alhaji, ni dama tsarabar zannuwan gado
yayomin sai Jallabiyya.
Kwanci tashi saiga Yayay kamar daga sama,duk
dacewa natsaneshi bankasa ganin kyawun
dayakaraba, har da dan haske, a raina nace
anje course ko anje Hutu?......zandakata anan,
Ku ziyarci blog dinmu domin karanta Littatafai
masu nishadantarwa
Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?_e_pi_=7%2CPAGE_
ID10%2C737012347


Zaharaddeen Shomar
Whatsapp 08168575100


Darajar Yayana4-05
Posted by ANaM Dorayi on 02:28 PM, 20-Apr-16
Under: DARAJAR 'YA'YANA
__________________NA
___________HALIMA K/MASHI
Assalamu'alaikum, kuyimin afuwar shiru da
kukajini, hakan yafarune sakamakon tsaiko dana
samu sabida wasu dalilai,saidai yanzu nayi
yunkurin kawomuku Babi na karshe fatan kuna
tare dani, inna kuma fatan kuna sane da inda
muka kwana...
Tsarabar daya kawo dan gulma harda ni,banki
karbaba, Pakistan yakawomin kala shida masu
kyau sosai, zanyi gayuna a gidan Alhajina, ga
turaruka masu tsada. Yara kam ba'a magana
harda yaran Usman.
Ba'ayi wataba sai karin girma zuwa matakin
kwamishina 'yansanda na jihar Kaduna, anyi biki
tare da duk wani abu dayakamata,. Tuni yatare
a gidan kwamishinan yansanda dake kaduna. Sai
naga antilomana wasu yansanda wai masu
tsaron lafiyarmu.
Tinda Yasamu wannan matsayin saikuma
ganinshi yayi wuya,baya zuwa gida ya kwana
kamar da, sai da daddare jefi-jefi yazo yagaida
iya yatafi. Hidima kuwa baifasaba, saima karawa
da yayi. 'Ya'yansa yana aikowa a daukesu ranar
da babu makaranta su yini can, ko zama yakeyi
dasu, komenene bantaba tanbayarsuba.
Daidai wannan lokacin na yaye Sadiq, kuma
muka tsaida lokacin aurenmu. A lissafi yau saura
kwana ashirin da takwas,inna ta shiryeshiryen
gyara jikina da duk wani abu nasha wanda zan
rike mijina,dan kuwa Aunty Abida zugani kawai
takeyi indage innada kishiyoyi,cikin dan lokacin
ni dakaina nasan nayi zam-zam.
Ku ziyarci blog dinmu domin karanta Littatafai
masu nishadantarwa
Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?_e_pi_=7%2CPAGE_
ID10%2C737012347
Direban dake zuwa daukan yara yakaisu gun
Babansu nagani tsaye nadawo daga makaranta
yace, "Madam ance in kaiki Gida."
Nace, "Inji wa?"
Yace, "inji mai gida,"
Tsaki naja nace, "bazanjeba."
Kasancewar layin shiru sai tsoro yakamani, yace,
"Kishiga kawai da arziki Madam, sabida kalli
can." Yanunamin Karshen titin, motar
'yansandace. Yacigaba dacewa.
"Zasu daukeki da tsiya."
Nace, "ai da kukuke kaini gidan?"
Yace, "Umarni akabamu daga yau, shiga muje
kawai."
Nace, "Innakifa?"
"Hakuri zakiyi ranki ya dade,sabida kare
lafiyarkine." Nace, "Allah ke Kare lafiya ta."
Yace, "To kitemakeni kar inrasa aikina." Cikin
muryar tausayi yayi maganar.
Nace, "zanshigane don aikin naka,amma badan
isar wanda yaturokaba. Yace, " Nagode ranki ya
dade."
Tinda muka hau titi 'yansandannan suka
dafemana baya, haushi duk ya isheni. Munyi
tafiya me tsayi kafin na fahimci cewa ba a
hanyar gidanmu muke tafiyaba, Nace, "ina zaka
kaini?"
"Gida mana."
Daidai lokacin naga munsha wani round about,
kafin nasake magana muka shiga wani layi muka
hari wani babban gate, Nace, "Mallam ina zaka
kainine?" Yansanda dake kofar gidan suka bude
muka shiga.
Gidan yanada dogayen bishiyoyi, dankuwa
girman gidan bazan iya musaltashiba,inna cikin
motar naki fitowa, wayata tasoma ringing,
Bansan lambarba, na daga, muryar Yaya naji
yanacewa.
"Karki zubar da kimata kishigo magana zamuyi
kitafi abinki."
Ban musaba nabi bayan direban kamar yanda
ya bukata. Cikin wani kayataccen falo nasameshi
Zaune kan kujera daya daga kujerun falon na
Alfarma, Laptop ce a kan wani tebur a gabanshi
yana latse latse.jikinshi sanye da wata shadda
ruwan kasa wadda haske da kyanta suka tona
asirin tsadarta,kamshinsa na yau da kullum
yacika gurin.
Batare da yadubeniba yanunamin kujera da
hannunsa Yace min cikin harshen turanci,
"Zauna." Ba musu na zauna, saidai raina a bace
Yake, Jira nake yayi magana insoma zubar da
bala'i.
Yanata danne dannenshi, na dubi agogon dake
falon nace, " Gaskiya innada abinyi, innason
intafi."
Ya dago ya dubeni kibani minti uku kacal in
kammala muhimmin aikina."
Naja tsaki tare da kauda kai. Wayata tayi
ringing, nadauka A'isha ce,nace, "ya akayi?"
Tace, "ga Humra ankawo me kyau," nace, "cikon
nawa zanbada?" Tace, "dubu ukune, namabada,
dama gudun mowar dazanbakine."
Nace, "a'a A'isha zanbaki kudinki, nasanfa
yanayin garin."
Tace, "Kin raina kenan?"
Nayi 'yar dariya, "wallahi ni banrainaba Nagode
Allah yabar zumunci, zanfadawa Alhaji
kokarinki." Mukasa dariya.
Tace, "kina inane?"
"Oho! Ni banmasan inda nakeba, kibari
innakoma gidazamuyi zancen."
Na kalli agogo, minti ukun tacika, yature na'ura
me kwakwalwar dake gabansa yamike a hankali
yazago gefen danake, kafafunsa babu takalmi.
Yazauna a kujerar dake daf dani ya karkato.
"Sadiya!" Yakira sunana cikin lallausar muryarsa,
nasake tsuke fuska, yacigaba.
"Sadiya meyasa kika zabi ki auri wanina? Bayan
nasan cewa ni kikeso"
Da sauri nace , "a daba, lokacin da bansan inda
kemin ciwoba,amma yanzu gaskiya bana wani
sonka."
Yayi dariyar yake, "nasan kinfadane amma in
gaskene ki kalli cikin Idona kice bakyasona."
Cike da rashin kunya na kalli idonshi, "Aliyu
bana sonka, bana kaunar......"
Yadagamin hannu tare da rintse ido , " naji
nayarda bakyasona,amma kiduba wasu
abubuwa. Nafarko, 'ya'yan dake tsakaninmu,
kinfiso kije ki kula da nawasu kibar naki? Bansan
wace mata zan auroba, ke nifa tinda Mujudat ta
wahakar da yarana na janye batun aure indai
bakebace."
Nace, "wannna ra'aynka kenan, ni nawa ra'ayin
na auri wanda yasan kimata da darajata, wanda
zaimin adalci akan komai."
Yace, "Sadiya dan Allah kitaimakamini, wallahi
inna sonki, haka zaki tafi gurin wani kibarni?
Kinsandai yanayina kullum cikin Azumi nake,
sabida tsoron fadawa barna."
Nace, Aliyu kayi hakuri, kanemi wata, gaskiya
bana sonka,tini kagama fita daga raina."
Namike.
Sai kawai naga yazube gwiwoyinshi a kasa,
"Sadiya kitaimakeni bandamu cewa kowa
yaganni a gaban ki a hakaba, indai zaki amince.
Sadiya inkincire soyayyar Allah da manzonsa, sai
mahaifiyata kece kike bayanta, don Allah
kitaimakeni kisake bani dama, zanrikeki da kyau,
namiki alkawarin zanzama tamkar bawanki."
Nace, " kai bame cika alkawaribane, akwai
alkawurra dakayimin tun a baya wadanda baka
cikaba, nifa gaskiya banajin zan kara rayuwa irin
ta aure da kai, muyi zumunci kawai na 'yan
uwantaka."
Sainaga kwalla tasoma sakkowa daga idanunshi,
ya mike tare da juyamin baya, "
Matsayina,mukamina da Shekaruna duk na
karyardasu na durkusa miki, amma kin kunyatar
dasu."
Nace, "Kaine kaja."
Ya isa kan tebur yaciro tissue ya goge
hawayenshi, yadaga waya yakira direban, ya
dubeshi, "kaita gida." Na mike na fuce, sam
banji tausayinsaba ko kadan a cikin raina.
Ku ziyarci blog dinmu domin karanta Littatafai
masu nishadantarwa
Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?_e_pi_=7%2CPAGE_
ID10%2C737012347
Shi kuwa sintiri ya dinga yi cikin falon cikin
tsananin damuwa, duk yanda yazaci zaisha kan
Sadiya abin yaci tira, saidai bayajin zai iya
hakura da ita. Zumbur ya mike yayi hanyar fita
yakira direbansa, yasa takalmi da Hula ya debi
kudi ya zuba s cikin aljihu yafita.
Zari'a yanufa, yaci sa'ar samun Baba a gida.
Suka gaisa, Baba yayi ta murna da zuwan Aliyu,
'yan uwansa sukazo suna kara yimasa godiya
game da aikin hajjin da sukayo, Aliyu yace
bakomai. Yakalli Baba yace "Baba dama nazone
in nemi wata alfarma a gurinka."
Yace, "Kamar mefa?"
Yace, "Innson in maida Sadiya mu rike yaranmu,
nabi ta iya, yarinyar kuwa har durkusawa nayi a
gabanta amma taki."
Ya karonto masa irin azabar da yaran sukasha a
hannun Mujidat, da matsalolin da suka shiga
sakamakon rashin kasancewarsu tsakanin uwa
da Uba, har yanda Mujidat ta shiga harkar
banza da irin kamun da yayi mata, yakara da
cewa, " nayi mata saki biyu, don na tanbayi
malamai sunce yin uku babu kyau."
Baba yace, "dama kanason maidata kayi shiru
aka karbi batun wani? Amma kabari InshaAllahu
dakai za'ayi domin dama ni mutuminnan bai
kwantamin a raiba, saboda bai taba zuwa
yagaisheniba, tinda yaturo wakilabsa, bawai inna
neman wani abun hannunsa bane, amma mai
son auren yarka yakamata yakawo kansa
gurinka ku gaisa, kodon haduwa a hanya.
Karkadamu kakoma zanzo gidan gobe."
Aliyu yacikasu da kudi yatafi zuciya fal murna.
Nikam inna ta shirina, iyace kurum me tayani,
amma Khausar ko zancen bataso.
Washegari Lahadice, inna kwance daki yara suna
hadda, najiyo muryar Baba cikin Falo, sama
sama yake magana, nafito da sauri nashigo
falon, daidai lokacin dayake cewa.
"Don ni indai ni na haifi Sadiya to takoma gidan
mijinta shine albarkata, ta rike yaranta, ai
banzaci yana ta bintaba da yaushe zan amshi
batun wani, wanda ma ban isa yazo
yagaidaniba, matsayin mahaifinta."
Cikin sauri na zube gabanshi, "Baba wallahi
dama gobe zamuje yagaidaka."
Iya tace, "nima zanfiso suna tare da 'yan
yaransu, amma Aliyu yasaki damarsa tin farko,
don haka ni duk abinda Sadiya takeso nima
innasonshi,"
Na mike nakara kusanto Baba, "don Allah Baba
ka taimaka."
Yace, "inni na haifeki to kikoma kirike yaranki."
Ya mike.
"Ranar da akasa ta auranki babu fashi, amma
da Aliyu za'a daura."
Na kalli Iya, "kinfayi rantsuwa akan bazan
komaba."
Iya tace, "Mahaifinki ya nuna ikonshi natsaya
inyi ta jayayya? In takasance yanda yakeso zanyi
azumin kaffara guda uku."
Fuuu! Nayi daki,wato iya madai danta takeso
baniba. Nakira Aunty Abida a waya inna kuka na
fadamata, nace yanzu anyimin adalci kenan?
Tace, "Eh!, wannan shine adalcin, ki zauna ki
rike yaranki shine daidai, kiyi hakuri da rayuwa
duk inda kikaje shine jagoran zama ballanatana
tsakanin kishiyoyi ." itama na kashe waya kafin
takarasa abindatake cewa. Bankira Ayshaba dan
nasan ita yar partyn Aliyu ce.
Na kira Alhaji inna fadamasa cewa Aliyu yaje ya
zuga Babana bansan me yafada masaba. Sai
kawai mukaga yazo wai inkoma gidana.yayi shiru
yanaji har nagama,bayan kusan minti biyu
sannan yace, "Shikenan Allah yasa haka shine
mafi alkahairi." Nasaka sabon kuka , "Haka
zakace kaima? Dama ba sona kakeba?"
Yace, "Inna sonki mana, ammafa ni ba yaro
bane da zan tsaya inna jayayya, sannana tini
jikina ke bani gidanki zaki koma, Allah yasa haka
shine mafi alkhairi."
Ku ziyarci blog dinmu domin karanta Littatafai
masu nishadantarwa
Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?_e_pi_=7%2CPAGE_
ID10%2C737012347
Ranar yini nayi kuka har yara suka dawo,
Khausar da Al'amin suka tsareni da tanbaya ,
haushinshi yasani jin haushinsu suma, nace, "Ku
fita ko inyu muku dukan tsiya," suka fita sukaje
suna tanbayar Iya.
Iya tace, "wai dan kakanku na Zariya yazo yace
takoma gidan Babanku." Sai iya taga yara sun
soma murna, Khausar me wayon tsiya sai ta
saci wayar iya ta nufi dakinsu ta kira layin
Babansu, Cikin murna tace, "Abba innayimaka
murna, ashe Momy zata dawo gidan ka?"
Yace, "Eh, Babyna. Ina Maman naku yanzu?"
Tace, "gatacan daki tana kuka,dan Allah kada ka
karayimata abinda zaisa kuyi rigima."
Yace, " To Khausar zan kiyaye, kije ki lallasheta,"
Tace, "To." Tana aje wayar yayi murmushi,
yarinya yar shekara tara da rabi wayonta kamar
na manya.
Yashigo, "Momy inji Abba wai yana gaisheki,yace
kiyi hakuri kidena kuka."Tsawa na dakamata ta
tashi, ga mamakina sai naga tana dariya.
Cikin dare naga sakonsa, wai: Saura sati uku ko?
Nakosa inrike lallausan hannunki, My choice ya
kike ganin darenmu na farko zai kasance? Inna
jiran amsa.
Tsaki naja na goge sakon.
Shida na safe naki tashi infita,sabida inna fishi
da kowa na gidan, wayata tasoma ruru na duba,
koda banyi saving number shiba nasan yayane,
don haka naki dagawa. Kiranshi goma inna
lissafawa, sannana sako yashigo.
My choice kiyimin addu'a zantafi wani daji
dakaina zan jagoranci yarana don cafke wasu
barayin dana gano suna tare da tsohon
kwamishinan da aka canza daga Kaduna.
Nafadamikine ba dan wani abuba sai dan kila
bazan dawo ba, nafitane a bakin raina.
Shiru nayi, dan kalaman sun tsirka zuciyata
kadan, amma duk da haka sai na tabe baki na
ture wayar.
Ku ziyarci blog dinmu domin karanta Littatafai
masu nishadantarwa
Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?_e_pi_=7%2CPAGE_
ID10%2C737012347
Tamkar almara karfe goman dare na jiyo muryar
Usman a dakin iya, can sai naji tana salati na
fito ina tambayarta lafiya? Tace, "Aliyu ne wai
yan fashi sukai masa harbi uku, amma dai anyi
nasarar kama wasu, sannan aka harbe wasu."
Take zan tukan da ya turo min dazu da safe
suka fado min, na zauna kan kujera nace, "Iya
yanzu yana ina?" Usman yace, "an tafi dashi
Abuja babban asibiti."
Kai gaskiya hankalina yayi mutukar tashi, cikin
daren nayi ta kuka amma bazance ga dalilin
kukanaba.
Washe gari su Usman da sauran yayyanmu su
yaya Sulaiman suka kwana acan sannan suka
dawo, sunce an cire masa harsashin amma ba'a
bari ma anganshiba saboda tsaro. bance
zanjeba amma zuciyata tana can. Satin shi daya
iya ta matsa zataje ta dubo shi, ya samu sauki
sosai sannan hankalin iya ya kwanta.
Data dawo nace, "ya jikin?"
Tace "da sauki,ana dai bashi kulawa ne."
Nace, "masha Allah."
Ban ko kirashi ta waya ince ya jiki ba harya
dawo gida, satinshi biyu da kwana biyu wanda
ya rage saura kwana biyar aurenmu, nan gidan
aka kawo shi can shashinshi. Su Baba Hauwa
sunzo duba shi shine yake bata labarin ban taba
ce masa ya jiki ba, tazo tana yi min fada. Su
Abinda da Aisha kuwa gaba suka dauka dani. Iya
dai bata taba ce min inje ba niko zuciyata ta
kekashene ina saran zaice ya fasa tunda na
nuna masa kiyayya karara.
Washe garine ya tako zuwa ban garen mu ina
zaune a falo ina kallon T.V ya shigo, yadan rame
kuma yayi haske, yace, "ina kwana?" Na kalle
shi cikin jin kunya nace, "lafiya, ya jiki?" Yace,
"au ashe kinji, koda yake nasan kinso ace na
mutu ko?"
Nace, "duk wanda lokacinsa ya yi babu kari,
harni din." Bai sake magana ba ya shige wajen
iya, ina jiyo muryar ta tana cewa na zaci za'a
daga bikinne,shi kuma ya ce a'a jiya su Yaya
Sulaiman sunje Zaria sunyi magana da Baba,
sunkai sadaki ya ce yau zaizo gurinki
Tace, "to Allah yasa albarka," wani abin haushi
wai ashe ya ba Usman sun hado min setin
akwatuna cike da kaya masu tsada harda yara
duka, nidai ina ta kallon ikon Allah za'a yimin
auren dole.
Ku ziyarci blog dinmu domin karanta Littatafai
masu nishadantarwa
Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?_e_pi_=7%2CPAGE_
ID10%2C737012347
Ranar daurin aure kuwa kwanciya nayi abina,
gida cike da dangi, su A'isha suna tamin tsiya
wai inaso ina kaiwa kasuwa, jin haka naki
wanka, sai dare nayi wanka dan naji iska. Ina
sallar isha'i sai gasu Baba Hauwa tace, wai na
fito a kaini gidan mijina, sai da nai kuka mai
isata sannan na fita, wai inje gurin iya taimin
fada, "nace ba zuwan da zanyi, ni yanzu meye
ban sani ba sai kace wata yarinya? bayan itama
Iyan ta daina sona." Ashe Iya tana jina sai
kurum tace, "ni dai da kike fishi dani Allah ya
bada sa'a, fadan ku da Aliyu ba'a shiga kwanan
nan za'a jiku shuru." Haushi ya sake kama ni na
saka sabon kuka, dan wulakancin sai aka samin
dariya.
Gidan shi aka kaini, dakina yayi kyau mutuka,
sai dai ba kayan gadon dana zaba bane
wadannan sunfi su kyau da tsada. Sha biyu ya
shigo dakin, cikin fushi nace, "indai kana wa
girman Allah ka fita in kuma nizan fita to in
fita." Sai yace, "Asuba ta gari."
Tin daga ranar bai sake shigowa daki naba,
kullum shine yake min magana amma bana
kulashi. Ya siyo wannan ya siyo wan can inya fita
zai kirani yafi sau biyar naki dagawa.
Satina biyu ya debo yara, niko yaranma Sadiq
kurum nake kulawa kuma yaki zama shi sai
gurin Iya, nace a sauka lafiya, itama Iyan ta
sami dan tayin hira tunda ita daya ce, danma
da masu aik.
Ranar wata Alhamis ina xaune bayan isha kusan
tara saura Khausar ta shigo, "momy kizo inji
Abbammu yana dakinsa," nadanyi shuru nasan
ya hada da Khausar ne dan yasha kirana kullum
dare ta waya inki zuwa, ta zauna bakin gado,
"Momy yace kije fa," ta katse min tunani, nace,
"ke karki dame ni, kije zanje," data fita taga
shuru ban fito ba sai ta shigo da takardunta
tahau tsakiyar gado na wai zatayi home work,
nace in gani in tai maka miki tace, "a'a kije Abba
na kiranki ko kinje?" Dole tasa na mike, acikin
dakunan bansan wannene dakinsa ba sai da
Abdul ya fito nace inane dakin Abba? ya nuna
min nace meya fito dakai yace ina neman yaya
Khausar ne bata yimin Home Work ba, nace ka
shiga dakina. Na murda kofar dakin ta bude na
shiga yana sanye da jallabiya mai gajeran hannu
kamshi da sanyin A.C suka buge ni na ji sanyi
yana ratsani sabida yanayin sanyinne ake ciki
nace "lafiya?" Yace, "Shigo mana ciki," Na shiga
tare da maida kofa na rufe, ya tako ya kama
hannuna ya zaunar dani a bakin gado shima ya
zauna ya lalubo hannuna ya matse cikin nasa ya
sauke wata irin ajiyar zuciya, na kalli fuskarshi
idon shi a lumshe, Yaya mutum ne da yayi dai
dai da kowanne zamani yana da kyau abin son
kowacce mace amma ni sam bana jin sonsa a
zuciyata, ya bude ya kalli cikin ida nuna, "nasan
kin tsaneni koh?" Nima na cigaba da kallon cikin
idanunshi, wata siririyar kwalla ce naga ta taru a
cikin idanunsa yace, "duk da haka ina neman
alfarma ki bani hakkina,wallahi ina cikin wani
hali sai dai bazan matsa mikiba, babu matsala
in kinga cewar da takura kije abinki karki damu
kiyi baccinki," nayi shiru ban motsaba, ya cire
hijabin jikina, rigar baccina ta bayyana, Sky blue
ce mai santsi, ya soma shafa min gashin kaina
hawaye suka soma zubo min, bansan ko na
menene ba,sai na tsinci labbansa saman nawa,
jikinsa kuwa bari yake sai kace tsohon daya
dauki budurwa, ni kaina ban san ina muradi ba
saida abubuwa sukai nisa. ranar dai mun kwana
muna aikin lada cikin wata duniya da masu
auren sunna ne kurum suka santa.
Wannan karon yaya bai dauki al'amarina da
wasaba, ji yake dani kamar yar yaye Ko laifi
nayi baya yi min fada, inna ce ina son abu baya
ja ko aiki da nake nace zan daina yace a'a in
kina son dai nawa na daina jayayya dake, nace
to zan daina dan dan nasan bakaso, yace
nagode.
Haka nan tun ina dari dari da shi na saki jikina
da shi nima ina nuna masa kulawa, zamammu
yafi na farkon aurenmu, 'ya'yanmu sun
warware, damuwarsu ta yaye, sun ganmu a tare
cikin aminci sun zama cikin farin ciki da walwala
karkashin kulawarmu.
Wurin shi na sami labarin Mujidat ba lafiya tana
asibiti wai bata rike kashi da fitsari, yace, "kinga
illar zina da Luwadi ko?" Nace, "Allah ya bata
lafiya," yace, "yanda nake samin labari gwara
mutuwarta da rayuwarta, Allah yasa mufi karfin
zuciyarmu." Nace, "ameen ya rabbi........"
Ku ziyarci blog dinmu domin karanta Littatafai
masu nishadantarwa
Anamdorayi.mywapblog.com
Kokuma ku kasance taredamu a facebook
https://mbasic.facebook.com/HAUSA-
Novels-389304544597988/?_e_pi_=7%2CPAGE_
ID10%2C737012347
Tammat bi hamdullahi taku Halima Abdullahi k/
mashi kecewa kusaurari littafinta na gaba,
SAUYIN RAYUWA........
Alhamdulillah yaudai cikin ikon Allah gamu
mumkawo karshen wannan labarin da muka dau
tsahon lokaci muna yi, fatan zamu anfani da
dukkanin anfanin da yake ciki sannna mu kiyayi
kusakuran cikinsa. Inna neman afuwarku idan
na sabawa daidaikunku kokuma jamhuri.
Nagode sai kunji daga gareni.

Zaharaddeen Shomar
Whatsapp 08168575100An dauko wannan littafi daga shafin www.dlhausanovels.com.ng ku ziyarci shafin na www.dlhausanovels.com.ng domin samun kayatattun littatafan hausa kama daga kan na yake yake dana soyayya

Marubuci ko marubuciya zasu iya turo mana da littatafansu mu dora masu a shafinmu kyauta don masoyansu su rika Downloading a online,

Sannan marubuta zasu iya turo mana da tarihin rahuwarsu da tarihin rubutunsu, dama sharhin littatafansu don masoyansu su gani kuma su karu da hakan
Domin turo mana da littafi ko tarihin rayuwar marubuci ko marubuciya sai ayi mana magana ta whatssap da wannan nambar +2348140419490

A lura dakyau - kyauta muke saka littafi a shafinmu bama amsan ko sisin marubuci, duk wanda ya amshi kudinku da sunanmu babu ruwanmu,

Alura dakyau - manazarta bama tura littafi ta private ku dena binmu private kuna neman mu tura maku littafi, duk mai bukatar littafi yaje website namu

Alura da kyau - Littatfanmu suna fitowa cikin manhajoji uku ne PDF,TXT da DOC amman munfi amfani da PDF da TXT masu amfani da wayar android ko tablet ko computer zai fi kyau ku riga dauko PDF da DOC

Masu amfani da kananan wayoyi java ko mara java TXT zakuna zaba don shine daidai wayarku


This hausa novel was uploaded and downloaded from www.dlhausanovels.com.ng
You can download more hausa novels there
Also you can send us your novel to upload it in our website for your fans to download it online
It is free we do not charge for uploading novel
Also if you are an Author be it online or Non online you can send us your biography including your book summary,commentary and others via this number +2348140419490 its free we do not charge for our services

Note that - we do not charge for our services we uploaded novels and posted biography free, any person that collect your money in our name