You Cannot Download this book untill you login but you can read it .

---

Login Register

yake sanye cikin kotu (suit) sanye da gilashi fari a idanunsa. Yadda naga yana hararata ya tabbatar min da cewar ransa a ɓace yake da furuci na, dan haka na yi fari da ido na tare da turo baki na gaba ina kun-kuni. Kalmar sa ta very stupid ta tsaya min a zuciya tana sani jin wani nishad'i, duk a zato na kalmomin farin ciki ne. Mai gari ya gyara zama ya kalli manyan dake zaune dashi wato mai unguwa, liman da dai sauransu yace.

”Ku duba wannan zancen nasu, ya kuke ganin za'a yi. Shin mu yadda da umarnin gwamnati ko kuwa dai a barshi ba sai an yi ba tunda ba wai sabawa mukai da irin karatun ba?”

”Beri sutufid....!”

Na faɗa bayan mai gari ya kai maganar sa karshe.

Duk suka buɗe baki suna kallo na da tsantsar mamaki a fuskokin su. Ni kuwa ban gane ba na ci gaba da ƙirgar duwatsu ina sawa a cikin ramin da na yi ina kirgawa. Wani saurayi da yafi kowa kankanta a cikin bakin ya taso yazo gurina tare da kafe ni da ido yana yatsina fuska tamkar yaga kashi yace.

”Ashe baki da mutunci?”

”Aramma da na yi maka me?”

”Ohhh! Bama kisan abin da kikai cewa mai gari ba ko? Saboda baki da mutunci kinga saanininki a can gurin?”

Ya faɗa yana nuna da'irar da suke zaune, na gyada kai alamun a'a ban ga sa'ana ba.

”Toh ki sake magana a gurin nan ki gani, sai na turmushe wannan dogon hancin naki mai kama da yatsun kaza.”

Yana gama faɗa ya koma gurinsa, ya yin da yaran gurin suka saka dariya saboda tanka min hanci da ya yi, ni kuma na dinga shafa hancin nawa dan gano ko da gaske yake yi irin yatsun kaza ne. Haushi ya kamani da na gano cewa rashin mutunci kawai ya yi min. Daga cewa very stupid kawai zai tanka min halittar da Allah ya yi min. Na sake dubansa tsab daga sama har ƙasa naga shi sam bama shi da hancin har yake tanka nawa, haushi ta ishe ni na yi kwafa dan bani da abin cewa kuma. Can kuma ana ta kai ruwa rana tsakanin jami'an birni da namu na gargajiya sun kafe kan cewa ba za'a kawo musu wata makaranta ba indai ba ta addini ba, a ganin su zuwan boko zai sanya al'adun mu da tarbiyar mu zasu lalace. Da kyar da sidin goshi Allah yasa suka yarda suka amince.

Bayan bakin sun tafi mai gari yasa aka kirawo mutanan gari ya shaida musu duk abinda suka tattauna tare da sharaɗin cewa indai aka kammala gina makarantar, dole kowa zai kai ɗan sa ko ƴar sa dan a koyar da su karatu. Hmmm Ina daya daga cikin yaran da basu son makaranta, Baffa na ya kira ni ya yi ta lallashi amman fur na ce ba zan yi boko ba dan bazan je nasha wahala ba.

Ci kawai nake ina shaƙewa saboda rashin ruwan da zan kora dashi, gashi sai loma nake dan kara Gajiyalle ta shigo ta kwace. Sai da naci kusan rabi na ajiye ragowar ba dan na koshi ba, a'a tausayin Baffa naji dan nasan shi zai zo yaci shima ya kwanta. Na sake lallaɓawa na leko tsakar gidan naga babu kowa sannan ta yi wuf na shige inda nake kwana tare da jigawa jikina kayan wankin Gajiyalle ta yadda ba zata gane ina ciki ba. Kamar dama ɗan lokaci Allah ya aramin sai kuwa naji muryar ta a tsakar gida tana masifa ita kadai.

”Wato wannan shegiyar yarinyar ba zata dawo gidan nan ba ko? Daman ta saba zama a titi dan haka yau idan ta kwana a can ba wani abin tashin hankali bane, ja'ira kawai da fuskarta kamar kwallon kwakwa.”

Ni dai tun daga nan ban sake jin muryarta ba kasan cewar bacci mai nauyi da ya ɗauke ni. Kiran sallar farko naji an kwaro min ruwa mai wari da doyi a jikina, gashi sanyi karara dashi, na tashi a firgice ina neman hanyar fita.

”Ina zaki munafuka? Yau mai rabani dake a gidan nan sai Allah dan kuwa sai na yi miki jina-jina da fatar jikin ki.”

”Dan girman Allah Gajiyalle kiyi min rai, dan Allah karki doke ni wallahi na dena bazan sake yi miki gardama ba, kiyi hakuri.”

Wata irin bulalace da ko kaɗan bata karyewa da ita Gajiyalle take doka na duk sanda taso. Da yake ba mutunci da tausayi gare ta ba, haka ta zage ta dinga labtar min jiki kamar ta samu jaka. Baffa ya fito daga cikin ɗakin sa yana son ya kwace ni amman Gajiyalle ta haɗa dashi wajan dukan tamkar wasu ya'yanta. Sai da ta gaji dan kanta sannan ta rabu da mu. Baffa ya rungume ni a jikinsa yana shafar baya na, duk da bai yi magana ba a zahiri, baɗininsa a bace yake, gashi ba zai iya yi mata hukunci ba, shi kanshi wani lokacin shakkarta yake yi.

”Gobe ma na kuma saki aiki kiyi min rashin kunya, wallahi sai na dinga lallasaki a gidan nan marar kunya kawai. Kuma ki tashi kije ki debo ruwa dan ko na wanke fuska ba zaki samu ba a cikin gidan nan. Tashi nace ko nazo na sake zaneki a nan gurin.”

Baffa ya sake ni da sauri, ganin haka da nayi ne yasa ni kuma fashewa da kuka ina tuna mahaifiya ta. Nasan da tana raye ba zata bari ayi min wannan wulakancin ba, duk yadda za tayi sai ta sanya ni farin ciki, ba zata zuba min ruwan dauda mai wari ba bare har ta sanya bulala a jikina, uwa akwai daɗi duk lalacewar ta tasan muhimmancin abin da ta haifa. Na sosa cikin idona zuciya ta na sake tsagargarewa na kalli Baffa sannan na dakko mayafi na wani baki da kullum shine a jiki na tamkar na gado, na yi damara tare da nufar kofar gida. Sai da nayi kamar zan ɗauki abin dibar ruwa sai kawai na ruga da gudu na bar musu gidan.

”Bazan debo ruwan ba wallahi sai dai ayi kuli-kulin tara sisi dani, an mai dani jakar gidan ko? Toh sai dai a yanka ni aradu dan na dena wahala a gidan uba na, kiji ni da kyau Gajiyalle.”

Ina gama faɗa na tsaya a kofar gida, Baffa sai kira na yake amman nayi shiru dan idan na amsa mai dani zai yi ta doke ni ba iya cewa komai zai yi ba. Duk da cewa duhu ne garin masallacin kofar gidan liman ana ta assalatu da yake akwai farin wata sai ban wani ji tsoro ba, haka na fara tafiya ga sanyi saboda a jike nake iska na sake hurani naje na zauna a kofar gidan Aramma Auwalu, da yake akwai buhun-hunan taki a wajan. Zuciya ta ce take ta hasashen yadda zan yi na samu kuɗi yadda zan wulakanta Gajiyalle domin rashin su ne yasa ta mai dani tamkar wata bola abar zuba datti. Ina nan zaune har Aramma Auwalu ya fito ya wuce masallaci ba tare da na bari ya ganni ba, a gurin bacci ya kuma ɗauke ni duk da irin iskar da take shiga jiki na.

—
ZAFAFA BIYAR
NA KUDI NE:::

Duka BIYAR 5 zaku samesu akan garabasar naira 700 kacal,

Guda hudu 4 Kuma 500,

Guda uku 3 Kuma 450,

Guda biyu 2 Kuma 400,

Guda daya akan 300.

Ma'ana
Each one is 300
2 is 400
3 is 450
4 is 500
5 is 700

Zaku biya kudinku acikin wannan asusun namu na banki👇👇

ACCOUNT NO- *0812652655*
ACCOUNT NAME- *HAFSAT LAWAN GAMBO*
BANK NAME: *ACCESS BANK*

saiku turawa wannnan numban shedan biyanku(evidence of payment)👇👇

*+234 903 234 5899*

IDAN KUMA KATIN WAYANE KO VTU/TRANSFER ZAKU TURA TA WANNAN NUMBER TAREDA SHEDARKU👇👇

*09033181070*

Karku Bari ayi Babu ku domin wannnan salon na daban ne
SABUWAR SHEKARA
SABON SALO

TEAM#ZAFAFABIYAR🔥



*MISS XOXO*
[3/3, 9:24 PM] +234 903 234 5899: *ZAFAFA BIYAR (2021) NA KUDI NE !(PAID STORIES) KAMAR YADDA KUKA SANI, LITTATTAFAN NA ZUWA MUKU NE GUDA BIYAR CHAS. DUKA BIYAR DIN AKAN FARASHI MAI RAHUSA NERA DARI BAKWAI (700 NAIRA ONLY). *

*KI/KA/KU DUBI GIRMAN ALLAH KU SIYA DA KUDIN KU, DON GUDUN SHIGA HAKKIN WANDA SUKA SIYA, DAMA WADANDA KE SIYARWAR. DAN ALLAH KI SIYA KI MALLAKI NAKI CIKIN SAUKI YAR’UWA, AKWAI KARUWA SOSAI ACIKIN BOOKS DINNAN. MUNA MARABA DA KASANCEWA DA MASOYAN MU.. DOMIN MALLAKAR NAKI BIYAR DIN, KI TUNTUBE MU A PAYMENT DETAILS DINMU DAKE ‘KASAN WANNAN SHAFIN..*


*KIBIYAR AJALI.....!!!*
(Sulke baya tare ta sai ta wuce..)
👑🥰❤️


*MISS XOXO🧕🏼*


*WHO DOESN'T LOVE A ROMANCE NOVEL? 😉*
*ITS EASY TO LOVE EACH OTHER WHEN DIFFICULTIES NEVER CROSS YOUR PATH. 🤔HOWEVER, IN REAL LIFE, ALL RELATIONSHIPS ARE TESTED AT ONE POINT OR ANOTHER. 😓❤️🥂*


*BABI NA UKU*
(FREE PAGE)🏌️♀️

••
Kukan akuyoyi da tunkiyoyi shine ya farkar dani, saboda ji nayi tamkar a tsakiyar kai na suke yin kukan. Ina bude ido naga cincirindon mutane tsaye a kai na suna kallo na kamar sunga mai hauka sabon kamu. Na tashi ina ‘kifkifta idanuwa ina kuma turo baki, kafin nayi magana sai na fara jera atishawa kusan guda shida a lokaci guda.

”Oganniya Dije yau kuma me ya hado ki da Gajiyalle har ta kore ki daga gidan?”

Malam Muttaka ya yi min maganar yana ri’ke da gemun sa. Haushi ya kamani na sake daure mayafi na dake kugu na tare da cewa.

”Waya sanin mata.”

”Kina nufin ba ki yi mata komai ba ta hanaki kwanan gidan ku?”

”A gida na kwana, kawai fitowa nayi nan ko zan samu na Allah ya bani abin da zan yi karin kumallo dashi.”

“Allahu Akubar Dijangala kina ganin rayuwa, toh Allah yasa ki samu.”

Ganin yana shirin tafiya ba tare da ya bani ko sisi ba, yasa nayi tsalle na dire a gabansa ina mai kallon cikin ido nace.

“Cewa nayi fa na Allah ya bani kuma naga ka tafi ko kai bana Allah bane?” Malam Muttaka ya yi sauran kallon mutanan dake wajan, aikuwa naga shi suke kallo, naji dadi dan nasan da kunya yace min shi ba na Allah bane yanzu a kafirta shi.

“Toh ai ni Dijengala yanzu haka bani da kudi, sai dai ki bari wata rana idan Allah ya sake hada mu sai na baki.”

Aljihunsa na kalla zuciya ta sam taki yadda da cewa ba kudi a ciki, na kalli mutanan wajan tare da cewa.

“Allah dai ya hana babu, kuma duk wanda yace a gurin nan yana da kudi ya boye yace babu Allah yasa idan ya fara tafiya su fadi, dan Allah kuce amin.”

Yara ne kawai suka amsa da amin sabanin manya da kuma matasan da suka san suna da kudin, kafin kace mene tuni sun gudu kamar wadanda suka ji karar bomb. Na kama kugu na rike ganin banyi nasara ba, gashi gari ya yi haske dan na dai Allah ya taimake ni naci dambun nan jiya da sai nafi haka wahala wlh. Hanyar gidan mu na bi da kallo, zuciya ta nason zuwa saboda ina son shiga bandaki, tsoron abinda Gajiyalle zata yi min duk da nasan ba zata kashe ni ba iya kaci ta buge ni kilama harda ciwuka. Ban samu kwarin gwiwa daga jarumar zuciya ta ba dake son na koma gida, sai dai na samu damar daga kafa nayi tafiya har zuwa gidan mai gari, inda na taki sa'a ina shiga ana gama damun koko. Na karasa wajan Ramma wato uwar gida da yake ita ke damawa, na durkusa kusa da ita ina washe baki.

“Inna Ramma sannu da aiki, dame zan taya ki?”

Sai naga tayi kicin-kicin da fuska da alama ta gano cewa wani abun nake son a bani, dan itama tasan hali na bana yin abu dan Allah sai dan a taimaka min. Ta sake matsar da bokitin kokon zuwa gabanta, na yi murmushi a raina nasan bazan bar gidan ba sai na samu abinda zan sakawa ciki na. Haka aka yi kuwa duk rowar Ramma a ranar sai da nasha koka da wainar rogo, ina gamawa kuma na kara gaba abu na, duk wanda ya ga yadda nake rayuwa yasan cewar ba'a gaban mahaifiyata nake ba, saboda rayuwa nake yi kai na tsaye, kuma alhamdulillahi duk iya rawar kai na da rashin nutsuwa ta babu wani fasiki da ya taba nuna zai yi lalata dani.

Muna cikin wannan rayuwa aka zo aka fara gina mana makarantar boko, ana ginin nan ne na fara samun goma ashirin a wajan wani bawan Allah da yake leburanci a gurin. Allah ne ya sanya masa jin tausayi na hakan yasa yake kyautata min, dan ko abinci aka kawo musu daga gidan mai gari sai ya ajiye min idan nazo ya bani. Ranar da aka buɗe makarantar harda manyan mutane suka zazzo daga birni, da hakimi mataimakin gwamna shine yazo ya wakilci gwamnan sakamakon shi baya kasar. Munyi murna tamkar anyi mana wahayi da gidan aljanna saboda ganin manyan motoci da ganin yan gayu, gaskiya kauyanci beyi ba, komai muka yi sai an gane cewa akwai karancin wayewa a tattare da mu.

Bayan an kammala komai baki suka tafi ragowar ruwa, lemuka da abincin da suka bari yara da manyan kauyen muka durfafar musu, ni da yake na iya rigima sai da na samo lemon kwalba uku da ruwa jarka biyu na kulle a gyale na sannan na kuma daurewa a jikina. Na nufi wajan kololin abinci na sunguma nayi gida da gudu harda masu biyo ni. Kai tsaye na shige bandaki ina ta faman nishi, ko Gajiyalle bata san da shigowa ta ba sai hanayi da ta jiyo ta fito tana tambayar.

“Danladi lafiya?”

“Dije ce ta dauke mana abinci, kuma mai gari cewa ya yi duk a rarraba.”

“Almura kace sata tayo?”

“A'a kwacewa tayi daga hannun Ayuba gashi nan.”

Danladi ya fada harda nuna Ayuba wanda yake ta faman huci kai kace da gaske kwato musu nayi.

“Toh ina take almurar yarinyar?” Gajiyalle ta tambaye su.

“Ai ta shigo nan gidan da gudu.” Ayuba ya fada yana sosa cikin hancinsa.

Gajiyalle ta shiga nemo ni longu-longu amman Allah besa zata duba bandaki ba, ta fito daga dakin Mudi tana cewa.

“Wallahi kuka bibiya ta haura ta katanga, kunsan ta iya tsallake ta tunda ba tsaho katangar gare ta ba, kubi bayan gari kila can ta buya.”

Ina jin lokacin da suka fita, na saki wata nannauyar ajiyar zuciya dan ba ƙaramin wahala nake sha ba a tsaye. Sum-sum-sum Gajiyalle ta ganni ina fitowa daga cikin ban daki, ta kasa magana sai kallo na da tayi tana rike habar ta alamar mamaki tsantsa.

“Iyeeeee! Kaga almurar yarinyar nan, dama kina cikin gidan nan?”

Ta fada tana sake kare min kallo irin na zaki yi bayani d'in nan, banji komai ba dab nasan ta akwai son banza, dan haka na ajiye kular dannan na kwance lemokan da ruwan ina cewa.

“Yo dan Allah Gajiyalle kowa yana diba ni bazan debo na kawowa iyaye na ba?”

Gajiyalle tace,

“Eh mana yar albarka, ai daman nasan kina cikin bandakin, shi yasa ma banje nemanki can ba. Ah! Lallai baki sun samu dadi irin wannan hinkafa harda hanta.”

Tana maganar tana luma katon hannunta cikin abincin, ta debi gurin naman ta kai bakinta tana lumshe ido. Na dinga buga mata harara ina miƙa mata jarkar lemo guda daya da ta ruwa. Amman matar nan ta sake dauke wasu ta barni da guda daya-daya tana cewa.

“Haba Oganniya Dije! Nima dai yau na ‘dan dana wannan kirararin da ake yi miki. Baffanki da yayanki fa duk baza ki bayar a ajiye musu ba? Haba ai ban sanki da haɗama ba autar Baffa.”

Haushi da mamakin ta suka tokare min a wuya na, matar da taki jinin taji mutane suna ce min yar fari yar autar Baffa, tana jin an fada zata fara masifa da jaraba race bani bace itama tana nan zata haifawa Baffa yara jira take yi ya maro daga talaucin da yake fama dashi. Amman yanzu dubi yadda take ta faɗa tamkar gaske, gaskiya mata makirai ne wallahi, kuma nasan da sun kare zata maida ni gidan jiya wato duka da zagi. Haka na hakura ba dan rai na yaso ba sai dan tafi karfi na, kuma a ranar bacci nayi harda minshari sai kusan karfe biyar da rabi na yamma sannan na farka, fitsari kawai naje nayi daga nan na dauki kular gidan mai gari zan mayar, na haɗu da su Ayuba dasu danladi sun dakko sanduna, gaba na ya buga na fara waige-waigen inda zan samu makami nima, can na hango gatarin malam Iro na faskare a jikin bishiyar kofar gidan sa, na ruga na dauka tare da nannaɗe siket d'in jikina nayi shirin yin dambe.

“Yanzu sai ki gaya mana wa muka kama?” Cewar Danladi yana nuna ni da sandar hannunsa.

“Cabdijan! Lallai ma yaron nan, kana nufin zan tsaya ku jibge ni ne sai kace wata shegiya? Wallahi tallahi duk yaron da bai fasa duka na ba nima bazan fasa buga masa wannan gatarin ba. Me nayi muku da zaku doke ni iyeee?”

Ganin yadda nake buga gatarin a kasa ina kuma yin tsalle ina direwa yasa duk suka tsaya daga nesa, sun san tsab zan iya dukan su dashi dan wani lokacin ba hankali gare ni ba.

“Yarinya idan ba tsoro ba ki ajiye gatarin hannunki kiga idan bamu yi miki tsinannan duka ba.” Laminu ya fad’a.

“Hahahaha ahaiyeeee nanaye! Bazan ajiye ba d'in kun dauka bani da wayo ni ma, kuma ku fara gaya min abin da nayi muku dan ni nasan banyi muku uban komai ba.”

Duk sai suka zagaye ni, kusan su bakwai ni kadai kamar wacce tayo musu wani abu. Na sake gyara gatari na ina nuna su idanuna a waje kamar wata zakanya. Da yake Danladi yafi cewa a doke ni hakan yasa na nufeshi da gudu da nufin kwala masa sai kuma yace kafa me naci ban baki ba, ganin haka da nayi ne yasa duk na bisu zan kwala musu suka gudu, ina huci na ce.

“Da ku tsaya mana ku gani yan iska kawai, kun dauka zanji tsoran ku ne?”

“Ke Dije kin fiye masifa wallahi, babu wanda baki taba fada dashi na a cikin kauyan nan, wallahi ki dena idan ba haka ba wata rana zaki sha wahala dan kowa haushinki yake ji.” Cewar malam Iro yana karbe gatarinsa da na dauka.

Ko kula shi banyi ba saboda daman haushi yake bani, mokotan mu ne amman suna ji Gajiyalle zata zane ni basa zuwa su taimaka min. Na dauki kular na tafi ina ƴan wake-wake na har naje gidan mai gari na basu sannan na fito na tafi yar kasuwa dan yin hira da kuma wasa da ƴan talla. Ban koma gida ba sai kusan karfe goma har da wani abun.

*BIKIN JUYA BAI*

Gaba d’aya karkarar ‘Durbun’ ta dauka da shirye shiryen bikin juya bai da zata yi. Kowanne lungu da sak’o na karkarar mutane ne ne keta hidima. Bikin juya bai yana gudana ne Bayan an samu alkhairin abubuwan da aka shuka na noma. Kamar yadda mai karatu yasani hausawa sukan ce :Na duke tsohon ciniki, ‘Kowa yazo duniya kai ya taras.’.

Noma na da ma'anoni da dama kasancewar irin amfanin sa a fannoni daban-daban. To amma dai a fassara mafi sauki, zamu ce, Noma wata hanyar sana'a ce domin samun abinci da kudin shiga. Haka zalika noma wata babbar hanya ce ta samun karuwar tattalin arziki da al'ummai suka raja'a akan ta. A kasar hausa ko kuwa, noma shine babbar hanya ta samun habakar tattalin arziki. Da noma ne hausawa suka fi samun kudin shiga da abinci dama kayayyakin da ake sarrafawa a masana'anta kamar tufafi da sauran su. A wajen hausawa musamman mazauna karkara noma ya zama kamar wajibi (dole) a wajen kowanne bahaushe musamman magidanci. Kusan muce ma ko wanne bahaushe ya iya noma yasan yarda ake yin shi. Noma ya kasu kaso biyu akwai: Noman rani da Noman damina. Noman rani: noma ne da ake yin shi a lokacin rani ba da damina ba. Sabanin noman rani, shi noman damina ana yin sa ne a lokacin damina.

Toh *BIKIN JUYA BAI* wasu kwanaki ne da mutanen karkara ke diba suna dandalar cimar kayan dadi, Mafi akasari cimar ta kunshi nama, Na kaji, Zabbi, Talo talo, Wasu kan yanka dabbobin su ayi dabgen miya. Wannan bikin dabdalar rakashen nama dai na faruwa ne a duk shekara bayan manoma na kauyuka sun ebe/kwashe amfanin gonar su.

*A* yau ranar asabar, Saboda haka naji mutan garin mu na yau asabar. Domin ni ba sani nai ba, Ba kuma damuwa nai nasani ba. Illa dai nasan yau zamu ci dadi mu godewa Allah. Domin gaba d’aya karkarar mu miyar ja zasu yi. Tun duhun safiya Gajiyalle ke safa da marwa tana lalleka zabbinta da kajin ta da yan dabbobin ta kar wani yai awun gaba dasu.

Bokiti na dauka nai gangare dan ebo ruwa a rafi. Ina tafe ina wake-wake na. A haka na ebo ruwan na dawo na fada bayi. Ba sabulun wanka ba nida soso rabo na da wanka mekyau inaga sai sallar bara da baba ya bani sabulu kafin Gajiyalle ta k’wace. Don haka yau so nake nayi kyau. Na ebo tokar murhu na duddurje jiki na da ita, Na kwara ruwa. Ina fitowa na sake dakko gawayi Mudi na farfasa na durje baki na dashi. Kai na sai tsami yake. Narasa ya zanyi dashi. Ruwa na kwarara masa na tsane da dankwali na. Kayan kuncen da Adama ta bani na saka. Kamar ranar sallah haka nake ji na. Iska sai kada ni take yi. Yunwa ce kawai ke addabar ciki na. Ina ta jera hamma sai ga baffa ya dawo hannun sa rike da leda,

“Baffa! Sannu da zuwa.”

“Yauwa Ummi na.. Ungo mika mata ledar nan.”

Leka cikin ledar nayi na hango kayan miya ne da mayi na ‘kuli sai tashin kamshi yake. Kai mata nayi ta amsa a dakile tana kallon Baffan mu a dakile,

“Haka za’ai miyar lami?”

“Ki dau zabo na d’aya da ya rage ai miyar dashi.”

Baffan mu ya bata amsa yana mai kwanciya akan tabarmar gefe na. Baki na tsuke da tafin hannu na ina murmushi. Yau zamu sha dabgen dadi. Baffa ya bani wazobiya yace na siyo koko. A dari na fece na siyo na dawo . Ko kadan ban tsaya siyan fada ba yau. Ina kawowa Gajiyalle ta kwace ta barmin dan mitsitsi. Jiki na rawa na karba na kwankwade shi tas. Na hada wanke wanke nayi, Duk aikace-aikacen da zanyi nayi, Daga nan na fece yawo na. Gidan su Zubaida kawata naje mu kaci abincin gidan su, Daga nan muka tafi gidan yan gayu gidan su Nafisan kansila. Sunada wuta, sun kunna talabijin. Gurfane nayi Ina kallon talabijin din, Wallahi yadda mutanen ciki ke magana sunyi shiga cikin birgewa abin ya sake burge ni, Naji inama ni ce. Matar an bata wani abun karfe ta rike tana magana ta cikin sa,

“Lasifika ce ko Nafisa?”

Na tambayi Nafisa ina mai nuna talabijin din da yatsan hannu na. Nafisa ta daga kai tashiga kwararo min bayani. Cikin haka yayan ta Bello ya shigo ya same mu. Ya zabga min harara nima na rama hade da gatsine fuskata. Wata kwalba ya mik’awa Nafisa ta karba tana tsalle,

“Dijangala! Zaki sha?”

Daga kai nayi na shiga motsa baki na, Daga gani zai yi dadi tun kafin ma taba ni. Zubawa tayi a kofi ta mikomin na karba jiki na sai rawa yake yi, Ina ayyana garar dadin da yan hanji na zasu ji, Yaushe rabon duniya da ayyaraye? Karba nayi da sauri na kafa a baki na. Kurba d’aya nayi na dawo dashi, Ji kake ‘phussss..’ a fuskar Bello. A zabure ya mike zai doke ni Nafisa ta shiga tsakanin mu. Ni kuwa gaba d’aya a rude nake. Na zazzago harshe na ina ife-ife,

“Wuta baki na, Wuta.. Wuta baki na. Wuta..”

Gaba d’aya ji nake tamkar harshe na zai zazzago saboda tsabar yadda yake radadi, Kirji na sai suka yake. A guje na tafi wajen rijiya na tinjimo ruwa ina kwararawa baki na, Ji nake tamkar harshe na da ciki na ake bankawa wuta. Sam banbi takan Nafisa ba dake tambaya ta menene? Sai da naji sa’ida sannan na zube awajen ina fiffita baki na, Na zabgawa Nafisa harara, cikeda jin haushin lemon wutar data bani nace,

“Gaskia Nafisa baki da