You Cannot Download this book untill you login but you can read it .

---

Login Register

wane irin kidahumanci ne? Toh dai,

“Ni da hakimi mun gama magana, Za’a cigaba da karatun nan, Sannan ‘yayayen ku su amfana kuma ku amfana dasu nan gaba. Amma babu tilas wanda yaga baya ra’ayi shikenan. Amma kada nan gaba nasara ta samu yaran da sukai karatun nan kuzo kuna dana sani. Zan baku kowanne takaddu na shiga makarantun nan guda bi-biyu ku bawa ‘yayan ku domin shine fom na gurbin karatun. Kunga masu wayo tuni ‘yayan su sunyi nisa da karatun, Kuma wannan makaranta da naku zasu fara itace Idan suka kammala zasu samu fannin shiga jami’oi. Hakimi ya tabbatar min cewa sarki dake birni yayi alqawarin samawa yaran mu guraben karatu a jami’oin su dake birni. Saboda haka yanzu zan bawa kowannen ku takardun nan guda biyu. Ruwan ku ne ku sanya su a makarantun nan, Ruwan ku ne ku kyale su suyi ta hargitsa mana gari, Tunda kunnu na bani da martaba a idanun ku..”

“Tuba muke ranka ya dade..”

Cewar malam sagiru dake gefen mai gari a durkushe. Sauran suma suka fad’a da karfi Kan su a kasa. Mai gari yaja tsaki kafin ya janyo takaddun a gefe ya shiga kiran sunayen su yana babba su. Har akazo kan Malam Bashari mahaifin Dijangala. Mikewa yai ya isa gaban mai gari ya durk’usa kana ya mika hannun sa cikin girmamawa. Mai gari ya mika masa yana murmushi,

“Malam Bashari, Har abada nasan baka cikin masu yimin zambo cikin aminci. Ba zaka taba zuwa kayi dani ba awani wajen. Tilasta ka akai, Kaje a yan cikon masu korafi, Ko’ina ne zan shedaka wallahi..”

Malam Bashari yayi murmushi kafin yace da mai gari,

“Godia nake yallabai, Allah ya saka da alkhairi.”

Mai-gari yayi murmushi kana ya mika masa takaddun guda biyu. Hannu biyu Malam Bashari yasa ya karba, Da ganan aka shiga muhawara kowa yana tofa albarkacin bakin sa akan makarantun da yaran su zasu fara yi. Kafin a watse kowa ya kama hanyar sa. Malam Bashari ya taho gida zuciar sa ayyana yadda Gajiyalle zata karb’u maganar. Kafin ya k’arasa gida yaci karo da dandazon yara anata tafa hannaye,..

Fada ya kaure tsakanin Dijengala da Ummin Nasiru mai guga. Sai kaurewa suke suna tima juna a kasa. Na kururuwa kafin na daga hannu na watsa baya.

“A hayye! Ke Ummin gwaigwai, Ba tsoron ki nake ji ba. Da wani gahin ki a tsaitsaye kawa hammatar dan iska. Banza bazara iskar damuna.”

Na karasa fada ina karkadawa Ummi hannu. Ummin ma taja shewa kafin ta finciko ni muka kara haurawa,

“‘Ni an gaya miki tsoron ki nake ji? Kazama kawai me warin kwata.”

“A hayye nanaye! Kece kazama ai. Banziya wadda ke hamamin doyi. Ummi gwaigwai. Yanzun sai na caskala ki a wajen nan.”

Na karasa fada ina jan tsaki. Na shatalo kafar Ummi na nakata da kasa. Ummi ta hau kuka, Dai dai sanda Baffa na Malam Bashari yazo wajen. Duk rashin ji na ina tsoron Baffa na sosai, Ko kadan banason b’acin ransa.

“Kai ku bari, Maza kowa ya tafi gida, Tashi kinji! Yi hak’uri. Bata hak’uri, Ummi na muje gida..”

Baffa na ya karasa fada yana nuna Ummin Nasiru mai guga da hannu, Cuno baki na nai gaba, ciki ciki nace,

“ ‘ki hak’uri”

“Yasin ca tai ‘ki hakuri ba Yi hak’uri ba..”

Ummi tafada tana tafa hannaye, Zare min idanu Baffa yai alamun na bata hak’uri. Wayyo Allah na. Bana son bata hak’uri, Idan ba Baffa ba, Ko Gajiyalle ko Idan nayi ba dai dai ba shine nake bada hakuri, Amman ya za’ai itace da lefi ace na bata hak’uri. Nasha mur kana na juyar da kai na,

“Baffa yar gala-gala muke yi, Kaga gidan dana zana kuwa? Kawai Ummi tazo ta tarwatsa mana ta tattake. Kuma ace na bada hak’uri? Haba Baffa dan Allah kada kace na bata hak’uri.”

Baffa ya janyo hannu na gefe ya dafa kai na kafin yace,

“Wanda yabada hak’uri baya faduwa Ummi na, Ko bake bace da laifin kiyi hak’uri kinji? Ki bata hak’uri, Saboda mutanen wajen nan siyi koyi dake. Kinga nan gaba za’ai shedar ki.”

Daga kai nayi badan wai naji dadi ba sai dan gudun bacin ransa, Har gaban ta naje, Na wulkita idanu na na zabga mata uwar harara, Na mata kallon zata sani bata sha ruwa ba, Kafin na watsa hannu baya na buga zani hade da murgud’a baki nace,

“Kinci saar Baffa na wallahi, Da wallahi sai na caskali ki, Nayi kullin tara sisi dake, Gajabura kawai. Badan halin ki ba.. Kada Allah Ubangiji yasa ki hakura. Aikin banza kawai. Mts! Allah ya...b..”

Baki na ya shiga min nauyi, Har ga Allah banason bata ha’kurin nan. Amma ala dole na bata Saboda Baffa yace dole ne na bata. Na bata rai kafin na sanya karamin danyatsa na na sosa hanci na. Dakyar naja iska. Wai ni Dijengala ni zan bawa wata hak’uri.? Iska na sake ja na sauke kafin nace,

“Kiyi hak.. h.. hakuri.”

Ina gama fada nai gaba ina hawayen bakin ciki ganin yadda Ummi ke murna harda shewa, Tab ai kuwa bashi taci. Sai na yagalgalata narantse da Allah . Baffa ya cimma ni, Na cuno baki gaba dak’yar nace,

“Sannu da zuwa Baffa..”

“Yauwa yar baffan ta.. ko kefa! Gwara da kika bata hak’uri kinji? Kinga mutanen dake wajen laifin ta zasu gani.. Mahakurci mawadaci.”

“Toh Baffa..”

Na bashi amsa bawai don maganar sa ta hige niba, Gida muka higa , Gajiyalle na tsaye a turken dabbobin ta tana kirga yawan su, Kullum haka take yi sai ta kasafce kansu hankalin ta yake kwanciya. Daganan ta koma kan kajin ta da zabbin ta. Tabe baki nayi, Nayi gaba abuna. Baffa ya karasa bakin dakin sa ya zauna dakyar yana salati. Wasu takardu ya zaro a aljihun wandon sa dake lilo zai yage ya ajiye akan taburma,

“Salamatu.. (Sunan Gajiyalle)”

“Na’am Malam! Ya akai?”

Tabashi amsa tana daga tsaye gandar-dar..

“Kya dai zauna ko? Abun arziki ne ya tunkare mu.”

Gajiyalle ta washe baki. Nima na ajiye robar dana kamfaci ruwa na kwasa a guje. Ban dire a ko’ina ba sai gaban Baffa. Duk azato na duddugar tsire ya sayo ko Kan babban kifi. Gajiyalle ta dankaramin harara nima na rama ina gatsine..

“Guzumar ubanki! Kaga yar bankadaddiya.”

Na mike ina cuno baki,

“Yasin Baba ta ba bankadaddiya bace ehe, Allah ya jikan ta.”

Tayo kai na zata dake ni na goce ina watsa hannu baya, Mudi ya shigo yana jin rediyon sa ta naci. Cikin daga murya yace,

“Ke ga wani yaro can awaje yana kuka wai kin jefamas taya a kwata. Shi da yayan sa..”

“Tashi kije ki san yadda zaki ki dakko masa tayar sa, Uwar yan jawo masifa. Wannan yarinya sam bakida kirki.”

Tabe baki nayi na kalli Baffa kafin nace,

“Kana ji ko Baffa, Ina cikin tafiya shi ya fara tsokana ta. Musa ne fa dan Malama Harira me siyar da wainar yar bagalaji. Haka kawai ya tsokane ni wai Dijangala tsogalgala me kama da zankala ‘koki. Shi ne ni kuwa na kwace tayar dayake wasa da ita nai cilli da ita a kwata. Ai ba lefi na bane ko?”

Baffa na ya cire tagumin. Kafin ya mike ya fuce kawai, Ina jiyo shi shida Musan da yayan sa. Da alamun hak’uri ya basu. Can naga ya dawo ya zauna. Ya kira Mudi shina ya zauna.

“Yauwa Salamatu ga takardu nan daga birni sarki ne ya mana hanya daga shugaban kasa. Tallafin karatu ne da yaran mu zasu yi. Kyauta har su kare su shiga gurbin jami’a..”

Gajiyalle taja tsaki kafin ta mike tana zabgawa baffan mu harara,

“Ai karatun arna? Kan babban bala’i! Yasin ba dai agidan nan ba? Karatu fa kace? Mudi ko zakai boko?”

Mudi ya mike yana girgiza kai,

“Ni lodin mota zan fara. Gajiyalle zata sayamin mota idan na kara manyan ta. Bazanyi boko ba gaskia “

Tab tunowa nayi nima naga yadda ake boko a talabijin din gidan su Nafisa. Yara kamar a bursun din kauye. An hanasu Fita anata koya musu shirme wai shine karatu. Mikewa nayi nima na dire tsallen albarka, Kafin na kwararo rantsuwa na dire ina watsa hannu na,

“Gaskia bazan yi bokoko ba, Yan bokoko ba basa karatu basa sallah, Sai Karatun arnaye. Idan nayi boko na nutse.. “

Baffa ya duka yana rok’on mu,

“Ku temaka min kuje karatun nan. Wallahi Za’a amfana. Ina jin kunyar mai gari na mayar masa da takardun nan. Salamatu kisa baki.”

Gajiyalle taja tsaki akaro na ba adadi kafin tace,

“Salon iskanci akeso a koyawa yaran karkarar nan. Suyi ta cikin shege ko? Akan me Za’a ce yaran mu suyi boko? Saboda hanyar neman abincin mu su lalace ko? Gaskia Mudi bazai yi boko ba. Idan yar ka zata yi to? Amman dai ai Gwara Kiyi talle da boko ko Dije?”

Kad’a Kai na nayi na dashe baki.

“Sau dubu miliyan Gwara nayi talle da dai nayi boko. Bazan yi ba gaskia. Ni talle zan yiwa Gajiyalle. Na girma ayi aure na ko Baffa?”

Baffa na yayi ajiyar zuciya kafin ya dube ni dakyau yace,

“Yanzu da kiyi karatun gwara kin d’au talla kina yawo a gari? Ba kince min kina sha’awar yadda kike sauraron na radiyo idan suna magana ba? Kuma kikace na Abun kallon gidan kansila ma yana burge ki. ? Kinason ki rika ri’ke musu abun da suke magana ko? Yanzu bakyaso kin watsar ba zaki cinma burin ki ba?”

Tunani na shiga yi, Gaskia bazan iya zama kamar a bursun ba, Gwara nayi tallen.

“Nide gwara tallen..”

Gajiyalle taja guda da shewa kafin tace,

“Yauwa yar gari. Zanci gaba da baki kayan talla kina yi min.”

Baffan mu ya kad’a kai hade da mikewa ya dube ni,

“Bazan tursasa ki ba. Allah yaba da sa’a.”

Yana gama magana yai fucewar sa. Ni kuwa dadi nake ji zan fara ci gaba da talla ina samun kudin kashewa koda cikin dabara ne. Acikin satin Gajiyalle tafara doramin tallen kayan koli dana turaruka da take sarowa a birni. Inata talle na har aka bude makaranta. Nayi mamakin ganin kawaye na duk sun fara zuwa. Na sheke da dariya na kance,

“Mahaukata, Banda shirme me akai da boko? Sun zama arnaye. Harda Siyama kawata aminiyata. Lalle siyama batada wayo. Tabdijan.”

Ni kuwa likafar talle na taci gaba, Kaf karkarar mu ba inda bana zagawa don asai kayana. Idan naga zai yi kwantai ma har fada nake janyowa ta yadda dole mutum ya siya asarar sa.. Ho ni Dije- Dijengala Yar Baffan ta. Ta Gajiyalle mai yar hakiya.. Dijama mai kayan koli. k’anwar Mudin bakin tasha..”

Kirarin da nakan yiwa kai na kenan aduk sanda nayi ciniki. Gajiyalle kan bani kudin batarwa. Idan kuma banyi kasuwa ba ta lakadamin duka ni kuwa na rama akan dabbobin ta na targada shegu...

..
ZAFAFA BIYAR
NA KUDI NE:::

Duka BIYAR 5 zaku samesu akan garabasar naira 700 kacal,

Guda hudu 4 Kuma 500,

Guda uku 3 Kuma 450,

Guda biyu 2 Kuma 400,

Guda daya akan 300.

Ma'ana
Each one is 300
2 is 400
3 is 450
4 is 500
5 is 700

Zaku biya kudinku acikin wannan asusun namu na banki👇👇

ACCOUNT NO- *0812652655*
ACCOUNT NAME- *HAFSAT LAWAN GAMBO*
BANK NAME: *ACCESS BANK*

saiku turawa wannnan numban shedan biyanku(evidence of payment)👇👇

*+234 903 234 5899*

IDAN KUMA KATIN WAYANE KO VTU/TRANSFER ZAKU TURA TA WANNAN NUMBER TAREDA SHEDARKU👇👇

*09033181070*

Karku Bari ayi Babu ku domin wannnan salon na daban ne
SABUWAR SHEKARA
SABON SALO

TEAM#ZAFAFABIYAR🔥
[3/5, 9:03 PM] +234 903 234 5899: *KIBIYAR AJALI.....!!!!*
_(Sulke baya tsare ta sai ta wuce)_
🏹👑👩❤️👨💝


*MALLAKAR:- NANA HAFSAT*


*(MISS XOXO)*


*©️®️ZAFAFA 5 2021*


*BABI NA 5*
(LAST FREE PAGE: SHAFIN KARSHE NA KYAUTA)


••. ••. ••


Sana'ar da Gajiyalle take dora min ta karbe ni sosai ina jin dad'in yin ta fiye da komai a rayuwa ta, har wasu kauyukan nake bin masu talla muje, gashi abin burgewa duk abin da na daga sai an siya. Babu laifi duk sanda na kai kudi cas ina samun abincin da zanci na koshi, sabanin idan na kashe wasu ranar sai naci duka kuma duk da haka sai na takura mata ta dora min na fita da kayan na siyar. Bangaran Baffa kuwa ya rasa yadda zai yi dani da Gajiyalle akan na shiga makaranta amman muka kafe, gashi mai garin ya sanya idanuwa sosai, dan mutane sun fara saduda suna ta barin yaran su na zuwa.

Wata rana na dawo daga talla na tarar da Baffa zaune a kofar gida ya zabga tagumi, nayi saurin karasawa kusa da shi tare da aje farantin kayan kolin nawa, hannu nasa na zare tagumin nasa tare da ciro cinikin ina karkada masa shi baki na a washe kamar mai tallar makilin. Yaki kallon kudin na kuma kaiwa kusa da fuskar sa amman duk da haka yaki kallansu, hakan ya tabbatar min da cewa ransa a bace yake.

“Baffa wai baka ga cinikin da nayo ba? Sai nuna maka nake yi kaki kallo na.”

Cikin sanyin muryarsa yace dani.

“Tashi ki shiga ciki tun kafin ta jiyo muryarki tazo ku tara min mutane.”

“Amma dai Baffa an bata maka rai ko?”

Yayi shiru.

“Haba Baffa ko ni nayi maka laifin ne?”

Abin mamaki sai naga ya yi saurin daga kai alamar 'eh' ni ce.

“Na higa uku ni Dije me nayi maka Baffa? Koma dai meye ni nasan ban kula ba nayi maka shi dan Allah ka yafe min kaji Baffa na?”

Baffa ya ja numfashi tare da kallo na karo na biyu tun zama na kusa dashi, yana shirin yi min magana muka ji muryar Gajiyalle a kan mu tazo ta rike kogu tana karkada jiki da alama masifa take ji da ita. Hannu ta miko min alamun na bata nayi dariya saboda nasan su ta biyo saman, ai idan har kasan Gajiyalle to idan ta yi maka wannan tsayuwar indai baka bata abin da take so ba, babu shakka ka taro babban aiki. Na dora mata kudin ta hau lissafawa, ta gama sai kuma ta saki guda tana raye-raye.

“Ahaiyeeee nanayeeee cas! Tabbas Dije kina da goshi ke din mai sa'a ce walle, nayi miki alkawarin samira mai uku aradu lokacin bikin ki, ke harda kumbo da kwalla tasa da fanteka heeee ras!... Dije ta Gajiyalle mai kayan koli.”

Tana gamawa ta juya tare da komawa gida tana lissafa kudin ta cike da farin ciki. Ni kuma na sake mikewa zan tashi Baffa ya yi saurin dakatar dani yana cewa.

“Ummina ki zauna magana zamu yi.”

“Allah yasa dangin inna ta zaka kai ni Baffa.”

Ya yi murmushi yasan ina son zuwa amman baya so ya kai ni su rike ni gabaki d'aya dan dama duk haushin Gajiyalle suke yi dan suna jin labarin yadda take gana min azaba.

“Ummina ke nan, zan kai ki dangin innarki amman da sharadi guda daya.”

Cikin zumudi nace.

“Fadi Baffa ko meye zan yi indai zaka kai ni.”

“Yauwa Ummina, sharadin shine ki yadda ki fara zuwa makarantar can, kinga ko dazu sai da mai unguwa ya yi min maganar cewa mai gari yana sanya ido akan duk wadanda suka kai yaran su. Kinga yana ganin mutunci na dan Allah ki yadda ki fara zuwa.”

Tunda ya fara magana nake yatsina fuska tsanar mai garin ta fara shiga zuciya ta, yana kaiwa karshe kuwa na cona baki gaba ina cewa.

“Rabu da mai garin nan Baffa, yo hi makarantar ya yi da zai ihi mutane akan zuwa? Ni wallahi aradun Allah ban zuwa, nama fasa zama irin na radiyo d'in da na talabijin d'in tunda sune suke sake janyowa kace sai naje.”

“Ikon Allah! Ummina ni ba haka nake nufi ba, kinga wan....”

Nayi saurin mikewa.

“Baffa ni fa bazan yi bokon nan ba, kaima fa baka yi ba kuma kaga nan da rai da lafiyarka, ni wallahi bana son makarantar can.”

Na shige gida ina buga kafa alamar bana so ban yarda ba. Haka Baffa ya rabu dani, ya zamana suna yar buya shi da mai gari dan besan wace karyar zai yi ba dan ya kare kansa a wajan shi. Ni kuwa naci gaba da yiwa Gajiyalle talla yanzu har wani mutunci muke yi da ita zamu yi jira harda shewa mu tafa da hannaye cikin nishad'i.

Mudikalle ma babu ruwan shi da makarantar, dan a lokacin da Baffa ya bashi fom dinsa a gurin ya daga sama ya yi mata gutsin-gutsin tare da watsar da su iska ta tarwatsa. Kuka ne kadai Baffa be yi ba, hakan ne kuma ya hana shi bani tawa dan yasan nima zan iya yin yadda Mudi ya yi.

Ranar Litinin da safe naje siyo koko da kosai ina shayo kwanar da zata kai ni wajan makaranta na taci karo da wannan malamin da ya tsinko bulala zai doke ni, amman nayi kamar ban gane shi ba naje zan wuce kawai naji ya tsaidani.

“Zo nan yar tallah.”

Haushi ya kamani da naji irin sunan da ya kira ni dashi, na riko kuguna tare da cewa.

“Ba suna na bane, idan zaka kira ni ka ce Dije ko tagala ko yar gatan Baffa da Gajiyalle.”

“Bazan kiraki da su din ba, yar tallah zan fada ko zaki doke ni?”

Nasa yatsa a baki ina ciza naga alamar mutumin nan bashi da mutunci kuma babu abinda ya hada ni dashi bare nace ga dalilin da yasa yake takura min.

“Toh ai hi kenan sai kai ta fada ba sai na amsa maka ba sannan zaka ji dadin kuma gaya min ba.”

Ban ankara ba naji ya dauke min keyata da duka, nayi saurin dafe gurin ina furta.

“Kut! Kai... Kai... Kai! Allah ya...” Ban karasa ba ya kuma sakar min wani wanda yafi na farkon.

“Ni zaki zaga dan ubanki? Ke baki da mutunci ko? Toh na rantse da Allah zan yi maganinki a cikin kauyan nan naku. Daman tunda na ganki nasan baki da tarbiya, zo ki wuce ki shiga ajin nan daga yau zan koya miki tarbiya farar aljana da idanuwanki kamar na mage ta ga bera.”

“Ajin me zan shiga?” Nayi furucin ba tare da na san ya fito ba.

“Ya za ai kisan aji kina yar tallah? Yau dai nake son ki shiga kisan ko menene shi.”

“Lallai ma, indai makaranta ce bazan higa ba ana dole ne? Toh na gaya maka Baffa ma ya yi ya gama bare kai da ba uba na ba ma.”

Ina gama fadar haka na faki idanunsa nace kafa mai naci ban baki ba, na ruga da gudu kamar ance ya biyo ni. Malam Auwal ya bini da kallon sakarya ni kuma har da yi masa gwalo, na shiga gida ina dariyar mugunta. Gajiyalle ta karbi koko da kosan ta sammin nasha daga nan nayi tafiya ta talla. Haka dai rayuwa ta taci gaba da kasan cewa na kasa tsayawa na karbi shawarar da Baffa yake bani.

Sai da yaga da gaske nake bazan yi bokon ba sannan ya dako fom di na ya bani yace duk abinda naga dama naje nayi, ganin ransa ya yi mugun baci ya fita a harkata duk wasu abubuwa ya dena yi min sannan ne na fara tunanin yadda zan yi na samar masa da farin ciki ko Allah zai sa ya dawo da jin dadin sa gare ni.

Kwana biyu na dena yin talla, tun Gajiyalle na daukar abin wasa har dai taga na dage nace ni Baffa zan farantawa rai, boko zan shiga ko da ba'a so nayi zan yi ko zan mutu a ciki. Tun daga lokacin ta dawo da bani azaba wacce tafi ta baya, amman nima na kafe cewar bazan yi talla ba sai dai ta kashe ni.

*GOVERNMENT GIRLS JUNIOR PRIMARY/SENIOR SCHOOL DURBUN*


*Na* dubi garejin makarantar mu dake d’auke da wasu watsalallun rubutu da bansan me suke nufi ba. Gaba na ya yanke ya fadi. Banason bokon nan amma ya zanyi? Cikar buri na da farin cikin Baffa na shine ya sanya na yanke zuciar zuwa makarantar. Shaf na mance ban dakko takardar shedar kai dan makarantar bane. Na manto ta a gida. Bakwa mantawa ba gani nake ba amfanin da za tai. Domin dazu na gutsiri ‘kasan ta ma na kwakwulo dattin kunne na. Fankan fankan na shiga cikin makarantar ina bin dandazon dalibai da kallo, Suma yawancin su ni suke kalla, Menene suke kallo na haka tamkar basu san Dijen Baffan ta ba? Murgud’a baki nayi na dankara musu harara, Cikin haka sai ga Siyama k’awata taci ado cikin kaya irin na sauran daliban. Ja na tayi gefe tana raba idanuwa,

“Dijengala mai kike anan? Ko waje na kiki zo? Ki bari a..”

“Dalla yi min shiru. Wajen ki? Saboda me zan zo wajen ki? Nan ashe Nana ta hada partyn sunan gidan su an gayyaci kowa kunje kunci dadi shine ba wanda ya gaya min, Taron munafukai.”

Siyama zata rike min hannu na wafce ina tsirtar da yawu a gefe,

“Banzariya kawai. Ai in gaya miki kawaye zan sake, Kuma sai nabi kowannen ku nayi ‘kuli-kulin kubra da ku.”

“Kai su waye anan... Wacece wannan siyama ce?”

Oh nagane shi shegen malamin nan ne mai gashin hab’a irin na bunsurun Gajiyalle. Tahowa yake wajen mu yana cilla bulalar sa sama. Bazan taba mantawa da karfen d’aya saukarwa kai na ciwon sati ba. Na masa tofin Allah tsine yafi dubu. Na wulkita idanu na sama na zabga masa harara. K’arasowa yai wajen mu yana kallon Siyama kafin ya mai da duban sa kai na,

“Na kore ku yafi a kirga, Nace banda talla, Banda talla. Yan talla su dena zuwa da safe sai lokacin break yayi. Kina jina? Ko kuwa kunnen k’ashi ne da ke?”

Daga hannu nai zai zabga min bulala naja baya ina binsa da kallon ya haka?

“Ha’ah magana kake ko zubar gudawa? Uhm.”

“Ke da wa kike? Siyama ke kika kawo mana wannan marar kunyar?”

Siyama tai saurin girgiza kai tana ja baya. Sauran yan makarantar suka yo kanmu suna kallon mu. Naja dankwalin kai na nai damara dashi na dira agaban sa,

“Dan kaji nima nan daliba ce kamar kowa, Banyi niyyar fara zuwa makarantar bane sai yau. Kuma ni ba marar kunya bace ehe..”

Ya-yo kai na zai make ni wata malama ta dakatar dashi,

“Haba Malam Auwal meye haka?”

“Malama Mardiyya ki bari na zazzabga mata mari, Irin marasa kunyar yarannanne, Kangararru wanda basajin maganar iyayen su. Bakya jin me take cewa. Wannan k’aramar yarinyar ni zata gayawa magana.?”

Ya karasa fada yana kwafa. Malama Mardiyya ta riko hannu na tana janyo ni kusa da ita. Hannun ta laushi ba irin nawa ba duk yayi kanta ya daddauje. Bata kyamata ta ta janyo ni jikin ta? Kallo na tayi kafin tace,

“Kanwata makarantar nan kikazo koyan karatu ko kuwa wani abun ne daban ya kawo ki?”

Saurin girgiza kai nayi,

“Karatu nazo koya, Nima d’aliba ce kamar kowa, Kawai dai ban fara zuwa da wuri bane sai yau.”

Malama Mardiyya ta ka’da kai kafin tace,

“Toh ina uniform dinki?”

Zare idanu nayi jin abunda ta fada da bansan ko menene ba, Matsawa nai ina raba idanuwa,

“Inifan? Meye shi Malama?”

Sauran yara suka sa daria, Na juya na zabga musu harara, Domin sun san hali na sarai yanzun sai na hada gagarumin fa’dan da sai mai gari jamilu yayi shari’a.

Malama Mardiyya tayi murmushin da kyakkyawan hakorin makkan ta ya bayyana, Inaga irin dan nera goman nanne da Yusha’u ke sawowa a birni ya sassaidawa mutan garin mu.

“U-ni-form ake cewa kinji kanwata? Yana nufin kayan makaranta iri d’aya da sauran yara suka sa kinji? Ya sunan ki ne?”

“Yu-nun-fan!”

Na fada a hankali ina dashe baki kafin na sake cewa,

“Sunana da yawa, Baba na na kira na da Ummi na, Saboda kasancewar sunan mahaifiyar sa da naci. Matar baba na na kira na da Dije itada wasu tsirarrun mutane a karkarar nan, Mafi yawancin yan karkarar nan na kira na da Dijengala ko Ta mai gari. Kawaye na da matasan karkarar nan na min laqabi da Dije Oganniya...”

Na karasa fada ina dashe baki. Malama Mardiyya da sauran mutane suka kada kai, Gaba d’aya sun zubamin ido. To ni Meye nawa tunda Sunana ta tambaya kuma du sunaye na ne. Malama Mardiyya tace,

“Dakyau! Kenan sunan ki Khadija?”

Na daga kai alamun Eh!

“Wow nice name! Toh Ina takardar shedar ke yar makarantar nan ce?”

‘Anzo wajen’ Na fada a hankali ina nannada d’ankwalin kai na.

“Iya gida yasin, au wai