You Cannot Download this book untill you login but you can read it .

---

Login Register

zuwa jallabiya ruwan kasa Mai zip a gaba.

Ya dau carbinsa yayi waje.

Bai dawo cikin gidan ba sai da aka iddar da Sallah Isha

Yana shigowa na jera Mana abinci a tsakiyar kafet na zubawa ummi na dora Mata akan karamin farantin na d'auka na Kai Mata har daki.

Koda na Shiga akan katifa na ganta a zaune ta saka wani vest ja Rabin na fulaninta a waje sai dogon wando.

Da murmushi na ajiye abincin Ina "gashi nan"

"Tace ngd Aunty"

Nayi waje Ina fatan ba abinda zai sake fito da ita,dan sam.bangane Mata ba jiya wuni tayi tana saka hijabi yau Kuma ba hijabin dan ma naga.mahfuz ko kallonta bayayi abinda ya kwantar min da hankali kenan"

Koda na koma Palo hankali kwance muka ci abincin mu muna tab'a hira Inda nake ce Masa jibi zanje kitson sallah da kunshi sabida bazan iya bin layi ba,yace Allah ya kaimu ya bani kudin.

Karfe goma naji na fara Jin bacci nikam bansan Mai yasa yanzu nake da saurin Jin bacci ba.

Ina mik'ewa shima ya mik'e ya d'aukar min Mimi muka Shige daki.

Ban bari yayi komai ba sai dabaru da na Masa Nima yamin muka samu nutsuwa dan ce Masa nayi ya bari nayi allura tukunna.

A tare mukayi wanka na dauka zai kwanta ne yacemin Palo zaije yayi kallon ball baya Jin bacci.

Sama sama ma naji shi dan baccin ne a kaina sosai.

Bansan lokacin daya shigo ba.

Washegari ma ummi ce ta tayani sharan tayi mopping Ni Kuma na hada mana breakfast mahfuz yaci ya tafi.

Itama Tara nayi ta fice na shiga gidan mmn Iman muka yi ta hira anan nake fada mata a cikin tsumin da ta kawomin akwai mai balain daci,tace tana ganin ba tsumin na Sha ba dan duk tsumin ba mai daci ko kad'an nayita mamaki tace na gwada sauran ragowar naji ko da daci sai da na koma gida na dauko mata ta dandana tayi ta mamaki tana ta sha irinsa ba daci ko daya,ban bar gidanta ba sai karfe biyu na koma gida a daidai lokacin. Da ummi ta dawo wanan karon ma ita ta Shiga kitchen ta samawa kanta abu taci.

Ta tayani wanke wanke,girkin yau ma ta dage min ita zatayi yanda ta dage yasa na kyalleta tayi girkin.

Yau dai ita take Jin hirar hakane yasa nima na biyeta dan nikam inaso naga muna Hira.

Yau ma bata saka hijabin ba Kamar na tambayeta na Kuma share.

Sai cewa take na iya wanka zata Zo wajena d'aukar course idan auren ya kusa muna burgeta nida mahfuz

Tuni na washe baki nace insha Allahu duk zan bata sirrin zamantakewa na aure,na bata labarin irin soyayya da muka zuba da mahfuz kafin muyi aure,kamar zan bata.labarin tsinaniyar yarinya nan data makalewa mijina da irin hawan jinin da ta so doramin na Kuma fasa.

Itama ta bani labarin yanda saurayinta ke Santa akanta har fada yake da matarsa.

Anan na nuna mata rashin Jin dadina akan bai dace saurayinta yayi haka ba dan itama zai iya mata haka idan ya aureta idan giyar so na kwasar sa yanzu ta ringa Dora shi akan hanya.

Godiya tamin wajen shidda ta mike ta tafi d'akin nima na dau mimi dan yau bamuyi wanka da wuri ba.

Haka kawai sai na fara gaskata mmn Iman akan bata yarda da ummi ba,dan sau biyu Ina Kamata kamar hararata take idan taga na ganta sai ta wayance da sosa Ido,yau bansan inda mahfuz ya tsaya ba,bai dawo kafin magriba kamar yanda ya Saba ba.

Koda na iddar da magriba ban fito daga d'aki ba dan so nake idan akayi isha sai na fito gabad'aya kafin dai ayi sallah Isha na tashi Ina dan gyara kayana dana hargitso.

Sallamar ummi da shigowarta har tsakiyar dakina yasa nayi saurin juyawa Ina kallonta.

"Tun dazu ake ta kiranki aunty ganin baki fito ba yasa nace bari na kawo miki"

Sam banji dadin shigo min d'akin da tayi tana kalle kalle ba hakane yasa na karbe wayar a hannunta fuskata a had'e nace Mata na gode ta juya ta fice tana karewa dakina kallo kamar na bita na gaura mata mari wlh na tsani a shigo min dakina

Da alama fuska biyu ne da yarinya nan,dole kuwa na taka Mata birki bana san iskanci dan ko a yanzu ma ba hijabi a jikinta riga da skirt tasa taci kwalliya kenan ma a palona ta zauna da Mahfuz ya shigo ya ganta fa


Take naji raina ya b'aci na dauki Mimi nayi hanyar palo.

A kasan kafet naganta a zaune tana kallo mugun hade rai nayi dan naga alamar na sake Mata da yawa.

Sau daya ta dago ta kalleni tana "kinfito ne Aunty"

"Um"kawai nace mata
Karar machine d'in mahfuz da naji a waje yasa na kalleta naga ko zata tashi amma Ina zamanta tayi ba alamar zata tashi.

"Ko zaki koma ciki ga Abban Mimi ya dawo"

Nace fuskata a had'e.

Mik'ewa tayi bata ce min komai ba ta fita waje naja tsaki ta juyo ta kalleni ta Kara d'auke kanta ta fice a daidai lokacin da Mahfuz ya shigo na mike da sauri dan nasan ma ya ganta shegiya kawai naji na auna Mata zagi


Daga labule Ina kallonsa bai kalleta ba har ya shigo

Yanda yaga raina a had'e yasa murmushi daya shigo dashi ya kau Yana "Lubna lafiya kuwa"?

"Ba komai"

Kawai nace Masa na samu waje na zauna Ina Masa sannu da zuwa ya amsa Yana "Lubna ban Saba ganinki a haka ba lafiya kuwa"?

"Wlh wanan yarinya ce ta bata min Rai kasan na tsani naga an shigar min daki kwatsam sai gata ta shigo min daki ni naga alamar tana da rawar Kai a gaskiya in zata cigaba da min haka bazamu shirya ba"

"Oo keda kanki yau Kuma kika cewa ta bata miki rai, da da Kika kawota wancan d'akin fa"

"Gaskiya badan kusancinka da Abdul ba wlh gobe zata barmin gidanan bana San munafirci kaga kwalliyar da tayi sai kace wata matar gidan"

Daga hannuwansa sama yayi Yana "Ni ba abinda nagani mallama muje ki hada.min ruwan wanka tunda zu ma nake kiranki baki dauka ba"

Mik'ewa nayi na nufi d'akin ya biyoni a baya.

Koda na zuba Mata abincin a bakin k'ofa na ajiye Mata "Ina ummi ga abincin ki ban tsaya jiran ta fito ba na koma Palo mukaci abinci da mahfuz .

Muka tab'a hira lokacin baccina nayi na mike dan nasan sai yayi kallonsa na masifa daya tsiro dashi.

Washegari ban bari ta wani tayani aiki ba kafin ta fito na gama komai yau Kam bata Isa na Mata wani abin karyawar va abinda nayi zata ci.

Doya da kwai da tea.

Har mahfuz ya fita bata fito ba.

Ban Kuma damu na dubata ba bansani ba yau ko ba inda zataje,nidai yau fita zanyi zanje kunshi da kitso.

Mmn Iman tun jiya tana unguwarsu.

Idan ba inda zataje sai ta zauna tayi gadin gida na kulle palona.

Na shirya kenan,na fito Palo sai gata ta shigo palon sanye da hijabinta har kasa a Raina nace munafika

Gaisheni tayi.murya na rawa na amsa Mata Ina k'ok'arin goya mimi tace " Aunty ko dai akwai abinda na miki ne bansani ba"?

"Mai zakimin kuwa ummi"?

"Wlh sai Naga kamar na Bata Miki Rai bansani ba Dan Allah kiyi hakuri"

Tuni naji ta bani tausayi nace "ba komai wlh ummi jiyan ne raina a bace,ga abincin ki nan fita zanyi kinsan saura kwana biyu sallah zanje kitso da kunshi"

"A koshe nake Aunty bana Jin yunwa yau nima ba inda zanje Dan Allah ko zan iya binki kunshi bana so na zauna ni.kadai"

"Ba damuwa ki zo mu tafi.

Mik'ewa tayi da sauri ta fita waje ba dadewa sai gata ta fito da hijabinta har kasa.

Na kulle ko'ina muka nufi gidan kunshin.....
[6/29, 7:54 AM] Khadija Candy: *BUDURWAR MIJINA*

*NA SADNAF*

*E.W.F.*

*PAID BOOK*

*PAGE 9*


Koda muka koma ciki,a kasan kafet ta zauna ta miko min hannu tana na bata mimi.

Mik'a mata Mimi nayi Ina "Mai Kika zauna a kasa ki koma ki zauna mana akan kujerar"

"Nan ma yyi Aunty ngd"

"Kai Kai sunana Lubna ba Aunty ba"

Murmushi kawai tayi ta cigaba da Wasa da mimi tana ta zuba mata kiss a fuska ni.kuwa take ta sake burgeni ni nasan Zainab gajiya tayi ta gudu toh tayi a banza tunda na samu Yar tayin hira.

Hira na fara janta dashi Ina dan jefa Mata tambayoyi duk dan ta saki jikinta,anan take fadamin ta kamalla degree dinta tana neman aiki, shine kafin su dauketa suka turota nan ta danyi wani programme a shiyarsu ta nan.

Ina da saurin sabo da mutum kamar na dade da saninta haka na hau janta da hira bamu tashi ba sai da aka Kira sallahr laasar.

Na nuna Mata d'akin bakin akan ta Shiga ciki tayi sallarta.

Nima na shige d'akina dan na canzawa Mimi Pampers dan bansamu tsarki ba tukunna Ina cikin sawa Mimi Pampers Kiran Mahfuz ya shigo wayata Ina dagawa yace "Ashe har Abdul ya tafi yanzu nan ya kirani Kuma kinsan dan wulakanci bai biyo ta office dina ba wlh sai na Masa rashin mutunci"

Murmushi na saki Ina "kunfi kusa kaima kasan bazai tafi batare da ya ganka ba kila anjima kaga ya dawo,tare yazo da wata bakuwa Wai zata yi wani program Yar yayarsa ta Lagos bansan bai fada ma ba sai daya zo tafiya Wai Idan ka dawo na fada maka"

"Wlh Abdul ya Raina ni yanzu nida gidana zai kawo min wata bai nemi izini a wajena ba"

"Kai Kam da rigima kake wlh yanzu dan Yar yayarsa zata zo tayi kwana biyu a gidanan shine sai ya nemi izininka"?


Tsaki yayi Yana "Zan Masa rashin mutunci ai sai mun hadu dashi tukunna"

Murmushi na sake yi nace "ba ruwana Ina daga gefe"

"Ina Mimi"?

Gata nan yanzu nan na canza Mata Pampers goyata zanyi na Shiga kitchen

Hira Muka dan Kara tabawa kad'an kafin ya kashe wayar na goya mimi na fito nayi kitchen banga ummi a palon ba nasan tana cikin d'akin kila hutawa take tunda Lagos ba nan ba duk da banga alamar gajiya a tare da ita ba kila jirgi suka hau dan su Abdul din nada rufin asiri.

Ina cikin kitchen din na jiyo muryar Mmn iman tana kwankwasa k'ofa.

Ajiye muciyar hannuna nayi naje na bud'e Mata k'ofar ta shigo da ledoji a hannunta ko bata fadamin ba nasan na menene kayan gyara ta kawo min dana bata sautinsa dan so nake na tsantsame kafin na samu tsarki.

"Ke Kaya masu zafi ta kawo wlh sai kinyo ciko"

Gefenta na zauna na fara duba kayan a daidai lokacin da ummi ta fito daga d'akin motsinta yasa muka dago muna kallonta nace "kinfito kenan da zan shigo nace ban sani ba ko baccin gajiya kike"

Murmushi tayi a daidai lokacin da ta karaso wajenmu ta zauna a kasan kafet tana "Aa idona biyu ai ba wani gajiya da nayi tunda jirgi muka biyo Ina wuni"

Ta gaida mmn iman ta amsa cikin sakin fuska tana "kice bakuwa kikayi"?

"Eee wlh tun daga Lagos tazo"

Na bawa mmn Iman amsa na cigaba da duba jarkokin tsumin data shigo dasu da dan bokitin da aka dafa min ciccibi a ciki.

Kice Abban Mimi zai Sha Dadi na kashewa mmn Iman Ido data dafe baki tana "lah bakida kunya fa agaban bakuwar kike badala ko dai matar aure ce"?

Sunkuyar da kai tayi da muka hada ido da ita dan ni banma San kallona take ba

Murmushi nayi Ina "ba matar Aure bace wlh Mai dan nayi wanan hirar a gabanta ai Yan matan suma yanzu sun San komai"


Na karashe Ina dariya a daidai lokacin da nake dandana wani zuma Nan ma na sake hada Ido da ita ta sunkuyar da Kai da sauri

Mmn Iman tace "nidai mallama ki bani cikon kudin dana ranta Miki"

"Har nawa Kika ranta min"?

"Dubu bakwai na cika Miki wlh"

"Kai dubu ashirin na baki fa"

"Kwarai kuwa ai kayanta masu kyau ne da tsada wlh tamkar budurwa Zaki koma duk Inda Kika saka kafarki bbn mimi na biye dake"

Washe baki nayi Ina "Zan baki kudinki idan na Kai shi duniyar can kila na baki fiye da Dubu bakwai din"


Tafawa muka yi da ita ta mik'e tana "naji ma kamar abincin da kika Dora na kauri bari naje Nima na dora nawa girkin na biye miki ba abinda zan zanyi.

Tayi hanyar waje nayi mata godiya tare da kwashe kayan da dan bokitin cicicibin nayi hanyar kitchen dan a kitchen nake ajiyar irin kayan nan sabida wani zubin mahfuz akwai dube dube,Ina zuwa bakin k'ofa naji muryar ummi tana "Aunty ba abinda zan kama miki a kitchen din"?

"Lah tuwone kawai zanyi ba abu Mai yawa ba inada Miya dama ngd ki saki jikinki dan Allah Nan ma gidane ki kunna tv kiyi kallo"

Ina daga kitchen din nake Mata maganar na fara k'ok'arin tuka tuwon.

Muryarta da naji a bakin k'ofa yasa na juya

"Bari na Kama miki wani Abu aunty ki kawo na tuka miki"

"Kai haba wlh ki barshi"

Dak'yar.na samu ta koma Palon na tuke tuwon na kwashe.

Na Kara gyara ciccibin da aka kawomin na dumama na juyo a plate na dauki tsumi daya da na zuba a fridge din kitchen na nufi palon.


Tana zaune wanan Karin a saman kujera tana latsa wayarta har yanzu da hijabinta a jikinta har kasa.

"Wai bakya Jin zafine ki cire hijabin naki ki Sha iska Mana dagani sai ke a gidan fa kin k'i sakin jikinki"

Murmushi tayi bata ce komai ba na kwantar da mimi akan kujera na zauna a kasan kafet na mik'ar da kafafuna sabida naji dadin cin cicibin.

Ban taba ci ba na dauka dadi ne dashi ai Ina kaiwa bakina naji daci daci na kwabe fuska Muka hada Ido da ita dama tunda zu Ina Jin idonta a kaina

Dak'yar na hadiye Ina "Kai kinji daci kuwa da kina da Aure da kinci kinji"

Murmushi ta sake yi wani zubin Ina da surutu na hau zuba "Kinsan mace sai da gyara idan baka dage kayi gyaran nan ba sai namiji ya fara k'ok'arin hango ta waje kuma idan mace ta haihu Salam take komawa dole sai ta zuba gyara sosai zata koma yanda take sai kinyi Aure zaki gane haka,Amma dai kin kusa shiga daga ciki ko"?

"Eee"

Washe baki nayi Ina "Masha Allah ansa Rana.kenan kice Muna da zuwa Lagos Shan biki dama ban taba zuwa ba Kinga ta silarki sai naje"

"Insha Allahu"

"Saura wata nawa"?

"Saura wata uku"

Masha Allah Allah ya nuna mana shima acan Lagos din yake"?

"Eee acan yake"

"Saurayine ko Mai Mata,kiyi hakuri Kinga Ina ta zuba miki tambayoyi"

"Lah ba komai wlh Mai Mata ne"

"Kash amma banji Miki Dadi ba auren mijin wata ai bashida wani dadi,ki more aure shine ki samu santalellen saurayi ki aura ku Sha soyayyar ku,kai amma na tausayawa wacce zakije ki tarar nasan tana nan zuciyarta kamar tayi bindiga kishiya ba dadi sam Allahu ya tsare mu da ita ya nisanci mazajen mu da tsinannun Yan matan Nan dake makale wa mazajen mutane,kiyi hakuri fa karki ce da ke nake wlh nima Ina da wata shegiya da ta makalewa mijina sai da nayi da gaske suka rabu matar saurayinki Allah ya bata hakuri da juriya kema dan Allah karki cutar da ita"

"Aunty ai har yan matan baa san ransu suke auren mai Mata ba sai dan kawai ya tsago a kaddararsu nima saurayi naso aura Allah baiyi ba toh ya zakayi da kaddara"

"Hakane Kam mudai Allah ya rabamu da mumunan kaddara"

Ji nayi nama kasa cin ciccibin hararowa nake ni zaa kawo yarinya irin ummi,satar kallonta nayi Muka hada Ido,ta sakar min murmushi ta sunkuyar da Kai Ni kuwa ban d'auke idona ba na zuba Mata Ido,doguwa ce mai zagayyen fuskan hancinta nada tsayi gashin girarta yakusa hadewa waje daya,tana da dan.manyan ido,da karamin baki,bata fiye duhu ba bata fiye haske ba,duk da banga kalar jikin nata ba,daga zaunen da take Ina iya hango tudun kirjinta indai ba ciko tayi ba tana da na fulani manya kiris ya rage ta shiga sahun masu kib'a indai kishiyar tata ba mai balain zafi bace lailai wanan zatayi saurin kwace shi,badan tace an sa Mata rana ba da gidanmu Zan kaita wlh bazan bari ma mahfuz ya ganta ba na ayyana a raina.

Kiraye kirayen sallah magriba yayi daidai da tsayuwar machine d'in mahfuz a k'ofar gida.

"Aikuwa ga maigidan ya dawo"

Mik'ewa tayi da sauri nace "A Ina zakije ki koma ki zauna idan ya shigo ku gaisa"


Komawa tayi ta zauna a kasan kafet ta sunkuyar da kanta sai Wasa take da zoben hannunta inasan yanda take da dan kunya.

Shigowar mahfuz da sallama yasa na m'ike Ina "oyoyo Abban Mimi"

Na karbe ledojin daya shigo dasu Ina ta mamakin ko dai kudi ya samu haka da yawa wanan uban leda haka.

Wajen da Mimi ke kwance ya nufa bai ko kalli b'arin da ummi take ba ya d'auki mimi a daidai lokacin da ummi ta Masa sannu da zuwa sai a lokacin ya kalleta ya amsa ya d'auke idonsa daga kallonta a daidai lokacin da ta mik'e ta nufi daya d'akin sai dana tabbatar da ta shige ciki nace "itace wacce Abdul ya kawo bakuwar tamu"

"Naganta takura Mana kawai yakeso yazo yayi dan rainin hankali"

Kasa yayi da murya ya matso kusa dani yana "Wai kina nufin a wancan d'akin zata zauna"?

"Emana da a Ina kakeso ta zauna"?

"Lallai bakida hankali,ga dakinmu ga d'akin da take ciki kinsan kuwa duk motsin da akayi a daki ana jiyowa"

"Kai jamaa toh Ina kakeso na kaita"?

"D'akin tsakar gida amma zamanta anan ai da takura gaskiya"

"Haba Mahfuz d'akin tsakar gida sai kace namiji taya zan sauketa a tsakar gida sai nake ganin kamar hakan bai dace ba ko Abdul ne yazo gidanan yaga na ajiyeta a tsakar gida zaiji ba dadi wlh"

"Wlh ba abinda ya shafeni nida gidana baza'a a zo a takura min ba a d'akin tsakar gida zata zauna na gama magana"

Ya fara k'ok'arin mik'ewa yanda ya had'e rai.yasa ban Kara magana ba na fara bude ledojin daya shigo dasu,gwanwanin Madara ne dasu bournvita har dasu cornflakes, siyayya sosai har dasu kifin gwangwani da balangu bredi mai yanka yanka mamaki yasa nace "A ina ka samo kudi haka mahfuz"

"Wlh wani kudi yau aka raba Mana shine nayo Mana siyayya"

Tunda na aure shi bai tab'a yo Mana irin wanan siyayyan ba, shiyasa mamaki rufeni farinciki Kuma ya gaza b'oyuwa a fuskata,dan dama ni mayyar cornflakes ce dan sacet nake siyowa
"Yeee nima na faso gari mun zama yan gayu Kai wanan bakuwar ta zo da goshi"

Bai kulani ba ya nufi daki Yana bari yaje yayi alwala

Cikin farinciki na kwashi kayan na Kai kitchen na hau jerawa a dan glass din dake kitchen din har dasu bama ya siyo Mana na kuwa ji dadi sosai.

Sai da na gama jerawa na dauki balangun na juye a plate na dibar wa ummi na saka mata tuwo mulmule biyu da Miya na dauki karamin exotic na hada a faranti gabad'aya na Kai Mata har daki a kwance na tarar da ita da alama daga wanka ta fito dan jikinta da lema ta saka karamin t shirt da bakin dogon skirt,sai da gabana ya Fadi dana ga surarta take na karbi shawarar mahfuz na in maidata d'akin tsakar gida tab.

Tana ganina ta rarumo hijabi tasa ta tareni tare da karbar farantin hannuna tana "Sannu Aunty"

"Yauwa nace Mata cikin murmushi Ina ga abincin ki nan idan kin gama ci zanzo na Kai ki d'akin can Kamar sai kinfi sakewa acan"

"Toh Aunty ngd da dawainiya"

"Lah ba komai na sakar mata murmushi na fito daga d'akin.

Na Shiga nawa mimi ce kawai a kwance da alama mahfuz ya fita massallaci.

Wanka na Shiga dan tuni na watsar da wankan jego na koma normal wanka.

Ina fitowa daga bandaki yayi daidai da shigowar mahfuz bai d'auke idonsa akaina ba ya zuba min Ido

Nida kayana nasan hali, ya matsu yaga Ina sallah

"Mallama Wai har yanzu shiru nafara gajiya fa"

"Tab kwana ashirin kawai da haihuwa sai nayi arbain fa"

"Wlh baki isa ba tab so kike na mutu kenan ya zauna a gefen gado,na gama shafe shafena na saka kayan shan iska.

Ina sai kayi sallah zamuci abinci ko na zubo yanzu"?

Bari ayi sallah Isha Kar nazo na kasa tafiya massallaci.

"Tom mu tafi Palo mu zauna"

Na dauki Mimi nayi gaba ya biyoni a baya.

A Palo muka zauna Muna kallo muna tab'a hira Yana latsa wayarsa hankalinsa dai Yana Kan wayar gabad'aya.

Sai ni kedai ke zuba surutuna har aka Kira sallah Isha ya fita massallaci bai dawo gidan ba sai wajen tara daga zuwa massallaci abincin ma da na jera Mana ya hucce tuni na cika nayi fam zuciyata ta fara rayamin kodai zance yaje take naji hankalina ya tashi,Ina tsoron tsinaniyar yarinya nan Mai nacin tsiya ce ta dawo rayuwar mijina wayata na d'auko dan na kirashi sai gashi ya shigo,da carbinsa a hannu da jalabiyar sa.

"Daga zuwa massallaci abban Mimi"?

Ina k'ofar gida wlh da Hamisu muke ta hira da kin leko zaki ganmu ai

Sai a lokacin hankalina ya kwanta

Muna cikin cin abincin Muka ji motsin bud'e k'ofar d'akin sai ga ummi ta fito da dogon hijabinta har kasa mahfuz ko kad'an bai dago ba Ina k'ok'arin Magana tace "Aunty dama bacci nakeji shine nace ko Zaki nunamin d'akin"?

Mik'ewa nayi Ina sude hannuna nace "eee zomuje nama dauka kinyi baccin ne wlh'

Nayi gaba tana bina a baya har muka fice daga palon,dama d'akin duk da baa kwana a ciki Ina yawan gyarawa Ina Kuma turarawa sai dai ba bandaki a ciki, bandakin a tsakar gida yake idan nayi baki da bandakin tsakar gidan suke amfani ,Yan uwa ke Shiga bandakin cikin daki.

Muna Shiga d'akin nace "dafatan d'akin ya Miki"?

Kai sosai ma wlh yayi aunty ngd Allah yasaka da alheri"

"Lah ba komai ai an Zama daya sai dai nace sai dasafe kenan"

"Toh aunty sai da safe a shafa min Kan Mimi"

Da murmushi na amsa Mata na fito daga d'akin.

Sai da muka gama cin abincin na kwashe komai na Kai kitchen na dawo na tarar da mahfuz na latse latse a wayarsa.

Nima wayata na d'auko na hau latsawa Ina chatting Ina kallo kafin goma naji bacci ya fara k'ok'arin daukana.
Hakane yasa na kashe data na kalli mahfuz daya danke wayar sa da hannu biyu nace "Tom nidai bacci nakeji zanje na kwanta"

"Kije kiyi kwanciyar ki dan ni ba bacci nake ji ba ko na biki daki ciwon maran zaki sani a banza nidai na fara gajiya fa tam"

"Kazo muje mu kwanta na maka tausa wlh Zan maka dabaru"

"Naki fa kibar ni na cigaba da hira da abokina"

Ya hasko min fuskar wayarsa Inda naga sunan Abdul din da Abokina

"Ai shikenan sai ka shigo"

Bai bani amsa ba Ina shiga ciki na canza kayan jikina zuwa na bacci Ina kwanciya bacci yayi awon gaba dani bansan lokacin da ya shigo ba.

Washegari da wuri na tashi dan na hada breakfast dan mahfuz da wuri yake fita.

Ina cikin soya dankali naji sallamar ummi.

Na amsa Mata daga kitchen ina mamakin me ya sa ta tashi da wuri haka.

Har kitchen tazo ta sameni muka gaisa da ita Ina satar kallonta Ina San yanda take shigar hijabi har kasa da alama tana da kamun Kai

"Aunty Ina tsintsiya nayi shara"?

"Ummi dan Allah koma kiyi kwanciyarki dan kawai ki tayani aiki Kika taso"

"Dan Allah karki hanani tun jiya nakeso na tayaki kina hanani" karfe Tara zanje wajen da zamuyi program din shiyasa na tashi da wuri"

Duk yanda naso hanata ki tayi akan dole na nuna Mata wajen da tsintsiya yake ta d'auko ta fara share palon.

Har tsakar gidan naji tana sharewa.

Sai da ta gama ta Kara shigowa da bokitin mopping da abin mopping din tana cikin mopping mahfuz ya fito daga d'aki cikin shigar suit sai kamshin turare yake.

Adaidai lokacin da Nima na fito da farantin abincin karyawarsa.

Gaisuwar ummi ya amsa ba yabo ba fallasa ya tambayeta ya bakunta ta sunkuyar da Kai tana murmushi nidai idona nakanta atoh karta sake ta kallarmin miji ganin na ajiye farantin a gabansa yasa ta ajiye abin mopping din tana "idan ya gama na dawo na karasa"

Hankalinta na Kara gani,dan naga tana nesa nesa da mijina haka nakeso shima mijina ya iya tsare gida.

"Mai kike murmushi ke kadai"?

Tambayar da mahfuz ya jefomun kenan

"Wlh yarinya nan nada hankali mahfuz da gani ta samu tarbiyya sosai duk da a Lagos take zaune"

Tab'e baki yayi bai ce min komai ba Nima ban Kara magana ba har ya gama cin abincinsa
Ya Mike zai tafi na tafi dan na raka shi