You Cannot Download this book untill you login but you can read it .

---

Login Register

badai wannan wankan bane da ake wanke bangare bangare na jiki,na iya shi mana,na kanyi innayi mafarkin wata......wanann kam maza dayawa ai sunayinsa..
Meyasa kike kare jikinki,bayan yanzu naga......."
"Am na bar maka ruwa a banɗaki,wataƙila zai isheka"
Da sauri nayi maganar ina nuna masa ƙofah,dariya yayi tareda dan jan hancina,dan ya kula so nake yabar zancen..
Kafin ya dawo kayana mayar tareda yaye zanin kan gadon naɗauko wani na saka,duk da yanda jikina yake min magiyar zai kwanta.
Ina kwanciya naji alamar shigowarsa ɗakin,yi nayi kaman bacci nake saboda in yayi magana ma bansan mai zance ba..
Ina jinsa ya hawo kan katifar tareda jawoni jikinsa,daga ƙarshema ya ɗora kaina akan kafaɗarsa.
"Saida safe matata,nagode sosai da kyautarki"
Yafaɗa a hankali tareda sumbatar goshina.
Zanyi ƙarya idan nace hakan bayyimin daɗi ba.

Dasafe dana buɗe ido ni kaɗai nagani a ɗakin,tashi nayi zaune ina ƙarewa ɗakin kallo. Hannu nasaka a inda goje ya kwanta,wajen ya dan lotsa saboda nauyinsa. Murmushi nayi ina shafa wajen,yayinda ƙwaƙwalwata tafara tariyomin abinda ya faru jiyah..
Zabura nayi zan tashi amma naji ƙafafuna kaman lilo saboda rashin ƙarfi,haka na manta dasu cikin dauriya na fito daga ɗakin,kaman zanyi kuka na nufi ƙofar inna.
Wayyo ni ƴasu mai zancewa inna,daga cewa jeki ana ƙiranki kawai sai kwana,nasan kuma tana kallona zata san mai yafaru,wayyo Allah ka taimakeni.
Daga bakin ƙofar na rakabe ina kallonta,a zaune take tana saqa tukarta,gefenta kuma rediyo tana jin labarai,kana kallon yanayin zaka san rana tayi sosai,meyasa goje bai tasheni ba to.
Kaina ya sunkuye nashiga ƙofar,ko kaɗan naƙi bada ƙofah mu haɗa ido da inna..
Zama nayi a gabanta tareda gaisheta cikin wata munafukar murya,wadda nasan saita nutsu tajini.
Amsawa tayi cikin fara'ah tareda tashi ta nufi ɗakin da muke ajiyar kayan abinci.
Kwanuka da ɗauko dakuma ledar tsiren jiyah,kenan gojene ya kawo mata ita da safe?
"Ga nan abinci kici"
"Uhm inna ke kikayi abin karyawar?"
"Ehh mana nice nayi,tun da sassafe goje dayazo gaisheni yace nayi abincin karyawa bakyajin daɗi,yaran gaji ma korarsu yayi daga gidan sassafe,wai sai sun tafi makaranta kada su dameki,nasan lokacin ko mai gadi ma bai buɗe makarantar ba. Gaji haka tayi ta faɗa daya fita har tayi shuru"
Wayyo goje bazai gasheni ba,saikace wata ƴar sarki,wato da kansa ma yazo yafaɗawa inna abinda yafaru,ninan nake wata haukata....kai maza kunyarsu da sauƙi.
Daukar kwanon abincin nayi daga gaban inna nashige ɗaki da gudu.
Ina shiga nasamu ta shiryamin kayana a cikin jakata tsaff.
"Inna yanaga kin shiryamin kaya koh....."
"Gojene yace na shiryamiki kayanki ki koma ƙofarsa,daga yau bazaki sake kwana a wajen ba,kinga kuwa mai abu zai karbe kayarsa ai dole na tattaramiki kayanki,duk da banason zaman ni kaɗai ɗin,saina ƙira su kursiyyah kwana"
Ohh jinayi kaman ƙasa ta buɗe na shige,wai dama haka yakene ko yanzu yazama haka.

.....bayan wata biyu.....
Abubuwa da dama sun faru,ciki harda sabuwar rayuwar data ɗinkeni da goje,mukayinta cikin farinciki da mutunta juna.Na koma ɗakinsa da zama,wanda yanzu yazama ɗakinmu,zama na dashi na gane ɗabi'unsa na sauƙin kai da kuma soyayyar dayake nunamin babu kama hannun yaro.
Makaranta ma shine yake kaini kullum ya dawo dani. Yanzu nasan lalurar dayake ɗauke da itah harda aljanu,na gano hakanne tun bayan bamu daɗe dafara zama tare ba sai naga yafara sauyamin,wani lokacin ko kwana bayayi a gida.
Hakan ya dameni sosai da sosai,gashi duk yanda zanyi dashi bazai bani amsa ba.
Hakan yasa na samu Tunga na tambayeshi,baicemin komai ba kawai sai rakani bukkar da goje ya haɗa a jeji dayayi..
Ranar har kuka nayi daga halinda yake ciki a bukkar,harma da labarin halin dayake ciki duk ya faɗamin komai. Da ashe shine abinda zai faɗamin duk ranar dana tambayeshi.. Nida Tunga daƙyar muka lallameshi yafito daga wajen,anan nabawa Tunga shawarar ya ƙona bukkar,da dafarko yaji tsoro amma nace masa ya aikata bakomai..
Nikuma tundaga wannan lokacin nafara nema masa magunguna na islamic batareda saninsa ba,ko turarene na maganin saina sakashi da sunan turaren ɗakine,tun yanacemin bayaso yana sakashi ciwon kai har ya fara sabawa.
Ruwan shankuwa dama anan nake saka masa tofin da ake na ganyen magarya na aljanu. Sannan na dage da kunna karatun ƙur'ani ko yawan karantawa a koda yaushe.
Yanzu ya daina yin wannan fushin da kuma shaye shayen,amma wani lokacin ko tafiya yake sai ya tsaya kaman ya daskare,sai daga baya kuma sai ya cigaba da tafiyah,ko zance yake sai ya tsaya kaman mai son tuno abin. Tsoro ne yafara shigata da wannan sabon halayen,wanda hakan yasa nasake dagewa na yimasa maganin a boye,yanzu har da daddare idan yana kwance saina ina tofa masa Addu'o'i,amma maimakon naga sanji saima gaba gaba dayakeyi.
Duk kuma wannan abun da akeyi babu wanda yasani dagani sai Tunga,saboda baya shiga cikin mutane sosai. Soyayyarmu da mu'amalarmu bata sanja ba ko kaɗan,dan ko yana waje yaji ciwon kai da sauri yake dawowa wajena,nikuma sai nake amfanj da wannan wajen bashi maganin batareda yasani ba.
Yauma a zaune yake akan kujerar daya saka a ɗakinnamu,ruwan Addu'ar dana karbo a wajen wani mai magani nabashi,cemasa nayi na ciwon kansa ne,dan haka bayyi musi ba ya karba. Bayan ya shanye miƙomin kofin yayi na ajiye.
"Sumaimah inason yin tafiyah zuwa gwagwalada yau,amma ba kwana zanyi ba"
Innalillahi badai waɗancan mutanen bane da mukasamu wata biyu bayyi zancensu ba. Aikuwa sune dai.
"Sun gano ina raye har sun nemi naje meeting ɗin dazasuyi yau ɗin,bai kamata na boye tamkar matsoraci ba,inason na tunakresu na kuma faɗamusu cewar na fita daga ƙunyarsu"
Ajiyar zuciya nasaki na jin daɗi ganin ya yarda zai fita daga shirginsu,dan dama sunyi magana da wani dan auguwar kan zai fara safarar shinkafa dashi,nayi farinciki sosai danaji yadaina dabanci zai fara sana'a irinta sauran kamilallun mutane.
"Eh to hakan yayi,amma dai bazaka je da wannan jakar ba ko?"
"Uhmm kekam yadameki da jakar nan,waya sani ma ko kinfi damuwa da itah kanni"
Yafaɗa yana sauya fuska,zama nayi akan cinyarsa tareda kama kumatunsa ina murmushi.
"Ni na isa,kawai dai ina tunanin danshi zasu nemeka ne,sannan indai har za'a dawo dakai garinku ace ka kulada ita,to tanada matuƙar muhimmanci"
"Uhm hakana kam bazan je da itah,idan kuma naga sunsan tana wajena to zan san yanda zanyi"
"Inaso na faɗamaka ma yau nakeson zuwa gida,rabona da zuwa tun lokacin danaje baba yana asibiti"
"To shikenan kije,dama nima bana nan,za'a bar inna ita kaɗai yaukenan"
"Eh kam,amma da kaɗau Tunga ku tafi mana tare,kaga kowani abune ma biyu yafi ɗaya ko a wajen ƙirge"
Da bai yarda da zancennawa ba,amma a hankali nashawo hankalinsa ya yarda zasu tafi su biyun a mashin ɗinsa. Kasancewar bamuda nisa da can ɗin.
Sai bayan ya shirya yafita daga gidan kafin nima na shirya... Tunda ya fita nakejin faɗuwar gaba wacce bansan ta mecece ba.
"Allah dai yasa alkhairi ne"
Nafaɗa a raina.




Littafi na ɗaya ne dana biyu kaman yanda na sabayi,na ɗaya bati siddan,na biyu kuma Naira 300 ne dan haka zaka iya biya tun yanzu kafin a shiga kashi na biyu.

3131951977
Auwal Sadiya
First bank

Ko katin mtn ta nan
09035784150

VTU ta nan
2347068390570

Shaida kuma ta nan
09035784150

Ƴan niger ku tuntubi wanann number.
+227 97 21 16 15
----------------------------------------------------

Sadi-sakhan ceh
09035784150
Share please*SANADIN CACA*


Mallakar SADI-SAKHNA


PROFICIENT WRITER ASSOCIATION



*USERNAMES*
FACEBOOK PAGE:Sadisakhna
WATTPAD:@SAKHNA03
AREWABOOKS:@sadeesakhna
PHONE NO:09035784150
________________________________
*Book 1*
Chp[30]




Goje baya nan,dan haka da ƙafata na taka zuwa gidan,kasancewar ba wani nisa ne dashi sosai ba.
Lace ne a jikina mai kyau a jikina wanda goje yayimin,sai hijabi dana saka da takalmi,naƙara fari da ƙiba ainihin siffah ta ta jin daɗi ta bayyana,ko makaho ya shafani yasan na sanja fiyeda da..
Sallama nayi daga shigata gidan,kasancewar ƙofarmu na dan ciki saida na gaisheda matan dake wajen tukunna.
Suma kallona suke da mamakin sanjawar tawa.
Wucesu nayi zuwa ƙofar tamu,ammi tana zaune da tiren gyaran shinkafa a gabanta,faɗi in faɗa suke da rammah wacce take daga cikin ɗakinta.
"Haka kawai dankin rainani kinga bana magana,lokacin da aka kawo Sumaimah nina ɗauketa,wannan kuma har an baki kice wajena zata dawo? To naji da nawa tarin gayyar mana,ba kayanta dazan ɗauka,kuna nan dake da itah mutu ka raba,indai kin auren ubanta. Yo ubanta mana tunda ya riga ya lakato ai dole ya tanɗe"
Sallama nayi ganin abinnasu ba ƙarewa zayyi a lokacin ba.
Ammi ce tafarayin shuru tareda ɗagowa ta kalleni,murmushin ƙarfin hali nayi mata kana na zauna a wata ƙaramar kujera a gefenta.
"Lahh Sumaimah kece a gidan"
"Ammi na sameku lafiya ya gida?"
"Uhm gida kam gashinan mana,kekam ai kinji daɗinki,muna jin labarin goje ai a gari yazama tamkar ba shiba"
Uhm kawai nace,daga zuwa sai zancen daɗi kawai,koda yake haka gidannamu suke,basuda aiki sai zancen ayi auren yarinya ta huta,a ga mai take sakawa kokuma mai take ci,sannan ya kuɗin mijinta.
Wata maganar da rammah tayine ta katseni daga tunanin.
"Ahh lallai kam,tayi bulbul da ita ga zahiri nan ma harda shigar ciki,da alama shine yasaka ta kyan bawai zallan jin dadin bane yanda ake tunani"
Wani takaici ne ya cikani amma haka na shanye,wai basuda abin faɗa sai wannan ne,ita kam inna rammah ko gaisawa bamuyi ba da itah,tafara zancen da bai shafeta ba.
"Ammi ina baba kuwa,ko ya fita?"
"Wai ya fita,tun safe ya tafi akan magana gonarsa rabin,ya siyar da ɗayan ai kuɗin ya bata,shine har kika samemu a asibiti wancan karon,to zancen ya tafi yau ma..
Shiga ɗaki ki cire hijabin mana,sannu da zuwa ya innar gojen?"
"Tana nan ƙalau"
Hira muka dan fara tabawa,wanda yawanci na abubuwan da suka faru bana nanne,muna tsaka da haka najiyo kukan yarinya tundaga bakin shigowa gidan,saikuma muryar Musbahu yana magana kaman mai faɗa.
Butt suka shigo a ƙofar yana riƙe da hannayenta,sai dadare take tana jijjiga kai.
"Kayi min rai yaya Musbahu wlh bazan sake fasawa kowanne yaro goshi ba daga yau,Allah da gaske nake"
Ihu take kan gari ya gari kowa na jiyota a gidan,abinda yabani mamaki babu wanda ya kulada sha'anin,har inna ma batace komai ba sai cigaba da tayi da aikinta. Hakanne yasa na gane cewar Deejah ce yar baba uwaisu daya samo a caca,wacce nake jin labarin ta..
Bulalar hannunsa ya zuba mata a gadon baya,ta kuwa sake ƙara saurin kukannata,ganin bazan iya jurewa ba yasa na tafi da sauri na karbeta,lallai itama wannan da sakarci take,ta kusana girman jiki amma take abin yara haka.
Haƙuri na fara bashi tareda janyeta daga hannunsa,har sannna bai kulada ni ba sai dukanta yake.
"Kayi haƙuri yaya Musbahu duka baya magani ko kaɗan,kada ka jimata ciwo a garin gyara"
Sakin hannunta yayi ta zube a wajen tana burburwa. Shikuma sai numfashi yake sakewa kaman wanda yayi faɗa da bijimi.
"Hmmm ƙyaleni Sumaimah na koya mata hankali,bakisan abinda tayi bane shiyasa,ɗan shugaban makarantar fah ta rotsewa kai,kuma a hakan bai isheta ba za'ayi mata hukunci ta zazzagi malaman da sunyi jikanu da itah,shine yanzu suka ƙirani kan naje na tafi da itah sun koreta a makarantar. Wannan fah itace makaranta ta uku dana sauya mata,banida buri illah naga tayi hankali,amma ita da alama ba hakanne a ranta ba,a na tausayinta bata tausayin kanta"
Yana nunata yake maganar,kana gani kasan ransa ya baci sosai. Maida idona nayi kanta,tana sunkuye tana rira kaman wata ƴar bori.
"Kayi haƙuri yaya Musbahu komai da sannu zai wuce kaman bai faru ba Inshaallah"
"Hmm Allah yasa,sannun ki dazuwa ya gidan?"
"Lafiya kalau nake"
"Barina je na dawo,yawwa inaso muyi magana dake amma barina sauya kaya tukunna"
To nace masa daga nan yafita daga ƙofar,komawa nayi wajen zamana na zauna ina kallon Deejah wacce ta dasa aikin kuka a tsakar gidan,kayan makarantar tata sunyi butu butu dasu. A yanayin girmanta bai kamata a ace tana haka ba. Su ammi har akayi aka gama babu wanda yayi ko tari a cikinsu,da alama sun saba ganin hakan ba yau ne farau ba.
Wata kazace tazo zata wuce,aikuwa takai mata cafka kaman wata kuliyah,saurin tsallakewa tayi ta gudu domin ta tsira da ranta.
Wata mata ce daga cikin matan gidan tayi magana.
"Ahah dakata kada ki huce akan kazata bataji ba bata gani ba,inkuwa kika kasheta saina faɗawa wanda ya dakekin ya ƙara miki"
"Yiiii Ki faɗa ɗin mana,ina ɗan ki zaizo kwanciya da daddare koh,wlh saina sanja masa kamanni,ƴar matsiyata kawai"
Zaro ido nayi ina kallon yarinyar,wai dama haka take ashe,babu wanda tabari a gidan da jarabarta,gaba ɗaya ta zame musu ƙarfan ƙafa. Shikam uwaisu yanzu ko hanyar gidan cacar bayayi,gani yake kaman za'a ƙara bashi wata Deejah. Wancan satin ɗakinsa ta shiga zata yankashi d wuƙa a hannunta,wai taji labarin bai kawo kuɗin cefane ba kuma yunwa take ji. Tunda bazai ciyarsu ba toh bashida amfani. Tun daga ranar kullum sai ya iyo cefane yakawo gidan,ko yana dashi ko shida shi,dan daga taga ba abinci zata fita neman sa a garin,kowa ma yasan hakan.
Shiyasa ba shiri ya maida hankali kan sana'arsa,gashi sai taga Musbahu baya nan takeyi,ba wanda kuma ya isa faɗamasa in ya dawo saboda yana tsoron ta huce akansa.
Nidai na daɗe a nan zaune ina kallon ikon Allah.
"Khadija ki tashi a ƙasannan haka,babu kyau mace ta dunga zama a ƙasa,Sannan kinga kayanki duk sun baci da datti kaman ba babbar yarinya ba,ko so kike yara su rainaki kai?"
Cikin sigar rarrashi da jan hankali nayi maganar,yanda zai ɗau hankalinta. Aikuwa nayi nasara,dan tayi shuru dayin kukan,amma bata daina tofah yawu a gaban hijabin ba.
"Kinga shi wanda aka dukaki akansa yana can yayi shuru kuma bai bata kayansa ba,idan ya ganki cewa zayyi ashe ma ba ƙarfine da itaba,tunda ni nayi shuru ita kuwa tana kuka,zaice ma yafiki ƙarfi,hakane?"
"Ahah wlh nafishi ƙarfi,niba sa'ar sa bace"
"Yawwa to kin gani,kuma inkina faɗa da maza darajarki da mata zata zube,ko so kike duk inda kika wuce a dunga cewa ga wannan wacce take faɗa da mazan"
"Na daina toh"
Tashi tayi daga ƙasan tafara kakkaɗe kayanta,a dole ita kar a ce tayi datti,hakan da tayi ba ƙaramin dariya yabani ba,batada girman kai kaman goje,a haka ne mutum zai gansu sunada wuyar sha'ani,amma idan mutum ya zauna dasu a hankali zai gano sauƙin kansu.
Gyaran murya Musbahu yayi ,ashe yana wajen lokacin da nake magana da Deejah,har ta tashi daga wajen ta nufi ɗakinsu..
"Ban taba ganin tayi abu cikin ruwan sanyi batareda duka ba sai yau,da alama magana zata iya yin amfani a kanta kenan"
"Hhhh yaya Musbahu kenan,shin akwai wanda magana bata tasiri akan sa ne,har zaki ma ai yana jin magana wani lokacin"
"Abinda ya faru har yasake tunamin abinda nake son faɗa, wani satin zan tafi training na aikin sojoji,shine nakeson barmiki kulada Deejah a hannunki,bawai zata zauna a wajenki bane,illah dai koda sama sama ne ki dunga bincikar ya take,sannan ki ɗan ja ta a jiki tasan abubuwa a matsayinta na ƴa mace,yanda zata kula da kanta"
Dallla dalla yakemin maganar ina saurarensa,haƙiƙa ya burgeni sosai,kuma nayi na'am da wannan taimakon dayake shirin yi,harni ma yasakani a ciki,mai zai hana na taimaketa kuwa,indai abinda zan iyane.
"Ba damuwa yah Musbahu karka damu,Inshaallah zanyi iya kokarina,kai kuma Allah yabaka sa'a ya tsareka daga mungun abu da mungun nufi"
"Ameen ya Allah nagode sosai"
Muna cikin hirar ne naji wayata tayi ringing,ɗaukowa nayi nasan bazai wuce goje ba,ko ya faɗamin sun isa..
Da murmushi na na ɗaga wayar,saidai abinda naji a ɗaya bnagarenne yasa yanayin fuskata ya sanja nan take,jikina ya tsaya da aiki na wani lokaci,iyah ƙwaƙwalwata ce kawai take aiki sai jinin dayake bugawa a cikin zuciyata kaɗan kaɗan.
Sakin wayar nayi ta faɗi a saka yayinda fatar bakina tafara rawa ina rarraba idona akan su ammi da yah Musbahu.
"Ya....yahh yah Musbahu mmmi.....mijinah ya Musbahu mijina kukaini wajensa yanzu na roƙeku"
Ganin nafara maganganun da bansan mai nake cewa ba ne yasakashi ɗaukar wayar dan yaji mai naji..
"Hello hello Sumaimah kina jina,muna general hospital anan gwagwaladan sun shiga dashi emergency,saboda kansa ya bugu sosai"
"Ba ita bace yayanta ne Musbahu,Tunga bai kamata ka fada mata,wannan maganar ba,yanzu dai karka damu gamunan zuwa garin,yanzunnan zan kawota"
Yana kashe wayar ya fita waje da sauri,jan lilon ƙafata nayi dasauri na bishi wajen,saboda kada ya tafi ya barni,dan ji nake idan bangnashi ba bazan iya sukuni ba.
Ina fita naganshi yana tada mashin ɗinsa,ban tsaya tambayarsa ba kawai na ɗale.
Gidana muka tafi domin sanarwa inna abinda yake faruwa,a Ƙofar gida ya tsaya nikuma nashiga ciki domin sanarwa mata.
Tana zaune da tukarta a gabanta daga na faɗo gidan ko sallama babu,kaman banice mukayi sallama da itaba na tafi gida ɗazu..
"Hasbunallahu Sumaimah lafiya na ganki haka kaman an jefo ki?"
"Inna goje yayi hatsari inna kizo muje da sauri mu ganshi"
"Innalillahi wai inna ilaihi raji'un yanzun ke daga ina kike?"
"Uhn tare muke da Musbahu a mashin ɗin sa zai kaini. Inna karki damu ki shirya barina je inyaso saiki taho"
Ina faɗamata hakan nafita daga gidan batareda na jirata ba,saboda bana cikin hankalina ko kaɗan.
Tafiya muke a mashinɗin amma gani nake kaman baya sauri.
Munsha iska kam saboda tafiyar da ɗan nisa sosai,amma ko kaɗan bata wannan nake ba,burina na isa naga mai yake faruwa dashi..
Kai tsaye babban asibitin muka wuce,bamusha wahala ba tunda munsan inda aka kwantar dasu,wato a emergency..
Muna shiga ward ɗin wajen bada suna muka nufa,bakina har rawa yake wajen fadamata sunan wanda aka kwantar.
Muna cewa goje suka gane,dan sunan da Tunga ya shigar kenan.
"Am sorry madam patient ɗinku yana dakin tiyata basu fito ba tukunna,amma ku shiga ɗakin can akwai wanda aka kawosu tare"
Bin hanyar data nuna mukayi ,ina gaba Musbahu yana bina a baya,ɗakin mukashi anan nayi arba da Tunga a kwance an naɗe ƙafarsa da bandeji..
Cikin sauri na isa bakin gadonnasa,cikeda zumuɗin jin amsar tambayata,duk kuwa yanayin Tunga ma bamai daɗi bane,amma daga gani zai iya magana.
"Tunda mai yafaru,ya akayi kukai hatsari,meya sameshi,yaji ciwo sosai,zai tashi ko........"
Yah Musbahu ne ya dafa kafaɗa saboda ya tsayar dani daga tambayoyina marasa adadi.
"Ki kwantar da hankalinki Inshaallah zai samu lafiya"
Ya Musbahu yafaɗa cikin tattausar murya.
Muryar Tunga naji wanda dama ita nakeson ji yanzu,saboda amsoshina.
"Nima wlh Sumaimah bansan mai ya faru ba,kawai muna cikin tafiya yana tuƙawa,shigowarmu garin kenan kawai sai gani nayi yasake kan mashinɗin kaman wanda ya suma,kafin na ɗagoshi har mota ta hau kanmu,kasancewar shi baya cikin hayyacinsa shiyasa buguwar tayi masa mummunan rauni akai. Shine mukazo a asibitinnan,amma batun sauƙi kam saidai a wajen Allah"
Ban gama jin maganar Tunga ba naji wata nurse ta shigo.
"Am wacece mrs goje"
Ɗagowa nayi tareda kallonta,itace wacce ta nuna mana ɗakin Tunga.
"Am sorry to say,amma likita yace kuyi shirin tafiyah babban asibiti a abuja,domin yasamu ciwo sosai a kansa,ko motsi bayayi har yanzu. Ki kwantar da hankalinki fah zai samu sauƙi"
Hmmm zancen kwantar da hankali takemin a wannan yanayin..
A bakin gadon Tunga na zauna ina yaƙi da numfashi na dayake cikowa.
Ina cikin wannan yanayin inna ta iso,itama dataji abinda yake faruwa ba ƙaramin kiɗima tayi ba.
Ƙarar tura gado naji irin na aikin tiyata,hakan yasa na tashi tsaye ina kallon masu turowar,mutumin dana rabu dashi ɗazu muna zance,shi ake turomin akan gado kaman gawa.......


Littafi na ɗaya ne dana biyu kaman yanda na sabayi,na ɗaya bati siddan,na biyu kuma Naira 300 ne dan haka zaka iya biya tun yanzu kafin a shiga kashi na biyu.

3131951977
Auwal Sadiya
First bank

Ko katin mtn ta nan
09035784150

VTU ta nan
2347068390570

Shaida kuma ta nan
09035784150

Ƴan niger ku tuntubi wanann number.
+227 97 21 16 15
----------------------------------------------------

Sadi-sakhan ceh
09035784150
Share please*SANADIN CACA*


Mallakar SADI-SAKHNA


PROFICIENT WRITER ASSOCIATION



*USERNAMES*
FACEBOOK PAGE:Sadisakhna
WATTPAD:@SAKHNA03
AREWABOOKS:@sadeesakhna
PHONE NO:09035784150
________________________________
*Book 1*
Chp[31]







Nice nafara takawa zuwa inda gadon yake,yana kwance an nannaɗe kansa da bandeji da kuma ƙafarsa ta hagun,ganin fuskar tasa nayi kaman mai bacci,amma nasan ba haka bane,a sume yake da babu dama nayi ƙiransa ya amsamin.
Hawayene yake jirarowa a cikin idona,na ɗan samu lokaci a hakan kafin inna ta janyeni suka wuce dashi zuwa motar asibitin..
Bayan an sakashi a ciki nice na shiga sai inna,sun turamu asibitin abuja,bayan mun saka hannu a takardar yarda da hakan.
TH suka turamu inda za'ayi masa aikin akannnasa,biyan kuɗi kuma yana garemu kenan.
Tafiya muke a cikin motar asibitin,idona yana kan goje wanda yake kwance kaman gawa,ban san wanne lokaci muka ɗauka muna tafiya ba,domin ba wannan ne a rainaba,sai jin nafito naji kawai.
Fuskata tayi shabe shabe da hawaye,da suka turashi neurology department ɗin ji nayi kaman nabishi mu shiga tare,amma nasan bazasu barni ba.
Waje muka samu muka zauna,a duk cikin mu ukun babu wanda yake cewa komai.
Shikam yah Musbahu tunda yaji cewar abuja zamu taho bai biyomu ba,sai ya koma faɗawa sauran yan gidanmu. Tunga ma a halinda yake ciki bazai iya biyomu ba,saboda jikinsa bai hutaba tukunna,saidai yace zai taho gobe da kuɗin aikin,wanda nasan a cikin wannan jakar kuɗin gojen zai ɗauka.
Kaina na kwantar a jikin inna,duniyar tayimin zafi na rasama abinyi,banda bugawa babu abinda zuciyata takeyi,kowanne daƙiƙa tunani nake shin zasuyi nasarar yimasa aikin kokuma ahah.
"Kiyi haƙuri ki saka tawakkali aranki Sumaimah Inshaallah zai tashi kaman bayyi ba,abin kam zai taba miki zuciya,musamman yanda kuka shaƙu dashi a wannan lokacin"
Abinka da wanda ya ciko an rarrasheshi,kuka na rushe mata dashi tareda ƙanƙameta,itama ganin hakan yasa ta juyo tana bubbuga bayana.
A hakan a wajen muka kasance har goshin magriba,in lokacin sallah tayi muyi musake dawowa mu zauna,Addu'a kuwa nayi har bansan abinda nake faɗa ba.ina cikin yin Addu'o'i bayan na idar da sallahr magriba naga sun buɗe ƙofar wajen tiyatar sun fito dashi,da gudu na tashi har ina tuntube na nufesu,dakatar dani sukayi kafin nakai ga inda yake,wata nurse ce ta tsayar dani,tareda yimin alamar nayi haƙuri ba'ason hayaniya kusada shi.
Ɗaga mata kai nayi ina binsu kaman raƙumi da akala har zuwa ɗakin da za'a kwantar dashi ɗin.
Kana ganin yanda suke kasan a cikin nutsuwa suke saboda tsaro,nidai nida inna kallo kawai muke binsu dashi har suka gama.
"Yawwa kece matarsa koh,munyi nasarar janye jinin daya shiga cikin kansa,amma zai ɗau ɗan lokaci kafin ya tashi,kafin sannan muna buƙatarki a office,mama kekuma zaki iya zama a wajensa kafin ta dawo,amma fah banda yin motsi mai sauti sosai.
Toh inna ta ɗaga musu kai tareda zama akan kujera a ɗakin,yayinda nikuma na bisu office ɗin..
Yawanci dai bayanai sukayi tayimin na abinda yafaru,naji daɗi sosai da suka ce aikin yayi kyau zai tashi babu wata matsala. Murmushi nakeyi har haƙorana suna fitowa da sukace zai tashi nan da kwana uku..
"Yawwa sai biyan kuɗin aiki a ƙa'ida saikun biya a fara aiki,munyi muku ne saboda asibitine suka turoku,amma ku tabbatar kun biya xuwa gobe"
"Inshaallah zamu biya doctor mun gode sosai da sosai"
Tashi nayi da murnata zan rafi,sai naji yayi magana ƙasa ƙasa..
"Nikuwa ina nasan wani mai irin fuskar wannan mutumin?"
"Ehh doctor kace me?"
"Ahah bakomai zaki iya tafiya wani hasashe kawai nayi"
Ban kawo komai a raina ba nakoma wajen inna,inaga ba dani yake bama.
Nida ita muka kwana a ɗakin gojen,duk da ma ba motsi yakeba ballantana ya buƙaci wani abun.
Washagari da safe Tunga suka taho shida Musbahu,sun taho mana da kaya wanda zamu buƙata a zaman.
Sannan a lokaci kaɗan suka gama cuku cukun biyan kuɗin aikin,daɗin abu dana miji kenan.
Rayuwar asibitin muka kama gabagaɗi ba kama hannun yaro,a kwana uku dukka munyi su ne ba gajiya,da tunanin goje zai tashi ya buɗi ido kaman koyaushe yacigaba da hidimar sa,saidai me.....anyi kwana huɗu daren na biyar yana shirin shiga ko motsi bayyi ba,wannan abu ya saremin gwiwa fiyeda yanda mai tunani zai tuna. Tun ina kuka a gaban inna ganin tana shiga damuwa yasa nake shiga banɗaki nayi naƙoshi.
Likitoci abu kaɗan su shigo su dubashi,in sun gama gwaje gwajensu saisu ce mana lafiyarsa ƙalau yanzu,ko yaushe zai iya tashi,tun ina yarda dasu yanzu na gane ƙarya suke tunda bai tashin ba..
Jiya naje gida na dawo,damma munyi hutun makaranta,yau kuma inna ce ta tafi gidan gobe zata dawo,sannan tare zasu taho da kawunta daya keso yazo yaga jikin gojen.
Maganganu take bani na ban baki,tareda ƙarfin gwiwar cewar zai tashi,itama yanzu jinta kawai nake tareda cewa toh.
"Ni zan tafi Sumaimah dan Allah kada ki sakashi a gaba kin wannan kukan da daddare ki ƙiyin bacci,shima kin san bazai so ganinki cikin damuwa ba"
"Shikenan inna saikin dawo"
Ban amsa mata yin kukan ba,saboda nasan konace bazanyi ba sai nayi ne"
Bayan ta tafi banɗaki na shiga na ɗauro alwala,karatun kur'ani nayi na tsawon lokaci kafin bacci ya kwasheni,saida naji muryar wata nurse kafin na farka. Sister Fauziyya ce mai zuwa duba goje,a satin da mukayi a wajen har munyi sabo da itah.
"Ahhh baccine haka kikeyi,ko kin kishingiɗa ne bayan kinyi magriba,dan gashi har tara ta kusa"
Zaro ido nayi tareda miƙewa ina kallon gaban wayata,tara saura na dare,nida na kwanta tun huɗu da wani abu.
Wannan wanne irin bacci ne nake haka kaman marar lafiyah,cikeda mamaki nashiga banɗaki na sake dauro wata alwalar domin yin sallolin.
Kallonsa nake nayi tagumi,ciwon dayake jikinsa har sun fara warkewa saboda yana samun kulawa,amma shikam yaƙi tashi har yanzu,na daɗe idona biyu har cikin dare.

___***___


A hankali ya buɗe idonsa ya daidai hasken yanda zai iya ɗauka,kallon farin cilin yake da tunanin mai kuma ya kawoshi nan?.
Tashi yayi ya zauna yana kallon ɗakin,asibitine mai ya sameshi aka kawoshi asibiti,koda yake inaga lokacin da motarsa tafaɗinnan yaji ciwo shiyasa suka kawo shi asibiti.
To amma ina mommah