You Cannot Download this book untill you login but you can read it .

---

Login Register

alfahari da Aliyun matsayin ɗa?" Cikin sauri Father ya ce "Aliyu bai taɓa yi mini rana ba, to akan me zan yi alfahari da shi? Idan yana so mu shirya dole ya daina wannan In-inar ko kuma ya yi aure cikin satin nan"

"Aliyu akwai wacce ka ke so ne?" Sai a lokacin Sheikh ya kalli Uncle Haroon yana runtse idanunshi zufa na yanko masa a ƙoƙarin shi na ganin ya yi magana babu In-ina amma ina ba zai iya ba ƙaddarar shi ce hakan.
Cikin fitar hayyaci yana rirriƙe jikinsa da kyau tare da buga ƙasa da hannun kujera ya ce "ba...ba ba bana son son kowa uncle.. ba ba bazan iyyyya zama dadda da mace ba" shiru duk sukai baƙin ciki ne kuma ya hana mother magana. Father ya ce "Ok good a Sbd haka ka shirya zama da Zahrah ƴar gidan babban aminina, cikin satin nan za a yi aurenku kai da Zahran babu fashi" miƙewa Mother ta yi cikin faɗa ta ce "Wallahi Aliyu kayi kaɗan ka saka Sheik ya auri wannan Yarinyar da ban amince da tarbiyyar ta ba, me Sheikh zai da ita? Yarinyar da take kusan sa'ar shi kaɗan ne babu ta girme shi ba? duk shekarun da Aliyu ya yi babu aure sai kuma ya ƙare wajan tsohuwa, ban amince ba kuma ban yarda ba, ka bawa Aliyu duk wacce kaga dama amma ban da Zahrah" murmushi father ya yi ya ce "Idan har ni ne uban Aliyu ba wani ba? Ya zama dole ya auri Zahrah idan kuma bani ne mahaifinsa ba sai ki bashi wacce kikai niyya Barrister Maryam" hawaye ya cika Idanun Mother ta ce "Oh yanzu kuma sheganta Aliyu zaka fara bayan zarafinsa da ka ke ci akan larurarsa?" Banza father ya yi mata. Uncle Haroon ya numfasa ya ce "Engineer Aliyu Wannan bai kamata ba, idan kana so Aliyu ya yi aure,Let him choose the woman he wants to marry himself, ka sassauta yanayin da ka keji game da Aliyun" Father ya ce "Abu ɗaya ne zai kawo Shira tsakanina da Aliyun shi ne auren shi da Zahrah idan bai amince ba yaje na zare hannuna daga Lamarinsa kuma ya zare sunana a matsayin Uba" Dakawa Father tsawa Uncle Haroon yai ya ce "Wai Aliyu wanne irin banzar magana ce kake haka? Ni da kai na zan iya samawa Aliyu matar aure, ka daina ganin kai ne ubansa ni ma uba ne a wajansa, ga kuma babban Uba hakimi duk mun isa mu tsayawa Aliyu, ka daɗe baka cire hannunka ba, kuma wallahi ka sake na rabaka da Aliyu ka rabu dashi kenan har abada" Girgiza kai Abba Hakimi ya yi ya ce "Ba za a yi haka ba Haroon, haƙƙin Aliyu ne samawa Sheikh matar aure a barshi ya aura masa Zahrah Allah ya sa albarka,kada ka damu da Sheikh nasan zai amince" miƙewa Sheikh ya yi cikin zafin e da kutuwar zuciya irin ta kurmaye Aliyu ya fara faɗa ta inda ya shiga bata nan yake fita ba, idanunshi gaba ɗaya ya rufe Innar ta hana ya ji abin da yake faɗa, idan kuma ya fara faɗa babu wanda ya isa ya tsayar da shi daga faɗan da yake. Saukar wani zazzafan mari da Sheikh ya ji a saman kamilalliyar fuskarsa ya sanya ya yi saurin rufe idanunsa Father ya nuna Sheikh ya ce "Ni kake ɗagawa murya Aliyu? Ni sannu kuturu uban ƴan zuciya daman zuciyar taka nake buƙata auranka da Zahraan kuma babu fashi" ƙwafa Sheikh ya yi domin baya iya riƙe kansa idan zuciyar ta motsa uban kowa sai ya san babu lafiya a gidan. Wuyan rigar Father ya riƙe da kyau zufa na mamaye dukkan goshinsa a wannan karan bai buga ƙafarsa ba amma tamkar zai ɓalla wuyan rigar haka ya riƙeta da kyau cikin huci da faɗa ya ce "heee na... na na amince amma ka ka ka tabbatar mutuniyar kirki ce" Father da yaji shaƙar Sheikh ɗin har ransa ya ce "Idan kuma ba ita bace ba fa Aliyu?" Sheikh ya girgiza kai idanunshi ya yi jajur ya ce "Haaaaa ɗakkkkkk" yana faɗin haka ya saki Father tare da barin gidan baki ɗaya...


We're still in free pages🫰🏽 Littafi nan na kuɗi ne, a koda yaushe zan iya datse free pages. Salo na musamman biya 500 ta Wannan acct ɗin 6850917335 Na'ima Shu'aibu sulaiman fidelity bank. Shaidar biya 08119237616.
*🌈 IDAN BA KE 🌈*

*_Nimcyluv sarauta_*

12....
Bayansa suka bi da kallo ganin yadda ya fice a fusace. Father yaja numfashin wahalar da ƙyar kafin ya ce "Irin wannan ban zan yaron za a bawa mace mai ƙarancin shekaru? Ai ko Zahrah sai dai ta yi haƙuri da shi" Mother zatai magana Yaya Halima ta hanata ta hanyar danne hannunta tare da girgiza mata kai. Ganin ba wanda ya sake cewa father komai ya juya zuwa upstairs. Uncle Haroon ya kalli Abba Hakimi ya ce "Afuwa ranka ya daɗe kayi haƙuri da halin Engineer Insha Allah komai za yi daidai, Jadda ba zata barshi ya aikata hakan ba, I'll talk to him" murmushi Abba Hakimi yai yana faɗin "Me ne na haƙuri Haroon? Sheikh ɗan sa ne ba wanda zai yi jayaya da hukuncin da uba ya yi akan ɗan sa, idan hakan zai sa shi farin ciki da amincewa da Sheikh a barshi ya yi" "She's 32 years old Hakimi, tayi wa Sheikh girma ba zata iya yi masa biyayya ba, babu tarbiyya a wajan yarinyar nan na jima da saninta" Mother ta faɗa cikin damuwa. Yaya Halima ta ce "Barrister ke uwa ce a kullum, addu'a kawai za kibi Sheikh da shi, addu'ar ki zatai ta zagaya rayuwarsa sai kiga albarkacin haka Ubangiji ya daidaita tsakani kuma ya shirya yarinyar, ba a jayaya a cikin lamarin aure" Uncle Haroon ya ce "Ki bar Barrister ta faɗi abin da yake ranta, idan akwai wanda yafi sanin halin Sheikh da raninsa to ita ce mai biye mata shi ne Hakimi, babu kyautatuwar a zuwa Engineer idanu yana abin da ya ga dama, idan baya ra'ayin Sheikh a rayuwarsa sai muyi yarjejeniya mun ashe sa mu suke sunan shi daga jikin na Aliyun" miƙewa tsaye Abba Hakimi ya yi yana gyara zaman alkyabbar jikinsa cike da nutsuwa ya ce. "Wannan shawara ta Haroon ba dani ba, ban taɓa jin inda aka raba uba da ɗana ba, lokaci ku barshi ya bayyana mana komai" yana faɗin hakan ya yi waje yana dogara sanda. Uncle Haroon ma ya miƙe tare da yi musu sallama.
Bayan tafiyar su Yaya Halima ta kalli Mother ta ce "Barrister ki nutsu kada kiyi jayaya da hukuncin da uban yaron nan ya zartar ni ina ji ajikina akwai wani abu ɓoyayye a ƙasan auren mu amince da hakan" ƙwafa kawai Mother ta yi tana girgiza ƙafa kafin ta kalli Yaya Halima ta ce "Kin san Allah Yaya ko zan amince da auren nan sai dai Sheikh ya auri mata biyu?" Yaya Halima ta waro idanu sosai ta jima tana kallon Mother kafin ta numfasa ta ce "Tab, mata ɗaya ya zata ƙare wajan Sheikh bare mata biyu? Ai Wallahi mantawa zai yi da zamansu a gidan"

"Ai ko zai yi shekara ɗaya bai kalli ko wacce ba, Wallahi sai dai ya auri mata biyu" Yaya Halima ta ce "Naji zaɓin Uba, wace kuma zaɓin uwa?" "Bani da zaɓi amma duk wacce Allah ya nufa data kwanta mini ko ƴar gidan wace zan saka Hakimi ya ɗaura musu aure"
girgiza kai kawai Yaya Halima tai tana faɗin "Wata drama ɗin abin dry a gidan Engineer da Barrister a bani abinci naci ni dai" Mother ta miƙe tana kiran sunan Maimoon. Fitowa tayi daga part ɗinsu jikinta sanye da duguwar riga ta rusuna ta ce "Ina yini Mama?" Yaya Halima ta ce "Lafiya lou Maimoon ya karatu? Kwana biyu Mother ta hanaki zuwa ko?" Maimoon ta juya ta kalli Mother wacce ta ɗauke kai tamkar bata jin abin da suke cewa ta ce "A'a Mama, karatu ne ya yi zafi amma muna exam zan zo"
"To Allah ya taimaka, a kawo mini abinci" murmushi Maimoon tayi ta nufi kitchen. Yaya Halima ta kalli Mother tana mamakin zafin zuciyar ƙanwar ta ta. Arabian Mandi rice wacce ta sha kayan haɗi sai ƙamshi take Maimoon ya zubu a plate tare da haɗin salad da ya sha bama da egg with some of vegetables. "Ki sakko muci abinci Maryam" Mother ta ɗauke tana faɗin "Anya? ci kawai Yaya bana jin zan iya ci" murmushi kawai Yaya Halima tai tana faɗin "Allah ya kyauta komai ya yi zafi maganinsa Allah"

Yana tsaye gaban madubi banda huci babu abin da yake maganganun father nayi masa amsa kuuwa a kunnuwansa "Bashi da amfani, bai taɓa yi mini rana ba, ya yi mini asarar contract ɗina" hannu ɗaya ya sanya ya dafe kansa dake masa ciwo sosai, ɗaya hannun kuma ya rufe kunnansa a zatonsa hakan zai taimaka wajan rage tuna maganar mahaifin nasa. Ɗago jajayen idanunsa ya yi ya tsurawa kansa ido ta cikin madubin. A wannan karan dole ya nunawa father shi ma namiji ne yana shiru ne sbd bai damu da duniya da abin da ke cikinta ba. Juyawa ya yi zuwa Library ɗinsa dake gidan Hakimi. Zama ya yi saman kujera cikin sauri ya duba dukkan mayan kadarorinsa kama daga kan filaye, gidaje, ɓangaren Library na karatun addinin dana kimiyya ya buɗe, S.A.H bank duk yana fahimtar dukiyar tasa har ya kasa shi kansa bai yi tunanin abin da ya mallaka ya kai girman hakan ba, a haka kuma bai haɗa dana wajan Mother ba wanda suke mallakinsa. Tunani ya fara tunda yana da bank a kano me zai hana ya buɗe S.A.H BANK a sauran jahohin da suke Nigeria? Da kuma kamfanin sarrafa shinkafa ƴar hausa mai kyau wacce za taiwa talakawa sauƙin siya kan fara shi mai sauƙi?. Da wannan tunanin ya yi na'am da zuciyarsa cikin nutsuwa ya fita daga Library ɗin ya koma haɗaɗɗan bedroom ɗin nasa, kai tsaye toilet ya shige tare da sakarwa kansa shower yana sauke numfashi a hankali ya fara sauka daga dokin zuciyar yama mance da batun aure baki ɗaya. Domin daman shi bai dame shi ba indai macace da kanta zata gudu ta ce bata son shi domin ba zata samu abin da take buƙata ba daga gare shi. Fitowa ya yi yana ƙamshin shower gel Shea body butter ya shafa jikinsa ko body spray bai fesa ba ya cilla mint bakinsa tare da kwanciya saman bed ya rufe idanunsa.

Umar-khan ne ya shigo cikin parlourn Abba Hakimi bakinsa ɗauke da sallama. A hankali Abba Hakimi ya ajjiye azkar ɗin hannunsa wanda yake na yamma tare da duban Umar-khan cikin kamala da kamewa ya ce.
"Umar-khan yaya dai?" Shafa kai ya yi yana tare da faɗin. "Abba Hakimi daman Mother ta ce ko Sheikh yana nan? Gaba ɗaya baya can gida" murmushi mai laushi Abba Hakimi yai yana zame idanunsa daga kan Umar-khan ɗin "Aliyu ai ba yaro bane?" Abba Hakimi ya faɗa a gajarce Umar-khan ya miƙe ba tare daya samu cikakkiyar amsa daga bakin Abban Sheikh ɗin ba ya ce "Ni ma zan je gida, sai da safe Abba Hakimi" yana buɗe azkar ɗin ya numfasa kaɗan cikin sakin fuska ya ce "A gaida Abdulrashid"

"Zaiji sosai"
Umar-khan ya amsa wa Abba Hakimi yana barin gidan baki ɗaya tare da tunanin inda Sheikh ɗin ya yi domin yana tsoro idan zuciyar ta motsa kowa sai yaji babu daɗi. Momi A'isha ce ta shigo ɗauke da tray ɗin abinci zama tayi bayan ta ajjiye ta ce "Ina ta mamakin abin da ya sanya mahaifin Sheikh ke aikata haka kamar wani mara ilimi, kuma ya dace ace ka saka baki ko auren ya keso Sheikh ya yi sai ka zaɓa masa ƴar mutunci, kaga hankalin Barrister bai kwanta da zaɓin Engineer ba" gaba ɗaya Abba Hakimi ya tattara nutsuwarsa kafin ya ce "Ku dai mata yawanci tunaninku ɗaya, bani da ikon ture umarnin uwa ga ɗan shi,kada ki manta ni uban rana ne kuma mariƙi, I don't have the courage to deny the Engineer what he wants"

"Gaskiya dai, ni ina tunanin ko sbd Sheikh bashi da lafiyar yin magana cikin jama'a ya sanya Engineer ke yi masa haka? Kuma yana ganin He is the only male among his children, shi ne ya kamata ya tsaya kan harkokinsa na yau da gobe ya ɗauki buri ya saka akan Sheikh ɗin?" Abba Hakimi ya amshi fruits ɗin data gama yanka masa kafin ya kalleta da kyau ya ce
"Baki ke aiki ko ƙwaƙwalwa? Babu wani abu da Sheikh ba zai iya ba, In-ina kuma Ubangiji ya ɗora masa muna fata a koda yaushe ta zama sauƙi a gare shi" "haka ne Allah ya bashi lafiya, anjima zani gidan Barrister ɗin" Abba Hakimi ya ce "Ki yi zamanki" ta kalle shi ta ce "Amma me ya sa?" Shiru ya yi mata tasan ba zai bada amsa ba, kuma tunda ya ce haka yana nufin hakan har ransa.

A can commission Quarter's dake cikin garin Yola/ jimeta a hankali take driving saman makeken kwaltar da zai sadata har zuwa gida, numfashi ta sauke a karo na ba adadin tana kallon titi kunnanta kuma ma sauraran abin da Surayyerh ke faɗa tsaki ta ja ta ce "You bother me with noise wlh Surayyerh koda yaushe problems ɗinki da mahaifiyarki baya ƙare wa?" Surayyerh ke ta ce "A sbd ba ke bace ko? Gaba ɗaya ta takura ni wani lokacin gani nake kamar ba ita ta haifan ba" da sauri Zahrah ta juya ta kalli Surayyerh ta ce "Ashe daƙiƙiyya ce ke? Whatever is your problems ki barni da tawa matsalar" dry sosai Surayyerh tayi tana tafa hannu ta ce "Oh! Sorry ashe fa ciki yaƙi zubewa yanzu dole ki amincewa Deen kuyi aure" Zahrah stopped Surayyerh from what she was saying ta ce "And who told you cikin Deen ne? Ni kai na ban zan cikin waye ba, ban damu kuma dana sani ba kawai na zubar da shi ba aure a tsarina a yanzu dai" Surayyerh ta gyara zama sosai ta ce "Kin san Allah a yanzu babu abin da nake so sama da aure, sai yanzu na fahimci karatun bokon nan is nothing wani abu ne wanda kana cikin gidan mijinka ma zaka iya yinsa" Zahrah bata ce komai ba tunaninta yana can yana da tabi cikin jikinta ya zube ba tare da Mimi ta lura da shi ba. A haka suka ƙarasa gida gatekeeper ya buɗe musu. Sosai tai mamakin ganin motocin Dady yaushe ya dawo bata da labari? Dawowar gaggawa?. Fitowa tayi hannunta riƙe da L.G bag daman babu mayafi jikinta kayan sun kama jikinta sosai, jerawa sukai ita da Surayyerh zuwa cikin gidan. Dady da Mimi ta bi da kallo ganin suna magana a hankali, Dady yai murmushi ya ce "Finally She's back zo nan Zonan Zahrah" ya miƙa mata hannunsa ƙara sawa tayi ta zauna kusa dashi tana rungume shi ta ce "Wlcm Dady" kallonta ya yi da kyau ya ce "Zahrah magana za mu yi mai Muhimmanci" ta gyara zama ta ce "All ears Dad" ya ce "Kin san aminina Engineer Aliyu?" Ta ɗaga ta ce "I think I knw him Dad mene ya faru?" Ya ce "Kin san wancan dake jikin photon?" Juyawa tayi ta tsurawa photon Sheikh Aliyu haydar Aliyu dake maƙale jikin bangon parlournsu zuciyarta ta ɗan buga ta girgiza kai ta ce "Ban shi ba Dad, amma na san yana da muhimmanci tunda aka photon sa a gidanmu" ya jinjina kai ya ce "Yana da muhimmanci a gareni da rayuwata baki ɗaya, Zahrah wannan da kike gani akansa duka wasu burukana suke, ina son na haɗaku aure da Sheikh Aliyu haydar Aliyu cikin satin nan" zabura tayi ta miƙe tana zaro idanunta waje zuciyarta na bugawa sosai ta kasa magana baki ɗaya. Mimi ta ce "Daman nasan Zahrah ba zata amince ba, domin ko Tafsir ɗin ta tsana" Dady ya ce "Ya zama dole ta amince sbd karayar arziƙin dake shirin tunkaro mu ba tare da mun shirya ba, Zahrah ki yarda ki auri Sheikh zaki farin ciki namiji ko a maza samun irinsa zai wahala kiyi mini wannan alfarmar" Ajjiyar zuciya ta sauke ta ce "Dady na amince da buƙatar, amma idan har daga ni ba zai sake auren ko wacce mace ba ina nufin babu kishiya...

Na kusa gama free pages. IDAN BA KE it's 500 gaba ɗaya book 1,2 har ƙarshe. Via 6850917335 Na'ima Shuraihu Sulaiman fidelity bank. Shaidar biya 08119237616 ƴan niger suyi mini magana na faɗa musu yadda zasu biya.

DESTINY
TRUE LOVE
ROMANCE
TRUST
SARAUTAR MARUBUTA
*🌈 IDAN BA KE 🌈*

*_Nimcyluv sarauta_*

13.....
Mimi ta ce "baki son kishiya kuma? Ina ruwanki da wata kishiya?" Dady ya ɗaga hannu yana murmushi ya ce "Ni ma bana fatan Sheikh Aliyu haydar Aliyu ya yi wa Zahrah kishiya,domin za a rage mini abin da nake tunani" cikin rashin fahimta Mimi ta ce "kamarya Alhaji?" "Ba sai kinji ba, ki shirya aurar da yarinyar ki cikin satin nan" ya faɗa yana miƙewa tsaye cikin jin daɗin amincewar da Zahrah ta yi.
Jikinta na rawa ta haura upstairs tana zuwa ɗakinta ta samu Surayyerh ciki daman bata tsaya a parlour ba sama ya shige ɗakin Zahran. "Wayyo daɗi kashe ni, na samu mijin da nake fata da burin samu cikin sauƙi" ta faɗa gado tana sakin ƙarar farin ciki. Surayyerh ta ce "Pardon? Ban fahimta?" Miƙewa Zahrah ta yi ta ce "C'mon yanzu Dady yake sanar mini za a haɗa aurena da Sheikh Aliyu" mamaki ya hana Surayyerh rufe baki sai da Zahrah ta saka hannu ta rufe mata baki, Surayyerh ta samu damar faɗin "Are you serious Zahrah? Gaskiya am happy for you daman kina son Sheikh?" Tayi fari da idanu irin na gogaggun matan nan ta ce "Fiye da yadda bakya zato, soyayyar Sheikh ta hanani aure, abin mamaki ban taɓa ganin shi a zahiri ba sai dai photo a wajan Dady ko idan yana tafsir, nasan shi ma bai sanni ba"

"Yanzu duk ba Wannan ba, ya ya zaki da cikin jikin ki tunda likita ya tabbatar ba zai zube ba? Gashi kuma aure ya zo babu shiri?" Zahrah ta ce "Kada ki damu da cikin zanyi auren, ko da haihuwa nayi sai nace bakwaini ne ai anayi" Surayyerh ta jinjina makircin Zahrah amma ta share ta ce "Idan kin ɓoye cikin ya zaki idan ya san ke ba budurwa ce ba?" "Oh! My God what exactly wrong with you Surayyerh ki ke neman yi mini baki? Ai ba zai sani bama ɗinki zanje ayi mini" Surayyerh ta ce "Uhm shi fa babban Malami ne You never lie to him Malamai sun san komai infact sun fi kowa iya soyayya kiyi tunani ki nemi mafita" share zan can Surayyerh Zahrah tayi a yanzu yadda za taga Sheikh Aliyu haydar Aliyu a zahiri shi ne burinta. Da magrib Surayyerh ta tafi gida akan gobe zata dawo domin fara shirye-shiryen haɗa events.
Tun a bakin parlour Surayyerh ta san akwai matsala tana shiga Umma ta kalleta sosai ta ce "Daga ina kike?" Turo baki tayi tana musmus da bakinta kamar mai zagi ta ce "Wai ke Umma zargina kike ne? Haba don Allah na fara gajiya ciki kike tsoro ko mene?" Umma mamaki ya kasheta a tsaye ta ce "Surayyerh ni mahaifiyar ki kike faɗawa haka sbd ina kare kiwon da Ubangiji ya bani?" "Wani irin kiwo kamar wata dabba Umma? Kawai takurawar taki ce ta yi yawa, ki barni da abin da yake damuna gashi duk iskanci Zahrah rana tsaka ta samu miji na kece raini wanda ba zan taɓa samun irinsa ba" jirin dake neman yadda Umma yasa ta nemi saman kujera ta zauna. Ubangiji ya gani kuma shi ne shaida tayi iya yinta ta fara gajiya tana ganin gaba gaba Surayyerh dokanta zatai ita kam wannan karatun bokon bai mata rana ba. Hawayen daya cika idanunta ta mayar sbd babu dacewar yiwa Surayyerh kuka sai ta sake lalacewa. Surayyerh ta shiga zirga-zirga a bedroom ɗinta tunani ya yi mata yawa abin da bata tsammata ba a yanzu ya kawo mata farmaki.
A firgice Halisa Danejo Rome ya farka daga nauyayyen barcin daya ɗauke ta mai cike da mafarkai wanda bata taɓa yin kamarsa ba, me ya sa Balaraban nan ke zuwar mata cikin barci ne? Amma gaba ɗaya yadda ta gansa a daji ya bambanta a farki, na cikin mafarkinta yafi kyau da kamala nutsuwarsa da kamewar shi tafi bayyana, kwarjinin dana mafarkinta yake dashi na zahiri baya da shi, duk mutum ɗaya ne? Ta tambayi kanta a cikin zuciyarta shiru tayi cike da damuwa domin ta fara gajiya da mafarkinsa. Motsin da taji kusa da ita ya sanya ta juya idanuna ya sauka akan Dada wacce take sanƙame numfashi na fita da ƙurar ciwo yaƙi ci yaƙi cinyewa. "Na lalashe na shiga uku Dada jikin ne? Sannu Dadata zaki samu lafiya" ta faɗa hawaye na wanke mata fuska gaba ɗaya ta ƙara zama wata kala damuwar ciwon Dada ya sata gaba, gashi yanzu Hamma Yabi baya yini gida sbd neman kuɗin zuwa asibitin burni. Jigum tayi tana kallon yadda kumfa ke fita ta bakin Dadar amma bata san me zatai mata ba, bata da wanda zata kira a cikin bukkar. Shatu dake rakuɓe ta kalli Danejo ta ce "Dada mutuwa zatai ko?" Girgiza kai Danejo tayi ta ce "Waya faɗa miki? Babu inda Dada zata yafi ta barmu aradu muna tare da ita" wata ƙara da Dada tayi tana sanƙamewa ya sanya Shatu fashewa da kuka, da gudu kuma Halisa Danejo Rome tayi waje. Karo sukai da Hamma Yabi wando ya shigo hannunsa riƙe da ƙwayar magani daya amsu, ya riƙe Danejo da kyau wacce take ƙoƙarin fita daga hayyacinta. "Hande en boni, Danejo lalashewa ya sameka me ya samu Dada?" Gaba ɗaya ta rikice sai ƙanƙame hannun Hamma Yabi take ganin bata hayyacinta ya jata ciki yana zuwa ya kwantar da ita yana rufe mata fuska shiru tayi har lokacin cikinta bai bar rawa ba, domin gani take kamar Dada tabarta kenan ta mutu ta tafi. Ya girgiza yana komawa wajan Dada tare da ɗagata ya bata maganinsu ya shafa mata zuwa fuska da wuya Ajjiyar zuciya ta sauke tana buɗe idanunta, hannun Hamma Yabi ta kama da kyau tana son tambayar shi mene ya samu Halisarta amma ta kasa, a haka barci ya ɗauke ta cikin mayuyacin hali. Washegari kamar kullum Danejo ta tatsi nono a ƙwayar, tun kafin gari ya yi haske ta fita kiwo da shanunsu, sai da ta ɗauki awa uku ta dawo cikin sauri tana tafe tana kaɗa naggen bayan ta ɗaure su ko abinci bata ci ba ta nufi cikin burni kawai tsaye zuwa Abti America. Yadda taje haka ta dawo babu wanda ya sanya kuɗi ya sai nonon balle su samu na abinci, a wahale ta shiga Rugar idanunta na rufewa ta kafa baki a nonon wata nagge ta shiga sha sai da cikinta ya ɗago taja Ajjiyar zuciya tare da nufar bukkarsu.

Sheikh Aliyu haydar na kwance saman makaken gadonsa idanunsa akan screen ɗin laptop ɗinsa yana sauraran abin da ake faɗa ta cikin laptop ɗin. Can dai ya ja tsaki ya girgiza kai, speaking calmly ya ce "Ni ni niii da dddddd dama zaka zaka zaka sauya labarin nan naka Khalil, in anyway banga amm am am amfaninsa ba..." Dry sosai wanda aka kira da Khalil ya yi ganin yadda Sheikh ke runtse idanunsa yana buga kai duk dan ya kare kansa "To ai ni yana da amfani a wajena tun da abin da ya shafi Sheikh Aliyu haydar Aliyu ai shafi Khalil Ahmad Sarki, look Sheikh don Allah cire son zuciya ka faɗa mini mai mata sukai maka? Let me know" Sheikh ya shafa lallausan gashin kansa wanda yake kwance gwanin sha'awa, cikin son cire damuwar father a ransa ya dage yake hira da Khalil duk da yana shan wahalar magana ya jima bai magana mai tsayin haka ba, idanunsa lumshe ya ce "kakaka....ka kasan me?" Sheikh ya faɗa yana buga kansa jikin pillow yana riƙe ɗaya hannunsa sbd In-ina. Kallonsa kawai Khalil yake yana jiran jin abin da Sheikh ɗin