You Cannot Download this book untill you login but you can read it .

---

Login Register

shi yayi ya na kallon Maa ya nuna kan shi yace "Ni?tsafi?a'a har abada ke ma kar ki fara har borin barin shi za ki yi tunda ba aikin Allah ba ne".......
[29/05 à 17:09] MRS SADAUKI 💫: *SOJANA...*💞



☀️ *FIRST CLASS WRITERS ASSOCIATIONS*



Chamsiya Laouali Rabo✍🏻

🆓 9-10


Kafin Maa ta kai da cewa wani abu tuni Alzuma ya fice daga gidan,duniyar ya ke jin ta na wani juya mashi ga wani irin tsanar garin Agadez da yayi.
Agaisha kuwa Mohammed aka aika gidan ta ya shaida mata rasuwar mahaifinta,cikin kuka ta shigo gidan wanda alokacin ƴan uwa da maƙwabta har sun cika shi.Har aka kaudo Attahir Alzuma bai dawo gida ba,da yawan mutane sun zata shock ɗin mutuwar ne ya sa shi barin gidan babu kamar labarin da Maa ke ta faman gayi tsabar shock da yadda mutuwar ta shigi Alzuma ya kasa kuka sai idon shi da suka yi ja kamar garwashin huta.
Ta na tafe tana tuntuɓe saboda rashin ganin da ta ke yi da kyau har ta zo bayan gari,a zaune ta tarar da Alzuma ya curawa waje guda ido.Kallo guda za ka yi mashi ka gane zuciyar shi cike ta ke da ƙunci, cikin yaren buzanci Agaisha tace "ya kai Yayana ka sani mutuwa rigar kowa ce,duk mai rai sai ya ɗanɗana ta.Miye ribar ka da za ka ƙaurace kai ɗaya ko sallatar gawar mahaifin ka ba ka zo an yi da kai ba?ka san irin tashin hankalin da Maa take ciki kuwa?miyasa kake son ƙara mata wani?"tunda Agaisha ta fara magana bai ɗago ba sai da yaji ta tsaya sannan ya ɗago kan shi ya watsa mata jajayen idon shi wanda dan firgicin ganin su sai da yasa Agaisha yin baya za ta faɗi tare da dafe ƙirji.Miƙewa yayi tsaye ya wani jawota ya na jijigata yace "azzalumin kike so na sallaci gawar shi?mashiriki munafiki wanda bai san darajar kan shi ba,wanda ya bayar da ƙwan halitta ta ga dodon tsafinshi shi kike son na sallata?"ido Agaisha ta fiddo cike da tsoro maganar Yayan nata ya kusan sa zuciyarta ta buga,baki na ɗan rawa tace "ka na nufin kai ma shine sila?"sakinta yayi ya juya mata baya yana mai dafe kai da yarfe hannu, muryar Agaisha yaji ta na cewa "nima ban taɓa tunanin Baa (Attahir mahaifinta)zai iya cutar da ni ba sai gashi lokacin da mu ka tafi Zinder wani malami ya tabbatar min duk avortement (zubewar ciki,ɓari)ɗin da ni ke to da sawar hannun wani mafi kusanci da ni,na je nayi tunani cikin dangin mu wa ke haraka da aljannu"ta na kawowa nan ta fashe da kuka,Alzuma da ya juyo ya na kallonta yace "to ya aka yi kika san da Baa ne?"tsagaita kukan tayi tace "mafarki nayi wani aljanni zai zaƙulo ɗan cikina Baa na girgiza mashi kai amman bai fasa ba sai da ya jawo cikin jikina ina farkawa kuma na ga jini duk ya ɓata bed"tun daren jiya zuwa yau bai ji zuciyar shi ta karye ba sai yanzu da yaji hawaye na bin kuncin shi.
Cikin murya ta mai kuka yace "wane irin uba Allah ya bamu?miye amfanin shirka cikin rayuwa ?duk mai bin doguwa tabbas ya san doli ta buƙaci jini,yanzu ya kike gani wa za mu tai mu gayawa wannan mugun abun ?"kai Agaisha ta girgiza tace "a'a Yaya wannan ai SIRRIN MU(Nimcyluv ku je ku nemi na ku kar a baku labari)ne babu wanda ya cancanci jin haka sai Maa ita kuma a yanzu idonta ya rufe da ɗaukar fansa ko mun gaya mata ba za ta dubi lamarin ba sai ta cika alƙawarin ta na kashe wanda ya kashe Baa"shiru Alzuma yayi ya na neman mafita can dai ya ce Agaisha ta koma gida.
Sai bayan sallah magrib Alzuma ya koma gida,ɗan Ɗan shi guda tilo Mohammed ya zauna ya na kallo kamar wani tv wanda shi kuma sam bai san ya na yi ba karatun alƙur'anin shi kawai ya ke,shekarun shi goma sha ɗaya a duniya amman ya hardace alƙur'ani mai girma wannan shi ne ɗaya daga cikin baiwa Mohammed.



Bayan shekara guda
Tuni Maa ta zama ƙasurgumar matsafiya harakar bori kuwa babu abinda ya rage sai ma gaba da tayi an naɗa ta Iya ta garin Agadez wanda hakan ya sa ta koma gidan sarki da zama,dama da biyu ya naɗa ta Iyar dan ta rinƙa yi mashi aiki ne yadda ya kamata.
Lokacin da Agaisha ta gano tana da shigar ciki ta shaidawa mijinta nan ya tashi tsaye wajen addu'o'i da rabawa malumai kuɗi,sosai aka yi yinƙurin zubda cikin kamar kullum sai dai babu hali saboda matakan tsaron da aka sawa cikin.
Watan haihuwarta na tsayawa ta samu ƴarta mace,saboda ƙaunar da Mohammed yayi ta nunawa jinjirai yasa aka bashi zaɓen suna.
Maimunatu ya bada wato sunan mahaifiyar shi sai dai su suna kiranta da Munat yayinda Mohammed ke ce mata Mimi.
Mustapha da Mohammed sun kasance aminnan juna tun yarintar su,komi na su a tare suke kasancewar ra'ayin su kusan iri ɗaya ne da na juna.
Mohammed na da 17ans ya tafi aikin soja a lokacin kuma Munat na da biyar a duniya.
Tun da ya tafi bai dawo ba sai da yayi 5ans a lokacin har ya zama ɗan saurayi,zuwan shi da tenue ya sa Mustapha ma yaji ra'ayin tafiya soja bai wani ɓata lokaci ba ya haɗa takardun shi cikin ikon Allah kuma ya dace.
Munat kuwa tunda ta ƙyallara ido ta ga Mohammed cikin kayan sojawa taji ta tsani kaki ba ma kamar yadda Mohammed ke takurata ya na punir ɗin ta in tayi laifi mafarin ƙiyayar Soja kenan a cikin zuciyar Munat.
Shi ya na sonta ita kuma ta tsane shi ko kaɗan ba su shiri,a duk lokacin da yace zai ɗaukar ta hoto kuwa ta aniya kuka kenan.
Ana haka Daddy ya samu canjin wurin aiki Maradi,sosai Munat taji daɗin haka za ta rabuwa da ƙaya😅.
Tunda Mohammed ya koma gun aikin shi bai da aikin yi sai kallon hotunan Munat,a nan soyayyar ta tayi gini tare da toho cikin zuciyar shi.Sau tari Omar ya kan tambaye shi mi ya ke yiwa dariya a duk sadda ya ga ya na manipuler portable sai dai yace mashi ba komi,yawan tambayar shi da Omar ke yi yasa ya nuna mashi hoton Munat cikin mamaki Omar ya tambaye shi "to mi kake yiwa dariya a nan?"yace "rigimamar Black Baby uwata buzuwa amman ta wani biyo babanta salesalen ta haifo min yara masu kama da ita"Omar yace "dan ba ka san sirrin da ke ga Baƙar mace ba ne shiyasa,amman mu likitoci mun fi son baƙa dan fararen nan ragwayi sun fi yawa"shiru yayi ya na nazarta maganar shi kafin yace "kai ya aka yi ka sani?"harar shi Omar yayi kawai.
Tun daga wannan rana Mohammed ya kan yi zaune yayi ta tunanin yadda rayuwar su za ta kasance shi da Mimin shi in ta girma,wannan tunanin shi yayi mashi babba illa ya haifar mashi da mahaukacin sonta da muguwar sha'awar ta, kasancewar Omar likita ne yayi saurin gano matsalar sosai ya ke bashi shawara ya rage tunaninta tunda ya san hankalin shi na tashi shi kuwa Mohammed yayi nisa ba ya jin kira.
Tun komawar su Maradi ta mance da wani Mohammed dama ba kasau ta ke riƙe abu ga kwanya ba,haɗuwar ta da Maryam ne wanibi ta kan ji kamar ta san wani soja saboda yadda Maryam ke yawan ambaton soja na burgeta shi ya ke ƙarawa zuciyarta tsanar duk mai aikin shiyasa ko Yayanta Mustapha ba wani shiri su ke ba sosai.
Lokacin da ta tarda Mohammed gidan su sosai tayi ƙoƙarin tuna inda ta san shi amman ta kasa saboda ko Vacance ta tafi Agadez har ta dawo bai taɓa zuwa ba.



*Cigaban labarin...*


A shagwaɓe ta ke yiwa Daddy bayanin yadda ta taka kwaɗon sai wani goga ƙafar take a drap tana jin kamar yanzu ne ta taka shi,"Auta ki rinƙa kula da addinin ki kin ji ko?ki yawaita addu'o'i sannan MP3 da na baki ya zamana kullum a kunne ki bar kashe shi ko da kuwa za ki fita ne"a shagwaɓe tace "Daddy ni fah mantawa ni ke shiyasa sai in zan barci kawai ni ke kunnawa"Daddy yace "to daga yau kar ki sake mantawa je ki kwanta bn8".
Mami da ke zaune ta na sauraren su ta sauke ajiyar zuciya tace "Auta ki yi yadda baban ki yace,sai da safe bari ba tafi naji wayata na ringing"da sauri Munat ta sauka daga gadon da zumar bin ta sai dai ƙafa tace ban san wannan ba,ƙara ta saki tace "Mami ƙafa ta "duba ƙawa Mami ta fara da ta taɓa sai Munat ta saki ƙara.
"Innalillahi ina ga gudun gocewa ce kika yi Auta bari na kirawo Mustapha"cewar Mami ta na mai ƙwala kiran shi.
"Mami a bari har gobe yanzu ina zan samo mai ɗori cikin wannan daren?"kuka Munat ta fashe da shi hakan yasa Mami ta fatattaki Mustapha ala doli ya fita ya nemo maɗori.
Sai da Mustapha ya riƙe ta sosai sannan aka samu aka ɗora ta ashe cirar nama ce tayi.
Washegari shiru-shiru Maryam na ta jiran ta har 7h30mn amman babu alamar ta.
Da sallama ta shigo gidan,bayan ta gaishe da Mami ne tace "ina Munat ko har ta tafi ne?"daga can daƙin tace "ƙawa wuceke ga ni nan zaune babu ƙafa ɗaya"Mami tace "to kin ma ji ta can ashe ta farka".
Cike da jimame Maryam tayi mata sallama ta wuce école, direction ta fara shiga ta shaida masu Munat ba ta da lafiya.Ta na fitowa ta ji Mr Arman ya kirata daga bayan ta,dawowa tayi tace "bonjour Mr"ba tare da ya amsa gaisuwar da tayi mashi ba yace "Mi ya sameta?"cikin rashin fahimta tace "wa fah?"fuska ya tamke yace "Muna"a zuci tace "ka ji wani sabon kiciyi Maimuna ce ta koma Muna?"a zahiri kuma cewa tayi "gocewa tayi a ƙafa jiya da dadare"
"Ok zuwa 10h ki zo nan administration"bai jira cewar ta ba ya koma taɓe baki tayi ta wuce a classe nan ma sai da aka yi ta tambayar ta.


Kamar yadda Mr Arman ya buƙata haka ta nufi direction,tun kafin ta ƙaraso ta tsinkaye shi daga nesa sai karkaɗa key ɗin mota ya ke.Fuskar nan tamau ya amsa gaisuwar da ta sake yi mashi kafin ya nuna mata motar shi yace "gidan su za ki kai ni"ba tare dace komi ba ta nufi motar har za ta buɗe baya taji muryar shi ya na cewa "gaba za ki shiga"ba ta musa ba ta shiga zuciyarta na ɗan bugawa ganin duk students ɗin da ke waje sun zuba mata na mujiya.
Sai da suka hau kan titi sannan ya tambaye ta wani waje zai,da ta faɗa mashi sai yace "ashe nan kusa ne"tace "eh babu nisa a ƙafa ma ana iya zuwa"babu jimawa suka zo ƙofar gidan su Munat,Maryam ta fara shiga ta shaida zuwan malamin nasu kafin tayi mashi iso.
Zaro ido Munat tayi a zuci ta ke cewa "ashe dagaske Mr Arman ne na zata wasa Maryam ke yi min"sunne kai tayi ta na amsa tambayar ya jikinta da ya ke,Mami ce ta kawo mashi ruwa Maryam ta karɓa ta tsiyaya mashi.Ya na shan ruwan ya na kallonta ta ƙasan ido,kallon tsaf ya ke yi mata ya na ƙarewa ƙirar jikinta kallo a take ya ji sonta ya ƙara shiga zuciyar dan can da hijab ne ya ke ganinta yanzu kuma ko ɗan kwali babu kanta gashin ta wanda ya sha gyara sai ƙyalli ya ke ga wata farar riga da ta sa marar hannu wacce ta fidda duk shap ɗin jikinta.Ko kaɗan zama da ƙananun kaya bai damun Munat ita babu ruwan ta da wani ɓoye kanta muddin dai cikin gida shiyasa ba ta wani damu ba dan Mr Arman ya ganta a haka.
Ƙwarewa yayi nan ya shiga tari sakamakon jikin Munat da ya motsa wajen ta zuɗa dan gyara zaman ta,saurin kallon shi tayi suka haɗa ido gabanta ya faɗi ganin wasu abubuwa na yawo cikin idon Mr Arman ga wani abu da taji ya na janta daga idon nashi.Sauke kanta tayi ƙasa ta na wasa da yatsun hannunta yayinda Maryam kuma ta fice daga ɗakin dan tuni ta karbo jirgin Mr Arman.
"Munaaa?"ya faɗa lokacin da tarin ya lafa,wani irin yammm taji yanayin yadda ya kirata ɗin tace "uhum"ba tare da ta ɗagon ba dan zuciyarta banda bugawa babu abinda da take.
"I love You"da sauri ta ɗago ba tare ta shirya ba kai ya jinjina yace "Yes je t'aime Muna"bai jira cewar ta ba ya fita waje.
Mami tace "an fito ko?to Allah saka da alkhairi"murmurshi yayi yace "ba komi"signe ya yiwa Maryam hakan yasa tayi saurin bin bayan shi.
Mota ya buɗe ya miƙa mata wasu ledodi tare da 10.000f yace ta kaiwa Munat kuma tayi sauri ya na jiranta.
Wasu hawaye ne suka fara zarya kan fuskar ta wanda ta rasa na minene na murna abinda ta daɗe tana jira daga gare shi?koko na tausayin Mohammed da ba ta so kuma lokacin barin shi yayi?.
A haka Maryam ta shigo ta sameta,baki ta taɓe tace "shagwaɓar ce ta tashi to Allah kyauta,ga shi dai in ji Mr"tana ajiye mata ta fito da ɗan sauri.


Mami kuwa sai albarka ta ke sawa Mr Arman ta na ganin yin haka da yayi alamu ne na rashin girman kai ne Malami ya zo ganin ɗalibar shi kuma har da kawo baƙar leda😹.Mami ta tambayi Munat "kukan mi kike Auta?"tace "ƙafar ce naji kamar ta ɗan riƙe amman da dama barci zan yi"ta faɗa tana rufe ido Mami kuma ta nufi kitchen dan cigaba da girki.Number Mohammed ta shiga gwada kira amman shiru appel ɗin bai zuwa haka ma text,cike da jin haushi tayi cilli da wayar ta shiga tunani Mr Arman wanda tun ranar da ta ƙyallara ido ta ganshi taji tana son shi amman irin kunya ta ɗiya mace yasa ta bar sirrin a zuciyata ba tare ta bari kowa ya gano hakan ba......
[29/05 à 17:09] MRS SADAUKI 💫: *SOJANA...*💞



☀️ *FIRST CLASS WRITERS ASSOCIATIONS*



Chamsiya Laouali Rabo✍🏻

🆓 11-12


Cike da nishaɗi ya ke ciyar da ita da lafiyayun kayan marmari,a shagwaɓe cike da yanga Munat ke guntsirar pomme🍏 ɗin da Mr Arman ke bata a baki ya wani zuba mata tsumamin idon shi masu kama da na mashayin giya.
Kawar da kai gefe tayi alamun ta ƙoshi,cikin cool voice yace "Please Muna ki ƙarasa wannan daga shi shikenan"kai ta girgiza tace "haƙora na sun yi ciwo wajen tauna shi bari ni na huta"jin haka yasa Mr Arman guntsirar pomme ɗin ya fara tauna shi a bakin shi kafin ya nufi na ta bakin.
Lumshe ido tayi ganin ya zuro halshen shi zai kai cikin bakinta zumar ya bata aple ɗin da ya tauna,bakin shi bai ƙarasa kaiwa ba taji saukar murya Mohammed ya na aikawa Mr Arman ashar tare da ture shi ya faɗi ita kuma ya finciko ta ba tare da yayi la'akari da ciwon da ta ke da a ƙafa ba ya miƙar da ita tsaye ya na mai sharara mata wani kurman mari.
Ihu Munat ta saki a zabure kuma ta farga daga mafarkin da ta ke,baki ta turo tace "maƙetaci har da wani mari na"sai kuma tayi murmurshi tuna yadda suke shan love ita da Mr Arman.Ledar da Maryam ta kawo ta buɗe nan tayi arba da fruits, pomme ta ɗauka ta wanke ta fara ci sai lumshe ido ta ke irin ala doli imagine take Mr Arman ne ke bata a baki😏.



Ɓangaren Mohammed kuwa zuciyar shi ke ta bugawa tun jiya da dadare ya kasa tsaye ya kasa zaune, training duk sauran sojawan su ke saboda nan da wani ɗan lokaci za su ƙara gaba amman shi sam nutsuwar shi ba ta gare shi.Omar ya nufo shi ya na cewa "har yanzu wayar ba ta shiga ba Sarkin naci?na san muddin ba ka kira ta ba haka za ka cigaba da zama kamar kazar da ƙwai ya fashewa a ciki"Mohammed yace "ban sameta ba kuma ji ni ke kamar wani mumunan abu na faruwa"ya ƙarashe maganar kamar zai yi kuka,jinjina kai Omar yayi yace "yanzu akan mace ne ka dawo haka kamar ba namiji ba? Mohammed ka na cikin hankalin ka kuwa?ka ga wajen da zamu wuri ne mai matuƙar hatsari gwara ka aje hankalin kayi aiki mai kyau daga baya kayi tunanin nata"kallon ba ka da hankali ya ke bin shi da shi yace "ita ɗin rayuwata ce babu yadda zan samu nutsuwar ruhi muddin ban ji halin da ta ke ciki ba"ya na gama faɗin haka yayi gaba ya bar Omar sake da baki bai taɓa tunanin Mohammed ya zauce har haka ba.Mutumen da in ya ji maganar yaƙi musamman irin mai haɗarin nan har jikin shi ke mazari tsabar jarumta da son aikin shi amman akan mace ya wani share sai tunani ya ke alhalin ya san za su fita aiki?gwabran numfashi ya sauke ya na yiwa abokin shi addu'ar samun sassauci.
Yau ta kama sati guda kenan da katsewar network wanda yayi daidai da wa'adin barin su daga wajen,har ƙasan ran shi ya ke jin daɗin tafiyar tare da addu'ar Allah ya sa suna gusawa ya samu réseau.
Bayan sun isa ƙauyen da ƴan tsirarun mutane ne kawai ke ciki irin Bugajen nan matafiya, Chef ɗin su ya bada umarnin duk mai waya ya kashe ta saboda haɗarin wajen hasken salula ma kawai zai iya jawo hankalin magauta gare su.
Wani irin kallo Mohammed ya ke bin Chef ɗin da shi wanda ya mutuƙe fuska ya tara wata leda sai wayoyi ake cillawa,miƙewa Mohammed yayi kafin a kawo gare shi ya nufi wata bishiya bedi.Kamar wani ƙadangare haka yayi laƙaƙam ya haye dakyal,wayar shi ya zaro daga aljihu ya fara jaraba kiran Munat kiran ya shiga sai dai da alamu tana cikin waya ne ƴar baturiya sai ce mashi take ```Wanda kuke kira ya na cikin magana ku sake kira zuwa gaba``` kiran da yayi mata ya fi goma da ya katse ya maida,tuni zuciyar ƴan maza ta fara hawa kafin ya ankare sai gani Chef ɗin nasu yayi tsaye bakin bishiyar ya na daka mashi tsawar da yasa sauran sojawan sunne kawunen su in ka fidda Omar da waro ido kafin kuma ya kai ga yin magana Mohammed ya saki ƴar ƙara tare da dafe cinyar shi ta hagun,macijin na shirin ƙara mashi wani cizo ya dirike daga kan bishiyar bai shirya ba.
Wayar da ta faɗi Chef ɗin ya ɗauka wacce tuni ta bugi dutse screen ɗin ta duk ya tartse,da sauri Omar ya ƙaraso ya na zare rawanin da ke kan shi ya raba shi biyu ya ƙulle ƙafar Mohammed Farko da kuma can kusan ƙarshen cinya sai ya zamana gubar macijin ta tsaya ne a tsakiya.
Cike da ƙwarewa Omar ya shiga bashi taimako ya samu ya fitar da gubar yayinda wani soja ya halbe macijin da bindiga.
Da tambaya mutanen ƙauyen Omar ya samu mai bada maganin macizai na gargajiya na sha da kuma barbaɗe,duk wannan aikin da ake yiwa Mohammed hankalin shi bai kan ciwon Chef kawai ya ke kallo kafin maganin da aka bashi na barci ya fara aiki ga jikin shi.



Cikin kwanakin da ba su wuce biyar ba soyayya mai ƙarfi ta shiga tsakanin Munat da Mr Arman abun ka da dama kowanensu ya na son ɗan uwan shi tun tuni an ɓoye dai ne a zuci.
A kullum Mr Arman cikin zarya zuwa ganin Munat ya ke in bai zo ba suna manne a waya,yanzu ma waya su ke wacce sun fi awa ɗaya da somata tana jin ƙara tiii..tiii alamun wani kiran ya shigo wayarta amman taƙi dubawa ma balle ta san mai kiran love ɗin ta kawai ta ke sha.
Sai Mr Arman ya kashe kiran sannan ta duba appel en absence,zaro ido tayi tana jin bugun zuciyar ta na harbawa da sauri-da sauri.Rappeler ɗin shi tayi amman wayar a kashe,tagumi tayi ta zura ma ƙafarta ido wacce kumburin ta ya sace sai walƙiyar man ƙashin da aka shafa mata ta ke.Wasu hawaye da ba ta shirya zuwan su ba suka ziraro mata a kumci,gogewa tayi da bayan hannu tace "mi yasa na kasa dubawa dan ganin mai kiran?oh Moha Sarkin zuciya shine ya kashe phone ɗin dan Allah ka kunna wlh ban san kai ne ba na zata Maryam ce"ta faɗa tana sake gwada wani kiran amman shiru.
Ta na cikin JUYAYI(Nimcyluv) Maryam ta shigo ɗakin tana kallon wayar hannun Munat tayi niyya ne yau ko da wayo da dabara ko kuma da tsiya sai ta ɗauki lambar Mohammed.
"Ke lafiya kike wani matsar ido kamar tsohuwar kuturwa?"cewar Maryam tana zaunawa kusa da ita,wasu hawayen ta shaye tace "wlh Moha ne ya kira ni to muna tsaka da waya da Mr ne shiyasa na ƙi ɗauka kuma yanzu na kira indisponible ina gudun zuciya ce yayi kin san sojoji ba hankali ne da su ba abu ƙanƙane sai zuciyar su ta hau"Maryam tace "a'a ba zai kashe waya ba dai ko problème ɗin réseau balle kin san ƴan Moov da ƙarya amshi wayata ki kira kiji tunda ni airtel ne da ni"ba tare da wani tunani ba Munat ta saka lambar Mohammed a wayar Maryam nan ma dai indisponible.
Ta ƙarɓe wayar tana cewa "bari in yi redémarrer portable ɗin sai a sake gwadawa".
Abincin da Mami ta kawo masu ne ya sa suka bar zancen wani appel suka shiga ci nan Maryam ta fara yi mata hirar Mr Arman,ita kuwa da ya ke nan ya ke yi mata ƙaiƙayi ta saki baki sai zuba uban surutu ta ke.



Hôtel Horizon shaharara Hôtel ce wadda tayi fice tun daga kyawun zubunta har izuwa abincin da ake sarrafawa,a duk faɗin Maradi babu hotel ɗin da ta fi ta.
Wata farar mace ƙatuwa irin rainon madara rairafen capet😹 ke zauna bisa cinyar Mustapha sai wani fari ta ke yi mashi da idanu yayinda ta ke wasa da gashin dokin kanta wanda ya zubo har izuwa ƙirjinta.
Cikin murya irin ta shagwaɓaɓin yara tace "haba my Hony ka saki jikin ka mana ka wani takure waje guda kamar ba wayaye ba,dube ka fah ka gani handsom da kai "tana maganar ne ta na shafa farar fuskar shi mai zagaye da baƙin saje,lumshe ido Mustapha yayi ya na jin tsikar jikin shi na tashi a zuci kuwa faɗi ya ke "ashe dagaske dai mace ma za ta iya yiwa namiji FYAƊE(Haj Maryam Sakatare)? dube min ita yadda ta wani kanekane a jikina kamar ta samu mijinta"a zahiri kuma kasa cewa yayi komi dan kuwa duk abinda ya same shi da son shi dan da bai amince ya amsa gayyatar ta ba da ko mai kama da shi ba za ta gani ba.
Zuciyar shi ta tsinke lokacin da yaji kyawawan laɓanta kan bakin shi,cikin fizgewar numfashi ya tureta ta faɗi ƙasa timmm.Ya miƙe tsaye ya na cewa "Fi'a miye haka?dama ba dan muyi magana ba ne kika ce na zo nan?"cikin marairaice fuska tace "magana za mu yi bb juste ina son isar ma ka da saƙon da ke cikin zuciya ta,am ina sonka ne shiyasa ka yarda da Ni"ta ƙarashe maganar tana mai kamo hannuwan shi ganin irin kallon da ya ke watsa mata."Shine kuma kika rasa ta hanyar da zaki faɗa min sai ta haramtacciyar hanya?wai ma da mi kike so aure koko soyayyar shan minti"cewar Mustapha ya na kafeta da ido dan ya lura tana shakkar hakan,kai ta sunkuyar tace "auren ne ba zai samu ba yanzu saboda ban gama karatuna ba,ka ga za mu iya fara soyayyar shan minti ɗin kafin lokacin auren mu"cikin ƙaraji yace "ja ki ban waje na wuce na ga alama ƙusoshin kan ki sun kwance in kin sake tunani kya kira ni"ya faɗa ya na mai fita daga cikin room ɗin dama ita ta kama shi ba shi ba.
Ya haye babur ɗin shi sai gida,ya na shigowa idon shi suka sauka kan Maryam wacce ta ɗaga rigarta tana gwadawa Munat ƙarin da ya fito mata kusan breast🤭.Saurin sakin rigar tayi a tare zuciyoyinsu suka buga,Maryam kuma sai zare ido ta ke tana kallon Mustapha da ke yi