You Cannot Download this book untill you login but you can read it .

---

Login Register

zuciya. Farida tace in kyale
ta bazata iya cigaba da son ba saboda babu
ran abida. Dr lukman yayi tsaki yace
wannan ai shirme ne, zafin mutuwa ne ya
shige ta, zata dawo hayyacinta ta neme ka.
Dr shuraim ya girgiza kai yace a cikin
hayyacinta take magana ba zafin mutuwa
bane. Na kasa gane abin da suke nufi.
Yayanta yace min bata mutu ba, ita kuma
tace min abida ta mutu. Abin da na
fuskanta boye mata yake yi don yaga ta
damu. Ga shagamu da nisa kar ta sume
masa a hanya. Dr lukman yace nima na fi
yadda ta mutu don yanzu yahaya ya turo
min sako a waya ta yace inyi hakuri yana
cikin mutane zai kira ni anjima.
Dr shuraim yace idan ba zaka zo ba gani
nan zuwa gidan naka muyi shawarar, don
bansan yadda zan iya yini a cikin wannan
halin ba. Dr lukman yace naga ka damu da
yawa abokina, bari nayi wanka inzo tunda
gidanka babu kowa zaifi dadin magana. Dr
shuraim yace don Allah kazo da wuri ina
jiranka. Suka kashe waya. Dr shuraim ya
kame a zaune ko yatsarsa baya iya dagawa
balle ya tashi yayi wani abu. Shi kansa yana
tausayin kansa da kansa, halin da zai shiga
idan ya rasa aisha farida. Ya rasa yadda
akayi ya zurmuka cikin ramin kaunar ta
wanda yayi zurfin da ya kasa fitowa. Ya fada
a bayyane lallai karshen namiji a karkashin
mace yake. DUK KYAN TAKALMI a kafa ake
taka shi. Sai ya zubo da wani zazzafan
hawaye daga idanuwansa. TABBAS DUNIYA
RAWAR 'YAN MATA CE, NA GABA SAI YA
DAWO BAYA IDAN AKAYI WANI JUYIN.
ASUBA TA GARI LIKITAN AISHA FARIDA!!!
BABI NA GOMA SHA BAKWAI Mako guda
kenan dai-dai da tfyr su aisha misalin karfe
5 na yamma. Dandazon maza tsofaffi ne
suka cika a majalisar hirarsu ta 2ntuni,wato
kfr gdnsu aisha farida. Mahaifin abida shine
ya gaji kujerar tsohon af shine kadai yake
zaune akan kujera sauran dukka a zazzaune
suke akan tabarmi a gefensa. Af ita kadai
ce mace a cikinsu,tana zaune akan kujera,
sauran dukka a zazzaune suke akan tabarmi
a gefensa. Af ita kadaice mace a
cikinsu,tana zaune akan dakali ta lanqwashe
kafa,sanye take da bakr riga abaya ta yafa
dankwalin a kanta. Ta jima tana kallon
tsofaffin nan daya bayan daya,sai ta 2na da
a lkcn da mahifinta yake raye,mahaifin
abida ya juye shi sak! Kmrsu 1 a yanzu
shine babba a cikinsu. Tabbas abida da
mahifinta tayi kama sak! Sai taji hawaye ya
cika mata ido ta grgza kai dn tausayi. Tace a
ranta, Allah sarki, wata rana sai a shafe
kowa kmr ba a taba yin mu2m a doron
k'asa ba. Haka ake tfy daya byn daya. Baba
iliyasu ne ya dubi aisha farida yayi mrmshi
yace, kai girman dan mu2m babu wuya,
kmr ba 'yar yarinyar nan bace, 'yar karama
aisha, yanzu ga yadda ta girma. Af tayi dry
tace,kaima aika tsufa inda zaka san an dade
kenan. Sai suka hau hirar 2na baya,abun
tausayi a jajanta,abn dry a kyalkyace
Tsayuwar wata tsaleliyar mota baka mai
duhun gilashi ce ta katse hirar,sai hnklnsu
gaba daya ya koma kallon motar. Mazaje 4
ne suka bude kofofin moyar guda 4 suka
fito. Af ta cika da tsananin mamakin data
kasa boyewa,sai cimak ta mike tsaye, yayin
da aka hau kallom-kallo a tsakaninsu. Dr s,
Dr Lk, Dr Dayyab da yahya umar ne suka
nufo inda su af suke. Suna isowa sai su
duka suka zube a gaban tsofaffi suka kwashi
gaisuwa. Nan da nan suka matsa musu waje
suka umarce su dasu hawo kan tabarma su
zauna sosai.
Bayan kowannensu ya zauna sai af ta
durkusa ta gaishe su ckn sanyayyar murya.
A lkc guda suka amsa, yayinda Dr S ya kafa
mata ido yana kallonta, ko ba a fada ba
ansan yayi kewarta,sati guda kenan bai
ganta ba. Cikkin kunya kanta a sunkuye a
kasa ta yunkura zata tsh ta shige gida.
Yahya umar yace ta daawo ta zauna zaiyi
magana. Sai taji zuciyarta ta harba, a ckn
ranta ta hau addu'a ALlah yasa alkhairi zai
fada. Numfashinta ya fara cikewa,yayin da
da babu abnda tafi bukat irin ta shige gida
kada ayi maganar nan a gabanta,tasan
koma dai me za a ce ya shafe ta. Ta fada
cikin ladabi,ruwan sha zan kawo muku.
Yahya yace munan ea kika ganmu a koshe
muke,su kuma basa shan ruwan randa irin
naki, sunada ruwansu na rba a mota. Sai
dukkansu sukayindariya. Af ta dawo jikin
dakali ta rabe kmr marar gsky. Ahya
yagyara zama ya dubi tsofaffin yace, baba,
wadannan gudaukun da kuke gani baki
netun daga kano,kuma gaba dayansu likitoci
ne a asibitin aminu kano. Sai tsofaffin
sukasuka hautsine da maganasuna cea,
likita bokayen turesai,ai da ga gani babu
tmby gasu nan a nutse kowanne cikin
kyakkyawan shiga. Wasu shaddoji ne suka
saka masu kyau,kowacce tsasaddiya ce sai
daukan ido takeyi. Farare sol sol anyi musu
dinkin surfani dinkin boda,rigar iya gwiwa.
Su shuraim dai dry kawai sukeyi. Yahya ya
cigaba da byani,ya nuna DR LK yace
wannan sunansa dr lk, babban abokina ne
tun. Una yara a yobe tare mukayi
sakandire. Ya nunaDR S yace ga shuraim
babban liktan fatar da akeji dashi a kano
shima aminin lukman ne, kuma shine yake
so r AIsha FArida. Sai gaba daya suka juyo
suna suka dubeta,tayi sauri. Ta sunkuyar
kkasa yayi akwakalra tsg aito m da y
yanaa,tmakr lma. Tana tmbyr zuciyarta
''ANya kuwaa mafarki nakeyi ba,yau
shuraim ne ya fara mgnr aure na. Allah mai
ikobabu abndaya gagari ubangiji.
Dr shuraiam har yanxxu kallon aishaa f
yakeyi kasa kasa yana soyaga yanayinta da
taji mgnr aurensu. Ya fusknci ta cika da
mamkikuma yaga annuri a fskrta yya karu,
dn haka ya sake csamun kwari. Gwiwar
tana sonsa. Tsofafi sai suka shiga jan
dogayen addu'oi. B.Sule ya dubi farida
yace,ja'ira ashe kin ruso miji kyakkyawa daa
kano haka kikeboyewa. Yanzun nan ika
gama cewa bakidasaurayi. Sai su dukka
suka tintsire da dry,harda ita. Yahya umar
ya nuna dayyan yazxe,wannan sunansa DR
Dayyabu shima a sibitin m. Aminu kano
yake aiki sunaji dashi ko kuma ma ince a
arewa anaji dashi. Reumatologist ne,likitan
daya shafi ciwon cikin kashi da jijyoyi. Shine
likitan daya shafi ciwon abida,dn haka nema
suka tzho dashi. Sai gaba daya suka zabura
suna kalonsa,musamman ma aisha f.
Mahaifin abida ya grgza kai, yace, ciwon
abidaaiba naasibiti bane kada ma ku
wahalar da kanku. Dr lk yayi gyarsan murya
yace, baba ni babu waniciwo da za'a ce
babu maganinsa a asibiti. Kada ku hana shi
gwadawa,abunda ya karanata kenan,aikinsa
ne shiyasa muka tahho dashia. Baban
abidaya grgza kai yaxe, me likta zaiyi mata,
yarinyar da htta gashin knta ya kde
dukka,kan nan kmr anyi mata kwal-kwal,I
wannan aikin kowa yasan iska ne.
KYAN TAKALMI 3* 8
Dr dayyabu yayi murmushi yace ciwon ya
gaji haka, yana zubar da gashi, yana saka
ciwon ido, yana sa mutum yayi ta zabura,
kuma da kumburin gabobi, wani lokacin da
yawan jin sanyi. Idan ciwon ya tsananta zai
iya taba dukkan kayan cikinta kamar koda,
zuciya, mahaifa da kuma kurajen baki. Allah
dai Ya kiyaye. Nan da nan tsofaffi suka fara
gamsuwa da bayanan dr dayyabu, domin ya
zano duk abubuwan da abida take ciki. Ya
kara da cewa kurajen suna iya feso mata a
kirjinta, baya, wuya, da kuma fuskarta. Na
fuskar zai zagaye kumtunta da kuma kan
hancinta. Zai yi siffar malam buda mana
littafi a turance muna kiransa butterfly
rashes. Aisha farida ta dafe kirji tace likita
wannan wane irin ciwo ne? Yaya sunan
ciwon? Kuma me yake kawo shi? Dr
dayyabu yayi dariya har sai da kyakkyawar
wushiryarsa ta bayyana. Ya girgiza kai yace
bazan iya tantancewa ko me yake damunta
ba har sai anyi gwaji. Gwajin ciwon kuma
ba a yinsa a kasar nan, sai a south africa ko
a beiruit. Aisha farida ta dafe kirji yayin da
kake iya ganin gigicewa a fuskarta. Tace
likita yanzu dai sai an kaita can sannan a
gano ciwon? Sai ta fara hawaye saboda
tunawa da tayi basu da wannan gatan.
Dr shuraim yayi sauri yace kada ki fara koke
koken nan. In Sha Allah komai yazo karshe
tunda kika ganmu da likita. Sai ki shekara a
AKTH baki samu damar ganinsa ba, amma
gashi mun kawo muku shi har gida. Kuma
zaiyi mata duk abin da ya kamata har sai ta
ji sauki in sha Allah. Dr dayyabu ya girgiza
kai yace ba sai an dauke ta an kai ta south
africa ba, za dai mu tura jininta wani lab a
abj su zasu aika jinin can idan anyi gwajin
sai su turo mana da sakamakon online.
Idan na duba sai in tantance takamaimain
matsalarta, sai in bata magani. Amma
bayan wancan gwajin mu ma anan akwai
gwaje gwajen da zamuyi mata kala kala
muga ko akwai matsala a cikin jikinta kamar
su koda, zuciya, hanta da dai sauransu.
Kowa yayi tagumi yana kallon bakin dr
dayyabu zuciyarsu cike da fargaba da
tausayin abida. Yayi murmushi yace kada
ku damu, ba wani abu bane na daban.
Anayi kuma ana warkewa sai dai don masu
irin ciwon basu da yawa ne a duniya. Yaya
hussaini ne ya fito daga cikin gida, baba
ahmadu yace yawwa hussaini zo ka zauna
kaji da kunnenka, likitoci ne suka zo daga
kano suna bayani akan ciwon matarka. Yaya
hussaini cike da mamaki yake kallonsu, bai
san sauran biyun ba amma ya gane dr
shuraim. Yazo ya mimmika musu hannu
suka gaisa, ya samu waje ya zauna ya
cigaba da sauraron bayanin dr dayyabu. Dr
dayyabu yace daga yadda yahaya umar ya
min bayani yadda ciwon nata yake yayi min
kama da Systemic lupus erythramatosis
(SLE). Sai kowa ya gyara zama suka mika
tunaninsu gaba daya kan likita dayyabu.
Yaya hussaini yace me kenan? Me yake
kawo ciwon? Dr dayyabu ya lankwashe kafa
yace SLE ciwo ne wanda yake samuwa jikin
wanda Allah Ya dorawa. Lupus is an auto
immune disease characterised by acute and
chronic inflammation of various tissues of
the body. Auto immune disease are illness
that occur when the body tissues are
attacked by its own immune system.
Bansan yadda zan fassara muku ba, amma
dai ba a gado, kuma ba'a daukar ciwon.
Ciwon yafi ga 'yan america bakaken fata
(africam americans) da kuma 'yan chinese
da japanese. Anfi samun SLE a jikin mata
fiye da jikin maza. Kuma yafi kama masu
shekaru ashirin zuwa arbain da biyar.
Malam ahmadu yayi dariya yace likita bokan
turai, ai ni wannan bayanin naka kamar
tatsuniya nake ji, mu nan 'yan chinese ne
da zai zo ya kama 'yarmu? Ai ciwon abida
sammu ne, daman ance tana da makiya a
kanon nan, musamman da awararta tafi
kowacce dadi suka jefe ta. Aisha farida ta
girgiza kai tace a'a baba ahmadu, ka bari ku
bari ya bata magani. Yau wata nawa kuke
yin na sammun amma babu alamar sauki
sai ma ciwon gaba yake ci. Yahaya yace
gaskiya fa tunda yazo a dakatar da duk wani
hayaki a zuba masa ido. Da yawa daga cikin
tsofaffin suka kushe maganin asibitin har da
mahaifin abida. Kadan ne suka goya bayan
likita. Daga karshe yaya hussaini yayi
magana yace ya yadda likita yazo ya duba
abida ko Allah zai sa a dace. Gidan su abida
da gidan su aisha farida babu nisa, don haka
aisha farida, hussaini, yahaya, da likitocin
guda 3 suka dunguma gidan su abida. A
zauren gidan aka iskesu an daukota tamkar
tsumma , wata mata mai maganin gargijiya
ta shafe jikinta sharkab da man shanu ta
tilo mata itatuwa a leda tace ayi ta jika
mata a sabuwar kwarya. Hankalin likitocin
ya tashi da ganin irin wannan kwabe
kwaben. Yaya hussaini yayi wa surukarsa
bayanin likitocin, tashin farko taki
amincewa ita da mata mai magani, tace
ba'a hada aikinta da na asibiti. Yaya
hussaini dai ya takura sai likitoci sun duba
matarsa. Mahaifiyar abida da mata mai
magani suka yi fushi suka bar wurin a
fusace daya ta shiga gida, mai magani ta
fice dauke da buhunta a kai.
Hakika abida tana jin jiki matuka, kamar ba
ita ba, gaba daya halittarta ta sauya, yanzu
ko magana bata iya yi saboda azaba. Sai
gyada kai, sai hawaye kawai zaka ga yana
zuba saboda tsananin wahalar da take sha.
Aka kawo musu tabarmi suka zazzauna
yayin da dogon turanci ya hautsine tsakanin
likitocin uku, likitan fata, likitan kwakwalwa
da likitan kashi da jijiyoyi. Dr dayyabu ya
bude jakarsa (brief case) ya jawo allurar
intramuscular injection wacce ake kira
dexamethasone 8mg start. Ya umurci aisha
farida tazo ta juya masa ita. Yayi mata
allurar sannan ya debo wasu magungunan
kala kala har kala biyar ya mika ma
maigidanta yace lallai a dinga bata
magungunan nan, kuma akan lokaci har
tsawon sati biyu za aga canji In sha Allah
kafin a gama gwaje gwajen jininta, idan an
gama tantance takamaiman ciwon. Dr
dayyabu ya dubi aisha farida yace matso
kusa nayi miki bayanin yadda za a dinga
bata maganin. Ga prednisole nan ta sha
kullum guda uku HOQ daya da safe, daya
da dare, calcium kuma kullum tasha daya.
Sai kuma methothroxate ranar asabar zata
sha 10ml. Ranar lahadi kuma ki bata folic
acid guda 2. Yanzu zan dauki jininta kashi
kashi in tafi dashi, wasu a kano zamuyi
gwajin wasu kuma a abj zamu aika lab suna
harhada jinin mutane da yawa, su tashi
mutum a kai south africa a gwada. Yaya
hussaini ya langabar da kai yace nawa ne
kudin maganin? Kuma nawa ne zamu bada
na wannan gwaje gwajen naji har da wanda
za aika kasar waje. Dr dayyabu yayi
murmushi ya girgiza kai yace kada ka damu
da wannan, abokina shuraim ya gama
shirya komai. Dan yanzu ma lagos zanje in
hau jirgi cikin dare in isa abj in bada
wannan jinin, kwana goma zaiyi sannan ya
fito, to sauran gwaje gwajen ma sai inyi a
national hospital abuja don yawo da jini
babu dadi, duk dr shuraim zai biya. Gwajin
jinin wanda za'a aika south africa ma dubu
sittin za a biya, yace shi zai biya.
Sai aisha farida ta fara hawaye haka itama
abida hawaye ya fara kwaranyo daga
idanuwanta dan tana jin duk abin da ake
cewa. Yaya hussaini ya hau godiya yana shi
albarka. Dr dayyabu ya zaro sirinji da
kwalabe ya zuzzuki jinin abida ya ciccika. Ya
dauko wata 'yar akwati ya jera su ya mayar
ya rufe. Suka mike suna yiwa abida sannu
da fatan Allah Ya bata lafiya. Aisha farida da
yaya hussaini ne suka kinkimi abida suka
shiga da ita cikin gida. A take yaya hussaini
yace aisha farida ta dibo ruwa ya bata
magani, bayan ya bata ta sha sai yace aisha
farida ta boye maganin a wurinta. Sanda
zata sha tazo ta bata kada ta barsu a fili
goggo ta zubar dan bata yadda da maganin
asibiti ba. Yaya hussaini ne kadai ya dawo
wurin su dr shuraim suka dunguma zuwa
kofar gidan su aisha farida wajen tsofaFfi.
Babu abinda yaya hussaini da yahaya umar
sukeyi sai godiya da shi albarka. Yaya
hussaini ya yiwa tsofaffin bayanin duk
abubuwann da ya faru da irin zunzurutun
kudin da dr shuraim ya kashe da wanda zai
kashe nan gaba. Sai suka kacame da yi
masa godiya da shi albarka, shi da
abokansa sauran likitoci.
Hussaini ya gyara zama ya dubi tsofaffin
nan ya nuna shuraim yace shine mai son
farida, da farko naki amincewa saboda ko
ba a fada ba shi ba sa'an aurenta bane, mu
talakawa ne kuma baki. Toh a haka muka
rabu. Yahaya umar yace kayi kuskure
hussaini tunda kayi wannan tunanin, ai
al'amarin soyayya ba a ayin ta don kudi, shi
ya ganta yana so, itama tana sonsa kayi
garaje da ka tarki raba su. Ba 'asan inda
rana zata fadi ba, haka baka san wanda zai
yi maka amfani a rayuwa ba. Ga shi dai
yanzu ya taimake mu a lokacin da bamu
zata ba, kuma bamu da matsayin samun
wannan. Dr lukman ya fada min komai
daga haduwarsu har zuwa tahowar aisha
farida. Naji ra'ayin shuraim akanta alkhairi
ne kuma aurenta yake so yayi. Yanzu
wannan tahowar da sukayi sunzo dan su
duba abida su bata magani kuma su nemi
auren farida ayi magana daya. Hussaini
ance ka kauro gida kacokan zaka bar aiki, to
zamanka a shagamu ba zai yiwu ba, ko ba
dan aisha da shuraim ba, kuma ba dan
karatun 'ya'yanka ba , don lafiyar matarka
da rufin asirinka aikinka sai ka koma kano
don abida yanzu dole ta kasance kusa da
likitanta dr dayyabu yawan yawan bincikar
lafiyarta. Yaya hussaini yayi shiru yana
gyada kai don ya gasgata maganar yayansa.
Can ya dago ya dubi yahaya yace tabbas ka
fadi gaskiya, dama ni ban gama tsayar da
shawarrar barin aikin ba, na dauko hutu ne
na shekara. A cikin hutun ne dama nake so
naga yadda halin zaman namu a shagamu
zai kasance idan na samu abinyi sai in
zauna. Idan ban samu ba in koma kano
iyalina in barsu a nan. Yahaya yace to
iyalinka ne ma zaman a kano ya kamasu
saboda lafiyar matarka, wannan likitan da
kake gani babu inda zakaje a kasar nan ka
samu iirinshi , su biyu ne kadai
rheumatologists , daya na kudu shi yana
arewa. Saboda masu irin ciwon basuyi yawa
ba. Saboda haka hutunka na karewa ko bai
kare ba ka hada su ku koma dan naji yace
sati biyu zai gama hada sakamakon gwaje
gwajen sannan ya gano kan ciwon. Yaya
hussaini fadi yake gaskiya in sha Allahu
zamu koma nagode.
Tsofaffi ma suna bayan yahaya, shawara
suka ci gaba da bawa hussaini su hada su
koma kano. Dr lukman ya gyara zama yace
toh mu dai yanzu munzo a shirye tafi da
gidanka mukayi, ma'ana muna neman
auren aisha farida. Yahaya ya dubi tsofaffi
yace toh me za a jira tunda gaku kacokan
kun hallara? Mutumin nan sananne ne
tunda ga lukman nasan gidansu yasan
gidanmu. Farida na son shuraim shima yana
so, ayi magana kawai. Dr shuraim ya
sunkuyar da kai kasa yace saboda rashin
lafiyar nan ne ta abida bamu san yadda
zamu tarar da jikin bane yasa bamu taho da
iyayena ba. Amma tunda komai yazo da
sauki idan an amince mana sai mu bada
kudin aure, sai kuyi magana da mahaifina a
waya ya lamunce in nemi auren. Su dukka
suka ce babu damuwa ai. Dr shuraim ya
dakko wayarsa ya kira tsohonsa , bayan sun
gaisa ya shaida masa gashi a gaban iyaye da
kakannin aisha farida kakaf sun hallara ,
kuma sun amince zasu karbi kudin aurensa.
Abban shuraim yace masa ya basu wayar,
daya bayan daya abban shuraim ya dinga
gaisawa dasu suna yi masa fatan alkhairi,
shima yana yi musu har suka kashe wayan.
Dr lukman ya tashi yaje mota sai gashi ya
dawo da bakar jakar leda yazo ya zauna, sai
ya mikawa yahaya umar. Yahaya ya bude
yaga damin kudi dauri biyu 'yan naira dubu
daya-daya. Kowanne dami dubu dari ne,
dami biyu dubu dari biyu kenan.
Dakata yahaya. Inji baban abida. Kowa yayi
carko carko yaji abin da zai fada. Yace ba
himilin kudi ba, haka ba wayar da mukayi
da tsohonsa bane aure. Shin an tambayi
yarinya tana sonsa? Don idan yayana umar
yana da rai zai iya yiwa kowacce 'yarsa
auren dole banda aisha farida. Don yana
matukar sonta, baya son abinda zai bata
mata rai. Hankalin dr shuraim ya tashi, sai
yayi ta zungurar dr lukman wai yayi
magana. Hussaini yayi murmushi yace
wallahi tana son shi, matukar so kuwa. Don
nine shaida saboda ni ta tara tace min ina
kokarin raba ta da shuraim, to in sani
kamar ina kokarin raba tane da rayuwarta,
don tanayi masa tsananin son da zata iya
rasa rayuwarta. Babu wanda bai kyalkyace
da dariya ba a cikinsu, yayin da dr shuraim
yayi ajiyar zuciyar jin dadi. Salati goma ga
annabi (SAW) suka fara kawowa, sannan dr
lukman ya fara warware kudade yana
bayani. Naira dubu 100 shine kudin na gani
inaso, naira dubu 50 gaisuwar uwa da uba,
sai naira dubu 50 kudi ne kyauta a
rarrabawa dangi , wani a siya alawa da goro
shaidar an bada ita. Sai tsofaffi suka rike
haba don mamaki da jin wadannan
makudan kudi tunda suke aurar da
'ya'yansu da jikokinsu babu wacce ta taba
yin tsadar da farida tayi. Sai wasu suka
barke da kukan dadi don ko naira ashirin
babu a aljihunsu. Wasu kukan tunawa da
mahaifin farida sukayi. A lokacin malam
sule ya shiga yiwa farida kirari irin wanda
baban yake yi mata tun tana karama.
"Aisha sarauniyar mata, fara mai farar
aniya, kinfi mata dubu". Kowa yana ta
adduar fatan alheri da fatan ayi auren cikin
sa'a da zaman lafiya. Dr dayyabu ne zai tafi
a yau, dr shuraim da lukman zasu kwana sai
washe gari zasu koma, da mota suka taho
don haka yahaya zai raka su masauki. Wani
tsadadden hotel zai kaisu, sai suka yi musu
sallama suka shiga mota suka tafi.
HAUSA Novels BOOK
DUK KYAN TAKALMI 3* 9
Aisha farida tana zaune a gefen katifar
abida tayi shiru tana sauraron bambamin
fadan da goggo keyi, saboda an kawo
likitoci sunzo sun korar mata mai magani da
suka kashe kudi sannan ta yadda tazo. Tana
shiga tana fita, ta na fada ita kadai, babu
wanda ya tanka mata a cikin gidan saboda
ranta yayi matukar baci. Ko hakuri aka bata
sai taji tamkar an zage ta. Abida ta dubi
aisha farida tayi dan murmushi yayin da
itama ta dube ta tayi murmushin. Abida ta
yi magana a hankali sai da aisha farida ta
dora kunnenta a kusa da bakin abida
sannan taji abinda take cewa. Cewa tayi
allurar nan da akayi min naji dadinta, yadda
kika san yawo takeyi kusurwa kusurwa duk
inda ciwon yake tana wanko shi. Gashi ina
iya daga hannaye sama. Dadi ya rufe aisha
farida tayi dariya tace mungode Allah, Allah
Ya karo sauki. Abida tace amin, naga
shuraim, Allah Ya sa ayi auren nan. Aisha
farida tayi dariya tace samun lafiyar ki shine
fatan mu , kafin ayi wata magana
antina......bata rufe bakinta ba saiga
maimuna ta fado cikin dakin budik! Ko
sallama babu kai kace jeho ta akayi. Sai haki
take daga gani tasha gudu. Cikin sheshekar
gudu ta rirrike aisha farida tace albishirinki?
An bada ke, yanzu aka kawo kudin aurenki
dubu dari biyu. Kallon rashin fahimta aisha
farida da abida sukeyi wa maimuna.
Aisha farida ta rike baki da daya hannun ta
dafe kirji ta dinga fadin Allah mai iko, Allah
abin godiya. Wai nice yau ake maganar
aurena da dr shuraim? Maimuna ta fice ta
barsu suna mamaki. Wayarta ce ta hau
karan sai tayi sauri ta duba ta zaci rabin
ranta ne, sai taga sunan barr muazzam ta
danna da sauri sai taji muryarsa cike da
farin ciki. Yace gani a kofar gidanku, na kira
wayarki taki shiga sai da na aika yara suka
fito suka ce min wai kun tashi, kun kaura
shagamu. Ance anyi muku mutuwa ko?
Yanzu yara suke fada min. Aisha farida tayi
murmushi tace kai dai bari yayana, tafiyar
ce babu shiri, a kidime muka taho jikin anti
abida ne ya matsa har ta suma an zaci ta
mutu ne shine muka dungumo, muna nan
dai a shagamu har zuwa wani lokaci. Kafin
muga yadda Allah zaiyi damu. Amma yanzu
an samu rabin warakar ciown, tunda an
samu likita da ya gano matsalar. Barr
muazzam yayi ajiyar zuciya yace har naji
sanyi a raina, ai tuni hankalina ya tashi da
naji ance anyi mutuwa. Sai na kawo anti
abida ce, Allah dai Ya bata lafiya. Albishir
nazo miki dashi sai gashi ba kya nan banji
dadi ba.
Aisha farida ta rike baki da daya hannun ta
dafe kirji ta dinga fadin Allah mai iko, Allah
abin godiya. Wai nice yau ake maganar
aurena da dr shuraim? Maimuna ta fice ta
barsu suna mamaki. Wayarta ce ta hau
karan sai tayi sauri ta duba ta zaci rabin
ranta ne, sai taga sunan barr muazzam ta
danna da sauri sai taji muryarsa cike da
farin ciki. Yace gani a kofar gidanku, na kira
wayarki taki shiga sai da na aika yara suka
fito suka ce min wai kun tashi, kun kaura
shagamu. Ance anyi muku mutuwa ko?
Yanzu yara suke fada min. Aisha farida tayi
murmushi tace kai dai bari yayana, tafiyar
ce babu shiri, a kidime muka taho jikin anti
abida ne ya matsa har ta suma an zaci ta
mutu ne shine muka dungumo, muna nan
dai a shagamu har zuwa wani lokaci. Kafin
muga yadda Allah zaiyi damu. Amma yanzu
an samu rabin warakar ciown, tunda an
samu likita da ya gano matsalar. Barr
muazzam yayi ajiyar zuciya yace har naji
sanyi a raina, ai tuni hankalina ya tashi da
naji ance anyi mutuwa. Sai na kawo anti
abida ce, Allah dai Ya bata lafiya. Albishir
nazo miki dashi sai gashi ba kya nan banji
dadi ba.
Aisha farida ta dafe haba tayi dariya tace
albishir din meye? Yace alewar saka aurena
da janan na kawo miki. An bani ita har an
kai kudi da kayan sa rana , nan da wata uku
za a sha biki. Alewarki ta musamman ce,
bounty na kawo miki har jaka biyu saboda
matsayin ki a auren nan, sai gashi ba kya
nan. Ko 'ya'yan yayanki suna ciki a kirawo
mun su na basu? Aisha farida tayi dariya
tace Allahi abin godiya, amma na taya ka
murna yayana. Kuma na gode da
karramawar da kayi min. Babu kowa a 'yan
gidanmu, dukka muka taho. Nima kuma
yanzu zan zankado maka nawa albishir din.
Dr shuraim yana shagamu yazo da likita an
duba anti abida, ya siya mata magunguna ,
ya biya makudan kudi za a kai jininta kasar
waje a gwado. Sannan daga karshe ya
kunso kudin aurensa ya kawo yanzu yanzun
nan nima labari yazo min, suna can a kofar
gida shi da yayyena da tsofaffin maza. Barr
muazzam ya cika da farin ciki da mamaki,
ya kyalkyale dariya yace ikon Allah, Allah
mai yadda yaso. Wato auren namu ma tare
za'ayi kamar yadda muka fara nema tare.
Na taya ki murna kanwata. Baraka ma
komai ya daidaita, ita da mijinta suna cikin
farin ciki, ya rabu da nafisa , hankalinsa
kacokan akan baraka. Ciki ne ma da ita, sai
ririta cikin yake yi. Tace in gaishe ki da
kyau, kuma tana matukar yi miki godiya,
tana so ta ganki a rayuwarta. Tace in
gayyato ki suna idan ta haihu. Aisha farida
tayi dariya tace Allah Ya kaimu , idan dai ina
kano zanje. Sukayi sallama ya kashe waya.
3 missed calls din dr shuraim ta gani a
wayarta a lokacin da take waya yake kira,
sai ta fara kokarin kiransa, shima ya kirata.
Ta amsa sallamarsa cikin nutsuwa kafin ta
gaishe shi ya jero mata tambayoyi guda
uku, ta rasa wacce zata fara amsawa a
cikinsu. Farida da wa kike waya nayi ta kira
har sau 3 naji call waiting? Meyasa da kika
shiga gida dazu baki fito ba mun gaisa har
na tafi? Meyasa kwana biyun nan naga
alamar kin daina damuwa dani? Sai ta
lumshe ido tayi ajiyar zuciya sannan tayi
murmushi. Tace bari na fara amsa maka
tambayarka ta uku, sannan a gangaro ta
biyu, sai in gangaro ta daya. Zancen na
daina damuwa da kai wallahi ba haka bane,
tunda ina tuna ka a rana sama da dubu.
Sannan tambayarka ta biyu ina shiga gida
na bawa anti abida magani sai na zauna ina
saurarom fadan da goggo keyi mana ni da
yaya hussaini, wai mun kawo likitoci sun
duba