You Cannot Download this book untill you login but you can read it .

---

Login Register

Mukhtar rabuwan su haukane kaɗai batayi ba.
Cikin salon so ya rinƙa isar da soƙonsa.

Ethiopia.

Kusan duk ma zauna Parlour ido suka zubawa Yah Hafiz da ya zauna gaban Malam yayi ƙasa da kansa hawaye na kwaranya a idanunsa.
Ganin haka ne yasa Taj yin mutuwar zaune saboda koma menene yasan ba labari mai daɗi bane.
Kana ga Meymey a durƙushe a gaban Malam ɗin tana sakin shesh-sheƙan kuka.
Laylah kuwa jikin Ummeeyshi ta faɗa tana karkarwa.

Ita kam Ummeeyshi tuni ta fara karkarwa.
Mom Amal kuwa cike da zaƙuwa tace.
“Hafiz mgn zakayi ba kuka ba, me likita yace?”.
Ta ƙare maganar da kallon Malam da fuskarsa ta sauya daga fara zuwa jazir kana idanunsa sunka ƙanƙance suka kuma sauya launi daga fari zuwa fatsu-fatsi.
Cikin Muryar dake nuna tsananin fusata da tashin hankali yace.
“Hafiz me likita yace?”.
Cikin raunin murya Yah Hafiz yace.
“Dr yace tana da ciki har na tsawon wata uku”.
Wani irin masifeffen harbawa zuciyar Taj tayi lokaci ɗaya zufa ya karyo mishi.
Da sauri kuma ya rumtsa idanunsa jin Malam na cewa.
“Waye yayi mata ciki?”.
Kusan gaba ɗaya Parlour juyowa sukayi a kaɗe suna kallon Meymey da ta saki wani irin kuka mai cike da shesh-sheƙan kuka.
Cikin tsananin tsoro kaɗuwa Yan Hafiz, Yah Yusuf, da Abduraham, kana da iyayensu mata suka zubawa Meymey ido jin abinda take cewa.

Shi kuwa Taj dimmmm yaji kunnuwansa sun toshe zuciyarsa ta tsaya da bugawa idanunsa sun daina gani a lokacin da yaji Meymey na cewa.
“Yah Afif ne yayi mata c....”




By
*GARKUWAR MARUBUTA*
📝🕋✈️💉🍇🍇🍇🍇🍇🍇

*INDA RAI*

*BOOK ONE PAGE 13*
NA
*AYSHA ALIYU GARKUWA*

🍇🍇🍇🍇🍇🍇🍇🍇🍇🍇


*Page biyu kacal suka rage mu gama free pages bayan wannan, ki biya ki karanta cikin aminci da salama 1k ne kacal 0661110170 GTBank Aisha Aliyu Garkuwa sai ki turo min shaidar biyanki ta wannan number 09097853276, kuma mutan Niger 1000fc ne rak zaku biya ta wurin Mommy +22790899076.*



Cikin shesh-sheƙan kuka taci gaba da cewa.
“Yah Afif ne ya mata ciki babu wanda zai mata ciki a duniya bayan shi,shine ya maidata tamkar matarsa”.
Wani irin karkarwa da rawa jikin Yah Abana ya ɗauka maganar tazo masa abaxata baiyi zato ko tsammanin jin irin waɗannan kalaman ba.
Rawa zuciyarsa keyi domin sam bata yarda ba kuma bata amince ba lokaci ɗaya yaji jinsa na ƙoƙarin ɗaukewa..

Yayin da Taj kuwa tunaninsa, nazarinsa da ƙwaƙwalwa suka tsaya daga bugawar da suke haka zalika kunnuwansa sunyi dif daga sauraren abinda suke kana idanunsa sunyi dulum daga kallon abinda suke babu abinda yake gani face duhu haka nan yaji numfashinsa na ƙoƙarin barin gangar jikinsa fahimtar yana gab da sumewa In yayi garajene yasan ya ɗan gyara zamansa cikin ƙarfin hali yayi saurin fisgo salati da tasbihi daga cikin zuciyarsa zuwa harshensa duk da bai fito kan lips ɗin sa mutane sunji ba amma da taimakon kalmar _Innalillahi wa'inna ilaihi rajiun Allahumma Ajirni Fii musibati Wa'alhlifli khairan minhaa_ da yake naimaitawa ya bawa numfashinsa damar dai-dai-tuwa ya koma ya zauna kana ya bawa kunnuwansa damar jin maganar da ake yi sai dai har zuwa lokacin zuciyarsa bata samu salama da sa'idar da zata iya komawa bugawanta na aihini ba, sai wani irin bugawa da yake da azabebben ƙarfi da watsa jini liter ɗaya acikin ko wani second saboda ɗinuwar daya shiga...

Ummey kam baki ɗaya daskarewa tayi ji take kamar tana yawo asararin samaniya takasa fahimtar cewa araye take ko amace.
Mom Amal kuwa wani murmushin jin daɗi tayi tare da cewa.
“Uhum haba shiyasa mana ashe da dalili, shiya ko yaushe in akace aje ayi gwaji yake ta lauye-lauye haba koda naji al'amarin nan da ban mamaki da ɗaure kai”.
Da sauri Yah Hafiz ya shiga girgiza kansa cikin tsananin mamaki yace.
“Noooo!,Noooo dan Allah kuyi shiru bana son jin maganar nan Mom Amal ki daina faɗa”.
Yah Yusuf kuwa hannunsa yasa ya toshe kunnuwansa duka biyu yana mai girgiza kansa yayin da Hajiya Halisa Mahaifiyar Yah Hafiz ta juya ta kalli Meymer tare da cewa.
“Meymer kiji tsoron Allah kiji tsoron irin abinda kike faɗa Meymey kisan akan wakike magana,Afif fa, Taj kike cewa wai shi yayiwa Laylah ciki ƴar daya ɗauka ya riƙe kana ya maye mata gurbin Uwa, Uba,Yayu da ƴan Uwa yanda yake riƙe da ita yake rainonta tamkar ƴar cikinsa”.
Cikin matsanancin kuka Meymey ta rarrafo ta dawo gabanta cikin rawan murya tace.
“Wallahi Hajiya idan nayi mishi ƙazafi Ubangiji yana gani, idan na mishi ƙazafi Allah ya hanani kwanciyar hankali.
Yanda ya maye mata gurbin uwa, uba haka zalika ya zauna a gurbin mijinta.
Kuna gani koda tafiya zaiyi da Laylah yake ya barni baya tafiya dani. ki gafa kwanan nan suka dawo daga Nigeria kwana goma sukayi wallahi ba ƙazafi nake masa ba ai gashi nan suna zaune yayi inkari mana ba gashi nanba, kawai shiru yayi ba tunda yasan baida gsky”.
Ta ƙare maganar cikin matsanancin kuka da gigita har kamar numfashinta zai yanke...

Ummey kuwa cikin tsananin kaɗuwa jikinta ya ɗibi wani irin karkarwa tamkar wacce aka tsoma cikin ruwan ƙanƙara baki daya ilahirin jikinta ɓari yake numfashinta na kokowa da juna da ƙyar ta samu ta fara fisgo kalmar _Innalillahi wa'inna ilaihi rajiun Allahumma Ajirni Fii musibati Wa'alhlifli khairan Minha_ sune abinda take iya maimaitawa wannan kalmar da take maimaitawa shine yasa Taj ya fara ji da ganin ninsa ya dawowa ahankali ya fara kallon mutanen cikin falon duk da cewa dishi-dishi yake ganinsu.

Ganin tana ƙoƙarin shiɗewane yasa cikin sauri Ummu Aryaan ta miƙe kana ta ɗauki roban Swan dake gaban Malam ta balle murfin kana ta tallafe Ummey tasa mata goran abakinta cikin sanyi tace.
“Kisha”.
Kai Ummey ke girgizawa tare da cewa.
“Innalillahi wa'inna ilaihi rajiun”.
Ji take sam ba zata iya ba...

Yah Yusuf kuwa tun lokacin daya toshe kunnensa yake jujjuya kansa har zuwa yanzu bai bari ba.
Yayin da Kabeer da Aryaan kuwa ido suka zubawa malam suna son karantar wani irin yanayi yake ciki da kuma hukuncin da zai iya ɗauka.

Malam kuwa baki ɗaya ilahirin jikinsa tsuma yake yayin da idanunsa suka kaɗa sukayi jawur tamkar garwashi kana jijiyoyin kansa sun tashi musamman babban jijiyan dake kan hancinsa ta taso har tana harbawa tsaban tsananin tashin hankali da kiɗima kana da yanda kalmar ta dake shi ji yake cikin gigicewa mai haɗe da ɗimuwa, fahimtar kamar yana gab da ɗimaucewa ne yasa shi maimaita _Allahuma Ajirni Fii musibati Wa'alhlifli khairan Minha Innalillahi wa'inna ilaihi rajiun Lahaula walaƙuwwata illah billah_.
Jin yanda sautin addu'oin ke fitowa daga bakinsa ne yasa kowa dake cikin falon ɗaukar addu'oi banda Kabeer, Aryaan da Mom Amal ko wannensu da tunanin da yake aransa.

Ita kanta Meymer batasan lokacin data fara maimaita _Innalillahi wa'inna ilaihi rajiun ba_.
Laylah kuwa cikin rauni ta saki wani marayan shesh-sheƙan kuka mai haɗe, da ɗimuwa, tashin hankali, gami da rauni ganin yanda baki ɗaya falon ya gigice wasu na kuka wasu sun ɗaura hannuwansu akai zuwa yanzu ta fahimci duk akanta ne sosai kukan da take ya tsananta wanda har ta kai matakin da numfashinta ke shirin barin gangar jikinta.
Ganin halin da take cikin yasa Meymer yin saurin rarrafawa ta jawo ta jikinta ta rungumeta tana shafa kanta kana itama tana cigaba da kuka.
Cikin shesh-sheƙan kuka tace.
“Kiyi haƙuri Laylah ba laifin ki bane ya cuceki ya cuci rayuwarki.
Nima ya cuceni ya wulaƙantani iyayena sun aura masani amma bai ɗaukeni matsayin mace ba bai kalleni matsayin mace ba”.
Laylah kam kuka take tamkar ranta zai fita Meymer kuwa cikin tashin hankali ta cigaba da cewa.
“Baki da laifi dan shine ya cucemu ya wulaƙantar dani ya ajiyeni tamkar gunki bai taɓa kallona Amatsayin matarsa ba ya ɗauke ki ya maye gurbina dake azuciyarsa da kuma jikinsa ya maidake abar biyar buƙatarsa”.
Ta kai karshen maganar tana sake fashewa da kuka.

Cikin wani irin fusgar magana Malam ya kalli Taj akaro na farko a rayuwarsa yace.
“Tajuddeen”.
Cikin ruwan murya kana lips ɗin sa na karkarwa ya kira sunansa...

Taj kuwa cikin ruɗu ya rarrafo akan gwiwarsa yazo gaban mahaifinsa ya tsugunna.
Malam kuwa cikin tsira masa Idanu yace.
“Taj me nake ji?,Me ake cewa?,Me zaka iya cewa akai?”.
Ina ya kasa mgn sai kansa kawai yake jujjuyawa.

Cikin tsananin tsoro da kiɗima Ummey ta dafe hannunta aƙirji tsoronta ya hau-hauwane saboda sanin shi mutum ne da baya taɓa iya kare kansa arayuwarsa, baya taɓa iya in kari kuma, baya musu tafi kowa sanin yanda Taj yake tasan yanda ya tashi ko bashi yayi laifi ba muddin akace shi yayi baya taɓa iya In-kari wannan tunanin da tayi yasa ta saki wani maraitaccen kuka mai cike da ƙuna a zuciya.

Taj kuwa kansa kawai yake juyawa.
Malam kuwa cikin ɗimuwa da kaɗuwa ya cigaba da cewa.
“Taj ka buɗe baki kayi min magana me nake ji?.
Me nake ji Tajuddeen?”.
A kuma dai-dai lokacin Uncle Jibril tare da Momyn Meymer sukayi sallama jin kamar falon Aruɗe ne yasa cikin sauri suka ƙara sa shiga Falon.

Momyn Meymer na shiga cikin sauri ta nufi kan Ummey kana ta tallafo ta jikinta tare da faɗin.
“Subhanallah Hajiya Fati meke faruwa?”.
Sai kuma tayi saurin juyawa jin Mom Amal na cewa.
“Menene ma bai faru ba Hajiya Ruƙayya babu abinda bai faru ba. Tajudden ya zubar mana da mutuncin gida ya tozarmu ya wulaƙantamu ya tozarta tarbiyyar da ake gina wa tun daga kan yayun sa har ƙannensa”.
Cikin tsananin mamaki Momyn Meymey ke kallonta tana jin tashin hankali Mom Amal kuwa cikin tarin tsanarsa ta cigaba da cewa. “Tajuddeen ya tozartamu ya bamu kunya yaci amanar hadddar Alkur'ani izu sittin dake kansa Tajuddeen yayi kwance kwance ya ɗibgawa Laylah ciki ya rasa wacce zai yiwa ciki sai marainiya dan jarabar tsiya matarsa bata ishesaba sai ya ƙara da yarinyar amana”.

Cikin sauri Ummey ta sake toshe kunnuwanta tare da cewa.
“Laaaa, la, laaaa, la No Noooo bana son ji bana son ji.
Da sauri Uncle Jabril ya ƙarasa gaban abokinsa ya zauna tare da cewa.
“Ya Salam Malam Muhammad kai ya kamata kayi control ɗin su amma sai kuma ka ɗimaucewa ka ɗimautar dasu”.
Sai kuma ya juya ya kalli Yah Hafiz yace.
“Hafiz ka kwantar da hankalinka”.
Sai kuma ya sake maida kallonsa kan Yah Yusuf yace.
“Me haka kuke ɗinaucewa!?”.
Kallonsa ya kuma mayarwa kan Yah Abdurrahman wanda tunda Meymer tace Afif ne yayiwa Laylah ciki ya buɗe bakinsa bai rufe ba sai hawaye dake ta kwaranyo nasa Aransa yace.
kenan mafarkin da nayi yana ƙoƙarin tabbata akwai, ƙalubale da masifa da zata saƙƙo acikin family na, ta watsa mana farin ciki ashe kalubalen dana gaani akan Tajuddeen zai sauƙa!.

Yah Abana kuwa hannu ya ɗaga tare da dakatar da Uncle Jibril kana ya kalli Taj da cewa.
“Taj me nake ji?,Me Meymey take faɗa?, Tajuddeen me nake ji?,”.

Shi kuwa Taj har zuwa lokacin ya kasa magana sai jujjuya kansa yake yayin da lips ɗin sa ke rawa kana Idanunsa sun kada sunyi jawur Araunane ya juya ya kalli Ummey jin tana cewa.
“Kayi magana Afif shirunka awannan lokacin zai iya yi mana cutar da har abada baza ku warke ba. Tajuddeen ka buɗe bakinka kayi In-kari akan abinda nake da yaƙinin baza ka aikata shiba”.
Araunane ya runtse idanunsa ya kasa magana kwata-kwata bazai iya magana ba dan da zaran ya buɗe baki da niyar zaiyi magana sai yaji tamkar zare ake sawa ana tsuke bakinsa saboda nauyi da zuciyarsa tayi masa.

Cikin tsananin fushi Yah Abana ya ɗaga hannu tare da tsinka masa mari akan kumatunsa kana yace.
“Ba magana nake maka ba? kayi shiru kana kallona?”.
Sake risinar da kansa ƙasa yayi sam ba zai iya magana ba sai dai atake fuskarsa ta rine tayi ja jijiyoyin jikinsa suka tashi lokaci ɗaya jikinsa ya sake rikicewa da karkarwa wani irin kiɗima da ɗimuwa yake ciki wanda tunda yake a iya tsawon rayuwarsa bai taɓa riskar kansa aciki ba, kana nadama mai tarin yawa ta rufe mishi dukkan jiki da zuciya.

Hajiya Babba ce ta miƙe kana ta ƙarasa gaban Yah Abana tare da risinawa tace.
“Dan Allah na roƙeka dan darajar Annabi kada ka yanke hukunci cikin fushi. ka fini sanin waye Tajuddeen wani ma zai bada shaida akansa, bare kuma kai kada kayi gaggawan yanke hukunci akansa kai masa uzuri sannan ka bashi dama”.
Cikin sauri Ummu Aryaan ta taso, ganin abinda take sonyi yasa Aryaan sa hannu da niyyar riketa ahanzarce ta buge hannunsa kana ta tsugunna gefen Yah Abana tare da cewa.
“Kada ka manta cewa Tajuddeen bai taɓa kare kansa ba tun yana Karami Tajuddeen bai iya musu ba koba shi ya aikata abuba, kamar yadda ko baya son abu baya musu in ka sashi haka yake aikata shi. Baya iya musu bare ya kare kansa sam bai iya In-kari ba dan Allah dan darajar Annabi ka riƙa maimaita Innalillahi wa'inna ilaihi rajiun za'a samu bakin zaren”.
Ummey kam wani irin sassayan kuka take cikin rauni da miƙa lamuranta zuwa ga Ubangiji mabuwayi gagara misali tace.
‘“Taj kayi magana kayi magana”.
Baki ɗaya haka falon ya ruɗe ko wannensu na cikin tashin hankali da Alihini saɓanin Aryaan Kabeer Mom Amal...

Uncle Jibril kuwa gyaran murya yayi cikin nutsuwa yace.
“Kuyi haƙuri kuyi shiru duk abinda yayi tsanani yana tare da sauƙi ”.
Jin haka yasa suka shiga maimaita Kalmar Innalillahi wa'inna ilaihi rajiun yayin da muryoyin su keyin ƙasa...

Meymer kam rarrafowa gaban Mahaifinta tayi cikin matsanancin kuka tace.
“Abba Yah Afif yaci amanata Abba ka aura min Yah Afif na zauna aƙarƙashinsa duk da ba sona yakeyi ba, na bishi nayi mishi biyayya dan nagartasa da ban zaci zai iya aikata wannan ƙazantan ba.
Yah Afif ya rasa yarinyar da zai nema yana lalatawa sai yarinyar da ya ajiye agabana na riƙe?, Yarinyar marainiya du-du-du ƴar shekara sha uku”.
Cikin wani irin azabebben bugun zuciya Taj ya runtse idanunsa kalaman Meymer na barazanar toshe masa ji cikin matsanancin kuka da sarƙewar murya ta cigaba da cewa.
“Yah Afif bai taɓa kallona matsayin matar Aurensa ba, duk tsawon zaman da mukayi dashi watanni kusan takwas kenan yanzu in ƙarya nake mishi gashi nan ya faɗa, wlh ko yatsata bai taɓa riƙewa da sunan muyi zaman aureba ashe duk yana shareni ne dan ya samu Laylah a kusa”.
Cikin Mamaki Uncle Jibril ya zuba mata ido ganin tayi shiru ta kife kanta ajikin kujera tana cigaba da kuka.
A hankali ya gyara zamansa cikin sanyin murya mai haɗe da tausayin ƴar tasa yace.
“Kiyi shiru Mamana kukan nan ya isa haka”.
Momy Meymer kuwa cikin wani irin yanayi take kallon Meymer kallo irin na tuhuma da son fahimtar wani abu cikin takaici ta buga mata tsawa tare da cewa.
“Dan Allah rufe min baki,
kike ta maimaita magana ɗaya kamar kin samu karatun Alkur'ani ko karatun Alqur'ani ba kya maimaita shi haka kamar yanda kike ta maimaita Yah Afif yamin kaza Yah yamin kaza ki rufe min baki ki kuma bace min da gani”.
Kallonta Uncle Jibril yau kana yace.
“Ya za'a yi ki tayiwa Mamana tsawa? Ki barta bana so kada ki sake yi mata tsawa ki bari taji da abu ɗaya”.
Jin abinda ya faɗa yasa tayi Ƙwaffa...

Yah Abana kuwa idanunsa sun sake jajur tamkar zasuyi aman wuta kallon Taj yayi kana yace.
“Tajudden ka tashi agana kada ka sake zuwa gabana har sai ka tabbatar kana da abinda zaka faɗa min bana son ganinka bana son zargin da ake ya tabbata akan ka.
Ka sani in dai zargin da ake ya tabbata akan ka Tajuddeen baka da amfani arayuwata”.
Runtse Idanu Ummey tayi kana muryanta na rawa tace.
“Innalillahi wa'inna ilaihi rajiun”.
Ta ƙare maganar tare da fita ta nufi ɗakinta.

Taj kam jikinsa rawa yake so yake ya miƙe yabi bayan Ummey ganin yanda ta fita amma ya kasa.
Mikewa Yah Yusuf yayi kana ta tallafe sa ya ɗaga sa kallon yanda jikinsa yake rawa yayi kana ya riƙe sa suka nufi sashen Ummey...

A nan cikin falon kuwa Yah Hafiz ne ya juya ya kalli Meymey Muryarsa dashe yace.
“Meymey dan Allah dan darajar Annabi kada ki sake faɗan irin wannan kalaman akan Tajuddeen”.
Sabon kuka ta fashe dashi kana cikin gaskiyar abinda take gani shine dai-dai tace.
“Yah Hafiz abinda ya aikata nake faɗa idan bai aikata ba bazan faɗa ba”.

Laylah kam kuka take...
Taj da Yah Yusuf kuwa suna shiga Falon Ummey suka sameta zaune gaban 3sitter ta jingina kanta da jiki tana shesh-sheƙan kuka yayin da Zakiyya ke gefenta itama kuka take cikin damuwar ganin halin da Mahaifiyarta ke ciki tace.
“Ummey menene ki faɗa min Meyafaru?”.
murya can ƙasan maƙoshi sukayi sallama jin sallamarsu yasa ta ɗago kai ganin Taj da Yah Yusuf yasa tayi saurin miƙewa kana ta matsa gabansa muryanta na rawa kana hawaye na zuba daga Idanunta tace.
“Ko wani lokaci a kowani yanayi baka iya In-kari kan abinda ya shafe ka baka iya musu adai wannan lokacin muddin baka buɗe baki kayi In-kari ba sannan kayi abinda zai tsarkake kanka daga idon Mahaifinka ba, zaka ja mana baƙin cikin da zamu dawwama aciki Afif ka buɗi baki kayi magana”.
Kansa kawai ya girgiza saboda bazai iya ba ya sani haka Allah ya haliccesa Allah yasani bazai iya ba.
Kuka Ummey ta fashe dashi mai tsuma zuciya tafi kowa sanin wanene Taj ciki da waje haka zalika tafi kowa sanin Wanene Malam wannan dalili yasa ta sake fashe da kuka.
Ganin yanda take kuka yasa Taj zubewa akan gwiwoyinsa ya rasa ya zaiyi kana ya rasa mai zai ce.
Cikin sanyi da disashewar murya tace.
“In dai baza kayi magana ba, ka cutar dani Tajuddeen adai wannan karon idan har ba kayi magana ba ka gama cutar dani ka cutar da kanka”.
Ta ƙare maganar tana zama kan kujera.

Yusuf kuwa ganin bazai yi magana ba yasa ya Daga shi suka fita direct mota suka shiga ahankali Yah Yusuf ya kallesa kana yace.
“Ina muka nufa?”.
Shiru Taj yayi saboda bazai iya magana sai wani irin karkarwa da lips ɗinsa keyi duk da yana taune su maganganun Meymey basu zauna a ransaba ko kaɗan ganin alamun fushi da fusatar Yah Abana ne ya hautsina mishi lissafi.

Bayan sun danyi nisa da tafiyar Yah Yusuf ya sake kallo sai tare da cewa.
“Afif ina zamuje?,Ko dai in kai ka gidan Addawa ne?”.
Kai ya gyada masa kana kai tsaye ya juya akalar Motar zuwa gidan Addawa...

A can falon Yah Abana kuwa kallonsu yayi cikin Muryarsa dake ƙunshe da tarin damuwa ya kallesu kana yace.
“Ku tashi ku tafi”.
Cikin mutuwar jiki kowa ya watse da zullumin dake ransa Momyn Meymer kuwa side ɗin Ummey ta nufa.

Meymey kuma hannun Laylah ta riƙe suka fita suna fita tashiga motarta suka wuce gida.
Acan gidan Addawa kuma cikin tsananin tashin hankali take sauraren bayanan da Yah Yusuf ke mata baki ɗaya ilahirin jikinta rawa yake kana hawaye na zuba mata tamkar an buɗe famfo tsoronta kuwa sake hau-hawa yake nan take firgici ya bayyana ƙarara asaman fuskarta Babu kalmar da take maimaitawa face Innalillahi wa'inna ilaihi raji'un tana mai cigaba da cewa.
“Ya Allah ka tsare wannan bawan naka da abinda ake zargin sa da aikatawa”.
Sosai suka riƙa tausan Taj kan yace wani abu amma ina kasa magana...

Jin kiran sallar maghariba ne yasa suka tashi suka tafi masallaci sukayi sallah masallacin unguwar su Addawa ranan agidan Addawa ya kwana anan falonta ita kanta har zuwa lokacin bai buɗi baki ya mata magana ba.

Washe gari da Asbah bayan an idar da Sallah yana shiga Falon ya sameta tana waya wanda bisa duk kan alamu da Ummey ce jin tana cewa.
“A gidana ya kwana gashi nan kuma tunda yazo bai ce min komai ba haka zalika baiyi magana ba”.
Ganin shigowar yasa tayi saurin cewa.
“Yawwa gashinan ya dawo yanzu”.
Sai kuma ta matsa kusa dashi kana tace.
“Tajuddeen ga Ummey ka nan,tana son magana da kai”.
Ahankali ya gyaɗa mata kai kana ya zauna tare da karɓan wayar ya manna akunnensa cikin wata iriyar murya mai cike da tsananin sanyi da rauni wanda har ta bawa Ummey tsoro yayi sallama da damuwa atare da ita tace.
“Lafiyarka kuwa Tajuddeen?".
Cikin sanyayyar murya ya gyada mata kai kamar yana gabanta kana yace.
“Lafiya lau Ummey ”.
Cikin jin ƙai irin na uwa da ɗanta ɗan ma mafi soyuwa azuciyar ta girgiza kai tare da faɗin.
“Tajuddeen Me zaka iya cewa?, Tajuddeen ka buɗe baki kayi magana ”.
Idanunsa ya lumshe kana ya taune lips ɗin sa na ƙasa tare da cewa.
“Kiyi haƙuri Ummey bazan iya ba”.
Wani irin kuka ne yazo mata cikin zubda hawaye tace.
“Tajuddeen ba zaka iya bafa kake ce min?.
Kasan abinda ake tuhumar ka dashi kuwa?,kasan me ake tuhumar ka dashi Tajuddeen? Kasan cewa duk mutumin daya taɓa Aure mace ko Namiji hukuncin haddi kisa ake yanke masa Tajuddeen shine kake cemin baza ka iya magana ba?”.
Kansa ya jinjina yana mai jin tausayinta akasan ransa yace.
“Kiyi haƙuri Ummey bazan iya ba kiyi haƙuri, gwara ma a kashenin kawai kowa ma ya huta”.
Ya ƙare maganar zucin yana miƙawa Addawa wayar suka ci-gaba da magana.

Ganin ya miƙe yasa tayi saurin cewa.
“Ina zaka je?”.
Ahankali ya motsa laɓɓansa tare da faɗin.
“Gida”.

Yana fita sai ga Abu Hashim yazo bayan motar ya shiga yana zama wayarsa na ringing yana dubawa yaga Sunan Ishmah na yawo wayar iska mai zafi ya furzar yasan ta kira ne su gaisa kamar yanda suka saba ko wacce safiya kuma yanaji bazai taɓa iya bari bai amsa kiranta ba picking call ɗin yayi ya manna akunnensa ya shiru.
Daga ɗaya bangaren cikin sanyayyar murya mai cike da nutsuwa tace.
“Barka da Safiya Taj".
Ahankali yace.
“Hmmm”.
Cikin bugawar zuciya mai gauraye da jin alamun yana cikin damuwa tace.
“Ya Salam Taj me yake damunka?”.
Ahankali ya sake cewa.
“Hmmmm”.
Still da damuwa afuskarta tace.
“Dan Allah Taj na roƙeka kayi min magana in samu salama”.
Sai alokacin ya ɗan cije lips ɗin sa murya can ƙasan maƙoshi yace.
“Me kika ji”.
Tana jujjuya kai tayi saurin cewa.
“Taj muryanka ta faɗa min baka cikin nutsuwa da kwanciyar hankali muryanka na tattare da damuwa meke faruwa? Jikina ya jiyo min alamun kana cikin damuwa. Me yasamu Laylah”.
Sai alokacin yaji wani irin zafi da zugi azuciyarsa tunaninsa ya tafi kan Laylah dagaske ne kenan?,ciki ne da ita, to idan ya bari aka kashe shi waye zai kula da rayuwar Laylah, Ya Ummeeyshi zataji, waye zai meyewa Ishmah gurbinsa?”.
Asanyaye ya furzar da iska mai zafi jin Ishmah na kiransa a hankali yace.
“Ba abinda ya samu Laylah Ma'eesha”.
Itama cikin sanyi tace.
“Toh yanzu meye ne matsalar”.
Ahankali ya sake runtse idanunsa tare da faɗin.
“Kiyi min Addu'a Ma'eshaa”.
Kai ta gyaɗa kana tace.
“In sha Allah zanyi, to amman addu'ar me zan maka?”.
Tsintar kansa yayi da cewa.
“Kiyi min Addu'a Allah ya bani ikon cinye Jarrabawar dake kutso kai cikin rayuwata”.
Cikin gamsuwa tace.
“In sha Allahu zan yi maka addu'a yanzu ma ina kan sallaya bari nayi maka addu'a”.
Kai ya gyada tare da katse kiran.

Da kallo tabi wayar jin ya katse yasa ta sake tabbarwa yana cikin matsala.
Bisa kan sallaya tayi sujjada tare da cewa.
“Ya Allah ka kare wannan bawan naka, ka tsare wannan bawan naka daga sharrin masu sharri, ka ɗaukaka darajarsa ka kare mutuncinsa ka hanasa ta ɓewa ka yalwata duniyarsa da lahirar da farin ciki ka bashi ikon cinye Jarrabawarsa”.
Haka dai tayi ta mishi addu'oi...

Taj kuwa dai-dai lokacin ya shiga ya samu Meymey na zaune kan 3sitter Laylah na gefenta tana bata tea wani irin kallo ta bishi dashi.
Ahankali ya girgiza kansa kana ya saki Murmushi wanda yafi kuka ciwo Murmushin da yake nuna zallan Jarumtakarsa wanda yake nuna rashin nasarar maƙiyansa a kansa Murmushin dake nuni da alamar Fahimtar abinda ke ranta.
A hankali ya wuceta ya nufi bedroom ɗinsa yana shiga ya kwanta saboda yanda yake jin tsananin ciwon kai da yanda yake sarawa kwanciya yayi ya rasa mai zai tuna a duniya arayuwar ya rasa abinda zai tuna ranan haka ya yini aɗaki, ko jami'in Sallah agida yake yi tunda ya shiga ɗakin bai fito ba sai washe gari da safe ya fito.
Yana fitowa ya tsaya atsakiyar falon kana ya ɗan ɗaga sautin muryan sa da bai fita yace.
“Laylah!, Laylah!!, Laylah!!!”.
Cikin yanayin tsoro da firgita ta fito da sauri ta tsaya gefensa baki ɗaya ilahirin jikinta na karkarwa matsawa kusa da ita yayi tayi saurin ja da baya Muryarsa asanyaye yace.
“Laylah ki tsaya ba abinda zan miki”.
Kai ta shiga jujjuya