You Cannot Download this book untill you login but you can read it .

---

Login Register

kayi magana! kayi magana Afif ka wanke kanka kace wani abu!!”

Me zaice? Bazai iya cewa komai ba, bazai iya ba, kansa juyawa yake yana jin kamar mafarki ne, zuciyarsa tayi masa mugun nauyi, yana jin kamar ana caka masa mashi akan k’ahon zuciyar nasa, komai ya riga da ya k’wace masa, baida wani abunyi sai kansa kawai da yake girgizawa, again ya kasa magana jikinsa ne kawai keta karkarwa.

Mom Amal kuwa cikin wata murya me ɗauke da wasu irin manufofi da ita kaɗai tasan ma'anar su tace.
“Wannan ma bai isa hujja ba Meymey idan kina da wasu hujjojin sai ki fito dasu mugani ”

Cikin sauri Meymey ta ciro wayarta ta bud’e tare da shiga Gallery bayan ta shiga kan abunda take son shiga ta juyo da screen d’in wayar zuwa fuskar Yah Abana.

Da sauri Yah Abana ya rumtse idanunsa sai kuma ya miƙe tsaye yayin da numfashinsa ke fusga yana ƙoƙarin ɗauke wa.
Sakamakon ganin hoton Taj da yayi tsaye tsirara Laylah na durƙushe ta riƙe gabansa.
Da wani irin firgita had’i da gigita mai tsanani ya fara cewa.
_“Auzubillahi minarshaiɗanir rajim Auzubillahi da kai Tajudden Subhanallahi da kai Tajuddeen ka ƙazanta ka barranta daga zuri'ata ka barranta daga ahalina.“_

Taj kuwa kansa ya soma girgizawa cikin son yaga abinda Mahaifinsa ya gani da ya kiɗimashi haka.

Uncle Jibril kuwa cikin sauri ya miƙe ya karbi wayar daga hannun Meymey yana kallo cikin tashin hankali yace.
“Innalillahi wa inna ilaihirraju’un! Afif ka zama guba ka zama ƙazanta acikin al'umma wannan wani irin nasiface Tajudden wace rayuwa ka zaɓawa kan ka”.
Ya ƙare maganar tare da sake wayar ta faɗi ƙasa, haka yasa ta ɗan sule zuwa gaban Taj ɗin.

Shi kam Taj ya kasa tantance yanayin da yake shin araye yake ne ko ko kuma amace? Saboda ganin tabbas shine a hoton kuma tabbas tsirara yake, kuma tabbas Laylah ce gabansa durƙushe tana riƙe da al'aurarsa, so yake ya rufe ƙwayar idanunsa ya buɗe ko zai daina ganin ɗigon tawadan Allah da yake a saman mararsa wanda yasan duk duniya banda iyayensa da suka raineshi a ƙuruciya babu wanda yasan dashi.

Cikin kuka Meymey tace wlh gashi in ba shi bane ya faɗa.
Cikin wata iriyar muryar dake cike da hargitsi Yah Abana yace.
“Tajjuddeen wai kaine a hoton nan!?”.
Cikin jin ƙahon zuciyarsa na gaba da faso ƙirjinsa murya na rawa yace.
“Eh Yah Abana ”.
Yayi mgnar da iya kar gskyar sanin cewa yess tabbas shi ɗin ne.

Ummey kam kuka mai tsanani ta fashe dashi ta kasa magana haka zalika sauran ƴaƴanta da mafi akasarin Mutanen falon...

Meymey ko gyara zama tayi tana matsar ƙwalla tace.
“Kuma har Video ma akwai”.
Cikin sauri Taj ya ɗago kansa jin yanda Yah Abana ya kira sunansa atsawace.
Ahankali ya ɗago raunatattun idanunsa da suka ciko da k’walla suna sheƙi ya kallesa jin yana cewa.

“Afif ka tashi ka fitar min agidana kabar min gidana bari na har abada bana son ganinka.
Bana son sake kallon wannan ƙazantacciyar fuskartaka arayuwata Afif bana son ka sake shigowa cikin gidana.
Wallahi Allah kenan idanka sake yarda mu kayi ido huɗu Allah ya isa tsakanina da kai!!!”

Cikin tsananin ruɗu mutanen dake falon ke kallonsa.
Passs sautin fashewar glass cup dake hannun Yah Abduraham dake bayan Taj ya ratsa kunnuwansu.

Shi kuwa Malam cikin tsanar halayyar Taj ya cigaba da cewa.
“Kaje na sallamawa duniya kai Afif.
Na barrantarwa duniya kai na cireka daga cikin ƴaƴana daga yau ka fita acikin ƴaƴana.
Tajudden daga yau Allah ya isa idan har ka sake ambaton sunana a bakin ka matsayin mahaifinka”.

Cikin tsananin kaɗuwa mai gauraye da ruɗani Yah Hafiz da Yah Yusuf suka runtse idanunsu suna masu girgiza kansu Yah Abdurrahman kuwa wani sanyayyan kuka ya saki mai cike da ɗimuwa ganin halin tashin hankali da ahalinsa ke ciki.

Su Aunty Maryam kuwa, tamkar an daskarar dasu da dusar ƙanƙara haka suka zama.

Ummu Aryan ko da Hajia babba riƙe kai sukayi.
Mommyn Meymey kuwa da ƙarfi tace.
“Innalillahi wa inna ilaihirrajiun”.

Yah Abana kam cikin ƙunan zuciya da tsananin fushi ya cigaba da cewa.
“Daga yau ka yanke sunana daga cikin bakinka bana buƙatar ka acikin rayuwata na barrantar da kai daga cikin zuri'ata ku kuma kuji ku shaida dalilin da yasa na taraku”.
Sai kuma ya dire maganar yana kallon ƴaƴan nasa.
Rai cike da ƙunci ya sauke ajiyar zuciya tare da juyawa falon yana kallon ƴaƴansa yayin da numfashinsa ke sama da ƙasa alamar yana son barin gangar jikinsa yace.
“Ku kuma kuji ku shaida duk wanda ya sake mu'amala da Tajudden Allah ya isa ban yafe masa ba, na kuma tsine masa duk wanda ya sake mu'amala dashi bani bashi, ku kuma Matana duk wacce ta kiramin sunan Tajuddeen zata ga fushina, kai kuma Tajuddeen ka tafi kai bazan tsine maka ba, kuma bazan maka baki ba, dan laifin da kayi ya isheka tsinuwa, kawai ni sharaɗin tsinuwana idan ka sake yarda mukayi ido biyu da kai to akan igiyar auren mahaifiyarku kuma bazan yafe maka ba muddin kayi sanadin rabani da Fatima”.

Wani irin kuka mai gunji Aunty Halima, Aunty Maryam, Aunty Rashida suka sake suna masu shiga ɗimuwar jin abinda mahaifin nasu ya faɗa.
Haka ma sauran Matan Mom Amal kuwa fuskarta ba yabo ba fallasa baza ka gane shin farin ciki take ko akasin saba.
Tajudden kuwa kansa na ƙasa ji yake tamkar almara ne ji yake shin mafarki yake ko ko afarke baki daya ƙwaƙwalwarsa da zuciyarsa sun gaza auna kalaman Yah abanansa...

Yah Abana kuwa cikin wani irin kunci zuciya mai tafe da nadamar kasancewar Tajudden jininsa ya cigaba da cewa.
“Idan ka sake yarda kayi ka nunani a matsayin mahaifinka Allah ya isa ban yafe maka ba idan ka yarda ka sake shigowa gidan nan ko kuma ka sake magana da ɗaya daga cikin Ahalina ban yafe maka ba kuma akan igiyar Auren Mahaifiyar ka...
A dai-dai lokacin da yake fadar haka kuma Ummey taja wani dogon numfashi mai nauyi take ta fadi asume.
Lokaci ɗaya kukan Aunty Maryam Aunty Halima Aunty Rashida ya sake tsananta
Yah Yusuf da Yah Hafiz kuwa da rarrafe suka isa gaban Mahaifinsu kana suka riƙe ƙafafunsa tare da cewa.
“Yah Abana kayi haƙuri Tajuddeen bai cancanci wannan abin ba,Wannan hukunci ya masa tsauri kuma muma ya mana tsauri Yah Abana kayi hakuri kada ka yanke wa Tajuddeen hukunci cikin fushi”.
Yah Abdurrahman kuwa da ƙarfi ya matso yana buga kafaɗar Tajuddeen tare da cewa.
“Afif kayi magana Tajudden ka wanke kanka Tajuddeen ka wanke zargin da Mahaifin mu yake akanka Nasan cewa baka aikata ba”.

Taj kam ya kasa motsa laɓɓansa bare ya iya sarrafa harshensa wajen magana.
Aryaan da Kabeer kuwa duk da irin tsanarsa da kuma haushinsa da suke ji sai da hukuncin da Yah Abana ya ɗauka ya girgizasu...

Cikin sauri Taj ya miƙe jin Yah Abana na cewa.
“Ba naso ka ƙara koda 5 minute ne acikin gidana idan ka ƙara ban yafe ba Tajuddeen in ka sake kusanto inda mahaifiyarka take ban yafe ba kuma wallahi akan igiyar Aurenta su Maryam kuma na rabaka dasu”.
Ya kai ƙarshen maganar tare da faɗawa kan kushin .
Cikin kifewar tunani da cushewar zuciya gami da rashin sanin abinyi Taj ya juya tare da ɗaga ƙafarsa dan fita.
Kan glass cup ɗin da ya fashe a hannun Yah Abduraham ya dire ƙafarsa ta hagu.
Cikin sauri Ummu Aryan tace.
“Ya Salam Taj glass ka taka fa”.
Ina baya jinta bare ya iya tsayawa, hasali ma zogin zuciyarsa ya hanasa jin zogin sukan glass ɗin.
A haka yaci gaba da takawa yayinda tuni jini yake meye gurbin shatin sawun nashi.

Da gudu Aryaan ya shiga ɗakin Yah Abana ya ɗauko maganinsa kana ya basa.
Aunty Maryam da Aunty Rashida kuwa Ummey suke jijjigawa.
Ganin haka yasa Yah Yusuf cicciɓan Ummey ya nufi asibiti Aunty Maryam da Aunty Rashida na biye dasu.

Taj kuwa Ahankali ya ɗan kuma juyowa tare da zaro sandar da Sheikh Tajuh Usman Bauchi ya bashi ya ajiye agaban Mahaifinsa tare da faɗin.
“Yah Abana gashi wannan saƙone daga wurin Sheikh Tajuh Usman Bauchi Nigeria daya bani in baka ban samu na baka ba sai yau”.
Cikin tsawa Yah Abana yace.
“Ka fita daga nan bana son ganinka ka ɓace min da gani idan ka sake minti biyar acikin gidan nan Allah ya isa ban yafe maka ba kuma zan tsine maka!!!”
Da sauri ya miƙe tsaye sai kuma ya tsaya jin Yah Abana na cewa.
“wannan ɗin kuma da kayiwa ciki kai zaka ɗauketa kasan yanda zakayi da ita,' saboda cikinka ne bana uban kowa ba.
Kuma dama kai ka kawota cikin ahlina so yadda ka kwasota ka kawo haka zaka kwahseta ku tafi tare da abin kunyarku.
Sannan ka saki Meymey ƴar Aminina ba zata zauna da ƙazamin mazinaci ba ka tabbatar a yau ɗin nan ka saketa”.

Idanunsa dake gane masa duhu ya rumtse tare da mik’a hannunsa ya kamo hannun Laylah suka fita.
Tafiya kawai yake amma baisan inda yake sa ƙafarsa ba, hasalima baya cikin hayyacin sa, meye zaiyi ko ina zai dosa duk baisani ba, ahaka ya ci gaba da tafiya k’afarsa na zubar da jini sannan yana rik’e da hannun Laylah dake ta kuka haka suka dinga tafiya da sawayen su har suka k’araso gidan Addawa...

Cikin murya mafi rauni da sanyi yace.
“Addawa ga Laylah nan ance cikine da ita kuma ance wai ni nayi mata cikin kuma itama ta tabbatar da hakan”.
Hankali atashe Addawa ta kalli Laylah murya na rawa tace.
“Laylah waya miki ciki?”.
Da sauri da kuma alamun tsoro Laylah ta matsa gefen Addawa, again murya na rawa tace.
“Uncle Taj ne”.
Cikin tashin hankali marar misaltuwa Addawa tace.
“Innalillahi wa'inna ilaihi raji'un Afif meye gaskiyar maganar? menene gaskiyar lamarin”.
Kai ya girgiza kana cikin rauni, had’i da k’unan zuciya me tsanani yace.
“Nima ban sani ba Addawa, na dai san Ummey na bata da lafiya sun tafi da ita asibiti Yah Abana yace idan na sake kusantar ta”.
Sai kuma yayi shiru yana jin wani abu mai ɗaci na toshe masa maƙoshi.
Dai-dai lokacin kuma Aunty Halima tashigo falon da kuka kana ta bawa Addawa labarin abinda ya faru.
Hawayen dake zuba a idanunta Addawa ta share mata kana ta kalli Taj tace.
“Allah yana tare da mai gaskiya kada ka damu Tajuddeen komai yai farko zaiyi ƙarshe komai yayi tsanani maganinsa Allah”.

Idanunsa ya lumshe batare da yace komai ba.
Bayan wasu mintunan kuma ya buɗe idanunsa ya kalli Laylah yace.
“Laylah ki daina tsorona”.
Dan ya lura da yanda yarinyar take tsoronsa abin har mamaki yake bashi.

Aranan anan gidan ya yini sai bayan maghariba ya kira Abu Hashim ya kaisa gidansa yana shiga side ɗin sa ya shiga ya tattara duk wasu abubuwa nasa masu muhimmanci da na amfanin yau da kullum ya haɗa.
Yana mai jin zamansa a Ethiopia yazo karshe Rayuwa''.
a Ethiopia tazo ƙarshe ahankali ya ciri paper guda biyu daga cikin jotter dake cikin Weldrop ɗinsa ya dauki biro ya rubutawa Meymey ta kardan saki sai kuma a ɗayan yayi rubu mai ɗan tsawo kana ya ninke yasa a aljuhu, kana ya cigaba da tattare duk wani abun bukatarsa sannan ya fita.

Abu Hashim kuwa ya lura ubangidansa na cikin tashin hankali kai tsaye gidan Addawa suka nufa.

Yana shiga gidan Addawa ya samu Aunty Halima da Addawa na zaune sunyi zugum-zugum.
Asanyaye yace.
“Addawa Ni zan tafi”.
Aunty Halima kuwa ganin yana juyawa tace.
“Taj ina zaka je?”.
Batare da yace mata komai ba ya kalli Addawa tare da cewa.
“Ki faɗa mata cewa Yah Abana yace idan wani ahalinsa ya sake yimin magana Allah ya isa bai yafe ba ta kiyaye kada Allah ya isan Mahaifin su ya hau kanta”.
Araunane Aunty Halima ta fashe da kuka murya na rawa tace.
“Yanzu Taj ina zaka je”.
Baice mata komai ba ya juya ya fita ya shiga bayan mota Abu Hashim yaja tare da cewa.
“Sir ina zamuje?”.
Cikin sanyi murya yace.
“Gidan tsohon nan da yasa aka auri ƴarsa……”


*Wasa farin girki saidai ba a ma fara wasan ba, kar dai ku manta wannan book d’in na kudine sannan daga page 15 free pages sun k’are saboda haka kar ku bari ayi babu ku, biya 1000 kacal domin samun daman karatu 0661110170 GTBank Aisha Aliyu Garkuwa.*





*BY*
*GARKUWAR MARUBUTA*
[1/16, 8:56 PM] Leematu: 📝🕋✈️💉🍇🍇🍇🍇🍇🍇

*INDA RAI*

*BOOK ONE PAGE 15*
NA
*AYSHA ALIYU GARKUWA*

🍇🍇🍇🍇🍇🍇🍇🍇🍇🍇

*Last free page*

_LITTAFIN INDA RAI DAI NA KUƊINE 1K NE KACAL, 0661110170 GTBANK Aisha Aliyu Garkuwa. MUTANEN KASAR NIGER KUMA 1000FC JAKA ƊAYA KENAN RAK ZAKU BIYA TA WURIN MOMMY +22790899076_

*Last free page! Last free page!! Last free page!!! Daga wannan Page 15 ɗin na kaɗe na gama free pages koda Kinga littafin INDA RAI a wani group ɗin ki wata ta tura miki to ba satane kuma haƙƙin mallakarsa nawa ne, in kuma baki/baka biyaba kika/ka karantaba mgnar gaskiya haƙƙina dai bazan yafe ba. Littafin INDA RAI na kiɗine ki biya ka biya ku karanta cikin aminci ba haƙƙin kowa bisa kanku a rayuwar nan ta duniya kada ka raina haƙƙin wani dan haka gwara ku biya, 1k ne rak fa 0661110170 GTBank Aisha Aliyu Garkuwa sai ki turo min shaidar biyanki ta wannan number 09097853276. Ku kuma mutanen Niger ga number wacce zakuyiwa magana ku biya ta wurinta +22790899076. Dan Allah in dai kin san zaki sayane ki kin sayane dan ki fidda min littafina ki barmin abina ko ki gaya min in maida Miki 1k dinki.*


Cikin mamaki Abu Hashim ya ɗan juyo ya kalli ubangida nasa, tare da ɗan rage gudun motar jin yana faɗin.
“Gidan su yarinyar nan da mahaifinta keta kuka a aureta zamu je”.
Ya ƙare maganar murya can ƙasan maƙoshinsa, tare da rumtse idanunsa saboda suya da ƙunci da zuciyarsa keyi, wanda ya hanashi jin azabar yankar da glass cup ɗin daya fashe a hannun Yah Abduraham.

Wani irin sassayan numfashi Abu Hashim ɗin ya fesar zuciyarsa cike da rauni da tsananin tausayin ubangidan nashi, domin yaga tsananin damuwa tare dashi duk da bai fahimci me nene ainihin matsalarsa ba.
cikin girmamawa yace.
“Sir gidansu Adaya kenan”.
Ya dire ayar tambayar yana nazarin halayen Adaya da binciken da yayi a kanta ya nuna mishi.
A hankali ya ɗan gyara zamansa tare da kallon Tajj ɗin ta mirror.
So yake yayi mishi cikekken bayanin akan tarbiyya da halayyar Adaya to Amman ta ina zai fara? More especially yanzu da yaga ubangidan nashi yana cikin yanayi mai wuyar fahimta, saboda zurfin cikin sa da haƙurinsa da jumriyarsa, yasa bazaka iya tantance halin da yake cikiba.

Shi kuwa Taj.
Numfashi mai zafi ya fesar dai-dai lokacin da yaga sun ɓullo kan titin nan da bazai taɓa mancewa a rayuwarsa ba.
A hankali ya dire ganinsa kan masallacin da ƙaddarar auren Adaya ya riskeshi a ciki.
A hankali ya ɗagawa Abu Hashim hannu jin yana faɗin.
“Sir lamarin yarinyar fa, ba daɗi a bisa binciken da...”.
Sai kuma yayi shiru ganin Taj ɗin ya ɗaga masa hannu tare da jujjuya mishi kai.
Shi kuwa Abu Hashim a hankali ya sauƙe numfashi tare da fuskantar gate ɗin gidansu Adaya, kana ya matsa hon.
Da sauri maigadin gidan ya leƙo, ganin dantsatsetsiyar motar dake tsaye tana zuba ƙyalli ne yasashi saurin buɗe musu gate ɗin.

A hankali ya yayi parking, tare da buɗe marfin motar ya fito yana mgnar zuci.
Nazari yau kusan kwana ashirin da biyar kenan da yin wannan binciken Amman ya rasa ta ina zai fara faɗawa ogan nashi sabida ganin tun ranar da aka ɗaura auren bai sakeyi mishi mgnarba, gashi ya roƙeshi mgnar ta kasance sirri a tsakaninsu.
Da sauri ya ɗan miƙawa Maigadin hannu tare dayin mishi sallama yana mai mmkin wani irin kallon da maigadin ke binshi dashi.
Shi kuwa Maigadin cikin nazari da tuno fuskar Abu Hashim ɗin da dan farin sani gani da yayi mishi a ranar da yace ya aura wa ɗansa Tajuddeen Adaya, cikin tsananin jin daɗi yace.
“Mahaifin Tajuddeen mijin da ka aurawa Adaya ko!”.
Da sauri Abu Hashim ya gyaɗa mushi kai yana mai mamakin yadda akayi bai mance fuskarsa da sunansa ba harma da sunan Tajuddeen ɗin.
“Kai Masha Allah, yau mai gidan zaiji kekkyawan labari da yake fata”.
Ya ƙare maganar yana murmushi.
Shi kuwa Abu Hashim cikin sanyi yace.
“Masha Allah, to kayi mana sallama dashi, kace dashi yau ga mijin Adaya na kawoshi”.
Gyara tsayuwarsa yayi tare da ɗan jim kaɗan cikin sanyi jiki yace.
“Baya gida, yau kwanansa biyu a asibiti, ciwonsa ya tashi”.
Cikin sanyi da alamun damuwa ya ƙare maganar, shi kuwa Abu Hashim cike da tausayawa yace.
“Ayyah Allah ya bashi lfy, to Ma'aruf fa?”.
Yana ɗan sauƙe numfashi yace.
“Duk basa gidan sai Adaya itama yanzu ta dawo, daga asibitin da ƙaninta to shi yanzu ya fita”.

Shi kuwa Tajj shiru yayi cikin motar tamkar ba kowa, haka nan yakeji duniyar na juya mishi.
Ji yake yi tamkar ba'a raye yake ba, haka nan yakejin ƙasar Ethiopia tamishi zafi da ƙunci, to me zai yi a cikin ƙasar tunda Yah Abana ya barrantar dashi da kowa nashi.
Sai kuma ya rumtse idanunsa da ƙarfi saboda wani irin ƙunci da zuciyarsa keyi masa, so yake yayi tunanin ta ina zai fara bawa wannan kamilin dottijon haƙuri akan abinda yasan in yayinshi dottijon zaiji ƙuncin zuciya da rayuwa.

Shi kuwa Abu Hashim a hankali yace to.
“To ayi mana iso da ita ɗiyar tawa ace mata ga mijin ya iso”.

To yace jiki a mace ya nufi cikin gidan domin ya san wacece Adaya da kuma yadda take ƙin batun aure, dama yadda take wargaza duk aurenta da mahaifinta ke shiryawa, da wannan nazarin ya nufi size ɗin Ummin Adayan inda yake jiyo kiɗa na tashi.

Bakin motar Abu Hashim ya dawo, tare da ɗan leƙawa ta ciki kaɗan.
Ganin haka ne yasa Taj ɗin ɗan sauƙe glass ɗin kaɗan tare da zuba mishi ido.
Cikin girmamawa ya gaya mishi yadda sukayi da Mai gadin.
Kai kawai ya jinjina mishi.

Ita kuwa Adaya da ɗan sauri ta miƙe tsaye daga zaman da take a gaban dressing mirror bisa dukkan alamu yanzu ta fito wanka.
Dan Towel ne a daure a ƙirjinta.
Jin yadda ake ta buga ƙofar ne, yasa tayi saurin jawo hijabin dake gifenta ta zura shi kana ta nufi ƙofar.

Ido ta zuba wa Maigadin nasu lokacin data buɗe ƙofar.
Shi kuwa ɗan rusunar da kanshi yayi yana maijin kiɗin data sake yana buwayarsa.
“Lfy meke faruwa?”.
Tayi tambayar tana girgiza ƙugunta, saboda haka take bata taɓa iya nitsuwa.
Ita a zatonta su Ummi ne suka dawo.
“Kinyi baƙi ne!”.
Ya faɗa yana ɗan jan baya.
“Toh kace su iso mana, ya za'ayi ka barsu a waje, su Asina ne da Izzin suka zama baƙi kuma”.
Tayi tambayar da alamun tana tsumayin jiransu ne, zasu fita su tafi wurin ibadar rawar da suka ɗaurawa kansu.
Cikin sauri yace.
“A'a basu bane!”.
Tana mai ɗan juya ido tace.
“Toh su waye ne?”.
Cike da tsoro yace.
“Bawan Allah nanne daya aurawa ɗansa ke, to shine yazo da mijin naki”.
Wani irin murmushin mai sauti ta saki tare da juyi a tsakiyar Parlour kana tace.
“Da gaske?”.
Da sauri yace.
“Wallahi kuwa gasu can a harabar gidan”.
Ya ƙare maganar yana mai kafeta da ido da mamakin yadda fuskantar ta cika da farin ciki.
Ita kuwa Adaya cikin Tsananin jin daɗi samun damar yadda zata watsa auren ba tare da wani mushkila ba, kasancewar ba kowa a gidan babu mai taka mata birki da fesa mishi salon tijarar da zatasa dole a yau ɗin a yanzu ya saketa ta samu damar cimma burinta cike da jin daɗi tace.
“Alhamdulillah”.
Sai kuma tayi maza ta wuce ta gefenshi tare da cewa.
“Bari in kawo maka key ɗin BQ kaje ka buɗe mishi kace ya isa”.
To yace kana ya bita da ido.

Da sauri ta dawo tare da miƙa mushi key ɗin.
“Yauwa Baba ya yanayinshi yake?”.
Yana ɗan lallonta yace.
“Toh gsky dai ban ganshi ba, Amman zan iya nazartan yanayin mahaifin nasa mutumin kirkine, kuma shima ɗan hakanne domin naji Muryar karatun Sheykh Afif Muhammad Taj ne ke tashi a cikin motar tasa bisa alamu mutanene managarta ne masu kamala”.
Da sauri tace.
“To je kayi mishi iso”.
Ta ƙare maganar tana komawa ciki.
Wayarta ta ɗauka tare da dannawa Asina kira bugu ɗaya ana biyu ta ɗauka.
“Ke wai dan Allah kuna inane har yanzu baku iso ba?”.
Cikin juya ido Asina tace.
“Gani nan ban fito Bama Izzin nake jira yazo ta ɗaukeni”.
Wani dogon tsaki taja tare da cewa.
“Kai Izzin na mana wulakanci wlh rashin mota na damunmu, Amman ba komai nasan in sha Allah muna dawowa gasar rawar nan, motoci sai wanda mukeso zamu hau, ke dai muyi fatan Allah ya bamu sa'a”.
Cikin ƙwaffa Asina tace.
“Wlh kuwa Kinga nayi ta kiranshi ma baya ɗauka.”
Tana gyara wuyan hijab dinta tace.
“Dan Allah ki fito ki hau taxi ki taho, Kinga wai yanzu wannan wai Tajuddeen da Abpu keta cewa mijina, ne yazo so kuyi sauri kuzo mu tace mishi mutunci dan naji alamun ustadz ne so da makircin karuwaci zamu sa ya sakeni yanzu”.
Cikin sauri Asina tace.
“Kan bala'i gani nan fitowa yanzu kice zamu goge haddar kan ustadz”.
Cikin jin daɗi tace.
“Fes ma kuwa.
Yauwa maza kiyi sauri bari in kira banzannan kuma, dan kin san dashi abin zaifi tafiya zaifi zargin Izzin ɗin Guy ɗin dake ɗebe min kewa ne Kinga saki dolen doliya kafinma su Ummi su dawo munkorasu”.

Da sauri Asina ta miƙe tsaye, tare da katse kiran kana ta fitowa Parlour inda ta samu tsohuwar kakarta wacce tsufa ya cimmata.
“Yanzu Asina bazakiyi kanki faɗa ki raba kanki da wannan shegen yaronya ku kama kanku ke da Adaya kusan cewa akwai mutuwa da kwanciyar ƙabari da hisabiba.
Tana yamutsa fuska tace.
“Ni Kinga tafiyata ki rufe ƙofarki, dan acan zamu kwana, saboda rihazal ya fara zafi”.
Taƙare mgnar tana fita, da ido tsohuwar nan ta rakata ido na cikowa da hawaye.
Tace.
“Yah Allah kaine mai shiryawa ya Rabbi ka shiryi yaran nan shirin musulunci.”

Ita kuwa Adaya Parlour ta fito waya na maƙale a kunnenta.
Cikin wata iriyar muryar dake nuna Izzin ɗin yana tare da macene yake mata mgn.
Tsaki yaja tare da cewa.
“Please kayi sauri kazo gidanmu, zamu kora mijin da Abpu ya aura min. Wai yau yazo, karka biya Asina ita ta fito”.
Da sauri yace.
“Ok gani nan zuwa”.
Ya ƙare maganar da raba jikinsa dana arniyar ƙaruwar tasa.

A hankali ya iso gefen Abu Hashim tare da cewa.
“Bismillah ku isa BQ na buɗe, Adaya nan fitowa”.

“To mun gode”.
Ya ƙare maganar da bashi hannu.
Kai ya gyaɗa kana juya ya koma bakin gate wurin aikinsa wanda yake da ɗan rata daga inda motarsu yake.

Da sauri ya buɗewa Taj marfin motar tare da cewa.
“Bismillah ka isa”.
Cikin sanyi ya ziro ƙafarsa waje tare da fitowa yana mai rumtse idanunsa.
A lokacin ɗaya a rana ɗaya ƙaddara ta sauya mishi komai, ta kuma sashi zai akata abubuwan da yafi tsana a rayuwarsa a tun lokacin daya kasance aboki ga Ishmah da ya san sanadin abinda zai aikata yaune ƙaddararta.
A hankali yake taka ƙafarsa ya nufi BQ ɗin yana mai jin tausayin Dottijon shin ya zaiyi ya zaiji in yaji abinda zai akaita akan ɗiyarsa to Amman ya zaiyi dole ne ta bar Ethiopia ya kuma nesanta da ita da duk abin cikinta dan gudun tsinuwar mahaifinsa da kuma tsoron kada ya zama silar mutuwar auren iyayensa da gudun faɗawa Allah ya isan mahaifinsa akan ƴan uwansa domin yasan muddin dai in yana cikin Ethiopia to su Aunty Maryam da Rashida dasu Yah Abduraham dasu Hafiz Yusuf bazasu iya hana kansu alaƙa ko magana da shiba.

Cikin wannan nazarin ya isa BQ ɗin a hankali ya shiga cikin Parlour mai wadace da tsabta.

Sai dai Parlour yana da duhu sosai, kasancewar windows ɗin Parlour a lungu suke kuma a rufe suke ga kuma labuyen dake sassake.
Shi yasa haske bai wadaci Parlour ba dan iya ɗan hasken bok ɗin dake wajene ya ɗan bawa Parlour'n haske kaɗan.

A hankali ya zauna bisa 1 setter dake fuskantar 3 sitter.

Ita kuwa Adaya wani irin makirin murmushi tayi tare da sauƙe Towel ɗin dake ƙirjinta ƙasa ta ɗaurashi bisa ƙugunta, kana ta gyara wuyan hijabinta wanda hakan ya bawa turmusa-turmusan breast ɗin ta dama sakewa da rausaya wa, a haka ta nufi BQ ɗin.

A hankali ya Lumshe idanunsa kana ya buɗesu a hankali,.
Cikin sanyi ya gyara zamansa saboda ganin duhun ya ɗan raguwa