You Cannot Download this book untill you login but you can read it .

---

Login Register

ce, sai sun koma gida zai basu labarin abunda ya sani game da hatsarin, kowa yayi na'am da hakan.


An ajiye maganar tafiya gobe laraba da safe, ai kuwa su Yaya jafar sukace duk tare za'ayi wannan tafiyar dasu, dan haka sukayi sallama suka tafi tare da matan su, mu kuwa cikin farin ciki muka kwana ga Shuraim a jikina.


Yau tun da mukayi sallar Asubahi, bamu kwanta ba, muka shiga haɗa kayan tafiya, Umma kuwa suna kichin ita da Auta da Shuraim.


Bayan mun gama shirin mu, mun ci abinci su Humaira suka zo daga baya su Hindu suka zo, muka shiga fitar da kayan mu, motar Yaya Jafar muka shiga muka ɗauki hanya.....



*Comment and share*


*Ummu Ihsan ce*🌹🌹🌹🌹🌹🌹🌹🌹🌹🌹🌹🌹🌹🌹🌹


💐💐 *NARJEESAH* 💐💐


*Rubutawa*
*NANA KHADEEJATU*
*_UMMU IHSAN_*

*ELEGANT ONLINE WRITERS*

_*Bismillahir Rahmanin Rahim*_


*Hahhhh😂🤣 Narjeesah team kun fa sakani dariya, a page biyu, 36/40 41/45, haba dai har kun manta cewar mutuniyar taku, irin gidan da ta fito gidan mata huɗu gidan makirci? Tafa san ta kan kishi da iya zaman da mutane, kuma, cikin Shuraim shine ya saka ta, ta dawo wata irin shiru_shiru da ita, amman kowa yasan Narjeesah bata dama, haka Amrah, dan haka nasan yan zun kun gane dalilin da yasa, sukayi, acting ta maida Sunan ta NARSAL*


*Ina godiya sosai da Comment ɗin ku da sharhin ku, kuma ina ƙara godiya da addu'ar ku, sosai*

4️⃣6️⃣⏯️5️⃣0️⃣


➿➿➿➿➿➿➿➿➿ Tafe muke a cikin motar Yaya Aliyu Hindu na gefen sa, nida Amrah da Shuraim muna a baya, kowa ka kalli fuskar sa, a cikin farin ciki yake.

Yaya Jafar kuma shine ke driving Humaira tana gefen sa, Baban mu da Umma da Nusaiba suna baya, kowa yana cike da farin ciki idan ka kalli fuskar sa, amman Baban mu ba zaka gane wane yanayin yake a ciki ba.

Shuraim sai surutu yakeyi, yana faɗar, "yeeee! Mun hau mota zamuje yawo, Uncle ka siya mani giwa da zaki inyi wasa dasu, mu shiga ta cikin wannan jejin muyi ta faɗa, da... Da... Dami ma ake ce masa Anty? "

Dariya mukeyi, Yaya Aliyu ya ce, "nikam ba zan iya siya maka giwa da zaki ba, amman inda kace, na siya maka doki ka hau zan iya kayi ta su guda" da dariya ya ƙarasa zancen.

Haɗe rai Shuraim yayi Hindu ta, juyo tana dariya tana kallon Shuraim ta ce, "kada kayi fushi nawan bari na anshi wayar sa na kira maka Daddyn ka, nasan shi zai siya maka su, ko? ".

Kwallar idon sa ya goge ya gyaɗa mata kai, Yaya Aliyu ya ce, "kai my boy badai kuka kake yi ba, to yi hakuri da wasa nakeyi maka, zan siya maka duk abunda kake so, kaji yaro na? ".

Maƙe kafaɗar sa yayi, mukam dariya mukeyi masu, Hindu ce, ta ɗauki wayar Yaya Aliyu ta kira number Daddyn Shuraim, ai kuwa ringing biyu, ya ɗaga suka gai sa, take sanar dashi Shuraim ke magana, ya ce, da ita "bashi wayar ki saka mashi Hans free".

Hans free ta saka mashi, ta bashi wayar, shi kuwa ya amsa, yayi kwanciyar sa, a jiki na, ya fara faɗar, "Daddy ina kwana? " dariya ya yi yace, "lafiya lau my lovely son, ka tashi lafiya ya Umma na, dafatan ta tashi lafiya da Baban mu da su Amrah da waye ma? ".


Dariya Shuraim yayi yace, "lafiya lau Daddy baka ce, da Mommy na ba, kuma muna cikin mota zamuje wani gurin, kana zuwa muzo mu tafi da kai ko? ".


Shima dariyar yayi, ya ce, "Shuraim ai Mommyn ka bata son tafiya fani, kaga bata sanar dani ba, ko? Amman zan zo yaro na dami kake son na zo maka dashi ne? "


Cikin sauri Shuraim ya ce, "Daddy zaki da giwa, da doki mai tashi sama"


Ai kuwa kowa ya saka masa dariya shi kuwa Salman ɗin ya ce, "to kai kuwa yaro na a ina ne, zaka ɗaure giwa da zakin ka kuwa san Mommyn ka tsoron su takeji ko? Kuma gashi har doki mai tashi sama, ina fatan dai zaka hau dokin".


Cike da jin haushin su, na ce, "ai da yake shi mutum baya tsoron zakin dolene a cikawa mutane baki, kuma kada a sake sakoni a cikin shirmen ku ehe! ".


Dariya yakeyi ta cikin wayar, haka su Amrah, Shuraim ne ya ce, "Daddy ka kawo mani mage ƙarama mai kyau ".


Da sauri na ɓalla masa harara, na ce, ki nemi gidan uban da zai kai maka ita, ku ajiye, kai wallahi kun fa fara cika ni, zan baku mamaki, idan baku fita hanya taba".


Yaya Aliyu ne, ya ce, "to ke Narjeesh wannan faɗan kuwa, kamar yana a gaban ki, firar suce sukeyi a tsanin ɗa da mahaifin sa, sai kuma kiji haushin su? "


Ni kuwa na ce, "to baka jin sune suke sako suna na a cikin zan cen su? To kayi masu magana mana su dai sakani a harkar su, ehe! "


Dariya sukayi shi kam firar shirmen su sukeyi kuma duk abunda nake faɗa, a kunnen sa, ne yaƙi magana sai ma cewa yayi, "Shuraim ka kirani da wayar Mommy ka yan zun sai muyi firar mu ko? Ka baiwa Uncle wayar sa kaji yaron kirki? ".


Dariya yayi ya baiwa Hindu wayar ta kashe suna dariya, kallona ya keyi yana son na bashi wayar amman na ɗaure fuska, kuka ya saka, na kallesa, na daka masa tsawa, "rufe mani baki daga nan ko yan zun nayi maganin wannan rashin kunyar, anƙi a baka wayar, tunda da kuɗin ku na siya, ko kuma ta mutum ce, na ɗauka dole sakani abunda banyi niyar aikata wa ba, kuma ba zaka kira shi da wannan wayar ba, sai dai ku zauna kurame ni babu ruwa na, a ciki" ina zare masa ido.


Ai kuwa cikin jikin Amrah ya faɗa ya saki kuka yana kiran "Dadd... Daddy", share sa nayi kamar bana a kusa.


Amrah ce ta shiga lallashin sa, da taga yaƙi yin shirun ne, ta rasa ya zatayi, zuwa can tayi kamar zatayi kuka, ta ce, "Anty Narjeesh dan Allah ki aro muna wayar taki, mu kira masa Daddyn nasa, tunda ba kece zakiyi maganar ba, kinji Anty Narjeesh wallahi har jikin sa ya fara zafi".


Shareta nayi, itama tayi shiru Hindu ta ce, "shima dai Salman yaso ya haɗa wannan rigimar ne, yasani sarai, Narjeesh ba zata bada wayar ta ba, amman ya saka Shuraim a ciki dan ya fahimci rigimar sa, ke kuma dan Allah ki basu aron wayar tunda ba cinye wa za suyi ba".


Kamar nayi kuka na zaro wayar a jaka ta na bashi, ai sai kukan ya dawo dariya idon sa da hawaye amman dariya yakeyi.


Suma ajiyar zuciya suka sauke suna dariyar, Hindu ce ta anshi wayar ta saka number ta kira, ta saka murya ta bashi da farin ciki ya amsa, ya fara magana amman bayaji saboda munzo gurin da service yake rawa, dole ya haƙura, zuwa can yayi bacci, sai a lokacin ne Yaya Aliyu ya ce, "Narjeesah wai miye ya saka kika saka yaron nan kuka kuma ba zaki lallaba sa ba, kodai irin yanda Umma takeyi maki zaki yi masa ne? ".


Na ce, "to ya zanyi masa, ai dai kasan ni bana son lambar wayar wani ta shiga cikin waya ta, sabo bana buƙatar ya takura ni, tunda ba shine ya siya mani wayar ba".


Ya ce, "amman kin san zai iya siya maki wadda tafi wannan ko? "

Na ce, "aa ni ban sani ba dan ban buƙata ba, kuma ban roƙa ba".


Hindu ta ce, "hahh wata rana zaki buƙata Miss Salman Allah dai ya ƙara danƙon soyayya dan wannan zazzafar soyayyar tana tafiyar dani ne fa".


Tsaki kawai na sakar masu ban sake bin ta kan su ba, tafiya kawai mukeyi , amman mun tsaya a hanya munyi sallah munci abinci mun riƙo wani, na guzuri sai gab da magriba muka iso garin namu, ham dala muka shiga yi mun shigo garin dutse, a wani hotel muka sauka, muka kwana, tun da safe muka ɗauki hanyar shiga garin gumel, mun iso cikin garin gumel lafiya muka ɗauki hanyar shiga ƙauyen mu.



Tafe muke wasu zafafan hawaye ne, suka shiga zubo mani, ina tuna irin fitowar da mukayi a lokacin, kallon Amrah nayi naga tana wani makirin murmushi, ta ce, "Alhamdulillah Allah mun bar garin nan da far gaba da tashin hankali da tunanin makomar gurin da zamu sake sabuwar rayuwa, sai gashi yanzun zamu shiga garin nan da ƙarfin mu, kuma cike da farin ciki, da tarin nasa rori".


Kwatan ce hanyar da zasu bi Amrah takeyi, har muka iso ƙofar gidan mu, mukayi parking, duk muka furta "Alhamdulillah",


Bamu fito ba muna daga cikin motar, kusan mintina biyar, idon mutane, yana akan mu, Yaya Auwal ne ya fito daga cikin gidan yana kallon motocin, a kuwa nida Amrah da gudu muka buɗe ƙofar motar muka fita da gudu muka faɗa jikin sa, muna hawaye, cike da mamaki da farin ciki ya ce, "Alhamdulillah Alhamdulillah Amrah Narjeesah kune nake gani da ido na? Ina Umma ina Auta Nusaiba ina yaron nan Shuraim? ".


Yaya Aliyu ya ce, "to taya zasu iya amsa maka duk wannan tambayar lokaci ɗaya, ka bari ku shiga daga ciki ku zauna mana ".


Dariya Yaya Shuraim ne ya ƙaso gurin yana faɗar "Mommy waye ya dakeku kuke kuka, na kira Daddy na, nasar dashi yazo da Bindigar sa ya rama maku? ". kamar zaiyi kukan shima



Da sauri Yaya Auwal ya janye mu daga jikin sa, ya matsa, ya ɗauki Shuraim yana dariya yayi cikin gidan dashi, mutane kuwa tuni labarin zuwan mu ya riski kowa.


Inno ce ta fito tana gyara ɗaurin zanen ta, ta ce, "dama nadan duk daren daɗewa zaku dawo, toni yan ban zanga kuzo na rungume ku mana".


Ai da gudu mukayi kanta har da Auta da ƙaraso gurin mu, rungume ta mukayi, kuka ta fashe dashi taja hannun mu kukayi cikin gidan, kallon gidan mukayi duk an sauya masa tsari icce dalbejiyar mu yana nan, amman ɗakin Umma babu shi kwata_kwata wasu ɗakuna ne akayi daga baya, a tsakiyar gidan cikin inuwar icce inno ta saka akayi muna shimfiɗa muka zazzauna, Shuraim ne suke fira shida Yaya Auwal yana bashi labarin Daddy sa, suna dariya Inno kallon mu takeyi ta kalli Shuraim.


Ta ce, "wai nikam Amrah yaron nan ne yayi wannan wayon haka? "


Dariya mukayi Yaya Aliyu ne ya ce, zan je nadawo Shuraim kayi mani rakiya mani"


Da sauri ya tashi yana murna, Inno ta ce, "kuce ɗan naku swai_swai ne jirgin yawo to ayo muna tsara dai".

Dariya mukeyi Shuraim ya ce, "zanyo maki tsaraba mai yauwa ko Uncle? "

Dariya yayi masa ya shafa kansa, Inno ta ce, to da kuɗin waye zakayi mani wannan tsabar mai yauwa, dan nasan kai dai ba kuɗi ne da kai ba, baka da ko naira". Tana yi masa dariya


Fuska ya ɗaure ya ce, "Uncle Daddy na yanada kuɗi masu yawa ko? Kuma shine zai bani kuɗi nayo maki tsarabaaa".

Dariya akeyi masa antaru a gurin harda maƙota da yan gidan wanda bamu sani ba, baƙin fuska, Humaira da Yaya Jafar suka shigo da sallama da sauri Shuraim ya nufesu yana yi masu oyo kuma sai dawo "mun riga ku, wallahi"

Ɗaukar sa Yaya Jafar yayi ya shillashi sama, suna dariya.

Humaira a kusa da Inno ta zauna tana gaisawa da ita, ta ce, "wash Allah na gaji, Inno a bani filo na kwata naɗan futa".


Cike da mamaki Inno ta kalle ta ta ce, "da alama jiki na ne yake wahalar mani da 'yata ".


Dariya muka shiga yiwa Humaira Inno tayi mata tonon silili, rufe ido tayi, kawai aka kawo mata fillon ta ce, "to malama Narjeesh matar shugaba Salman ".


Duka na kai mata, Inno ta tare, tare da faɗar "kada ki kusa dukan ta a gaban idona, Allah zan saɓa maki".


Baki na turo na tashi daga gurin nace, "ai inda Yaya tana nan da sai ta shigar mani, nima".


Dariya suka saka mani, ina hara rar su, harda kyabci nakeyi masu.

Su Yaya Aliyu kam tafiya sukayi, sai ga Yaya ta shigo tana faɗar "Inno da gaske dai sune suka zo"


Da gudu mukayi kanta mu ukku run gume ta, muna dariya, itama kukan ta saka tana faɗar, "miyasa kuka daɗe baku wai waye muba, ne duk kun tafi kun bar mu da tunanin rasa sanin inda kuka shiga, munyi nema munyi cigiya gashi Allah ya dawo muna daku cikin ƙoshin lafiya, ina Umman Nusaiba, ina fatan tana lafiya naga anfito da yaro ƙarami baƙi nakuwa san cewar shine yaron da kuka tafi dashi yana jin jiri"



Dariya muka shiga yi, hannun mu taja muka ƙarasa muka zauna sai tambayar mu take "kuna lafiya ya bayan rabuwa, Narjeesah duk kun sauya muna kamar ba ku ba"


Humaira ta ce, "Yaya ai ita Narjeesah Daddy Shuraim ne yayi mata wannan gatan bakiga irin yanda suke zuba soyayya ba, ke da zamu zo harda kukan rabuwa sukayi harda cewa tayi wai ita ba zata zo ba, sai dai mu muje ita ba iya barin mijin ta, ya zauna shi ɗaya".


Ido na zaro waje na ce, "ke Humaira Allah Yaya kada ku yarda da uwar sharrin nan, Allah ƙarya takeyi maku! "


Hindu ta ce, "Inno da gaske ne bata son mu faɗa ne kawai amman ko yan zun hankalin ta yana gurin gurin sa da kuka suka rabu dashi ".


Tagumi na zuba ina kallon su, Anty Basira ce da Shamsiyya da Hanan Haule, Hannatu Yaya Halilu Yaya Hamza, Yaya Mudarsir Anty Asma duk sune suka shigo cikin gidan kamar wanda aka koro su, zuwa can kafin su zauna sai ga goggo da Kawu Bala har yan cin tun tube da babbar rigar sa, kamar zai kife, Mama ce, ta fito tana ɗir gisa ƙafa duk tayi baƙi ta fita hayyacin ta.


Su Humaira duk sai suka maida hankalin su akan wannan mutanen dake ta shigo wa, mu kuwa kallon kowa mukeyi ɗaya bayan ɗaya.


Kawu Bala ne ya ce, "kamar dai naji ance, wai su Nusaiba ne suka dawo kodai mutane basa gani da kyau ne kuma basu dai ji abunda ake faɗa da kyau ba, har kasuwa akaje aka sheda mani, ɗan achaɓa ne ya kawo ni gidan nan".


Duk a daburce yake magana, Hanan ce tayi dariya ta ce, "wallahi sune suka dawo Narjeesh Amrah Nusaiba kun dawo kamar wasu "ya'yan turawa" tana dariya tayo kan mu ta zauna a kusa damu tana cike da farin ciki ta ce, "ina Umma da Shuraim? ".


Humaira ta ce, "ko bamu tambaya ba nasan wannan ita ce Hanan".


Dariya mukayi tashi Hanan tayi, ta ƙarasa gurin su, aikuwa sai fira kamar sun daɗe da sanin juna.


Kallon Inno nayi batare da na kula da kowa ba a gurin na ce, "Inno tare muke da Umma da kuma wani babban al'amarin daya shafe mu baki ɗaya".


Cike da mamaki kowa yake kallon mu, suna mamakin wane babban al'amari ne da yashafi kowa a zuri,ar mu?


Kawu Bala ne ya ce, "badai wani cikin ki sake yowa ba, ko wannan ce ma tsaurin idon tayo shi, to ba a gidan ba, dan kun san baku da gado a cikin sa".

Da sauri Hindu ta ce, "gado kam ai ya tashi tunda mamalkin gidan da ransa bai mutu ba, nifa wallahi ba zan iya jurar abunda su Narjeesah suka jura ba, ehe! ".


Humaira ta cafe tace, "waifa gado ina ma wani gadon yake ne, malamai bari kuji, ita fa Narjeesar nan da kuke gani zaune a gaban ku, ku kiyaye sakin duk maganar da tazo a bakin ku, saboda idan masu tsaron lafiyar ta, sukaji zasu iya datse wa mutum halshe dan haka mutum ya kiyaye, kawu Bala kaida goggo da Mama kubi a sannu dai ehe! "


Kowa kallon su Hindu yakeyi cike da mamaki, goggo ta ce, "to da alama dai ankai maku ƙarar mune dan naji kuna furta Sunan mu kamar a bakin ku aka zana shi ki? ".


Amrah tayi dariya ta ce, "wato dai mu bamu da aiki sai tara "yaya kun maida mu fasiƙai, to Alhamdulillah duk cikin mu babu wanda ya taɓa zubar da cikin shege kuma, yan zun da mutum yasan wace ce Anty Narjeesh da ɗan mu Shuraim da zufa tayi ta zubo masa! "


Ni kuwa nayi saurin faɗar ku ce, dasu da sun san abunda muka zo masu dashi da wasu sun kusa sumewa, marasa gaskiya kuwa za suyi ta kan su, Inno da Yaya duk abunda kuka gani kada ku firgita kuyi aiki da hankalin ku, komai a zahirin gaskiya yake tafiya kuma, mutuwa bata ɗauka sai lokaci yayi, haka zalika ko wane bawa da irin tasa ƙaddarar wasu suyi imani da ita ƙaddarar wasu kuwa suyi biyu babu, Nusaiba jeki kice da Umma kowa ya hallara a gidan nan! "


Ai kuwa da gudu Nusaiba ta tashi ta fita, kowa yana jiran dawowar ta, Inno ta kasa haƙuri ta ce, "kodai masu neman Auren kune? "

kawu ya ce, "ashe dai kun ƙaro fitsara eh lallai kam na fahimci komai ".


Goggo ta ce, "wato rashin kunya kuka dawo kuyi muna ku nuna muna baku shiryu ba kuma duniya bata hora kuba ko su kuwa wan can fitararrin daga ina kuka samosu ko suma abokan fitsarar taku ne? "


Sai a lokacin Mama tace, "sune ma dan wannan rawar kan nasu yayi yawa, ai kuwa abunda kika aikata zasuji babu wani rufin asiri".


Yaya tace, "ai dai masu goyon shegun suna da yawa, dan haka baki da bakin yiwa Narjeesah gori dan kema kin goya shegu, ga kuma wani cikin nan wanda bamu san uban saba, a gurin yarki, kin ga kuwa dama can mun sanar dake mai ɗa goye baya cewa ɗan wani shege bai sani ba ko ya haifa, ashe kuwa ya baki ya boka, kin haifa shegen ke nan".


Tsit kaji bakin Mama tayi ƙasa da kanta.

Dariya Amrah da Humaira da Hindu sukeyi harda tafawa.

Sallamar Umma ce ta katse masu tattaunawa suka maida idon su, akan Umma cike da mamaki suke kallon yanda Umma ta sauya ta zama wata Hajiyar da ita, sakin baki sukayi wasu ma murza ido sukeyi.


Inno ta ce, "Allahu akbar kabira, Umman yara kece kika dawo haka ikon Allah to lale maraba da zuwa, sannu da zuwa sannu da zuwa " cike da farin ciki suka rungume juna.


Ita kuwa Yaya hannun Umma ta riƙe tana kallon ta, tana godiya a gurin Allah subhanahu wata'ala.

Umma tayi murmushi tace tare muke da baƙi fa, dan Allah ku zazzauna hannun Inno da Yaya ta kama suka nufi gurin su Humaira suka zauna,


Nusaiba ce tare da Baban mu suna riƙe da hannun juna suka shigo Yaya Jafar Yaya Aliyu suna biye dashi.


Hailala da salati gurin ya ɗauka sai murza ido sukeyi ai kuwa da gudu Yaya Auwal ya matsa yana taɓa jikin Baba sai da ya tabbar shine ba mafalki bane yakeyi ai kuwa ya rungume shi, ai sai ga Hanan itama ta faɗa jikin sa, sai kuka yadawo sabo.


Kawu Bala ne ya ce, "wannan ai ba gaskiya bane waye ya taɓa mutuwa kuma ya dawo sai dai ko fatalwa ne eh lallai kuwa ni ban yarda da wannan lamarin ba! "


Goggo ta kasa tsayuwa ta zube a gurin bata numfashi haka Mama faɗuwa gurin tayi, su Yaya Halilu kuwa suman zaune sukayi hada su Anty Asma.



Hamdala Inno tayi tace, "ikon Allah tabbas wannan Malam Isah Musa, dan naji a jiki na, mai gidan mu ne ya dawo ran sa, Allah mun gode maka".


Yaya tace, "hakane Inno wannan uban "yayan mune Allah ya dawo muna shi, yara kun tashi daga marayu kun dawo masu uba, mu kuma mun dawo matan Aure Allah da ikon sa yake".


Tashi nayi natako nazo nace, "muje ka zauna Baban mu ka futa sai ka bamu labarin abunda ya faru a shekarun baya"


Hannu na ya riƙe muka je muka zauna muka saka shi a tsakiyar mu, duk kowa yayi shiru muna jiran muji daga garesa, harda maƙota masu kallon Ikon Allah, duk suna a gurin.


Wayar Yaya Jafar ce tayi ƙara, da sauri ya kalli Baban ya ce, "sun neman izinin shigowa"

Murmushi Baban yayi ya maida idon sa akan Yaya Mudarsir ya ce, "kaje ku shigo da baƙi".


Tashi yayi ya fita, sai gashi sun shigo tare zaro ido waje nayi, na buɗe baki zanyi masifa, da sauri Humaira tayi wa Inno da Yaya raɗa a kunne da sauri suka ce, "A hir ɗinki Narjeesah Allah kikayi wata magana a gurin zamu swaɓa maki ".


Zuɓurar baki nakeyi gaba, ina ɗaure fuska, Shuraim kuwa ƙafata, yazo ya haye Salman a kusa da Yaya Jafar ya zauna, Muhseen kuwa a kusa da inda muke zaune ya zauna ya ce, "Anty Narjeesh bakiyi maraba da zuwan mu ba ne? ".


Gir giza masa kai nayi nace, "kai nayi maraba da zuwan ka amman banda wan can mutumen ka duba yanda yake harara ta"


Ɗaga ido sukayi shida Amrah ai kuwa harar ta, suka kamasa yana yi dariya sukeyi ƙasa_ƙasa.


Gyaran murya Baban yayi yace, "To Alhamdulillah Allah shine mai tsara yanda yaso a duk lokacin da yaso, to gashi Allah yayi dawo wata a cikin iyalai na, kuma gashi nasami sauye_sauye da dama kuma abubuwa duk sun birkice, motar da muke ciki ce, tayi hatsari ba tare da mun san miye musabba bin ba, amman kuma ni a cikin jeji aka jefa ni, motar ta kama da wuta, kaina ya bugu da icce nikam ban sake sanin inda kaina yake ba, na dai falka ne na sami kaina a asibiti kuma na manta kaina da Sunana kawai dai na rasa Yaya zanyi na tuna inda na fito, koda aka sallame ni daga asibiti wannan yaron ne na gani a kaina, kuma shine ya ɗauke ni ya kaini gidan sa, naci gaba da jinya ta har nasami sauƙi amman kuma, hal zuwa lokacin bana iya tuna waye ni, ganin haka ne ya mai dani asibiti aka ce, idan naga abunda nafi ƙauna zan iya tunawa, gidan su muka dawo ya bani aiki wanda na nema duk da kuwa cewar gidan sa cike yake da ma'aikatan kaki da marasa kaki ya bani gadin get ɗin ƙuryar gidan sa, kasan cewar get huɗu a gidan nasa".


Kallon Salman sukeyi wanda idon sa yake a watar sa kamar baya gurin.

Baban ya ce, "sai shekaran jiya ne Allah ya kawo mani Narjeesah da Amrah, muka haɗa ido dasu ne, a lokacin ne, nafaɗi ƙasa, kaina na juya mani, a take na some a gurin, ina farkawa na fahimci cewar nawo cikin hayyaci na".


to kunji abunda ya faru.

Zufa su kawu suke gogewa, kallon Baban Inno tayi tace, "Alhamdulillah barka da dawowa Malam, sai kuma abunda ya faru bayan baka nan" a take Inno ta labarta masa komai.

Ai kuwa kallon kowa yakeyi a gurin yana gir giza kai, ya ce, "wato koda mutuwar ce, haka zakuyi wa iyali na, wula'kanci, Narjeesah! Narjeesah!! Narjeesah!!! Kuna nufin ita ƙaddara bata isa ta faɗa a kan ta bane ko miye kuke nufi? Ai ada na ɗauka, koda a ce da gaske cikin jikin Narjeesah da gan ganci ta same sa irin yanda kukafi kowa sanin ina son ta, to kuma zaku sota kuma zaku janyo ta a jikin ku, a hankali kuna nuna mata, laifin ta,



To yan dai bari kuji waye wannan Shuraim ɗin yaron Narjeesah wanda kuka tsana kuka kureta ida da 'yan uwan ta, harda mahaifiyar ta, suka rasa matsu gunni, kuka basu wasu 'yan kuɗi, wai gadon da suka samu ke nan, to kun ga wannan yaron Shuraim? "


Ya janyo hannun Shuraim ya zaunar dashi a jikin sa ya ce, masu "yaron nan ɗan halak ne kuma wannan yaron da kuke gani Narjeesah ta hanyar sunna suka sami cikin sa, kuma, shi jika ne,