You Cannot Download this book untill you login but you can read it .

---

Login Register

Mai girma governor ashe abokin Dad ne, shine naji yana faɗar ba zai samu damar zuwa ba, sai dai mu muje mu wakilce sa".


Salman ya ce, "sai dai ku kuje ni kun san babu inda zani, saboda ni ban cika son yawan damuwa ba, ba kowa nake son hulɗa dashi ba, gaskiya kuma kun fi kowa sanin haka, kune ƙanne na wanda nasa daku, duk da a gida ma, ba wani cika shiga lamarku nayi ba, kasan cewar bana son haya niya kwata_kwata".


Dariya duk suka sanya masa, sukaci gaba da aikin su, da sukeyi a computar su.


Tun lokacin da Mai martaba yaga gudan jinin sa ya dawo, shike nan farin cikin sa yakasa ɓoyuwa, sanar dashi damuwar su sukayi, murmushi ya yi yace, ai tunda kun dawo sai ku jawo abun ku a jikin ku, ku tashi ku shiga cikin ɗakin su"



cikin sanyin jiki suka shiga cikin ɗakin gurin Salman suka fara dosa domin shine babba sauran kuma biyayya sukeyi masa a tsakiyar su suka saka Salman, shi kuma yana ganin hakan ya shagwabe fusa ya kwanta, jikin Mom ya saki laptop ɗin sa ajiki sa, Mom tace, "son fushi dai fushi dai abu yakai some 6moth ya kama ta kuyi hakuri haka nan, duk irin son da muke yi maku, ku a tunanin ku, shike nan Mai martaba zai nemi alfarma muƙi yimasa ne? Haba son kudu ba fa, munyi kewar ku, sosai ko a waya baka sakar muna jiki duk kun bi kun hanamu kwanciyar hankali, iye? Nifa na haifeku ni mayi haƙuri nabi umarnin kakan ku amman ku sai kusa na kasa yi masa biyayya bayan tamkar mahaifi yake a guri na? ".


Dad ne ya ce, "ni kuma fa baiwa nayi maku tsawa bane dan kuji haushi bafa dan kawai kuyi saurin fahim tane nayi maku hakan amman shine kuka ɗauki fushi damu".


Tsakanin ɗa da iyaye sai Allah atake suka shawo kan su, sukaci gaba da farin ciki tare dasu.


Bikin da su Dad sukace ba zasu zoba, sai gashi dasu za ayi Dad ɗin sune yaje dasu gidan governor, anan suka haɗa kan iyalen su, inda anan muka haɗu da Salman kasan cewar Khalid ɗan gidan governor abokin mune tare muka tashi dashi munyi karatu dashi tub daga secoundary har i zuwa university couse ɗaya mukeyi dashi har muka dawo gida nigeria, muka fara aikin likitanci, sai dai ba garin mu ɗaya ba, muma bikin sa ne muka zoyi, kasan cewar Salman sa'an mune, sam bamu wani sha wahalar zama abokai ba, kasan cewar mu bama da hatsaniya dan duk abunda abokan ango sukeyi, badamu ba, zuwa gurin Amarya da ƙawayen ta, sai da ma za'a gurin dinier ne, angon ya nuna fushin sa, akan dole nida Aliyu da Salman sai munje gurin dan yasan halin iri ɗaya ne, ganin yanda ya kafe dole muka shirya mukaje, koda mukaje gurin bamu shiga ba muna cikin motar, waya yayi ta kira saboda anfara shagali bai saka mu a idon saba.


Dole muka ɗauki wayar sa kasan cewar yayi kiran wayar mu har ransa ya fara ɓaci mu muna kallon sa, dole muka fito uban yan naci ya kira mu.


Bamu wani jima a gurin ba, saboda yanda "yamta ke ta zuwa gurin gurin amsar number waya dole muka dawo cikin motar, har aka tashi muka koma gida, tunda aka kai Amarya muka anshi number wayar Salman, muka baro kaduna muka dawo nan yola, tun daga wannan lokacin ne abota mai ƙarfin gaske ta shiga tsakanin mu, ko ince aminta har muka san junan mu da aikin juna da sirrin juna, kowa idan wani abun ya shige masa yakan kira ɗan uwan sane, kwata_kwata bama yin abu ko miye dan muna mu biyu sai mun saka Salman aciki shima haka, a dangin sa duk ansan mu haka ma dangin mu kowa yasan Salman.


Numfa sawa Jafar ya yi ya ce, "babbar damuwar da Salman ya fara fuskata a rayuwa wadda ta zame masa ƙalubalen rayuwa take ci masa tuwo a ƙwarya har yanzun wadda wannan ya shafeki Narjeesah shine zaki sani a yanzun kasan cewar, har yan zun baki san waye Salman ba shine.... ".



*Comment and share*


*Ummu Ihsan ce*🌹🌹🌹🌹🌹🌹🌹🌹🌹🌹🌹🌹🌹🌹🌹


💐💐 *NARJEESAH* 💐💐


*Rubutawa*
*NANA KHADEEJATU*
*_UMMU IHSAN_*

*ELEGANT ONLINE WRITERS*

_*Bismillahir Rahmanin Rahim*_

*Ya Allah kajiƙan iyaye na kayi masu rahma ka sada su da rahmar ka dasu da duk kannin yan uwa musulmi baki ɗaya amin*


2⃣6⃣⏮3⃣0⃣

➿➿➿➿➿➿➿➿➿ Narjeesah Salman sai da ya zamo fittacen lauyan da ƙasa take alfahiri dashi ya kasan ce mutum mai gaskiya wanda akeji dashi ta ko ina a faɗin ƙasar nan ".


Rayuwar Salman ta fara sauyawa ne saka makon haɗuwar sa da yar mataimakin shugaban ƙasa, Haulart, Haulart ta shiga rayuwar Salman ne da ƙarfin gaske, wanda muka rasa taya hakan ta faru kasan cewar bamu sani ba, dan bai sanar damu ba sai ranar ɗaurin Auren sa, wanda ta kasan ce iyayen Salman da "yan uwan sa sai ranar suma suka san da zan cen, dan haka Auren bai wani samu shagalin biki ko ɗaya ba, dan yace wa su Mai martaba kada ayi taron komai dan shima Auren zuwar masa yayi da rana tsaka.



Tunda aka ɗaura Auren Salman da Haulart suka bar ƙasar sai da suka shafe shekara biyu suka dawo garin Abuja suka sauka, Salman ya sauya, baya neman kowa nasa, daga shi sai matar sa kawai suke bidirin su.


Matsalar farko da ta fara fuskar tar Salman rashin haihuwa wanda alokacin kowa yasan Salman baya cikin hayyacin sa, dole Mai martaba da kanshi ya nemi Salman kuma yayi masa nasiha da ya dawo hayyacin sa, ya waiwayi iyayen sa, da suke fushi dashi, cikin ikon Allah kuwa Salman yayi abunda Mai martaba ya umurce sa, dashi kowa yaji daɗin sauyawar Salman, kuma fa duk wannan halin da Salman ya shiga, yana nan yana aikin sa akan gaskiya da sanya marasa gata a cikin lamarin sa, ƙungiyoyi ya kafa sosai na kula da gajiyayyu da marasa ƙarfi, da marayu, da malamai hidima sosai yakeyi masu, wannan shine ya ƙara wa Salman daraja a idon mutane,


Ganin har shekara ukku Salman da matar ta basu haifu ba, suka fara shiga damuwa kasan cewar Salman shine ya shiga damuwar da yawa sai suka fara zuwa ganin likitoci amman abun mamaki duk ƙasar da sukaje result ɗin Salman yakan nuna cewar Salman kwata_kwata baya haihuwa matar sa ita kuma lafiyar ta, ƙalau, wannan abun ya ɗaga hankalin kowa ba kamar Salman wanda ya shedawa iyayen sa, zai rabu da matar sa, dan gudun kada ya cutar da ita, sunji tausayin Salman sosai kuma sunji daɗin Salman zai rabu da wannan "yar isakar matar wadda tunda sukayi Aure da Salman sau ɗaya suka taɓa ganin ta har su Mai martaba.



Tunda Salman ya shedawa Haulart hukunci da ya yanke tace, sai Salman yayi nadamar rayuwar sa, shida iyayen sa, duk sai sun zubar da hawayen su, ai kuwa tun daga wannan ranar Salman bai sake fita koda ƙofar gidan sune sai da jami'an tsaro wanda mahaifin matar sa, ya haɗasa dasu, ga baki ɗaya Salman ya manta kowa nasa, baya tuna koda sunan iyayen sa, haka iyayen suka tsani ace sun haifi ɗa mai suna Salman.



Abu kamar da wasa ƙaramar magana ta zama babba daga baya ma baya iya kallon ko wace mace, saboda duk maccen da zatayi wa Salman magana zai ganta a gaban sane kamar suffar alade, Haulart ce kawai yake ganin ta a matsayin mace kuma cikkakkiyar mace, wannan abun har iyayen sa, sun shiga daga cikin abun ƙin sa, akwai ranar da Salmah ta haɗu da Salman a wunin wani aikin da ya haɗasu a tare, kasan cewar sun san Salman yan zun baya ko tuna sunan su, ta matsa a kusa dashi ta ce, "bros nasan baka son ganin fuska ta, nima haka, amman kasani muna kewar ka muda iyayen mu, bro duk wanda ya aikata hakan a gare mu ba zamu taɓa yafe masa ba, na barka lafiya ".


Tunda Salma ta ambaci sunan sa, kansa yake a ƙasa bai ɗago ba, har tabar gurin, a ranar da ciwon kai ya kwana mai tsananin gaske, sai da ya kwana, biyar yana jinya sannan ya samu sauƙi, tun daga wannan ranar ne yake yi muna sallama a WhatsApp wanda rabon da yayi muna hakan har mun manta dukan mu, to anan ne yake sheda muna yana barar addu'ar mu, kuma muje ga iyayen sa, mu sheda masu halin da yake ciki da yanda yake jin kowa a garesa inba Haulart ba, to anan ne kowa yasan mike faruwa, shine muke bashi shawarar duk lokacin da muka gama magana dashi ya goge farar da yake yi damu, cikin ikon Allah kuma babu abunda ya sake faruwa muna yawan magana dashi kuma yakan turo muna da kuɗi muci gaba, da kulawa da har kokin sa, na yau da kullum, tare da sadaka da neman addu'a a bakin mutane da dama da malamai.




A wata ranar laraba ne yake sheda muna, yana cikin tsananin tashin hankalin, domin yana jin a jikin sa cewar akwai akwai macen da yakejin zata iya shiga rayuwar sa, kuma Haulart ta tada masa hankali akan cewar, ko wace mace ce sai ta ne mota, shi bai san a ina tasan da wannan zancen ba, dariya mukayi dan mun ɗauki abun kamar almara fa shirme, amman sai ya matsa muna akan muje mu sanar da Mai martaba dan abun bana wasa bane, jin hakane mukaje har gurin mai martaba muka bashi wannan labarin, a take mukaga hankalin sa yayi mugun tashi, a gaban mu ne ya saka aka kira masa malamin masarauta, ya labar ta masa kuma cikin ikon Allah ya ce, a bashi kwana biyu zai je ya dawo masu da amsa, mai matarba, ya hanamu komawa, dole muka zauna har zuwa kwana biyu.


Anan ne Malamin yasa aka kira mu, bayan mun zauna ne, yace, "tabbas wannan yarinyar itace haske a cikin rayuwar Salman kuma akwai rabo mai tarin yawa a tsanin su, kuma yan zun haka akwai rabon da yake a kusa_kusa dan haka duk yan da za'ayi a ɗaura Auren Salman da yarinyar nan saboda akwai igiyar Aure a tsanin su kuma igiya ko ɗaya ba zata tsinke ba, duk da kasan cewar su nesa da juna.


Yana gama bayanin ne duk mun kasa gane wannan bayanin kawai ya ce, kada ku sanar da kowa gaskiyar wannan lamarin har Salman ɗin a take ya sanar da mai matarba cewar, a riƙa bibiyar rayuwar Salman da matar sa daga ɓoye, haka kuwa akayi mai gadin gidan Salman shi aka baiwa wannan aikin har da wayar da zai riƙa kira yana sanar da abunda yake faruwa, da yake mutumen yana da hali mai kyau shine yayi ta sheda wa Mai martaba abunda ke faruwa.



Bayan wata biyu Mai martaba ya kira mu yake sheda muna cewar Salman zai zo gurin mu duk yanda akayi mu hanasa tafiya har sai idan shine ya kira mu ya bada umarnin barin sa ya tafi, ya tambaye mu cewar ko Salman yanada gurin sauka a garin mune, muka sheda masa cewar eh amman bamu san unguwar da zai sauka ba, dan yana da gidaje a garin mu harda motoci dan haka yanada masauki.


A gidan Salman kuwa wani irin ciwo ne ya taso masa, wanda yayi kamar zai mutu, sai shure_shure yakeyi ma aikatan gidan ne suka samesa a hakan da sauri suka kira wayar Haulart duk da kuwa irin tsoron ta da sukeyi, sukayi shahadar kiran ta, sai da taga damar ɗauka ta ɗauki wayar cikin masifa, take tambayar su miye?".


Cikin tsananin tashin hankali direba ya ce, "ranki ya daɗe wallahi yallaɓai ne bai da lafiya sai shure_shure yakeyi! "

Kashe wayar tayi cikin minti talatin ta iso gidan ita da guard ɗinta, da sauri ta shigo cikin falon turus tayi ta kafesa da ido tana ya tsinar fuska, wani uban ashariya ne tayi, cike da masifa ta kira waya, ana ɗaukar wayar tace, "abunda aka faɗa ya tabbata, kuma ance ko na barsa ya aikata ko ni na mutu, gashi ina da tsananin kishi, amman tunda ni rashin aikata abun zai shafa, to nayi ƙoƙarin samo yarinyar da aka ce, har ankai photon ta, a gurin bokon kuma ya sheda muna cewar ita ce, kuma nasa an sato yarinyar har ankawo ta wata hotel, kuma yan zun zan saka akaisa a ƙofar hotel ɗin a jiye sa a hakan kamar yanda aka ɓukata, nikuma zan koma na cika ɗayan aikin ".


Magana akayi mata, daga can ɓangaren, kawai ta kashe wayar da gudun ta ta fita, tare da body guard dinta ta shigo su huɗu suka ɗauki Salman suka fita dashi, maigadin ne ya kira Mai martaba ya sheda masa, ai kuwa aka bisa daman shima nashi ma aikatan suna biye da duk wani motsin Salman da matar sa.



Ban san ya akayi ba, nu dai Kawai mun ya ankawo Salman tare da jami'an tsaron sa, airport mukaje muka ɗauko su, a hotel suka sauka, sai da ya kwana biyu ya fara magana, kuma tun daga lokacin bamu sake zuwa inda yake ba saboda umarnin Mai martaba, sai dai ya kiramu yace, Salman zai koma mu kaisu airport, tun daga lokacin Salman bai sake zuwa nan garin ba sai wannan karon .



Amman fa matar sa wani sabon salon ta ɗauka duk wata macen da ta samu labarin cewar Salman ya kalla sai taga bayan ta, da sai an nemeta an rasa, kai abun ma harda abokan Salman bata bari ba, amman ban san miye yasaka mu bata rabamu da Salman ba, har tsayin wannan lokacin duk da tasan da cewar muna tare dashi, saboda duk inda Salman ya saka ƙafa tanada masaniya, akai abu kamar aljana".

kuma har yan zun sakamakon Salman baya haihuwa yake nunawa, amman kuma sai gashi Shuraim yazo a matsayin ɗan Salman, wanda kusan kullum matar Salman har a internet tana posting din Salman da result ɗin rashin haihuwar sa, anayi mata like, wannan abun ba ƙaramin ɓatawa Salman da "yan uwan sa yakeyi ba him! "


Nisawa jafar yayi ya ce, "NARJEESAH kinji tarihin Salman kuma har yan zun Salman tutar sa a gurin kowa tsaye take, koda kinyi ƙarar Salman ba zaki samu biyan buƙata ba, sai in da Matar sa zaki kai ƙarar sa"


Kowa shiru ya yi Amrah ce, ta ce, "Antyn Nargeesah dan Allah kada ki kai ƙarar Salman saboda idan har mutane suka kalli Shuraim duba na hankali zasu fuskaci cewar ɗan Salman ne, to masu kawo wa Salman hari kina ganin kamar yanda muka rasa sanin inda Shuraim yake ba zasu ji daɗin kashe muna yaro ba?, ki duba da kyau kada kiyi abunda zai janyo mu rasa ganin Shuraim



Kallon su nakeyi zuwa can nace, "wallahi nikam nadawo ai nahin Narjeesah ta marar ɗaukar reni masifaffiya, kuma ni ban wani ji tausayin wannan mugun ba, koda banyi ƙarar sa ba, sai na rama abunda yayi mani! "


Dariya sukayi Nusaiba ta ce, "da mun bani har mu, dan nikam ba zan iya mantawa da halin ki ba, Anty Narjeesh".


Hindu ce ta ce, to yan zun a ina ne zamu nemo Shuraim? dan da alama Shuraim baya gurin Salman dan naga hankalin sa a tashe yake ".



Umma ta ce, "ku jira sa yazo muji ta bakin sa, idan Shuraim yana hannun sa, sai hankalin mu ya kwanta".


Kowa ya yi na'am da maganar Umma.


Nace, dan Allah Jafar da Aliyu ku saka mugun nan ya bani takar data, dan nikam ba zan iya zama dashi ba".


Kallona sukeyi suna dariya, Humaira ta ce, "ai lokacin da muka haɗu dashi munji yana faɗar akwai igiyar Auren sa a kanki kuma ba zai iya tsinke ta ba, kuma acikin labarin da kika bada ya ce, idan kika yarda ya dawo cikin rayuwar ki, kin makaro".


Tsaki kawai nayi, na share su fira muka chanza saboda sun ga bana son maganar Salman, sai dare suka je gida bayan sun zaga iyayen su, da iyayen Halima.


Yau ma kasa bacci nayi, tun da safe Amrah da Nusaiba suka kawo mani abun kari amman na sheda masu sai zuwa anjima dole suka ɗauke, suka fita sai ƙarfe goma na fito tsakiyar falo na ƙara gaida Umma na zauna ina kallon labaran da Umma take kallo, Amrah da Nusaiba suka fito suka zauna muka fara labari Umma ganin mun cika ta da surutu ne ya saka tabar gurin ta koma warta cikin ɗaki.



Labari mukeyi na yaushe ne zamu je gurin Inno mu dubo ta ita da Yaya sai dai muna gudun haɗuwar mu da wannan mutumen wanda ya so sace, Shuraim yana jariri,.


Amrah tace, Aunty gashi kuma, Shuraim ɗin baya hannun mu, da munje kawai tun da mun gano mahaifin Shuraim ko".


Nusaiba ta ce, "Allah yasa da Daddyn Shuraim zamu yaga ɓarawon yara ya kaisa kotu ayi muna maganin sa".


Harara na ɓallawa Nusaiba na ce, "uban waye zai je da wannan mugun garin mu, kisa ya raina ni, wallahi ni, bazan yarda yama ga fuskar hakuri a gareni ba dan banda shi kuma bana jin tausayin sa, ko na ƙwayar zaira ai bani ce, na saka ya aurowa kansa annobar da tafi ƙarfin sa ba ehe! ".



Gimtse dariyar su, suke yi Amrah ta ce, "Anty nifa wallahi matar Salman nake son gani kin san ko dan saboda miye? "


Gir_giza mata kai mukayi ni harda su mere mata baki, tace, "saboda yan da result ɗin Salman na asibiti yake nuna cewar baya haihuwa kwata_kwata gashi kuma ansamu akasin hakan shin wai nikam anya ma kuwa ita mutum ce, kuwa, shin tanada tunani kodai kwanyar kifi ne da ita? Shin da tasa aka nemoki ta ƙarfin gaske ta haɗaki da mijin ta, idan har da gaske takeyi, tana kishin kamar yanda tace, to ai koda umarnin duniyar zai bata, ba zata ji wuyar yin saba, irin yanda ta baro gidan ta, garin su, ta ƙetaro cikin local, ta satoki bataji wahalar komai ba, kuma ta haɗaki da mijin ta abanza da yofi, duk dan cika umarnin bokan ta, gashi kuma ya shirga mata uwar ƙarya".


Dariya Nusaiba keyi harda dafe ciki da kwan tawa, Nusaiba ta ce, "itafa mutuwa take tsoro ba wai kishin mijin ta bane ya sakata aikata hakan ita da bokan kida humai ne na bugawa a jarida, tunda sun bari har Salman ya kusan ci wata mace, ta daban bai karya tsafin nasa ba, da yace, zata mu ba".



Nikam ban ce dasu uffan ba, har suka gama, zuwa nayi na ɗauko abin karin kumallo na na karya, na, mukaje kowa yayi wanka muka saka ankon Humaira, muka fito zamu gidan, su Hindu, gurin Umma muka nufa muka sanar da ita, ai kuwa Umma ta soma faɗa, mutum da Auren sa akan sa, yake wannan shigar mayafi a kafaɗa, kuma anbi jiki da turare, kuma bada izinin miji ba, za'a fita ko? ".



Duka Umma muka tsare da ido Umma ta ce, "ni ku tafiyar ku ku bani guri kukayi mani tsaye kamar wasu itace".


Dariya mukayi muka fito nikam na ce muje dai nikam bazan wani takura kaina ba".


Tafiya mukayi, mun fito daga cikin gidan ke nan, sai ga motoci har ukku ajere parking sukayi a gaban mu, sakin baki mukayi, ganin mutane sun fito harda mace, sai Salman, a take su Amrah suka saki murmushi ni kuma na ɗaure fuska na ɗauke kai na juya zan tafiya ta kawai naga mutum a gaba na, saura kaɗan nafaɗa a jikin sa, da sauri nayi baya, cike da masifa nace, Malam miye hakan? "


Kowa kallon mu yakeyi harda su Amrah, wannan budurwar ce, mai kama da Salman da namiji suka iso gurin kallo ɗaya nayi masu, na gane su waye, wato Salma da Muhseen ne, hannu ta bani tana dariya, tace, "madam kiyi hakuri mu ɗan gaisa mana, sai ki kaini masauki nasan zakiyi tarbon baƙi ko? ".


Kamar ba zanyi magana ba, kuma dai naga ai ba ita ce tayi mani laifin ba, nace, "da ace ke ɗaya kika zo da kin ga yanda ake tarbon baƙi dan kin zo gidan karamci amman sai kika zo da mugun mutum kin kuwa ansamu naƙasu anan gurin".


Murmushi tayi ta ce, "to ai dai mu baƙin kine kuma ga Muhseen bro ɗina ne ku gaisa".


Kallon shi nayi banyi magana ba, shiko dariya yake gimtsewa, Amrah ce ta ce, dasu "bisimillah ku zamu mu shiga daga ciki".

Kallon su nayi na ce, "idan kika kaisu suka gaisa da Umma ki fito mu wuce, dan ni kam va zan shiga ba, tafiya ta kawai zanyi, kuma ki shaidawa mutum ya dawo mani da yaro na ehe! ".


Da sauri duk suka bini da ido Salman ya ce, wai kina nufin har yan zun Shuraim baya hannun ki, kuma kike zaune hankali kwance? "


Da sauri na dawo da ido na akan sa, nace, "kana nufin Shuraim baya hannun ka da gaske na rasa shi ke nan innalillahi wa inna lillahir rajiun, na shiga ukku ni Narjeesah waye wannan azzalumin da ya rabani da farin ciki na, Salma ce, ta dafa ni cikin kaɗuwa tace, "bani photon yaron na gani ".


Nusaiba ce, ta basu wayar da sauri Muhseen ya ansa ya Cuba photon Shuraim da sauri Salma ta ansa, shima Salman ansar wayar yayi ya juya cikin tsananin tashin hankalin, da sauri Salma ta ce, "kiyi hakuri yau muma zamu fara namu bin ciken yan zun kuwa zaki iya komawa cikin gidan ki zauna ga wannan wayar zan riƙa kiran ki muna magana ".



fasa fitar mukayi muka dawo cikin gidan muka zauna jagwab, kuka mukeyi har Umma ta fito ta same mu a hakan, zama tayi ta ce, "kuka ba shine mafita addu'a ita ce mafita a gare mu dukan mu".


Su Salman kuwa wata unguwar suka nufa sunayin parking suka fito da gudu suka shiga cikin gidan, saman kujera suka zazzauna Salma kuwa kaiwa takeyi tana dawowa, tana cizon baki, ta duƙule hannun ta ɗaya tana ɗan dukan tafin hannun ta,


Muhseen ya ce, "sister babu wanda zai ɗauki yaron nan face, masu bibiyar bro, amman wallahi, duk wanda ya yi wannan aikin da wata manufar yayi ba wai dan ya san da sanin cewar wannan yaron yana da alaƙa dashi ba".


Salma ta juyo ta fuskan cesu tace, "bros nikuma nawa hasa shen ba kowa bane ya ɗauki wannan yaron ba, face, ya fahimci yanda kayi saurin yarda da yaron har ya raɓeka, bayan kowa yasan cewar kai ba ma'abuci dariya bane ballema mutum yayi tunanin kana ƙaunar yara har haka ba, dan haka zamuyi bin ciken mu ta ƙar ƙashin ƙasa, dafatan zaka bamu haɗin kai kasan cewar ka babban lauya kuma wannan case ɗin kai ya shafa ba lallai bane ka iya aikin nan ba, dan haka ina son duk abunda kaga, mahaifiyar yaron nan tayi kayi mata uzuri kuma kasani ko ma miye da sa hannu na".



Kallon rashin fahimta sukeyi mata, amman sai ta sakar masu murmushi tace, "ku yarda dani bros".



Gyada mata kai kawai sukeyi, amman duk basu fahimce taba, cikin wani ɗakin ta shiga ta kira waya ta ɗan daɗe tana magana, kafin ta fito ta zauna tana kallon su".



Zaune muke bayan na gama yiwa Umma bayani, shiru tayi tace ke da Amrah ne zakuyi wannan tafiyar kuma duk zaku iya kuwa? "


Amrah tace, "addu'ar ki kawai muke buƙata ".


Addu'a Umma tayi mana, ita da Nusaiba suka rako mu, har ƙofar gida muka ɗauki hanya.........




*Comment and share*



Ummu Ihsan ce*🌹🌹🌹🌹🌹🌹🌹🌹🌹🌹🌹🌹🌹🌹🌹


💐💐 *NARJEESAH* 💐💐


*Rubutawa*
*NANA KHADEEJATU*
*_UMMU IHSAN_*

*ELEGANT ONLINE WRITERS*

_*Bismillahir Rahmanin Rahim*_


3️⃣1️⃣⏭️3️⃣5️⃣

➿➿➿➿➿➿➿➿➿ Tafe muke a hanya nida Amrah muna janye da trolley din mu guda biyu da muka ɗauko daga