You Cannot Download this book untill you login but you can read it .

---

Login Register

ce take faruwa don haka nake tunanin yana tattare da mummunar manufa game da yankinmu. Saboda na tabbata banza ba ta kai zomo kasuwa, kuma tamkar wanda yake wa rufa ido ban taɓa ji wani ya yi magana ko ƙorafi akansa ba. Kasancewar ba a ranar na saba ganin hallitun da ƴan uwana ba sa iya ganinsu ba ya sa na ja bakina na yi shiru, amma haka kawai jikina ya ba ni ziyararsa a gare mu ba alheri ba ce.

Matashin saurayin na barin wurin kai tsaye ya bi ta wata ɓarauniyar hanya da ke ƙarƙashin ƙasa, cike da fargaba ya rinƙa falfala gudu don yana tsoron tonuwar asirinsa musamman da ya tuna irin kallon zargin da Kyauta take yi masa. Sai da ya yi gudu mai nisa sannan ya isa wurin wasu rundunar dakarun mayaƙa, haki yake yi kamar ransa zai fita sannan ya sanar da su duk abin da ya ji game da yankin su Kyauta sannan ya ɗora da cewa, "Matsala dai ɗaya ce kamar yadda na gaya muku a baya, duk lokacin da na shiga yankin nan ba na iya ganin kowacce halita da idona face manyan dabbobi da ƙanana. Da taimkon Shugaba Usaina ta ba ni wani laƙani shi ne nake iya ganin yarinya ɗaya da idanuna kuma nake iya jin sautin abin bautarsu, ita ma a yadda na lura tana ganina sai dai ina tsoron kar asirinmu ya tonu." Shugaban Dakarun ne ya bushe da dariyar ƙeta sannan ya furta, "Ka gama aikinka don haka za ka iya tafiya ga Daularmu mai albarka, na tabbata idan muka kai wa Sarki wannan zuri'a ta Maharba sai ya yi mana ƙarin girma ya ɗaukaka darajarmu.

Runtse idonsa matashin ya yi tare da faɗin, "Shugaba Usaina! Shugaba Usaina." Nan take wani haske ya mamaye wurin babu jimawa ya ɓace ɓat. Gurfane yake a gabanta yana sauraron abin da za ta faɗa, sanin faɗin rai da izzarta ya sa ya ƙagara har ya ɗago don a tunaninsa ko ta bar wurin bai sani ba. Suna haɗa ido ya sauke kansa ƙa sa cikin girmamawa ya furta, "Sha kundum ta dafawa aikinki." Miƙewa ta yi ta fara taku ɗaiɗai ta rinƙa zagaye shi sannan ta furta, "Na saurari bayaninka don haka ina mai umartarka da ka iya bakinka idan ba haka ba sai na fisge rai daga gangar jikinka. Tabbas Boka mai zamani ya yi gaskiya Sha kundum ta sake bayyana a wannan yankin da kake min leƙen asiri sai dai babbar matsalar da har yau ya gagara bayyanar da suffar yarinyar. In dai ina numfashi Sarki Damina ba zai taɓa samun cikar burinsa na jininsa ya gaji karagar mulkinsa ba, na yi rantsuwa da abar bauta sai dai zuri'arsa ta ƙare a wahale yana ji yana gani zan gina Daular nan da jinin da ba na shi ba." Ta kai ƙarshen maganarta a tsawace kamar wacce aka ɓata wa rai, a razane matashin ya gyaɗa kai yana shirin sake magana ta katse shi da cewar, "Fitar da sirrina tamkar ka sanya takobi ka datse rayuwar da kake ciki ne, ka kiyaye idan ba haka ba wankin hula zai iya kai ka dare." Godiya ya yi mata sannan ya tashi zai fita ta sake katse shi da cewar, "Ka tabbatar da ka bawa yarima mugunyar ruwan sihiri a daren nan kafin wayewar gari." Amsa mata ya yi cikin ladabi sannan ya fice daga ɓangarenta.

Dare ne ya tsala sosai ban da kukan tsuntsaye da na ƙananan dabbobi babu abin da yake tashi, cikin sanɗa da ɓadda-bami take tafiya a hankali tana waige don kar wani ya ganta har ya fahimci abin da yake tafe da ita. Kamar yadda ta saba a duk daren da take neman biyan buƙatarta haka ta tunkari tsaunin Boka Mai zamani, kamar yadda ya ga zuwanta a cikin ƙoramar sihirinsa haka ya ji takunta zuwa kogon dutsensa. Tun daga bakin ƙofa Boka Mai zamani ya rungume ta a yunƙurinsa na son su fara aikata masha'arsu kamar yadda suka saba duk lokacin da ta ziyarce shi, a hankali ta zame shi daga jikinta tana faɗin, "Sha kundum ta ci gaba da rufa mana asiri dangane da ɓarnar da muke aikatawa Sarki Damina." Boka mai zamani ya bushe da mahaukaciyar dariya sannan ya furta, "Wane mutum In ji mutuwa shalelena? Asirinmu ba zai taɓa tonuwa ba don ba na jin wancan sakaran zai iya kusanto da Sha kundum cikin wannan Daular, hasalima rashinta tare da mu shi ne mafi alheri domin na tabbata idan tana yankin nan asirinmu ya gama tonuwa. Yanzu dai ya kamata a baiwa kura ajiyarta." Takawa ta fara yi a hankali tana zame ganyen da ke jikinta daga wanda ya rufe al'aurarta har zuwa na ƙirjinta sannan ta furta, "Ranar biyan buƙata rai ba a bakin komai ya ke ba mudubina. Indai wannan ne ai ta kwana gidan sauƙi jariri a ɗakin mayya. Amma abin da yake tafe da ni bai wuce kan maganar wancan sakaran Yariman ba, shin maganar da na ji Sarki ya faɗa gaskiya ne zai iya warkewa? Saboda ina ɗagawa Sarki Damina ƙafa ne don na san a halin da yarima yake ba zai iya mulkar Daular nan ba." Boka mai zamani ya ƙarasa wurinta yana yawo da hannunsa a sassan jikinta sannan ya furta, "Tabbas a bincikena matuƙar Sha kundum ta bayyana a Daular nan zai iya warke wa amma da sharaɗin sai an bankaɗo sirrin da ba kowa ne ya sani ba kuma ba kowa ne zai gan shi ba. Mai wannan ikon yanzu haka ta bar duniya, Mai babbar Turaka ita ce ta san da wannan ɓoyayyan sirrin wanda ko da Sha kundum ba ta dawo daular nan ba matuƙar aka bankaɗo shi Yarima zai warke, yanzu haka gawar Mai babbar turaka na ɗakin yarima na kashe ta ne a lokacin da take ƙoƙarin sanarwa da Yarima sirrin ɓoyen da bankaɗe shi ba alheri ba ne a game da ke, ni kuma duk abin da zai muzanta shi zan iya kawar da shi. Sarki Damina yana kallonki a matsayin mahaifiyar Yarima alhalin Hasana ita ce Mahaifiyarsa kece Usainarta, Ko kin san har gobe Mahaifiyar Yarima tana raye a faɗin duniyar nan? Ko kin san Yarima ba shi kaɗai ne Ɗan da Sarki Damina ya mallaka ba? Ko kin san ƴaƴan Sarki Damina Uku ne a faɗin duniya? Idan bacci kike ki farka domin a duk lokacin da Damina ya gano kece kika nemi salwantar da rayuwar yarima da mahaifiyarsa na tabbata kashinki ya bushe. Ki yi duk abin da za ki yi ki nemo tagwayen jarirai ki kawo min domin na cika miki wani aiki da su idan ba haka ba komai zai iya faruwa, kuma ki tabbata jariran sun fito daga cikin jinin Maharba domin har gobe jininsu na tasiri akanmu tun da sune suka yi galaba a kan mu a lokacin da mummunan al'amari ya faru da Sarauniya Shakundum." Jakadiya da tun shigar Mai ɗakin Sarkin Damuna take laɓe a ƙofa ta riƙe bakin cikin mamaki, a hankali ta furta, "Tabbas Usaina ta cika tattaciyar marar imani amma na yi rantsuwa da Sarauniya Sha kundum da mulkinta sai kwaɓarta ta yi ruwa, a kullin fata da burina bai wuce Sarki Damina ya auri Jummai don na tabbata ko da tsiya da azziki sai Jummai ta haihu a gidansa. Jakadiya bata ƙarasa wannan tunanin ba ta hango harshen wutar itace kafin ta yi wani yunƙuri Bayin Sarki Damina suka haske ta da shi, a tsawace babban bawansa ya furta, "Jakadiya Lami me kike yi a wurin Boka mai zamani a talatainin tsohon daren nan duba da kin san haramun ne matuƙar ba a sanar da Sarki Damina wannan ziyarar ba?" Daga cikin kogon dutsen cikin Boka mai zamani da Usaina mai ɗakinsa ne ya kaɗa, nan take zufa ta fara keto musu cikin faɗuwar gaba ta furta, "Halaka ta zo mini matuƙar Sarki Damina ya san da ni a kogon dutsen nan." Kafin boka mai zamani ya yi magana daga cikin rijiyar da gunkin Sarauniya Sha kundum take suka ji wata irin tsawa wacce ta haddasa razanar Jakadiya ta faɗo cikin kogon dutse a hargitse. Ganin haka ya sa Sarki Damina da Fadawansa suka rufa mata baya, don ya kawo ziyarar cikin dare ne sakamakon mummunan mafarkin da ya yi akan Yarima da wata matashiyar buduwa mai ɗauke da kwari da baka a hannunwanta."


*Ummou Aslam Bint Adam*🌚
[11/25, 7:00 AM] Ameera Adam🌚: *BAƘAR DAULA*


©AMEERA ADAM

FIRST CLASS WRITER'S ASSO...

Tsokaci: Ƙirƙirarran labari ne bai faru a gaske ba, ban rubuta don cin zarafin kowacce ƙabila ko yanki ba. Daga sunayen garuruwa zuwa na abin bauta duk ƙirƙirarru ne, kuma ban lamunce a sauya min littafi ta kowacce siga ba tare da izinina ba.⚠️

Free page 5


*KU MATSO KU TAHO*💃🏼

Wannan labarin salonsa na daban ne💃🏼 cike yake da sarƙaƙiya da tsananin ban tausayi😰 ku dai kar ku bari a yi babu ku.🏂

Littafin kuɗi ne idan kina buƙata 400 ne ta Account 3090957579 Aisha Adam, First bank. Za ki turo evidence ta wannan lambar 0706 206 2624 Idan kati ne MTN. Idan kika bari na kammala cmplt 700 ne.

Idan kin san kin sayi ɗaya daga cikin litattafan nan *AN YA BAIWA? KO DUBU JIKAR MAI CARBI KO ZAUJATU JINNUL-ASHIQ* za ki biya 300 wannan ragin na waɗanda suka sayi wannan littafan nan ne kaɗai.💃🏼

Na ɗaga hannuwa riƙe da takobi da kwari da baka na salaƙe na sunkuyar da kai ina miƙa gaisuwa da kirari cau cau cau cau, sai ni Ameera 'yar Alhaji Adamu Amiriyan Mamanta, uwar Aslam da Ayman Amanar Oganta turmi sha daka 🥰
Wiiiiiiihuuuuuuhuuuu mace mai kamar maza ko cikin maza sai an duba domin wuya ake yi wa lissafi daɗi sai an jinkirta. Allah dai ya biya wuya a ƙofar Na'isa, wuya a ƙofar Kabuga wuya a ƙofar Nasarawa wuya a doka wuya, wuya a ƙofar kansakali mun buga a dajin Jemagu mun buga a dajin Falgore ko dajin Sambisa albarka. Sai ni ƴar Kanawan dabo amanar mutanen Rigana, idan ka ga matsoraci ko rago a Rugana baƙo ne domin jarumi ba'a nuna masa hanya, sa'a dai 'yar gaban goshin *FIRST CLASS WRITER'S* Amanar Marubuta La'ilaha'illahu. Sai ni ta hannun Matar Habibu ni ce dai ƙawar Mum Amnash amanar Masoyanta, cau cau cau cau makaranta ku matso ku ji wannan kafcan don idan kika bari aka yi babu ke an barki a baya. Domin duk wacce ta bari aka yi wannan tafiyar babu ita ta fita daga cikin jaruman mata masu aji.🌚


Daga wurin Abar bauta kowannenmu gida ya zarce don ɗauko makamai da kayan shiga farauta, sai da muka ƙara tsare kanmu da magunguna sannan muka fita wajen gari a daidai matsayar da Mahaifina ya sanar da jama'a za a haɗu domin ya rarraba wuraren da za a tunkara. Ilahirin mutanen da ke wurin maza ne sai mata biyu daga ni sai Dela wacce ta kasance ƙawa ce a wurina kuma aminiya, ta kasance ƙanwar saurayina Goga kuma duk farautar da muke fita kusan tare muke fita. Goha na ganina ya ƙaraso wurina haɗe da kara gorarsa jikin tawa yana faɗin, "Dawa dai Sarauniyar kyawawa, ko yau ko gobe sai daji ya buɗa miki a lokacin farauta." Cikin so da ƙauna na mayar masa da martanin murmushi haɗe faɗin, "Sa'a dai jarumina Abar bauta ta tsarkake duk wuya duk daɗi sai ka kai labari."

Lokacin da muka gama taruwa a wurin Muzuru uban balbela ne ya fara busa ƙaho nan take wurin ya ɗauka haɗe da bushe-bushen hayaƙin magani. Mahaifina ne ya ɗaga gorarsa sama nan take wurin ya yi tsita kowa yana sauraron abin da zai faɗa. Sai da ya kalle mu ɗaya bayan ɗaya sannan ya furta, "Gaisuwa ga zuri'ar Maharba an buga da ku an bar ku. A daka a kirɓa sai gwaza maza kuke gumbar dutse kowar ja da ku na yarje muku ɗan butar nan ku kai shi ƙasa ko da Ubanai yake yawo, wuya a dajin gudundu wuya a hanyar gwiɓau wuya a artabun baƙin daji wuya a ƙasurgumin dajin farautar gumurzin maciji aradu ko wuya ko daɗi sai mun saro kansa don bin umarnin abar bauta." Yana gama maganar cikin haɗin baki muka furta, "A lafiya mazaje sai kai hayaƙi mai sanya hawaye a idanun jama'a ko maza ko mata, sa'a dai cau cau cau Abar bauta ta buɗa mana." Murmushi ya yi ya karyo ganyen ƙafar shamuwa ya murtsuka a cikin wani ƙaton daro wanda yake cike da ruwa. Sannan ya ciro wata ƙanƙanuwar layar da ke wuyansa ya tsoma ta a ciki ya cire, ya fara karanta waɗansu alƙaluman tsafi sannan ya tofa a ciki. Ɗaya bayan ɗaya haka ya riƙa ba mu muna muka sha sannan ya rarraba mu gabas, yamma, kudu da arewa. Mahaifina ne ya fara kukan kura ya wuce gaba sannan mu da karnukanmu muka rufa masa baya kowa ya bi hanyar da aka ba shi umarni ya bi, take ƙura ta turnuƙe wurin cike da rashin tsoro muka tunkari dajin Bawaya dajin da ko mahaifina ya sha ba ni labarin hatsari da sarƙaƙiyar da ke cikinsa. A tarihin garinmu tun kafuwar dajin ba a taɓa samun mutumin da ya shiga dajin ya dawo da ransa ba, hasali duk irin tasirin farautarmu mahaifina ya ba ni labari sama da shekara talatin kenan babu wanda ya taɓa saka ƙafarsa cikin dajin da sunan farauta saboda Abar bauta ta dakatar da shiga dajin, har sai a wannan ranar da ta bayar da umarni farautar macijin.

A lokacin da muka nutsa dajin mun yi tafiya mai nisa muna cin karo da manya da ƙananan dabbobi, tun muna tafiya da yawanmu har ta kai ga mun rarrabu kowanne ya yi hanyarsa, sai ya rage daga ni sai Nalami autan kunkuru muka ci gaba da nutsawa cikin ƙasurgumin dajin. Haka kawai na ji kaina na sarawa tsigar jikina na tashi yanayin da bai taɓa riskata ba, ga wani irin jiri da yake ɗaukata lokaci-lokaci. A hankali na dafa wata baƙar bishiya haɗe da jingina kaina a jiki saboda yanayin da nake ji ga wani irin sara da nake ji a duk gaɓɓan jikina, Nalami ne ya ƙaraso wurina cikin ƙarfafa gwiwa ya furta min, "Zuri'ar Maharba bata daga cikin raunana don haka babu namin dajin da zai yi galaba akan ki albarkacin tsafi da Abar bauta." A hankali na yunƙura ina faɗin, "Nalami jikina yana ba ni wannan shi ne dajin Bawaya dajin da za mu yi baƙin artabu da hatsabibin macijin nan." Waige-waige ya fara yi hannunsa riƙe da itace mai ɗauke da harshen wuta ya fara haskawa. Garin ganyen idon rana ya kunto daga ƙugunsa sannan ya fara turarashi, sannu a hankali muka fara ganin wata irin walƙiya haɗe da mummunan gurnani mai tarwatsa zuciyar ƙananan jarumai. Miƙe wa na yi a hankali na ƙara ƙwarara gwiwata sannan na ci gaba da baza kunnuwana don jin daga wurin da macijin zai bayyana. Daga gefen da na tashi na ji abu na motsi nan take muka ƙurawa wurin ido, wani abin tsoro a tunaninmu a jikin bishiya muke ashe girman macijin ne ya yi tamkar wata murgujejiyar bishiyar kuka. Baya muka fara yi sai da muka matsa sosai na hangi wata sarƙar zinare da tagulla a wuyansa, idanunsa na fitar da wani hasken kaɗan-kaɗan. Nalami ne ya kwarara ihu nan take dajin ya amsa, ya zabura a guje da niyyar tunkarar macijin gadan-gadan. Da sauri na riƙe shi muna haɗa ido na furta masa, "Ba a gaggawar gasgata ɗan ɓarawo har sai an jarraba shi. Ba ta haka za mu ɓullo masa ba dole sai mun yi takatsantsan." Gyaɗa min kai ya yi a hankali muka zaro bindigarmu, muka saita shi sai dai wani abin mamaki nan take bindigar ta fara fidda farin hayaƙi. Daga can bayana na fara jiyo ihun wata mace, sosai na kasa kunnena duk da ina gaban baƙin macijin da koyaushe zai iya hallaka mu. A hankali na riƙa ja da baya ina bin hanyar da na ji sautin wannan matar yana tashi, ƙarasawata bakin wani ɗan kogo ya sa na fahimci daga wannan wurin sautin yake fitowa. Leƙa wa na yi ina zura harshen wutar don haska abin da yake ciki, nan take na ci karo da wata mace mai tsoron ciki wacce da alama naƙuda ce ta taso mata gadan-gadan. Kallon tuhuma na bita da shi a lokacin da ta ɗago hannun tana miƙo min alamar na taimaka mata, garin ƙafar rauhanai na ɗauko na turara don na tabbatar da mutum ce ko kuwa iska ce take son cutar da ni. Wannan garin mahaifina ya samu laƙaninsa a wurin Mahaifinsa yana taimakawa wurin farauta a duk lokacin da kake kokwanto kasancewar hallita. Ganin bata ɓace ba ya sa na kutsa kaina ciki na tsugunna a wurinta ina faɗin, "Ga ki jinsin mutum amma meye ya kawo ki wannan baƙin dajin da tsohon cikinki?" Kamar kurma haka ta rikice tana kuka ta rungumo ni jikinta tana shafa ni, ban fahimci abin da take nufi ba don haka na buɗe baki zan yi mata magana na ji ta riƙe ni sosai ban yi aune ba na ji kukan jariri ya ratsa kunnuwana, ajiyar zuciya ta sauke ta ɗago jaririn haɗe da saka wani fiƙaƙƙan itace ta yanke masa cibiya. Ganyen fatar da ke kare da gefen ƙirjina na ciro na miƙa mata ta naɗe jaririn da shi, ta ɗago ta kafe ni da idanunta ganin haka ya sa na yunƙura zan miƙe na ji ta ruƙo hannuna. Sai kawai ta fashe da kuka tana faɗin, "Albarkacin Sha kundum ki taimaka ki karɓi jaririn nan saboda kin kasance daga cikin masu sa'a, a ƙallah na shafe sama da shekara ashirin da biyar a cikin baƙin dajin nan ban taɓa ganin wani mahaluki ya shigo shi ba. Sha kundum ta yanke mini baƙar wahalar da na jima ina sha ga shi har zuwanki ya zame min waraka, ni kam na san tawa ta ƙare amma ki taimaka ki ɗaukar min alƙawarin kula da jaririn nan kuma ki min alƙawarin za ki sada shi da wata Daula mai cike da sarƙaƙiya da rikitattun al'amura. Ki yi min alƙawarin duk daren daɗewa za ki sada shi da mahaifinsa idan har yana raye, duk wani ƙarin haske zan baki dange da waye mahaifinsa domin kafin zuwana nan mahaifinsa shi yake mulkar Daular bakiɗaya. Kamar yadda ƴar uwata ta gaya min ga shi yau ya tabbata, ta saka boka ya aiko rauhanai sun kawo ni nan ne domin biyan buƙatar kanta. An kawo ni nan an tsaface ni ta yadda ba zan taɓa haifar abin cikina ba har sai ranar da wani jinsin bil'adam ya kawo ziyara wurin nan. Ta alƙarwarta min za ta auri mijin kuma za ta salwantar da rayuwar yarima, don ta gaya min koda wani ya shigo wurin nan ba zai taɓa ɗauka ni mutum ba ce duba da dajin nan yana da kamanceceniya da dajin ƙare kukanka. Sai ga shi yau na haife cikin da ya shafe shekara sama da ashirin da biyar a jiki, tabbas wuya bata kisa kuma na amince Maharba na da farar zuciya domin da mutanen yankina ne sai dai su kashe ni su zari abin da yake cikina."Jikina ne ya yi sanyi da jin kalamanta, na dube ta cike da tausayawa na furta, "Ki taso ki biyo ni na yi alƙawari zan taimaka miki. Amma ba zan tafi da jaririnki ba domin ni ma wani aiki ne a gabana na sarar kan macijin da ke cikin dajin nan." A madadin ta amsa mini na sai na ga ta saki murmushi tana faɗin, "Sara da makami ba zai taɓa baki nasarar kashe macijin can ba, ki ɗebi ciyawar tukunyar maƙiya ki murje a hannunki da shi, sannan ki shafe duka jikinki sai ki saka ƙwara uku a baki ki tauna ki tunkare shi cikin jarumta ki tabbatar da kin kai kansa doron ƙasa, domin wannan ne kaɗai makarin ruhinsa shi kenan za ki yi nasara akansa." Da mamaki na dube ta na furta, "Ya aka kika san haka?" Ta rungume jaririnta haɗe da bashi mama ya kama yana sha sannan ta furta, "Shekara ashirin da biyar a dokar dajin nan ba wata ashirin da biyar ko makwanni ashirin da biyar ba ne. Ki yarda da ni ba zan cutar da ke ba kuma ki yi min alƙawarin za ki kula min da yarona har ki kai min shi mahaifarsa." Tana rufe bakinta na ji ihun Nalami don haka a gaggauce na amsa mata da na amince na fice daga cikin kogon, a kwance na same shi shame-shame cikin azaba. Yana jin na taɓa shi ya furta, "Kar ki wahalar da kan ki a kaina mutuwa zan yi Kyauta, maza hanzarta ki kare kan ki kada a yi biyu babu." Magungunan saran macijin da ke ɗaure a ƙuguna na kunto ina saka masa amma babu wanda ya yi aiki, ina shirin kun ce wani na ji ya riƙe hannuna yana faɗin, "Wannan ba kamar sauran macizan da kika sani ba ne, ki bar wahalar da kan ki tawa ta zo ƙarshe. Sa'a ta kai miki abar bauta ta baki nasara akan wannan macijin cau cau cau mai gayya mai aiki." Hawaye ne ya zubo min a hankali na furta, "Jarumi uban yaɗiya ya amshi ziyararka, dawa ba daɗi a dajin Bawaya." Ina ji ina gami numfashin Nalami ya ɗauke, gurnanin macijin ne ya sake ankarar da ni don haka na miƙe da sauri na fara lalubar ciyawar da matar nan ta faɗa min, dama na santa a ido sai dai ban san laƙanin da ta sanar da ni ba. Na jima ina abu ɗaya har muka fara wasan ɓuya da macijin yana watso min dafinsa ina kaucewa. Har na fara fidda rai sannan na hangi ciyawar a saman wani shuri, da sauri na dira a kan shurin nan take ya rushe na tsinki ciyawar na murjeta na fara shafe jikina.

Kai tsaye na tunkari macijin ya fara ja da baya ganin yana shirin guduwa ya sa na tafi da gudu na damƙi jikinsa, laushi ya fara yi da sauri na ɗare samansa ya tura kansa a doron ƙasa nan take ya faɗi matacce. Takobin da ke rataye da ni na zaro ba a ɗauki lokaci ba na datse kansa, na sakala takobina ta cikin ƙwayar idonsa na fara jan kan da karfi don nauyin kansa ya kusa girmana a a tsaye. Bakin kogon na ƙarasa sai dai wani abin mamaki na nemi matar sama ko ƙasa na rasa sai jaririnta da ke gefe yana mutsu-mutsu ga wata azurfa a kan cikinsa da wata ƙaramar aska. Daga wurin ƙafafuwansa wani ƙaton ganye ne da aka zuba wasu abubuwa da ban san na meye ba. A hankali na ƙarasa na ɗauki jaririn na rungume tare da kwaso kayan da ta ajiye masa, na fara jan kan macijin a wahale sannan na ɗauki hanyar da za ta sada ni da yankinmu.

Daular Sarki Damina.

Tun da boka mai zamani ya ji muryar babban bawa sarki Damina da sauri ya sanyar jelar dokin hannunsa a cikin sihirtacciyar ƙorama ya yarfawa Usaina ruwan, nan take ta ɓace daga wurin. Shigar Jakadiya ya sa Boka mai zamani ya buga mata tsawa don ya tabbata ta ji duk irin tattaunawar da suke yi, a madadin Jadiya Lami ta razana sai ta rushe da matsanancin kuka tana birgima haɗe da dafa ƙafafuwan boka mai zamani. Mamaki ne ya kama shi matuƙa don haka ya zura mata ido yana shirin magana, sarki Damina ya kutso kai cikin kogon dutsen. Shigar su ke da wuya rijiyar ta sake sakin wata razananniyar tsawa wacce ta sake ba wa boka mai zamani tsananin mamaki, don rabonta da yin haka tun lokacin da yake yaƙinin an sake haihuwar Ƴar sarki Damina ta uku wacce tankasance macce. Sarki Damina ne ya buga wa Jakadiya Lami tsawa yana faɗin, "Me kike yi a wurin nan da tsohon daren nan?" Jakadiya Lami ta sake