You Cannot Download this book untill you login but you can read it .

---

Login Register

ga alama amma ka taimaka min da abin da zan kashe wutar nan ina cikin tashin hankali." Aljanin na jin haka ya ɗiga masa wani yelon ruwa akan ƙasar kabarin tafin hannunsa yana cewa, "Ka murje ta da ƙasar hannunka sosai sannan ka je ka watsa wa wutar, wannan ruwan da ka gani fitsarin ɗan autana ne na lakuta maka shi da ƙasar kabarin can su za su kashe wutar." Da sauri Boka mai zamani ya ƙarasa wurin da wutar take ci, yana watsawa kamar ɗaukewar ruwan sama haka wutar ta ɗauke sai wani irin hayaƙi mai wari da yake tashi a wurin. Daga can gefe Boka mai zama ya zauna yana sauke ajiyar zuciya ya dubi Aljanin yana faɗin, "Lamarin nan ya matuƙar gigita tunanina." Aljanin ya yi dariya mai kama da haniniyar doki sannan ya ce, "Na gaya maka wannan kaɗan ne ka gani matuƙar za ka tsaurara bincike a kan Sarauniya Shakundum." Yana rufe baki ya ɓace daga wurin. Yadda boka mai zamani ya ga rana haka ya ƙarasa ganin darensa idanunsa biyu yana saƙa da warwarar abin da yake daminsa, yau kaɗai ya sake tabbatar da zarginsa na baya. Ajiyar zuciya ya sauke yana gyaɗa kai sannan ya saki wani shu'umin murmushi ya ce, "Tabbas sai yanzu na fahimci kuskurena. Da alama Shakundum ta bayyana a cikin daular nan kamar yadda bincikena na baya ya nuna min tana gabda ƙarasowa Daular nan. Yanzu zamana a cikin kogon tsafin ba shi da wani amfani domin wacce nake zaune domin ita ta bayyana har ta bar cikin kogon nan, amma kuma zan zuba ido na ga abin da zai ci gaba da wakana a cikin Daular. Matuƙar na ga manyan alamomin da nake zargi tabbas kashina da na Usaina ya kusa bushewa. A zabure boka mai zamani ya miƙe kamar wanda aka tsirawa allura a cikin ido, gaban ƙoramar sihiri ya koma ya tsugunna ya hau binkice game da abin da ya shafi Sarki Damina da ƴaƴan cikinsa.

Ras! Ya ji gabansa ya yi mummunan faɗuwa bisa abin da idanunsa suka yi masa tozali da su, Sarki Damina ya gani ya bayyana sai waɗansu haske huɗu da ke zagaye da su. Daga bangaren gabas ya hangi wani ƙaton haske wanda ya shafe sauran gabaɗaya, hannu ya saka da niyyar shiga halararsa ya bincika alaƙarsa da Sarki Damina amma sai ya ga duhu ya mamaye wurin, duk iya bakin ƙoƙarinsa ya gagara gane abin da yake son gani. Cike da mamaki ya furta, "Kar dai wannan hasken ma yana daga cikin zuri'ar Damina? Kai an ya kuwa haka ba zai taɓa yiwu ba. Ya zame min wajibi na nemi Usaina mu tattauna domin mu samu mafita."

Kafin Sarki Damina ya ƙarasa gidan shaƙatawarsa tuni aka tuɓe su kandala kowacce sai kare jikinta take yi cikin jin kunya kasancewar haka bata taɓa faruwa da su ba, lokacin da ya ƙarasa yana shiga ya hau ƙare musu kallo ɗaya bayan ɗaya yana lashe baki domin ya jima bai haɗu da kyawawan ƴanmata kamar su ba. Kowacc ya je gabanta sai ya saka hannu ya ɗago haɓarta ya ƙare mata kallo tun daga sama har ƙasa sannan ya wuce wurin ta gaba da ita. Nan take ya ji zuciyarsa ta yi matsanciyar kamuwa da ƴanmata biyu daga cikinsu, kamar dabbobi haka ya saka su a gaba yana mu'amala da su, idan ya gama da wannan sai ya koma kan waccen. Ban da kuka da roƙo babu abin da suke yi masa, kallon Kandala ya yi wacce yake kwance share-share a jikinta ya furta, "Ƴan mata kukan me kike yi bayan a yadda na jiki kin saba, ba ni na fara sarrafa linzaminki ba?" Kuka ta fashe da shi a hankali ta furta, "Abar bauta ta shiga lamarinka amma ka taimaka ka ƙyale mu ya shugaba nagari." Duk da ya ji daɗin lafazinta duba da ƙanƙantar shekarunta ya sa ya dube sosai yana cewa, "Ba ma buƙatar jin wani abin bauta bayan Sarauniya Shakundum." Gyaɗa masa kai ta yi cike da gamsu, a yadda ta ji muryaraa ta yi tsammanin zai rabu da su kamar yadda ta roƙa amma sai ta ji ya sake lalubarsu yana ƙoƙarin biyan buƙatarsa. Babu yadda suka iya suna ji suna gani ya yi abin da zai yi da su ya gama sannan ya dube ta ita da Saro ya furta, "Daga yau ke da ita kun zama matan huce zafina." Za a bar ku a nan duk lokacin da na buƙace ku zan zo na same ku, kuma duk wacce ta nemi musamin zan sa a ɗauki mummunan mataki a kanta." Daga haka ya ɗauki wasu manyan ganyaye da yake rufe al'aurarsa ya ɗaura a ƙugunsa ya fice. Dakarun da ke bakin ƙofar turakar ne suka shiga suka fisgi sauran mutum ukun suka fita da su, aka bar daga Kandala sai Saro. Lokaci ɗaya suka rungume juna suna matsanancin kuka, kamar daga sama suka ji shigowar wasu ƴanmata wanda ko ba a faɗa musu ba sun fahimci bayi ne. Sababbin ganye suka kawo musu da abinci mai kyau sannan suka kalli su Kandala suna faɗin, "Tabbas kuna cikin masu daraja tun da a yau haɗuwarku kaɗai da Sarki har ya ƴanta ku. Ku taimaka ku roƙar mini Sarauniya Shakundum ta sassauta min baƙar wahalar da nake sha." Daga Kandala har Saro babu wacce ta tanka mata sai binta suke yi da kallo, don su ko kaɗan wannan ƴantawar bata faranta ransu ba.

Asubar fari a sirrance Boka mai zamani ya rikiɗa zuwa siffar Tsuntsun kai tsaye ya tashi ya nufi cikin gidan Sarki Damina, daga kan katangar ɗakin Usaina ya tsaya yana wani irin kuka da ba kowa zai fahimci inda kukan ya dosa ba. Cikin bacci Usaina ta yi mafarki da Boka mai zamani yana tsala matsanancin gudu ga wata baƙar guguwa na biye da shi, tana daga nesa har suka tunkarota gadan-gadan. Duk yadda ta kai ga yin gudu abin ya gagara ko ƙafarta ta gagara motsawa, don haka ta fara karara ihun neman ceton sai dai bata yi aune ba baƙar guguwar ta turnuƙe su gabaɗaya. A zabure ta tashi zaune jikinta na rawa, sai da ta buɗe idanunta ta riski kukan tsuntsun kamar yadda ya saba zuwar mata a duk lokacin da yake da wata muhimmiyar magana da ita. A hankali ta miƙe ta fice ta bar Sarki Damina buɗe da baki yana sakin munshari. Tana fita ta buɗe wani ɗan ƙanƙanin ɗaki da je can nesa da ɗakinsa tsuntsun na ganin haka ya rufa mata baya. Sai da ya yi girgiza ya dawo suffarsa ta ainihi Usaina ta dube shi ta ce, "Mai zamani akwai matsala." Boka ya dube cikin damuwa ya ce, "Ita ce take tafe da ni. Ni na ga masifa yau ganin idona." Nan take ya bata labarin duk abin da ya faru a kogon Tsafinsa, tana gama jin jawabinsa ita ma ta zayyana masa abin da ta gani a mafarkinta sannan ta ɗora da cewar, "Sirrantaccen bawana ya sanar da ni abin da ya hana ni bacci, wannan baccin ma da ya ɗauke ni ɓarawo ne kuma rabon zan ga wannan mafarkin ne. Ya sanar da ni an kawai Yarima yanmata shabiyar kuma tun da ya gama mu'amala da su yake wani irin bacci da bai taɓa yin irinsa ba. Yana farfaɗowa ya fara wani irin tarkacen amai, kasan aman me aka ce min ya yi?" Boka ya girgiza mata. Usaina cike da damuwa ta ci gaba cewa, "Ina laƙaninnikan da ka ba ni na bashi yana yaro?" Boka ya gyaɗa kai.Ta sauke ajiyar zuciya ta ce, "Su ya amayar an ce har da baƙar allura da kan maciji. Kai ba za su lisaafu ba kuma wai yana dawowa hayyacinsa ya fara cewa me yake yi a wannan gidan. Mai zamani in taƙaice maka labari alamu sun nuna Yarima ya dawo hayyacinsa don har ni da Damina mun je mun gano halin da yake ciki." Boka mai zamani ya yi taku biyu jiki a sanyaye ya ce, "Ta faru ta ƙare... Amma duk da haka ba za mu tozarta ba zan kira Manyan baƙaƙen aljanun ƙarƙashin ƙasa na nemi agajinsu. Abu ɗaya nake so da ke." Usaina ta zuba masa ido tana jiran jin ta bakinsa, boka mai zamani ya ci gaba da cewa. "Ko da wasa kada ki yadda Damina ya lura da halin da kike ciki. Ki sani har yanzu yana kallonki da sunan Hasana, ki nuna masa kin fi kowa farinciki da samun lafiyar Yarima haka zai sa mu sake samun yadda za mu murƙushe rayuwarsa." Usaina ta saki dariyar ƙeta tana faɗin, "Kada ka manta ni ce fa Usaina. Bari ka ji ko ni ina tsoron shu'umancina ba don komai ba sai don sanin makircina. Waɗannan ƴanmata sha biyar da aka kai wa Yarima dole su baƙunci lahira ko ta tsiya ko ta arziƙi. Kuma samun lafiyar Yarima ba shi zai sanyayar da ni ko ya ba shi damar ɗarewa karagar mulki ba, na yi rantsuwa da tsantar makircina ko da Hasana za ta dawo Daular nan Damina ba zai taɓa aminta da ita ba balle Yarima da nake kallo a tafin hannuna nake iya sarrafa linzamin rayuwarsa yadda nake so." Cike da jin daɗi Boka ya ruƙo ƙugun Usaina ya ce, "Ba don ni nake haɗa miki kayan mallaka ba da sai na ce an ya ba maƙale mata kika yi min ba Usaina? Ba na gajiya da ke da duk wani abu na jikinki, a yanzu da za ki ba ni dama da na huce tulun zafin da ɗauko daga cikin kogona. Amma yanzun ma ba zan ce komai don kin wuce tunanin duk wani mai tunani shalelena, ina fatan dai watarana ba za ki harba min ƙarinki ba dom ba zan iya jurar budulcinki ba." Usaina ta ci gaba da hillatar boka mai zamani tuni suka faɗa duniyar masha'arsu cikin kissa ta furta, "Ka bar min komai a hannuna sauran bayanin za ka ji daga baya. Mai zamani idan na yi maka butulci ai sai na ɗaiɗaice wa nake da shi da zan jingina na ji daɗi. Wancen lusarin mijin nawa kowa?" Boka mai zamani ya taɓe baki ya ce, "Haba Usaina ko kin manta na san kuna ƙulla irin wannan alaƙar da wannan sirrantaccen bawan na ki." Sai da gaban Usaina ya faɗi amma da yake ta ita bariki sai ta wayance ta ce, "Hmm idan wannan bawan ne kar ma ya dame ka domin ina nuna masa kulawa ne domin biyan buƙatar kaina ya ci gaba da yi min biyayya yana kawo min saƙƙonni. " Tana gama maganar ta ci gaba da rikita mai zamani da salo kala-kala.

Lokacin da Sarki Damina ya tashi daga bacci tuni Boka mai zamani ya gama abin da zai yi ya yi gaba, da tarairaiya ta tarbe shi sannan ta furta, "Na yi mamakin yadda ka iya yin bacci a daren yau." Murmushi ya yi yana shirin magana ta ci gaba da cewa, "Farincikin samun lafiyar Yarima ya fi min komai don haka yau ko kaɗan ban runtsa ba. Idan ban manta ba rabona da farinciki irin wannan tun kafin samun ciwon Yarima yau sama da shekara ashirin da wani abu. Kai gaskiya mun gode wa Shakundum ta dubi roƙon da muke yi na tsawon shakaru."Sarki Damina ya faɗaɗa fara'arsa yana faɗin, "Hasana ban da bacci ɓarawo ne babu abin da zai hana ni kwana idanu biyu, kin ga maganar boka mai zamani ta fito fili da ya ce min Yarimana zai warke. Sai dai wani hanzari ba gudu ba, ya ce min yarinyar da zai kusanta ita ce silar samun lafiyarsa kuma har da albarka Ɗa ko Ƴa a tsakaninsu." Ras! Gaban Usaina ya faɗi, a zabure ta furta wannan saduwar da ya yi da su ko kuma wata nan gaba?" Kai tsaye Sarki Damina ya ce, "Wannan dai kin ga ya zaman wajibi na sa a binciki yarinyar don dole Yarima ya aureta tun da na lura alheri ne tattare da ita kuma ƴar baiwa ce." Usaina ta fara sosa kai wani abu na taso mata mai ɗaci a maƙogaro sai kuma ta wayance da cewar, "To mai zai hana ka sa a tara ƴaƴan nawa a bincike su idan aka gagara ganewa ka ga ba sai ka saka a killace su ba, idan aka killace a wani gidan ana kula da su da sannu za a ga wacce take da juna biyu a cikinsu. Idan kuma haka bai yi ba sai ka saka Boka mai zamani ya yi maka bincike a kansu." Cike da jin daɗin shawararta ya rungumeta yana buga bayanta ya ce, "Shi ya sa nake ƙaunarki Hasana, ke wallahi kin ga dai ƴar uwarki Usaina ta mutu ko amma ko ita da kuka kasance ƴan biyu ba za ta nuna miki kaifin basira da tunani ba domin sam hali da tunaninku ba ɗaya ba." Wani abu ne ta ji ya soki ƙirjinta har sai da fushinta ya baiyyana a fili, ganin haka ya sa Sarki Damina ya yi tsammanin ko don ya faɗi wannan maganar game da ƴar uwarta ne ta ji haushi, cikin lallashi ya furta. "Ki yi haƙura ban faɗa don na ɓata miki ba sai dai yabon gwani ya zama dole." Usaina ta wayance tana murmushi ta furta, "Wannan haka ne. Yanzu dai idan an jima zan leƙa na ga sauƙin jikin Yarima, idan ya so sai ka yi yadda na bada shawarar ina ganin zai fi." Sarki Damina ya amsa mata. Daɗi ne ya kamata don ta san duk shawara ɗaya da ta bayar idan aka ɗauketa dole za ta samu mafitar da za ta hallaka su lokaci ɗaya ba tare da wani ya zarge ta ba.

Shiru na yi lokacin da na ji shela da sanarwar da aka bayar daga wurin Sarki, a tunanina zan iya ɓaddabami na saje da sauran bayin cikin wurin da muka samu a wurin, ina gani wasu daga cikin tsirarun ƴanmatan da aka tafi da mu suka fita wurin mai shelar. Ni da sauran mutum huɗu muka yi shiru kamar ba ma daga cikin waɗanda ake yi wa sanarwar, wani abin mamaki sai ga Dakarun na zaluƙo mu ɗaya bayan ɗaya duk da babu wani abu da za ka kalla wanda ya bambamta mu da waɗancen, idanu ne ya dawo kanmu nan take tsoro da fargaba suka mamaye zuciyata musamman da na tuna irin halin da muka baro yarima a ciki yana wani irin bacci da ban taɓa ganin irin munsharinsa ba. Hawaye ne ya zubo min na fara ayyana irin gashin-ƙumar da za a yi mana domin har lokacin matar da muka samu an farkewa ciki ta gagara ɓace min daga idanuna ba, kuka nake sosai saboda tausayin hukuncin da za mu fuskanta. Ganin haka ya sa ƴan uwana da aka tafi da mu tare suma suka mara min baya kowacce na zubar da ƙwalla, a gaban dubban jama'a aka sake jere mu sarki da muƙarrabansa suna cikin tanti a zaune. Karaf idanuna suka hango min shi a zaune kusa da Mahaifinsa, a wannan karon tsaf na gan shi cikin kyakkayawar shiga duk da ba wata sutura ce a jikinsa face ganye. Amma kana ganinsa za ka bambamce yanayin nutsuwarsa saɓanin jiya da muka same shi a hargitse, a hankali na furta, "Ko kaɗan ba zaci cutarwar da kake min a baya ta kai haka ba, sai ga shi ka raba ni da ƙimata da mutumcina da na jima ina yi wa Goga tanadi..." Maganar da Sarki Damina ya yi ce ta katse min kalamaina, ya miƙe tsaye yana kallon al'ummar da ke wurin yana faɗin, "Ya ku al'ummar cikin wannan Daula, ku yi sani Yarima Ɗana ɗaya jal tilo ya samu lafiya. Ya samu lafiya ne kamar yadda boka ya faɗa min a baya sanadiyar waɗannan ƴanmatan, don haka ya zama wajibi a gare mu; mu killace su domin suna daga cikin masu daraja." Yana rufe baki na ji duka sun ɗauki sowa da tafi cikin farinciki suka shiga raye-raye da bushe-bushe, sai da suka ɗan jima sannan Sarki ya ruƙo hannun Yarima ya fara takowa har gabanmu, tun da na ga haka gabana ya ci gaba da faɗuwa ina tsoron kada ya nuna ya sanni domin na san babu tantama shi ne mutumin da ke fitowa daga cikin tawagar da ke baƙuntar rayuwata. A hankali ya fara nuna masa mu ɗaya bayan ɗaya sannan ya bashi labarin zuwanmu da kai mu wurinsa da aka yi, bai tanka wa mahaifinsa ba illa gyaɗa kai kawai da na ga ya yi sannan suka koma suka zauna. Wurin zama aka nuna mana sannan aka kawo mana kayan ciye-ciye da lashe-lashe. Ina kai loma ɗaya bakina na ji ta min ɗaci sakamakon tuno iyayena da ƴan amanata da na yi, hawaye na goge a fakaice sannan na ci gaba da turawa ba don ina jin daɗinsa ba. An jima ana shagali sannan daga baya aka ɗauke mu daga wurin aka kai mu cikin gidan Sarki Damina, a wani ɗan ƙaramin gida aka sauke mu aka ba mu duk wani kayan buƙata tamkar waɗansu ɓangare daga jinin Sarki Damina.

Daga wurin taron kai tsaye Sarki Damina wurin Boka Mai zamani ya wuce, duk abin da yake faruwa ya zayyane masa da neman taimakonsa. Boka mai zamani yana son yin bincike a gaban Sarki mai zamani amma yana gudun kada wani abu ya faru marar daɗi har Damina ya ga gazawarsa. Don haka ya ƙarfafa masa gwiwa akan hukuncin da ya yanke na killace ƴanmatan a wuri ɗaya kafin cikin da ake tsammani ya bayyana. Cike da murna Sarki Damina ya miƙe har zai je bakin ƙofa Boka ya ce, "Damina ina fatan baka manta al'adar Daular nan ba ko?" A hargitse Sarki Damina ya juya yana faɗin, "Ta me fa?" Cikin rashin damuwa Boka ya ce, "Har ka manta sadaukarwar da ka yi wa Babban dodo abin da ka haifa na fari? Sanin kanka ne duk wani Sarki ko mai jiran gado dole ne abin da za a haifa masa na fari a sallama wa Babban dodo, idan kuma ba haka ba ka san abin da ya wakana ga mahaifinka kafin baƙuntarsa lahira." Dariya ya bushe da ita mai ƙarfi sai da ya yi mai isarsa ya kalli Boka ya ce, "A halin nake ciki ko uwarsa ka ce na sallamawa Babban Dodo zan bayar da ita balle abin da za a haifa masa, na yi alƙawarin a lokacin da yarinyar da ke ɗauke da cikin Yarima ta haihu ko mahaifa ba za ta kai ga faɗowa ba Jaririn zai dangana ga Babban dodo. Buri da fatana dama Yarima ya samu lafiya yadda zan samu magaji kuma ya samu ban damu ba, don haka idan ka cire Yarima da ni zan iya fansar da gangar jiki da ruhin kowa." Yana gama maganar ya fice daga kogon dutsen. Jinjina kai Boka mai zamani ya yi ya ce, "Tabbas kuwa ka yi shuka a idon makwarwa waɗannan kalamai naka tamkar a kunnen Usaina ka yi su."

Zamanmu a cikin gidan Sarki Damina babu yabo babu fallasa domin duk wani abin buƙata babu wanda muke nema mu rasa, sai dai tuni kwanciyar hankali ta yi ƙaura a gare saboda kullin tunani ɗaya a wane hali iyayena da ƴan amanata suke. Ga ƙarin takaici ɗan gidan da aka kai mu a ciki muke rayuwa ko soro ba a bari mu je, sa dai kusan kullin Mahaifiyar Yarima takan kawo mana ziyara, a yadda na lura macece mai mutumci da sakin fuska. Kullin cikin jammu a ciki take tana kawo mana hira masu daɗi da kwantar da hankali, don haka ya sa a duk lokacin da ta shigo wurinmu take tambayarmu matsalolin da ke damummu. Kwananmu goma sha biyu a cikin gidan na fara ciwon kai mai zafi ga yawan kasala da tashin zuciya, sautari a duk lokacin da na ci abinci sai dai na fakaici idanun sauran ƴanmatan da muke tare na tafi banɗaki na kyalaya amaina a can, wannan sauyin da na gani ba ƙaramin ɗaga hankalina ya yi ba domin duk wasu alamin ciki ya bayyana a jikina, ranar da mahaifiyarsa ta shigo wurin mu da yamma haka kawai na ji turaren jikinta na tayar min da zuciya. Na tsugunna ina gaishe na ji na gagara daurewa sakamakon aman da nake jin ya taso min, da gudu na nufi bakin rariya na fara amai kamar zan amayo da ƴaƴan cikina. A wahalce na dawo ina shirin zama mahaifiyar Yarima ta ruƙo hannuna tana duba tafin hannuna, tana gama duba hannuna ta gwala idona tana ƙarewa ƙwayar idona kallo. Sunkuyar da kai ƙasa na yi na ji ta ce, "Tun yaushe kika fara yin aman nan?" A hankali na furta, "Yau kwana uku."


Tirƙashi! Tabbas yanzu wasan ya fara, kurunkus dai tun da Usaina ta fahimci Kyauta na da ɗan bayani a jikinta🤣🤣🤣 Sai dai akwai ƙura fa wai za a sadaukar da abin da ke cikin Kyauta😰😰😰 Me kuke harsashe shin za su nasara ko yaya? Ina labarin iyayen Kyauta? Shin Kandala ta hallata ta zama matar Sarki Damina kar fa aje allura ta tono garma? Wane ne mai kama da Yarima da yake baƙuntar Kyauta shin wane katon haske Boka ya gani a gefen Sarki Damina? Meye alaƙar Kyauta da Sarauniya Shakundum, kuma me ya sa boka ya gagara gano bincike a kanta? AKWAI TAMBAYOYI DA YAWA DA CI GABAN LABARINE ZAI FAYUACE MUKU💃🏼 Wollah na gaya muku salon labarin nan na daban ne kada ku bari a yi babu.🤭


*KU MATSO KU TAHO*💃🏼

Wannan labarin salonsa na daban ne💃🏼 cike yake da sarƙaƙiya da tsananin ban tausayi😰 ku dai kar ku bari a yi babu ku.🏂

Littafin kuɗi ne idan kina buƙata 400 ne ta Account 3090957579 Aisha Adam, First bank. Za ki turo evidence ta wannan lambar 0706 206 2624 Idan kati ne MTN. Idan kika bari na kammala cmplt 700 ne.

Idan kin san kin sayi ɗaya daga cikin litattafan nan *AN YA BAIWA? KO DUBU JIKAR MAI CARBI KO ZAUJATU JINNUL-ASHIQ* za ki biya 300 wannan ragin na waɗanda suka sayi wannan littafan nan ne kaɗai.💃🏼

Na ɗaga hannuwa riƙe da takobi da kwari da baka na salaƙe na sunkuyar da kai ina miƙa gaisuwa da kirari cau cau cau cau, sai ni Ameera 'yar Alhaji Adamu Amiriyan Mamanta, uwar Aslam da Ayman Amanar Oganta turmi sha daka 🥰
Wiiiiiiihuuuuuuhuuuu mace mai kamar maza ko cikin maza sai an duba domin wuya ake yi wa lissafi daɗi sai an jinkirta. Allah dai ya biya wuya a ƙofar Na'isa, wuya a ƙofar Kabuga wuya a ƙofar Nasarawa wuya a doka wuya, wuya a ƙofar kansakali mun buga a dajin Jemagu mun buga a dajin Falgore ko dajin Sambisa albarka. Sai ni ƴar Kanawan dabo amanar mutanen Rigana, idan ka ga matsoraci ko rago a Rugana baƙo ne domin jarumi ba'a nuna masa hanya, sa'a dai 'yar gaban goshin *FIRST CLASS WRITER'S* Amanar Marubuta La'ilaha'illahu. Sai ni ta hannun Matar Habibu ni ce dai ƙawar Mum Amnash amanar Masoyanta, cau cau cau cau makaranta ku matso ku ji wannan kafcan don idan kika bari aka yi babu ke an barki a baya. Domin duk wacce ta bari aka yi wannan tafiyar babu ita ta fita daga cikin jaruman mata masu aji.🌚

*Ummou Aslam Bint Adam*🌚
[11/5, 3:26 PM] Mai Agogo: *ZAUJATU JINNUL-ASHIQ*


© *AMEERA ADAM*

Littafin kuɗi ne idan kina buƙata 300 ne ta Account 3090957579 Aisha Adam, First bank. Za ki turo evidence ta wannan lambar 0706 206 2624 Whatsapp only Idan kati ne 300 MTN.

*FIRST CLASS WRITER'S ASSO...*

FREE PAGE 2

https://chat.whatsapp.com/J0qrgC0rXNQ57u50VzeewR

A hankali Jabun Raihan ta fara bin ɗakin da kallon, miƙewa ta yi ta fara buɗe drowers ɗin kayan Raihan sai kuma ta bi hotunan ɗakin Raihan da ke maƙale a jikin bango tana kallo ɗaya bayan ɗaya, tana jin motsi ta koma wurin kayan abincin ta zauna. Kallon abincin take don sam bai