You Cannot Download this book untill you login but you can read it .

---

Login Register

fara laftawa a jikina da fuskata cikin ikon Allah sati guda fuskata tayi haske nayi ta murna ina jin dadi sai dai duk shafawar da nake a hannuwa da kafafu na ba suyi haske ba. Nace."Samira bana so fuska tayi haske jiki ba'ki kamar wata 'kazama.''

Dariya tayi tace."Sai a hankali ai kedai ki cigaba da shafawa ai baki da matsala tunda kina da Shahid." Murmushi nayi nace."Samira wallahi Shahid mugun tausayi yake bani sai ci masa kudi muke alhalin ba sonsa nake ba.

Tana dariya tace."Rabu da shashasha mara wayo kawai ai wasu mazan sune suke janyowa kansu suna da kudi iyayensu basu isa suci ba sai 'yan mata ni wallahi bana tausayinsa.

Nace."Allah ya kyauta dai kwana biyu bamu waiwayi Uncle ba yau mu rubuta masa text mai zafi."

Tace." To shikkenan me za'a rubuta."? Wayar na kar'ba daga hannunta ina murmushi lumshe ido nayi tare da saukar da ajiyar zuciya na fara rubuta text din ina jin wani zazzafan feelings a tare dani.

Bayan na gama rubutawa na mika mata wayar a sanyaye nace "Karanta." Ta karba da sauri tana dubawa.

Ta kalleni da mamaki a tare da ita tace."Ke Surayya ki goge wasu abubuwan kamar bai dace ba." Harararta nayi nace."Dallah ki tura masa ni babu abinda zan goge.'' Murmushi tayi tace."Surayya kenan wallahi ni abin ma dariya yake bani.

Tsaki naja nasa hannu da niyyar kwace wayar ta janye da fadin.'' Bari a tura masa tunda kince ba zaki goge ba." Ajiyar Zuciya na sauke lokacin da naga text din ya tafi nace." Tashi muje mu sayi abinda zamu ci." Wayar tasa a jaka ta mike muka bar gurin.


Lokacin da ya karanta text din sai da tsigar jikinsa ta tashi abinda ya kwana biyu bai Ji ajikinsa ba ya tashi Sha'awa mai tsanani ta tayar masa hakika text din ya tayar masa da hankali mutuka......Ga abunda yake rubuce a text din.

_Assalamu alaikum Habibi ina fatan kana lafiya to Allah yasa haka ameeen. Nice dai wannan mayyar mai nacin sonka da begenka ba zan gaji da fad'a maka cewa kai d'in kaine rayuwata dan kai aka hallice ni shiyasa yau nake so na tabbatar maka da cewar kaunarka da sha'awar ka su zasu zama ajalina Jiya nayi mafarki muna bargo daya muna rayuwar aure kana cikin biya min bukata na farka daga bacci yanzu haka ina cikin mawuyacin hali cikina sai ciwo yake mara ta tana ciwo Breast d'ina suna bukatar agaji daga gurinka tun asubah nake kwance ina murkususu saboda sha'awarka Mylov my heartbeat kayi wani abu a kaina kada na rasa rayuwata._
*Daga S-R-Y*

Cikin mutuwar jiki ya mika hannu ya dauki wayar text din yake nanatawa.......Da sauri ya mike yana bin harufan da kallo *S-R-Y* yau dai sai yayi binkice akan al'amarin.

Ya jima yana mamakin abin *S-R-Y* Yana nufin Surayya ya tsirawa kasan kafet ido yana nazari da tunanin akan yarinyar a iya tunaninsa yarinyar bata da wayon da za tayi wannan shaid'ancin yafi zargin wata Surayyan ba ita ba amma dai zai tsaurara binkice akan al'amarin.

Number ya kira yasa wayar a kunnansa....Lokacin muna kokarin shiga Class gabanta na faduwa ta nuna min. Naja hannunta muka 'boya a bayan bishiyo kar'bar wayar nayi nasa a kunnena amma banyi magana ba. Muryarsa ce ta doki kunnena na zabura! wayar ta kusa faduwa. shuru nayi jikina duk ya mutu.

Yayi gyaran murya da fadin."Surayya ko ba da ita nake magana ba."? Shuru nayi gabana na dukan uku-uku......Murmushi yayi sai naji wani yarrrrrr! na zube kasan ciyayi ina sake makale wayar a kunnena.

A hankali yace."Ina samun messages d'inki nagode kwarai kina wane gari ne."? Shuru nayi jikina sai kyarma yake...........Ya cire wayar daga kunnanshi yana dubawa yace."Surayya kina jina." ? Da sauri na kashe wayar ido jawur! na zuba mata ido. Tana dariya tace."Alhamdulillhi Nasara ta fara samuwa.'' A sarqe nace."Samira ina jin tsoron ya gane nice."


Tace."Ki cire tsoro kawata ai soyayya ba karya bace yanzu dai tunda har mun samu ya fara amsa mana sai mu sake zage dantse." Na mike ina karkad'e jikina nace."Gaskiya ne wallahi ba kiji farin cikin da nake ciki ba Samira nagode ke d'in 'kawar amana ce ina alfahari dake." Murmushi tayi tace "Muje kawai kada wannan masifaffiyar malamar ta shiga ajin.

Muna fitowa daga tsakanin ciyayi muka hangoshi can saman baranda da waya a hannunsa yana dubawa......Cikin sauri nace." Samira yi maza ki boye wayar hannunki ga Uncle can saman baranda.....Hannu na rawa take kokarin sanya wayar cikin jaka aikuwa ta fadi a gurin.....Cikin tashin hankali na kareta ta tsuguna da sauri ta had'e wayar tasa a jaka.

Duk abinda suke yana kallonsu kuma ya fahimci abinda suke 'boyewa abin ya bashi mamaki mutuka ashe duk tsaurin sa da jajurcewarsa akwai masu karya masa dokar makaranta Lallai sai ya kara tsaurara tsaro don ya lura masu bleaching sun dawo har da ita yarinyar da yake zargi duk da ba wani cikakken kallo yake mata ba amma ba haka ya san ta ba ita din baqa ce amma cikin kwanakinan ya ga fuskarta tayi haske lallai dukkaninsu zasu ci ubansu.

Sai da ya bari kowa ya sankankace ya saki jikinsa ya shedawa Uncle Bash abinda yake ayi Ranar litinin a gurin Assembly Uncle Bash yayi mana bazata gabadaya ya fito da mu mu kusan Talatin da bakwai aka taru a guri guda sai zazzare ido muke.

Ana tashi daga assembly ya tasa 'keyar mu zuwa ofis din mai gayya mai aiki.....Ni dai rasa bakin magana nayi ina jin sauran 'yan uwana suna ta surutai ko wacce tana kare kanta bakina ya mutu muna zauna muna jiran fitowarsa.


Tunda ya fito na kasa dauke idona daga kanshi yana sanye da kananun kaya wanda sukai masa mugun kyau as'usul kamar koda yaushe idonsa sakaye da farin gilashi ya dinga bin mu da kallo yana girgiza kansa wasu daga cikinmu har sun fara kuka suna bashi hakuri Uncle Bash yana tsaye a gefe da murtukekiyar bulala a hannunsa.

Babu walwala a fuskarsa da maganarsa yace."Wato kune gagararrun makaranta ko."? gurin yayi tsit!!! Ya cigaba da cewa." Anyi-Anyi daku ku daina abinda kuke amma saboda taurin kai kunqi shin wai don ubanku waye yake siya muku man bleaching ne."?

Kowacce tayi shuru yace."Na san dai da yawa daga cikinku samari ne suke siya musu ko ba haka bane."? Babu wacce tayi magana a cikinmu.

Yace."To yau idan akwai wacce ta shirya tayar da sarkin aljanu a makarantar nan ba zan fasa hukuncina ba." Ya kalli Uncle Bash da fadin." Bashir inaso da wannan bulalar ta hannunka ko wacce kayi mata ciki ashirin sannan ka kai su fuskar rana ka ajiye har a tashi.

"Uncle don Allah kayi hakuri wallahi mun daina don Allah uncle ka gafarce mu." Kujera ya nema ya zauna ya dora kafa daya kan daya babu fara'a ko ta kwabo a fuskarsa yace."Bashir ka fara aikin ka."

Uncle Bash ya murtuke fuskarsa ya gyara bulalar ta kan Samira ya fara ta dinga ihu! tana kokarin rike bulalar yana fuzgewa sai da yayi mata ashirin ciff! sannan ya fara laftawa ta kusa da ita.....Ofis din ya kaure da hayaniya da koke-koke da bada hakuri.......Ganin an kusa zuwa kaina sai hawaye suka kwace min na dinga sanya gefan hijabina ina gogewa jikina sai karkarwa yake......Ta gefan ido yake kallon duk abinda take ya dauke kansa tare da kokarin barin gurin.....Gurfana nayi gabansa murya na rawa nace."Uncle don Allah kayi hakuri wallahi ni bana bleaching haka kalar fatata take."

Ido ya tsira min fuska a had'e yace."Sakar min kafafu.'' Da sauri na saki dan ban san ma sanda na rike masa kafa ba.....Ofis d'insa ya bude ya shige abinsa.


Lokacin da Uncle Bash ya fara lafta min bulalar daskarewa nayi a gurin na takure jikina guri guda hawaye na zuba Uncle Bash a ko'ina duka na yake yi lokacin daya zabga min bulalar a kirjina na zabura da sauri na rike bulalar hawaye na karakaina a fuskata nace."Uncle Bash kayi hakuri ka dube fuskata da kyau wallahi sharri akai min bana bleaching. "

Ya fizge bulalar a zafafe! yace."Don Ubanki waye yayi miki sharri? ga zahiri nan fuskarki tafi jikinki haske sai naci ubanki yau." Ya daga bulalar zai zabga min na kurma wani uban ihu!!! na fad'i a gurin ina makyarkyata Uncle Bash ko a jikinsa ya zabga min bulalar hannunsa kan nonowana." Rintse idanuwa nayi ina kiran sunan Allah............... Hankalinsa a tashe ya fito ganinta a sheme a kasan gurin tana rike kirji sai hankalinsa ya tashi da sauri yace."A'ina ka dake ta ne."? Uncle Bash na huci! yace."Yallabai a jiki na doke ta kamar yanda na doki sauran 'yan uwanta."

Ya kalleni na sake lanjarewa a gurin ina janyo numfashi da kyar cikin kuka nake kiran wayyo kirjina zan mutu na shiga ukuna."


Hankalinsa gabadaya ya tashi ya kalleshi rai a bace yace."Ka doke ta a wani gurin da za kayi mata lahani ka san inda zaka dinga hukunci." Yace."Insha Allah za'a kiyaye." Hankalinsa a kaina yace."Kaje dasu ka basu horon dana ce." Da sauri ya amsa tare da kokarin barin gurin..........Ina kwance ina kallonsu ko wacce ta ta tashi tana matse fuska suka bi bayansa.

Ya kalleni da fadin."Tashi zaune." A raunane nace."Uncle ba zan iya tashi ba Kirjina ne yake zafi." Ya zuba min ido babu kiftawa. rintse idona nayi gabana na faduwa! maganarsa naji dab dani sai nayi saurin bude idona na ganshi tsugune a gabana ya k'urawa kirjina ido.....A zabure na mike zaune ina zazzare ido. harara ya watsa min da fadin." Kika ce ba zaki iya tashi ba." Shuru nayi ina kallonsa ya gyara fuska da fadin." Waye yake siya miki man bleaching...........!


*A taimaka da Shearing*





_*GA MASU BUKATAR LITTAFIN NORMAL GROUP #400 VIP #600 ACCONT.......0542382124....BINTA UMAR GTBANK.....IDAN KATI ZA'A TURO AYI MIN MAGANA TA WHASAP DA WANNAN NUMBERS ZAN FA'DI YANDA ZA'AYI*_
*07084653262*
*08089965176*
*BINTA UMAR ABBALE*

*_MUTANAN NIJAR IDAN KUNA BUKATAR LITTAFIN NORMAL GROUP DALA DARI VIP GROUP JAKKA DAYA KATIN AIRTAL KO ORANGE KU NEMI WANNAN NUMBER......._*
*22790899076*
*HAJIA FATIMA MUSA (MOMMY NIJAR)*
[9/25, 3:47 PM] Jamila Yushau: *MATSALAR MU A YAU!*
_(Labarin Surayya)_

*NA*
*BINTA UMAR ABBALE🍒*
*MANAZARTA WRITES ASSOCIATION🤝🏻*
____________________________

*SADAUKARWA NE GA:*
_(Surayya dee🥰)_

*Last Free Pege*
*29&30*
Sosai na dinga birgima a gurin ina rike da cikina tare da kiran Innalillahi wa'ina ilahi raji'un! Yanda nake zabga gumi zaku dauka da gaske nake nan kuwa tsabar tashin hankali ne ya sanya gumi ke yankowa daga sassan jikina.......Muryarsa naji yana magana da Samira.

Cikin inda-inda tace."Bata da lafiya tun dazu ta shiga 'kasan tevur wai cikinta ne yake ciwo."

Ajin yayi shuru kowa ya shiga hankalinsa.......Sunana ya kira da fadin.'' Na fito daga gurin. Cikin kuka nace."Uncle ba zan iya ba." Ya kalli Samira babu walwala a fuskarsa yace."Ki taimaka mata ku same ni a ofis." Yana gama maganarsa ya bar gurin. kafin ya fita daga ajin sai da ya tsaya sukayi magana da Malama Sa'adiyya sannan ya fita.

Cikin tsawa tace."Surayya Malam Habu ki fito kije ki kar'bi magani." Da sauri na fito daga kasan tevur din aikuwa ido yayi caaa! a kaina...Gumi kawai nake sharewa ga jikina yayi fururu da 'kura. Ya mutsa fuska nayi na rike hannun Samira muka mike a tare.....Har muka fita daga ajin basu daina bin mu da kallo ba.

Jiki a masifar sanyaye nace."Samira ji nake a jikina kamar 'karya ta ta kare." Tace."Saboda me kike ce haka."? Cikin fargaba nace."Guy nan ya gane nice me kiransa dayi masa text." Tace."To menene abin fargaba dama haka muke so.'' Cikin nauyin baki nace."Wallahi Samira tsoro nake kada yaci mutunci na." Tace."Dallah ki kwantar da hankalinki duk ta inda ya bullo ki kare kanki ki nuna 'karya yake."
Kallonta nayi ina mamakin maganarta. Tace."Eh haka zakiyi sai ki kwaci kanki." Girgiza kaina kawai nayi ina cigaba da fargabar abinda zai biyo baya.


Tamkar wani soja haka muka sameshi a tsaye a tsakiyar ofis din ya zuba hannuwansa duka a cikin trosser din dake cikinsa........Muna hada ido naji kamar an buga min ta'barya a gwiwa kafafuna suka fara rawa kokarin zama nake a kasan ofis din ya buga min tsawa da fadin." Tashi ki tsaya da kafafunki." Tsayuwa na gyara ina kallonsa Yasha wani irin kunu yana watsa mana wani irin kallo!

Jin ya kira sunana yasa da sauri na kalleshi yace." Fito min da wayar nan yau Allah ya tona miki asiri." Cikin inda-inda nace."Uncle wace irin waya kuma."?

Ido ya tsira min! yace."Tambayata kike bayan naga komai da idanuwana." Kuka nasa murya na rawa nace."Uncle me ka gani ni wallahi bani da waya cikina ne yake ciwo shine na shiga kasan tevur na kwanta.

Ya kalli Samira da fad'in." Ke bana san gardama ki fada min gaskiya wayar kice ko kuma wayar ta."

Da sauri tace."Wayar ta ce Uncle." A gigice na kalleta bakina na rawa kafin ma nayi magana ya bata umarnin tafiya. Samira da sauri ta fice daga ofis din.......Key yasa a jikin kofar ya durfafo inda nake tsaye Gabana ya dinga duka yana daka! Ido jajawur yace." Yau Allah ya bayyana min *S-R-Y* Mylove d'ina." Naji cikina ya wani murd'a! sunkuyar da kaina nayi ina addua a zuciyata....Daf dani ya tsaya har ina jin hucin numfashinsa Yace." Ni kike so ko."? Na kalleshi hawaye na zubo min..."Uncle wace irin magan......Kafin na 'karasa ya buge min baki da bayan hannunsa. Na fashe da kuka ina kallonsa. A zafafe! Yace."Sai naci Ubanki yau tunda kin zama 'Yar iska kina bibiyar maza da text din soyayya."

Cikin kokarin ceton kaina nace."Uncle kayi binkice sosai wallahi bani bace watakila suna ne yazo iri daya amma ni yaushe zan ce ina sonka ai na san kai ba sa'a na bane."

Lumshe idonsa yayi ya bude su a kaina naji tsigar jikina ta tashi yanda yake kallona yana lumshe ido yasa jikina ya shiga karkarwa..............A hankali yace."Kin ce kullum kina mafarki gamu a bargo daya ina biya miki bukata ko." ?

A tsaroce nace." Wa...Wallahi Allah na rants..........Hannu yasa ya datse min baki sai na hau kifta ido irin na marasa gaskiya. Ya tsira min lumsassun idanuwansa da suke masifar kassara ni........" Idan kika karya ta maganata sai na zane miki jiki mara kunya wacce bata jin kunyar rantsuwa da Allah."

Jikina yayi bala'in sanyi dama sai da naji a jikina yau karyata ta kare 'karshen Tika tiki tik hausawa suka ce karya fure take bata 'ya'ya..................Babu zato naji yana magana." Kullum kina mafarki na a cikin baccin ki kina ciwon ciki da ciwon mara saboda feelings to gani yau a gabanki sai ki biya bukatarki."


Na rasa abinda zance sai zazzare ido nake tamkar 'bera a ruwan zafi a rayuwata ba zan ta'ba mancewa da wannan ranar ba."

Hannunsa yasa a 'kuguna ya matseni sosai a jikinsa.Fashewa nayi da kuka ina bashi hakuri.......Naji hucin maganarshi a kusa da kunnena yana fadin." Yanzu Wace kallar soyayya zamuyi."?

Ji nayi tamkar na kurma ihu!!! jikina ya dinga rawa ina tureshi yana sake matseni a jikinsa hannuwansa akan mazaunaina.

"Wayyo na shiga uk.......Da sauri ya sake ni ya rufe min baki da hannunsa yana harara ta nayi saurin zubewa a gurin ina bashi hakuri ya zuba hannuwansa a aljihu yana kallona Yace." Fito min da wayar nan na jita a jikin ki." Da sauri nasa hannu cikin rigata na d'auko na mi'ka masa. Ya kar'ba yana watsa min harara yace." Da kuma kika karya ta."

Hanci naja cikin dashewar murya nace."Wallahi ba tawa bace ka duba da kyau wayar Samira ce kuma tare da ita muke shirya komai."

Ba tare da yace uffan ba ya bar ni a gurin saman kujera ya zauna ya bude wayar yana dubawa...........Ya kalle ni babu sukuni a tare dashi yace." Tunda aure kike so Sha'awa ta dame ki zan samu Malam mu tattauna dashi a samu wani a bashi domun kada ki dauko abin kunya."


Gabana ya fadi! Da sauri nace."Uncle don Allah kada kayi min haka wallahi ba zan iya rayuwar aure da kowa ba sai da mutum d'aya."

Ido ya tsira min na minti biyu kafin Yace." Waye." ? Sunkuyar da kaina nayi a sanyaye nace."Wani ne." Yace." Yarinya idan ni ne ma kina wahalar da kanki dan bana da ra'ayin auran mace me bleaching. "

Kallonsa nayi ya gyad'a min kai domin so ya tabbatar min da maganarsa.......Cikin jin haushi nace."Uncle nifa ba kai nake so ba wani ne Kamili mai hankali da nutsuwa kuma mai tausayi.'' Yace."Koma wanene Ni zan samu malam da maganar ayi miki aure dashi."

Sai naji wani irin farin ciki a lullu'be ni. Na dinga godewa Allah a cikin zuciyata.....Ya kalle ni da fadin." Ki tashi kije magana ta 'kare kina Candy za'ai miki aure da wanda kike so amma ki sani Wutsiyar rakumi tayi nesa da 'kasa."


Cikin farin ciki na fito daga ofis din ina jin wani irin nishad'i a tare dani kai amma gaskiya banyi tsammanin al'amarin zai zo sauki irin haka ba shikkenan yanzu Uncle ya gane abinda nake nufi a kansa ya fahimci cewa ina sonsa zai je ya samu Malam su tattauna maganar auranmu lallai babu abunda yafi karfin Ubangiji Allah ya amsa min addua cikin sauki.

Ana fita break naja Samira muka samu guri muka zauna na warware mata duk yanda mukayi dashi....A sanyaye tace."Surayya da ina murna amma tunda naji wannan kalmar sai jikina yayi sanyi *Wutsiyar rakumi tayi nesa da kasa* shin kin san meye manufar wannan maganar."? Gabana ne ya fad'i! Nace." Ban sani ba Samira ni dai a karshen maganarsa yace amma na san da cewa Wutsiyar rakumi tayi nesa da kasa.

Samira tayi murmushin takaici tace." Yana nufin Yafi karfin ya aure ki kuma Wutsiyarsa tayi nesa dake Ma'ana ke baki kai matsayin da zai had'a makwanci dake ba.

Na dinga kallonta ina mamakin maganar...Tace." Ni dai wallahi a iya fahimtata haka na fahimci maganarsa."

A raunane nace." To Samira me na rasa na matantaka a jikina meye bani dashi da har zai fadi wannan maganar." Tace."Surayya kina da mantuwa ai dama tun kafin tafiya tayi nisa sai da na fada miki cewa Guy nan ba tsaranki bane amma kika nace to gashi nan yanzu ya fada miki da bakinsa sai ki shiga hankalinki.

Wasu zafafan hawaye suka kwace min nace."Samira yanzu abinda yake nufi kenan."? Tace."Wallahi kuwa ai ya gane kina sonsa kece me kiransa dayi masa text shiyasa ya nuna miki yafi karfin ki kije ki nemi daidai dake."

Hawaye na goge nace."Samira mutukar Uncle be aure ni ba to rayuwata tana cikin garari wallahi ni kadai nasan irin masifar son da nake masa."

Tace."Kin ga Surayya ni wannan Game din ya ishe ni haka gwara muyi abunda zai yuwu mutukar zan baki shawara ki dauka to ki cire Guy nan daga ranka ki fuskanci Me sonki tsakani da Allah."

Girgiza mata kai nayi nace."Samira ba zan iya ba wallahi.'' Taja tsaki da fadin." Shikkenan ai sai kije kiyi kece wahalalliya." Tana gama maganarta ta bar ni gurin cikin halin damuwa.


Koda muka tashi daga makaranrar kowa tafiyarsa daban saboda 'bacin rai! A galabaice na isa gida na zube kan tabarma jikina na wani irin rawa.


Innah ta fito daga kicin da kwando a hannunta a tsorace ta tsaya tana kallona dan bata san na shigo gidan ba Tace." Surayya wace irin tsiya ce wannan kin shigo gida babu sallama sai kace gidan kafurai."

Cikin rawar murya nace."Innah Nayi sallama ba kiji ba kina kicin zazzabi ne a jikina." Tace."Allah ya sawake sai ki tashi kici abinci kisha magani kafin yamma tayi kije Chamis dama ai yanzu lokacin Maleria ne abinda ake ta fama dashi kenan." Lumshe idona nayi ina jin wani irin d'aci a bakina.


Sai da Malam ya dawo sannan muka je Chamis da ita A ka bani magani da allura ta kwana uku sosai zazzabin yayi karfi a jikina a galabaice muka dawo gida naci abinci da kyar nasha magani Na kwanta tana matsa min ruwa a jikina. Malam yace." Idan zazzabin be sauka ba gobe da wuri sai muje asibitin Murtala likita ya duba ni." Innah tace."Hakan shine yafi amfani.


Yaro ne yayi sallama da fadin." Wai Uncle Nuraddin yana sallama da Malam." Da sauri na bude idona na fara kokarin tashi zaune. Innah tace."Menene ko jikin ne."? Girgiza kaina nayi na tsirawa malam ido wanda yake kokarin fita akan kekensa.

Jiki a mace na koma na kwanta ina addua a cikin zuciyata.........Malam ya kai minti ashirin a waje kafin ya dawo gidan na sake mikewa zaune ina kallonsa so nake kawai naji abinda ya shigo dashi.


Ya kalli Innah da fadin." Yaron nan Nura yana da hankali da nutsuwa dan haka babu abinda zai nema a guri na banyi masa ba." Innah tace." Wani abu ne ya faru.''? Yace." Babu abinda ya faru sai alkairi Yazo da maganar auran yarinyar nan Surayya."

Wani irin sanyi ya ziyarci zuciyata Allah kawai nake godewa......Malam ya cigaba da cewa." Ashe yarinyar nan a makaranta babu abinda suke sai shashanci da shirma da bibiyar maza."

Naji gabana ya fadi! da sauri na kalleshi Ya cigaba da cewa." Surayya kin bani kunya kin kuma zubar min da mutunci a gari kin 'bata irin tarbiyar da mukai miki saboda haka za'ayi miki abinda kike so tunda dama akwai maganar Shahid gobe insha Allahu zan kar'bi sadakin auranki a daura miki auran a huta makaranta dama saura abinda ya rage ki kammala wannan shine hukuncin da Nuraddin ya yanke nima kuma na yanke irinsa gobe zan kar'bi sadakin auranki daga hannun Shahid Ranar juma'a idan an sauko daga massalaci a dauran.

Wani irin ihu! na kurma! na fad'i a gurin ina birgima da kiran Innalillahi wa'ina ilahi raji'un!!!! Innah ranta ya 'baci! ta gaura min mari a zafafe tace." Surayya kina so ki tona masa asiri a unguwa ko? me akayi miki kike wannan ihun."?

"Wallahi Innah bana son Shahid kada kuyi min haka idan kuka daura min aure dashi zan lalace mutuwa zanyi." Innah tace." Me yasa tun farko kika amince dashi? me yasa kika yaudari kanki bakya sonsa me yasa kike dinga cin kud'insa? dama irin wannan ranar nake gudu sabida na san halin ki saboda haka ni ba zaki janyo min zagi da cin mutuncin jama'ar unguwa ba Uwa uba Mariya matar da bata da hakuri makota da sauran 'yan unguwa sun san irin hidimar da yaron nan yake miki rana tsaka ki bijiro da wata magana ai dole a zage mu don haka wannan aure dole sai anyi tunda ke kika amince."

A gigice! na mike jikina na wani irin rawa na janyo hijabi na dake kan igiya nasa babu takalmi a kafata na kama hanyar fita.......Malam ya kwala min kira da fadin." Ina zakije da wannan daran."? Ko sauraransa ban yi ba Innah ta mike da azama! da gudu na karasa ficewa daga gidan.........Kamar wata sabuwar mahaukaciya haka na zama na kama hanya ina tafiya ban san inda nake jefa kafata ba.........Tsintar kaina kawai nayi a gaban motarsa yana kokarin shiga da ita cikin gidan nayi tsaye a gurin hasken fitilar motar na haske min idanuwa na da sukayi jajawur saboda azabar kuka......Cikin