DOWNLOAD

You Cannot Download this book untill you login but you can read it .

---

Login Register DOWNLOAD

taga yau duk matan ma suit suka saka da baby hijab saɓanin ita da baƙin Abaya ne a jikinta.
Tasan hakan dokar aiki ne dole ta saka, kuma sun musu uzurin sati guda suna saka Abaya.
Zama tayi tana dafe kanta, ta ɗauki sakwanni a haka kafin ta buɗe computer ta fara ganin aikin da ya bata wanda yake neman ɗaya. Dole na Isah Hamza ta cigaba da dubawa don shi ne ta fara taɓawa.
Ranar kamar kullum haka ta wuni a wajen aiki, ƙarfe huɗu suka tashi yau. Bayan ta fita ta tari napep sawa tayi ya kaita station inda Isah Hamza yake. Yau ma kamar ranar tambayoyi ta mishi, anan ta ƙara samun wasu amsashin har ya faɗa mata sunan unguwarsu da gidansu ko za taje ta musu tambayoyi.
Godiya ta mishi kafin ta fito, napep ta sake tara tasa ya kaita mall. Bayan ta sauƙa ta biya shi ta shiga ciki, wajen siyar da kaya ta shiga ta fara duba suit masu kyau na mata sai dai da tsada.
Rasa abin yi ta yi dole taja gefe ta tsaya, ta ciro wayarta a handbag ɗinta ta ƙira Umma. Ya yi ringing sosai kafin ta ji ta ɗauka.
Mariya ta gaishe da ita tana ƙarawa da faɗin. "Umma kuɗi nake so zan siya abu."

Daga ɓangaren Umma ta tambayeta."Nawa?"

Mariya jikin kayan ta duba ta ga daga na dubu goma sha sai ashirin, tasan da ƙyar ta samu. Amma ba ta karaya ba ta ce.
"Umma ko dubu hamsin haka."

"Anya akwai har dubu hamsin. Ga Abbanku." Ta ji Umma ta faɗa, kafin ta faɗi wani abu ta ji ta ba wa Abba wayar.
Muryarsa ne ya daki dodon kunnenta, ta runtse idanuwanta ta buɗe lokacin da ta ji yana faɗin.
"Ni me nayi ba za a tambaye ni ba Mamarmu."

"Babu komai." Mariya ta faɗa ƙasa ƙasa.
Tana jin sautin murmushin Abba da ya yi, sannan ya ce. "Turo min account number naki."

  Ba ta iya faɗin komai ba ta zare ta kashe, ƙin tura masa account ɗinta ta yi ta fara ƙoƙarin barin wajen, alamar shigowar saƙo yasa ta dakata ta duba wayarta, alert na kuɗi ne daga Abba na dubu ɗari.
  Sai da zuciyarta ta buga, ta fita a wajen ta laliɓo lambarsa ta fara rubutu saƙo, har ta gama zata tura sai kuma ta fasa ta goge ta fita, ta kashe wayar ta jefa a jaka.
Buƙatar kayan da take yasa za tayi amfani da kuɗinsa, idan ba haka ba.
Haka ta koma ta zaɓi kayan kala goma masu kyau, ta nufi wajen biya suka cajeta dubu ɗari har da canji. Atm ɗinta ta basu suka cire sannan suka saka mata a leda, ta karɓa ta fito ta tafi. Napep ta shiga ya sauƙeta har ƙofar gida, ta sauƙa ta biyashi ta shiga gida.
  Kamar yadda ta yi tsammani haka ta tarar motar Abba, hakan yasa ta sauƙe numfashi ta nufi falon Umma ta shiga da sallama.
Dukkan su suka amsa mata, ta ƙarasa ciki tana gaishe su, Umma ta amsa tana faɗin.
"Me ki ka siya haka?"

"Kayan sawa ne na aikinmu." Mariya ta faɗa tana wucewa ɗakin su kafin ma wani ya tsayarta ya ce zai hargitsa.
Tana shiga ta cire kayanta ta jera a wardrobe ɗinta, ta rage kayan jikinta ta wuce bathroom. Ruwa ta watsa ta ɗaura alwala ta fito, ta gabatarwa da sallar la'asar.
Anan ɗaki ta zauna har aka ƙira magriba tayi sannan ta miƙe ta fita don yunwar da take ji.
Yaran duk suna falo, banda Umma da dukkan alamu tana ɓangaren Abba, da kuma Haneefa da take wajen aiki. Dining table ta nufa ta zuba abinci ta zauna ta ci, bayan ta gama ci ta ɗauki ruwa ta miƙa ta ɗauke plate ɗin da ta ci, takai kitchen ta fito ta wuce ɗakin su.
Mariya ba ta fita ba har dare yayi ta gabatar da sallar isha'i, ta yi shirin bacci ta kwanta. Har Ummi Aisha ta shigo ta kwanta ba ta sani ba.
...

Washegari

  Cikin farin ciki Abba da Umma suka farka na murnar abin farin cikin da ya riske su daren jiya. Ga yaran kuwa wasu sunyi murna saɓanin wasu da suka ji kamar su fito fili su nuna baƙin cikin su.
Musamman Mariya da ba ta shirya hakan yanzu ba, taso sai burinta ya cika nan da shekara ɗaya kamar yadda tsara kafin nan.
Hakan yasa ko takan hirar da ake ba tabi ba ta shirya ta fice a gidan cike da tsoro da kuma taƙaici, sai dai babu wanda ya lura da yanayinta kasancewar fuskarta ba kullum take kasancewa da fara'a ba.

#vote
#comment
[06/06, 7:28 pm] Pharty BB: GOBE DA NISA
Page 7
Na Pharty BB

Manyan idanuwanta ta ɗago ta kalle shi da sauri, ta ga shi ma ita yake kallo da murmushi ɗauke saman fuskarsa, babu shiri ta kawar idanuwanta don yadda ya haddasa mata ci gaba da bugun zuciya bayan wanda take ciki.
Mariya jiki na mugun rawa ta miƙe, ta ɗauki plate ɗaya ta buɗe flask ta zubawa Abba ta ajiye a gabansa. Haka ta jawo wani ta zubawa Umma ta ajiye mata, ta ɗauki wani za ta zubawa Yaya Haydar ta ji muryarsa yana faɗin.
"Haɗa min tea."

  Bari ta yi ta ɗauki cup ta hau haɗa mishi daidai yadda yake so, bayan ta gama ta ajiye mishi a gabansa. Ita ma black tea ta zuba ta zauna, ta ɗauki teaspoon tana juyawa don ba ta da ƙarfi ko nutsuwar cin abinci a gaban mutane biyun. Haka sauran yaranma da ƙyar suka zuba suka hau tsakura.
Abba ya kalleta yana murmushi ya ce. "Na fa kula ba kya son cin abinci yarinyar nan."

  "Faɗa mata dai."
Umma ta faɗa ita ma. Kowa dai ya yi gum da bakinsa ganin dodon nasu yana nan.
  Mariya ganin suna shirin kafa chapter nata yasa ta miƙe, ta ɗauki handbag ɗinta tana faɗin.
"Sai anjimanku."

"Tsaya ku tafi da Yayanku, shi ma wajen aikinsa zai fara fita yau."
Abba ya faɗa yana mayar kallonsa kan Yaya Haydar da ya ƙara haɗa fuska sosai.
  Girgiza kai Mariya ta yi cikin tsoro, haɗa tafiya da Yaya Haydar gani take zai sumar da ita ko ya jefarta a motar. Da ƙyar ta buɗe baki za tayi magana taji maganarsa ya ce.
"Abba sai anjima."

  Daga haka ya bar wajen, cikin sanyin jiki Mariya tabi bayansa. A waje ta hangosa cikin motarsa an buɗe mishi get, tana ƙoƙarin ƙarasawa kusa da shi ta ga yaja motarsa ya fice. Ko kaɗan ba taji haushi ba sai ma farin ciki da taji na ganin ya tafi ya barta.
  Haka ta fito ta tari napep ta nufi office, bayan ta isa ba ta iya shiga office ba sai da ta shiga wajen sayar da snack ta saya da drinks, sannan ta wuce office ta zauna taci kafin ta fara aikinta.
  Sallama suka ji daga bakin ƙofar, gaba ɗayan su suka ɗago har Mariya jin tasan muryar. Da Nabeela suka haɗa ido, tana mata murmushi ta ƙaraso table ɗinta taja kujera ta zauna. "Sannunki da aiki."

  Babu yabo ba fallasa Mariya ta amsa mata, hakan ya ƙara burge Nabeela tana jinjinawa ajin yarinyar.
Cikin murmushi ta sake faɗin.
"Kin san menene? Tun da muka rabu nake tunaninki, haka kawai kike burge ni."

  Sai lokacin Mariya ta saki murmushi mai sanyi, ta kalli Nabeela da ta kura mata idonta irin na Barrister Waliy sosai.

"Na gode sosai." Ta faɗa tana sunkuyar kanta ta ci gaba da abin da take yi.
Nabeela wayarta ta ciro, ta ajiye a gaban Mariya tana faɗin.
"Saka min lambarki muna waya, na zo jin wata shari'a ce na samu an ɗaga shi ne nace bari na ƙaraso mu gaisa."

'Naga ta kaina.' Faɗin Mariya a zuciyarta, a fili ta murmusa ta ɗauki wayar Nabeela ta saka mata lambarta ta miƙa mata wayar.
  Karɓa Nabeela tayi ta ce. "Sunan kawar tawa. Ni sunana Nabeela Abubakar ƙanwa ga Barrister Waliy Abubakar. "

"Mariya Harun."
  Faɗin Mariya domin ta gano ƙanwarsa ce duba da ranar da kuma kammanin su.
  Miƙewa Nabeela ta yi tana faɗin.
"Sai mun yi waya, bara na tafi kar Yaya ya ƙira gida ya ji ban isa ba nayi laifi."

  Murmushin ƙarfin hali Mariya ta yi tana faɗin. "Allah ya tsare."

   Nabeela ta amsa da amin ta fice cikin farin ciki ganin plan nasu ya fara tafiya cikin shiri.
  Bayan fitar su Mariya ta ci gaba da yin aikinta, ba ta damu da ƴan wajen da suka fara maganganun ƙasa ƙasa ba.
  Ita damuwar da take ciki ya linka shekarunta, gaba ɗaya ta rasa mafita a abin da take son cimmawa kafin lokaci ya ƙure mata, dole ta aiwatar da komai cikin sauri kuma tana neman taimako.
Sai dai na waye? Wa zai taimaka mata? Tsawon shekaru ta rasa wa zata tunkara shi yasa ta ka sa cika burinta.
Barin abin da take yi ta yi ta dafe kanta, a hankali ta furta. "Allah ka cika min burina."
...

  Barrister Waliy bai nemi Mariya ba yau ma don yasan aikin da ya bata yana neman nutsuwa, duk da ya ce mata wani sati yake so, yasan kwazon yarinyar zai sa ta yi ko guda ɗaya ne a ciki.
Daren jiya bayan ya koma gida shi da Rumana suka shirya don basa dogon fushi da juna, sai dai yau da safe ma kamar yadda take gaishe Ammi haka ta sake yi duk da ta zauna a kan kujera.
  Waliy ya rasa ya zai mata, ya yi fushin ya yi magana ta kasa canza halinta. Duk da yasan Ammi bata nunawa yasan abin zai sosa ranta, musamman yadda su Radiyya suke nuna abin da Rumana take yiwa Ammi basa jin daɗi, basa mata rashin kunya don Ammi ta hana su ta nuna musu matsayin yayarsu take bayan haka matar yayansu ce, kawai daga gaisuwa sai gaisuwa yake haɗasu kamar yadda ita ma bata sake musu ba.
  Da safe haka suka fice kowanne ya nufi wajen aikinsa. Fitarsu ya ba Nabeela damar fita ita ma don fara gudanar da nasu shirin da suke addu'ar samun nasara.
...

  Barrister Aliyu Haydar a yau ya dawo bakin aiki bayan tafiya karatu da yayi na tsawon watanni takwas.
  Da dama sun shigo sun masa murnar dawowa da addu'ar samun nasara, ya amsa musu a sake duk da fuskar babu murmushi ko kaɗan.
  Samun raguwar mutane yasa ya fara duba ayyukan da ya tarar, ayyuka ne manya manya na shari'a.
***

   Ƙarfe uku da rabi Mariya tabar office ɗinsu don gujewa haɗuwa da Yaya Haydar. Cikin rashin sa'a tana fitowa da motarsa ta fara cin karo, ji ta yi tamkar ta koma don ta tabbatar yana ciki, amma haka ta daure ta ci gaba da tafiyarta.
  Har ta gifta motarsa ta nufa get ta ji wani mahaukacin horn, da sauri cikin bugun zuciya ta juya, ta ga babu kowa da yake yiwa illa ita.
  Wani bugu zuciyarta ta yi jikinta ya hau rawa, da ƙyar taja ƙafafunta ta nufi wajensa cikin addu'ar da yazo bakinta don kaucewa muguntarsa.
  Ta gefensa ta tsaya kanta a ƙasa, shi bai buɗe ba shi bai kashe motar ya fito ba, gudun ta yi laifi ya samu na mazgarta yasa ta ci gaba da tsayuwa har tsawon mintuna da take ganin sun kusa talatin.
Gaba ɗaya ta galabaita da tsayuwar, ta ji tafiyar ma ta kasa sai ta huta. Yaya Haydar salon mugunta ya iya kala-kala musamman idan ita zai yiwa.
  Sauƙe gilashin motar aka yi, hakan yasa Mariya ta sake yin ƙasa da kanta, don tana tsoron waɗannan manyan idanuwansa, tsoratata suke su fitarta a hayyaci.
  Maganarsa ce cikin muryarsa mai tsoratarwa ya shiga kunnuwanta.
"Tsabar rashin sanin kan aikinki ƙarfe uku da rabi za ki bar office? Da ma shirme ne ya kawoki nasan wannan ƙwaƙwalwar naki babu abin da ta iya. Don haka zan faɗawa Abba zan nema miki sallama."

  Babu shiri Mariya ta ɗago manyan idanuwanta ta kalle shi, suka haɗa ido ta ɗauke nata ganin uban harara da ya aika mata.
Hawayen da take ɓoyewa ne suka zuba, ba ta share su ba ta hau girgiza masa kai.
"Don Allah Yaah Haydar kayi haƙuri, yau ne kaɗai nayi saurin tafiya, wallahi ba zan sake ba."

  Bai kulata ba ya zuge gilashin motarsa yaja motar yabar wajen yana buleta da kura.
Mariya durƙushewa tayi a gurin, ta haɗa kai da gwuiwa tana fashewa da kuka. Da ma tasan idan Yaya Haydar yana ƙasar nan ba zai taɓa barinta ta yi wannan aikin ba balle har ta samu cikar burinta, tamkar wanda yasan tana da wata manufa na yin aikin ya dawo da wuri.
Kullum cikin kusheta da faɗin ba ta da ilimin yin wannan aikin yake, amma hakan bai saka ta sare ba sai ma ƙoƙari da ta ƙara don ta nuna masa za ta iya, amma yanzu akan ɗan abin da bai kai ya kawo ba yana neman rabata da aikinta da ta ci buri.
Tsayuwar mutum taji saman kanta, ba ta dago ba sai dai ta tsagaita da kukan, ƙamshin turarensa ne ya dameta wanda ya saka zuciyar kokonton ko shi ne. Hakan yasa ta ɗago da sauri suka haɗa ido, fuskar nan kamar kullum babu fara'a.
  Kanta ta mayar ƙasa ta share hawayenta, ta miƙe tana karkaɗe jikinta ta fara shirin barin wajen ba ta ce komai ba.
  Cak ta tsaya da ƙoƙarin barin wajen inda ta ji ya ce. "Biyo ni."

  Kamar ta fasa ihu take ji, shi ba ya duba halin da take ciki ne zai ƙara mata wani takurar, ya barta a yadda ya ganta.
  Amma ya ta iya? Haka tabi bayansa ta ga ya nufi wajen motarsa, ƙarasawa tayi ta tsaya ganin ya shiga ya kunna.
  Barrister Waliy ganin Mariya ba ta da niyar shiga yasa cikin tsawa ya ce. "Ni zan shigarki?"

  Da mugun mamaki ta kalle shi ya aika mata harara yana ɗauke idonsa cikin nata. Mariya cikin rawar jiki ta zagaya ta buɗe ta shiga, da ƙamshi da sanyi ta fara cin karo, ta lumshe lumshashshun idanuwanta ta buɗe.
Wani mugun fizga Waliy ya yiwa motar yana barin harabar wajen, sai da suka hau titi taji a dakile ya ce.
"Unguwarku fa."

  A hankali ta faɗa masa ya karkata kan motar. Sun yi nisa a tafiyar ta sake jin wata tambayar.
"Me ya saka ki kuka? An miki wani abun ne."

Girgiza kai tayi a hankali, sannan cikin sanyin murya tuna abin da ya faru tace. "Babu komai."

"Daɗin kukan kike ji ko sha'awar yi kika yi?"
Ya watsa mata tambaya.
Shuru tayi kamar ba zata ce komai ba, a hankali tace.
"Yayana ne zai saka a bani sallama a aiki."

"Waye shi?"
Ya faɗa da sauri yana katseta.
Wani yawu ta haɗiye na kuka da ya tare mata maƙoshi, sannan ta ce.
"Barrister Aliyu Haydar."

  Bai ce komai ba ya ci gaba da tuƙi, har zuwa unguwar su Mariya ta nuna mishi layinsu ya shiga ya kaisu har ƙofar gida.
Bayan ya yi fakin ta kai hannu za ta buɗe ƙofa ta ji a rufe, ta juya ta kalle shi taga ba ita yake kallo ba. Kafin ta buɗe baki ta yi magana ta ji ya fara faɗin.

#vote
#comment
[06/06, 7:28 pm] Pharty BB: GOBE DA NISA
Page 8
Na Pharty BB

    "Kar ki damu, ki fito aikinki." Barrister Waliy ya faɗawa Mariya, yakai hannu ya cire lock ɗin motar sannan ya juya ya kallonta.
   Mariya ta buɗe murfin motar za ta fita ta dakata, cikin sanyin muryarta ta ce."To na gode."
   Daga haka ta fita a motar, ba ta ko juya ba ta nufi cikin gida. Shi ma motarsa yaja yabar ƙofar gidansu.
...
  Kamar kullum da sallama ta shiga cikin gidan, sai dai ji tayi da komawa tayi don hango Yaya Haydar zaune a bakin balcony saman farin kujera, saman cinyarsa laptop yana dannawa.
  Ta san komawarta yin wani laifi ne, hakan yasa cikin tsoro da ya shigeta ta nufi falon. Tana isa wajensa ta durƙusa ƙasa saman gwuiwarta.
"Sannu da aiki Yaya." Ta faɗa kanta a ƙasa, ba ta saka ran zai amsa mata ba amma dolenta ta gaishesa.
Yaya Haydar da ya ji tamkar ya maketa yadda tazo ta sashi a gaba ta katse mishi aikinsa, ya ɗago ya wurga mata wani kallo ya mayar kansa kan laptop ɗinsa, tsaki ya buga cikin faɗa ya ce.
"Za ki bar kaina ko sai na canza miki kamanni."

Bai ƙarasa faɗa ba Mariya ta miƙe cikin sauri ta faɗa cikin falo. Nan ma da Abba ta ci karo zaune da yara babu Umma, ɗauke kanta tayi ta wuce ɗakinsu da sauri.
Abba da sauran yaran duk da kallo suka bita ganinta kamar a birkice, duk dawowar Yaya Haydar ya sake mayar da ita wata iri, ya sake canzata, kowa yana tsoransa amma na Mariya yafi nasu tsanani.
Mariya tana shiga da Haneefa taci karo zaune a gado, cikin sauri ta ƙarasa kusa da ita ta zauna tare da ɗaura kanta saman cinyarta. A hankali ta fara fitar da hawayen da take ɓoyewa cike da rauni.
  Haneefa wayarta ta ajiye a bedside drower, ta ɗaura hannunta saman kanta ta zare mata baby hijab ɗinta tare da fara shafa mata gashin kanta da yake ɗaure a parke babu kitso mai tsantsi da tsayi, tausayin ƴar uwartan yana ratsata don tasan ba abu kaɗan bane ya sakata kuka haka ba, duba da yadda take da haƙuri da kawar kanta a komai.
  Mariya sai da tayi kuka mai isarta ta fara sauƙe numfashi, ko ba komai ta ji zuciyarta tayi sanyi. Ta ɗago kanta tana kai hannu ta share guntun hawayenta.
  Haneefa ta bita da kallo har ta gama sannan ta ce.
"Me ya faru ne? Wani ya miki wani abu a wajen aiki ne?"

Mariya girgiza kanta ta yi, ta kalli Haneefa cikin muryarta da take neman yin wani kukan ta ce.
"Yaah Haydar ne zai nema min sallama a wajen aiki. Ni kuma kin san yadda nake son aikin nan, shi ne burina da mafarkina."

"Kin masa wani abun ne?"
Haneefa ta tambayeta don ita kanta shaidata ce yadda Mariya take son wannan aikin nata, dalilinsa ya canza mata rayuwa da burinta na zama likita zuwa barrister.
Girgiza kai Mariya tayi tana kallon Haneefa.
"Wallahi babu abin da na masa, kawai don saura minti talatin a tashi na tashi, kuma ni duk gudun haɗuwa dashi ne."
Anan ta faɗa mata har yadda suka yi da Barrister Waliy, ta ƙarashe maganar tana share hawayenta ta ce.
"Ina tsoron Yaah Haydar sosai, zai iya dukana idan na fita."

Shuru Haneefa tayi ita kanta ta rasa mafita, gaba ɗaya ɗakin ya ɗauki shuru sai ajiyar zuciyar Mariya da take sauƙewa. Haneefa ta kalleta ta ce.
"Kin yi sallah?"

Mariya kai ta girgiza alamar a'a, ta miƙe ta rage kayan jikinta ta wuce bathroom. Ruwa ta watsa ta ɗaura alwala ta fito, ta samu Haneefa ta fita a ɗakin. Wardrobe ta nufa ta buɗe gefen nata ta ɗauki simple doguwar riga ta saka, ko bra da pant ba ta saka ba ta ɗauki hijab ta saka, ta nufi wajen da sallayarsu yake a shimfiɗe.
  Sallar la'asar ta gabatar, tana cikin tahiya Haneefa ta shigo ta ƙarasa kusa da ita ta zauna a ƙasa tana ajiye plate da ruwan hannunta.
  Bayan Mariya ta idar ta juya tana kallonta, Haneefa ta tura plate ɗin da yake cike da abinci na semo da miyar zogale gabanta.
"Ki cinye tas kar ki rage, na san rabonki da abincin kirki kin manta balle naji labari wajen Ummi Aisha ko breakfast ba ki yi ba ki ka fita."

Mariya ba ta ce komai ba ta jawo plate ta fara ci cikin nutsuwa, sosai ta ci don ba ƙarya tana jin yunwa.
Ganin ta ci sosai yasa Haneefa gyara zama tace.
"Shi da Yaya Haydar waye oga a wajen aiki?"

Mariya barin cin abinci ta yi ta kalli Haneefa.
"Duk matsayinsu ɗaya, sai dai Yaah Haydar da ya ƙara karatun watanni takwas ɗin nan. Kuma a ƙarƙashinsa nake aiki."

Numfashi Haneefa ta sauƙe, sannan ta ce.
"Mafita biyu ne na samo, na farko ki ci gaba da zuwa aikinki kamar yadda ya faɗa miki tun da a ƙarƙashinsa kike aiki, idan kuma ba za ki iya ba sai mu faɗawa Abba ya yiwa Yaya Haydar magana ko zai bar ki."

Mariya kaɗan ta kware, ta ɗauki ruwa ta sha ra ture abin da ya tsaya mata sannan ta kalli Haneefa tana girgiza kai.
"Wallahi ba zamu faɗawa Abba ba, gwara naje kawai idan yaso ya min duk hukuncin da yaga dama."

"Hakan ya yi, sai ki tafi akan lokaci ki tashi akan lokaci, kar ki karya doka ko ɗaya."
Haneefa ta faɗa mata. Kai ta jinjina ta ce.
"In sha Allah. Ina Ummi Aisha na jita shuru?"

Haneefa miƙewa tayi tana faɗin.
"Maruka tasha a wajen Yaya Haydar, tana bacci a ɗakin Umma. Ya shigo falon tana ta zuba surutun nan nata, shi ko ya mammareta wai tana mace ba ta da kamun kai."

Shuru Mariya tayi tana mamakin halin yayan sun, ita da take shuru shuru ma yake cin zalinta yanzu kuma ya ce Ummi Aisha ta cika surutu. To shi wane irin mutum ne yake burge shi.
Tunani ya hanata ƙarasa cin abinci ta miƙe ta ɗauki plate ɗin, sai da ta leƙa ta tabbatar babu Yaya Haydar a falo sannan ta fitar plate zuwa kitchen ta dawo ɗaki.
Suna zaune su biyun har dare, bayan sun idar da sallar isha'i Haneefa ta dubi Mariya da ta idar tana lazumi.
"Wai sister period naki bai dawo ba?"

Kai Mariya ta ɗaga a hankali, cikin wani yanayi sannan ta ce.
"Shuru fa tsawon wata biyu."

"To idan ya wuce watan nan bai dawo ba sai ki je asibiti. Amma akwai discharge?"
Haneefa ta tambayeta.
Mariya kai ta ɗaga ta ce."Eh fa kowanne month ina gani."

Haneefa zama ta gyara tana fuskantar Mariya don so take ta fahimci zancenta, cikin nutsuwa ta fara mata bayani.
"Kin san shi discharge akwai na lafiya akwai na rashin lafiya, kuma kala kala ne. Vaginal discharge wani ruwa ne da yake fitowa daga tiny glands a bakin mahaifa da vagina, ruwan yana zubowa kullum ya wanko kwoyayin cuta da dead cells(matattun kwoyaye), don vagina ɗin ta zama clean and healthy(a wanke da lafiya) mai kyau.
Yawan ruwan da zai fita kullum ba ɗaya ba ne ga kowacce mace. Kalar shi da kaurin shi yana canzawa wanda yake depending on menstrual cycle.
Days 1-5 (kwana na ɗaya zuwa biyar) wannan ranakun menses(al'ada) ne ko fiye da haka a wasu matan.
Days 6-14 (kwana na shida zuwa goma sha huɗu) wannan lokacin na bayan al'ada mace za ta ga babu wannan discharge ɗin, in akwai ma kaɗan ne. A cikin waɗannan kwanakin ne kwan haihuwa zai fara girma.
Days 14-24 (kwana na goma sha huɗu zuwa ashirin da huɗu) sai discharge ɗin ya canza ya zama marar kauri, mai yauƙi ko santsi kamar ruwan kwai (not york). To da kwan haihuwa ya samu sai discharge ɗin ya canza, ya fara kauri yana zama fari ko yellow da ɗan ɗanko-ɗanko.
  Days 25-28 (kwana na ashirin da biyar zuwa ashirin da takwas) discharge ɗin zai rage fitowa daga nan kuma sai menses ɗin sabon wata yazo.
Wanan discharge ɗin da nayi bayani a sama haka ya kamata ko wace mace ta rinka gani kowanne wata, daga farkon zuwan al'adarta har ranar zagoyowar shi."

Mariya numfashi ta sauƙe bayan gama bayanin Haneefa, tana mamaki lallai komai sai da ilimi, murmushi ta mata sannan ta ce.
"Ina ganin hakan amma kin san a rikice nake ba lallai na gane ba tun da babu period."

Haneefa ma murmushi ta yi.
"Kar ki damu, ki je asibiti kawai."
Faɗin Haneefa cike da jimamin sabon al'amari na al'adar ƙanwarta da ya fara damunta.
***

Cikin sallama ya shiga falon nasu, falon tsaf dashi kamar kullum sai sanyi da ƙamshi yake, babu kowa kamar koyaushe. Saman kujera ya zauna cike da gajiya, hutun mintuna biyar ya yi sannan ya sunkuya ya fara zare sanar ƙafarsa.
Tsaf ya gama kafin ya miƙe ya nufi fridge, ya buɗe ya ɗauki goran ruwa ya buɗe yasha kusan rabi ya mayar sauran ya rufe ya mayar fridge yabar wajen.
Bedroom ɗinsa ya nufa bai tsaya ko'ina ba ya shiga bathroom ya watsa ruwa ya fito, ya buɗe wardrobe ɗinsa ya ɗauki jallabiya ya saka sannan yabar ɗakin.
Dining ya
DOWNLOAD
DOWNLOAD