You Cannot Download this book untill you login but you can read it .

---

Login Register

sha" na bashi amsa, tabbas furar ta shiga raina amma sam bana son bashi fuskar da zai kawo min rainin hankali



Faɗa ya hau ni da shi wai yaje ya siyo kuma na baɗa masa ƙasa a ido, yadda naga hankalin sa ya tashi ya nace lallai sai na sha ya na sakawa furar alamar tambaya


"sabit ko dai maganin zubar ciki ka saka a cikin furar da ka dage sai na sha"


Masifa ya fara ya na rashin mutumcin sa, miƙewa nayi nima na fara balbala masa masifa,


"wallahi duk abinka sai na haife abinda ke ciki na"

"to wallahi ki haife zaki ga rashin mutunci tsirarrarsa"


Faɗa mukai da shi sosai da sosai faɗan da bamu taɓa yi ba don tun da yake min abu ban taɓa tankawa ba sai yanzu



Wai da yake bashi da kunya bayan mun gama faɗan kuma sai yazo wai yana cewa ni fa ayau anan zan kwana, fita nayi naje na faɗawa mummy inda ta zo da kanta ta kore shi


Babu irin magiyar da baiyi wa mummy ba akan ta bar shi amma ta ƙeƙashe ƙasa ta hankaɗa ƙeyar sa yayi waje muka kulle


Kashegari ya tasa ƙeyar matar sa suka koma ko sallama basuyi mana ba nima sai ya tafi sannan hankali na ya kwanta
[7:15PM, 5/4/2018] ‪+234 806 779 9926‬: 🥦🥦🥦🥦🥦🥦🥦🥦🥦🥦

*A̺͆U̺͆R̺͆E̺͆N̺͆ B̺͆A̺͆U̺͆T̺͆A̺͆*

🍷🍽🥛


👩🏽‍🍳~(t̸h̸e̸ a̸m̸a̸z̸i̸n̸g̸ c̸o̸o̸k̸)~👩🏽‍🍳




🍳🍜🥘🍲🍛🍝🥗🌯🍛🍢🥠



ʙʏ ᴍᴍɴ ᴡᴀʟɪᴅ ᴀɴᴅ ᴡᴀʟɪᴅᴀ (ᴍʀs ᴀʟɪʏᴜ)




*HIKIMA WRITERS ASSO.*




P⃗a⃗g⃗e⃗ 24 🌹





Renon ciki na nake yi hankali na a kwance ga ɗana a kusa dani, sam su sabit basu tafi da shi ba nima na so hakan



Duk wani siyayya mummy tayi haihuwar kawai muke jira, amma saɓanin saɓanin cikin annur wannan cikin girma gare shi sosai da sosai


Har anty fannah tana cewa ko dai ƴan biyu ne, ko da muka je scanning twins ɗin ne kuwa


Muna dawo wa anty fannah ta faɗawa mummy, bashiri mummy ta kwashi anty suka tafi kasuwa aka sake sabuwar siyayya



Cikina yana da wata 8mths sabit suka dawo shida badia, sam duk wannan abunda ake yi badia bata san da cikin ba



Tun da suka zo bamu haɗu da sabit ba, dana ji alamar zai shigo sai in gudu ɗaki duk wannan abun Allah bai taɓa haɗa mu da shi ba



Kwanan su uku da dawo wa ya badia ta zo da kanta lkcn ina ɗaki ina bacci ta ɗauke annur, ita kanta badiar bata san da cikin ba


Ko da na tashi, sai ban ganshi ba, sai na tambayi mummy yana ina sai mummy tace min ai badia ce ta ɗauke shi


Ba badiar ba hatta mummyn ta bani haushi yadda har ta bar badia ɗaukar sa bayan tasan ƙyuya gare shi



"mummy bari inje in ɗauko shi kin san halin annur idan ya tashi be ganni ba"


"to shike nan ni sai da na hanata sai tace wai sabit ne yace ta ɗauke shi"


Ficewa nayi daga part ɗin na doshi part ɗin sabit da tsohon ciki na, a hankali nake tafiya don kuwa cikin yai girma dayawa fiye dana annur


Tun kafin in ƙarasa ciki nake jin kukan yaron nan yana kira na, sai na ƙara ɗaga ƙafa, da sallamat na shiga tana zaune akan kujera tana kallo shi kuma yana zaune a ƙasa a kusa da ƙafar ta yana kuka



Sallamata ce ta sata juyowa, ai kuwa ta ci karo da ƙaton cikina, wani ashar ta daddage ta ɗura sannan ta ƙaraso inda na ke kamar wacce zata dake ni


"uban waye ya miki cikin nan"

Kallon ta na tsaya ina yi yadda take huci kamar zaki, sai nishi take yi kamar wacce take shirin yin dambe


"tambayar ki nayi uban waye yayi miki cikin nan" ban kula ta ba saboda tsayawa ma kula ta ɓata lkc ne ai ta san zaman aure nake yi


Wuce ta nayi na ƙarasa kusa da annur zan ɗauko shi, ji nayi ta jawo ni sai saukar mari naji a fuskar ta, kammm bata ajiye ba nima na kai mata bama ɗaya nayi mata biyu


Sannan nace mata

"kina san ki san wanda yai ciki tooo mijina ne, kafin wannan ma na taɓa ɓari, kafin in haifi annur banza kawai wacce bata san inda yake mata ciwo ba"


Ban ankara ba kawai sai jin matar nan ta hau ni da kokawa tana ihu tana kuruwar

"ƙarya kike yi me sabit zai yi da ke" faɗa sosai mukai da ita


Kasancewar cikin da ke jikina yai min nauyi ya sata samun galaba akai na hai ta kaini ƙasa ta shaƙe ni tare da cewa


"wallahi duk macen da tace zata haihu da sabit sai na kashe ki na kashe abinda ke cikin naki inga abinda za ai min tunda ba wani gata gare ki"



Duka ni kuma na dinga mata inda tana ta ƙoƙarin haye min ruwan ciki Allah ya jeho anty fannah, da saurin ta ta zo ta hankaɗe badiar daga kaina



Tafiya tayi taje ta daki bango wanda har sai da kanta yai ciwo amma sam bata daddara ba kafin anty fannah ta ɗago ni tuni ta yo kaina



Wannan karon da ƙarfi anty fannah ta hankaɗa ta sai kuwa ta faɗa kan annur inajin yaro na ya ƙwalla wata irin ƙara, hankali na ne ya tashi na miƙe da ƙyar na yi wajen sa amma anty fannah ta hanani ta janye ni muka bar part ɗin


Hankalina sam ba a jikina yake ba naso in san me ya samu yaro na amma anty fannah ta hanani



Part ɗin mummy muka nufa anty fannah tana bata lbrin yadda ta ganmu ni kuma ina ce mata annur fa yaji ciwo


"ai dole sabit ya san wannan rashin hankalim da matar sa tayi" inji mummy


"Baki ciwo ba ko" girgiza kaina nayi,

"amma mummy annur kamar ya ji ciwo faaa"

"ina ruwanki da wani annur duk kin bi kin ɗaga hankalin ki akan yaro bayan uwar sa ba sanki take ba"


Kuka na saka musu ni kaɗai na san abinda yake damuna akan irin abinda sabit yake min gaskiya na kai matuƙar ƙarshe a haƙuri



Ganin ina kuka yasa mummy tace min in daina sanna in shiga ɗaki na in kwanta in huta tunda ba abinda ya same ni ita kuma badiar bari sabit ɗin ya dawo za ta ja masa kunne ya faɗawa matar sa ta fita hanya ta



Anty fannah ce ta taimaka min duk da bana jin komai har ɗakin nawa, ban daina de kuka ba, abin ya min ciwo, anty fannah ce ta zauna kusa da ni tana bani haƙuri


"wallahi anty fannah haƙuri na ya ƙare na zo ƙarshe wallahi sai na nuna wa duniya wacece mahaifiyar annur"


"ban gane ba"


Nan da nan na hau mata bayanin yadda aka samu annur, sai da naga tas sannan ta hau ni da faɗa wai nayi wauta ai duk inda muka je bani da gaskiya, tunda ga yadda aka haife shi har kuɗi na karɓa


Kuka na dinga mata ni dai a gaskiya ɗana nake so a hannuna, kukan da nake mata ne ya sa jikin ta yin sanyi, kuka wiwi haka na dinga mata



"yanzu asmau ya kike son in miki"


"ni wallahi in ba barin gidan nan nayi ba wallahi zan iya mutuwa don na gaji da matsalar gidan nan" kuka na dinga mata



Kasancewar tana sanyi ya sa ita ma ta saki kuka, muka haɗa kai muka dinga kukan,


"don Allah anty fannah ki taimaka min"


Kuka ne ya kuma ƙwace mata, mu kai me isar mu muka lallashi sannan ta hau ni da nasiha, ita dama anty fannah haka take sam bata da zafi bata taɓa ce min rama ba



"asmau wannan matsalar ke kika jefa kanki a ciki don haka ki cire annur a ranki ki mai da hankalin ki akan wannan Allah ya raba lfy"


"anty annur ɗana ne don me zaki ce in ƙyale shi"


"ba wai nace ki ƙyale shi har abada ba, amma 4 now ki ƙyale shi"


"wallahi anty na gaji da zaman gidan nan, don Allah ko wani gurin ne ki kai ni in huta in samu in sauka lfy kafin in haihu"


"in banda abin asmau ina kika taɓa jin gidan miji yai zafi, komai aka yi miki haƙuri zakiyi, kuma in shaa Allah wataran zai zama tarihi, dukkan me haƙuri wataran dole ya ga amfanin hakurin"


Kuka na dinga yi tana bani haƙuri tare da cewa ita ba inda zani kawai in zauna in shaa Allah akwai ranar ƙin dillanci, amma don Allah sai yaushe ne zan ga wannan lkcn Lallashi na ta dinga yi tun ina kuka har na zo na haƙura amma wallahi daga yanzu bazan kuma ɗaukar cin kashin shi ba



Sai da ta tabbatar na haƙura na kwanta sannan ta tafi, kuka na kuma fashewa shike nan ni ke nan a haka zan ƙare banni da wanda zai kare min ya Allah ka kawo min ɗauki, bacci ne ya kwashe ni




********************



Sabit yana wajen abokan sa yaji call ɗin badia tana kuka wai ya zo yaga asmau da fannah sun haɗa su ita da annur sun musu duka


A guje ya garzayo ya zo ya tarar da su cikin jini, shi ma kanshi annur ɗin ya kuje a goshin sa




Ita kuma ta ciwo a ƙafar ta yana ta jini, tana ganin shi ta fashe masa da kuka


"sabit kaga abinda asmau tai min, wai don kawai na ganta da ciki na tambayeta na waye shi ne tace nata ne wai zuwa tayi ta kashe mu ni da annur tunda yanzu ta kusa haihuwa bata son ƴaƴan ta su samu ɗan uba"


Sam sabit be fahimci abinda badia take cewa ba shidai kawai kallon annur yake wanda yake kwance a yashe goshi na ta jini


Ɗaukar shi yayi ya shiga da shi toilet ya wanke masa sannan ya fito da shi ya gyara masa ciwon ya saka masa plaster sannan ya ajiye shi


Itama badiar first aid box ɗin ya ɗauko ya gyara mata ciwon nata wanda daga gani wuƙa ce ta yanke da ita


Takaici ne ya hana sabit magana, yana gama gyara su ya shirya su sai da ya tabbatar sun kimtsu sannan ya fito daga part ɗin nasan directly part ɗin mummy ya taho a fusace





Ina kwance kawai naji an janyo ni daga kan gadon na faɗo ƙasa sannan ya shaƙe min wuya tare da miƙar da ni sama sannan sauke min yatsun sa guda biyar a kan fuska ta



Tuni na watstsake na ware ina kallon sa

"sabida baki da mutunci har ki shiga part ɗina ki yi mata ta illa sannan ki cutar min da ɗa........


Be gama ba sai ga mummy ta shigo


"wallahi ko ka sake ta ko in ɓata maka rai"




Wancakar da ni yayi ya fice in da mummy ta ɗago ni sannan tace min

" kiyi haƙuri komai me wucewa ne"

Wucewa wallahi an gama da ni haƙuri na ya ƙare anzo wani abu wai shi d end


Miƙewa nayi na wuce part ɗin anty fannah ina mata kukan ta bani aron kuɗi zan tafi ni na gaji da wannan bala'i


Ta so ta lallashe ni amma da ta ga yadda na rufe ido na sai tace min,

"to yanzu in kika tafi ina zaki"


"wallahi ko ina ne ni dai in tafi kuma wallahi bazan bar musu ɗana ba wallahi da abina zan tafi kuma wallahi ko ki taimaka min ko kuma in tafi ko banni da ko ƙwandala"


Jawo ni tayi sannan ta zaunar da ni kusa da ita,

"kwantar da hankalin ki akwai gidan da zan kaiki ki zauna wallahi sai sabit ya gane kuren sa sannan zan dawo da ke"


Wani sanyi naji ya ratsa min zuciya, sannan nace mata

"to yaushe zamu"


"haba so kike a gano ni na fita da ke, ai ke kaɗai zaki fita da annur akan zaki kaishi asibiti nima idan na fita sai ku haɗu, gidan yayana ne shi da matar sa sai kiyi zaman ki a can har sai yadda hali yayi"


Daɗi naji kamar me na kama hanyar part ɗin mummy na fara haɗa kayana



Duk wannan abun da ake yi mummy bata sani ba, sai dana gama haɗa kayan tas sannan na ɗauko su na kawo su part ɗin anty fannah



Itace ta sato min annur sannan muka kama hanyar barin gidan, ƴar tafiya mukai kaɗan sannan muka iso gidan da zamu,



Amaryace ashe na ɗauka ma babba ce kasancewar dare ne yasa san anty fannah bata daɗe ba ta kama hanyar gida


Ɗaki guda aka bani wanka nai wa ɗana sai alkcn naga cieon goshin nasa

"Allah ya saka maka annur"


Sallah kawai nayi na kwanta sai bacci


*******************


Sai sha ɗaya na dare sannan sabit ya dawo gida yana can yana ta fafutukar yadda zai wa asmau rashin mutunci so yake yi tana haihuwa ya kwashe abinda ta haifa ya kai gidan marayu wallahi bazai zauna da baƙaƙen ƴaƴa ba



Yana shigo wa gidan directly ɗakin annur ya shiga yai mamakin daya ga baya nan don haka sai ya ɗauka ko yana tare da badiar ne


Sai da yayi wanka ya gama komai sannan ya shiga ganin shi kafin ya kwanta, badia tana ta sharar baccin ta amma sam be ga annur a kusa da ita ba



"badia badia ina annur yake"

Cikin magagin bacci tace

"yana ɗakin sa da wuri yai bacci na kwantar dashi"

"ban gane ba yanzu daga ɗakin yake sam baya nan"


Miƙewa tayi itama tare da yin hanyar waje domin taje ɗakin annur ɗin amma wayam kamar sabit ɗin ya faɗa



Nan da nan hankalin su ya fara tashi, kafin me wannan tuni gidan ya ɗauka asmau ta ɗauke annur ta gudu


Mummy sabit hankalin su ya fi tashi, fara neman su akai abin takaici ma shine sam ba a san lkcn da ta tafi da su ba


Sabit kamar yai hauka, kasa zama yayi inda ya shuri motar sa ya fice neman annur don ita asmaun sam baya ta tata duk inda taje ai dole wataran ta neme shi ko don abinda take ɗauke da shi


nema aka dinga yi har tsakar dare sannan mummy ta kira sabit ya dawo gida


Da kuka ya dawo mata

"wallahi mummy sai yarinyar nan ta gane bata da wayo, wallahi sai na haɗa ta ƴan sanda ta sace min ɗa na ta gudu"


Kamar zararre haka ya dinga magana lallai sabit ya shiga tashin hankali, ko da mummy ta nemi ya kwanta ƙin kwanciya yayi a haka ya kwana yana ta trying number ta


Da asussuba ya miƙe ya nufi part ɗin sa yana zuwa ya tarar badia itama ta shirya


"wallahi sabit sai mun shiga kotu da yarinyar nan sai ta gaya min menene dalilin ta na sace min ɗa"


Tanka ta be yi ba saboda yanzu haushin ta yake ji duk ita ce ta jawo sam bata san ciwon yaron ba wai har kana gidan amma a sace yaro sam bata sani ba



Kaya kawai ya canza yana ji tana waya tana faɗa wa mmn ta asmau ta sace annur, takaici ne ya ishe shi yadda yake ta jinta tana ta zage zagen sai kace bamagujiya


Yana canza kaya ya fito zai fita

"sabit ina zaka na ga ka shirya wallahi ko asmau ta dawo min da ɗana sai munyi sharia da ita akan sace min ɗa da tayi sai kotu ta raba su wallahi sai na saka an mana katangar ƙarfe tsakanin mu da ita, duk babu muna fiki sai kai ko kunya baka ji ƴar cikin ka kake kwanciya da ita saboda ka zama sallamamme wallahi kaji kunya"


Har ya fice sai ya dawo, wani kyakkyawan mari ya kwaɗa mata sannan ya juya yai ficewar sa, yana jinta tana zagin sa ta uwa ta uba amma sam ba ta ita yake shi dai kawai burin sa ya ga ɗan sa



Ɓangaren mummy ya shiga ya saka mata kuka, lallashin sa ta farayi sannan ta sanar da shi ai ta aika a gano musu ko asmau taje garin su


Kuka ya dinga mata wiwi

" mummy wallahi asmau ta cuceni ta raba ni da farin ciki na annur shine komai nawa shine farin cikina ya zanyi idan banganshi ba don Allah mummy ki taimaka min, don Allah mumy ki cece ni ki dawo min da ɗana"


Tausayi ɗan nata ya bata, gaskiya asmau bata kyauta ba duk da dai duk abinda sabit yayi mata ai bai kamata tayi masa haka ba



Sallamar hjy munnira suka ji, da sauri mummy ta tashi ta tare ta sabit wanda yake zaune yai shaɓe shaɓe da hawaye ya rarrafa yaje wajen su


"don Allah ina ɗana yake" ya tambaya


Mummy ce ta daka masa harara gabaɗaya sabit ya susuce

"wallahi hjy har garin su aka je bata je, babu wanda kuka san ta sani a garin nan, wallahi tunda kika kirani jiya wallahi hankalina yake a tashe na rasa kwanciyar hankali yarinyar nan a dalilina aka san ta kuma ace ta ɗauki ɗan masu gida ta gudu da shi wallahi tun jiya jiki na yake ɓari"


"wallahi hjy na san bata wajen ki, asmau ce tayi wauta sosai" inji mummy


kuka sosai sabit ya saki kamar wani ƙaramin yari, kunya ce ta rufe mummy kamar ta nutse ƙasa sam be ji kunyar hjy munnira ba, kun san tsakanin ɗa da uwa tun tana masa faɗa akan kukan


Har ya karyar mata da zuciya, ita ma sai ga hawaye, hjy munnira sai ta saki baki tana bawa uwa da ɗa haƙuri



Suna cikin wannan halin ne sai ga ƴen uwan badia nan sun shigo
[7:16PM, 5/4/2018] ‪+234 806 779 9926‬: 🥦🥦🥦🥦🥦🥦🥦🥦🥦🥦

*A̺͆U̺͆R̺͆E̺͆N̺͆ B̺͆A̺͆U̺͆T̺͆A̺͆*

🍷🍽🥛


👩🏽‍🍳~(t̸h̸e̸ a̸m̸a̸z̸i̸n̸g̸ c̸o̸o̸k̸)~👩🏽‍🍳




🍳🍜🥘🍲🍛🍝🥗🌯🍛🍢🥠



ʙʏ ᴍᴍɴ ᴡᴀʟɪᴅ ᴀɴᴅ ᴡᴀʟɪᴅᴀ (ᴍʀs ᴀʟɪʏᴜ)




*HIKIMA WRITERS ASSO.*




P⃗a⃗g⃗e⃗ 25 🌹








Da masifar su suka shigo

"wallahi sai an fito mana da ɗan mu" yayar badia ce hauwa a gaba tana masifa tana ƙarawa


A zaune suka ga mummy da sabit sun zuba uban tagumi suna sharɓe kuka

"badia wallahi baki sa ar miji ba, ace namiji da kuka ke kuma kiyi me" wannan maganar ta ƙonawa mummy rai sai ta tanka


Aikuwa nan da nan aka hau zage zage, mmn badia ce me cewa


"wallahi sai mun kai yarinyar nan kotu sai alƙali yai mata munmunan hukunci, wallahi sai tayi zaman gidan yari, ku ma baku tsira ba wallahi sai an ƙwatar wa badia ƴancin ta a gidan nan kun mai da ita baiwar ku"


Faɗa sosai shi dai sabit yana zaune ya kasa taɓuka komai yana jin yadda ƴan uwan badiar suke ci masa mutumci duk da dai yana ganin laifin su amma asmau ta fi kowa ƙona masa rai


Cikin hukuncin Allah sai ga muktar wan sabit shi ya shigo yai musu jan wuya sannan suka haƙura suka tafi akan su jira kiranye daga court

"kuma wallahi idan court ta karɓar mana ɗan wallahi ya bar gidan nan ke nan har abada tunda dai baku iya kula da shi ba har kukai sake wata yar aiki ta sace shi wallahi annur ya bar hannun ku har abada"
Injimn badia ta faɗa tana yin waje



Sabit kara fashe wa yayi da kuka

"don Allah mummy ina zanga asmau wallahi yanzu bazan mata komai ba don Allah ta dawo min da ɗana wallahi na yafe mata wallahi na daina yi mata duk abinda nake mata, wallahi ina son annur sosai wallahi bazan iya rabuwa da shi ba"


"kai sabit wane irin mutum ne kai kamar ba namiji ba ka zauna sai kuka kake tayi, ita kuma mummyn tace me" inji muktar

"don Allah muktar kar ka bari a ƙwace min annur wallahi ina son ɗana" ya faɗa yana me riƙe ƙafar muktar ɗin


"wai mummy me yasa yarinyar nan ta ɗauke annur ɗin ne, ko faɗa suka yi, in banda abinta ai ko faɗa kuka yi ba kya ɗauki ɗan da ba naki ba" muktar ya tambaya


Sam mummy sai ta kasa cewa komai don bata ma san ta ina zata fara ba, sabit ma shiru yayi


******************


Fannah tana ɗakin ta suna waya da asmaun tana faɗa mata yadda gidan ya rikice, sam ko a jikin ta asmau bata ji komai ba, ita burin ta ma Allah ya sauke ta lfy wallahi ƙarawa gaba zatayi da ƴaƴan ta taje ta nemi dangin uwarta


Saboda tasan ko baɗe ko ba jima anty fannah zata iya tona mata asirin inda take



Sai da ta kuma jawa fannah kunne akan kar ta sake ta faɗi inda take sannan sukai sallama


Tun ana ɓoyewa daddy har yazo magana taje wajen sa, ranar mummy ta sha faɗa sosai kamar ba gobe daddyn yai mata yai wa sabit wanda a yanzu yake kwance saboda zazzaɓi da ya rufe shi


Takanas daddy ya saka mutane suka kama hanyar garin su asmai don ganin ko ta je amma ba same ta ba


Tas ya tara mutan gidan akan su faɗi ko akwai wanda yasan inda asmau take, amma duk ba wanda yasan inda take


"har ke fannah don naji ance kullum kuna tare" jikinta ne ya fara rawa don ita fannah Allah yayi ta surutu amma sam bata da zafi sanyi gareta da kuma sanyin hali



Amma da ta tuno irin cin kashin da sabit ɗin ya ɗinga yi wa asmaun sai ta dake tace

"nima ban sani ba"

"to duk lkcn da ta kira ki ki ce mata ta neme ni koma menene wallahi sai na ƙwatar wa yarinyar nan ƴancin ta tunda dai na lura kamar zaman haƙuri take yi da ku, in ba haka ba tayaya za ayi ace ta ɗauki ɗan da ba nata ba ta gudu an rasa ta ko sama ko ƙasa"



Ya juyo ga mummy

"anya fatima ke uwa ce kuwa tayaya za ayi ace wai a gidan ɗan ki ana samun matsala amma sam baki sani ba, wane irin abu ne wannan, kince ke ƴaƴan ki baza suyi nesa da ke ba amma kuma sam ba kya kwaɓar su

To wallahi ku sani duk wanda na same shi da laifi a guduwar yarinyar nan sai nayi mugun saɓa masa, kuma ku shirya jibi monday zamu fara shiga court don iyayen badia sun kai ƙara an aiko mana da sammaci sai ku shirya"


Sabit da ke zaune kamar mutum mutumi sai ya ƙara narke wa ɗan zazzaɓin da ke jikin sa nan da nan ya kuma hauhawa, shi sam be ma san ya zai yi ba



Miƙewa yayi don ya tashi dole duk yadda za