You Cannot Download this book untill you login but you can read it .

---

Login Register

ma ce akan son sa, wanda ba komai ne sila ba sai tsantsan kyau da Ubangiji ya azurtasa dashi kyakyawa ne na gaba gaba idan ana lissafin masu kyau da hakan ya daɗa hura wutan kaunar sa zuciyoyin mata da yawa Bama iya waɗan da suke a ƙauyen ba, shi dai bai ma san sunayi ba domin ko tsawon watanni goma sha ɗaya da ya yi a Garin bai taɓa yin koda aboki ba sai watanni huɗu baya da ya haɗu da Labib har suke 'yar magana sama sama shima sai sun haɗu kuma kafin su haɗun a daɗe sosai.





________
*Tofah Mene ne yake faru ne, wai shin son Taufan Aaqilah take yi ko ya ya?.*

*Ga Samira Adila Dina ta suna wai shin akwai ciwo da take fama da shi basu basu sani ba ne??.*

*Shin Sule zai haƙura kuwa???.*




*By: Nainarh KD ✍️*

*_-_ For any and more information_-_*
*My WhatsApp Countact (08081129487 or 07085212808)_-_*

*~_Paid Book Don't Miss It._~*



_*~👑N.K.D.S. Writer's.👑📚✍️~*_


_Proudly Present_

*💫TSANTSAN SO.💫*
*The Pure Love.*



_❣️Destiny, Struggle, Inclination, Merciless, suffering, Excruciation, and Negate Pure Love.❣️_



*Dedicated To Princess Teemarh [Star Lady.]💋*


~_From The Pen Of Nainarh KD Writer Of Sarauniyar Kyau And Aneeserh (Innocent Girl.)_~






_Wannan Page naki ne Fatima Abdullahi Kano (Autar Marubuta) Fatan Alkhairi 😘_



*Ep_Four.*



_HAZEL POV_


Yau ma kamar kullum ta shirya tsaf cikin uniform nata na school tayi sallama da Granny ta fito domin tun sassafiya Mahaifinta wato Astrid David da ake sama laƙabi da Father kuma da yawan mutane haka suka sanshi a garin kuma ake kiransa, sakamakon shi ɗin Babba ne kuma wanda ake ji da shi cikin Babban church guda ɗaya tal dake Garin, yanzu haka ma can ya yi sammakon zuwa domin meeting suke yi na bikin Christmas da ya matso.



Tana tafiya kamar ko yaushe silently da ita littatafan ta rungume a chest ɗin ta ta karyo kwana ta shiga layin da kai tsaye zai sadata da school nasu da masarautar RAEES ke daura da ita masarauta ma girman gaske da ɗin bin tarihi.


Wani ƙaramin ɗan kwikwiyon kare ne da yazo wucewa ta sai tin ta ya ja hankalin ta.
Aikuwar da sauri ta ƙari sa wurin sa tare da tsugunawa ta ɗauke sa tana ƙare masa kallo. Saman laɓɓanta ta karanta harufan da aka rubuta jikin wani abu dake jikin doguwar sarƙe dake ɗaure a wuyan ƙaramin kwikwiyon.



"My H."


Ta karanta rubutun tana Miƙewa tsaye, waige waige ta fara ko zata hangi mamallkakin karen sai dai sakamakon yanayin garin da yake luf luf anyi ruwa mutane ɗay ɗay kune ke wucewa ta yankin.
Ta sauke ajiyar zuciya ganin bataga kowa ba, tana shafa kwikwiyon da ya lafe a hannunta lokaci kaɗan taji son kwikwiyon ya mamaye ruhinta.

"My H, ni dai banga kowa ba, saboda haka na sama kwikwiyon daga yau Sunan ki little H."


Hazel ta faɗa tana kallon kwikwiyon cike da farin ciki dan ta fahimci mace ce. Gyara littatafan ta tayi sannan ta fara tafiya hannunta riƙe da kwikwiyon da tayi ma laƙabi da Little H.


Labib ya fito daga maɓoyarsa yana Murmushi.


"Yes tarkona ya kama, da alama tanason kwikwiyon sosai."


Ya faɗa tare da fara tafiya sauri sauri har ya cimma ta, suna jerawa tare bai kalleta ba ya ce.


"Am bakiji ba, wannan kwikwiyon nawa ne fitowa ta yi daga gida ban sani ba, na fito ina neman ta. Allah ya taimaka ashe kece kika gansa, na gode sosai bani ita mu koma gida kar sanyi ya ma ta illa."


Dam...! Shi ne sautin bugun da ƙirjin Hazel ya bada lokacin da ta gama jin abin da yake faɗa. Tayi rau rau da ido kamar zatayi kuka ta ce.


"Wayyo Dan uwa ka barmin mana please ina son ta sosai fa."


Ya yi Murmushin gefan fuska da bai bari ta lura ba, sannan ya ɗan tamke fuska ya ce.


"Akan me zan baki shi bayan ce miki nayi ita ɗin mallaki nane?."


"Am so sorry gata nan ka cinye idan ana ci."


Ta faɗa a fusace tare da cilla masa kwikwiyon jin yana ƙoƙarin buga ma ta tsawa abin da ba'a taɓa ba, duk tsawon zaman ta da kakarta Granny ko dungurinta bata taɓayi ba, balle uwa uba Father da ko kukan ta bai son ji. Duk soyayyar da take ma kwikwiyon ta haƙura akan dai ya yi ma ta tsawa.


Labib ya yi kasaƙe yana bin bayan ta da kallo hannunsa riƙe da kwikwiyon da ta wullo masa ya yi saurin cafewa.


"Tofa wai fushi tayi nan?."

Ya tambaya kansa, ganin babu mai basa amsa, yasa shi saurin ƙari sawa wurin ta har tayi nisa.


"Koda yake na lura kina son ta gata nan dake tafi dacewa."

Ya faɗa yana miƙa ma ta. Batayi fushi ba kamar yadda ya yi zato. Ta washe baki tare da Juyowa ta kallesa ita sai yanzu ma ganesa ashe Mutum jiya ne kuma ta lura yana yawan bin hanyar nan da take bi wurin zuwa school sannan suna yawan karo ba tare da sun sani ba.



"Da gaske na gode sosai kuwa."


Ta faɗa, tana yunƙurin karɓar kwikwiyon a hannunsa.


Ya ja baya da sauri. Ta zuba masa ivy eyes ɗin ta domin jin abin da zai ce.


"Kafin na baki karyata yana da kyau muyi Deal dake."


"Okay Tohm Ina sauraren ka."


Ta faɗa cike da ɗan ƙosawa.


"Koda yake zan faɗa miki Deal ɗin daga baya yanzu dai gata nan ki kulamin da My H kamar kwai idan wani abu ya same ta kamar ni ya sama ita ce ni, ni ne ita."


"Kaji dashi dai badai ka bani ita ba."

Ta faɗa ƙasan ranta, a fili kuwa cewa tayi.


"Tohm na gode."


Ta faɗa tare da karɓar kwikwiyon daga hannunsa.


Ya yi Murmushi.


"Zan shiga makaranta."


"Okay take care."

Tayi Murmushi kaɗan ba ta ce komai ba, ta shige ciki hannunta riƙe da kwikwiyon har ta ƙari sa izuwa class ɗin su S.S.3,A science yau ne Ranar da zasu zana Final paper na kammala school ɗin.



Fuskar sa ɗauke da murmushi sai da ya tabbatar da shigarta school ɗin sannan ya kara wayarsa a kunne bayan ya lalubo lambar Abokinsa Taufan ya danna kira.


Sallama ya yi bayan an yi picking, ya yi Shiru domin jin abin da zai faɗa ta ɗayan ɓangaren.


"Wai kana ina ne haka naji hayaniya?. Asibiti.! Okay na fahimta, idan ka dawo sai mu haɗu a can ɗin."


Ya katse kiran tare da nufar hanya ya bar wurin.



_____________
_Aaqilah POV_



"Daga ina kike haka jikin ki gaba ɗaya duk taɓo, faɗi kikayi a taɓon da girman ki, ina hijabin ki, ko haka kika fito ganɗai ganɗai dake babu ko lulluɓi?."


Mamanta ta jero ma ta tambayoyin lokaci guda tana tsareta da ido.



"Mtsww, wai Mama mai kika mayar dani ne Yarinya ko me, sannan Mene ne aibin shigata a haka, banason zafi shiyasa na fito haka sannan...."


Katseta tayi a fusace.


"Sannan me yanzu Tantirancin naki yakai ki kalla tsaban idona ina faɗa kina faɗa, lallai ne na fahimta, kiyi gaggautawar ficemin daga gida yanzu yanzu tun kafin raina ya fara ɓaci shashashar banza."


Mama ta faɗa a fusace daga ƙasan zuciyarta a karye take ayyana wa take.


Shikenan an gama ita an lalata ma ta rayuwar 'ya. Ji take bazata taɓa yafe wa Lami da Salame ba har abada domin sun cutar da ita.



"Wow dama wannan ranar nake jira ashe kin yarda ni Tantiriya ce, wai Aikuwa tantiranci salo salo zan fito da, sannan ki kwantar da hankalin ki zan fice Miki daga gida ba zama ya kawo ni ba, dama labari na samu bakyajin daɗi sai dai na lura ma kin warke zan tafi."


"Da yafi dai Umma ta gaida Aysha."


Aaqilah tayi Murmushin takaici tana juyawa daidai lokacin ita kuma Teema ta shigo gidan da sallama. Turus taja ta tsaya baki sake.




"Wannan kallon fa nifa banason gulma Mene ne ya faru har kin dawo daga Asibitin ne ya jikin nata?."


Aaqilah ta faɗa a dake tana zuba ma ta coals eyes nata da ɓacin rai ya fara rinar dasu.

"E, na dawo ne na faɗa ma Gidan Sarki abin yake faruwa, dama acan take, tana lafiya likita ya ce ba Babban abu ba ne kawai ta tsorata ne ta yi. Anty Aaqilah Mene ne yake faru ne wai, mai ya haɗaki da Mama nake jiyo muryoyin ku tun daga waje?."



"Ban sani ba gulma awiya kawai, abin da na tambaye ki daban amsar da kike bani daban, sannan ki shirya zanzo anjima ki rakani na ganta. Koda yake barshi ma na fasa sai gobe."


Ta faɗa ba tare da ta jira abin da Teema zata kuma faɗa ba ta raɓa ta gefanta ta fice daga gidan gaba ɗaya.



"Mama.."!


Teema ta kira Sunan Mahaifiyar nasu da tabi Ɗiyar tata Aaqilah da kallo tana ma ta fatan shiriya daga wannan murɗaɗɗen halin nata.


"Mene ne ya faru naji ta ce asibiti, kiyimin Bayani illa tayima wata ko me?."


Maman ta tambaya tana ɗan fito da ido da alama a tsorace take tun lokacin da aka ambaci asibiti.


"Mama ke nan, ba wani abu tayi ba, kawai akasi aka samu."

Teema ta faɗa sannan ta bawa Mahaifiyar tasu labarin duka abin da ya faru daga farko har zuwa yanzu.

Mama taja salati cike da tarabbabi sai dai ta kasa faɗin komai.



______
_Aaqilah kuwa._


Da fitarta kai tsaye Gidan mahaifinta ta koma da Babu nisa sosai da gidan da Mahaifiyarta ke aure bai fi gidaje huɗu zuwa Biyar ba tsakani.


Hayaniya ce ke fitowa daga cikin gidan da alama mutanen gidan sun fara sana'ar tasu.



"Mtsww Baba dai ya mutu ya bar ma mutanen Duniya ala ƙaƙai ko menene yake faruwa kuma yanzu oho."


Ta ƙari sa zancen zucin tana shiga gidan. Karo taji tayi da mutum. Sai dai bata damu da sanin ko wanene ba tasa kai zata shata ta gabansa ta wuce.



"Ke daga gidan uban wa kike a haka babu ko mayafi?."


Ta kalle sa ɗere re sama da ƙasa kai tsaye ta basa amsa da.


"Daga gidan uban ka mana."


A fusace ya kai Hannu da niyya kifa ma ta mari. Ta tsaya ƙyam tana jira.


Inna Lami tayi saurin riƙo ta ta janyo ta tana faɗin.


"Haba Umaru wai Yaushe zaka dena biyewa wannan Yarinyar Aaqilah ne kullum naga zubar da girman ka, baka tsoron ta raina ka?."



A fusace ya juya ya kalle Mahaifiyar tasu ya ce.


"Haba Inna Lami kina ji dai zagina tayi ni ɗin sa'an tane ko me?."


Ya faɗa Muryarsa na kakkarwa da alama Ransa ya ɓaci sosai.



"Kayi haƙuri to, ke kuma Aaqilah ki dena kalan wannan ki basa haƙuri yanzu komai ya wuce."


Tayi Murmushin rainin wayo ta kalla Inna Lami ƙere re.


"Wai wannan abin zan bawa haƙurin never wallahi."


Ta faɗa tana gaba ta shige cikin Gidan tana watsawa Inna Sahura da ta dataka daga cacar baki da suke yi ita da Yaran gidan kamar sa'o'inta wata uwar harara mai cike da ma'anoni.



"Kizo ki zubamin waina ta idan kuma ta ƙare ne a ga Ruwan Bala'i, kai kuma kayi sauri kaje ka kaima wannan kucakar matar taka waina da ta aikoka amsa tun kafin ta biyo ka mijin ta ce kawai."



Huci Umaru yake tsaban takaici yasa kai ya fice daga gidan hannunsa riƙe da kular waina da aka zubawa matar sa.



"Aaqilah kinsan abin da kikeyi bai dace ba ko, ke fa Mace ce ki sani gidan wani zakije yana da kyau ki gyara hali tun kafin lokaci ya ƙure miki."



Aaqilah taja tsuka kaɗan shikenan kuma zata fara nasihar nata.


Inna Lami bata damu da ƙin kulata da Aaqilah tayi ba domin inda sabo ta saba ta ci gaba da ma ta nasiha akan rayuwa can ƙasan zuciyarta kuwa wani irin nadama ne na Rayuwar ta ta baya ta takeji, ta sani tana da saka hannu cikin halin da Aaqilah ta tsinci kanta a rayuwa sai dai yanzu tayi nadama ta ƙudurce a ranta zata tara kuɗi na cinikin wainar ta domin zuwa a karya baƙin Asiri da aka ma Aaqilah tun Ranar da ta fito Duniya....



*~_Paid Book Don't Miss It_~*
______
~N.K.D.S Writer's Team~


1: Nainarh KD
_Heartie Of The N.k.d.s_
2: Kainaat
_Queen Of The N.k.d.s_
3: Dodo Zaynab
_Dodo's Of The N.k.d.s_
4: Salma Ahmad Isah
_Salmani'ans Of The N.k.d.s_



_*~👑N.K.D.S. Writer's.👑📚✍️~*_


_Proudly Present_

*💫TSANTSAN SO.💫*
*The Pure Love.*

_BY_
_Nainarh KD✍️_

*Dedicated To Princess Teemarh [Star Lady.]💋*


*Ep_Five.*


_Hazel Kuwa._


Tun bayan shigarta class ɗin su tsawon mintuna ashirin tana zaune bata ce da kowa komai ba haka ma babu wanda ya kulata, domin a ganinsu ita ɗin 'yar girman kai ce ita ba kowa ba sai shegen jama'a jijji da kai ga miskilanci shi ya sa bata shiga harkar kowa kuma kowa baya shiga nata.


Tana nan zaune tana shafa kwikwiyon cike son sa. Arissa ƙawarta da suke zaune benji ɗaya ta shigo class ɗin ta ƙari sa ta zauna tana a je littatafan ta saman desk.


"Barka da ƙari sowa amma fa yau kin makara sosai."


Arissa ta sauke ajiyar zuciya tana kallon kwikwiyon dake hannun ƙawarta ta Hazel ta ce.


"Kedai bari kawai wani abu ne ya tsayar dani, kina lafiya?."


"Lafiya Qlau. Wani abu ne ke nan?."


Hazel ta tambaya tana kallon ta.


Ba tare da ɓata lokaci ba Arissa ta kwashe dukkan abin ya faru lokacin da suka haɗu da su Teema ta faɗa ma ta.


Hazel ta ce.


"Allah Sarki yanzu haka tana can Hospital ɗin ke nan ya jikin nata?."


"E tana can, lafiya Qlau, domin Doctor ya ce ba wani abu ba ne Kawai firgici ne ta shiga da alama this is the first time na Rayuwarta da ta shiga kalan wannan halin.''


"Ayya."

Shi ne kawai abin da Hazel ta faɗa da yake surutu bai dameta ba ita ma Arissa ta san hakan.


"Althaf fa kuna haɗuwa kuwa kwana biyu?."

Arissa ta kalla Hazel da ta jefo ma ta tambayar tayi Murmushi ta ce.


"Sama sama dai wai kuwa ma kin san cewa jiya saura ƙiris Yayana ya ganni da shi?."

Hazel ta zaro ivy eyes ɗin ta ce.


"Wani Yayan naki ke nan?."


"Hummm ina da wani Yaya da ya wuce Taufan Ali ne?."


Hazel tayi Murmushi kaɗan karo na farko sannan ta ce.


"Sorry na sha'afa ne sam kin san wannan Yayan naki baya shiga harkar kowa shiyasa ma nake mantawa da shi idan ba na ganku tare ba ko kuma nazo gidan ku."


"Hummm."

Kawai Arissa ta faɗa suka canza topic ɗin. Fira suke kaɗan kaɗan kafin su shiga Exam Class.


_________
_Taufan Ali POV_


Cikin tafiya da suke tare da sanyin idaniyar sa abar ƙaunarsa Ƙanwar sa Arissa da ya ɗauko ta daga Tahfiz na safe da ta tafi duk da kuwa yanayin da aka tashi a garin an sha ruwa daren jiya amma haka ta nace sai ta tafi Islamiyya domin suna dab da sauka ne bata son komai ya wuce ta, wannan dalilin ya sa Yayan nata Taufan ya rakota makarantar sannan ya jira har aka tashesu sannan suka kamo hanyar gida tana riƙe da Alkur'ani mai girma shi kuma yana riƙe da ƙaramar kekensa ta training, suna tafiya suna fira kaɗan kaɗan suka hangi Teema Ƙawar Arissa ɗin ita da wata kyakkyawar Budurwa tsaye ga kuma wasu Samari uku gefe sai kuma wata Budurwa da ke tangal tangal zata faɗi bayan buga ma ta sanda da ɗaya daga cikin samarin ya yi.



Arissa ce ta roƙe shi da ya daure ta taimaka musu don ganin yadda ya yi kamar bai gansu ba tasan dalili amma haka ta nace har sai da ya shiga aka yi da shi sannan ne komai da ya faru ya biyo baya.


Bayan ƙari sawa da ita Hospital da suka yi ne bayan Likitoci sun rufu akan ta, bayan wani lokaci Doctor ya fito yake faɗa musu su kwantar da hankulansu ba wani Babban abu ba ne kawai firgici ne ya sameta jin haka yasa Taufan sauke ɓoyayyar ajiyar zuciya da bai san kona Mene ne ba, sannan ya umarci Teema da ta wuce ta faɗawa Familyn Samira abin da yake faruwa, nan ne ma take faɗa masa a gidan Sarki take. Bai ce komai ba yaja hannun Ƙanwar sa Arissa suka fito daga Hospital ɗin gaba ɗaya har da Teema domin bai ga amfanin ci gaba da zaman su ba don Doctor ma ya ce ta sama Bacci.


A hanya ne wayar Abokin sa Labib ya shigo masa. Umarni ya yi ma Teema da Arissa da su wuce gida ya bata Training Bicycle ɗin sa ta wuce masa da ita gida yayin da shi kuma kai tsaye ya wuce zuwa wurin da suka saba haɗuwa da Labib ɗin dama sauran Abokansu samarin unguwa. Yayin da Arissa ta wuce gida kai tsaye ta shirya sauri sauri ta wuce school domin ta makara bayan ta bawa kakannin nasu labarin abin da ya faru har yaja ma ta tseko.


"Mutumina sai yanzu ka ƙari so ke nan?."

Labib ya faɗa yana dariya ya miƙawa Taufan hannu suka yi misabaha ya ci gaba magana bayan sun zauna.


"Mutumina shawararka tayi aiki fa finally zan sama muradin zuciyata cikin sauƙi Hazel annurin Rayuwar Labib..."

Ya faɗa yana lumshe ido tare da jan Sunan daga ji zaka fahimci ba ƙaramin so yake ma Hazel ɗin tasa ba.


Abokansu suka kwashe da dariya, Taufan ya yi Murmushi kaɗan, nan suka ci gaba fira da mafi yawanci Labib keyi ba'a kan komai ba sai Hazel ɗin sa, yana faɗa musu Irin TSANTSAN SO da yake ma ta, inda sabo yaci ace sun saba da wannan surutun nasa akan Hazel da bata san yana yi ba ma, domin da sun zauna zaman Majalisa bashi da aiki sai maganar Hazel ɗin sa duk da kuwa yasan cewa ita ɗin ba musulma ba ce, Bama wannan ba, wayar gari aka yi aka gansu a garin ita da mahaifinta da Kakarta ba'asan daga ina suke ba shekaru uku baya ke nan, da yake Sarki Muhammad Raees mai adalci ne bayan gabatar da dukkanin bincike akan su ya fahimci ba zasu cutar masa da al'umma ba ya basu matsuguni cikin Garin....



_____
_Around 9:10pm_

_Arissa_



Kamar yadda suka saba kuma ya zame musu jiki ita da Yayan nata kuma Babban Amininta yau ma suna zaune ne tsakiyar gidan suna shan iska, Arissa tana daga saman tabarma zaune ita da Kakus da gaba ɗaya hankalinta yake kan Radio da take saurare suna taɓa fira jifa jifa da Mijinta Nakowa, Arissa ta kalla Yayan nata Taufan dake zaune gefe saman Plastic Chair yana shafa wayarsa cikin nutsuwa sannan ta ce.



"Ni kuwa Yayana ka koma Asibitin ne?."


"Asibiti kuma?."


Ya tambaya da alamun bai mene abin da take nufi ba. Ko da ya gane to basarwa ya yi.


"E, na ɗauka ka koma duba jikin nata ne."


"A'a."


Ya faɗa a gajarce.


Tayi Murmushi.


"Okay Tohm Gobe da safe ina so naje na ganta Dan Allah zaka rakani?."


Ta tambaya tana marairaicewa.


Akwai abin da yake yi gashi ta addabesa ta surutun ta hakan yasa shi amsa ma ta da faɗin.


"Okay "


A taƙaice.


"Na gode Yayana."


Ta faɗa duk da tasan ta wuya ya kuma wata maganar.




_________
*_Hayy Gharb, Zamalek, Cairo_*

_Around 11:30am_

_Ambrah POV_



A hankali take taka katafaren matattakalan Benen da ya haɗu iya haɗuwa gaba ɗaya ƙamshinta ya mamaye katafaren palon. Strapless Dress ne jikinta Doguwar Gown da ta wuce gwiwarta kaɗan sai Jodhpurs trouser da ya matseta a jikinta, ta yane kanta da veil mai kyau da dacewa, ƙafafuwan ta sanye Cikin wasu arnun strappy shoes black color tana riƙe da handbag nata neck ɗin ta kuwa maƙale da festoon necklaces, fuskarta wadace da make-up ba ƙaramin kyau tayi ba domin kyakyawa ce sosai tana tafiya cike da gadara ta ƙari sa saukowa Downstairs ɗin, har ga Allah bata lura da Iyayenta dake daga can side ɗin Dining suna Breakfast ba, take ƙoƙarin sa kai zata fice daga Palon tana karkaɗa car Key's ɗin ta.



"Baby Ambrah Ina ne zaki tafi da sassafiyar nan haka?."


Ta dakata daga ƙoƙarin fita daga Palon da take yi sannan ta juya ta kalle ta fara'ar da ta kasa ɓoyuwa daga fuskarta ta ce.



"Wurin Brother Taufan ɗina mana."


Ta bawa Oum ɗin nata amsa.


Gaban Oum ya faɗi ta kalla Mijinta tana masa nuni da ido na ya ce wani abu.


"Am Ambrah zo nan ɗiyata kiji."


Ya faɗa yana yafitota da hannu.


"A'a Abhie ko mene ne ka faɗa daga nan ina sauraren ka domin yau na rantse banga mai hanani fita daga gidan nan ba domin zuwa ganin sanyin ruhina."


Tsawa Oum ta daka ma ta.


"Ambrah kina cikin hankalinki kuwa Abhie naki kike faɗawa haka?."


Cuno baki Ambrah tayi tana rau rau da ido cikin dasashiyyar murya Irin na mai shirin kuka ta ce.


"Haba Oum ya ya kuke so nayi da rayuwata ne tun shekaran jiya na dawo ƙasar nan nayi nayi ku barni naje naga Brother Taufan da sauran Family amma kun hanani ban san me kuke nufi ba kuma kunsan wani matsayi yake da shi a Zuciyata."


Ta ƙari sa zancen cikin karyewar murya tana share kwalla.



Gaba ɗaya jikinsu ya yi sanyi Tabbas su sheda ne akan kalar sun da Ambrah take ma Taufan tun tana ƙaramar Yarinya.


Dr Aadnah taja ajiyar zuciya tana tattaro dukkanin nutsuwarta ta mayar kan Tilon Ɗiyar tasu sannan ta ce.


"Please Ambrah ƙari so nan akwai abin da zan faɗa miki kinji Babyna."


Ambrah ba tare da tace komai ba ta fara taku har ta ƙari sa wurin Dining ɗin ta zauna gefan Mahaifinta Prof Yusuf El Mustapha tana cuno baki ita dole an ɓara ranta.


"Uncle ɗin ki baya wannan ƙasar a halin yanzu yana can New York har su Taufan suna can akwai wani dalili na zuwan nasu amma ina mai tabbatar miki nan da One Month gaba ɗayansu zasu dawo daga nan kinga sai ayi magana akan auren ku ko?."


Ta ƙari sa maganar wa ɗiyar ta ta cike da alhini na abin da zata faɗa.


A firgice Ambrah ta miƙe tsaye cike da tashin hankali ta ce.


"What..! New York Oum kuma Dukkannin su Oh My God amma me yasa baki faɗa min ba, ai dana wuce can kai tsaye kawai da ban dawo nan ƙasar ba."



Gaba ɗaya suka kalle ta da tsaban mamaki na kalamin dake fitowa daga bakinta...


* * *

Fitowarsa ke nan daga Bathroom yana sharce ruwan dake ɗiga daga jikinsa da alama wanka ya yi ya hangota zaune gefan Bed ta zabga uban tagumi hannu bibbiyu. Da sauri ya ƙari sa wurin tare da tambayar mene ne yake faruwa ne ta shiga wannan yanayin. Ta kallesa ta ce.



"Prof an ya kuwa akwai Alkhairi a wannan lamarin gani nake wannan makaucin son da Ambrah Ɗiyata ɗaya tilo take ma Taufan Yaro wurin Yayana Ali Taj Ozan kamar tayi yawa gani nake shi baya ma ta son da take masa tunda har ya iya barin ƙasar da take ba ko waiwaye, nifa na fara karaya da wannan lamarin ka duba fa yadda take kuka ɗazu baji ba gani."



Ta ƙari sa maganar cike da rauni. Ya yi Shiru yana nazari tare da matsota jikinsa yana lallashi.



"Aadnah."


Ya kira Sunanta. Ta amsa sannan ya ci gaba da faɗin.



"Tabbas gaskiya kika faɗa son da Ambrah take ma Taufan yafi wanda shi yake ma ta idan yana matan ke nan, saka kanki a damuwa ba shi ne zai kawo mafita a lamarin ba fa ce ki bisu da addu'a kawai, sannan ina tunanin baki manta cewa bawai da gangar ya tafi ya koma wata ƙasar ya shantake ba, wasiyyar Mahaifiyarsa da ta bar masa yake ƙoƙarin ganin ya cika, kuma in sha Allah komai ya wuce dama Deal ɗin na shekara guda ne, kuma cikin iznin Ubangiji cikin wannan shekara ɗayan kwanaki kaɗan ne Kawai suka rage, a shawara ki daure ki ci gaba da lallashin Ɗiyar ki har Ubangiji ya yi dawowarsu lafiya shi da ƙanwar tasa sannan muga mene ne abin da zai biyo baya kinji Doctor na?."


Ta sauke ajiyar zuciya tana gyaɗa masa kai cike da gamsuwa da baya nansa ta ce.


"Shikenan babu damuwa in sha Allah zan yi ƙoƙari wurin yin hakan."


Ya yi Murmushi.


"Yauwa ko kefa, kawai kinje kina sakamin kanki cikin damuwa da bata miki kyau sam."


Tayi Murmushi ita ma kaɗan.


Nan dai suka ci gaba tattaunawa akan Babban lamarin dake gaban su na dawowar Taufan tare da Arissa da kuma yadda zasu runkaresa da maganar aurensa sa da suke son haɗawa Ambrah.


______
_Ni kam bana ce komai ba a halin yanzu 🌚_


👑Nainarh KD ✍️👑



https://whatsapp.com/channel/0029VaEZtE15a2429vfcpf20



*KUYI FOLLOWING WHAT'SAPP CHANNEL NAWA DOMIN SAMUN TSANTSAR SO TUN DAGA PAGE 1 ZUWA INDA AKA TSAYA, MASU NEMAN LITTAFIN ANEESERH MA ZAKU IYA FOLLOWING DOMIN SAMUN DAGA FARKO SHIMA ZUWA INDA AKA TSAYA.*



*🌹👑The Pure Love.🌹👑*


_A yadda bincike ya nuna a ƙa'idar Adabin Hausa. Tsantsar so ne, ba wai Tsantsan so ba. Saboda haka sunan labarin Tsantsar so. Ina fata zaku fahimta.🙏💖_


____________
_*~👑N.K.D.S. Writer's.👑📚✍️~*_

*_The Nainarh KD_*

_Proudly Present_

*_❣️TSANTSAR SO❣️_*


*Dedicated To Princess Teemarh [Star Lady.]💋*


*Ep_Six $ Seventh.*


*_Jos Nigeria_*



_Specialist Hospital Jos_



"Ƙarba mana please ki daure kisha ko kaɗan ne, kinji Sister kinga