You Cannot Download this book untill you login but you can read it .

---

Login Register

a halin yanzu bai san ma ta inda zai fara ba domin Umma ta rushe masa gaba ɗaya tsarin sa dole ne ma ya kira Taufan domin ya basa shawara akan wannan lamarin...



_____
*SAMIRA SAM POV.*


Sheshsheƙar kuka da taji ne ya sa tayi saurin nufar hanyar Bedroom ɗin da ta jiyo sheshsheƙar yana fitowa ta can. Tun bayan rabuwar su da Arkan rasa abin da ya kamata tayi a wancan lokaci tayi, shi ya sa kai tsaye ta yo part da Madam Asfiya ta sauka domin tana da tabbacin Hamrarh da Amrarh suna can. To bayan isowarta ne babu kowa Palon hakan ya saka ta tsaya tana jiran wanda zai fito shi ne fa ta jiyo sheshsheƙar kuka.


"Subhanallah Mom Asfiya mene ne yake faru wa ne?."

Ta faɗa cikin tashin hankali hango Madam Asfiya ɗin da tayi ta kifa kai tana risgar kuka.

A firgice ta ɗa go kyawawan idanunta tana kallon Samira da ta ƙari so cikin tashin hankali tana tambayar abin da ya saka ta kuka.


"Adila Mene ne ya kawoki nan, dama ban rufe ƙofar ba?."


Da sauri Samira jin abin da Madam Asfiya ɗin ta faɗa ta amsa ma ta da cewa.

"Ni ce Mom Asfiya nazo wurin Sister Hamrarh ne shi ne na tarar bata nan. Sheshsheƙar kuka da naji ne ya sa nazo nan Bedroom ɗin kuma abin mamaki naga kece mai kukan Dan Allah Mom Asfiya ki faɗa min mene ne yake faru wa da har kike kuka a wannan lokaci da girman ki hankalina a tashe yake wallahi."


Samira ta ƙarishe maganar cike da damuwa tana kallon Madam Asfiya ɗin da hawaye ya kasa dena ma ta kwarara daga kyawawan idanunta.


"HHhH Samira Mene ne ma bai faru ba dani cikin ƙasƙantacciyar Rayuwata mai cike da zallar zalunci?.... Ba zaki gane komai ba koda nayi miki bayani."


"A'a Mom Asfiya Karki ce hakan ki yarda dani ki faɗa min damuwar in sha Allah ba zakiyi nadama Ba, kuma Bi'iznillah zan tayaki da addu'a koda ba zan iya taimaka miki da komai da zai yi silar gusar da damuwarki ba."


Samira ta yi saurin tarar Madam Asfiya da faɗin hakan domin da jin yadda tayi dariya mai cike da ma'anoni kala kala. Takaici, damuwa, baƙin ciki, tsaka mai wuya tasan lamarin ba ƙaramin ba ne.


Shiru Madam Asfiya tayi tana kallon Samira tasan Samira kyakyawar yarinya ce mai kyan hali da hankali shi ya sa take burgeta. Tunani take yi akan ta faɗa ma ta damuwarta ko kuwa?. Yayin da gefe guda na zuciyarta ya fara tariyo ma ta gaba ɗaya rayuwarta na baya mai cike da baƙin ciki son zuciya zalunci danasani....



*Flash Back...*



"A Yankin Jos cikin ƙasar Najeriya akwai wani a dalin sarki Sunansa Muhammad Raees yana da mata uku ta farko sunanta Bilkisu yaranta uku sai ta biyu Safiya yaranta biyu sannan ta ukun sunanta Asiya yaronta ɗaya Sunansa Ghazi Raees tun tasowar Ghazi ya kasance yaro ne Azzalumi cikin yara 'yan uwansa bashi da Burin komai sama da ganin hawaye ana kuka koma akan mene ne kuma da wannan mummanar ɗabi'a ya taso yana da wasu mugayen halaye murɗaɗɗu da babu mai iya ja da shi ga mugunta a cikinsa sai dai ba'a iya masa komai domin uwarsa Fulani Asiya ta ɗauki son Duniya ta ɗaura akan wannan yaro nata haka ma mai martaba sarki Muhammad Raees sam basa ganin laifin Ghazi akan komai da zai aikatawa domin a ganinsu ƙuruciya ce wata Rana zai Dena sai dai abin nasa tun ana tunanin ƙuruciyar ce zai bari wata Rana har ya fara girma muna nan halayen nasa suna daɗa girmama gaba ɗaya ya addabi Mutanen gari da baƙaƙen halayensa domin ba ƙaramin abu bane a wurinsa ya kama Yarinya ƙarama ya keta alfarmarta kuma a zaune daram babu mai iya masa koda kallon banza saboda ana tsoronsa da halin sa. Tabbas Sarki Muhammad Raees ya san yaron sa Ghazi bashi da ɗabi'a mai kyau amma sam bashi da labarin Irin muna nan halayen Ghazi domin babu mai iya faɗa masa kowa tsoron Ghazi da Mahaifiyarsa Asiya yake sannan..."



Cikin sauri kyakyawar bafulatanar matashiyar budurwa da bazata haure shekaru goma sha uku ba a wancan lokaci ta dakatar da matar da take basu labarin tun bayan Ƙari sowarsu garin domin gudun hijira suka yi suna neman gidan Sarki don a taimaka musu ita da Mahaifiyarta da Mahaifinta da yayyin ta da ƙannin ta.


"Kaɗo dakata miye dalilin ki na bamu wannan labarin?."

Ta faɗa cikin dakusashiyar Hausar ta da sai da tayi da gaske sannan ta iya faɗo ta.


Matar tayi Murmushi tana cewa.


"Na faɗa muku wannan labarin ne saboda kusan ina ne inda kuke a halin yanzu gari ne da ya ke cike fal da baƙin zalunci kuma ganin ke kyakyawa ce da kyan ki yake da matuƙar ɗaukar hankali ya saka na faɗa muku saboda kuyi taka tsantsan."


Ta faɗa tare da yin gaba abin ta. Suka bita da kallon mamaki gaba ɗaya. Da kyar dai suka samu aka nuna musu Gidan Sarkin Garin Aikuwa koda suka ƙari sa suka yi masa bayanin zuwan su garin gudun hijira da basa labarin irin ta'asa da 'yan ta'adda suka yi musu a rugagen su sosai mai martaba da mutanen sa suka tausaya musu nan ba da ɓata lokaci ba mai martaba ya saka a ka basu ɓangare na musamman cikin masarautar abin da ya bawa Kowa mamaki ke nan.


A lokacin da hakan ta kasance Ghazi baya garin kwata kwata. Satin su Biyu a Garin suna zaune a musarautar cikin kwanciyar hankali a tunaninsu shikenan duk wani tashin hankali ya kau tun da sun sama matsu guni da muhalli mai kyau kuma cikin Masarauta a killa ce.

"Kayyasa wani mai ƙarar kwana ne ya shigo mini sashe na babu mahalukin da ya isa ya shigo bai fita da rauni ba."

A yadda farin Kyakykywar matashin Saurayin mai kyan ɗan maciji kai da ka gansa ka ga riƙaƙen jan wuya kuma mugun Tantirin ya yi maganar cikin la yi da alama a make yake baya a cikin hayyacinsa sai da 'yan hanjin cikin Asfiya suka kaɗa domin wanke wanke take ya shigo killataccen shashen kuma da alama bai lura da ita ba gaba ɗaya jikinta babu inda baya rawa saboda tsoro nan da nan labarin da wannan matar da suka gamu da ita ta basu ya fara ma ta yawo a kwanyar ta sam ta gaza motsi balle har ta gudu gashi wurin saƙo ne tana daga ciki shi yana bakin wurin ya yi bake bake gashi ƙaton gaske kamar bijimin sa.


"Iyeee tsuntsu daga sama gasashe Yarinya da alama baƙar ƙaddarar kice ta kawoki nan babu shakka yau zan kwashi Gara..."
Cikin la yi da alama ya fara fita ma daga hayyacinsa yake maganar yayin da yake tunkarar ta gadan gadan tana ja da baya ihu ta kurma tana ƙoƙarin rugawa da gudu domin ceton kanta daga gare sa. Ya yi saurin fisgota tayo baya hakan ya yi sanadiyar farkewar rigar jikinta gaba ɗaya nan take dukiyar Fulanin ta ya bayyana abin da suka kuma tsokale masa ido ke nan cikin zafin nama tayi ƙasa tana ƙare ƙirjinta. Kifa ma ta wani bahagon mari ya yi da ya yi sanadin ɗauke war jin ta da ganinta gaba ɗaya na wuccin gadi kuma gefan bakinta ya fashe ta ƙara kurma wani azababben ihu na wahala a karo na biyu, cikin zafin nama ya kuma kifa ma ta mahaukatan maruka sun fi Biyar gefe da gefenta sannan ya saka hannunsa ya rufe Bakinta da ƙarfin gaske don mugunta. Sannan ya fara kici kicin raba ta da kayan jikinta a wannan lokaci Baiwar Allah Asfiya tana ji tana gani wannan baƙin mugu ya keta alfarmarta cikin tsananin zalunci da mugunta babu ko ɗigon imani ya yi ma ta kaca kaca bai duba wani hali take ciki ba da Yarintarta ya sa kai ya yi gaba a binsa bayan ya gama yi ma ta cin mutunci gunin ban tausayi wa'iyazubillah....

A lokacin ko ɗa ga 'yar yatsar ta bata iya yi domin ta suma tafi so hamsin tana farfaɗo wa dan kanta saboda tsananin Azaba. Cikin wannan mummanar hali Mahaifiyarta tazo ta same ta Aikuwa a take a wurin ta yanke jiki ta faɗi sumammiya. Bayan gano ainihin abin da ya faru da Asfiya iyayenta sun yi kuka sosai da baƙin ciki na wannan baƙin tabo da Ghazi ya yi ma ɗiyarsu sai dai gudun abin da zai je ya dawo suka so ɓoye zancen suka fawwalawa Allah komai sai dai fafur ɗaya daga cikin yayyin Asfiya yaƙi amincewa da wannan baƙin zalunci da aka yi ma Ƙanwar tasa. Yana Hawaye Asfiya tana turjewa tana Hawaye da kuka haka ma iyayensu amma bai damu ba haka ya janyo Asfiya tun daga sashen da suke zaune har zuwa tsakiyar fadar Sarki Muhammad Raees aka yi sa'a kuma wanda aka zo domin sa yana hakimce cikin fadar kamar bai aikata komai ba a jiya da marece....

Ba tare da ɓata lokaci ba ya yi ma sarki bayanin abin da Ghazi ya yiwa ƙanwarsa ran mai martaba ya ɓaci sosai don kuwa ko musawa Ghazi bai yi ba a tunanin sa ai mahaifin nasa Sarki zai goya bayansa kamar koda yaushe sai dai a wannan karon abin da mai martaba ya yi ya matuƙar bawa kowa mamaki domin kuwa bayan tabbatar da gaskiya akan zancen wasu daga cikin ɗirka ɗirkan fadawan sa majiya ƙarfi ya bawa umarni suka kama Ghazi suka fitar da shi daga cikin fadar domin mai martaba cewa ya yi za'a yanke masa mummanar hukunci kuma dole ya aura Asfiya sosai Iyayen Asfiya suka yi farin ciki da hakan ta kasance domin a ganinsu gobarar titi ne a Jos, ɓa gas ta samu koba komai zasu haɗa jini da masarautar. Suna gab da fita dashi daga cikin fadar ya fakaice idanunsu ya kufce daga riƙon da suka yi masa kafin su yi wani yunƙuri cikin zafin nama ya ƙari sa tsakiyar fadar saitin wurin da wasu kaifafan takofai suke ya zaro ɗaya gadan gadan ya nufa Asfiya domin hallaka ta. domin a ganinsa saboda wannan ƙasƙantacciyar Baiwar mara galihu da ya yi ma fyaɗe mai martaba ya saka a ka ci mutuncin sa haka. Iya ƙarfin sa ya dage zai kai ma ta sara. Aikuwa Yayan ya yi saurin turata gefe ta faɗi wannan kaifaffiyar takofin dake hannun Ghazi ta samesa a tsakiyar kansa nan da nan ya faɗi yana zubar da jini kamar an buɗe famfo ko kafin ayi wani yunƙuri tuni rai ya yi halinsa. Wannan abu da ya faru ne ya kuma hasala mai martaba ganin ɗan sa na cikin sa ya yi kisan kai a gabansa. Aikuwa cikin zafin rai a Ranar ya yanke wa Ghazi hukunci kisa bayan kwanaki uku da za'a ɗauka ana gana masa mummanar azaba. Yayin da ya saka Asfiya da ko motsin kirki bata iya yi aka kaita cikin masarautar wurin uwar gida Fulani Bilkisu. Iyayenta kuwa sosai suke kuka kuma sun yi nadama na bayyana wannan lamari gashi a banza sun rasa Babban ɗan su ita ma Asfiya rai a hannun Allah.
Kwanakin Asfiya biyu a ɓangaren Fulani Bilkisu tana kula da ita yadda ya kamata a Ranar ne kuma wata ɓakar ƙaddara ta faru cikin Rayuwar Asfiya ta rasa kowa nata iyayenta ƙannin ta yayyin ta gaba ɗayan su Sakamakon gobara da ta tashi a sashen da suke ba tare da sanin su ba domin cikin dare wannan lamari ya kasance. Washe gari na Ranar kuma aka yi ma Ghazi hukunci da aka yanke masa na rataya.


*BAYA TA HAIHUWA....*

Ba'a fi watanni biyu da faruwar hakan ba a lokacin ne kuma ciki ya bayyana a jikin Asfiya bata gama farfaɗo wa daga rasa gaba ɗaya danginta da tayi ba zuwa lokacin gaba ɗaya Rayuwarta ta koma yi ne a ɓangaren Fulani Bilkisu domin ita da mai martaba sun zame ma ta Iyaye da ta rasa. Sai dai bayyanar wannan mummanar labari a gare ta ba ƙaramin tayar ma ta da hankali ya yi ba taci kuka sosai kamar ranta zai fita sanin cewa cikin dake jikinta ta Hanyar keta alfarmarta aka samu kuma uban cikin baya Duniyar ya yi ƙasƙantacciyar mutuwa sanadiyyar munanan halayen sa ita kuwa mene zata faɗa wa abin cikin nata bayan ta haifesu?. Duk yadda Asfiya taso ganin wannan ciki na jikinta ya fita ba tare da kowa ya sani ba abu ya cutura domin tana ji tana gani cikin yake ƙara girma na ban mamaki a kullum har ta shiga watan haihuwa a lokacin ba ƙaramin azaba da wahala ta sha ba kafin haife cikin nan domin sumanta yafi Hamsin tana farfaɗo wa dan kanta daga ƙarshe dai cikin ƙudirar Allah ta haifo 'yan biyu duka mata sai dai ɗaya tazo duniya ƙafafuwan bata iya tafiya da su sam kuma likitoci sun tabbatar wurin haihuwar ta ne ta samu wannan matsalar ba'a gane matsalar Bama sai dai suka fara girma suka kai minzalin tafiya. Hamrarh da Amrarh shi ne sunayen da mai martaba da kansa ya laƙaba musu. Kuma aka ci gaba da basu kulawa da ya dace yara kyawawa da su kowa tausayin su yake ji musamman idan aka tuna ta hanyar da suka zo Duniya sai dai an a je hakan a matsayin shi ne tasu ƙaddarar da ga su har mahaifiyar tasu. Shekarun yaran uku a Duniya mai martaba ya yanke wani hukunci da ya bawa Kowa mamaki hukuncin kuwa shi ne aurawa yaron sa Junayd Baiwar Allah Asfiya da ya yi ne bayan sanin cewa shi Junayd ɗin bai taɓa Aure ba. Wannan abu ba ƙaramin farin ciki ya saka wasu ba yayin da wasu suke ganin ba'ayi ma Junayd adalci ba musanman da ya kasance Nawaz ƙiri ƙiri ya nuna yanason Asfiya shi da yake da mata amma mai martaba bai basa ita ba ya ba Junayd yaron Bilkisu. Kasancewar gaba ɗaya yaran Fulani Bilkisu sun taso ne cikin tarbiyya da kuma biyayya ga na gaba da su musamman ma mahaifinsu mai martaba wannan dalilin ne ya saka Junayd bai yi musu ba sam akan wannan hukunci da Mai martaba ya yi bayan ɗaura Auren da satikai Biyu ya ɗauke Asfiya da yaranta suka koma Babban birnin tarayya da zama domin a can ne yafi gudanar da rabin Rayuwarsa kasancewar sa Alƙali ne shi can Abuja suka ci gaba da gudanar da Rayuwarsu yana riƙe da Hamrarh da Amrarh tsakani da Allah tamkar shi ne real mahaifinsu bai taɓa yi musu koda kallo a matsayin ba shi ne mahaifin su ba kuma tsawon waɗan nan shekaru Asfiya bata taɓa haihuwa ba a tare da Judge Junayd Muhammad Raees kuma bai taɓa nuna damuwa akan hakan ba domin a ganinsa lokaci ne bai yi ba kuma Allah bai manta da su ba. Bai ma taɓa tunanin ƙara Aure ba haka suka kasance a taƙaice....



*Present...*


Wani irin gumi ne na tashin hankali yake ketowa Hamrarh gaba ɗaya jikinta babu inda baya rawa tsaban tashin hankali na jin wannan labari da Mom nasu take bawa Samira dama tana gabda shiga Bedroom ɗin Mom ɗin nasu ne domin tayi ma ta sai da safe zata koma Apartment ɗin su shi ne fa ɓakar ƙaddarar ta ta saka kunnen ta suka jiyo ma ta wannan mummanar labari na Asalin ta wai dama duk irin matsanancin ƙauna da kulawa da wannan mutumin da suke yiwa kallon mahaifi a gare su yake basu dama ba shi ne ya haifesu ba. Inna-lilahi ji take gwara ma ta mutu ta huta da wannan baƙar ƙaddara haka shikenan taƙama da take yi da isa da gadara cikin ƙawayenta na cewa Chief Judge na ƙasa shi ne mahaifi a gare ta ashe zan ce ba haka yake ba. Da sauri ta fice daga Palon ba tare da kuma jiran abin da zasu ci gaba tattaunawa ba.


Samira kuwa..
Gaba ɗaya ƙwaƙwalwarta ta kasa samun killataccen wuri da zata a je wannan labari da Mom Asfiya ta bata dama haka ainihin lamarin ya kasance wannan ne dalilin da ya saka basu taɓa ganin dangin Mom Asfiya ba kuma bata ma magana akan su wai kuma da gaske Uncle Judge ba shi ne mahaifin su Hamrarh da Amrarh ba rasa wanene zata tausayawa cikin su tayi shin Uncle Judge zata tausayawa ko kuwa Hamrarh da Amrarh ko Mahaifiyarsu Mom Asfiya jiki a saluɓe take ba Mom Asfiya Baki akan ta yi haƙuri ta dena wannan kuka sai da ta tabbatar ta dena sannan ta miƙe jiki babu laka zata bar Bedroom ɗin Mom Asfiya ta riƙo hannunta da sauri Samira ta juyo tana kallon ta. ta sha re hawaye ta ce. "Mira kiyimin alƙawari babu wanda zai san wannan labarin da na baki?."
"Nayi miki Alƙawari Mom Asfiya in sha Allah da bakina bazan sanarda kowa wannan labari ba."

Samira ta amsa ma ta sannan tayi ma ta sallama ta fi ce daga part ɗin gaba ɗaya Direct Apartment nasu ta koma kai tsaye ta wuce Bathroom wanka tayi ta fito chest ɗin ta ɗaure da towel ga ƙarami tana goge sumar kanta da shi. Cikin ƙanƙanin lokaci ta shirya cikin sleeping dress sannan bayan ta kammala komai na al'ada da ta saba before ta kwanta ne ta zaune gefan Bed hannunta riƙe da wayarta ta dannawa Mahaifinta kira ba tare da tunani akan Komai ba. Murmushi tayi bayan ya yi picking call ta gaisheta suka gaisa sannan cikin nutsuwa ta ci gaba da cewa.

"Am so sorry Dad nayi muku ƙarya nace zan tafi bikin shi ne nazo Nigeria."

Shiru ya yi daga can ɓangaren yana sauraren ta. Jin bai ce komai ba ne yasa ta ci gaba da cewa.


"Sai dai ban yi nadamar zuwa ba domin kuwa na sama ƙarin ilimi akan rayuwa kuma nasan abin da ya shige min duhu. Dan Allah Dad zan iya sanin ainihin tarihin masarautar Raees a bakinka please Dad karka tambaya dalili.''


Yana kishingiɗe ne amma jin kalaman ta na ƙarshe bai san lokacin da ya miƙe tsaye ba yana faɗin.


"Adila ban damu da ƙarya da kikayi min har kika taho Nigeria ba, amma me yasa kikeson sanin tarihin masarautar Raees?."

"Please Dad ba wani abu ba ne fa kawai dai ina son sani ne idan babu damuwa?."


Ta yi saurin faɗar hakan da fatan ya faɗa ma ta Komai domin lamarin zai fi zuwa ma ta a yadda take so komai zai zo ma ta da sauƙi na daga binciken ta.


"Adila ki kula da kanki in sha Allah nan da five days zamu taho Nigeria ɗin ni da Mom naki idan na zo zaki san komai."


"Da gaske Dad kai da Mom zakuzo?."


"In sha Allah."


Ya bata amsa.


"Tohm shikenan Dad zan jira zuwan ku."

Canza firar ya yi suka ci gaba da wani daban sun daɗe suna wayan kafin daga bisani suka yi Sallama zuciyar Chief Sulaiman Mutallab Raees cike fal da tunane tunane daban daban akan dalilin Samira na son jin ainihin labari akan masarautar Raees....


Hamrarh kuwa...

Da fitowarta kai tsaye sashen matar Sarki ta uku ta nufa wato Fulani Asiya zuciyarta fal da tunane tunane ta ƙari sa shashen kaɗan daga ciki kuwa shi ne bai wuce na tuno yadda matar take matuƙar son su da nuna musu kulawa ba, wai dama dalilin ke nan ita ce ainihin Kakarsu bawai Fulani Bilkisu ba kamar yadda suka yi zato kuma suka taso tunaninsu a hakan yake...

"Hamrarhtu kece yau da ƙafar ki a shashena ah maraba lale lale marhaban da zuwa ga wuri zauna Shalele."


Gaba ɗaya wannan maganganun Fulani Asiya ce da take kishingiɗe amma ganin Hamrarh ta miƙe jiki na rawa tana ma ta Barka da zuwa cike da matsanancin murna.

Zama kawai Hamrarh tayi tana ƙarewa Fulani Asiya kallo kai tsaye ta ce.


"Wai da gaske ne da gaske mummunar labarin dana samu a yau na cewa Ghazi wato ɗan ki matacce shi ne uban mu ni da Amrarh?."


Wani irin mugun Bugu ƙirjin Fulani Asiya ya yi jin tambayar da Hamrarh tayi ma ta amma ta daure ta ce.


"Hamrarhtu wannan wani magana kike faɗa haka wanene ya faɗa Miki wannan maganar mai kama da ƙanzon kurege?."


"No ba musu nake buƙata muyi dake ba Just tell me the real truth kawai da gaske Ghazi shi ne uban mu ni da Amrarh ko a'a?."


Cikin rawar jiki dana Murya Hawaye na fara ambaliya a saman suntuma suntuman Kumatunta Hajiya Asiya ta amsawa Hamrarh da cewa.


"Tabbas Hamrarhtu haka zancen yake ku ɗin nan jikokina ne ba wai jikokin Bilkisu ba kuma ɗa na Ghazi shi ne uban ku na ainihi ba wancan Junaydun ba."


Miƙewa Hamrarh tayi domin taji kuma ta tabbatar da abin da ya kawo ta. Ba tare da ta kuma cewa komai ba ta kama Hanyar ficewa daga sashen. Fulani Asiya tana kwaɗa ma ta kira amma ko waigowa batayi ba saboda tsananin yadda zuciyarta take tafarfasa. Sai da Fulani Asiya ta tabbatar da fitar Hamrarh ta saki shu'umin murmushi tana goge hawaye ayyana wa take yi a zuciyarta Tabbas lokaci ya yi da zata nunawa kowa ainihin kalarta zata fara ɗaukar fansa bisa abin da aka yi ma ta ita da maragayin yaronta dole ne ta ɗauki fansa da mummanar hukunci da bazai yiwa kowa daɗi ba kuma akan mijinta mai martaba zata fara ɗaukar fansar nata domin kan mai uba da wabi zatayi mutuwar Ghazi yaronta ɗaya tilo ya dawo ma ta sabo....



______

*HAZEL POV....*


*Around 2:00am.*



Ta shirya cikin wasu fararen kaya Doguwar riga ta baje dogon gashin kanta mawadaci har gadon bayanta gashi baƙin ƙirin da shi ta saka farar toka ta shafe gaba ɗaya fuskarta. Dariya Kawai take yi lokacin da taga kanta a madubi duk wannan abun tanayi ne domin ta tsorata Granny don ta bari ta Aura muradin zuciyarta Labib kuma duka hakan shawarar Arissa ce domin ita ce ta kawo ma ta Doguwar Rigar ma. Cikin wannan talatainin tsohon daren ko tsoro babu ta fito daga ɗakinta a haka da take kai tsaye ta nufa ɗakin Granny. Ta tura ƙofar a hankali ta buɗe sannan ta shiga daga ciki hango Granny ta yi baje tana kwasar bacci. Dariya tayi ta kashe hasken ɗakin sannan ya ƙari sa wurin ta tsaya kan Granny tunani take yi akan ta inda zata fara nan da nan wani abu ya zo kanta. Doguwar sandar dake Hannunta ta fara zungurin Granny da shi a hankali ba yadda zataji zafi ba don ta farka ne Aikuwa Granny ta fara mutsu mutsu zata farka tana buɗe idanunta masu cike da bacci tayi kyakyawar gani domin fatalwa take gani ƙiri ƙiri a gaban ta daburce wa tayi ta rasa mene ne ya kamata tayi gaba ɗaya jikinta ya ɗauki rawa cike da tsoro saura kaɗan fitsari ya zubo ma ta. Dariya Hazel take ɓoyewa ganin yadda Granny duk tabi ta daburce magana ta fara cikin lauya murya zuwa mai kama da ta fatalwa ɗin kamar yadda Granny take tunanin ita ce gaban ta. "Wato kece fil Adama da kike ƙoƙarin raba masoya har kike cewa sai dai idan bayan ranki ne aure zai gudana tsakanin Jikar ki da Ɗan Musulmai ko to tun da haka ne mun zo ne mu ɗauki ran naki domin su yi Aurensu tun da kince muddun kina raye hakan ba zai taɓa faruwa ba."



Cikin matsanancin tsoro da tashin hankali har tana sakin fitsari da ya matsi mararta Granny tayi saurin cewa.


"Ni a wa ni ɗin banza a banza na rantse da jikata hazel bazan taɓa hanata Auren Ɗan Musulmai ba dama kawai na faɗa ne da wasa amma ni a wa da zan hana ta abin da take so kuyi min rai ku kyaleni ban shirya mutuwa yanzu ba."


Dariya ne yaso suɓucewa Hazel jin maganganun Granny wato tsofai tsofai da ita wai bata shirya mutuwa yanzu ba. Ta daure ta ci gaba da tsorata Granny har sai da ta bata Tausayi sannan ta saka tayi ma ta Alƙawarin zata bari jikarta Hazel ta aura ɗan Musulmai kana Hazel ta saka Granny tayi Baccin dole sannan ta samu ta lallaɓa ta fito daga ɗakin kai tsaye ta koma ɗakinta cike da farin ciki ta sauya kaya sannan ta wanke fuskarta ta kwanta abin ta ranta ƙal..... Aikuwa washe gari da safe tayi mamakin ganin Granny ta sameta tana bata haƙuri kuma ta sanar da ita ta amince ta aura Ɗan Musulman cike da farin