You Cannot Download this book untill you login but you can read it .

---

Login Register

ya kai
mata, dama oder take yi.
Aliya ta kan tura masa da sakon Juma’a bata mantawa, Nafisa na tura masa da sakon barka da safiya lokaci zuwa lokaci.

Amna kuwa ba ta mantawa da tura masa sakon murna da shiga sabon wata a duk lokacin da aka shiga. Tsarin kowaccensu ya birge shi
Shatima yana da kaifin basira, da hikimar zama
da jama’a, don haka yake ganin kamar cin tuwo ne
ko shan ruwa zama cikin mata hudu ma bare uku. Shagali ake shiryawa a kowane bangare musamman gidan su Amna wadda ta kasance ita ce mace ta farko da za’a soma aurar wa a gurin Mahaifinta.
Itama Nafisa ana ta shiri don ita ce ‘yar fari gurin Babanta, ga kuma dangi kowa na cin buri, Aliya kuwa suma suna shiri daidai karfinsu, bata shagali suke yi ba su, suna ta kayan daki ne a samu a yi mata gado seti biyu, ga kuma gara tunda sun san yana da hali da kyar in ba daki biyu za’a kai ta ba. Sannan gefen kayan gyara jikin Amare ko ina suna ta yin daidai karfinsu.
Alhaji Isa Baban Shatima cewa ya yi ba zai ba Shatima komai ba ‘yarshi zai wa kayan Gado da kayan gara. Ya fadi haka ne lokacin da Shatima ya samu Babanshi da Hajiyar su a daki Baban nashi yana tambayar wace gudunmawa zai ba shi?

Shatima ya ce, “Alhaji nima a dan duba min, Allah asusuna babu kudin kirki, gashi ko akwatuna ban siya ba.”
Hajiya ta ce, “Amma jiya ka ce min Alhaji Murtala ya turo maka da dubu dari biyu ko? Yanzun ma nike fadawa Babanku.”
Shatima ya ce, “To duk kowace ta min magana ashobe da za su fitar, Amna ce kawai bata min ba, itama nasan zata yi, shi ne zan raba musu wannan dari biyun.”
Alhaji ya ce, “Ai kai dan dangi ne za ka samu gudunmawa, Murtala da duk cikin ‘ya’yan Mahaifinmu yafi kowa mako, amma shi ya fara baka gudunmawa har dari biyu.”
Hajiya ta ce, “Ba dole kowa ya motsa ba tunda Babansu zai yi aure har mata uku rana daya. Shatima ya ce, “Alhaji ka min daí wani abu koda canza min mota ne.”
Ya ce, “Au! Ka ma tuna min, Alhaji Nadabo ya
ce kaje gidan motocinsa ka zabi wadda ka ke so.”Murna ta cika Shatima. Ya ce, “Amma gaskiya
Baba Alhaji Nadabo ya yi min komai.” Hajiya ta ce, “Kuma fa ya ce duk ruwan da za a sha a biki na gora aje kamfaninsa na ruwa a debo. Allah ya saka mishi da alkhairi.” Suka ce
“Ameen.”Shatima ya ce, “Allah Yasa mu ma abotarmu da Munir tayi kamar taku, shima yana da irin halin Babanshi.” Ya cc, “To ke Hajiya har yau ba ki fadi naki ba.”
Ta ce, “Kai uban masu kudi da gata ka ke, nan da wata mai kamawa asusunka sai yayi kamar zai fashe. Don haka ni yanzun ba zan yi alkawarin komai ba sai nan gaba tukunna.”
Ya mike “Shi kenan, bari in je in shirya yau Kano zani gurin Amna.” Hajiya ta ce, “Ka fa yi ma Badi’atu alkawarin zuwa da ita tun shekaran jiya take min zancen.” Ya ce “To ta shirya har da Munnir zamu je ni na ma manta da mun yi haka da ita.”
Karfe biyu sun isa birnin Kano sun samu tarba sosai musamman Badi’atu wadda tayi kyau cikin riga da wando da mayafinsu ‘yan Dubai.
Amna tayi murna da zuwan Badi’atu, ta hada ta da kanwarta Sumy don za su yi sa’annin juna. Tunda suka kebe ta shagulgulan da za su shirya. soma mishi zancen
Ta ce “Mu fa tun ranar Laraba zamu fara biki.” Ta tashi ta dauko mishi katin wanda aka tsara shi da ruwan zaiba, jikinshi kuma ruwan jibi. Karamine kwarai katin sai shegen kyau kamar ka lika a jiki kayi ado.
Ya karanta a ranshi ya ce tab! In ko shi zai ba da kudin shagalin nan za a samu matsala, don ba shi da su, amma dai bari ya jira ya ji abin da zata ce. Ta dube shi.
“Katin yayi kyau kuwa?” Ya ce, “Sosai ma.” Ta ce, “Kamar guda nawa zan baka?” Ya ce “Tun da yanzu saura kusan wata biyu har da kwanaki, ki bari sai abin ya kara matsowa, kar in zuba a wani guri in manta.Kin san kaina kullum kara daukan hayaki yake yi, mata uku fa!”
Ta taba baki, “Ni ina mantawa da cewa bani daya ba ce, ko su Mom dina ba su fada ma kowa ba sune kawai suka sani. Zan ajiye maka amma za ka zo min dai duka ko?”
Ya ce Zan dai zo amma ba duka ba, kuma mu da abokanmu zamu shirya Dinner wadda za ku zo ku duka amma sai an kai ku.” Ta ce, “In lokacin mutane na sun watse zan je mana, amma in suna nan sai dai kayi hakuri don ba su sani ba.”
To babu matsala, Allah Ya kai mu.” Munnir ma da ya ga katin sai ya ce, “Ni dai bari in rike wannan yayi min kyau.”Sumayya da suka je dakin su da Badi’atu, ta nuna mata ashobensu kala shida. Duk masu tsada ne kowane shagali da kalar da za a sa.
Badi’atu ta ce, “Lallai ku kam har kun fitar, mu dai sai cikin watan nan da zamu shiga sannan za a
fitar, Kanwar Babanmu ce zata fitar da su.”
Sumayya ta ce “Mutum yaushe har ma an kusan gama bada wa. Yayar Babanmu tayo odar ba saidawa ake yi ba, har kawayenta duk an basu ne tare da katin biki.”
Badi’atu ta ce “Tab! Duk wannan kuma za a ba mutum daya?” Sumayya ta ce, “Eh mana. Ita kuwa Amarya kin ga kayan da zata sa da biki? Akwati uku ne aka je Dubai aka dinko su, na biki ne kawai har ma da irin rigar aure dinnan zata sa.Tare aka siyo da kayan da shima ango zai sa a
ranar da takalmi da komai. Badi’atu ta saki baki,
har ta soma tunani tsarata kawai Summy ke yi
Har suka soma shirin tafiya Shatima bai ji tayi masa zancen kudin komai ba, kamar yanda Aliya da Nafisa suka mishi da ya ziyarce su a ranakun Juma’a da Asabar.
Kowace ta tambayi kudin ashobe, da kuma sauran shagulgulan tata zata yi da kawayenta Ya kalli Amna, “Ke ba za ki yi ashobe ba ne?”Ta lumishe ido, “Ai tuni sun cire abinsu, ni ai ba zan sa ba, sun kusan gama raba shi ma.” Ya ce, “To yanzun me ki ke bukata daga gare ni don shagali ko wani abu? Gara in sani tunda wuri kin san abin da yawa.”
Ta ce “Ban gane ba.” Ya ce, “Kudin siyan ashobe da shagalin da zaku yi.” Ta girgiza kai tare da tabe baki.
“Babu fa. Ni ban sani ba ko ana bada wani kudi
na shagali ba.” Ya ce, “Shi kenan, in dai da wani
abu sai muyi magana ko?” ta ce “To, babu matsala.” Ta ce, “Bari in je in kira Badi’atu din ko.” Ta samu Mom dinsu ta hada ma Badi’atu sha tara ta arziki, irin su kayan kwalliya, da na ci, kayan zaki, sai ko ashoben su kala shidan nan da
na kai, sannan Amna ta ba da turare a kai ma
Hajiya Hajiya kuwa tayi murma har taji cewa Amna ta kwanta mata a zuciya, a fili ta ce, “Harkar arziki da me arziki ake yin shi.” Badi’atu kuwa sai labari a ke baiwa Hajiya na abubuwan da ta gano, da kuma wanda taji. Hajiya ta ce, “Ai familyn Baita Nasiri sun fi da haka, masu kudi ne na wuce tunani.”Kamar yanda iyayen Shatima suka ce, hakan ce
ta kasance. Ana shiga watan sha daya, iyayensa maza da mata wadanda suke uba daya da wadanda suke da dangantaka ta dan nesa. Sai kira suke Shatima ya turo da lambarshi ta account.
Bayan haka suna kaiwa Kaka tata. Shatima ranar yaje gurin Kaka yana alfahari da sunan da suka sa masa. Ya ce “Kaka ‘ya’yanki sun yi mini komai, sun cika asusuna da kudi gaskiya na yarda da kalmar Hajiya ni ne dan masu kudi, kuma uban masu kudi.”
Kaka tayi dariya, “Tun daga haihuwarka goshinka kazo, uwarka bata baka labari ba? Ran da aka haife ka Kakanka ya samu Sarauta, kuma ranar ne Sarkin Zazzau na wancan lokacin ya bai wa Kakan naka kujerun Makka har uku.
Dama shi da matarshi ta fari sun je, don hakan sai ya bar mana muka je mu uku.”
Shatima ya yi dariya, “Ki ce da arzikina aka haife ni?” Ta ce, “Sha Allahu…” wayarshi tayi kira, da ya duba Munnir ne. Ya ce, “Aboki ya ya ne?” Ya ce, “Na zo gida ba ka nan, gani tare da Telan da muka yi magana da kai.” Ya ce, “To ku jira ni gani nan gidan Kaka nazo yanzu zan fito.”Ta ce, “In kuma kuna sauri ka shiga ciki, Badi’atu ta dauko maka kaya a cikin Ghana most go a kusa da durowata sai mu sake haduwa.”
Ya ce, “To, haka ma za a yi. Sai mun yi waya kenan.” Suna sallama ya mike, “Kaka bari in je.” Ta ce, “Kayi baki ne?” Ya ce, “Tela ne wani da aka ce ya iya dinki ga rikon alkawari, a Abuja yake aiki.” Ta ce, “To ka gaida mutanan gidan.”
Daidai kwanar gidan su Salma Shatima ya rage tafiya, yayi fakin gefe sakamakon ganin gidan su yarinyar nan in da ta nuna mishi.
Yaga mutane sun taru, wasu na alwala wasu na tsaye. Da ya kai duba kofar shiga gidan sai ya hangi wasu suna kici-kicin shiga da Makara.
Ya fito ya jingina da motarsa, sannan ya harde
hannuwansa a kirji, jikinshi a mace. So yake ya
sani ko wane ne ya rasu a gidan.
Duk da zuciyar shi ta raya masa cewa Baban ne ya rasu tunda shi ne ba shi da lafiya, amma wata zuciyar ta ce masa ba dole ba ne ya zama sai shi, tunda dukkan mai rai maniaci ne, haka kuma cuta ba mutuwa ba ce.
Kusan minti talatin sannan aka fito da gawar, shima ya shiga sahun sallah. Da aka idar ya koma jikin motar ana ta wucewa ya hango mata sun fito Kofar gidan suna kuka, ga wata can ana ta rike ta tamkar zata bi gawar.
Ya gano Salma ce, don haka ya tsallaka, bai damu da dinbin matan da ke gurin ba, yaje kusa da ita da kuma wadanda ke rike da ita. Ya ce, “Kanwata!”
Ta dago ido ta dube shi. Ya ce, “Wane ne ya rasu?” Ta ce, “Babanmu ne.” Ta sake rushewa da sabon kuka. Ya ce, “Inna lillahi wa inna ilaihir raji’un! Jikin ne ya tashi?”
Ta ce, “Ai dama bai samu sauki ba muka dawo gida, saboda bamu da kudin da za a ci gaba da yi mishi gashi, da kuma siyan magani.
Ya ce, “Me yasa ba ki neme ni ba?” Ta ce, “To
ni ban san in da zan same ka ba, ko da ma na ce
zan neme ka sannan naga kayi mana taimako
daidai gwargwado. Ya ce, “Ina Mamanku fa?” Ta nuna cikin gidan, “Tana ciki.” Ya ce, “Muje in gaishe ta.” Ya dubi matan, “Ku sake ta.” Ya ce, “Kiyi hakuri kin ji? Yaya sunanki?” Ta ce, “Ummu Salma.”
Ya ce, “Kiyi masa addu’a, ita yafi bukata ba kuka ba. Share hawayen ki Ummu Salma kin ji?” Tasa bayan hannunta ta share, sannan ya ce “Muje.Mutanen cikin dakin suka ragu, aka shimfida mishi wata tsohuwar dardumar sallah ya zauna. Ya bi dakin da kallo. Wani dan tsohon gado ne na karfe da ‘yar feleliyar katifa, sai gidan sauro da ke daure daga saman gadon.
Tsakar dakin duk simintin ya fashe. Gefe kuma ga tebur mai dauke da kwanuka, da sauran tarkace. Salma ta katse shi da cewa, “Alhaji ga Innarmu din nan.” Ya sauke ajiyar zuciya, sannan ya kai duba gurin Salma, sannan ya kalli wadda ta ce Innarsu.
Daga gani ba wai tsohuwa ba ce, amma wahala tasa ta zama tsohuwa. Ya ce, “Ina yini? Ya ya hakuri?” suka amsa ya yi addu’a ga mamacin ya kuma ba Innar tasu magana sosai.
Salma ta ce, “Inna wannan shi ne Alhajin nan da ya taimake mu.” Nan suka yi godiya. Ya mike
ya fito tære da ce ma Salma “Zo mu je.” Ta taho haka. Yace “Ki saka hijabinki.”
Duk da tsufan da kayan jikinta ke da su, da mataccen hijabin da ke jikinta bai ji kyamar bude mata gidan gaba ya ce ta shiga ba.
Ita ma bata ji tsoron shiga ba, don sai take kallon shi kamar wani daga danginsu. Ya harba motar kan titi, sannan ya dube ta.._____
*🏚️RANA DAYA 🏚️*


CHAPTER 9


*BY HALIMA ABDULLAHI K/MASHI*


*Wannan littafin na kudi ne akan farashin 300,idan kuna bukata zaku turo kudin ku ta wannan account number👇🏻*

```ACT<<0700549935
Halima Abdullahi Access bank sai ku turo shidar biya ta wannan number 09028485925```

*Ko kuma katin Mtn ta wannan number 09068032427 Ga masu son Audio na littafin RANA DAYA shima muna dashi cmplt ku turo kudin ku ta account number din da muka bada can sama👆🏻👆🏻👆🏻ko katin Mtn ta wannan number 09068032427 idan baki shirya siya ba ki bari sai kin shirya sai kiyi magana*


Mun tsaya

suka amsa ya yi addu’a ga mamacin ya kuma ba Innar tasu magana sosai.
Salma ta ce, “Inna wannan shi ne Alhajin nan da ya taimake mu.” Nan suka yi godiya. Ya mike
ya fito tære da ce ma Salma “Zo mu je.” Ta taho haka. Yace “Ki saka hijabinki.”
Duk da tsufan da kayan jikinta ke da su, da mataccen hijabin da ke jikinta bai ji kyamar bude mata gidan gaba ya ce ta shiga ba.
Ita ma bata ji tsoron shiga ba, don sai take kallon shi kamar wani daga danginsu. Ya harba motar kan titi, sannan ya dube ta.

“Kayan abinci zamu siyo, nasan su aka fi bukata yanzun ko?” Ta dube shi idanunta suka kawo ruwa. Ya ce “A’a kar ki min haka. Ba na ce ki daina kuka ba?”
Ta runtse ido sannan ta sauke ajiyar zuciya. Ya kai hannu gefenshi ya dauko ruwan gora ya mika mata, “Amsa ki sha.” Ta amsa ta bude murfin roba ruwan ta daga tana sha, bata san tana jin kishi ba sai lokacin.
Tas! Ta shanye ta sauke goran tana rufe murfin. Ya dube ta “Kiyi hakuri kin ji?” Ta ce, “Na gode Alhaji.” Ya ce, “Sunana Muhammad Ja’afar amma an fi kirana Shatima. Cikin uku sai ki ke kirana da daya a ciki, na kuma tambaye ki an fi bukatar abinci ko?” Ta ce, “Eh.”


Wani shagon kayan abinci suka tsaya, ya sai
buhun shinkafa, Gero, da Taliya, da su mai da
Magi. Ya biya suka koma. Lokacin an dawo daga Makabarta. Yaya Auwal
ne suka kama suka shiga da kayan suna ta godiya. Ya ciro dubu biyar ya ba Salma ya ce, “Ki ba Inna wannan saboda cefane. In na dawo aiki gobe zan
zo ko da dare ne. Ta ce, “To Alhaji mun gode.” Ya ce, “Bana ce bana son alhj ba.” Ta ce, “To in ce maka ya ya?”Yanda tayi maganar cikin muryar tausayi duk sai
ya ji tausayinta ya karu a zuciyarshi. Ya ce, “Ki ce min haka to. Kada ki manta na ce, addu’a za ki masa ba kuka ba.” Ta ce, “To.” Ya shiga mota ya wuce.
Salma tabi motar da kallo har ya bace. Sannan ta ce, “Allah Ya biya ka da gidan Aljanna.” Ta shiga gidan ta samu har an soma wanke tukunya za a dora girki. Ta kira Yaya Hadiza ta bata kudin ta kuma fada mata yanda suka yi.
Tunda ya gama al’adun shi da ya saba yi kafin ya kwanta, bacci yake ji sosai. Amma yana kwanciya sai ya ji baccin ya kama gabanshi. Tunanin gidan su yarinyar nan Ummu Salma
ya tuna yanda gidan yake a rube, kowane lokaci
gidan zai iya fadowa a kansu. Yarinyar nan ya
tabbata bata kai sa ar Badi’atu kanwarsa ba, kuma
bai ga alamun tana zuwa Makaranta ba..
Sannan kai gaskıya yana bukatar taimakawa yarinyar nan sosai. Ya rumtse ido a cikin zuciyarshi, ya ce ya dauki alkawari tsakaninshi da Mahaliccinshi zai taimaki Umma Salma
Zai inganta rayuwarta ta hanyar bata ilimi. domin daga ganinta. Ya tabbatar tana bukatar ilimi, tana son karatu. Gaskiya gobe zai mata tambayoyi.
sai dai a rin wannan lokacin da yake tsakiyar hidimar auransa
ba shi da halin yi musu wani gyara domin aiki ne ba karami ba. Haka lamarin yarinyar yayi ta damun sa ya kasa bacci har kusan Asubahi..
Washegari ya dawo aiki ya yi wanka ya saka
farar jallabiya kar!, takalmi ma silifa yasa mai dan
tudu ya kwashi wayoyinshi da makullin mota ya
nufi kasa
Da motar ya nufi Masallaci, da suka idar da Magriba ya nufi gidan su Munnir. Bayan sun gaisa ya ce, ya zo su shiga su ci abinci.
Shatima ya ce, “Bana jin yunwa. Muje ka raka ni muyi gaisuwa.” Munnir ya ce, “Waye ya rasu?” Shatima ya ce, “Baban yarinyar nan da suke kwance a asibiti.” Ya kwatanta mishi.
Munnir ya gane ya ce, “Allah Sarki! To bari in
fada ma Fatima.” Ya shiga ya ce da matarshi sun
fita sannan ya zo suka wuce Sai da suka yi Isha’i
sannan suka karasa gidan.
Da suka yi fakin suka tsallaka gurin ‘yan zaman makoki suka gaisa. Yaya Auwal ya tashi ya zo yana sake fadin “Sannun ku da zuwa Alhaji.
Shatima ya ce, “Na kawo abokina zai yi musu gaisuwa. Shi ne ya yi musu jagora zuwa dakin Innarsu. Daga waje suka tsugunna suka gaisar da ‘yan ciki.
Innar ta leko bakin kofa. Yaya Hadiza ta kwala ma Salma kira. Idar da sallarta kenan a dakin Baito, ta fito ko takalmi babu, ta ce “Yaya Hadiza gani.”
Ta ce, “Dama su Alhaji ne suka zo.” Tayi saurin karasawa kusa da su, ta tsugunna. “Yaya sannun ku da zuwa.” Ya dube ta.
“Salma ya karin hakuri?”
“Da godiya.” Ta gaida Munnir shima yayi mata gaisuwa. Suka mike suka soma tafiya, Inna tana musu godiya. Ya waiwayo yaga Salma a tsaye, dama gidan da duhu, kila ma ba a taba saka wutar lantarki a gidan ba.
Da wayar Munnir suka haska don su ga hanya. Shatima ya ce “Zo mana Salma.
Munnir ya bude motar ya shiga, Shatima ya jingina da motar. Tazo ta tsugunna a gabanshi cikin ladabi. Ta ce. “Gani Yaya.” Ya ce, “Tashi Salma.” Ta mike.
Ya ce, “Dama zan tambaye ki ne kina zuwa Makaranta? Ta ce. “Eh, ina zuwa Islamiyya.” Ya ce. “Boko fa?” Ta ce, “Tun da na gama J.S.3 ban samu damar wucewa ba.”
“Saboda me?” Ya tambaye ta.”Saboda lokacin Babanmu ya soma rashin lafiya, ba ya fita neman abinci, ni ce ni ke nemo mana abin da zamu ci. In yi talla ko in soya awara a waje.”
Ya ce, “Ba ku da wani Yayan? Wancan ba wanku ba ne?” Ta ce, “Yaya Auwal shi ne ke aikin gidan biredi ana biyanshi dubu tara a wata. Lokacin kudin maganin Baba yake biya, ba sa isa ma.”
Shatima ya ce, “Yanzun ke ce ki ke ciyar da ku? Shekarunki nawa ne ma?” Ta ce, “Shekaruna goma sha shida, idan wannan Azumin yazo.”
Ya ce, “Sha biyar da watanni.” Ta ce, “Eh.” Ya lumshe ido cikin tsananin tausayin ta. Can ya ce, “Salma!” Ta ce, “Na’am!” Ya ce, “Fada min taimakon da ki ke son in yi miki?” Ta ce, “Kamar ya ya? Ai kayi mana duk wani taimako, abinci muka fi bukata kuma ka ba mu.”
Ya ce, “Ban da wancan, ke kanki ni ke son in taimake ki, taimakon da ba za ki manta ba, ina son ki nutsu zan bar ki zuwa ranar sadakar uku, yaushe ne?” Ta ce, “Juma’a.” Ya ce, “In nazo sai ki fada min, kiyi shawara da Innarku da Yayanki, ki dubi mene ne burinki sai in taimake ki a kai, kin ji ko?”Ta ce, “To Yaya, Allah Ya saka da alkairi, Ya baka duk abin da ka ke so duniya da lahira.” Ya ce, “Babu komai, ki koma gida.”
Yana shiga mota Munnir ya ce “Gaskiya mutanan nan suna cikin tsananin bukata, dubi irin gidan da ‘yan Adam ke rayuwa, kuma suna da makota masu hali sun sani amma ba za su iya taimakonsu ba.
Shatima ya ce, “Ai ba ka sani ba, su fa masu
hali in za su yi taimakon nan sai dai su taimaki
masu karfi ‘yan uwansu.” Haka suke tattaunawa har suka zo layin su Kaka. Ya ce, “Yauwa, bari mu shiga in fada ma su Kaka a rinka kawo abin sadaka gidan mutuwar nan.
Munnir ya ce, “Haka ne. Allah Ya taimake
mu.” shi kanshi Shatima yana mamakin irin yanda
lamarin yarinyar nan ya hana shi sukuni. Har yaje
yake ba wa Hajiyar shi labarin yarinyar da
iyayenta. Hajiya ta tausaya, ta ce “Akwai masara a store, ko za ka sa a kai musu buhu biyu?” Ya ji dadin haka sosai. Ya ce “Gobe ne zan je, in na dawo aiki. Tunda gobe rabin rana ce zan dawo da wuri.
Wani abu da ya yi ta bai wa Shatima mamaki yanda har sakon Aliya da ya shigo na Juma’ar yau bai sami damar budewa ba, kowane lokaci zuciyarshi tana can gurin tunanin yarinya Salma. Abin da yafi tsaya mishi a rai, ‘yar shekaru sha biyar ke rike da gida.
Salma da ke kwance a tsakar dakin Baito kan yar tabarma, ta rufe kafafunta da hijabinta, nan take kwana kasancewar Baito bata da miji.
Juyi kawai take yi tana tunanin maganganun Shatima, dole tayi nazari sosai a kan kanta kafin ta tunkari su Yaya Hadiza, burinta da yake magana a kai shi ne take tufka da warwara a kai. Ta sani tun da ta taso fatanta Allah Ya bata
ilimi mai albarka, ta zama ‘yar Jarida ma aikaciya
a gidan TV ko Radiyo. Tun lokacin da Mahaifinta ya farka. Duk da cewa makarantar Gwamnati take kullum sai ya bata Naira talatin zuwa Naira talatin dawowa, in da kudi har Naira dari yana bata don ta samu dan na kashi.
Mamansu tana aikin gida, a gidan wasu masu hali, itama dole aikin ya tsaya saboda jinya. Tun daga lokacin Mahaifinta ya soma zancen aurar da ita, kullum sai ya fadawa Innarsu cewa shi ya tabbata ciwon shi ba na tashi ba ne amma yanason don Allah su aurar da Salma don ta daina wannan wahalar ta talla, za su ci abinci daga abin da Yaya Auwal yake samu.
Tunda in an aurar da ita sai Umar da Sani kannenta su ko maza ne. Ko ranar da zai mutu sai da ya yi zancen aurar da ita, abin da ya tsaya mata a rai har da kuka ya yi lokacin da ya ke maganar.
Tana wannan tunanin ne sakamakon zancen da Shatiman ya zo mata da shi. Dole ta aje burinta na karatu, saboda in ya dauki nauyin biya mata kudin Makaranta da takardu da komai, kudin mota na yau da kullum zata dora masa ne?
Ita dai kawai zata ce abu dayan da ya ce ta zaba ta zabi ya aurar da ita ga Basiru saurayin da ya nuna kaunarsa gareta, ya yi mata kayan daki tunda shi ne burin mahaifinta.
Washegari da safe kula guda katuwa aka kawo cike da waina daga gidan su Kaka.
Salma tana jin mutane na ta yabon Hajiya Kakar su Shatima, suka ce duk in da aka yi rasuwa ko basu sanka ba sai sun kai.
Salma ta ce ma Yaya Hadiza “Ai Hajiyar Kakar wannan Alhaji ce da ya ke taimakonmu, kila ma shine ya sa a kawo.” Bayan yan addu’a sun watse ta ce Amira ‘yar gidan Yaya Hadiza ta leka ta kira Yaya Auwal.
Inna ta ce, “Mene ne?” Salma ta ce, “Alhaji ya bani wani zabi ne, shi ne ni ke so muyi shawara da ku.” Bayan sun hadu, Salma ta fada musu yanda suka yi da Shatima. Yaya Auwal ya
cc, “Mc zai hana ki ce ya sai mana gida?” Ta ce. “Burina ya ce wai in zaɓi abu daya, ba wai namu ba. Kowa yasan bani da burin da ya wuce in yi karatu in zama ‘yar jarida. Sannan kuma burin Baba shi ne ayi min aure
To ina son ku duba ku gani a cikin nan wanne zan zaba?” Yaya Hadiza da Yaya Auwal suka ce, “Ki zabi karatun.” Inna ta ce, “A’a in ba ku manta ba, zancen
aurar da ita yana daya daga cikin kalaman
Malam na karshe. A nawa tunanin tunda ga
Basiru