You Cannot Download this book untill you login but you can read it .

---

Login Register

Nan suka bar ta tsaye sai kuma ta soma kuka.
Tsakin da ya yawaita yi ne yasa Munnir tambayarshi abin da ya faru. Ya ce, yarinyar nan wai ni zata yi wa fushi? Ta ki amsar komai ita ta sani.”
Munnir ya ce, “Nafisa tana kishinka da yawa ne.” Ya ce, “Ai wannan shirme ne ba kishi ba, tun kafin a zo zama zata soma haka?”Usman ya ce; “Ba dai ka ce zaka hadiyi
Gatari ba?” Suka sa dariya. Shi dai Shatima bai
ce musu kala ba. sai da suka hau titi sannan
Usman da ke tuki ya ce, “Ina muka dosa?”
Shatima ya ce, “Muje ku aje ni a gida.”
Munnir ya ce “Salma fa ba za a kai mata ba?”
Ya ce, “Zan kai mata gobe.”
Washegari da sassafe da zai tafi aiki, shi ne ya tsaya a unguwar su Salma. Umar kaninta ya fito za shi siyan kosai yaga Shatima, shi ne ya nufe shi yana yi masa sannu da zuwa.
Ya rusuna ya gaida shi, Shatima ya tambaye
shi, “Salma fa?” Ya ce “Tana ciki.” Ya ce, “Kira min ita, ka ce tayi sauri zan tafi office ne a Kaduna.”
Cikin sauri ya juya ya kira Salma da karfi. Ta fito daga kicin tana cewa, “Kai! Mene ne?” Ya ce, “Alhaji ne a waje, ya ce kiyi sauri yana jiranki.”
Ta kalli jikinta, zanin tsoho ne gashi tana kauri. Tun da Allah Ya hada su yau ce rana ta farko da ta soma kallon jikinta don zata kiranshi.
Inna ta ce, “Ki canza zani mana ga na Hadiza nan a kan kofa da ta manta jiya, ki daura mana.”
Ta janyo shi ta daura ta zira hijabi ta fita. Numfashinta ya tsaya cak! Da ta ganshi tsaye jikin mota sanye da suit masu ruwan toka, idanunshi sanye da bakin gilashi.
Ya ce “Iso mana, sauri nake yi.” Ta durkusa ta gaida shi, ya ce “Mike muyi magana.” tashi. Ya ciro katuna daga mota ya mika mata. “Ta
“Na daurin aure ne kawai babu na dinner. Sannan ya bata dubu talatin “Wannan koda za ki yi walima da kawayenki.”
Ta ce “Sun yi yawa Yaya.” Ya ce, “Haka na ba sauran.” Ta kalle shi zata sake magana ya ce, “Ki je gida ina sauri ne naga bakinki da magana, lokacin yinta yana zuwa amma ban da yau.*🏚️ RANA DAYA🏚️*

CHAFTER 15

*BY HALIMA ABDULLAHI K/MASHI*


*Wannan littafin na kudi ne akan farashin 300,idan kuna bukata zaku turo kudin ku ta wannan account number👇🏻*

```ACT<<0700549935
Halima Abdullahi Access bank sai ku turo shidar biya ta wannan number 09028485925```

*Ko kuma katin Mtn ta wannan number 09068032427 Ga masu son Audio na littafin RANA DAYA shima muna dashi cmplt ku turo kudin ku ta account number din da muka bada can sama👆🏻👆🏻ko kuma katin Mtn ta wannan number 09068032427 idan baki shirya siya ba ki bari sai kin shirya sai kiyi magana*

*Masu son tallata masu hajar su suyi magana ta wannan number 09068032427 zamuyi maku cikin sauki*



Mun tsaya

Ya ce “Iso mana, sauri nake yi.” Ta durkusa ta gaida shi, ya ce “Mike muyi magana.” tashi. Ya ciro katuna daga mota ya mika mata. “Ta
“Na daurin aure ne kawai babu na dinner. Sannan ya bata dubu talatin “Wannan koda za ki yi walima da kawayenki.”
Ta ce “Sun yi yawa Yaya.” Ya ce, “Haka na ba sauran.” Ta kalle shi zata sake magana ya ce, “Ki je gida ina sauri ne naga bakinki da magana, lokacin yinta yana zuwa amma ban da yau.

Bai saurari abin da zata ce ba ya shiga mota, ta juya ta shiga gida.
Biki saura sati daya aka je aka yi wa Nafisa jere itama. Aliya kuma washegari ana saura kwana shida. Duk kowace an yi mata bakin rabonta.
Nafisa itama dakunan nan an zuba gadaje, sannan kicin da falo suma an yi babu laifi, don yafi na Aliya tsada ita gado biyu ne, dayan dakin aka sa katifa.
Amma duk ba wadda ta kama kafar Amna. Ita ko Salma daidai wannan lokacin suna can
suna ta ganganda yanda za a sai kaya. Gidan Gaje Dillaliya suka je in da suka samu gado da kujeru na hannu aka sake musu feshi, sai suka sai sabuwar kati fa da zannuwan gado.
Sai kuma kayan girki abin da ba a rasa ba. Suna dan matsewa ne don su samu na siyan gara. Don ma Salma ta ba da kudinta na walima, ta ce ba zata yi walima ba tunda Babanta bai dade da rasuwa ba, babu wani taro da zata yi.


A son Amna tun Laraba yaje mata, amma ya bata uzirin nasa shirye-shiryen da abokansa, ya
ce tayi hakuri sai Alhamis zai zo ya kai har Asabar ya dawo saboda zata yi abubuwa da dama, ya dai halarci biyu. Ta ce, “To, babu komai.”
Ko’ina ya kacame da shirin biki ba sauki. Ana ta shirya Amare ban da Salma, wadda tsimi kawai Yaya Hadiza ta bata, sai ci da kaza wadda ba a kawo ba ma.
Su ko can Amna sai da tayi sati daya a gidan mai gyaran jiki. Haka- Nafisa har gida kullum mai gyara ke zuwa. Aliya ma dai ana ta dilka. Wata kawarta ke mata, saboda Amna aka maida daurin aure Lahadi, don su Kano sun fi daura aure ranar Lahadi.
Tun Laraba suka fara da bikin gargajiya. Amna tasha kyau da kawayenta, washegari Alhamis suka yi ranar Larabawa, sun sha kyau ita da shi cikin shigar Larabawa.
Haka abokansa sun je da yawa. Nan hotuna suka shiga zaga duniyar sama ana ta watsa su. Washegari Juma’a aka yi ranar Turawa.
Sun fi kullum kyau don kayan da yasa a gidan su Amna aka sai masa. Bai ma san da su ba sai da aka kawo masa. Motar da aka dauke su sabuwa ce dal, an ce kyauta Babanta ya basu an jera mata balan-balan, gata mai tsada. bashi.
Washegari Asabar yasa su taho da safe, amma ta roke shi ya bari sai da yamma saboda za suyi Kumbo. Can Zaria ma sun shirya kumbo din, kuma suna sa ran zai zo.
Sai dai ita Nafisa bata so wannan kumbon ba dan sam bata gayyaci kowa ba, sai sauran sa’anninta na cikin dangi su ne suka raba katin, kuma suke shirya komai. Ko kudin da ta ki amsa Hafsa ce ‘yar gidan
Anty Saude ta kira shi ya turo musu. Abin da ya
kara ma Nafisa takaici yanda hotunan shagalin
su da Amna yake ta ratsa wayoyin dangi ana ta labari.
Bai baro Kano ba sai taran dare shi da tawagarsa. Ya shiga yayi wanka lokacin sha daya daidai.
Yana kwanciya sako yana shigowa wayarsa. Shahida ce daya daga cikin ‘ya’yan kanin Alhajinshi, tana nuna mishi rashin jin dadinsu da yanda ya wofintar da nasu shagalin bai zo ba, ga kujerarshi nan babu kowa har aka tashi.
Bái tura mata amsa ba duk da yana da amsar maganar, kuma ko yana gari bai zuwa. Ya fasa kwanciya ya sakko zuwa falon Hajiya, yana son yayi magana da Alhaji don a kasa daurin auren domin Kano na safe suke yi.
Daidai kofar dakin Hajiya suna tsaye ita da Hajiya Azimi, tana cewa. “Babbar matsalata yanzun na ce miki wannan
yarinyar da ya kutsota daga karshe. Nayi-nayi
Alhaji ya daure masa gindi. Babu wani binciken asali ba komai, sai ka ce wani mara hankali. Kuma yanda na samu labari an ce matsiyata ne na karshe, kuma an ce kudi yake kashe musu na tsiya.
Don haka ina son gobe kafin auran tunda
unguwarku ce ki bincika min komai game da su,
ni kuma ina son duk yanda za’ayi in hana wannan daurin auran.
Yaron nan ba shi da hankali, an fada mishi da kowane gama-gari ka ke hada zuri’a, bare matsiyatan tilis.”
Hajiya Azumi ta ce, “In don wannanne kar ki damu, ni da naji kin ce komai dare in na dawo in zo har na tsorata, nayi zaton ko wata gagarimar matsala ce. Ki kwantar da hankalinki, gobe tun safe zan fita da kaina in samo miki komai kafin goman safiya labarinsu ya nuna a gurinki.”
Hajiya ta ce, “Ai ko kina da tukwici mai tsoka, na gode Allah Ya kara zumunci. Shi yasa na ce ki zo.”
Shatima ya koma cikin mamaki, sam bai zaci Hajiyarshi tana da irin wannan mugun tunani ba, domin yaga suna kokari gurin taimakon na kasa da tausayin marashi.
Ya zaci zata fi kowa murna in taji irin taimakon da ya shirya yi. Dama saboda talauci Hajiya ke gudun Salma?
Shi kam ya sha alwashi in dai yana raye bai mutu ba, duk irin abin da zai faru goben nan sai ya zama mijin Salma. Allah bà zai ba su Hajiya ikon rusa raya sunnar Manzonsa ba.
Tun da ya shiga dakinsa yake safa-da-marwa tare da tunanin yanda zai yi. Katin da suka buga na daurin auren kowanne da lokacin da suka saka. Na Amna sha dayan safe, na Aliya karfe daya bayan sallar Azahar.
Na Nafisa Rarfe biyu da rabi, na Salma Karfe uku da rabi, sai walima karfe hudu. Lallai Hajiya tana da ishasshen lokacin da zata tarwatsa komai. Ya zari makullin motarsa ya fita. Kai-tsaye gidan su Salma ya nufa. Sha daya da rabi daidai
lokacin su sun rufe gidan ma.
Ya kwankwasa kofar, ya jima yana kwankwasawa kafin ya ji takun tafiya. Muryar Auwal ya ji yana tambayar. “Waye?” Ya ce, “Ni ne Shatima, wanda zai auri Salma.”
Tsoro ya kama Auwal, kar dai mutumin nan fa mugu ne ta bakin Innarsu…ya ce, “Lafiya?” Shatima ya ce, “Lafiya lau, ka bude.”
Auwal ya bude cikin faduwar gaba da
addu’o’i a cikin zuciya. Shatima ya ce, “Yanzun
zamu iya samun waliyin Salma?”
Auwal ya ce, “To ban dai sani ba Allah yasa lafiya?” Shatima ya ce, “Ba an ce kanin Babanku ya bar ma aminin Babanku waliccin ba?’ Auwal ya ce, “Eh haka ne.” Shatima ya ce, “To muje mu duba.”
Auwal ya ce, “Amma Alhaji lafiya?” Ya ce, “Muje za ka ji.” Sun kwankwasa Allah yasa shigarsa ke nan gidan ya fito.
Shatima ya gaida shi, sannan ya gabatar da kanshi. Ya ce, “Alhaji lafiya?” Shatima ya ce,”Dama nazo ne saboda maganar daurin auren nan gobe, za a dawo da shi da safe saboda akwai wani daurin auran a Kano wanda za su tafi.”
Waliyin Salma ya ce, “Wannan ba wata matsala, Allah Ya kai mu.” Shatima ya ce, “Amin. Karfe takwas na safe.” Waliyin ya ce, “Gashi dare ya yi bare aje a sanar da shi kanin Mahaifin nasu. Kai Auwal gobe da sassafe sai kaje ka zo da shi.” Auwal ya ce, “Babu komai, Allah Ya kai mu.”
Suka koma, ya sauke Auwal a kofar gida, suka yi sallama. Sha biyu daidai ya koma gidan kamar ya shiga gurin Alhajinsu, sai kuma ya fasa.
Ya daga wayarshi ya kira layin Alhajin. Bai zaci za’a daga ba, nufinshi ya bar missed call da asubahi yasan Alhajin zai neme shi.
Alhajin ya katse mishi tunani da cewa, “Ya ya dai Babana?” gaban Shatima ya fadi, da wata zuciyar ta ce mishi in kuma suna tare da Hajiya fa?
Cikin sauri Shatıma ya ce, “Dama ina son zamu yi wata magana ne, tunda ka shiga mu bari sai da Asubahi. Alhaji ya ce, “Ka gani ba za ka hana ni bacci ba, in ta sake-sake, fada min kowace magana ce.”
Ya ce, “To ko in sakko ne kawai don tun dazu ni ke nemanka.” Ya ce, “Eh sauko, ina can tare da su Alhaji Amadi sun zo daga Sokoto, masaukin bakin Alhaji Nadabo muka kaisu, su da su Alhaji Na Allah duk sun iso.
Shatima ya ce, “To gani nan.” Suka hadu a falo. Yayi ta waige-waige Alhaji ya ce, “Lafiya?” Shatima ya ce, “Bana son Hajiyarmu taji ne, don zata-ce komai sai in ce yarinyar nan.
Dama mun canza lokacin da zamu yi walima ne da abokanmu saboda akwai wadanda za su koma garuruwansu a goben shi ne muka dawo da walimar baya, sai muka maida daurin auren Salman na safe karfe takwas.”
Alhaji ya ce, “Babu damuwa, zan kira iyayen naka in fada musu, ana gama daurin auren natan sai a wuce Kano din kawai, tunda kila sai an kai tara a gurin ko ma fi.”
Shatima ya ce, “Haka ne. na gode Alhaji, Allah Ya kara girma.” Ya ce, “Babu komai, kaje ka kwanta, zama ka iya bacci kuwa yau?” Alhajin ya zolaye shi.Shatima yayi ‘yar dariya. Ya ce “Shi yasa na
baro masaukin abokaina nazo gida ko zan runtsa.” Ya ce, “To sai da safe.” Ya zauna bakin gado yayi shiru, gobe kamar yanzu ya zama Angon mata hudu, A fili ya ce
“Allah Kasa wannan abin da na shirya ya yiwu,
don ban san me Hajiyana ke shiryawa ba.” Idanunshi sun kasa runtsawa har kusan biyun dare, sai kawai yaga bari ya tashi yayi Ibada. Ya roki Allah sosai ya albarkaci auren nashi, ya ba shi ikon cinye jarabawar da ke cikin auran nashi, ya dora shi a kan matan nashi, ya kuma ba shi ikon sarrafa su.
Ya dauki wayarshi bayan ya idar ya sake karanta sakon Shahida, yayi shiru yana tunanin kila ‘yan’uwansa suji haushinsa tunda ita Nafisa ‘yar dangi, daga ‘ya’yan yayin Alhajinsu sai na kannenshi sa’anninta.
To bari kawai ya warware ma Shahida yanda suka yi da Nafisa kar su ci gaba da ganin laifinsa. Ya tura mata sako kamar haka:
Ki tambayi ita Nafisa yanda muka yi da ita. Ta ce min ba za ta gayyaci kowa ba a ranar da nazo in ji tsarinta, don haka ban san kuna da wanı bikin da ku ke son in zo ba.Ya tura mata.
Bugun kofarshi ne ya farkar da shi daga bacci, gashi har ya makara sallar Asubahi. Shida ya gani da ya kalli agogo.
Cikin sauri ya nufi kofa. Badi’atu ta ce
“Hajiya tana kiranka.” Ya ce “Ki ce na makara in nayi sallah zan zo.’
Wanka ya fada, da ya fito yayi sallah tun daga lokacin ya fara nuna shi ango ne. Gizna ce ya sha fara sol sai aikinta mai ruwan kasa da ratsin gwal.Aka soka hula kube
takalmi. Turare kuwa yanda ka san zai yi
magana. Ya sakko suka hadu a falo.
Hajiya tana aiken Direbansu, ta tsaya tana kallonshi. Yayi mata kyau sosai. Ya ce, “Hajiya sannu da fitowa.” Ta ce, “Kai ne da sannu Ango, wannan irin wanka haka?”
Ya ce, “Ai karamin wanka ne wannan sai ma anjima.” Ta ce, “To zo muyi magana mana.” Dakinta suka shiga ta ce, “Naji Alhaji yana cewa wai za a daura aure da safen nan?”*🏚️RANA DAYA 🏚️*


CHAPTER 16 KARSHE BOOK 1


*BY HALIMA ABDULLAHI K/MASHI*

*Wannan littafin na kudi ne akan farashin 300,idan kuna bukata zaku turo kudin ku ta wannan account number👇🏻*

```ACT<<0700549935
Halima Abdullahi Access bank sai ku turo shidar biya ta wannan number 09028485925```

*Ko kuma katin Mtn ta wannan number 09068032427 Ga masu son Audio na littafin RANA DAYA shima muna dashi cmplt ku turo kudin ku ta account number din da muka bada can sama👆🏻👆🏻ko kuma katin Mtn ta wannan number 09068032427 idan baki shirya siya ba ki bari sai kin shirya sai kiyi magana*

*Masu son tallata masu hajar su suyi magana ta wannan number 09068032427 zamuyi maku cikin sauki*


Mun tsaya

Wanka ya fada, da ya fito yayi sallah tun daga lokacin ya fara nuna shi ango ne. Gizna ce ya sha fara sol sai aikinta mai ruwan kasa da ratsin gwal.Aka soka hula kube
takalmi. Turare kuwa yanda ka san zai yi
magana. Ya sakko suka hadu a falo.
Hajiya tana aiken Direbansu, ta tsaya tana kallonshi. Yayi mata kyau sosai. Ya ce, “Hajiya sannu da fitowa.” Ta ce, “Kai ne da sannu Ango, wannan irin wanka haka?”
Ya ce, “Ai karamin wanka ne wannan sai ma anjima.” Ta ce, “To zo muyi magana mana.” Dakinta suka shiga ta ce, “Naji Alhaji yana cewa wai za a daura aure da safen nan?”

Shatima yace “Na Kano ne?” Ta ce “A’a Idan da na Kano tunda asubahi fa naji yana ta waya wai saboda abokanka ko mene ne?”
Shatima ya ce, “Ok, na Aliya ne za’a daura yanzun da safe, saboda ‘yan nesa, in mun yi walima za su tafi.”
Hajiya ta fadada fara’a “Ayya, na gane. To ya za ayi da abincin daurin auran tunda ba mu san za’a zo da zancen ba?” Ya ce, “Ba akwai snacks da nama ba?”
Ta ce, “Eh to, bari sai in sa a zuba a take away.” Ya ce, “Yauwa to sai su Munnir su zo su dauka.”
Gurin abokansa ya nufa inda suka yi masauki,
ya same su kwance wasu kuma suna danne
dannen waya. Ya ce, “Don Allah ku tashi ku
shirya daurin aure karfe takwas.”
Nan suka shiga yabon kýan da yayi. Ya ce
“Ko zama ba zan yi ba kar su yamutse.” Cikin zolaya ya yi maganar. Haka dai ya matsa musu har suka shirya wasu


suka wuce gurin Hajiya don dauko abin da za a
ci a gurin da abin sha. Sun je kofar gidan su Salma Karfe bakwai da
wani abu. Babu kowa, Shatima yaje har kofar
gidan ya yi sallama Auwal ya fito, yaga ko
wanka bai yi ba. Ya ce, “Auwal kun manta ne?” Ya ce, “Muna
sane, yanzun zan yi wanka.” Shatima ya ce, “Ka zo kawai ga abokina kuje da mota ku dauko kanin Baban naku.”
Haka ya matsa musu aka tafi, shi burinshi kawai a daura auren nan, dama motocinshi uku duk suna gurin, da wadda a ka ba shi a gidan su Amna, da wadda ya zabo abokin Babanshi ya bashi.
Da kanshi yaje gidan waliyyin ya fito dashi cikin shiri. Shatima ya dan ji dadi ya ce, “Dama nazo ne in ji ko ba ku manta ba.”
Ya ce, “Ai lokacin bai cika ba ko?” Shatima ya kalli agogon hannunshi, “Eh saura minti talatin.” Ya ce, “Ba komai, shi Auwal ko ya tafi ya zo da dan uwan Baban nasu?”
Shatima ya ce, “Na hada shi da abokina su
tafi.” Ya ce, “Nan ma na sa an sanar a Masallaci,
kuma da safen nan nasa an fadawa makota.”
Shatima yayi godiya ya koma gurin abokansa, sannan ya ce “Munnir don Allah ka je ka taho da su Alhajin ku.”Munnir ya ce “Shatima wai me yasa ka kasa nutsuwa ne? kar ka manta ba wannan ne kadai auran da za a daura maka ba ko?”
Shatima ya ce, “Ni dai burina a daura
wannan, don shi kadai ne me matsala.” Munnir
yayi tsaki, sannan ya wuce.
Salma bata san ma wai an dawo da daurin auranta na safe ba, don ita ko kunshi bata yi ba, ta bari sai da rana tukunna.
Umar ne ya shigo yana cewa “Mutane sun taru a waje.” Yaya Hadiza da wata kawarta itama lokacin sun zo za su amshi kudin cefane gurin Inna suje kasuwa, suka ga guri tam! Da ta shiga take tambayar Inna.
Ta ce, “Ummi ni dai wannan lamari ina nan
ina ta addu’a, jiya fa har mun kwanta ya buga
gida, wai a maida daurin aure na safe.”
Hadiza ta ce, “Insha Allahu alkairi ne.” Itama Salman sai lokacin taji. Hadiza ta dube ta, “Wai Salma kin tsefe kanki kuwa?”
Ta ce, “Na tsefe da dare.” Ta ce, “To in an watse ki dauki wannan man da na ciro miki a akwati na shampoo din ki je shagon wankin kan.Ta ce, “To, kuma wadda zata min kunshin ta ce karfe goma zata zo.” Kawar Hadiza ta ce, “A fara yi mata kunshin mana shi ne mai wahalar.” Salma ta ce, “Nima haka naga zai fi.”
Iyayen Shatima sun iso cikin zauran gidan aka sa tabarma suka zauna, sauran mutane suna waje. Guri fa ya cika tankam. Nan aka daura auren Salma da Muhammad Ja’afar Shatima.
Ana gamawa abokan suka shiga raba-abin da
suka zo da shi. ‘Yan unguwa kam sun shaida
lallai Salma ta tako.
Daga nan kai tsaye suka soma daukar hanyar Kano don karfe tara ta gota. Shatima ya ce, sai ya je gida ya canza kaya, Munnir ya jira shi. Bayan an ragu ya kira Auwal ya ce ya kira
mishi Salma. Dogon hijabi tasa ta same shi a
zaure. Ya kalleta cikin mamaki, ya ce “Salma ya
ban ga kina kyalli kamar sauran Amaran ba?” Gabanta ya fadi, “Wai da gaske ka ke yi mu hudu ne?” Bata san lokacin da tambayar ta zo mata ba. Ya ce, “Wannan ce amsata.” Ta dan yi shiru, sannan ta ce, “Nima ban sani ba, kila don ban wanke kai ba ne sai anjima zan yi.”
Ya ce “A’a su fa naga fuskarsu duk tana ta kyalli, ga kunshi, ke in ga hannunki.” Ta nuna mishi. Ya ce”Haba Salma! Me yasa za ki yi haka?”
Ta ce, “Zan yi ai.” Ya ce, “Je ki shirya ki zo in kai ki gurin da za’a wanke miki kai.” Ta ce, “Yaya zan je Allah.” Ya ce, “Ai daga yanzun na koma miji ba Yaya ba, kuma ba a musu da miji.”
Ta ce, “To.” Ta juya ta koma ciki ya fito, Munnir ya ce, “Ka zo muje don Allah kada lokaci ya kure.”
Shatima ya ce, “Ai yanzun ma gurin gyaran gashi zan kaita.” Munnir ya ce, “Don iskanci ka bar ni in tafi tare da mutane ka tare ni.” Ya jeho masa makullin sabuwar motarsa, “Ga makullinka, bari in bi su Bello don a karshe ba zuwa zaka yi ba.”
Shatima ya ce, “Ka bari mu bi jirgin karfe יי goma.” Munnir ya ce, “Goman dare ko? Duba agogonka kafin muje filin jirgin ma ai ‘yan daurin auran sun juyo, kaga ni bari in bi su sai mun dawo, don nasan kai ba zuwa zaka yi ba kana gurin wannan yar mitsitsiyar yarinyar.”
Shatima yayi murmushi. Ya ce, “To Allah Ya tsare, amma ina mai tabbatar maka ina gabanka can zaka same ni.” Munnir bai sake magana ba ya shiga motar abokansu wadda da suka tsaya za su jera tare, ya ce, “Ku mu je wannan angon ba zuwa zai ba.”
Salma ta sanar da Yaya Hadiza yanda suka yi da Shatima, Hadiza ta ce “Muje muji ta bakin Inna.” Inna ta ce, “Anya kuwa sa fita?”
Wata kawarta ta ce, “Ai yanzu matarsa ce.” Hadiza ta ce, “Shi ne nima na gani.” Inna dai tayi shiru.
Hadiza ta ciro mata jallabiya baka da mayafinta, sai takalmi mara tudu duk na cikin lefan, ta ce “Gashi ke ko wanka ba ki yi ba.”
Salma ta ce, “Bari in dauraye jiki.” Suka bata turaruka ta fesa ta dauki saitin man da zata yi amfani da shi.
Yana jingine a jikin mota, ta fito ta nufo shi.
Ya bude mata gaba ta shiga ya zagaya ya shige.
Ya dan dube ta bayan sun hau titi.
“Bana son kazanta fa, amarya har yanzun bata gyara kai ba.” Ta ce, “Zan gyara dama, ni ban san da safe za’a daura auran ba.” Ya ce, “Amma ya ki ka ji da aka ce ya dawo na safe?”
Tayi dan murmushi, “Ban ji komai ba.” Ya ce, “Har yanzun ba ki fara sona ba ko?” Ta dan ja mayafinta ta rufe fuska. Ya ce, “Ina jin ki.” Ta ce, “Ai ban san so ba ni. Ta yiwu ina yi maka.” Ya ce “To na baki lokaci ki soma sona kafin mu hadu, ki bincika ki san ya ya ake so? Ya ya so yake? Kuma mene ne so?” Ta kalle shi tayi
murmushi ta ce, “To.”Katon shagon da ya kaita lokacin ma suke budewa. Ya ce suyi mata gyara me kyau amarya ce. Ya ji mamakin ganin gashin kanta mai cika da tsawo. Ya ce, “Dama kina da gashi haka?”
Tayi ‘yar dariya. Duk da kiran da ake ta yi ma
wayoyinsa bai ji ko da a ransa wai ya tafi ya bar ta ba,
Hajiyar Shatima tana ta kai-kawo a cikin
jama’ar da suka taru a gidan ‘yan uwa da abokan
arziki, amma zuciyarta tana can gurin tunanin
Hajiya Azumu.Wai ina ta shige ne oho! Ba ita ba labarin yarinya. Sai kusan goma da kwata sannan Hajiya Azumi tayi sallama a gidan.
Hajiya ta mike da sauri tazo tana fadin, “Hajiya Azimi haka muka yi da ke?” Ta ce, “Muje daki da labari.” Can kurya suka shiga, Hajiya Azumi ta ce, “Hajiya da matsala katuwa, kuma gashi me afkuwa har ta afku.”
Hajiya ta ce, “Kar ki ja min rai muje labari.” Hajiya Azumi ta ce, “Yarinyar nan sunanta Ummu Salma, iyayenta talakawa ne na tsiya har gidan da suka tashi sai da aka nuna min wanda suke haya.
A cikin bikin nan Shatima ya sai musu gida suka koma saboda kada danginsa su gane tsiyar su.”
Hajiya ta dafe kirji, “Ya sai musu gida?” Hajiya Azumi ta ce, “Har gidan na shiga.