You Cannot Download this book untill you login but you can read it .

---

Login Register

kuma damu dana ji din ba sai dai kawai ina mamakin meye take cewa ne ita da saurayin nata nifa sam ban san me ake cewa ba in ana hira da saurayi, kuma hakan be dame ni ba Sam.

Yusrah data gama waya ta jiyo ta kalle ni tace "Kawas Inna yanee?".

Ban kalle ta ba sai ma mai da hankali na da nayi kan littafin ina dubawa sosai in da aka Kara mana.

Kwace littafin tai tace "gaskia Dije baki da kirki, kina ji ina miki magana amma kika min shiru".

Tabe baki nai ina lumshe idona nace "toh me zance Miki Yusrah na shigo naji kina waya da kato sai kashe murya kike".

Baki bude Yusrah tace "ynxu Babyn ne katoh sbd baki da kirki Dije".

Da mamaki na kalle ta nace "wai da baby kike waya dama sai wani maqe murya kike yi, baby dai da na sani inya inyaa".

Tsaki Yusrah tai tace "gaskia baki hadu ba wallahi, saurayi nane fah, ke bakya yin saurayi shiyasa baki san komai ba".

Kwanciya nai akan gado nai kwanciyar rigingine ina kallon Sama nace "toh meye a soyayyar ke nifa baxan yi aure ba sai na ga karshen boko yarinya".

Dariya Yusrah tai tace "lallai ma Dijen nan au sai kinga karshen boko, kin ga ni kuwa ina gama secondary school zan fitar da gwani na a min aure don gaskia ina bukatar sa".

Ba tare da na fahimci zancen ta ba nace "toh wai meye a cikin auren banda iskanci daga kayi aure namiji ya rike ma hannu shikenan kayi ciki kazo kana fama".

Da mamaki Yusra tace "ban fahimci zancen kiba, kamar ya daga anyi aure sai a rike ma hannu Ka samu ciki kuma?".

Kankance ido nai nace "eh mana ko ba haka bane?".

Dariya Yusrah tai tana tafa hannu tace "kar kice min baki san meye aure ba Kawas Inna?".

Turo baki nai gaba nace "na sani mana gashi ina ganin Mama kullum zata gaishe da Baba ta kuma masa girki in ranar girkin tane sannan ta kwana a dakin sa shikenan ai, yarinya ni zaki ce ban san aure ba".

Salati Yusrah take tana dariya tace "tabdijan zauna na fayyace Miki komai yarinya, ashe ba abinda kika sani".

Ta bude baki zatai magana Mama ta kwalo mana Kira, mikewa nai muka fita a tare.

A zaune a kasa muka same su suna cin abinci a plate daya, flask din abincin Mama ta nuna min tace "gashi maza dauki kuje ku ci".

Da dan mamaki nace "Mama yaushe har kika gama abincin ban sani ba?."

Harara ta tai tace "ina zaki sani kina can kina bacci".

Turo baki nai ina kallon Inna dake kallon mu itama, abinci ta kai baki tace "wai me kuke yi a daki ne?".

Dan tabe baki nai nace "Yusrah ce tace xata koya min meye aure wai ban sani ba".

A tsorace Yusrah tace "wallahi karya take Inna, ni mai na sani kuma kiji tsoron Allah Dije".

Da Mamaki nace "ke Yusrah ynxu fa kika gama cewa ni yarinya ce xaki fayyace min komai kuma sai ki Musa".

Mama dake kallon mu girgiza kai kawai tai fuskar ta a hade tace "bana son Jin irin wannan maganar daga yau kunji na fada muku?".

Daga mata kai mukai muka shiga dakin, haka muka ci abincin sai haushi na Yusrah take ji, Nima ko ajikina don nasan gaskia na fada.

Sai yamma Inna suka tafi har lokacin kuma Yusra bata min magana ba.

Bayan tafiyar su Inna, Mama ta xaunar dani tamin nasiha sosai akan Kula da kai na da kuma rike mutuncina, nidai kai na na kasa ina gyada Mata kai har ta gama.

A daren kuma ta samu Baba da maganar amincewar ta yayi murna sosai yace Mata ta fada min gobe da safe na shirya mu tafi tare tunda MD din ya riga yasan da maganar.


******

Tashi yai bayan ya gama magana da Papa akan sabon companyn da yake shirin budewa, Wanda an gama komai kawai rana zai sa ya bude sa.

A gajiye yake matuka kawai dai tsabar kokari ne irin nasa da baya wasa da business dinsa, cikin part din Momma ya nufa kai tsaya, yana shiga tana fitowa daga dakin ta.

Kallon sa tai fuskar ta dauke da murmushi tace "Elhajj har kun gama maganar da Papa din naka".

Gajeran murmushi yai yana shafa fuskar sa, Zama yai akan kujera a hankali yace "Momma abinci".

Wani murmushi tai tace "ina zuwa bara naje na hado ma da kai na".

Kitchen ta nufa miyar dake cikin fridge ta dauko ta zuba a tukunya tadan Kara mata ruwa kadan, lalle kawa tai ta tabbatar ba Wanda yake shirin shigowa kitchen din ta bude wata drower a kitchen din da key, drower din ba Wanda yake bude ta don ta musamman ce a kitchen din da key take kulle ta duk lokacin da zatai amfani da ita take budewa.

Wani leda ta dakko yar karama ta bude, garin magani ne a ciki wani murmushi tai ta juye sa duka a cikin miyar, tana zubawa wani bakin hayaki ya tashi ya mamaye miyar.

Kamar 2 minutes hayakin ya yaye duka sai kamshi da yake tashi.

Juye masa miyar tai akan tuwo leda daya data sa masa, bata sa spoon ba sanin halin sa baya cin abinci da spoon sai bowl data zuba ruwa a ciki na dauraye hannu shi kansa ruwan ta sirka sa da wani rubutu fari.

Murmushi tai tana gyada kai ta dauki tray din ta nufi Palourn dashi, a yadda ta barsa haka ta same sa.

Ajiye masa tray din tai tace gashi Son maza zauna da kyau kaci favourite dinka nayi dama.

Mikewa yai sosai ya zauna yana murmushi, hannun sa ya sa a ruwan ya dauraye yana gama wanke hannun nasa kansa ya sara, bude abincin yai ya fara ci ba tare dayai bismillah ba don ya manta ma ana bismillah in za'a ci abinci a wannan lokacin.........



Elhajj kana cikin wani hali🥹

Hajia Dijen mu za'a fara aiki gobe ko ya zata kasance kuma🤔🤔


Gaskia Sisters bakwa yin comments🥹


*BOOK DINNAN NA KUDI NE AKAN FARASHI MAI SAUKI 300 KA/KI SIYA KI KARANTA CIKIN SALAMA, DUK WANDA YAKE SON SIYA YA TUNTUBI WANNAN NUMBERN*

09066728387


Comments Nd share plz



Mrs A.M🥰

🤎🤎🤎🤎
*ELHAJJ*
🤎🤎🤎🤎

Free page 8

Written by
Mrs A.M

Marubuciyar
*NOOR*
*TASWIRAR KADDARA*

Wannan book din na kudi ne akan farashi mai sauki 300, ki biya kudin ki, ki karanta cikin salama ngd.

Ga mai son biyan kudin book din ku tuntubi wannan number din.
09066728387


*SANARWA SANARWA*💃💃💃💃


*ME TAKEN NA AMARYA HUTAA$$*

*MUNA FARIN CIKIN SANAR DAKU CEWA MUNA BADA HAYAR KAYAN AMARYA(WEDDING GOWN), KAYAN BRIDAL SHOWER, KAYAN BIRTHDAY PARTY, KAYAN FITAR SUNA, SANNAN MUNA BADA HEAD AND SHOULDER, MUNA DA POSS, MUNA ALKYABBAR KAI AMARYA KO TARON WALIMAR SAUKA, MUNA DA KAYAN FULANI FARARE NA YARA DANA MANYA MUNA DA NA AMARYA BLUE BLACK, SANNAN MUNA GYARAN JIKIN AMARYA DA UWARGIDA CIKIN KWANA UKU CAKAL ZAKIGA KIN KOMA TAURARUWA MAI WALWALI. MUNAYIN TURARUKAN WUTA DA HUMRA DA KOLACCAR, KOWANNE KALA KIKE BUKATA AKWAI CIKIN FARASHI MAI SAUKI.*


*LOCATION KANO*

08062073990

*BISMILLAHIR RAHMANIR RAHIM*


Sosai Elhajj ya zage yaci abincin don ba karamin dadi yai masa ba, yana ci momma na masa hira har ya gama.

Tashi yai yana wanke hannun sa a sink din dake gefen palourn, a nutse yace "Sai da safe Momma". Bai Jira amsar taba ya wuce part dinsa.

Bin sa da wani mugun kallo tai tace "Dani kake magana daga kai har uban naka shege Dan iska kawai na kusa magananin Ka......"

Yana isa part dinsa yaji wata muguwar kasala ta lullube sa, lumshe idon sa yai kawai ya kwanta akan gado ba tare da yai addu'a ba don yama manta ana addu'ar bacci gaba daya...

**
Cikin tsananin duhu yake ko tafin hannun sa baya gani, daga gabansa rami ne wawakeke sai bayan Sama, shima ramin ne babba, tana tsakiya ana mutane biyu uku ne a gefensa kowa kokarin ganin ta tura sa cikin ramin yake, in wannan sun tura ya Kusa shiga sai wannan suma su tura suma, gaba daya yayi bakikikkirin sai mummunar dariya kawai ke tashi Mara dadin sauraro.

Daga can gefensa yaga Malam ne yake tsaye a gurin haske, yana tsaye hannun sa rike da carbi cikin daga murya Malam yake fadin "Ka tashi Muhammad, Ka tashi nace ma".

Amma ya kasa sai kokarin miko hannu yake, daga bayan Malam wani haske mai tsanani daya bayyana fiskokin mutanen da suke kokarin tura sa a ramukan nan, da sauri yaga hasken yana nufo sa yazo dai-dai gaban sa kawai hasken ya bace...

A razane ya tashi daga baccin yana murza idonsa cike da tsoro, duk ya hada gumi.

Kusan sati biyu Kenan yana irin wannan mafarkin, amma ya rasa ya zaiyi gashi ba Wanda zai samu ya fadawa dama Malam ne yake sharing irin wannan maganar dashi, toh shima kwana biyu baya zuwa gidan sa haka kurin yake Jin haushin Malam din.

So yake ya tashi yaje yayi sallah amma ya kasa kawai sai ya runtse idonsa yana tuno mafarkin da yai.

Sai da akai asuba sannan ya mike duk jikinsa yayi sanyi, ga wani zazzabi da yake ji yana kokarin rufe Shi.

Da kyar yai alwala yayi sallah a daki don baya jin zai iya fita masallaci, yana idar wa ya koma gado ya kwanta sai anan wani wahallalen bacci ya dauke sa.



***********

Gama aiki na kenan tun da duku dukun safe, a Palour na zauna ina mimmike kafafu na din baya na yadda yake amsa min.

Shigowa Mama tai tana sanye da doguwar riga sai sassanyan kamshi take, mikewa nai zaune nace "Mama ina kwana".

Ba yabo ba fallasa tace lafia qalau, ki shirya anjima in babanku zai fita tare zaku, yace "yau zai gabatar dake a gun MD din".

Zaro ido na nai nace "Mama yau zamu je company din fa kika ce".

A dake mama tace "ko baki ji ni bane sosai, ki tashi kiyi wanka ki shirya don yanxu zai fito kuma kin san sa baya son jira".

Mikewa nai na fita zuwa ban daki, wanke fuska da kafafuna kawai nai na fito, Mama tana zaune ko kallo na batai ba, daki na shiga na mulka mai a fuska ta da kafafuna, kwalli na nasa na dauko hijab dina na sallah Wanda Ya Hajara tai min, dark blue ne dogo har kasa, ya haska farar fata ta sosai.

Kallon kai nai a mirror nayi murmushi, ina tsaye ina gwada yadda zan yiwa MD magana Mama ta kwalo min Kira.

A guje na fito hannuna rike da katuwar jakata, ta Inna ce na dauke mata don yadda nake son jakar duk ta tsofe gaba burmemiya.

Ina fitowa Mama ta kalle ni tun daga Sama har kasa, har zatai magana sai kuma tai shiru kawai tana girgiza kan ta.

Hade rai tai sosai tace "kinji dai abinda na fada Miki, ki kula da kanki banda shiga abinda bai shafe kiba, banda Kula Maza ki rike mutuncin ki sosai".

Rau-rau nai da ido nace "Toh Mama kar ki samu damuwa, ba Wanda zan bari ya rike min hannu bare nayi ciki, kuma kinga ni ban fara al'ada ba balle ace koh".

Tsaki Mama tai tace "Allah ya shirye ki gaskia, wuce muje ya fito jiran ki yake".

Sum sum nabi bayan Mama muka fito, duk mutan gidan suna tsakar gida sai hada hada suke yara zasu tafi makaranta.

Ban kalle ko wacce a cikin su ba sai Baba na kalla nace "ina kwana Baba".

Yana duba wasu file a hannun sa yace "lafia qalau, kin shirya dai ko sosai".

Murmushi nai ina daga Kai nace "sosai ma, tsintsiyar ce dai nake tunanin ko na ari ta Mama" .

Ba shiri ya dago ya kalle ni, girgiza kan sa kawai yai yace "basai kin dauka ba da akwai komai a can ai".

Gyada kai nai, ina daga ma Mama hannu, Umma dake zaune a kofar dakin ta ta buga tsaki mai karfi har sai da kowa ya juya ya kalle ta.

Baba ne yace "lafiyar ki ke kuma kike bugawa mutane tsaki".

Hararar sa tai tace "haba Malam, kama ta yai gaskia kayi adalci akan wannan lamarin, taya zaka samo wa Dije aiki ita kadai bayan ga Hajjo a zaune a gida haba, Fure don Allah wannan adalci ne?".

Inna fure dake sosa kunnen ta da tsinken ashana tace "ina fa Maman Hajjo, ai ni shiyasa ban yi magana ba kar ace toh bakin ciki kake, amma maganar gaskia wannan ba adalci bane".

Kallon su kawai Baba yai kafin yace "ynxu ku baku ji kunya ba, nan fa a gaban ku Yarinyar nan tace tana son na nema Mata aikin ko Shara ne, amma sai kuka fara maganganu cewa Allah wadai ya'yanku suyi aikin Shara, toh ynxu kuma da ta samu shine ku ke hassada?".

Zumburo baki gaba Umma tai tace "Malam kadai duba gaskia".

A harzuke yace "baxan duba ba din, ke wallahi ko MD din da Kan sa yace in ina da wata yarinyar na kawo a bata aikin cewa zanyi banda ita munafukai kawai".

Kallona yai yace "wuce muje".

Wani murmushi nai ina gyada kai na bi bayansa.

A bayan machine dinsa na zauna ina rike da jakar sa da tawa, a hanyar ba Wanda yace wa kowa komai har muka isa company din.

Tunda muka shiga gabana yake faduwa, amma sai na share ban bada hankali na akan hakan ba, sai kara ware manyan idona nake ina kallon katon company din.

Parking machine dinsa yai a inda yake ajiye wa yace "sakko muje toh".

Bin bayansa nai sai wulla idona nake a companyn ina jinjina girma da kyaun sa.

Ciki muka shiga bansan lokacin dana lumshe ido na ba sbd sanyin AC, duk inda muka wuce sai gaisawa Baba yake da mutane yana gabatar dani a matsayin Yar sa wacce zata dinga gyara office dn MD.

Ni dai nawa murmushi ne kawai, lokacin da muka zo zamu hau elevator Baba hannu na ya rike ya kalle ni yace "ki nutsu nasan halin ki".

Gyada kai nai ina kankame hannun sa, a ciki ma sai wur ga ido nake kamar na sa ihu, na nutsu ne kawai sbd Baba.

A 6th floor muka tsaya wanda tun da muka shigo companyn banga inda ya Kai sa haduwa ba, palourn ne za'a ce wanda ke dauke da kujera set 1 da center table ba carpet dai ga Standing AC da kuma ta bango, sanyi ko ta ina.

A cikin gurin paloun da akwai kofa wacce nake tunanin Banda ki ne, daga gefen hagu kuma da ba komai a gun, glass ne ya mamaye bangon sai kofa a tsakiyar glass din ko ba'a fada ba nan ne office din MD din.

Daga karshen glass din bangaren hagun anan akai wa secretary din MD nasa gurin, dake dauke da kujera da table.

Gurin secretary din muka nufa, cikin fara'a ya mike yana fadin "Baba kai ne da kan Ka, ina kwana".

Murmushi Baba yai yace "lafia qalau Yasir ya aiki?".

Murmushi yai yace "Alhamdulillah Baba".

Kallona Baba yai da na shagala gurin kalle kalle yace "ba ki iya gaisuwa bane?".

Da sauri na dago na kalle sa ina turo baki nace "ina kwana".

Dariya yai yace "lafia qalau".

Harara ta Baba yai ya kalli Yasir yace "MD bai shigo ba".

Cikin girmamawa Yasir ya daga kai yace "bai shigo ba, ina ga sai anjima ko bayan Azahar".

Gyada kai Baba yai yace "Allah ya kaimu, dama yace zai bawa Dije aikin share masa office ne shi ne na kawo ta yau, amma in ba komai sai ta zauna anan ta jirasa in ba damuwa".

Dariya Yasir yai yace "bakm Baba, ta zauna in yazo sai na kira ka din".

Godiya Baba yai masa ya kalle ni yace "wuce muje, ki zauna akan kujerar can ki jira, banda fitina ki nutsu wallahi".

Turo baki nai nace "Haba Baba in kana fadar haka ai sai ayi tunanin ko bana Jin magana ne".

Girgiza kai Baba yai kawai ya wuce.

Zama nai akan kujerar bansan lokacin dana lumshe idona ba sbd laushin ta, murmushi nai ina kwanciya akan kujerar nace "ai ni ko dan nasha AC na kwanta akan wannan kujerar na dinga zuwa kullum ma wallahi".

Ina kwance ina shakar kamshi tun ina jin maganar Yasir da yake amsa waya har bacci ya dauke ni anan.....





*********

A hankali ya shiga bude idon sa ya suka masa nauyi, da kyar ya tashi yana kallon Agogo karfe 11 har da rabi ta kusa.

Da sauri ya sakko daga kan gadon yana mika, duk da kan sa dake masa ciwo kamar zai rabe amma haka ya daure ya shiga toilet yayi wanka.

Ya dan dade sannan ya fito yana tsane gashin kansa dake digar da ruwa.

Cikin kasala ya shirya cikin wata jallabiya coffe colour haka kurin yaji yau baya ra'ayin sa kaya mai nauyi, turare ya fesa sosai sannan ya dauki jakar sa ya fito kafar sa sanye da takalmi mai laushi kamar silifas.

Bai tsaya shiga cikin gidan ba kawai mota ya shiga security yaja suka nufi company, duk da yunwar da yake ji amma baya son tsayawa bata lokaci don cin abinci da akwai file din da xai yi signing.

San da suka shigo companyn da kyar ya fito daga motar, duk jikinsa kamar wanda aka yiwa dukan tsiya.

A hankali ya fito gabansa sai bugawa yake da karfi, lumshe idonsa yai a hankali yana tafiya duk Wanda ya gaishe sa daga masa kai kawai yake ya wuce har ya shiga elevatorn.

Bugawa zuciyar sa take da karfi har sai da ya dora hannun sa ya daura akan kirjin sa dai-dai saitin zuciyar sa, lokacin da elevatorn ya bude sai da ya rintse idonsa da karfi.

Tattaro dukkan nutsuwar sa yai ya shigo palourn Kan sa na wani irin sara wa, Jin jiri na dibar sa yasa shi Zama akan kujera da sauri.

A razane na mike zaune ina janye kafafuna jin an zauna a kansu, dago fuskata nai idona ya shiga cikin nasa a tare zukatan mu sukai wani irin bugawa da karfi.....



********

Ihuuu mai firgitar wa kasurgumin bokon yai da yasa ta saurin masawa gefe sbd yadda rumfar da suke tana girgiza kamar zata fado kansu, ga ihun masa da ya hargitsa dajinn...

Ya dau mintuna suna yi kafin ya dago ya kalle ta idonsa kamar wuta sbd tsabar jaa, da katuwar muryar sa yace "kin makaro wannan ranar nake jiye Miki kika tsaya wasa, ynxu sai abinda kIka gani kawai ta riga ta bayyana....."

A firgice tace "wace ta bayyana la'ananne?".

Daka Mata tsawa yai yana buga wata kwaryar dake gabansa, kallon ta yai cikin bacin rai yace kina kallo ko, ya bace bat baxan iya ganin sa ba matukar yana tare da wannan Yarinyar, aljanun dake jikinsa duk sun fita a dai-dai wannan lokacin sbd kusancin da ya wanzu a tsakanin su...

Gaba daya ta gama firgita, gumi duk ya jikata, banda rawa ba abinda jikin ta yake za ta sake magana ya daka Mata wata tsawa data sata mikewa ta kwasa a guje tana sakin fitsarii......




*BOOK DINNAN NA KUDI NE AKAN FARASHI MAI SAUKI 300 KA/KI SIYA KI KARANTA CIKIN SALAMA, DUK WANDA YAKE SON SIYA YA TUNTUBI WANNAN NUMBERN*

09066728387



Comments Nd share plz



Mrs A.M🥰

🤎🤎🤎🤎
*ELHAJJ*
🤎🤎🤎🤎

Free page 9

Written by
Mrs A.M

Marubuciyar
*NOOR*
*TASWIRAR KADDARA*

Wannan book din na kudi ne akan farashi mai sauki 300, ki biya kudin ki, ki karanta cikin salama ngd.

Ga mai son biyan kudin book din ku tuntubi wannan number din.
09066728387


*BABY BEAUTY LOUNGE*

*INA YAN GAYUN SUKE MASU BUKATAR GYARAN JIKI, HENNA BLACK AND RED, PEDICURE AND MANICURE, MAKEUP, SALON KU GARZAYO ZUWA BABY BEAUTY LOUNGE DOMIN SAMUN DUKKAN WANNAN ABUBUWAN, HAKIKA GYARA SHINE MACE KUMA KO WACCE MACE YAR ADO DA KWALLIYA CE*

*INA MASU BUKATAR KOYAR MAKEUP DA SALON DUK MUNA YI A BABY BEAUTY LOUNGE CIKIN FARASHI MAI RAHUSA ZAKU SAME MU A TUDUN MALIKI TITIN ALASURE NO.995*

PHONE NUMBER 08183462148 OR 07058457638

*MUNA SIYAR DA MAGUNGUNAN MATA DANA MALLAKA DUK A BABY BEAUTY LOUNGE*


A razane na mike zaune ina janye kafafuna jin an zauna a kansu, dogo fuskata nai idona ya shiga cikin nasa, a tare zukatan mu sukai wani irin bugawa da karfi.

Kara waro ido na nai ina kallon wannan Ustaz din dake gabana, ni kai na nasan ina da kyau amma sai naga wannan ya ninka ni a kyau duk da ba farar fata ce dashi ba, babban abinda yaja hankali na gare sa na Kura masa ido shine duhun da na gani a kewaye a kansa, sosai na nutsu ina kallon kan nasa ganin duhun yana baya baya a hankali.

Shi kuwa Elhajj neman ciwon kan da yake damun sa yayi ya rasa, ga wani nutsuwa da ya saukar masa Wanda ya manta rabon da yaji irin ta.

Zuba ma yar mitsitsiyar yarinyar ido yai yana kallon ta, duk da yadda kyaun ta yake fisgar ta amma haka ya zuba mata ido yana mamakin wace wannan da har tazo ta zauna a Palourn da yake saukar bakin sa.

Ganin yadda yake kallona yasa na turo baki gaba, cikin kunkuni nace "haba Ya Ustaz taya zaka wani zuba min ido kana kallona badai kyau kallon haram".

Dan ware idonsa yai yana lumshe wa a hankali, a ransa yana mamakin maganar ta wai ya zuba mata ba kyau kallon haram, murmushi yake son yi amma sai ya daure, ita wannan mitsitsiyar Mai zai ji a gare ta da har take cewa bakyau kallon haram.

Ganin bai yi magana ba sai lumshe idon sa da yai yasa na mike daga kan kujerar da nake na koma wacce ke kallon sa.

Zuba masa ido nai ina kallon sa kawai, can nace Ya Ustaz baka magana wai, ko dai kurma ne?.

Bude idon sa yai ya kalle ta da idonsa da suka dan chanja colour, yatsina fuska yai Jin wani dan tsami tsami a Palourn yana tashi.

Kallon ta yai yaga ta zuba masa manyan idonta tana kallon sa, hade rai yai sosai a dake yace "Ke kin yi wanka yau?".

Zaro Ido Dije tai sai kuma tai saurin sa hannu ta dafe bakin ta, kallon sa tai tana mikewa tsaya, shinshina jikin ta ta fara ta kalle sa tace "haba dai don Allah Ya Ustaz, ba wani wari da nake wallahi ban yi wanka ba dai sai gobe gaskia kwana uku uku nake bana wanka sbd tattalin ruwa".

Zaro Ido yai da mamaki yace "what?".

Fari nayi da ido nace "yess, tattalin ruwa nake kaga shekaran jiya nai wanka don haka sai gobe zan yi kuma ai bana tsami fah".

Wani yamutsa fuskat yai a dakile yace "kazama ce keh Amma, mai ma kike yi anan".

Hannun nasa ta jikin hijab na rike kuguna a Tsiwace nace "lala-lala Ya Ustaz daka ta, wannan ai zagi ne taya zaka ce wai ni kazama ce, sannan maganar me nake yi anan toh shi MD din nice wacce zan dinga masa gyaran office, aiki ya bani Mai kyau atoh".

Da mamaki ya Kara ware idon sa akan ta yace "shi MD din ne zai baki aikin gyaran office bayan bakya wanka".

Hade rai nai nace "bafa nasan zagi gaskia Ya Ustaz haba, ai maganar zai bani ma bai taso ba don ya riga ya bani aikin nema, ynxu zaman da nake yi anan jiran sa nake yazo mu shiga ciki na gyara masa tsaf".

Ya bude baki zai magana muryar Baba ta karade paloun Yana sallama, lumshe idon sa yai yana gyara zaman sa sosai a Kan kujerar.

Cikin bashi girma Baba yace "barka da zuwa MD".

Kwalalo idanu waje nai a firgice nace "MD kuma Baba? Wannan dinne MD?".

Wani kallon Baba ya min yace "ko kin masa rashin kunya ne Dije".

Yarfe hannu na shiga yi ina fadin "ba abinda na masa Baba, ni fa Ka ganni a tsaye ma gaishe sa nake yi".

Bude idonsa yai ya kalle ta ta kasan ido yadda baxa ta gane kallon ta yake ba, dan girgiza kan sa yai a hankali a ransa yana fadin kila bata da lafia ne shiyasa