You Cannot Download this book untill you login but you can read it .

---

Login Register

jefa suri cikin dakin kanta ya hadu da siminti kofar ta rufe lokaci guda" duk da haka sai da ya jiyo sautin kuwwar suri daga can ciki" sannan sai yaji tsit"
Yayi murmushin mugunta" sannan ya dawo ya sami kwamishinan 'yan sanda ya sara mashi cikin girmamawa" kwamishinan yace dasu
"Ba zama zakuyi ba" kuyi hanzari ku dauki mota ku nufi kauyen dan marke" tu tabbatar kun kamo min Raliya" da ita da masoyinta duk muna bukatarsu" idan kuma kunga akwai matsala to kuna iya kamo min masoyin nata shi kadai" idan tana kaunarshi dole ne ta fito mana da kudinmu" inda kuma tafi son kudin dashi" sai ku amso likkafani a warinta ku bar mata kudin
Kwamishinan 'yan sanda ya sake murtuke fuska sannan yace a fusace
"zamu amshi likkafanin ne a matsayin gudumawarta na jana'izar masoyinta rufa'i . . .RALIYA-12
.
Wadannan abubuwan nishadi suna faruwa ne akan idon Raliya da masoyinta Rufa'i suna tsaye jikin wata akuri-kura wacce mahaifin Raliya wato malam muntari ya taba tukawa tun kafin a haifi yayanta Naziru duk tsawon wadannan shekaru motar tana nan wurin ta zama mushe amma kuma kwarangwal dinta da yayi saura yana matukar taimakawa wadannan masoya biyu Raliya da Rufa'i suna samun abin jingina
Sun dauki lokaci mai tsawo a jikin akori kurar suna ta hirarsu ta soyayya Raliya ta fuskanci masoyinta Rufa'i yana nan kamar yadda yake a zuciyarta" farin saurayin mai yawan fara'a wanda baya iya rabuwa da hula a kowanne lokaci koda barci yake yi tun lokacin da suka fara hirar Rufa'i baya wata magana saita aurensu" ya dubi Raliya ya sake tambayarta a karo na uku"
Wai da gaske ki keyi bazaki sake komawa makaranta ba Raliya?
Raliya tayi murmushi zata bashi amsa kenan saita hangi babanta malam muntari ya fito daga cikin gida" yana rike da karamar fartanya da wani irin kubewa a leda zaije bayan gida ya shuka" bayan ya wuce sai tace da Rufa'i
"Kasan cewar bazan yi maka wasa da irin wannan maganar ba Rufa'i gaskiya nake fada maka" dama can mahaifina ya bani zabi da dadewa yace duk lokacin da na gaji da karatu naji ina son aure in fada mishi domin baya son ya takurawa rayuwata har inzo in shiga wani hali
Rufa'i ya lumshe idanunshi cikin jin dadi yace"
Allah mun gode maka daka nuna mana wannan lokaci"
Na dade ina jiran zuwan wannan lokaci raliya"
sukayi dariya abin gwanin ban sha'awa suna nan suna hira har rana ta fadi mutane suka fara dawowa gida suna daukar butocin alwala
Rufa'i yace da Raliya
"lokacin sallah yayi zan tafi gida Raliya" sai anjima bayan anyi sallah zan sake dawowa"
Raliya ta dan bata rai tace dashi"
"saura kuma ka bata lokaci kabar ni ina ta zaman jiranka
Rufa'i yace da ita cikin farin ciki"
"Haba Raliya ai kema kinsan bazan dade ba" yau ma anan saikin gaji da ganina"
sukayi bankwana Rufa'i ya nufi gidansu dake can bayan gari Raliya ta rabe a kofar zaurensu tana hangenshi har ya bace" sannan tayi murmushi ta shige cikin gida
Rufa'i ya karasa kofar gidansu yana tunanin wannan masoyiya tashi wacce ya dauki shekaru fiye da goma yana kaunarta" baya fatan wani abu da zai rabashi da Raliya rabin ranshi
to amma kuma aski yazo karshe komai me zuwane da wucewa yayi hakurin jiranta tsawon lokaci" gashi yanzu lokacin da yake jira yazo tunda rufa'i yake a duniya bai taba jin tsananin farin ciki irin na wannan ranar ba
.
A lokacin da yake kokarin sa kai da ya shiga cikin gidansu kenan sai yaji an kwala mishi kira daga baya
Rufa'i ya waigo cikin sauri" ya hango wasu mutane biyu suna ta sauri sun nufo zuwa inda yake" daga can bayansu wata mota ce baka irin ta ma'aikatan gwamnati Rufa'i yaji gabanshi ya fadi domin kuwa ya fahimci mutanen dake kiranshi" sannan ya tsaya jiransu har zuwa lokacin da suka cimmishi
suna sanye da bakaken kaya iri daya" da hulunan 'yan sanda" akwai wani yanayi dake tattare dasu wanda Rufa'i bai amince dashi ba" wani mai katuwar murya a cikinsu yace dashi
"Baka ganemu ba ko rufa'i ?
Rufa'i ya girgiza kai cikin kokwanto"
Dayan yace dashi"
"Dole ne ka mance damu amma a shekarun baya munsha zuwa nan wurin mahaifinka" yana nan a cikin gida ne?
Rufa'i yace dasu cikin ladabi
"Baku ga fitowarshi ba?" yanzun nan na hadu dashi a hanya zai tafi masallaci
"mai katuwar muryar yace"
"yanzun nan muka zo" Dan Allah zoka taimaka mana mu turo motarmu mu karaso da ita" sai da tazo daidai can ta tsaya muna tsammanin mai ne ya kare
Rufa'i yace dasu cikin tausayawa"
"sharrin karfe kenan" muje in taimaka muku"
Rufa'i yabi bakin mutanen a baya masu kama da yan sanda suka bar cikin gari suka je can inda motar take a baya daidai wata gonar waken suya da dawa" da zuwansu daya daga cikin mutanen ya shiga cikin motar wurin zaman direba
Rufa'i ya zagaya bayan motar tare da daya mutumin wanda ya biyo ta bayanshi" Rufa'i zai dafa motar kenan" sai yaji wani abu mai kama da busasshen karfe ya mareshi a fuska" nan da nan fararen taurari suka rufe mishi idanu" kafin yayi kuwwa ne domin a kawo mashi agaji sai ya sake jin irin abinda ya mareshi" ya sake sauka akan kwakwalwar kanshi
tun daga nan bai sake jin komai ba" sai daga baya ne yaji an ciccibeshi an sakashi a cikin motar sannan an tayar da motar an bata wuta an fara tukawa" ba'a jima ba yaji mai katuwar muryar yana cewa
"ka tabbatar ya suma Bilya?" bana son mu sami matsala a hanya
Daya mutumin yace a fusace
"wannan yazo hannu ba matsala tuka kawai mu tafi jangwarzo"
Har motar ta yi nisa Rufa'i bai san inda kanshi yake ba"
Abu na karshe dayaji kafin ya suma shine sautin kiran sallar magariba da mahaifin Raliya ya kwada daga can nesa a cikin lasifika"
Ga mamakinshi sai yaji duk da ya kusa mutuwa yana so ya sake ganin Raliya 'yar makaranta masoyiyar sa. . .RALIYA-13
.
Abu na karshe dayaji kafin ya suma shine sautin kiran sallar magariba da mahaifin Raliya ya kwada daga can nesa a cikin lasifika"
Ga mamakinshi sai yaji duk da ya kusa mutuwa yana so ya sake ganin Raliya 'yar makaranta masoyiyar sa
.
"Ka fito mun da akwatin kudina kaji ko" sauri nake yi kwamishina" bana so kana bata min lokaci Alhaji Elbashir ya sake dakawa kwamishinan 'yan sanda tsawa" akaro na biyu"
kwamishina danmasani ya dafe kirjinshi domin kuwa bayan tabaren dake yi mashi lugude a ciki" har wani abu kuma mai tsini kamar mashi yaji yana sukar hakarkarinshi
Ya zauna akan katafaren teburinshi domin ya samu sauki" ya dubi shu'umin mutumin cikin damuwa"
Ba banza ta saka kwamishinan 'yan sanda ya tsorata da Alhaji Elbashir ba" akwai kwakkwaran dalili
Alhaji Elbashir yana daya daga cikin manyan 'yan siyasar kasar Nigeria wadanda suke nada gwamnoni da 'yan majalisu kamar sarakuna" suna sayen kowacce irin kujera a ciki kuwa har da ta kwamishinan 'yan sanda" idan bukatar hakan ta taso"
yasan cewar idan yabi Elbashir da tsiya to dole ne asirinshi ya tonu" bazai yayata maganar duniya taji ba" domin kuwa shima bazai so asirinshi ta tonu ba" to amma yana da karfin ikon da zai sauke kwamishina ayi mashi ritaya da tsiya ko yana so ko baya so"
Don haka ya zamewa kwamishinan 'yan sanda wajibi ya san hanyar da zaibi ya kawar da Alhaji Elbashir cikin hikima" ba tare da wani yasan abinda yake faruwa ba" kwamishina yayi kasa-kasa da muryarshi yace dashi
"An sami matsala Alhaji" kudi basu zo hannu ba
Elbashir ya gyara zama yana kallon kwamishinan 'yan sanda a tsanake kamar mai bitar darasi" zuwa can ya ce dashi
"ban faminci abinda kake nufi ba" da an sami matsala kwamishina?
Dan masani yayi ajiyar zuciya sannan yace
"Hakika mun kamo Jarmai to amma kuma akwatin da muka samu a wurinshi babu kudi a ciki" muna tsammanin ya canza akwatin ne domin yaudararmu
Elbashir yayi shiru babu wani alamar tsorata ko damuwa akan fuskarshi" idan wani ya ganshi sai ya rantse da Allah an sanar dashi labarin bacewar kwandala hamsin ne ba miliyan hamsin ba" wannan yanayi na rashin damuwa dake tattare da Elbashir ya sake rikita kwamishina domin kuwa yasa cewar akwai matakan da yake so ne ya dauka da gaggawa"
Yanzu ina Jarmai din da kuka kamo" ina son ganinshi akwai maganar da nakeso muyi ni da shi Elbashir ya sanarwa kwamishina" wanda ya ciro kyalle yana goge fuskarshi dake kama da kaskon tuyar awara" bayan ya gama goge fuskar sai yace dashi cikin damuwa"
Yaranmu sunyi sakaci sun barshi ya gudu bayan sun kamoshi" amma na bazasu nace su tabbatar sun sake kamo mana shi
Alhaji Elbashir ya sake yin shiru yana nazarin daddumar dake malale a ofishin zuwa can kamar zaice wani abu sai ya dakata" ya mike domin ficewa daga ofishin" har ya fara tafiya " saiya waigo ya dubi kwamishinan 'yan sanda yace dashi cikin kunar rai
Sau da yawa mutane masu hadama irinka sun sha niyyar cutata dan masani" amma kuma har yanzun babu wanda ya taba kai labari" duk wanda ya zalunceni dole ne saina rama" don haka na baka nan da awa biyu ka kawo min kudina" nasan cewar wannan rubabbiyar kwankwalwar taka bata tunanin komai sai shirya maka yadda zaka kwace min miliyoyin kudina
kayi kuskure danmasani" kuma baza kayi nasara ba" mun dade muna wannan bakar huldar dakai shekara da shekaru" wannan kawai ya isheka sanin koni wanene a kasar nan"
Idan awoyi biyu tayi baka kawo min kudin ba" zan fara gudanar da nawa motsin"
Alhaji Elbashir yayi makararren murmushi sannan yace dashi"
"Bana fatan kaga irin motsina" dan masani ka kawo mani kudina
Ya fice daga ofishin a fusace" sannan ya mako kofar ta biyo bayanshi" kwamishinan 'yan sanda yaji numfashinshi yana kokarin tsayawa" yayi saurin bude wata karamar dirowa dake gabanshi ya dauko robar ruwan sanyi yabude ya kafa kai yana kwankwada
.
Lokacin da Alhaji Elbashir ya shiga cikin motar shine dake can waje wacce ke da duhun gilasai" sai ya zage gilasan motar" sannan ya waiga kujerun baya ya dubi ifiritan samarin dake zaune suna wasa da kananan wukake a hannunsu" yace a fusace
"Bai bani kudina ba" bayan awoyi biyu kuci gaba da aikinku" ku tabbatar kunci nasara"
Gambo da abokinshi dumfama suka hada muryoyinsu dake kama da fashewar nakiya sukace "an gama Alhaji
.
=====>******^********<======
.
An kai kusan rabin awa kafin suri ta dawo hayyacinta kanta yayi nauyi gingiringin ko ina a jikinta sai faman zugi yake mata"
ta muskuta daga inda take a kwance a cikin duhu" taji kyankyasai suna bin kafafuwanta" nan da nan tayi sauri ta haura kafafunta ta goge kwarin dake bin jikinta"
A daidai lokacin ne taji numfashin mutum a cikin dakin sannan taji an motsa jiki
Suri taji tsoro ya kamata tayi sauri ta matsa baya ta hadu da bangon dakin ta riga ta gama sakankancewa da rayuwa" a halin yanzu mutuwarta ta fiye mata sauki da wannan azabar da take fuskanta"
Ta fashe da kukan bakin cikin wannan muguwar rayuwa da tasa kanta a ciki"
"na cuci kaina"
tace a sanyaye tana kuka"
Sai yanzu nasihohin da kawarta Raliya keyi mata a makaranta suka fara dawo mata cikin kwakwalwar kanta
Hakika Raliya gaskiya take fada mata" to amma kuma ita tsammaninta Raliya 'yar kauye ce bata waye ba" yanzu kam ta tabbatar rayuwar kawarta tafi tata inganci nesa ba kusa ba"
Domin kuwa tana can a halin yanzu a cikin kwanciyar hankali" a garinsu tare da masoyinta Rufa'i
Me yafi zama lafiya dadi a duniya?
Suri ta tambayi kanta" Hakika zama lafiya yafi zama da kudi ko nawa ne a duniya" komai yawansu" wannan itace shawarar da Raliya tasha fada mata" domin kuwa ba wanda ya isa ya yiwa kansa arziki a duniya komai wayonsa"
Suri tayi tsammanin idan mutum yana da wayo a duniya" dole ne ma ya tara isassun kudi yadda yake so"
sai yanzu data sami kanta a cikin wannan halin sannan ta fahimci samun kudi a duniya ko wata baiwa ba ruwansu da wayon mutum ko kyan jikinshi" Allah shine mai azurta bayinsa aduk inda ya so" kuma ga wanda ya so"
Suri ta sake fashewa da kuka" Hakika Raliya itace wayayyiya" domin kuwa tasan yadda zata zauna lafiya a duniya da mutuncin ta ba tare da wani ya biyota yaci mata mutunci ya wulakantata ba"
Suri tana cikin shishshikar kuka sai taji numfashin dake tasowa a cikin dakin ya sake gawurta wanene?
suri ta tambayi kanta" tace a bayyane"
"wanene a cikin dakin nan?"
sannan ta sake mannewa da bango a tsorace kamar wacce take jin sanyi" tayi matukar kaduwa da amsar da aka bata"
Nine...... Baki ganeni ba ne suri?"
nine masoyinki jarmai?"
"jarmai?" suri ta tambayi mai maganar a tsorace" kai nake ta nema jarmai meya kawoka nan...... Kaima sun kamaka ne?"
Jarmai dake nannade da ankwa a makure a lungu yace da ita
"Rana ta baci suri" mafarkinmu yazo karshe" wannan shine karshen zaren sa'armu"
Suri ta sake daburcewa a tsorace kamar wacce tayi gamo da fatalwa" bata gaskata abubuwan da take saurare ba a cikin duhun" Jarmai ya sake cewa da ita
"kawarki Raliya ta sami sa'a kudin suna can a wajenta ta tafi da kudin kauyensu sai wata rana kuma.."
Suri tayi saurin dakatar da Jarmai"
"A ina kasan Raliya jarmai?" me kake nufi da kudinmu suna wajenta" meya hadaka da Raliya?"
Jarmai ya sanar da suri yadda akayi suka hadu da Raliya a mota zata koma garinsu" da kuma yadda akayi sukayi musanyar akwati a karshe yace da ita
"Ba rabonmu bane suri" rabonta ne" ina so ki cire wannan kudin a ranki domin kuwa nidai tawa ta riga tazo karshe" bana so su kashe mun ke suri" domin kuwa duk ni na jawo miki wannan masifar na gwammace ni su kasheni" amma bazan barsu su kasheki ba" wannan shine kawai abinda zanyi miki na karshe a matsayina na masoyinki
Suri ta fashe da kuka ta dauki lokaci batayi shiru ba" domin kuwa taga ishara da idonta a zahiri" jiya jiyan nan take ba Raliya labarin zata zama miloniya"
Ashe duk fafutukar da takeyi Raliya ce zata amfana da miliyoyin kudin" wacce bata damu da kudin ba gashi ita kudin suke bi tana gudunsu" ita kuma suri data nace tana bin kudin gashi suna gudunta" Shin dama haka rayuwar duniya take?"
Hakika arziki nufi ne na Allah" Raliya 'yar kauye ta zama miloniya tabar suri a cikin daki mai duhi wasu azzaluman mutane suna gana mata azaba ita da masoyinta jarmai"
Suna nan cikin duhu suna maganganu sama-sama sai suka ji sautin harbin bindiga a cikin gidan har sau biyu suri ta fashe da kuka ta cewa jarma
"Gasu nan sunzo zasu kashemu jarmai" ina kake in rikeka sai dai su kashemu tare"
suri ta tashi cikin tsananin firgici ta lalubi jarmai a cikin duhun taji shi makure a jikin bango" ta lalubi hannayenshi dake manne da ankwa ta rikesu" jarmai yace da ita
"bana so su taba ki suri" ina son ki gudu ki koma ciki gaba da rayuwarki" kici gaba da karatu ni tawa tazo karshe suri"
kafin ya rufe baki ne" yaji ansa wani abu mai kama da rodi an sare kofar dakin ta katako" ta yanke jiki ta fadi kasa kamar tsawace ta fado a cikin dakin" wasu ifiritan mutane su biyu suka shigo cikin dakin rike da bindigogi da kuma cociloli a hannayensu"
Ifiritan mutanen suka haske wa masoyan idanuwansu
Daya ya kai hannu ya fizgo suri daga cikin masoyinta nata" dayan kuma ya kama kwalar rigar jarmai suka iza keyarsu zuwa waje"
Babu wanda ya zaci faruwar wani abu a cikin wadannan ifiritai biyu da suka fito da jarmai da kuma suri"
to amma kuma fitowarsu keda wuya daga cikin dakin ko taku daya basu kara ba" sai kato daya a cikin ifiritan ya kwantsama ihu" wanda ke rike da kwalar rigar jarmai ne" ya yanke jiki ya fadi" sannan ya saki bindigarshi ta fadi kasa"
Ragowar daya katon dake rike da suri" ganin abinda ya faru da abokinshi" sai ya ture ta gefe daya ta fadi
sannan ya auna goshin jarmai da bindigarshi" to amma kuma ya makara" kafin yaja kunamar bindigar" tuni jarmai yayi tsalle ya cimmashi yayi mishi irin naushin da yayi wa dan uwanshi da hannayenshi biyu dake dauke da ankwa a gefen kuncinshi"
Daya ifiritun shima ya hadu da bangon gidan ya fadi kasa ricaaa......RALIYA-14
.
'Daya Ifiritun shima ya hadu da bangon gidan ya fadi kasa ricaaaa!! Kamar giwa ta fadi" jarmai ya dakawa suri tsawa!!
"yi sauri ki gudu suri"
Suri ta fasa kururuwa
"bazan tafi in barka anan ba jarmai"
"A daidai lokacin ne ifiritun farko da jarmai ya
Zubar yayi saurin lalubo bindigarshi dake kasa"
suri taga lokacin da ifiritun ya auna fankacecen
bayan masoyinta da bindiga kafin ta sake
kururuwa tuni har karar bindigar ya cika ko ina acikin gidan"
Jarmai yayi taga'taga kamar zai fadi sai ya dafe
hannunshi a jikin bango" ankwar dake kafarshi ta tadiyeshi ya zube kasa"
A lokacin ne ifiritu na biyu shima ya taso da
bindigarshi" duk da jarmai ya baje a kasa bai
hakura ba sai da ya sakar mashi bindigar a
goshinshi"
Kwanya ta fallatso mishi a jikinshi" suri ta sake
fasa kuwwa ta daka masu tsawa a fusace"
"Bakwa bukatar ci gaba da harbinshi ya mutu"
Ifiritu na biyu ya dawo da hankalinshi kanta yana mai murmushin mugunta yace da ita a fusace "mutuwarshi ta fiye mashi sauki fiye da
rayuwarshi"
Ifiritu na farko ya matso daf da ita ya daka mata
tsawa"
"Ina akwatin kudin dake hannunku su muka zo
amsa?"
Suri ta kankame kirjinta a tsorace tace dasu
"suna wurin kawata Raliya" da ita jarmai yayi
misanya a mota" kwamishinan 'yan sanda
akwatinta ya amsa na bogi" amma akwatin kudin suna can a wurinta" don Allah ku rabu damu haka nan kubi ta kauyensu can danmarke ku amso kudinku"
Ifiritan mutanen biyu suka dubi juna cikin
tsananin damuwa"
Na farko yace da ita
"Bamu cika son muna kashe mata ba a wannan
sana'a tamu da mukeyi na kashe mutane" Amma kuma bazamu barki haka nan mu tafi ki tona mana asiri ba" fada mana inda bakya so a jikin ki mu harba sauri muke yi 'yan mata"
Suri ta dubi fuskokin mutanen cikin hasken farin watan da ya cika ko ina a gidan" ta fara yi masu magiya tana kuka"
Don Allah kuyi hankuri" ku kyaleni ni daliba ce"
ina da kaka a gida gurguwa ce nike taimaka
mata
Ifiritan biyu suka fashe da dariyar mugunta"
dayan yace
"to ai shinkenan ma kin bamu amsa" bari mu
karya maki kafarki daya mu rabu dake" sai ki
koma gida kici gaba da yawon bara tare da
kakarki 'yan mata"
Zamanki gurguwa yafi ace mun kasheki kina
karama" bai kamata ki mutu yanzu ba"
Da gama sanar da ita yaja kunamar bingigar
saitin cinyarta kafin suri ta motsa sai taji wani
abu mai kamar kibiya ya soketa a cinyarta ta
dama" ta jefar da ita akan gawar masoyinta
jarmai" suri ta fasa kururuwa sannan ta lumshe
idanunta tana jiran mutuwa tazo ta dauketa"
ifiritun da ya harbeta yace da ita
Kada ki mance damu 'yan mata
FARAUTAR KUDI
ya jawo mukayi miki haka sunana Gambo
wannan kuma shine dumfama
"A can sama-sama suri taji muryoyinsu suna
dariya" sannan suka fice daga gidan tuhumar
suna murnar kashe-kashen da sukayi na 'yan
sandan dake gadin gidan da kuma jarmai" suri
taji jini yana malala a jikinta ta dada sake lumshe
idanu tana jiran mutuwa tayi hanzari tazo ta
dauketa" domin ta huta da azaba"
.
DON JIN YADDA RAYUWAR SURI KAWAR RALIYA YA KASANCE SAI A NEMI LITTAFIN
(BOYAYYEN MAKIRCI)
.
=====>+++++^+++++++<======
.
Raliya tana tsaye a cikin dakin mahaifiyarta ita
kadai" tun tashinta da safe" take a cikin dakin ta tsaya a jikin taga tana kallon sararin dake duniya acan bayan gidansu" da kuma sauran wasu wurare"
Hasken rana ya kutso ta cikin giza-gizan da suka toshe sararin samaniya" ya warwatsu ako ina a kauyen dan marke"
Ya haske gonaki da kuma sorayen gidaje" sannan kuma hasken ya warwatsu a cikin katafaren kogin dake bayan garin"
Daga inda Raliya take tsaye a cikin dakin tana iya hango kyallin ruwan yana toroko yana daukar idanu" masunta dake fita kamun kifi da safe sun haye kwale-kwale yana ta yawo dasu akan makeken kogin"
Raliya tayi ajiyar zuciya" sannan ta mayar da
hankalinta kan tunanin dake damun zuciyarta"
wanda ya hanata barci a daren da ya gabata"
Me yasa ta nemi rufa'i sama da kasa ta rasa
inda ya shiga tun rabuwarsu a yammacin jiya?"
ta aika gidansu ba sau daya ba ba kuma sau biyu ba" amma ance ba'a san inda ya shiga ba" saida dare yayi ne sannan wata yarinya dake tuyar kalallaba a kusa da gidan su Rufa'i tace ta
ganshi tare da wasu mutane masu bakaken kaya da yamma" amma bata san inda suka nufa ba
Wannan labari da Raliya ta samu yayi matukar
tayar mata da hankali domin kuwa indai Lafiya-
lafiya to tasan cewar Rufa'i bazai bar gida yaje
wani wuri kwana ba" bayan kuma yana dokin
dowawarta
Ta tashi da sassafe ta aika yaro gidansu Rufa'i
aka sake cewa da ita bai kwana a gida ba"
Na shiga uku!! Raliya tace a zuciyarta Ina Rufa'i yaje tun jiya anya kuwa ba sace shi akayi ba?"
Babu mamaki don hakan ta kasance domin kuwa Raliya tasan cewar wannan zamani da muke ciki yana da wahala" satar mutane ya zama ruwan dare a birane da kauyuka
Raliya taji hawaye ya zubo mata akan kyakkyawar fuskarta" ba ta share hawayen ba domin kuwa tasan cewar koma ta share wasu zasu sake zubowa" don haka saita bar tagwayen hawaye guda biyu suna gasar tsere a harabar fuskarta" tace a zuciyarta"
Allah ka karemin masoyina Rufa'i
Allah kasa kada su kashe min shi" sannan sai tasa hannu ta share hawayen a karo na farko sannan tayi ajiyar zuciya ta baro bakin tagar dakin ta dawo cikin daki ta zauna a bakin gado tayi tagumi
A daidai lokacin ne wani yaro ya shigo cikin dakin yace da ita cikin ladabi"
"Raliya wasu mutane a waje sunce wai kizo"
"su wanene?" Raliya ta tambaya yaron yace da ita" "Nima ban sansu ba"
"je ka kace ina zuwa" watakila ko masoyinta ne Rufa'i da abokinshi"
Raliya taji zuciyarta ta danyi sanyi" wa zaizo yace yana son ganina" in ba masoyina Rufa"i ba?"
Nan da nan tayi sauri ta mike zumbur ta nufi kofar gidansu tana fatan Allah yasa rufa'i ta ne ya dawo" fitarta keda wuya tayi karo da wasu mutane irin tsofaffin barikin nan wadanda suka kwana biyu amma kuma saboda rashin wahalhalu na yau da kullum jikinsu yana nan garas"
Kamar kananan yara banda jefi-jefin furfura data bayar dasu" suna sanye da bakaken kaya da huluna" da gani babu tambaya ansan jami'an tsaro ne" jajayen idanuwansu da gashin bakinsu dake kama da fuka-fukan jirgin sama ya isa ya tabbatar da hakan kai tsaye
Raliya ta tabbatar sune mutanen da ke son ganinta" to amma kuma a wanne dalili 'yan sanda zasu zo nemanta me tayi?"
Raliya taji gabanta ya fadi" ta tsaya daga baya-baya tana kallon mutanen cikin shakka da mamaki da kuma tsana" domin kuwa jikinta yana bata cewar akwai wata matsala babba dake shirin faruwa"
Rufa' imasoyinta ya bace bai kwana a gida ba" sannan kuma yanzu gashi wasu jami'an tsaro sunzo suna nemanta"
Raliya ta sake tambayar kanta" a daidai lokacin ne wani a cikin jami'an tsaron biyu yayi mata murmushi"
A nashi tsammanin wannan shine murmushin da namiji zai yiwa 'yan mata domin ya karfafa musu gwiwa su amince da abinda zai fadi masu" saidai kuma a bangaren Raliya murmushin yazo mata ne a yanayin da mutum zai gani a fuskar aljanin da malalacin yaro ya zana dan firamare ya zana a littafinshi na zane-zane
"ya kika tsaya daga baya-baya Raliya ki matso kusa damu" mu bakinki ne" wurinki muka zo"
mai yin murmushin ne ya sanar da ita"
Raliya ta kara taku daya ta tsaya inda jami'an tsaron suke" wani mai katuwar murya a cikinsu wanda tun zuwansu fuskarshi a murtuke take yace da ita
Mu jami'an tsaro ne" munzo wurinki ne ki bamu akwatinmu ki amshi naki" domin kuwa kin yi misaya a motar da kika hawo"
Raliya taji gabanta ya fadi" ta dafe kirjinta a tsorace Akwati?"
wanne akwatin ni banyi misaya da kowa ba"
mai murmushin ya dawo ya murtuke fuskarshi yace da ita"
"Bamu son ki bata mana lokaci Raliya" kinsan abinda muke nufi ki dauko mana kudinmu dala miliyan hamsin dake wurinki ki amshi akwatin tsummokaranki sauri mukeyi kinji ko?
Raliya ta sake daburcewa tana rawar jiki"
"wallahi ban san wannan maganar ba" akwatin da na dawo dashi yana wurin yayana Naziru kuma yaje zai budemun abokanshi sun sace akwatin jiya" babu wani akwati a hannuna"
Mai fara'ar yace da ita
"kije ku tattauna ke da yayanki ya fito miki da akwatinmu ki kawo mana" domin ki amshi masoyinki Rufa'i dake wurinmu?"
Raliya ta sake rikicewa"
"Rufa'i ? ta tambayesu" don Allah a ina kukaga Rufa'i masoyina ne" ku dawo min dashi"
Dayan yace da ita a fusace"
"yana hannunmu tun jiya da daddare" idan kina sonshi toki yi hanzarihanzarin fito mana da akwatinmu zamu sake dawowa anjima"
Idan kuma