You Cannot Download this book untill you login but you can read it .

---

Login Register

bakya sonshi toki shiga cikin gida ki dauko mana likkafani domin idan mun kasheshi mu sami abin jana'iza
Raliya tace dasu a rude"
"Na shiga uku!! Don Allah kuyi hakuri kada ku taba mun Rufa'i shi ne masoyina da zan aura" zan baku akwatin kudinku
"ta fashe da kuka to sai dai kuma daga Raliya har jami'an tsaron da suke tare da ita" babu wanda ya daga kanshi sama akan wata itaciyar kadanya dake a kusa da kofar gidan saitin tsohuwar a kori-kura"
Da ace wani a cikinsu zae daga kanshi sama da yayi nasarar hango ifiritan samari biyun dake a boye saman bishiyar tunda asuba" Gambo ne da abokin tafiyarshi Dumfama
.
======>++++++^+++++<======
.
Lokacin da Bilya da Aminu jangwarzo suka baro wurin Raliya sai suka koma bayan gari inda motarsu take" suka shiga suka zauna domin su sami nutsuwa su kammala hirarsu da suka fara a lokacin da suke tafiya akan hanyar
Tun daren jiya suke ta nanata wannan magana" a halin yanzu dinma zamansu keda wuya sai bilya ya dubi aminu yace dashi
Na fada maka tun jiya muddin......
.
MUDDIN ME ?
.
KO SUMA YAUDARAR OGA KWAMISHINA ZASUYI ?RALIYA-15
.
Bilya ya dubi Aminu yace dashi
"Na fada maka tun jiya" muddin kwamishina ya
dora hannunshi akan wadannan miliyoyin kudin to ba abinda zamu samu na dade da sanin halin kwamishina wajen hadama
Aminu ya gyara zama yace dashi
"Na fahimci wannan matsalar ni kaina Bilya
Bilya yace "munyi dabara tun jiya bamu sanarwa
kwamishina cewar mun kamo Rufa'i ba yayi
kyau da muka ce dashi" bamu sami sa'ar ganin
shi ba" kuma bana tsammanin zai gano inda
muka boyeshi"
Aminu yace "Ina fa zai gano tunda baiyi tsammmanin mun sake tunani ba" kawai da zarar ta bamu kudin tun
anan mu raba kudin mu" kowa ya san inda zai
nufa" domin kuwa na san kwamishina zaiyi
kokarin baza yara su nemomu
Bilya yayi dariya yace "Ina zai ganmu tunda dai ba kusa zamu tsaya ba" in dai Raliya ta amso mana akwatin kudin ina sa ran gobe kamar yanzu nakai kasar Colombia
Acp Aminu yace "Ni kuma nakai kasar Japan ko kuma Indonesia
tsofaffin biyu suka fashe da dariya hade da tafa
busassun hannuwansu" wani ragon maza dake
tsattsagar kan gero a cikin wata gona kusa dasu yayi saurin tashi a tsorace yana shirin bazawa aguje
.
=====**************************=====
.
Raliya tana zaune a kofar dakin kakarta tayi
shiru tana tunani" tana faman hada biyu da biyu kuma babu shakka ta sami hudu a amsarta sai yanzu ta sake dawo da tunaninta na dalilin da yasa data sauka a mota jiya taji akwatinta ya kara nauyi" sai da badamasi mai amalanke ya taimaketa ya dauko mata daga bakin titi zuwa cikin kauyensu" bayan kuma tun daga cikin jami'ar Bayero har zuwa bakin titi inda ta tsaya ta shiga mota da hannunta ta dauko akwatiakwatin kacokan babu wani nauyi"
.
Sannan kuma bayan ta dawo gida a lokacin da
Naziru ya matsa mata saita dauko mishi tabarau da tace ta sayo mashi tsarabar kano"
Raliya tayi mamaki sosai da akwatin yaki
budewa" bayan kuma a duniya tsawon shekarun
da ta dauka da wannan akwati bai taba bata
mata lokaci ba wajen rufewa da budewa ba"
Raliya ta sake jin tsoro ya kamata" tabbas ba
akwatinta bane" tace a zuciyarta" hakika misaya akayi min a mota" ba akwati na bane" to amma kuma babban abin takaicin shine tun jiya data ba Naziru akwatin domin ya kaiwa abokinshi Shegen Sama ya bude" bata sake ganinshi ba sai da daddare" data tambayeshi akwatinta ne yace da ita abokanshi sun sace akwatin daga
yabar musu ajiya yaje zai dawo" da ace babu
wannan sabuwar magana data taso"
Raliya bazata taba damuwa ba don yayanta ya
bayar mata da akwatin kayanta"
A kalla tasan cewar tunda dai yanzu aure za'ayi
mata zata sami wasu akwatinan da kuma wasu
sababbin kaya na sawa iri-iri
to amma kuma maganar wadannan mutanen da suka zo suka yi mata na tsabar kudi har Dala miliyan hamsin tayi matukar girgiza ta
kuma dole ne ma ta sami Naziru suyi magana"
domin kuwa bazata taba rufa mashi asiri ba" ita
kuma su kashe mata masoyinta a banza Hakika sunyi dabara da suka kama Rufa'i domin kuwa akan Rufa'i zata iya zuwa ta nemo musu duk inda akwatinsu yake takai musu"
.
Raliya taso ace ta sanarwa mahaifinta wannan
danyar magana domin asan halin da ake ciki a
gidansu" to amma kuma sai daga baya ta gano
cewar baiyana maganar ba abinda zai jawo sai
tashin hankali Kuma bayan haka ma wannan wata magana ce ta sirri da ake yinta a boye" maganar Dala Miliyan Hamsin ba karamar magana bace" dole ne tayi
taka tsantsan domin kuwa ba rayuwar Rufa'i
kawai ke a cikin hadari ba ita kanta rayuwarta a
halin yanzu yana cikin hadari"
Domin kuwa idan har ta salwantar da akwatin
kudin" to bayan sun kashe masoyinta Rufa'i
itama bazasu barta haka nan ba" wannan wani
abu ne da Raliya ta tabbatar kuma dole ne ta
kiyaye
Raliya tana nan zaune tana kissime-kissime
mahaifiyarta tana dakin girki rufin jinka tana
Fama da hayaki zuwa can saita ji fiton yayanta
Naziru ya shigo gida yana wakar Bob Marley
da gwarancin turancin sa yana sanye da kodadden wandonshi na tamfal kalar fatar jaki" da kuma wata jar riga ta saka wacce bai cika sata ba" sai yana jin tsiya
Duk lokacin da Naziru yasa wannan jar riga ko
magana bai cika yi ba a gidansu" don haka ne
yasa da zarar Raliya taga yasa rigar itama take
dauke mishi kanta" domin kuwa ya taba sa rigar daga kawai tace dashi "ina kwana" yayi kwallo da ita cikin tabo
Mahaifinsu ya fito daga cikin daki a guje" ya
rarumo iccen turken awaki ya wawukeshi suka
Zuba a guje zuwa kofar gida
Naziru bai sake dawowa gidan ba saida aka yi
sati biyu
To amma kuma a wannan karon duk da yake
Raliya ta tuno wannan al'amari daya taba
faruwa" sai taji bata fargabar tunkararshi da
maganar akwatinta na jiya" zuciyarta tuni ta
gama bushewa" domin kuwa an tabo wani
bangare na ruhinta" an taba mata masoyinta
Rufa'i
.
Ina Son ganinka yaya Naziru" akwai maganar
da nakeso mu yi
Naziru ya tsaya da fiton da yake yi"
"wacce magana kikeso ki fada mun?
Raliya ta sake kallon mahaifiyarta dake fifita wuta a murhu tace da Naziru"
"Zanso mu shiga daki domin kuwa banaso kowa yaji abinda zamu tattauna Naziru"
"Naziru yayi tsaki sannan ya duba wani kafcecen
agogon dake hannunshi kamar ankwa" agogon
yafi shekaru biyar da daina aiki" amma haka nan yake barazana dashi Yace da ita
"lokaci yayi nisa" sauri nake yi zanje wani wuri ki bari mana saina dawo"
Raliya tace dashi "kayi hankuri ka saurareni ba dadewa zamuyi ba"
Naziru yabi Raliya suka shiga cikin dakin
mahaifiyarsu" ya sake duban mushen agogon
dake hannunsa" ya kosa ya tafi" domin kuwa tun jiya yakai tsohon babur dinshi gari ya sayar dashi naira dubu biyu" yana so ne ya samu isassun kudin mota ta yadda in ya bar gida zaiyi nisa ba tare da anji labarin inda yake ba
Yanzun nan shirin tafiya yayi zuwa fadama"
domin hako akwatin kudinshi ya gudu" yazo ne
yayi wa cikin gidansu kallon yaushe gamo" da
kuma wani guru da ya mance dashi a dakinshi
maganin bindiga Da kuma wukarshi da yake daura ta a kwankwaso duk lokacin da zaiyi wata tafiya ta musamman
gashi yanzun ya shigo kuma Raliya zata tsareshi da surutu" yace da ita a fusace bayan sun shiga dakin
"Raliya wai wacce irin magana ce na fada maki
sauri nake yi "Raliya ta tsaya a gabanshi suka hada idanu tace dashi babu alamar fargaba"
Ina so ne kaje ka dauko min akwatin dana baka
jiya" domin kuwa nima ba nawa bane" na wasu
mutane ne da muka yi misaya a mota" akwai
wani muhimmin abu dake ciki"
Naziru yaji numfashin shi ya tsaya cak!!
Yayi sororo a tsaye yana bitar maganar
kanwarshi" sai kace ta yafa masa wuta a
tsakiyar kanshi" wannan saurin canzawa da
Naziru yayi a cikin dan lokaci kankani shiya sake tabbatarwa Raliya cewar da gaske Naziru ya bude akwatin yaga abinda ke ciki" kuma har
Yanzu akwatin yana nan a wurinshi ya boyeshi"
Naziru yace da ita a fusace
"Na fahimci baki san halina ba Raliya" ban taba
nuna maki bacin raina ba shiyasa baki jin shakkar tunkarata da maganganun da kike so" to na cinye akwatin bazan baki ba" in kina da abinda zakiyi kije kiyi
"Raliya taji zuciyarta ta dauki radadi" ta tuno
halin da masoyinta rufa'i yake ciki ta cewa
Naziru
"Zan so kasan cewar wannan akwatin dake
hannunka daidai take da rayuwar masoyina
Rufa'i kuma daidai yake da rayuwar wadansu
mutane da dama bayan Rufa'i ciki har dani da
kai da iyayenmu
kasancewar ka bude akwatin tun jiya kaga abinda yake ciki" ina so ka canza niyyarka ta guduwa da wadannan kudade Naziru" domin kuwa koda ace ka tafi baza kayi nisa ba za'a cafkeka" domin kuma bakai kadai bane ke farautar wadannan kudin a duniya
Akwai mutane da dama" kuma wasu daga cikinsu a yanzu haka sun zo nan garin suna nan suna lura da duk wani motsi da akeyi kuma sune suka sace min masoyina jiya" don haka kaje ka dauko akwatinsu in kai musu domin in amso Rufa'i kada su kashesh
Naziru yayi makararriyar dariyar mugunta" yace
da ita "Baki da hankali Raliya" ke yarinya ce karama baki san muhimmancin kudi ba a rayuwar Bil-Adama" da ace kin san yanda kudi suke a rayuwar duniya" bazaki taba tsammanin zan tausaya maki inyi asarar miliyoyin kudi domin ki amso masoyinki ba
Don haka ina so ki san cewar akan wadannan
kudin ban damu ba suzo su tafi dake da duk
mutanen gidan nan" in suna bukata suzo su tafi
da mutanen garin nan baki daya suyi garkuwa
dasu bazan taba dawo da wannan akwatin ba" kiyi hakuri ki sake wani saurayin kanwata"
Raliya taji hawaye sun zubo mata tace da
Naziru kada kayi min haka Naziru" ka tausayawa rayuwata" ka duba halin da nake ciki" ka tuna cewar kudi komai yawansu zasu iya karewa" ni kuma 'yar uwarka ce bazaka taba samun kwatankwacina ba" bai kamata ace ka jefani acikin wannan masifar ba
Naziru yaci gaba da murmushin mugunta yace
"Baki san kudi ba Raliya" baki san zafin Farautar Kudi ba a duniya" yanzu a wannan
duniyar kudi sune komai duk wanda kika gani su yake nema" idan baka da kudi a duniya ba abinda zaka iya mallaka" amma idan kana da kudi zaka iya mallakar komai in dai yana wannan duniyar"
Raliya ta share hawayenta tace dashi
"kudi bazasu iya mallaka maka wata kanwar ba
idan bani a duniya" sannan kuma kudi bazasu
mallaka maka wasu iyayen ba idan kaja aka zo
aka karkashemu dasu baba da mama ko ka taba ganin wanda ya sayi "yan uwa da iyaye da
danginshi dole ne ka tausaya mana Naziru" ka
hakura da kudin nan idan kana da rabo saika
samu wasu anan gaba
Naziru ya murtuke fuskarshi yace da ita
"kudi suna sayen duk wadannan mutane da kika lissafo Raliya" samun kudin sune masu wahala agareni Da Zarar.....RALIYA-16
.
Naziru ya murtuke fuska yace da
ita kudi suna sayen duk wadannan
mutane da kika lissafo Raliya" samun kudin sune masu wahala a gareni" da zarar na mallakesu" ahannuna nasan
inda zanje in sayi wasu 'yan uwan da
duk wani mutum dana ke bukata a duniya" da
Zarar na nema zan samu" ki dana batawa
kanki lokaci Raliya" domin kuwa har abada bazan taba fitowa da wannan akwatin ba
Naziru ya daga mata hannu wacce ke
faman share hawaye
"sai watarana kanwata ni zan tafi kada ki
Zargeni kadan kenan daga cikin
Laifin Kudi sune ke jawo mana rikice-rikice a
duniya muke karkashe 'yan uwanmu ba laifina
bane Naziru ya sakai ya fita daga dakin
yana dariyar mugunta" cikin minti daya ya shiga dakinshi ya daura gurunshi da wukarshi a kwankwaso sannan ya fito cikin hanzari ya nufi bayan gari domin yaje fadamarsu ya hako
miliyoyin kudin shi ya shiga uwa duniya
Naziru yayi ajiyar zuciya sannan yayi
murmushi KUDI Wadannan halittun da dan
adam ya kirkiro a duniya sun dade suna bashi
wahala" ya neme su sunki zama" to amma yanzu kam tabbas sun zo kuma bazai taba bari su sake kulle mashi ba Naziru baiyi nisa da fara tafiya ba ifiritan mutane biyu dake boye a saman bishiya kadanya dake akofar gidansu suka sauko cikin hanzari kamar kadangaru" suka bishi a baya" suna tafiya suna wasa da karfinsu a matsayinsu na tsofaffin 'yan dambe"
.
======>+++++()+++++<=======
.
Har zuwa lokacin da Naziru Yakai fadama
Zuciyarshi bata daina wasi-wasi ba domin kuwa shi kanshi abin ya bashi mamaki
saikace amafarki Naziru ya tuno abokinshi marigayi Shegen Sama yana can karkashin kogi" yana rabawa kifaye da kwaduna abin kalaci" Naziru yayi murmushin samun nasara sannan ya tuno kanwarshi Raliya" bazai taba
mancewa da Raliya ba aduk inda yake aduniya" domin ba ba don ita ba da bai sami wannan miliyoyin kudi ba Naziru ya isa gindin dorawarsu ta jiya" inda suka binne akwatin kudin shida abokinshi Shegen Sama nan da nan ya durkusa yasa gwiwoyinshi akasa ya fara kwakulo kasar sannu ahankali yana tureta gefe daya" sai kace wanda ke gino dankali" tsawon lokaci yana ta kwakulo ramin sai ya cimma jikin akwatin yana nan akafe a cikin ramin yadda suka barshi jiya Naziru ya karashe ture kasar yasa yannu biyu ya zaro akwatin daga cikin ramin duk kasa ta dambare a jikin akwatin"
Naziru ya share ko ina sannan ya kurawa akwatin idanu yana murmushi
Daga nan ina ya kamata ya nufa? ya tambayi
kanshi kamata yayi ya fara kokarin
barin wannan kauyen idan yaso ko ina yaje zai
sami damar yin duk wasu shirye shiryen barin Kasar nan cikin kwanciyar hankali Naziru ya dauki akwatin ya rungume a kirjin shi zai motsa kenan ya tafi sai yaji wani bakon hancin bindiga yana asuwaki a gefen kunnenshi a lokacin ne yaji wata murya mai kama da fasasshiyar lasifikar rikoda tace dashi
"Idan ka motsa daga inda kake ka lissafa kanka
cikin wadanda kwanansu ya kare awannan
safiyar Naziru yaji wani bakon hannu mai kama da bayan itace ya fado kan kumatunshi"
sannan muryar dake gargadinshi taci gaba
"yi sauri ka ajiye mana akwatin kudinmu bamu
makara ba tun asuba muke tare dakai shashasha"
.
======>++++()++++++<=======
.
"Mun dawo ne domin mu amshi akwatin kudinmu Raliya" dama mun sanar dake cewar
Zamu dawo bada jimawa ba" shiga ciki ki fito
mana da kudinmu ko kuma likkafanin jana'izar
masoyin ki Rufa'i
A.c.p Bilya ya dakawa Raliya tsawa dake tsaye
tana kyarma tun lokacin da suka aika a kira
musu ita" Raliya ta dubeshi a tsorace tana niyyar fashewa da kuka
"Zan fada maku wurin da zakuje ku amso kudinku" suna wurin yayana yanzun nan ya fito
daga cikin gida ya tafi fadama zaije ya tonosu yagudu Raliya ta saurara kadan sannan taci
gaba "Don Allah kada ku taba mun yayana
Naziru" ku amshi kudinku kawai" bani da wani
dan uwa aduniya sai yaya na Aminu jangwarzo ya daka mata tsawa cikin sauri "Ina ne fadamar da ya tafi" yi sauri ki nuna mana" bama son bata lokaci Raliya ta nuna musu hanyar fadamar tana sheshshekar kuka" jami'an tsaron
biyu suka garzaya a guje kamar ransu zai fita
domin su cimma Naziru
.
=====>++++++*****+++++<=======
.
"Ka ajiye akwatin kuma bama son ka motsa" ko bakajin hausa ne? Dumfama ya sake dakawa Naziru tsawa" kamar harbin bindiga" bai san lokacin da ya saki akwatin ya fadi kasa Rambo dake rike da tashi bindigar yayi saurin dukawa domin ya dauke akwatin kudin.
A daidai lokacin ne Naziru ya shammace shi ya
matso da hannunshi daidai kwankwason shi ya
Zaro sullubebiyar wukarshi" kafin Rambo ya
dauke akwatin ya sake dawowa" sai yaji Dumfama" ya fasa kururuwa iyakar karfinshi"
Bindigarshi ta fadi kasa" Rambo ya fasa daukar
akwatin zai juyo da bindigarshi kenan ya harbi
Naziru sai yaji wani abu ya toshe
masa fuska kamar mota tabi ta kanshi ta wuce
nan take shima ya fasa ihu ya zube a kasa tare da babban abokinshi
.
Abubuwa uku ne suka faru a lokaci daya Da farko Naziru ne ya juya kan wukarshi ya
sokawa dumfama a tumbinshi sai da ta kusa
nutsewa dukanta" sannan kuma yasa gindin
takalmin shi ya naushi fuskar Rambo daga nan
baya yayi hanzarin mika hannu ya sure akwatin
kudin Naziru ya tsallake ifiritan samarin
biyu dake kwance suna juye-juye" ya runtse
akwatin akirjinshi da hannu daya" sannan ya
gangara ta wata siririyar hanya dake cikin
fadamar yaci gaba da gudu ya juyo fankacecen
bayanshi"
A daidai lokacin ne Rambo ya tashiya lalubi
bindigarshi dake kasa" to amma kuma baya iya
ganin komai sai wasu fararen taurari dake gada
a cikin idanuwanshi" da kuma dan dishi dishin
koren ganyayen dake cunkushe ako ina a cikin
fadamar a cikin dan abinda ya gani ne kadan-
kadan ya hango Naziru yana gudu dauke da
akwatin kudin ya juyo bayanshi saitin inda Rambo ke zaune a kasa Rambo ya auna fankacecen bayan Naziru sannan yaja kunamar bindigar" tun kafin sautin bindigar ya bayyana daga can nesa Naziru yayi tsalle sama kamar an buga kwallon kafa" akwatin kudin ne ya fara dawowa kasa" kafin gawar Naziru ta Fado kanshi jini yana tsiyaya ta bakin shi kamar an
bude famfon ruwa Rambo ya tashi da kyar da takarkara ya nufi inda akwatin kudin suke" da zuwanshi yana huci kamar maciji" har zai wuce sai yayiwa gawar Naziru kallon karshe" domin kuwa acikin shekaru fiye da goma wannan shine karo na farko" da ya samu matsala a wannan sana'ar tasu sannan kuma rabon da wani ya sami sa'a ya nausheshi tun a zamanin da yake dambe" to amma kuma wannan karon da ya dubi miliyoyin kudin dake hannunshi a cikin akwati saiya ji abin ya bashi sha'awa bai san lokacin da yayi murmushi ba. Domin kuwa ba wanda zai sami Dala miliyan hamsin a duniya kudi hannu" yayi tsammanin
bazai sha wahala ba" Rambo ya koma inda
abokinshi Dumfama yake kwance ya dafe cikin shi inda Naziru ya caka mishi zundumemiyar
wukarshi" fuskarshi ta canza ta koma launin
shudi-shudi" da kyar yake numfashi ya daga
kanshi ya kalli Rambo wanda ke tsaye da
Miliyoyin Kudin a hannun shi.
A gaisheka namijin duniya" yace dashi yana
numfashin karfin hali" da'ace yagudu ya sha
da ba abinda zai hana in kashe kaina in huta da
bakin ciki Dumfama ya dubi raunin dake dafe a
hannunshi ya kalli jinin dake biyowa ta yatsunshi kamar ya matse ledar manja" ya lumshe idanunshi ya sake budewa sannan yace "yi sauri ka daukeni mubar nan
abokina" yayi min rauni" ina bukatar agajin gaggawa Rambo yayi murmushi sannan yace
da dumfama baka bukatar zuwa ko ina Dumfama zamanka anan zai fiye maka sauki
Dumfama ya dubi abokinshi atsorace ban gane abinda kake nufi ba Rambo" yanzu fa ba lokacin wasa ba ne" na kosa muje asibiti jinina
ya kusa karewa Rambo ya sake kankame akwatin kudin ya ce "Baka da hankali abokina" me yasa kake tsammanin zan iya rabuwa da
wadannan Miliyoyin kudin ? Ka tayani Addu'ar
neman sa'a zan tafi sai mun hadu adarussalam
wannan itace ranar da zamu rabu abokina" na
sami abinda na fito nema shekara da shekaru.
Dumfama ya kalli Rambo cikin kunan
rai. ka bani kunya Rambo" ban taba tsammanin
akwai wasu kudin da zaka samu ka gujeni ba"
banyi tsammani ba Rambo ya fashe da dariyar mugunta"
"Ba'ayin amana da kudi abokina Miliyan
Hamsin ba kudin da zaka bani amanarsu bane awannan duniyar" tun ina yaro nake
Farautar Kudi shekaru ashirin kenan sai yau
na same su Gobe zan gudu in tafi Kasar amurka kada ka damu abokina ko bayan ka mutu zan rika tunawa dakai" idan na gina kamfani sunanka zan sawa kamfanin" ai nayi maka halacci Dumfama" ko banyi maka ba abokina?"
Rambo ya sake fashewa da dariyar mugunta
sannan ya kankame akwatin kudin ya
juya da sauri kamar walkiya ya bace a cikin
fadamar Dumfama ya cije lebenshi a fusace"
sannan ya dubi jinin dake zuba daga jikinshi"
yasan cewar nan bada wani lokaci ba" jinin
jikinshi zai kare ya mutu" a wulakance a cikin daji" sai yanzu Dumfama ya tuno irin barnar da yayi arayuwarshi"
Ya taba jagorantar 'yan fashi sunje sun kashe
kawunshi sun kwashe dukiyarshi" to menene don yanzu abokinshi yaci amanarshi ya gudu da kudin da suka farauto tare?" wannan kadan
ne daga cikin halin 'yan adam.
.
Dumfama ya rarrafa yana cije lebe ya dauko
bindigarshi data fadi cikin wani alayyahu" ya rike bindigar ya kura wa hancinta idanu
tsawon lokaci a fusace yana neman abinda zai
kashe a cikin wannan fadamar" domin ya huce haushin abinda abokinshi yayi mishi Yana rike da bindigar yana waige-waige domin yaga giftawar wani tsuntsu ya harbeshi su mutu tare"
Cikin sa'a ya hangi wasu mutane sun nufo inda
yake a guje" sanye da kayan 'yan sanda"
Dumfama yayi murmushin farin ciki domin kuwa duk duniya bashi da wani abokin gaba irin 'dan sanda" ya dade yana shan duka ahannun 'yan sanda har karyashi sun taba yi a kafa lokacin da yana yaro"
Dumfama ya saita bindigarshi ya
auna wani kakkaura a cikin tsofaffin 'yan sandan biyu" ya dirka masa bindigar"
Dan sandan yayi kuwwa sannan.......RALIYA-17
.
Dumfama ya saita bindigarshi ya auna wani dan kakkaura a cikin tsofaffin 'yan sandan biyu" ya dirka masa bindigar" dan sandan yayi kuwwa sannan ya wuntsila ya fada cikin ciyayi
abokinshi ya fashe da kururuwa ya tambayeshi
"Bilya meya sameka?
Dumfama dake boye a cikin ciyawa yayi
murmushin mugunta" sannan ya auna goshin
ragowar dayan daga nesa" A daidai lokacin da
yaja kunamar bindigar ne kan dan sandan ya
tarwatse kwanyarshi ta watse a cikin gonar
tumatirin dake wajen lokacin da gangar jikinshi ta fadi gefe guda" ko sau daya bai sake motsawa ba
Dumfama ya jefar da bindigar sannan ya saki
hannunshi dake dafe da raunin da Naziru yaji
mishi" ya yiwa sullubebiyar wukar kallon karshe wacce ke yashe a kasa tayi dama-dama da jini yana nan akwance a wurin yana haure-
haure azaba" kafin mutuwa tayi awon gaba dashi har zuwa lokacin bai mance da babban abokin shi ba daya ha'ince shi Rambo
.
=====>++++++()+++++<=======
.
Rufa'i baisha wahala ba" wajen kwance igiyar
dake daure a hannunshi ta hanyar kwana da yayi yana gwagwiyar ta da hakora" bayan ya kwance daurin da 'yan sandan sukayi mashi" sai yayi hanzarin kwance igiyar da suka zagayeshi da ita a jikinshi da kafafuwanshi kamar huhun goro Da kwancewarshi ya fasa tagar da wata kujerar katako daya dake cikin dakin" Rufa'i ya haura ta cikin tagar ya gudu yabar tsohon gidan da suka kawoshi suka kulleshi" har lokacin da ya nemi motar komawa kauyensu daga birnin kano yayi tsammanin 'yan yankan kaine suka kamashi Sai lokacin da ya koma gida ne ya rude da yasami labarin abinda ya faru a wurin masoyiyarshi Raliya" wacce take ta faman kukan farin ciki tun dawowarshi
A ranar ba'a yi barci ba a kauyen Danmarke"
domin kuwa an ga bala'in da ba'a taba gani ba"
An tsinci gawarwaki har hudu" daya gawar
Naziru ne babban dan ladanin garin" da kuma
gawar 'yan sanda har biyu" tare da gawar wani
bakin saurayi da ba'a san inda yake ba
'yan sanda sunyi iyakar kokarinsu wajen gwaje-
gwaje domin su gano mafarin al'amarin to
amma kuma da maganar taje kunnen
kwamishinan 'yan sanda "Danmasani" sai ya
gargadi jami'an dake da alhakin binciken ya
tattara maganar yayi watsi da ita" cikin
gaggawa" nan da nan aka kwashe 'yan sanda aka tafi dasu" tun daga nan ba'a san inda maganar ta nufa ba.
to amma kuma da ace za'a tuntubi Raliya da
masoyinta Rufa'i sun fi kowa sanin yadda
al'amarin ya faru" sunyi shiru ne domin kuwa
basa son wani abu ya sake kawo musu cikas a
wannan lokaci nasu mai muhimmanci da zasuyi aure
Bayan kwana biyu kuma hankali ya fara
kwanciya" sai kuma wani masunci dake kamun
kifi ya lalubo gawar wani saurayi a kasan kogin
dake garin harta fara rubewa" bayan jama'a sun
taru ne jingim a bakin kogin sai aka gane ko
wanene Hashimu ne dan gidan malam makeri wanda matasan kauyen Dan marke ke kiranshi Shegen Sama
A ranar kwana akayi ana kuka da Addu'o'i a
kauyen dan marke" domin kuwa ba'a taba yin
jana'iza har uku a jere a cikin kwana biyu ba sai
a wannan lokaci babu wanda yasan dalilin
faruwar wadannan munanan abubuwa" to amma kuma wasu mutanen dake kauyen acan cikin zuciyarsu farin ciki sukeyi" domin kuwa dama wadannan shakiyan samari biyu sun gallabesu. a satin ne aka tsayar da lokacin auren Raliya da masoyinta Rufa'i sha hudu ga watan sallah Babba
.
=====>*******************<========
.
Kwana shida kacal da faruwar al'amarin
kwamishinan 'yan sanda dan masani ya sami
bakar takardar kora daga babban insifrktan 'yan
sanda na kasa" jami'an tsaro da dama basuyi
mamakin korar kwamishina da kuma yi mashi
ritaya da akayi ba cikin gaggawa"
Domin kuwa ya dade yana cin amanar aikin
tsaro ta hanyar amsar cin hanci daga wurin
rikakkun 'yan fashi da makami da kuma masu
safarar miyagun kwayoyi
A rana ta biyu da sallamar kwamishina" yaje
wani gidan giya yasha yayi tatul da daddare"
domin kuwa yawanci idan yana cikin bacin rai to giyar kawai yake sha yaji ta kwatar mashi da
hankali bayan dare yayi nisa" saiya kamo hanyar dawowa gidanshi inda wata karuwarshi bose ke zaman jiranshi tsawon lokaci bata san inda ya shiga ba
Danmasani yana cikin tafiya bai ankara ba wata
katuwar motar daukar kaya ta shawo gangara
aguje" babu fitila ko daya a gabanta" motar ta
fada wani gargada tana sukuwa" cikin kosawa ta cimma tsohon najadun"
Bai ankara ba sai yaji motar ta haye kanshi tana
burari" yaji lokacin da katuwar tayar motar ta
gaba ta haye kan ruwan cikinshi" daga nan kuma bai sake jin komai ba" sai radadin da ya
mamayeshi a lokacin da kayan cikinshi sukayi
falle-falle akan titi
Alhaji Elbashir ya bude jaridar dake dauke da
labarin mutuwar tsohon kwamishinan 'yan
sandan" yayi dariya" sannan yace" yanzu na
tabbatar na huce haushin miliyoyin kudina" banyi asararsu a banza ba
Yana cikin doki ne