You Cannot Download this book untill you login but you can read it .

---

Login Register

'ke'kashewa tana ganin zata iya fito na fito dashi tinda hausawa na cewa idan babban ya zubar da girmansa to shi 'karami sai ya hau ya taka............Kiran wayar take yi jikinta sai kyarma yake tana had'a gumi, shi kuma yana kallon wayar nayi tana katsewa bai dauka ba kamar yasan abinda zai faru.

Mufida tace"Abba ana ta kiran wayarka fa." hankali yace."Mufida bana so ina draving ina amsa waya idan muka sauka zan kira ko waye." Shuru tayi na minti biyu kafin tace"Abbah dan Allah me ya had'aku da Mommyna ta d'auko wu'ka zata caka maka."

Yayi jim kafin yace."Mufida babu abinda ya had'a mu kawai tayi ra'ayin kasheni ne."! Yarinyar tayi shuru na minti biyu kafin tace"Abbah dan Allah kayi hakuri kaji ko." Murmurs yayi yana kallonta yace."Nayi hakuri saboda ke Mufida da mahaifiyar ki nada hankali irin naki da naji dadin zama da ita." Murmushi tayi tana rufe fuskarta tace"Abba nagode Yana farin ciki yace."Ubangiji Allah ya raya min ku tafarkin addini musulunci." Ta amsa da ameen Abbah............Naja'atu kuwa wani 'katon abu ne yazo ya tokare mata a ma'kogwaronta ta jefar da wayar kan katifa ta kwanta rigingine had'e da 'kurawa rufin dakin ido! Abba Abbas ya'ki daga wayarta saboda yasan bashi da gaskiya eh ai dama dole da ya'ki d'aga wayarta saboda ya kasance munafikin mutum kuma azzalimi! Hawaye suka kwaranyo daga idonta.
Muryar Mussadiq taji a kanta yana fad'in "Yaya Naja'atu ya jiki ki tashi kiyi sallah magariba tay.......A fusace! ta mike zaune tana nuna masa 'kofar futa da fad'in " Fita ka bani guri munafikin yaro babu dama na shigo daki na kwanta zai shigo ya dame ni."!
Yaron ya dinga kallonta a tsorace! dan tunda suke bata ta'ba yi masa tsawa irin ta yau ba.
Baba Talatu da Saddiqa sun jiyo abinda ke faruwa ransu ya 'baci sosai Saddiqa ta d'aga labulan d'akin tana kallon Mussadiq din cikin rawar murya tace"Kai Mussadiq fito ka bata guri."!
Cikin sanyi jikin ya juya da niyar fita daga d'akin, gabad'ayansu tabi su da wani irin kallo wanda na kasa tantance ko na meye......Baba Talatu ta kalleshi a nutse cikin tausasawa tace"Mussadiq kada ka 'kara zuwa kace tazo taci abinci ko tayi wani abu Yunwa dai ba 'kanwar uwarta bace da kanta zata nemi abinda za taci , kada ka kara zuwa inda take ballanta ta hantareka ko ta zageka duk abinda take ganin shine dai-dai da Rayuwarta sai taje tayi, tunda Ita ba tajin magana."
Mussadiq da Saddiqa suka zauna tsuru cikin sanyi jiki, sai da malam ya shigo sannan suka samu sakewa suka ci abinci tare dashi yana jansu da wasa da dariya.


Take away yayi musu na abinci mai rai da lafiya ya siya musu lemuka da yught masu sanyi da dad'i! Kowa da nasa ledar, Yana draving ya kalli Mufida yace."Kafin mu koma gida zamu je ki gaisa da 'yan uwanki sai na basu na yught d'in ko." Tace."Yawwa Abba dama nayi kewarsu da Yaya Naja'atu ma." Yace."Zan kai ki yanzu ku gaisa sai mu shiga gidan Alhaji ma ku gaisa dasu Hajiya ko." Tana ta murna tace"Abbah nagode sosai kuma naji dad'i." murmushi kawai yake yi a kaso d'ari na damuwar da yake ciki kaso hamsin ya zube sakamakon nutsuwa da nagartar 'yarsa Mufida, a duk sanda zai kalleta wani farin ciki ne yake lullu'beshi dama haka Ubangiji yake sai ya fitar da shiryayye daga jikin mara hankali, yanzu yanda Mufida take mu'amula waye zai ce Halisa ce ta haifeta, Yarinya 'karama tafi uwarta hankali.........Ana kiraye kirayen sallah magariba suka shiga unguwar 'kofar Na'isa, a bakin gidan Alhaji yayi parking din motarsa, ya umarci Mufida ta shiga gidan Alhajin shi zai shiga massalaci...........tare suka fito daga motar Mufida ta nufi gidan Alhajin shi kuma ya nufi masjid din dake jikin gidan...........Baba Malam ne da Mussadiq suka fito daga gida da niyyar shiga massalaci Mussadiq na ganin Abbansa na daura alwala yayi murmushi cikin farin ciki yace."Baba Malam ga Abbanmu can yazo." Baba malam na fara'a yace."Eh kwarai kuwa watakila zuwansa kenan."
Abba Abbas na ganin zuwansu gurin sai ya mi'ke cikin fara'a ya mi'kawa Baba Malam hannu suka gaisa cikin mutunci Mussadiq ya mika masa hannu yana dariya yace."Abba barka da zuwa."Ya amsa da barka dai Mussadiq." Alhaji Sama'ila ne ya fito daga cikin gida dai-dai lokacin da limami ke kokarin tayar da sallah dan haka gabad'ayan su sai suka shiga cikin massalacin domin gabatar da sallahr magariba.

Koda suka fito daga masjid din sai da suka sake gaisawa, Mussadiq ya ri'ke hannun mahaifinsa sai walwala yake, shi kuwa Baba malam sai tsokanarsa yake ganin ya manta dashi dan yaga babansa, Baba malam na kallo Mussadiq yabi bayan mahaifinsa zuwa cikin gidan Alhaji, sai kawai yayi murmushi ya juya domin shiga cikin gidansa, yana mamakin halin 'kuruciya.

A nutse suka gaisa da mahaifiyarsa tana tambayarsa Halisa yace."Tana nan lafiya kalau alhamdullhi." gurin yayi shuru na minti biyu kafin Alhaji Sama'ila dake zaune kan kujera yayi gyaran murya, a nutse yace."Naji dadin zuwan nan naka kwarai da gaske, domin ina so mu tattauna magana da kai mai muhimanci." Gyara zamansa yayi a nutse yace."To Alhaji inajin ka." Alhaji Sama'ila yace."Dazu Ramlatu tazo da wata magana wacce ni ban san da ita ba wai ashe Salim d'an wajenta ya d'ade yana son ya auri yarinyar nan Naja'atu wacce ake maganar aure a tsakaninku, tace tun tana yarinya yake sonta kuma kai kasan da maganar domin har al'kawari kayi masa kan cewar zaka shige masa gaba ya aureta ya akayi kuma kasan da wannan magana a tsakani ka bijiro da bukatarka." ? Abbah Abbas yayi shuru yana nazari maganar mahaifin nasa, a nutse yace."Eh kwarai kuwa Salim ya dad'e da fada min cewar yana son Naja'atu kuma ni da kaina nine nayi masa al'kawari kan zan bashi auranta, kuma ina nan zan shige masa gaba akan lamarin mutukar Allah ya kaddara yarinyar matarsa ce."
Alhaji Sama'ila yace."To alhmdullhi wannan magana da kayi tana nuna mana cewar ka janye kudirinka na auran yarinyar ma'ana ka barwa Salim din ya aureta."? Kai tsaye yace."Eh idan hakan shine alkairi a gare mu baki daya." Alhaji Sama'ila yace."Masha Allah to Allah ya tabbatar mana da alkairi yanzu idan mun fito daga sallahr isha'i zan shedawa malam din abinda ake ciki.
Yace."A'a Alhaji kada kayi masa magana ka kyaleni da kaine xan masa maganar yanda zai fahimta." Alhaji Sama'ila yace."To babu damuwa duk dai yanda ake ciki nasan zaiyi min bayani Allah ya tabbatar da alkairi."
Ya amsa yana kokarin danne damuwa dake taso masa.........Mi'kewa yayi yace."Bari na shiga gidan malam din mu gaisa zan d'an duba yara ina tunanin daga can zan mu wuce gida."
Ya kalli Mufida data kurawa tv ido yace."Mufida tashi mu tafi ko zaki zauna tare da hajiya ne." Mikewa tayi tana murmushi, Hajiya Talatu tace"Nima ban nema ba, kai da baka so 'ya'yanka na zuwa ko'ina yanzu ma ka fad'i hakane dan kaji dad'in bakin ka." Dariya yasa, ya rike hannun Mufida yana musu sallama.............Mussadiq na jikin motarsa a tsaye suka fito suka same shi, ya bude motar ya fito da tsarabar da yayi musu leda uku ya mika masa da fad'in "Ka dauki naka ka bawa Naja'atu da Saddiqa nasu." Ya kar'bi ledojin yana murna suka shiga gidan malam din shida Mufida.
Malam na zaune kan dadduma a kan dakalin gidansa yana kallon zuwansu, yayi murmushi yana kallon Mussadiq din cikin tsokana yace."Zo ka bani nawa." Mussadiq yasa dariya yana fad'in "Baba Malam ai kai baka shan za'ki baka shan Ice cream." Yace."In dai ka bani to zan sha yanzu." Mufida ta mi'ka masa ledar hannunta tace"Ni ga nawa na baka." Baba malam yayi murmushi yace."To godiya nake yi Mufida wasa nake ni ban iya shan kaye kayen za'ki ba wannan sai ku yara." Abbah Abbas ya karaso gurin yana murmushi yana jin dadin yanda mutumin ke wasa da dariya da 'yayansa shi duk mutumin da zai kula da d'ansa to yana da daraja da martaba a idonsa.
Mufida da Mussadiq suka shiga cikin gidan baba malam din, shi kuma ya nemi gefan daddumar malam din ya zauna a nutse ya sake bashi hannu sukayi musahaba kafin yace."Malam naji dadin samun ka kai kad'ai , dan saboda dama ina so muyi magana da kai mai muhimanci."
Baba malam ya gyara zamansa yana kallonsa a nutse yace."Ina sauraranka." Shuru yayi na minti biyu kafin yace."Magana ce kan Yarinyar nan Naja'atu kwana biyu da suka gabata nazo maka da bukatar son ka bani auranta saboda inaso ta zama *MADADIN* halimatu a gurina, to malam ka gafarce ni da maganar da zan fad'a maka a yanxu na janye maganata ta farko kan yarinyar nan, inaso a bata wanda take so ta aura kuma insha Allahu ina nan a matsayin uba a gareta zan dauki nauyin komai idan auranta ya tashi."

Malam Ya shiga girgiza kansa yana kallonsa yace."Abbas ni ba 'karamin mutum bane kuma ba'a magana biyu dani! kamar yanda ka bukaci na baka yarinyar nan ka aura na kuma ce na baka to na baka ita har abada idan nine na haifi Naja'atu to bata da miji sai kai dan haka ka daina kawo wata magana ta daban." Abbah Abbas ya bude baki zaiyi magana Alhaji Magaji ya iso gurin, hannu ya mika musu su gaisa ya samu guri ya zauna yana kallonsu ganin dukkaninsu fuskokinsu babu walwala yasa ya tambayi abinda ke faruwa.
Baba Malam ne ya sheda masa abinda ke da a kawai
Alhaji Magaji ya shiga kallon abokin nasa cikin takaici yace."Banyi tsammanin haka daga gurinka ba Alhaji Abbas! Ya zaka zo da magana mai muhimanci daga baya kuma ka dawo da wani zance da daban. Gaskiya bamu ji dadin wannan furucin naka ba, dukkaninmu munfi kaunar ka zama miji ga Naja'atu dan haka wannan maganar da kazo da ita ka ajiye ta kamar yanda malam ya fad'a maka cewar Ya baka yarinyar nan har abada to bata da miji sai kai."
Abbah Abbas yayi shuru yana jimanta al'amarin yaso ya daurewa zuciyarsa ya hakura da yarinyar duk domin samun daidaito da kwanciyar hankali ta kowane 'bangare to amma ya lura dasu malam ba zasu amince masa da bukatarsa ba......Yana kokarin yin magana, Mufida da Saddiqa da Mussadiq suka fito daga gidan malam d'in Mufida hawaye take sharewa Mussidiq na sharewa hawaye Saddiqa ce kawai mai dauriya a cikinsu.
Abbah Magaji ya kallesu da sauri yace."Kai kukan me kukeyi Saddiqa me ya faru."?
Shuru tayi ta kasa magana bakin ciki kamar ya fasa mata zuciya, wai yau an wayi gari Yaya Naja'atu itace ke zaginsu tana wasa musu yught a jiki.
Mussadiq na goge fuskarsa da jikinsa yace.''Yaya Naja'atu ce tayi mana tsawa! ta watsa mana Yught a jikinmu nida Mufida." Abba Abbas ya dinga bin jikin yaran nasa da kallo Eh tabbas gashi nan duk yught a jikin hijabin Mufida da 'kasan rigar Mussadiq."
Abbah Magaji yace."Me kukayi mata to." Mufida tace"Abbanmu ne ya siyo mana yught da snacks shine ya bamu kowa leda d'aya yace mu kai mata nata shine muna shiga dakin ta zage mu ta watso mana yught nida Mussadiq."
Gurin ne yayi shuru kowa na 'kokarin danne 'bacin ransa, mussaman shi Uban yaran da baya so ko 'kuda ya sauka a kansu, kokarin danne fusatarsa yake gudun kada ya aikata abun kunya yasa ya mike yana fad'in "Zamu tafi da yaran gabadaya dan monday zasu koma makaranta.
Jikin sanyi jiki Baba Malam yace." Alhaji Abbas ban tari hanzarin ka ba, ka koma ka zauna ai bamu gama magana ba."
Abbah Abbas ba yanda ya iya ya koma ya zauna yana ta ya'ki da zuciyarsa......Abbah Magaji kuwa mikewa yayi a fusace! ya shiga cikin gidan, Tana tsugune da buta a gabanta zata daura alwala ta kasa ta had'a tagumi sai tunani take yi, kawai taji saukar duka a jikinta.
Abbah magaji ne yake zabga mata igiyar shanyarsu dama yana shigowa gidan igiyar ya tsinke ya nad'e a hannunsa ya nufe ta da ita.
Ihunta ne ya fito da Baba Talatu daga daki hannunta rike da carbi da hijabi a jikinta, Baba Talatu kullum ta idar da sallahar magariba sai tayi zaman lazimi kafin a kira sallahr isha'i sai ta tashi ta gabatar da sallahar shiyasa bata san abinda ke faruwa ba tunda tana cikin daki su Mufidan suka shigo........Da gudu taje ta ru'kunkume Baba Talatun tana kuka da ro'konta kan ta hana Abba magajin dukanta, Baba Talatu ta dinga kare ta tana tambayarsa abinda tayi.
Igiyar ya jefar yana huci yace."Baba Talatu ashe yarinyar nan rashin mutuncinta har ya kai ta zagi Alhaji Abbas kan yayi mata abun alkairi ta zageshi gaban 'yayansa ta 'bata musu jiki da Yught saboda tana jin haushin Ubansu, hakika banta'ba ganin butulu mai manta alkairi ba kamar wannan yarinyar."

Baba Talatu ta koma ta zaune kan dadduma tace"Magaji yini guda yau a haka muka yini ni kaina zagina ne kawai yarinyar nan ba tayi ba hantara da kyara kuwa babu irin wacce ba tayi wa su Saddiqa wai jinin 'yar uwarta take wulakantawa." Baba Talatu ta'kare maganar cikin rawar murya.

Abbah Magaji ya kalleta tana tsaye jikin bango(garu) tana rawar jiki sai kuka take, da hannu ya nuna ta kamar zaiyi magana sai kuma ya fasa yaja tsaki ya fita a fusace!!


Cikin nutsuwa ya d'ago kansa bayan ya gama sauraran maganar da Baba Malam din keyi yana kokarin yin magana Baba Malam yace."Kada kace komai ko ka kawo min wata magana, na riga na gama yanke magana mutukar ni na haifi Naja'atu to na tsayar da ranar daurin auren ka da ita Gobe Juma'a Sadakinta kawai zaka bani, idan yaso idan ta tare a gidanka sai ta nuna maka 'karshen 'kiyayya."
Yace."Baba Malam anya ba'ayi gaggawa ba kuwa wannan al'amarin yana bukatar nutsuwa ni da kunbi ta maganar da nazo da ita da ina ganin sai amfi samun maslaha ga junanmu."
Abba Magaji yace."Magana fa ta kare abokina insha Allahu gobe bayan an idar da Sallahr juma'a za'a daura auran nan sai kowa ya huta itama kuma idan taga an daura auran duk wani iya shege da take zata daina shi kuma wannan yaro Salim sai muce Allah ya bashi wata macan wacce zata zame masa alkairi a rayuwarsa."
Abbah Abbas ya jima shuru yana tunanin yanda al'amarin ya kasance sam baiyi tsammanin zasu yanke irin wannan hukuncin ba, to alkairi kullum yake fatan Allah ya sada shi dashi idan hakan shine alkairi yana ro'kon Allah ya tabbatar masa dashi..




*GA MASU BUKATAR KARANTA BOOK DIN ZASU TURA #300 SINGLE, VIP GROUP #600 GA ACCONT D'IN DA ZA'A TURA KUDIN.......0542382124.....BINTA UMAR GTBANK.....IDAN KATIN WAYA ZAKI TURA KIYI MIN MAGANA TA WHASAP DA WANNAN NUMBAR......07084653262.....IDAN KIN SAN BA BIYAN KUDIN LITTAFIN NAN ZAKI YI BA DON ALLAH KADA KI KIRA WAYA TA KO KIYI MIN WATA MAGANA TA WHASAP*

*MUTANAN MU NA NIJAR IDAN KUNA SO KU BIYA KUDIN LITTAFIN ZAKU TURA DALA DARI TA WANNAN NUMBARS.........90899076_88137740 KATIN AIRTAL KO ORANGE.*


*🗯️MADADI!!💍*
_(Ba Haram Bane!!)_

*NA*
*BINTA UMAR ABBALE🍒*
~~~~~~~~~
*MANAZARTA WRITES ASSOCIATION📚🖊️*
_'Kungiyar Masu Nazari da Aiki da Ilimi_
~~~~~~~~~
*12* Cikin wani mawuyacin hali Halisa ta tashi duk jikinta yayi mata mugun tsami! ga wani irin ciwo da kanta ke mata, da kayar ta rarrafa ta shiga dakinta ta zauna bakin gado tana ri'ke kanta, a maimakon tayi addua kawai sai ta fashe da kuka tana fad'in mugwayen kalmomi a kan mijin nata saboda kawai yace zai yi mata kishiya shine take addua Allah yasa ya samu karayar ariki komai nasa ya lalace! Allah yasa ya taulace ya zama wanda bashi da cin yau bare na gobe insha Allahu kuma Naja'atu sai ta zame masa masifa a rayuwarsa, tana kuka take wannan surutan tamkar wata mahaukaciya, Cikin wannan yanayi suka shigo gidan shi da yaran gabad'aya dan dubara yayi wa Baba malam yace zai tafi dasu Mussadiq saboda zasu koma makaranta, baba malam baiji dadin haka ba dashi da Abba Magaji sun fahimci cewar abinda Naja'atu tayi musu ne yasa yaji sha'awar dauke yaransa.......Kai tsaye Dakinsa ya nufa yana so ya samu nutsuwa sosai kafin ya tunkari Halisan dan ya fahimci dole sai ya karyar da kansa mussaman yanzu da ya dauko nauyi 'yayansa ya d'ora mata.........Mufida da Saddiqa Mussadiq suka nufi bedroom din Halisan nan suka tarar da ita ba yanda take sai sambatun surutai take da alama dai har yanzu mutanan nata basu gusa daga jikinta ba, Mufida taje ta zauna kusa da ita tare da dafata tana kiran sunanta.........Saddiqa da Mussadiq a bakin kofa suka tsaya saboda dama can sun san halin masifar Halisan ba kaunarsu take ba sai taga Abbansu take yi musu magana da wasa da dariya, shiyasa suka kasa 'karasawa, Halisa ta juyo tana kallon 'Yarta Mufida ganin su Saddiqa a tsaye a bakin kofa yasa ta mike tsaye a furgice tace"Ku dan Ubanku waye ya kawo ki gidana maza ku fuce mun daga d'aki shegu tsinannu 'yayan asara."! Saddiqa da Mussadiq suka zabura! a tsorace suka fita daga d'akin sukaje suka nemi kujerar palo suka zauna jikinsu sai rawa yake dama can Saddiqa da Mussadiq suna masifar tsoron Halisa Naja'atu ce take musu maganinta.......Mufida na goge hawaye tace."Mommy ya kike zaginsu su Yaya Saddiqa ne fa 'yan uwana." Wani irin bahagon mari ta kifawa yarinyar tana huci! tace"Zanci Kutumar ubanki wallahi shegiya munafuka ni zaki fad'awa su d'in 'Yan uwanki ne? Wallahi duk ranar da kika 'kara kiransu da sunan 'yan uwanki sai naci ubanki." Mufida tana kuka tace"To mommy me yasa kika tsanesu bayan mamansu ta mutu dan Allah ki daina yi musu abinda kike musu babu kyau."! A fusace! ta sake gaura mata wani mari tana wata irin fuffuka tace"Tashi dan babanki mara mutunci ki bar min dakina ko kuma yanzu na sumar dake." A gigice! yarinyar ta mike hannunta dafe da kuncinta ta fita daga dakin tana kuka, wanda yayi dai-dai da fitowarsa daga daki yana sanye da jallabiya ruwan toka, Ganinsu Saddiqa sunyi muzu-muzu a zaune yasa jikinsa yayi sanyi ya kalli Mufida dake dafe da kunci tana kuka, yace."Menene? Cikin rawar murya tace"Mommy ce ta mare ni tace na fito mata daga d'aki. Ba tare da yace."Komai ba ya kama hanyar dakin Halisan, Har yanzu tana zaune gefan gado ta had'a tagumi babu maganar sallah a tare da ita, cikin nutsuwa ya shiga dakin bakinsa dauke da sallama, Kallonsa ma ba tayi ba ballanta ta amsa masa sallamarsa, gefanta ya zauna yana kokarin ri'ke hannunta ta fizge a fusace! ta mike tsaye tana nunashi da hannu tace"Kaga dan girman Allah ka fita ka bani guri naji da abinda ke damuna baka da abinda zaka ce dani." Yaji zafin maganarta amma sai ya danne ya mike ya iske inda take, Rungumeta yayi a jikinsa yayi amfani da wata murya wacce ya tanade ta dan rarrashinta, yace."Haba Halisa wai duk me yayi zafi ne kike nema ki zautar da kanki akan abinda bai kai ya kawo ba! Menene abin damuwa dan nace zan auri Yarinyar nan Naja'atu? idan kin kwantar da hankalinki kin ri'ke girmanki sai kinfi daraja da kima da martaba a idona! Shin wai baki ga yanda Halimatu ta sadaukar da rayuwata a kaina ba, bana shakka ko tantama Halimatu yanzu tana gidan aljanna saboda ta rabu dani da iyayenta lafiya, kuma ta mutu hanyar haihuwa, har na gama rayuwata ta duniya bazan ta'ba mantawa da Halimatu ba, a kwanakin baya kin soma kwaiwayon hali da d'abi'unta amma tashi guda zaki watsar da abin da kika fara na alkairi, wallahi auran Naja'atu da zanyi ba zai sanya ni na daina kaunarki ba, kin san dai kece macen dana fara furtawa kalmar so, ko Halimatu ma kece kika jawo na aureta, to itama Naja'atun ina so ki sani bani ne nace inaso ta zama *Madadin 'Yar uwarta ba* Iyayenta ne suka nemi haka dan ko yanzu sai da na fada musu cewar maganar auran su barta suka nuna sai anyi So inaso ki kwantar da hankali ki samu nutsuwa ki kula dani da yarana gasu nan na kawo miki su ni kuma insha Allahu zan baki mamaki zan nuna miki ni d'an halak ne auran Naja'atu ba zai sa na juya miki baya ba." Shuru tayi jikinta duk yayi sanyi da kalamansa tace"Nifa ban hanaka aure ba wallahi ko budurwar zaka aura to kaje ka aura amma banda yarinyar nan bana kaunarta saboda bata ganin girmana." Yace."Na fad'a miki fa cewa kece uwargidana duk ragamar mu tana hannuki har ita Naja"atun idan tazo a 'karkashin ki take sai abinda kika tsara a gidan shi za'ayi." Jin wannan maganar tasa yasa ta sauke ajiyar zuciya tace"Nifa wallahi nasan dadin baki ne kake mun yarinyar nan na zuwa zaka manta dani, dan haka gwara tun kafin tazo na san inda dare yayi min dan bana tunanin zan zauna da ita a karkashin inuwa guda." Yace."In banda abinki ba gidanku daya ba to me zai dame ki da ita ko wacce na gidanta idan wannan da kike ciki bai miki ba sai na sauya miki wani." Tsaki taja tace." bazan yarda ba wallahi sai dai ka had'amu gida daya dan bazan amince a cutar dani ba." Yace."To shikkenan duk abinda kike so shi za'ayi, Zan sa a gyara miki side d'inki dake gidana na *'Danbare* ina fata hakan yayi miki." shuru tayi tana zum'bura baki, Ya saketa yaja hannunta suka zauna a nutse yace."Ki fad'a mun duk abinda kike so na siya miki na fad'ar kishiya komai tsadarsa zan siya miki." Tace"Sai nayi shawara tukkuna." Dariya ta bashi amma beyi ba yace."To shikkenan inaso na baki kudi kije ki had'o mata lefe kuma kema ki had'a naki hakan yayi miki." Dadi ne ya rufe ta tace"To Hakan yayi amma inaso ka sanja min mota." Yace."An gama ranki ya d'ade! amma dan Allah daga yau sai yau kada ki sake aikata abinda kika aikata a d'azu! rashin hankali ne kawai kije ki dauko wu'ka kina so ki kashe ni! kina tare da shed'an a lokacin idan da tsautsayi sai ki aikata aikin dana sani ki 'kare rayuwarki cikin uku'ba kuma ki mayar min da yara marayu." Hanci ta sha'ka! cikin takaici tace"Haba ai wallahi idan ma nayi maka rauni ban huce bacin raina ba, kana kallonta ina magana ka tsalleke ni ka tafi ai dole zuciya ta ta tunzurani a kanka." Yace."Tom yanzu dai duk magana ta wuce Gobe insha Allahu bayan sakkowar sallahr juma'a za'a daura auran amma ina tunanin ba zata tare ba sai nan da sati biyu." Halisa gabanta ya fad'i tace"Da wuri za'a daura auran ashe."? Yace."Baba Malam ne ya yanke hukuncin haka." Cikin tsabar bakin ciki da takaici tace"Aikin banza aikin hofi 'kwad'ayayyen tsoho mai son abin duniya ai dama dole ya gaggauta yin abun kodan bukatarsa ta biya." 'Bata rai yayi yace."To yanzu zamu 'bata dake kuma bana son wannan d'abi'ar taki ta zage-zage da rashin ganin girman manya." Cikin fusata! ta mike ta nufi toilet tana surutai da 'kananun maganganu, kallo ya bita dashi, Al'amarin Halisa dai sai gyaran Allah, yaji dadi sosai da ya shawo kanta cikin ruwan sanyi *(Tabbas haka maza ya kamata su dinga rarrashin matansu idan zasu 'kara aure, sau tari wasu mazan sune suke ingiza zuciyoyin matansu ga aikata abinda ba shikkenan ba, idan ya kasance zaka 'kara aure to yana da kyau ka dinga nuna kulawarka a kan matarka ta gida, kuma banda kiran wayar amarya a cikin gidan dan hakan ma na iya janyo muku samun sa'bani a tsakaninku*) Mikewa yayi ya fita daga dakin yana dan jin sassauci a cikin zuciyarsa tunda ya gama da matsalar Halisa yana ganin duk abinda zai biyo baya mai sauki ne.
Yana fitowa palon ya gansu a zaune duk sunyi tsuru-tsuru Mussadiq ma gyangyadi yake, Ya kalli Saddiqa data had'a tagumi hannu bibbiyu har yanzu zuciyarta na jin ciwon abinda Naja'atu tayi musu a d'azu duk da take yarinya wacce bata gama mallakar hankalin kanta ba ta gane ba 'karamar 'kiyayya Naja'atu keyi wa Abbansu ba, sai ta dinga tunanin to wai meye aibunsa da har zata dinga 'kinsa da kuma zaginsa,