You Cannot Download this book untill you login but you can read it .

---

Login Register

ta rike wuyanta da sauri ta juyo tana kallonsa, Sai ya saki hijab din ya kwanta rigingine ba tare da yace mata komai ba ita kuma hakan da yayi sai ya sake tunzura ta ta mike zata fita daga d'akin!....."Sayyada."!!! Ta jiyo muryarsa na kiranta ko kallonsa ba tayi ba ta bude kofa ta fita, sai suka ci karo da Captain Habu da Saleh zasu shigo dake kofar a bude take duk yana hangosu yana kallon tana gaishesu har shi Captain Saleh din da yake mata wani irin kallo.....Ransa ya 'baci! yarinyar nan ta raina shi wato yace kar ta fita sai da fita! ga matsiyacin nan yana kallonta Captain Saleh anyi d'an akuya......Habu yace."Sayyada ina zakije." ? inda inda ta hau yi yace."Muje ciki." gaba tayi suka rufa mata baya........Xaune suka same shi fuskar nan a murd'e fatar goshinta duk ta tattare kana kallonsa zaka fahimci ransa a 'bace yake.






12/6/2020

*BINTA UMAR ABBALE*




_*Littafin Ni da Yaya Sadam! na kudi ne 1_2 #400 ga masu bukata zasu tura kudin ta wannan accont din......0542382124.......Binta Umar gtbank....Idan katin waya mutum zai tura sai ya same ni ta wannan numbars zan fada mata yanda zata biya kudin....08089965176 _07084653262.......Mutanan Nijar idan kuna bukata to zaku tura dala dari ta wannan numbar....9089976 _88137740 katin airtal ko orange Dala dari uku kudin Najeria.*_
*NI DA YAYA SADAM!!*
👫👫

*NA*
*BINTA UMAR ABBALE🍒*


*🌍MANAZARTA*
*WRITES ASSOCIATION🖊📚*
*M.W.A*

_'Kungiya d'aya tamkar da dubu, masu nazari da aiki da Iliminsu burin 'kungiyar a ko da yaushe shine ta fad'akar ta kuma nishad'antar da masoyanta._
__________________________________


_*Na kusa gama Free Peges ga duk me bukata sai ya garzayo ya biya kudin karatu*_
*Free Pege19*
Jiki a sanyaye taje bayansa ta zauna tare da rufe jikinta da hijab idanun saleh na kanta sai ya soma zargin wani domin shi duk abinda akeyi bai sani ba bai san cewar Sadam din yayi aure ba tunda ba shiri suke da juna ba, ammafa ganin farko da yayiwa yarinyar ya kwadaitu da ita tabbas idan ta kasance matar Sadam! ce ita to kuwa duk yanda zaiyi sai yayi ya biya bukatarsa ko dan ya kashe sadam din da bakin ciki Sakin fuska yayi tamkar ba mugu ba ya duba sadam din yana tambayarsa jiki duk gurin sai da sukayi mamakin sauyawarsa lokaci guda Sadam kam baiyi wani mamaki savoda yasan Saleh ba karamin makirin mutum bane.
Duk da yayi kokarin danne 'bacin ran dake damunsa amma duk da haka Habu ya fahimci yana da damuwa,Sama-sama suka gaisa da abokanan aikinsa inda ya na hankalce da inda Captain Saleh yafi mai da hankali gurin kallo sai yaji tamkar ya tashi ya Nausheshi saboda takaici, Captain Saleh mayen mata ne shi yasa kwata-kwata baya son zamanta a bracck din saboda irin su Saleh a kwai hadarin gaske......Hira sukeyi sama-sama, ba tare da ya sanya musu baki ba, Sai da ya gaji da abinda Saleh keyi masa yace."Ya kamata fa ku shiga ofis naga lokaci ya wuce." Dukaninsu suka mike sukayi masa sallama, Saleh har da waiwayen Sayyada saboda tsabar jaraba.

Suna fita ya mi'ke zaune yace."Ke! juyo nan ki kalleni." Juyowa tayi tana kallonsa kana kallonta kasan a tsorace take domin miryar da yayi mata magana kamar ba ta mutum ba.

"Baki isa kizo ki zubar min da mutunci ba." Ya fad'a yana zare mata ido! ya cigaba da cewa meye amfanin xamanki anan da zakice dole sai kin zauna tare dani me kike tsinana min ? daga anyi magana sai ki hau kuka bakyajin maganata nace dake Karki fita sai da kika fita ni da bakina nace kar in kara jin wani namiji ya shigo kin gaisa dashi saboda ban isa ba naji da kunnena kina gaisawa da Saleh! To yau d'in nan zaki bar brecck din nan ko 'kinki ko kinso idan kukan jini zakiyi sai dai kiyi na gama magana."""" Shiru tayi masa idanunta ya kad'a yayi jawur! Sadam baya sonta yanzu meye laifin wanda ya kula da kai da rayuwarka kan kawai tace zata zauna tare dashi yake wulakanta, Hawayen da take ta kokarin dannewa suka fara zuba.....Yana jinta tana shashshekar kuka yaki kallonta lumshe idonsa ma yayi bacci na daukarsa,Motsin bude kofa yaji ya bude ido ita kuma tayi saurin sanya gefan hijab dinta ta kare fuskarsa.

Sulaiman ne ya shigo cikin Shadda galila 'yar gasken anyi masa d'in 'yan birni yayi kyau sosai kamshi ne kawai yake tashi a jikinsa.

Babu yabo babu fallasa ya amsa sallamarsa Sayyada najin muryar Sulaiman ta bude fuskarta, Sulaiman ya karaso bakin gadon ya tsaya yana kallon Sadam! din A hankali yace."Ya jiki."? "Alhamdullihi." Yafada ba tare da ya kalleshi ba. "Yaya Sulaiman ina kwana ya kwanan Aunty Luba."!? Ya Juyo yana mata wani sihirtaccen kallo fuska a sake yace." Lafiya lau baby Sayyada dake haka yake kiranta tun tana yarinya ya cigaba da cewa "Ya mai jiki? ina fatan komai lafiya."
Da gefan ido ta kalleshi taga ya wani ci kunu! gabanta na faduwa tace"Jiki da sauki wallahi." Shiru dakin yayi Sadam! na mamaki wato duk hargagi da masifar da zaiyiwa yarinyar ba zata ji maganarsa ba dole ya koya mata zama.

Sulaiman ya kalleshi a nutse yace."Babu abunda kake bukata ko? Ko da yake ma naga jikin da sauki Allah ya takaita wahala." Wannan magana da Sulaiman din yayi ta tun zura masa zuciya domin shi a yanda ya fassara maganar kamar ta rainin hankali ne *Allah ya takaita wahala* Idan bai manta ba akwanakin baya Sulaiman ya sha cewa dashi ya rabu da aikin soja saboda a cikinsa akwai babban kalubale sannan mutum yazo ya mutu a banza a wofi bai cimma shekarunsa....Wannan magana da ya fad'a ta nuni da irin maganganunsa na baya....Kamar ya bashi amsa dai-dai dashi sai kawai ya kyaleshi domin baya so su raba hali a cikin mutune amma hakika abinda Sulaiman din keyi masa ya soma wuce makadi da rawa.

Hira sukeyi yana jinsu dama can yasan akwai shakuwa a tsakaninsu bai wani damuba tunda bai ga an wuce gona da iri ba, shine dalilin da ya sanya ya rabu dasu suke maganganunsu na can Garinsu *Dabi* Bai tanka musu ba ya dai kasa kunne yana jinsu........"Sadam! ni zan wuce kasuwa Allah ya sawake, ya ta'kaita wahala."! Sai ya bud'e idonsa da saurin gaske ya mike zaune " Dakata malam kar ka fita tukkuna sai ka tsaya ka fad'amin ma'anar wannan kalmar da kake ta nanatawa tund'azu."!! Cikin 'karfin murya yake maganar yana wani irin haci!!! Sayyada cikinta duk ya d'ori ruwa mutum ma na kwance bai da lafiya amma ba zai bar masifa ba.

Murmushi yayi yace."Saboda nayi maka addua kake tuhuma Sadam! *Allah Ya takaita wahala* yanzu ma na 'kara fad'a." Ya fad'i maganar yana d'aga kafad'a alamun bai damu ba.

Yace."Kai! baka isa kayi min addua ta kar'bu ba ka sani Allah na kar'bar adduar mai kyakkyawar niyya ne me kyawun zuciya kai kuwa fa kullum zuciyarka ba'kikkirin take baka nufin mutun da alkairi sai sharri Ni! nafi karfinka wallahi baka isa kayi min abinda Allah baiyi min ba, bana nadamar na rasa raina a aikin soja! saboda nasan nayi aiki domin Allah da mazonsa zan samu kyakkyawan sakamako gurin Allah."

"Ni kake fad'awa wannan maganar."! ? Sulaiman ya fad'a ransa a mugun bace."!

" Kai wanene!? da ba za'a fad'a maka magana ba."! shima ya mayar masa a zafafe."!!! "Yaya Sulaiman kayi hakuri don Allah." Murya na rawa take maganar."! "Kika 'kara wata magana anan gurin sai ranki ya 'baci!! wallahi."! Yafad'a yana watsa mata mugun kallo...Mi'kewa tayi tana kuka " Wannan wane irin hali ne? yanzu meye laifin Yaya Sulaiman kuma? kawai don yayi maka addua aikin soja ai ba hauka bane." Bai san sanda ya dirgo daga gadon ba ya nufeta....Sulaiman na ganin abinda yake shirin yi yaje ya tare shi!!! "Karka kuskura ka daketa wannan ai hauka ne! dama dukaninku haka kuke ku kama matanku kuna jibga sai kace bayi."! Wani wawan! naushi ya kir'ba! masa a 'kirji! Sulaiman ya ri'ke kirjinsa yana tari! azabah! na sukanshi.....Gefe ya tureshi yaja tsaki tare da fad'i " Haka sai kace namiji ashe rago ne."!!! Sulaimai ya sake yunkurin kare Sayyada...."Wallahi karka kusantoni sai nayi maka illah! ka bar ganin kirjina daure da bandaji bani da dad'i!!!! Sulaiman ya tsorota da Sadam! domin ga dukkanin alamu allurar ce ta motsa kai Soja bala'i ne.....Sayyada ta makure jikinta a bango Rumfa yayi mata ya sanya hannu ya sha'keta mata wuya"!! Don Ubanki maimaita abunda kikace yanzu, wato kema kin fara daukar hud'ubarsa ko? kina nema ki zagemu ki zagi aikinmu? hakane ko ba haka bane."!? Cikin hargagi yake maganr....Hawaye sai tsere suke a fuskarta "Kayi hakuri don Allah ba zaginka nayi ba."!? " Ni da Sulaiman waye mijinki kuma maganar wa yafi cancanta ki dauka."? da karfin murya yake maganar....Tace"Kaine mijina kuma maganarka yafi dacewa na dauka." "Ok me yasa idan nace karkiyi abu sai kinyi raini ne ko me."!? Girgiza kai tayi..." Kayi hakuri kayi hakuri kayi hakuri."! abinda take fad'a kenan....Wuyanta ya saki ya koma ya kwanta yana wani irin nishi! kirjinsa ya rike! da alama ya fama gurin harbin....
Sulaiman na tsaye yana kallonsa yana nishi!! jini daga jikin bandejin yana fitowa saman kirjinsa, bai wani damu ba ya kad'e rigar jikinsa ya fice daga d'akin zuciyarsa tas yaji dadin yanda ya tashi ciwon nasa shine wahalalle wanda wahala ta yankewa cibiya Allah yasa ma gurin ya lalace ya jima a kwance yana jinya.

Ganin yanda yake rirri'ke kirjinsa da kuma jinin dake zirarowa yasa hankalinta yayi masifar tashi da sauri ta bude kofa ta fita Minti biyar suka shigo da likita hankali a tashe ya isa inda yake ya soma duba gurin mikin yana tambayar Sayyada garin ya akayi haka ta faru ita dai ta kasa cewa komai sai kuka takeyi


Sai da taga jinin dake zuba ya tsaya sannan hankalinta ya kwanta amma dai duk da haka hawaye bai daina zuba daga idonta ba.....Dr ya kalli Sadam! dake rintse ido yana cije lips yace.."Wai Yallabai ya akayi haka ta faru ne."! Ido a rufe yace."Bacci nakeyi na danne gurin." Dr yace."Ayya Madam kina gani a maimakon ki zauna kusa dashi shine amfanin zamanki a gurin ai idan da matsala ko zamu kawo maka mai kula da kai ne."? girgiza kai yayi alamun baya bukata.

Sayyada tace"Tsautsayi ne Dr nima bacci nakeyi shiyasa ban lura ba." Yace."Ai naga alama a yanda kike son Yallabai ba zaki bari hakan ta faru ba sai da dalili." Murmushi tayi mai ciwo tana tuno rashin mutuncin da yayi mata d'azu.

Dr Yace."Idan yayi break ki bashi magani kinji ko." Tace."Insha Allah." Bayan fitar Dr din dakin yayi shiru sai saukar numfashinsu ido ya bude yana kallon inda take tana can takure kan kujera taki kallonsa haushinsa takeji sosai tana da zuciya dole tayi taka tsantsan da rashin mutuncinsa.

Ya jima yana kallonta tausayinta yake ji yanzu kuma nadamar abinda yayi mata yake....Tsaki yayi cikin ransa koma meye ya.faru itace ta jawowa kanta.

Hajiya Fatsima da Alhaji Auwal ne sukayi sallama. Sayyada ta amsa da sakakkiyar fuska tana gaishesu....Hjy Fatsima tayi ta naxarinta taga tabbas akwai damuwa a tare da ita ga idanunta sunyi jawur dasu.....Sadam! ya gaishe da iyayen nasa cikin dauriya da kokarin danne abubuwan dake damunsa Nan Alhaji Auwal yake tambayarsa ko Sulaiman yazo yace."Bai jima da fita ba....Ya tambaye shi yanayin jikin nasa yace."Da sauki bashi da wata matsala...Godiya yayi ga Allah yayi musu sallama kasuwa ya wuce kai tsaye.

Hajiya Fatsima tace"Sayyada ga abun kari nan na kawo muku ki karya sai ki had'awa mijin naki shima." Tace."To Mammah! tea ta had'a me kauri ta zuba soyayyan dankali da kwali ta dauka gadon da yake kwance ta nufa ta zauna gefansa a hankali tace"Ka tashi kayi break kasa magani." Sai da tayi magana sau biyu sannan ya mike zaune da dubara ya kar'bi kofin tea din....Ta mika masa tare da dora masa plate din dankalin a cinyarsa....Da kyar yake daga hannunsa yana kur'bar tea din saboda kafad'arsa ta dama harbin yake, kamar ta kar'ba ta bashi da kanta sai tayi wa kanta fad'a tasan hali zai iya gwaleta ko ya hantareta. mikewa ma tayi ta bar gurin tea ta hada ta zauna kusa da Mamah tana kur'ba amma hankalinta na kansa da kyar ya shanye tea din dankwalin kuwa bai fi uku yaci ba yace."Zo ki dauke plate din nan." Ta mike da sauri ta isa ta dauke masa....Ruwa ta dauko ta dawo gurin ta 'balli maganin ta mi'ka masa kar'ba yayi ya watsa a bakinsa ya kora da ruwa, Hjy Fatsima tana kallonsu cike da farin ciki a gaskiya ta yaba kwarai da yanda Sayyada take kula da Sadam!!!

Bai kai rabin awa da shan maganin ba bacci ya daukeshi....Nan Sayyada da Hjy Suka dinga hira Sayyada ta saki jikinta sosai da ita tana daukarta tamkar mahaifiyarta.

Sai kusan karfe daya sannan tayi niyar tafiya tace zasu dawo da daddare sannan tana komawa gida zata sanya baban gida ya kawo musu abincin rana." Sayyada kamar ta bita saboda abinda yace mata dazu *Banga abinda kike tsinana min ba saboda haka idan su Mamah sunzo dole ki bisu ku tafi gida* Wannan magana ta bata haushi mutuka amma duk sanda ya sakeyi mata irinta to sai dai ya nemeta ya rasa.


Sallah tayi ta koma gefansa ta zauna mifici ta dauka tana masa firfita duk kuwa da cewar akwai fanka a dakin idanunta kurrr gurin ciwon tana mamakin jinin da ya dinga tsiyaya d'azu.

Idanunta taji suna lumshewa alamun bacci na soma ya dauketa dama tasan za'a rina mutukar ta ci bashin bacci to duk inda ya kamata sai tayi take jin dadi.....A hankali ta ra'ba gefansa ta kwanta tana kallon fuskarsa, 'Kare masa kallo take sosai tana gazgata maganar mutane inda suke cewa duk family nasu ya fisu kyau sai dai su nuna masa hasken fata, ita yanzu kalar fatarshi ma burgeta take, ta tsurawa karamin bakinsa ido wanda wani bakin gashi me gazarzar! ya kewaye lebunansa lumshe ido tayi gabanta yana faduwa....Ta sanya hannu a hankali ta shafo kirjinsa! tare dashi suka sauke ajiyar zuciya, cike da tsoro ta zare hannunta gabanta na dukan uku uku!!! Sadam! bai san wainar da take toyawa ba kawai ajiyar zuciyar ce tazo a lokacin......minti biyu ta sake d'ora hannunta kan kirjinsa, Ta lumshe idonta tsigar jikinta sai tashi takeyi......Haka bacci mai nauyi ya dauketa.



Idonsa ya bude a hankali sai ya ganta kwance a gefansa hannunta a kirjinsa ya jima yana kallon hannunta ya kasa daukewa....Gyaran murya yayi tayi saurin bude idonta a firgice ta mike zaune! kauda kansa yayi ya mi'ke zaune itama mikewa tayi ta nufi toilet ta wanke baki ta fito....Tana kallonsa yana kokarin sakkowa daga bed din tana jin tsoron tunkararsa bata son hayaniya da hargagi ta lura shi kuma komai lalura baya fasa halinsa.

Yazo ya wuce ta ya shiga bandakin alwala ya daura bayan ya wanke bakinsa ya fito fuska a daure Sallah ya tayar yana idarwa akayi knocking din kofar...kallonsa tayi ya watsa mata harara! tayi kasa da kanta.....Mikewa yayi yaje ya bude kofar....Baban gida ne da kwandon abinci anan ya dakatar dashi ya karbi kwandon abincin Baban gida ya dubashi yana masa sannu da jiki ya amsa babu wata cikakkiyar walwala kisin Sayyada ne kawai ke sasakar ransa ta riga ta gama nuna masa matsayinsa ta nuna masa tafi kaunar Sulaiman a kansa ba tun yau ba dama ya fahimci akwai wata a 'kasa a tsakaninsu."

Ajiye kwandon abincin yayi bai ce mata komai ba ya haye gadon wayarsa ya dauka yana dubawa.....Ganin lokacin shan maganinsa na nema ya wuce tace"Ko na had'a maka abincin kaci kasha magani." Idab dotse na magana to shima zaiyi ya shareta yana duba waya......Ta'be baki tayi duk yana kallonta ta 'kasan idonsa ya girgiza kai fuskarsa a daure Yace."Ke!!! ba cewa nayi idan Mammah tazo ki bita ba ke wace irin mara zuciya ce ne."!? taji wani sagewar jiki!! da jin abinda ya fad'a ido ta zuba masa tana kallo Cikin shan mur! yace."Da daddare ba sai na sake yi miki magana tana zuwa sahunki a likkafa ki bi bayanta."! Shiru tayi masa bakin ciki na sasakar zuciyarta......Sunanan zaune akayi Nocking din kofar a karo na biyu." Tashi kije ki bud'e."Ya fad'a hankalinsa kan waya, kamar kar ta tashi sai ta mike taje ta bud'e kofar suka had'a ido da ita tana sanye da ingilish wear riga da seket tayi rolling da karamin mayafi fuskar nan taci mai tayi make up kamar hauka ido ta sanya masa gashi sai kace aljannu hannu rike da key na mota da karamar pose Halima 'Yar gidan General AbdulSalam Shugaban sojojin Najera kenan....Wani matsiyacin kallo ta watsa Sayyada ta tsartar mata da yawu" Bani hanya na wuce."!! tafad'i cikin izgili da d'agawa! Sayyada bata san sanda ta kauce daga hanya ba tana kallo ta shige ta barta a tsaye a gurin.



Jingina jikinta tayi a bango tana kallon ikon Allah.....Halima ce ta isa inda yake ta d'ora kanta a gefan kirjinsa tana shashshekar kuka!" Sweetheart abinda ya same ka kenan! wayyo na shiga uku ina can Gombe gurun bikin kawata Captain Saleh ya sanar dani halin da ake ciki me yasa kai baka fad'a min ba." A marairace take maganar." Har yanzu kanta na damtsen hannunsa na hagu......Motsi yayi yana so ya tashi fuskarsa da akwai alamun sassauci yace."Halima abun alkairi shi ake shela ba irin wannan ba dama kin tsaya a inda kike kin gama shagalin bukinki."

"A gaskiya Sweetheart baka sona ta yaya zan iya xama a wani gurin kana cikin wannan hali karfa ka manta da cewar kaine za'bin raina farin cikin zuciyata."

Sayyada taji wani irin gumi mai d'umi!! na tsiyaya a jikinta....Ido jawur take kallonsu shi kuma sai murmushi yake kamar bashi ne masifaffan nan ba.....Inda suke ta nufa ta tsaya kansa"Baiwar Allah daga ina? kin shigowa mutane daki babu sallama babu neman iso sai kace wata kafura ai kafuran ma suna sallama da Hi ko makamancin hak"

Wani wawan kallo Halima kewa Sayyada cikin nuna ke wacece tace"Ke! ni kike fad'awa wannan maganar."? Sayyada tace"Baiwar Allah ba magana bace gyara ne nayi miki domin naga alamar kina yin abu irin na marasa hankali."


"Kutttt!!!! Sweetheart wannan wace jahilar yarinya ce take min maganar banza yanzu zan sanya a daureta wallahi."

Ya kalli Sayyada yana wani cin mur!!! "Ke bar gurun nan kinzo kin tsaya kan mutane saboda rashin tarbiya."

"Wallahi ba zan bar gurin nan ba.." Tafad'a cikin fad'awar gaba ga dukanin alamu matar nan nada matsayi mai karfi a gurinsa......"Wai Sweetheart wannan yarinyar a ina ka samo ta dagani 'yar kauye ce duba da yanda take maganar *He da He* ." Dariya ce ta kusa kufce masa yanda Halima ta fad'i maganar sharri ne kawai amma Sayyada bata irin wannan maganar ta *He da he* "Zaki bar gurin nan ko sai na sanya yanzu anzo anyi waje dake." Halima ce tayi wannan magana cikin hayaniya....Sayyada ta gyara tsayuwarta har da rike karfen gado tace"Sai dai in kece zaki fita daga dakin nan wallahi baki isa ki tambaye shi matsayina a gurinsa."!

Halima ta kalleshi wanda ya zuba musu ido kawai yana kallo Tace"Sweetheart bana son munafurci shin kai ma ka soma tara mata irin nasu Saleh." Yace."Ke bana son hauka malama wannan kanwata ce ita." Sayyada tace"Meye zaka 'boye mata kace mata ni matarka ce in yaso kome zatayi sai tayi."

Halima ta mike tsaye a zabure! tana fad'in"Da gaske take wannan maganar data fad'a."!!!!
'Karamin tsaki yaja "Ke! kinga nayi kama da wanda zai auri wannan 'yar 'kauyen Halima."! Tace." Nima dai haka na gani Sweetheart. " Sai ta koma ta zauna tana yiwa Sayyada kallon banza....Sayyada takaici ya turnuketa lallai Yaya Sadam! ita yake dizgawa gaban mutane......A zuciye tace"Ke Karuwa tashi ki fita daga d'akin nan ko kuma in tara miki jama'a."!! Halima tace"Ke!!! ni kike kira da karuwa don kutumar ubanki kin san waye ubana kuwa."!?? Sayyada tace"Oho! miki ko waye ubanki bai dame ni ba." A zafafe! Halima ta tsinka mata mari! ta sha'ke mata wuya ga hijab a jikinta......."Ke!!! Halima saketa."! yafada cikin karfin murya."Sweetheart kana jin abinda take cewa ko."!? "Eh naji saketa." Halima ta saketa tana huci!! Sayyada ta karkad'e hijab dinta ko a jikinta itama sai huci take....."Sayyada fita daga d'akin nan."!! cikin tsawa! yayi maganar da nufin tozarta mutum. gwiwowinta duk sukayi sanyi ta kalleshi ya ware mata manya manya idonsa wanda sai zaiyi rashin mutunci yake bud'esu."Ko bakiji abinda nace ba Fita a d'akin nan."!!! Wani 'karfin zuciya yazo mata tace"Ko baka fad'a zan fita yanzu." 'Kofar fita ta nufa zuciyarta na wata iriyar tafarfarsa..........!





13/6/2020



*BINTA UMAR ABBALE*



_*Littafin Ni da Yaya Sadam! na kudi ne 1_2 #400 ga masu bukata zasu tura kudin ta wannan accont din......0542382124.......Binta Umar gtbank....Idan katin waya mutum zai tura sai ya same ni ta wannan numbars zan fada mata yanda zata biya kudin....08089965176 _07084653262.......Mutanan Nijar idan kuna bukata to zaku tura dala dari ta wannan numbar....9089976 _88137740 katin airtal ko orange Dala dari uku kudin Najeria.*_
: *NI DA YAYA SADAM!!*
👫👫

*NA*
*BINTA UMAR ABBALE🍒*


*🌍MANAZARTA*
*WRITES ASSOCIATION🖊📚*
*M.W.A*

_'Kungiya d'aya tamkar da dubu, masu nazari da aiki da Iliminsu burin 'kungiyar a ko da yaushe shine ta fad'akar ta kuma nishad'antar da masoyanta._
__________________________________


*Wannan shine Last Free Pege*
*Free Pege 20*
Da sauri ta bude kofa ta fice daga dakin zuciyarta na wata irinyar tafarfasa rarraba ido take a harabar gurin....Kai tsaye kawai sai ta nufi 'katon gate d'in da yake cike da sojoji ko tsoro ba taji burinta kawai ta fice daga bracck d'in bata ta'ba tsammanin Sadam! zaiyi mata irin wannan wulakancin ba, tana tafiya tana share hawayen bakin ciki tayi tayi ta tsayar da hawayen abun ya fassakara dole ta kyalesu suna zuba

Bayan fitar ta daga d'akin saboda ya san wautarta sai ya dauki wayarsa ya kira d'aya daga cikin sojojin dake bakin gate din yace."Za suga wata yarinya ta fito 'yar kimanin shekaru 15 ko kasa da haka tana sanye da atamfa blue kar su barta ta fita......Aikuwa hakane ya faru Sayyada na isa suka tare mata hanya tayi tayi su bude mata suka 'ki kawai sai ta nemi gurin bakin gate din ta sanya kukan bakin ciki.

Lokacin da yake wayar Halima ta sha'ka da yawa bayan ya gama wayar tace"Wai menene idan ta fita da zaka damu nifa jikina ya soma bani akwai wani abu a tsakanika da yarinyar nan wallahi." Yace."Babu wani abu a tsakaninmu na fad'a miki kanwata ce karki damu." Dake ta saba da wannan dad'in bakin nasa sai ta warware tace"Ya maganar auranmu to." ? kallon shashasha! yayi mata yace."Ashe baki aje wannan maganar a gefe ba kenanan."! Halima ta tunzura tana huci! tace"Wallahi ba zan ajiye maganar nan ba har sai na cimma burina akanka kome zakayi min zan jure.''Shiru yayi mata kawai.....Ta cigaba da cewa"Yanzu ka bakaji kunyar fada min wannan maganar ba? wane irin sone ban nuna maka ba zakace na ajiye maganar aura a tsakanina da kai insha Allahu kamar anyi an gama."

Kallon mahaukaciya kawai yake mata yo shi wannan ko da matan duniya zasu kare baya ta'ba jin xai iya auranta......Wayarshi ce tayi kara yana dubawa yaga Mu'azu daya daga cikin sojojin bakin gate yace."Yallabai yarinyar nan fa gata ta zauna tana turjiya kan hanya kuka kawai takeyi."


Yaji wani iri a jikinsa jin abinda Mu'azu yace."Please Mu'azu kayi kokarin kawo min ita dakin dana ke kwance." Mu'azu yace."Okey insha Allah."


Babu irin rarrashin da Mu'azu baiyi mata ba amma fafur ta'ki binsa ita dole sai sun bude mata kofa ta fita.....Mu'azu ya kara kiran numbarsa a karo na biyu Yace."Kayi kokari ka bata wayar kace zamuyi magana." Nan ma Sayyada ta'ki kar'bar wayar zuwa yanzu ta daina kukan sai dai bakin ciki dake cin zuciyarta.....Koda Mu'azu ya sanar dashi cewar ta'ki kar'bar wayar sai hankalinsa ya tashi har ya yunkura zai tashi da nufi yaje ya dawo da ita