You Cannot Download this book untill you login but you can read it .

---

Login Register

ganin fa in ta tsaya jin tsoro sai ta haukatar da kanta ta kawo wata kundumemiyar ashar ta yiwa Auta sannan ta banko mata ƙofar tabar wajan..

Murmushi Auta ta yi ta ce" Allah ya shirya ki."

A guje Fadila ta iso ɗakinta ta rufo ƙofar har da murda key ta zau na a gado jagwab, dafe kanta ta yi da yake sara mata tana tunano abubuwan data gani ɗazu, tunani kala-kala take a zuciyarta tsoro na ƙara shigarta, da sauri ta tashi ta isa jikin drower ɗinta ta buɗe ta fito da schoolbag ɗinta, zarge zip ɗin ta yi ta fito da wata leda baƙa ta mayar inda ta ɗauko jakar ta dawo bakin gado, buɗewa ta yi ta fito da wasu kwayoyin magani bata tsaya duba ta ga ko nawa ba ne ta afka a baki tare da binsu da ruwa ta hadiye, wata kwalba ta kuma fiddowa ta buɗe ta ɗaga ta sama ta shaye tass sannan ta ɗauke daga bakinta, ajiyar zuciya ta shiga saukewa tuni ta soma ganin bibiyu ba jimawa tà zube akan gado bacci ya yi gaba da ita....


Washe gari Auta cikin hanzari ta fito daga ɗakinta dan ta makara zuwa school, koda ta sauko su Daddy ta samo zau ne suna karyawa.

"Good morning Daddy " Ta faɗa tana za ma akan kujerar dake kusa da Sauban ta ɗaura masa ƴar Teddynta akan cinyarsa.

"Morning my baby love da fatan kin tashi lafiya?" Murmishi ta yi tana juya cokalin dake cikin indomie dake gabanta sai kuma ta yamutsa fuskar ta ce" Daddy nifa bana son wannan abincin a soya mini kwai guda shida a haɗa mini ruwan zafi a flas da suga da laptop in na isa school sai na ci, na makara yanzu haka tsoro nake a zaneni malamin yau bashi da mutumci, yawwa na manta Daddy a haɗa mini da apple guda uku" Ta ƙarashe maganar tana hararar Sauban da ya saki baki yana kallonta jin yadda take zano abubuwa kamar ba ita kaɗai za ta zuba a cikinta ba..

" Tsuww Wallahi Daddy yarinyar nan inaga Mommy ta ɓata ta, jiya fa haka ta nufi ɗakina tana ta buga mini ƙofa, wai ma kusan me?" Ta faɗa ranta a matuƙar ɓace..

Dariya Sudas ya yi ya ce" Kai Fadila banda ƙarya dai yaushe Auta har za ta iya zuwa gurinki da dare bayan ba daɗi take ji a gurinki ba? Kar ki mata sharri malama ba sai kin ce komai ba mun san duk ƙarya ce za ki faɗa."

Cokalin dake hannunta ta wurga mata cikin sa'a ya cafe yana dariya.

Daddy ya kallesu yana murmishi ya ce" Kunga ai da dai mun saurari abin da za ta faɗa mana, ku ka sani ko sun shirya ita da Auta."

Sauban da yake dariya ya ce" To ai shi kenan sweetheart rabu da Sudas ni faɗa mini mai ku ka shuka jiya ke da Autar?"

"Yawwa Yaya Sauban dama na san kai kafi sona fiye da wannan ɗan rainin hankalin, in faɗa maka jiya Auta t... Bata ƙarasa ba taga Auta na yi mata wata irin harara idanunta sun soma canja kala, ai tuni ta kame bakinta ta yi saurin sunkuyar da idanunta, amma duk da haka bakinta bai mutum ba ta shiga cewa" Za ki ci uwarki yarinya da kin dawo daga school yau sai kin wanke mini kayana a gidan nan...

Banza ta mata kamar bata ji abin da take faɗa ba, tana nan zau ne Kande mai aikinsu ta haɗo mata duk abin da ta lissafo ta kawo mata a cikin leda, amsa ta yi ta mata godiya sannan ta miƙe ta goya schoolbag ɗinta ta ce" Bye Daddy sai na dawo. "

Da sauri Sudas ya miƙe ya ce" tsaya Auta ni zan kaiki da kaina yau tun da bani da abin da zan yi." Daɗi sosai ya kama Auta ta yi tsalle ta rungume shi tana masa godiya kana suka juya za su fita, tsinkayo muryar Fadila suka yi tana faɗin" Yaya Sudas zan biku ku saukeni."

"Wani dan iskan ne zai kaiki iye? Nine zan yarda na daukeki a motata ki dumama mini ita da warin dauɗa? Karma ki biyomu dan ko kin zo ma Wallahi sai na miki wankan hayaƙi a wannan fuskar taki mai kama data jakuna" Yana gama faɗin haka ya wuce abin shi ...

"Hahaha kai Alkur'an is very good Sudas ka birgeni" Cewar Sauban yana barin palon shi ma.

Kuka Fadila tasa tana kallon Daddy, lallaɓa ta ya yi ta kyale ya ce su fita tare sai ya ajeta a school ɗin nasu, to ta ce amma ranta a matuƙar ɓace yake saboda abin da Sudas ya faɗa mata, in kuma ta tuna irin kallon Auta ta mata sai taji tsoro ya kama ta...

Suna fita daret hanyar school ɗin su Auta Sudas ya nufa, kiɗa ya kunna yana bin waƙar.

Tagumi Auta ta yi tana binsa da kallo, wato shi dai inba bacci ba babu abin da yake hana shi jin kiɗa sallar ma sai yaga dama yake, Jinjina kai ta yi tare da kawar da kanta gefe tana kallon bakin hanya. Suna zuwa daidai inda ta haɗu da Amra cikin sauri ta ce" Yaya please tsaya inaso mu gaisa da Ƙawata."

Jan birki ya yi ya tsaya, kallon gurin ya yi yaga ba kowa ya dubi Auta ya ce" To ina ita Ƙawar taki take?" Murmishi ta yi ta ce" Ka bari za ka ganta ina so na bata abincin nan ne muje ka rakani."

Ba muso Sudas ya buɗe musu suka fita ita dashi, can tsallaken hanya ta yi ta waiga ko ina bata ganta ba, har ta haƙura za ta juyo taji muryar Amra na cewa" Ƙawata kin ganni nan."

Da sauri ta juyo ta ganta a bayanta tana nufota, kafin ta iso itama ta nufeta suka rungume suna cikin nuna farincikin ganin juna.

"Amra kin tashi lafiya ya jikin Innar yanzu?"

"Lafiya lau Auta Inna ta samu sauƙi na barota a gida, ba ki ga nima na yi wanka ba na canja kaya kudin da ki ka bamu jiya na sayo magani sauran na sayo kaya 'yan gwanjo kala biyu, shi ne na saka ɗaya in mun haɗu na nuna miki...

Tausayinta ne ya rufe Auta har bata san lokacin da hawaye ya zubo mata ba,tana cewa a ranta. " Allah sarki Amra ashe kayan sakawar ma bata da shi, kalli kanta babu alamar gyara, in sha Allah zan taimakeki matsawar ina da shi..

"Auta ya ki ka tsaya zo mu tafi mana" Sudas ya faɗa sai idanunsa ya sauka akan Amra da ta kafe Auta da idanunta farare tass. Murmishi ya saki yana binta da wani irin kallo yana lashe lips ɗinsa na ƙasa sannan ya ce" A a Auta wannan Ƙawar taki yaya sunanta?"

Murmushi ta yi ta kamo hannun Amra cikin jin daɗin bai nuna kyama akan Ƙawartata ba ta ce" Yaya sunanta Amra itace Ƙawata" Ta faɗa tana sauke schoolbag ɗinta ta fito da ledar dake ciki, miƙa mata ta yi tana murmishi ta ce" Amra gashi ki kaiwa Inna kuci gobe zan kawo miki wasu daga cikin kayana."

Goge hawaye Amra ta yi ta amsa cikin zazzakar muryarta ta ce" Ƙawata bani da bakin miki godiya kina da kirki, ke ɗin mai zuciyar salihan mutane ce Ubangiji ya miki albarka." "Babu komai Amra karki damu Allah zai fitar daku daga ciki halin da kuke...

"Am na ce ba.

"Ka ce mai Yaya?

"Na ce ki shiga mota ni zan rakata da kayan kar ta ɓata kayan jikinta kinga ta yi wanka ta yi kyau gwanin birgewa..

Murmushi Auta ta yi ta ɗagawa Amra hannu ta nufi mota ta shiga ta rufe.

Kanta a ƙasa bata ɗago ba tana jiran ya mata magana. Baby gaskiya fa kin haɗu sosai kinga kuwa yadda kike da kyau? Muje can gangaran muyi magana kar lokaci ya wuce" Ya faɗa yana kama hannunta...

Da kallo tabi hannun nashi tana ji yajata suka nufi can ganganre..

Suna zuwa ya zaunar da ita akan wani ice ya zau na shi ma sai murmushi yake saki. Ita dai Amra na takure zuwa yanzu tsoro ya kama ta ganin yana matsowa kusa da ita, bakinta na rawa ta ce" Yaya meye haka kake yi?"

"Haba my Baby babu wani abu da zan yi inda in taɓa nan inji" Ya faɗa yana damƙar na fulaninta..

Waiyo Allah! Inna z....



*Ku hanzarta ku biya naku kuɗin karatun akan farashi mai sauƙi N300 kacal*



_*Taku har kullum Iyar Nusy mai abin mamaki inji kabeji😂*_
[26/11, 18:14] Umma Amjad: _*🧟‍♀️ALJANAR GIDANMU 🧟‍♀️*_




Daga Alƙalamin

_Sarat Alƙasum ( Maman Nusaiba)_


_🔔📚JARUMAI WRITER'S ASSOCIATION 📚_


*WhatsApp number +966599791573*


بسم الله الرحمن الرحيم

0️⃣3️⃣


Waiyo Allah! Inna zai taɓa mini jiki" Ta faɗa cikin tsananin tashi hankali jikinta na rawa karr³ . Sudas da yake ƙoƙarin haɗa Amra da jikin shi ya ɗago idanun shi kamar wani ɗan meye ya ce" Baby ki tsaya mana babu abin da zan miki fa, zan kaiki kasuwa da kaina na saya miki kayan sawa masu kyau wanda za su yiwa farar fatarki kyau sosai, ki yarda dani zan baki kudi mai yawa sannan zan kai Mamanki asibiti a mata magani ta samu lafiya, duk abin da kikeso zan miki kuma zan aureki ki dawo gidanmu da za ma kinga sai kuci gaba da za ma da Auta guri ɗaya" Ya ƙarashe maganar yana riƙe hannunta cikin nashi." "A a nidai ka rabu dani zan koma gida ni ba ƴar iska ba ce, ai sai marar tarbiya yake irin abin da kake son mini bana so in ba ka rabu dani ba zan faɗawa Auta komai kuma na rabu da ita har abada ba za ta sake ganina ba, kai kuma ka fita hanyata ko na maka ihun kwarto a nan" Ta faɗa tana cuno baki gaba..

Murmushi ya saki yana bin bakin nata da kallo, a ranshi yana cewa" Hmm yarinya sai shegen kyau kamar ita ta yi kanta ga daɗin murya, kai dole ma na kaiki wani gurin in ban samu dama ba na aureki ki dawo karkashina.." "Ka sake mini hannu na tafi" Amra ta faɗa tana mintsinin hannun nashi..

Ƙin sakin mata hannun ya yi, ran Amra ya yi matuƙar ɓaci fuskar nan a haɗe, cikin kakkausar murya ta ce" Ka sakeni na ce!

Ai a tsorace ya sakar mata hannun yana ja da baya..

"Ashe kaima kamar ubanka kake? Baka da imani kaji kunya dai, kenan dan ni bani da gatan kowa sai ka nemi ka lalata mini rayuwa? Yanzu in Auta ka gani wani na ƙoƙarin keta mata haddi za kaji daɗi? Ka kula kar ka bari na sauke fushina a kanka banza shashasha kawai" Tana gama faɗin haka ta fisge ledar dake hannun shi ta mishi wata irin bangaza ta wuce fuuu..

Da ƙyar Sudas ya miƙe yana mamakin yadda ƙaramar yarinya take da karfi kamar wata inkarman Doki, juyowa ya yi dan yaga ina ta yi yaga wayam ba kowa , mamaki ya kuma rufe shi ya duba ko ina bai ga inda ta yi ba, haka dai ya haƙura ya fito daga bayan dutsen ya nufo inda ya yi parking motarsa. Kicibus suka yi shi da Auta, ɗago kai ya yi yana kallonta yaga ta cika fam sai hura hanci sama take tana riƙe da ƙugunta. "Haba Yaya tsakani da Allah kai da na ce maka na yi lettin zuwa school ka yi kazo mu tafi amma kawai shi kenan sai ka yi zaman ka, ko har gidansu ka kaita ne?" Ta faɗa ranta a ɓace..

"Yi haƙuri" Kawai abin da ya iya ce mata ya kama hannunta suka koma cikin motar, ko a hanya tunanin irin tsawar da Amra ta masa yake yi har ya kai Auta ya sauke ta...

Daddy da Fadila sun fito za su shiga mota sai ga mai gadi ya iso gurinsu jikin shi na rawa ya durƙusa.. "Kai kuma tsohon najadu lafiya ka wani zuba mana idanu" Cewar Fadila tana mishi kallon kyama da tsana. Sunkuyar da kai Maigadi ya yi yana tunanin rashin kunya da rashin tarbiya irin na Fadila, yarinyar da ya yi jika da ita amma har take ce masa tsohon najadu kamar ta gansa yana abin da bai dace ba, anya kuwa Alhaji ya san abin da yake yi kuwa? Yara duk babu kamun kai ba nutsuwa musamman ma ita Fadilar da kowa ma a hanci take kallonsa kuma Daddy na gani ba zai ce komai ba akai..

"Maigadi lafiya dai ko? Maigadi ya juyo sautin muryar Daddy ya daki dodon kunnen shi hakan ya katse masa tunanin da yake yi.. "Alhaji dama wata mata ce da yaranta biyu a bakin ƙofa ta ce wai wajanka ta zo, ni kuma na ce mata baka sauraron irinsu in kuma saƙo ne ta kawo, amma firr matar nan ta ce ita sai ta ganka da idanunta, na koreta amma taƙi tafiya ta zau na yanzu haka tana nan bakin ƙofa..

Wani dogon tsaki Fadila taja tana shiga mota, shi kuma Daddy bai ce komai ba har ya shiga mota yabar harabar gidan...

Yana fitowa ya ga matar zau ne da yaranta biyu kamar yadda Maigadi ya faɗa masa, dogon tsaki yaja yana tsayar da motar dan yaji dame ta zo masa...

Da sauri matar ta miƙe ta kama hannun yaranta wanda basu fi shekarar 8 ba ta nufi bakin motar, durƙusawa ta yi cikin ladabi ta ce" Alhaji barka da fitowa da fatan na sameku lafiya." Sai da ya watsa mata wani banzan kallo kana ya ce" Barka dai wace ce ke dan ban ganeki ba?" "Ayya dama ba lalle ka ganeni da wuri ba, nice matar Malam Usman mai aiki a gidan nan.. Jinjina kai Alhaji ya yi tabbas ya tuna Malam Usman mai bawa fulawa ruwa da wankin kayansa, kallonta ya yi yana wani batsarwa ya ce" Yanzu ina shi Malam Usman ɗin dan tun da ya ce zaije gida ya gano iyalinsa ban sake jin labarinsa ba?"

Goge hawaye ta yi sannan ta ce" Ai Alhaji Malam ya rasu tun wata shida da suka wuce, bayan ya tafi daga nan basir ya tasan masa bai kwana ba a daren ya rasu, to kafin ya mutum ya bar mini wasiya ya ce idan rai ya yi halinsa na zo gidan da yake aiki, a bani albashinsa na rabin shekara da ba a basa ba sai na sa yaran nan a makaranta suma su yi ilimi, shi ya sa na zo Maigadin gidan ya hanani shiga sai na zau na anan..


Nan da nan Daddy ya haɗe, kauda kanshi ya yi cikin basarwa ya ce" Kinga malama babu kuɗin da yake bina da wata ya yi nake bashi albashinsa, shi ne dan a wulaƙantani a duniya har da barin wata wasiya? To bazan bayar ba matsa ki bani guri kar in take ki na taka banza Wallahi" Ya ƙarashe maganar yana tashin motar.."

"Don girman Allah Alhaji ka bani hakkin mijina, na tabbatar ba zai mini ƙarya ba yana binka kuɗin nan me ya sa za ka ce baya binka? Kaji tsoron Allah Alhaji kar son zuciya ya kaika ya baro, yanzu ko tausayin marayun nan ba zai sa ka ɗauki hakkin ubansu ka bani ba? K.. Bata ƙarasa ba taji sauka mari tas tas, a gigice ta ɗago fuskarta ta sauke idanunta akan Fadila dake tsaye a gefenta...

"Karki kuskura ki faɗawa Daddyna maganar banza, matsiyanta banza kin zo nan ki goga mana tsiya ko me? To ku wuce ki bar mana ƙofar gida idan na sake ganin ƙafarki a wannan Unguwar sai na sa an miki ɓalɓalle..

Jinjina kai matar take sai kuma ta kama ɗiyanta da suke kuka ganin hawaye a idanun mahaifiyarsu, matsawa ta yi ta kalli Fadila ta ce" Yarinya kibi duniya a sannu in zalinci kike ji Fir'auna ma ya yi nasa zamanin an shude tarihinsa bare ke, tsakanina da ku Allah ya isa bazan yafe muku ba in sha Allah sai kunga sakayyar Allah akai zalincin da ku ka yiwa mijina har ya rasa ransa" Tana gama faɗin haka ta juya ta wuce a gurin.."

"Sai dai kiga sakayya a kanki la'ananniya mun fi karfin kazafinki" Cewar Fadila tana komawa cikin mota...


Auta bayan sun taso daga karanta a inda take haɗuwa da Amra tasa direba ya tsaya ta nufi gurin tana ta dubawa amma bata ganta ba, ta jima tana jira amma shuru hakan ya sa ta haƙura da nufin gobe in Allah ya yarda za ta zo mata da kayan sakawa...

Suna isa gida bayan ta cire kayanta ta yi wanka sannan ta sauko ƙasa, Kande ta samu tana jera kayan abinci akan darning table, murmishi Kande ta sakar mata ta ce" A a Auta yaushe ki ka dawo?" Itama murmishin ta mayar mata sannan ta zau na akan kujera kana ta ce" Yanzu na dawo wanka kawai na yi yunwa ta fito dani." Abincin ta zuba mata ta koma ciki ita kuma ta zuba tagumi ta lula duniyar tunani.

"Kai Auta wai har ki ka cinye abincin kenan?" Kande ta faɗa tana waro idanu ganin kwanon gaban Auta ba komai..

Da sauri Auta ta kalli kwanon gabanta, miƙewa ta yi tsaye tana kallon Kande cike da al'ajabi ta nuna kwanon da hannu ta ce" Wallahi banci komai ba a tafiyarki ni tunanin Ƙawata Amra nake ma, waye ya cinye mini abincin kenan?" Itama Kande da al'ajabi take kallon Auta ,a ranta tana cewa in ba Autar ta cinye ba to wa zaici abincin bayan ita kaɗai ce palon? "To nima dai ban sani ba kawai ki zuba wani kici tun da yunwa kike ji..

A sanyaye ta zau na tare da janye kwanon ta janyo wani ta zuba shinkafa da wake da miya, bismillah ta yi kana ta soma cin abincin cikin sauri saboda abin da ya faru na ya girgiza mata zuciya.. Tana gamawa ta miƙe har ta nufi ɗakinta sai ta tuna Teddynta fa a motar Sudas da ya kaita school, saba baki ta yi kamar za ta yi kuka ta ce" Allah sarki Baby bari Yaya Sudas ya dawo zan ɗauko ki a motarsa." Wucewa ta yi ta shige ɗakinta...

Sudas na dawowa ya tafo da ƴar Teddyn Auta cikin palo, ko da yazo bai aje ta ba ya wuce ɗakin shi da ita ya jefa ta kan gado ya shiga wanka..

Yana buɗe ƙofar toilet zai fito yaja baya turus ya tsaya, sake da baki yake kallon kayan sakawar shi yashe a tsakar ɗakin an yi ɗaiɗai da su, ƙarasa fitowa ya yi ya sunkuya ya tattara kayan ya cusa a drower ɗin, ƙananan kaya ya saka singleti da gajeran wando iya gwiwa ya fito zuwa palo..

Bai samu kowa ba ya zuba abinci ya ci yana ci yana sauraron wata sabuwar wakar turanci data fito..

Sauban ne ya shigo gidan kamar yadda ya saba yana fito tare da takun rawa yana wani lallankwasa jiki, sai waka yake rerawa da bakin shi yana rawar har ya iso gurin Sudas da shima tashi wakar yake ji..

"Mazajeeee" Cewar Sudas ya bashi hannu suka tafa kana ya zau na...

Kasan yau kuwa na haɗu da wata baby mai shegen kyau, nifa ina jin aurenta zan yi dan taƙi bani haɗin kai" Sudas ya faɗa yana shafa ƙirjin shi..

Dariya Sauban ya yi sannan ya ce" Kai wai da gaske aure za ka yi? To ina ku ka haɗu da yarinyar?" "Ƙawar Auta ce sunanta Amra duk da ƴar talakawa ce amma fa yarinyar in ta ƙara girma za ayi babbar mace..

"Tsuww Wallahi ka bani kunya yanzu Ƙawar Autar ce za ka wani ce kana so?.

"Kaga Malam ni naga abin da na gani na ce ina so dan haka ka zuba ido ka gani zan aureta, so nake Mommy ta dawo na faɗa mata dama ta ce ta gaji da za ma damu a haka..

Shi kam Sauban bai ɗauki maganar Sudas da muhimmancin ba ya ci abincin shi ya wuce ɗakinsa...

Da dare kasancewar Daddy bai dawo ba ba wanda ya zau na yin hira suna gama cin abinci kowa ya shiga ɗakinsa..

Sudas na kwance iyapis na manne a kunnen shi yana kallon wani vidéo da budurwar shi ta turo masa, itace ta turo kanta ta yiwa kanta vidéo ba kaya a jikinta tana masa kalamai tana ce masa duk abin da yake so indai tana da shi za ta mallaka masa shi..

Da sauri ya miƙe ya gyara kwanciya ya danna mata kira vidéo call ya haska wutar ɗakin, tana ɗaga kiran ya zau na.

"Hey Sweetheart da gaske kike maganar da ki ka faɗa mini a video nan?" Ya faɗa yana ƙura mata idanu...

"Sosai ma mai kake so daga gareni ni kuma zan baka shi" Cewar budurwar ta shi..

Wani shu'umin murmushi ya saki sannan a ranshi yana cewa lalle za aje dake kema, a fili ko ya ce" Yawwa yanzu ki mini kamar yadda ki ka mini vidéo nan, in ki ka mini haka to zan tabbatar kina mugun sona kuma za ki iya komai a kaina."

Jikinta na rawa ba muso ba tunanin komai ta kwabe kayan jikinta ta dawo tsirara ta zau na tana hasko masa duk wani albarkatun jikinta yana gani, shi kuma sai cewa yake" Yes Baby ashe kina sona love you so nake ki hasko mini kanki gaba ɗaya na ganki, zan iya komai domin ke.."

Ta ɗaga baki za ta yi magana dif wayar ta ɗauke..

Oh my god shiii! Ya faɗa yana wullar da wayar gefe ya janyo ɗayar wayar ya shiga ƙoƙarin kunnata, kin kawowa ta yi ya aje ta a gefe..

Wutar ɗakin ce ta ɗauke, tsaki yaja yana cewa" Ai kaji matsala kana cikin jin daɗinka amma sai a ɗauke wuta..

Wutar aka maido sai yaga gilmawar wani ɓakin abu ya wuce da sauri, a zabure ya kalli gurin yaga wayam, shafa bayan shi yaji anyi ya juyo nan ma yaga ba kowa. Tuni tsoro ya mamaye Sudas jikin shi ya ɗauki rawa ya yi saurin rufa da fargo zai kwanta aka yi sama dashi shuu.

Kwalalo idanu ya yi cikin firgici da tashin hankali ya soma zunduma ihu ganin yadda ake royal da shi a saman ɗaki..

Waiyo Allah! Ya faɗa da ƙarfi aka sakoshi ƙasa tim, kanshi ya buga a jikin gado ya kuma zunduma wani ihun yana ƙoƙarin tashi, yana buɗe idanun shi ya yi arba da wata ƙatuwar Teddy mai kai biyu idanunta baƙaƙe manya-manya ta nufo shi gadan-gadan..

Waiyo! F.....





_*Taku har kullum Maman Nusaiba ce*_
[27/11, 22:36] Maman Nusaiba: _*🧟‍♀️ALJANAR GIDANMU 🧟‍♀️*_




Daga Alƙalamin

_Sarat Alƙasum (Maman Nusaiba)_


_🔔📚JARUMAI WRITER'S ASSOCIATION 📚_


*Ga masu son Littafin Abba ne complete N500 ne su tuntubeni ta WhatsApp number ta gata nan a ƙasa👇🏻*


_Masu buƙatar a tallata musu hajarsu cikin farashi mai sauƙi su nemeni ta WhatsApp number na_

_WhatsApp number +966599791573_

*بسم الله الرحمن الرحيم*


0️⃣4️⃣


"Waiyo! Fatalwa mai na miki ki yi mini rai Mama fatalwa karki kasheni, Wallahi ban gaji da rayuwa ba ina da sauran burukan da ban cika ba ki taimaka" Ya faɗa yana sakin futsari haɗe da tusa. Tuni jikin shi ya jiƙe sharkaf da zufa haɗe da futsarin da ya yi.. Wani irin dariya aka kwasa wadda ta karaɗe ɗakin ba ki ɗaya, ɗakin aka shiga girgizawa kamar zai kife cikin ƙasa. Sake yin sama aka yi dashi zuwa saman silin ɗakin ana yin juyi dashi a samar, ƴar Teddyn nan ta ƙara nufo kan Sudas da ya ƙame a sama tamkar gunki yana zaro idanu, tana isowa ta miƙa hannayenta wanda suke ɗauke da zaƙo-zaƙon faracuna masu karfi, ƙafar shi ta kama tana dariya mai firgitarwa ta yo ƙasa da shi ji kake tim ta sakoshi kan gado..

Ihu Sudas ya kuma zundumawa yana ƙudundunewa cikin bargo, ji ya yi an kai masa rungume ana shafa kan shi