You Cannot Download this book untill you login but you can read it .

---

Login Register

sai ma daga baya ta gane yana da mata har da ƴaƴa biyu, amma hakan be ɗaga mata hankali ba, a ganin ta idan yana son ta zata iya auren sa, tunda duk wani ɗabi'u na kirki shi yake nuna mata, sai dai lokaci na ta ja babu wannan kalman a bakin Doc. Sa'id, ga shi har yanzu saura sati biyu auren ƴan gidan.

        Kamar yanda suka saba meeting ranan Lahadi, haka wannan Lahadin aka tara su, Ɗahira aka soma tambaya, amma tace musu "bata da wanda take so" maganar ya girgiza su

Kaka yace, "kina nufin wannan Doctorn har yanzu be yi miki ba?"

Kallon Kaka tayi tace, "Kaka ai ba soyayya muke yi da shi ba, it's just Friendship".

"Uwata dama ai ta hakan ne soyayya take ƙulluwa, ke dai kawai ki sanar mana idan da akwai wani abu a tsakanin ku, kar ki zauna ki ce zaki ja mishi aji kinji ko?"

Gyaɗa kanta tayi kafin kuma tace, "amma Abba wlh be taɓa cewa yana so na ba, kuma ma yana da iyalan sa".

Shiru suka yi duk kan su, kafin kuma Kaka ya sake Tambayan Usman da cewa, "to kai kuma Fodio aina taka take?"

"Nima Kaka har yanzu ban samu wacce nake so ba".

"Kana nufin har yanzu maganar da muka yi maka baka ɗauke ta da muhimmanci ba?" Big Dady ya faɗa yana kallon sa

Shiru Usman yayi kansa a ƙasa

Nan Dady ya dinga faɗa kamar zai ari baki, kuma ya ce "dole sai yayi aure da ƴan uwan sa, idan be samo matan ba shi yana da hanyar da zai samo masa"

Kaka ne ya tsayar da shi da faɗin, "ƙyale shi Noor, duk hakan be ta so ba, yanzu dai aci gaba da hidiman biki kar a fasa, su kuma Allah ya kawo musu na gari, lokacin su ne be yi ba babu yanda zamu yi da su".

Daga haka ba'a sake yin wata maganar ba, aka sallami kowa.

     Inda daga ranan gadan-gadan aka ci gaba da hidimomin biki, ko wanne fanni suna nasu, tunda kowa a cikin su zai aurar, illa Aunty Amarya ce kaɗai da babu ita, amma kuma komi da ita ake yi ana Fadila, duk ita take shirin komi, sai ƴan uwan Umman dake nasu, duk da suna yaɓa mata maganganu amma ko bi ta kansa ba ta yi, abinda yafi ɗaga mata hankali yanda gidan duk ya cika da mutane, babu hiran da suke yi sai na Ɗahira, wai "har yanzu bata da mashinshini, tayi kwantai, maza ma tsoron zuwa wajen ta suke yi, bare su furta mata suna son ta." Kowa ba ya lura ba ita kaɗai bace a gidan da baza ayi auren ta ba, har da Usman, shi da yake ma babban su amma yaƙi auren, amma ita kaɗai ake gani

Sanda Ɗahira ta soma jin ƙananun maganganun nan bata wani damu ba, sai dai yanda ƴan uwa suke taran ta da maganar, har wasu suna mata Shaƙiyanci suna yaɓa mata magana, sai abin ya soma damun ta, amma babu yanda zata yi haka take barin abun a ranta, duk da ita bata cika iya ɓoye damuwa a ranta ba, ko ya ya ne idan har tana da damuwa sai ka gane..



        Gida fa ya sake cika maƙil inda har an soma events, duk da ba kowa bane ke wajen, wasu sun tafi can Katsina, Hajiya Laila ma can ta tafi, sai su Firdausi da sauran ƴaƴan ta masu aure da suka zo nan, Aunty Zainab ma da ita da Aunty Amarya, ana gobe suka wuce can a bisa umarnin Kaka, tunda ba za'a bar Hajiya Ikram ita kaɗai tana biki babu ƴan uwa ba, kowa ya zo nan ya shantake, wasu ma zuwa gobe ranan bikin za su wuce idan za'a kai Fadila can, sai su kwana biyu wasu kuma su yi kwana ɗaya.

       Tun ana kwana biyu Sa'adatu ta koma Legos, sai ranan bikin za a kawo ta.







⚫⚫⚫⚫⚫⚫⚫⚫⚫⚫

         Dafa ta Fadila tayi, hakan yasa tayi firgigit tana kallon ta

"What are you thinking sister, I'm talking to you are you quiet?"

Murmushin yaƙe Ɗahira tayi, sai ta gyaɗa kanta tana son mayar da hawayen dake cikin idanun ta tace, "nothing".

Cike da tausayin ta Fadila tace, "don Allah ki dena saka damuwa a kan maganganun su Inna, ko ma su waye ne zasu yi miki gori don Allah ki dena saka damuwa kinji, ke baki ga yanda kika faɗa bane? Ana bikin mu amma gaba ɗaya kin tsame kanki a cikin mu".

Shiru Ɗahira tayi, don bata san me zata ce mata ba

Sai itama Fadilan tayi shiru, sai dai bata tashi a wajen ba. Tsawon lokaci suna a haka kafin Fadilan ta kalle ta tace, "Sister, there is something I want to tell you, akwai maganar da naji wajen Hajja da Shakira, shiyasa naga dacewan in faɗa miki".





.




_What do you think Fadila will tell her? 🤔_

_mu je zuwa yanzu aka soma._
[10/09, 8:48 pm] OumƊahira نفيسة: 💎💎💎💎💎💎💎💎💎💎
              *FAMILY DOCTOR'S*
                         🩺
💎💎💎💎💎💎💎💎💎💎

🌱🌱🌱🌱🌱🌱🌱
   *NAFEESAT RETURN*
🌱🌱🌱🌱🌱🌱🌱

*MALLAKAR:*
                 _NAFISAT ISMA'IL LAWAL_



*بسم الله الرحمن الرحيم*





*SADAUKARWA*
_Na sadaukar ga Family na gaba ɗaya. *GOMA'S FAMILY*_

.

        *EPISODE 29 & 30*

         Idanu Ɗahira ta zuba mata tana jiran taji me zata faɗa

Fadila tace, "na lura a gidan nan Hajja ba ta ƙaunar ki, kuma ba ita kaɗai ba har ta da Shakira, domin tasha sanar dani abu game dake domin ta haɗa mu faɗa, ban taɓa biye mata ba, sabida narigada nasan abinda ke cikin ranta. A kwanaki biyu da suka wuce na ji su suna zancen ki, maganar rashin samun tsayayye ne da baki dashi, suna faɗin hakan yayi musu daɗi, har suna cewa Allah yasa ma ki dauwama a haka baza ki taɓa aure ba, sannan Hajja take cewa koda ma kin samu, ita tayi alƙawari baza ta taɓa barin ki ki zauna da mijin ki lafiya ba, duk yanda za'a yi sai tayi don raba ki da Mijin, sai ta mayar dake ƙaramar bazawara idan kin yi aure, idan kuma baki yi ba, zata bi duk hanyan da taga zata iya wajen hana ki aure".

Tun soma maganar nata Ɗahira take tsiyayar hawaye, sosai zuciyar ta ke suya da zancen nan, "wai dama tsanar da Hajja take mata har ya kai haka ne?"

Bata san cewa a fili tayi tambayar ba, sai jin muryan Fadila tayi tana cewa, "yafi haka ma, baza ki san haka ba sai nan gaba kaɗan idan kin san wani sirrin. Sister Ni abinda nake roƙon ki dashi har na sanar miki da zancen nan, saboda ki san maƙiyan ki ne, ki san yanda zaki zauna da su, sannan ki san hanyar da zaki ɓullo wa al'amarin, ki riƙe addu'a domin baki san ta ina za su biyo miki ba, don Allah ina sake roƙon ki, duk wanda zaki aura Sister, ki kasance me mishi biyayya, ki zauna da mijin ki lafiya ko don ki ba ma Maƙiya kunya, Ni ƙanwar ki ce, but I beg you by God, ki tuna magana ta ko bayan ba na nan".

Sosai a wannan lokacin Ɗahira take hawaye, har da shashsheƙan kuka

Itama Fadila tuni nata hawayen sun zubo, cikin rawan murya tace, ""I miss you Sister, please .. please ki nemi kariyan Allah domin ki guje wa afkuwar wani abu, ba na son wani abu ya same ki ta silan maƙiya.."

"Keee Fadila meye haka? Me kuke yi haka? Kukan meye?" Ƙanwar Umma da suke kiran ta Inna Sailuba take faɗar hakan, shigowar da tayi

A tare suka bi ta da kallo, sai dai babu wanda ya tanka mata, illa ƙoƙarin share hawayen da suke yi

Tsaki taja tana bin su da kallo itama tace, "tashi dalla kin zauna ta saka ki gaba tana kukan muna-furci, idan ba ta son rabuwa dake ne itama tayi auren mana, in ba hassada kuma take miki ba. Ki tashi nace ga Naja'atu can ta dawo ku je gidan me lallin".

Kamar yanda basu ce mata komi ba ɗazu ɗin, haka yanzu ma babu wanda ya tanka mata, sai dai Fadila ta miƙe tsaye ta wuce zuwa waje. Itama Inna Sailuba ɗin sai bin bayan ta tayi tana sababi har da kumfan baki, "wai Fadila ta raina ta, tana faɗa mata gaskiya amma Ɗahira ta fi ta a wajen ta". Duk da kuwa tasan cewa halin Fadilan ce ƙyaliya da Miskilanci. Kankace me sauran jama'an da ke zaune a Parlour sun amshe zancen, nan suka soma aibata Ɗahira da ita da uwar ta tunda sun san ba ta nan, suna me zagin su da yin musu gori akan Ɗahiran.

      Lumshe idanu Ɗahira tayi tana me sake jin zafi sosai a ranta, sosai take kukan zuci babu me rarrashin ta. Ganin baƙin cikin su zai iya kashe ta, sabida ita bata saba jure irin waɗannan ƙananun maganganun ba, sosai suke damun ta a zuciya, sai damuwar kuma ya haifar mata da ciwo, shiyasa ta tashi tafito ta nufi cikin gidan, kasancewar yamma ta soma shiyasa babu wasu mutane sosai a waje, ta inda tasan ma baza ta same su ɗin ba ta nan tabi ta wuce sashin Hajja

Akwai mutane sosai a parlour'n suna zazzaune suna aiki, kasancewar parlour'n akwai duhun magriba har ta wuce ɗakin Baffa babu wanda ya kula da ita, bare ma a shaida ta, bare kuma gidan biki kowa sha'anin gaban sa yake yi.

      Keey ta saka ta buɗe ƙofan bayan ta taɓa taji a rufe yake, ta tura ta shiga sannan ta mayar ta rufe, Direct Kan gadon sa ta nufa ta faɗa ta soma rusa kuka, kawai so take yi ta fitar da duk wani ƙuncin da ke damun ta, domin kuwa muddin bata fitar ba, dole ne tayi ciwo. Sosai tayi kukan babu me rarrashin ta, sai da ta gama ta miƙe zaune ta buga tagumi tana me ci gaba da tunanin zuci

"Ita bata ga makusa a jikin ta ba, duk inda mace me ji da class, me ji da kyawu da tsafta, gami da ilmi ta kai, to meyasa har yanzu ta rasa masoya? Meyasaka har yanzu ta rasa wanda zai ce mata zai aure ta? Ta san tana da farin jinin jama'a, kama daga mazan har matan, babu wanda ba ta harka da su, amma kuma babu wanda ya taɓa buɗe baki yace mata ya zo gare ta ne don soyayya, wanda kuma zai kai su ga aure, sai dai su zo a matsayin tana burge su, tunda tana burge su why baza su sanar mata suna ƙaunar ta ba? Ko kuma dama tana da makusa ne wanda be dace ta samu mijin aure ba?"

Runtse idanuwan ta tayi hawaye na sake silalo mata, cikin muryan ta da ya dishe sosai sabida kukan da tasha tace, "Allah gani gare ka, kai kace a roƙe ka zaka amsa, har yanzu bazan gajiya ba, kuma na san cewa kana ji na. Allah ka zaɓa min abinda yafi alkhairi a rayuwa ta, idan har auren nan ne alkhairi a gare Ni, ya Allah ka zaɓa min miji na gari, idan kuma babu alkhairi a tare da Ni, ya Allah zan rayu ina me gode maka, saboda haka ka tsara min rayuwa ta. Zaɓin ka kaɗai nake nema ya Allah, a duk sanda kaso ikon ka a kaina, a lokacin Ni kuma zan amsa ina me godiya a gare ka ya Allah, Allah na tuba ka yafe min". Ta ƙare maganar tana sakin wani sabon kukan

Ta jima tana yi kafin ta tsakaita tana me miƙe wa, sai hannun ta ya bigi drowan gadon wani abu ya faɗo, kasancewar ɗakin da duhu sai ta saka hannu zata laluba, hakan yasa ta kama wayan da tayar hannun ta na latsa wa a rashin sani, take a nan hasken ta ta kawo

Ƴar ƙaramar waya ce Nokia, wayan tabi da kallo, kamar ta ajiye sai kuma zuciyar ta ta bata umarnin latsa wa, take a nan ta danna ta ta cire ta a keey, nan ya bayyana wajen Text message, kasancewar daga wajen ne ba'a fita ba ta shiga keey

Rawa jikin ta ya soma saboda ganin text ɗin da ake turo mata, take ta koma ta zauna tana ci gaba da karanta wa, tabbas gaba ɗaya text ɗin da ake turo mata ne anan

"Innalillahi wa'inna ilaihi raji'un... Kar dai ace Ya Baffa shi ne Masoyin ta na ɓoye?" Tayi maganar a fili tana ɗaura hannun ta ɗaya dake rawa a baki

"Ya Allah..." Ta sake faɗa tana kai idanun ta dake tsiyayar da hawaye kan wayan, ci gaba da karanta text ɗin tayi, sai kuma ta koma ta shiga ta duba Numban, take a nan taga Numban nata ne

Lumshe idanu tayi tana jin wani irin raɗaɗi a ranta, babu abinda ya faɗo mata a rai sai text ɗin sa na ƙarshe

"Hajja..!" Ta furta a laɓɓan ta tana me buɗe idanun ta

"Why Hajja? Me nayi miki? Dama ke ce kika hana Ni aure a wannan gaɓar? Ke kika raba ni da Masoyi na na haƙiƙa? Me nayi miki da zafi haka?".

Miyau ta haɗiye sabida jin wuyan ta ya cinƙushe da tuƙuƙin baƙin ciki, cikin kuka tace, "Ya Baffa meyasa ka kasa bayyana min kanka a matsayin wanda kake so na? Meyasaka ka zaɓi ɓoye min kan ka? Ashe dama da kai ne nake soyayya ban sani ba? Tabbas da baka ɓoye min kan ka ba, da duk haka be faru ba, ga shi Hajja taci galaban raba mu. Meyasa?.." ta kasa ƙarisa maganar dole tayi shiru

Tun soma maganar nata Baffa ya buɗe ƙofan ya shigo, yana tsaye bakin ƙofan yana jin komi, cikin tsananin ƙaunar ta tare da zallan tausayin ta yace, "Ƙaddara ce Ɗahira".

Saurin ɗago idanuwan ta tayi tana bin sa da kallo, duk da kuwa bata ganin sa sosai, amma hakan be sa ta kawar da idanun ta a gare sa ba

Yaci gaba da faɗin, "Nima sai daga baya na gane nayi wauta, tabbas da na bayyana soyayyar ki a fili, da duk hakan be faru ba, da mutanen gida sun goya mana baya, da Hajja bata ci galaba a kan mu ba. sai dai yanzu kuma babu yanda zan yi, sabida Hajja tarigada tayi min iya ka da hakan, idan har na bari wani yaji, tsinuwar ta shi ne zai ta bibiya ta, ban san ya zan yi ba Ɗahira, amma wlh ina tsananin ƙaunar ki, ke nake so a zuciya ta, kuma har na mutu bazan taɓa dena son ki ba".

Da gudu ta tashi tana toshe bakin ta, ta zo ta wuce sa ta bar ɗakin

Shima be hana ta ba, ko motsi ma be yi ba, illa runtse idanun sa da yayi hawaye na zubo masa kan kuncin sa.



              ⚫⚫⚫

       Direct ɗakin Maman ta tawuce, ta shiga ta kulle kan ta ta hau rusa kuka babu ji babu gani, kukan da ke taɓa mata zuciya, yake ƙara mata raɗaɗin da ke cinkushe a zuciyar ta. Sosai tayi kukan wanda har ya haifar mata da ciwon kai me tsanani

Ita da kanta ta rarrashi kanta tayi shiru, sai dai duk yanda taso ta danne abun da take ji a ranta, ta kuma jure baƙin cikin dake zuciyar ta, ta kasa, gaba ɗaya rauni ne a zuciyar ta, waye zai rarrashe ta? Waye zai kwantar mata da hankali har taji sanyi a ranta? Ya faɗa mata tayi haƙuri haka ƙaddaran ta take?

Lumshe idanuwan ta tayi, hawayen dake maƙale a cikin idanun ta suka zubo saman kuncin ta, ta saka hannu ta share tana me miƙe wa zaune, kanta ta riƙe tana jan majina

"Allah Sarki Mamana, da ace kina nan ke ce zaki share min hawaye na. Meyasa ne Ni kuwa bani da Sa'a a rayuwa ta? Menene aibu na? Shin me na tare wa Hajja da ta tsane Ni har haka? Ya Allah.. ka saka min juriya domin in tsallake wannan jarabawar taka".

Miƙe wa tayi ta wuce Toilet ta ɗauro alwala ta fito, sallan magriba da isha'i ta gabatar, sannan tayi shafa'i da wutri, ta jima tana kwararo addu'a tana hawaye kafin ta shafa ta miƙe

Ta san Abbun ta ba anan zai kwana ba, sabida jama'a masu biki, kuma dama Aunty Amarya ce ke dashi, shiyasa ta kwanta a ɗakin tunda tasan ba ma zai zo Part ɗin ba.

     Daƙyar a ranan barci ɓarawo ya ɗauki Ɗahira.




⚫⚫⚫⚫⚫⚫⚫⚫⚫⚫


              Ranan Saturday 25 March 2021. Aka shaida ɗaurin auren *AL'AMEEN ABUBAKAR AL'AMEEN* tare da Amaryan sa *SA'ADATU ABDULLAHI*

*SHAKIRA ABUBAKAR AL'AMEEN* da Angon ta *SAHABI MAHMUD*

Sai *YUSRA NOOR AL'AMEEN* tare da Angon ta *SULAIMAN HABIB*

*FADILA AL'AMEEN AL'AMEEN* da Angon ta *KHABEER ALH. MUNIR.*

        Ɗaurin auren da ya tara dubban jama'a ta ko ina, sai dai mu ce Masha Allah.

        Zuwa huɗu ko wacce aka kai ta ɗakin ta bisa umarnin su Big Dady, Fadila aka wuce da ita Katsina da sauran jama'a. Yusra kuma da Shakira duk a nan Kaduna za su zauna, gidan Yusra ma ya fi kusa da gidan su, kuma duk ka su biyun za su ci gaba da aiki a Hospital ɗin su, sabida sai da aka yi yarjejeniya da mazajen nasu kuma sun amince.

      Inda Baffa zai zauna kusa da gida ne, gini ne da aka yi musu shi da Usman a gefen gidan su, ga Gate ɗin gidan su ga nasu, sai dai kuma ta ciki a kwai ƙofan da aka yi wanda zai riƙa kai su cikin gidan su, ba sai sun yi wahalan fito wa ta Gate ba, wannan duk tsarin Kaka ne, shi ya siya filin kusa da gida, sabida yafi so iyalan sa su zauna waje ɗaya, har filin Fadil da yake ƙarami akwai shi an ajiye masa, idan ya tashi aure sai ya zauna a nan ɗin

Part ɗin Baffa dana Usman suna kallon juna ne, komi iri ɗaya aka yi musu, ɗakuna uku ko wanne da Toilet a ciki, sai babban Parlour da kichen a ciki da kuma wani Toilet, sannan idan ka fito waje ko wanne yana da faranda a ƙofan ɗakin, komi dai masha Allah, domin ba kaɗan ba an kashe kuɗi a ginin nan, su Big Dady duk suka yi musu komi babu ko ƙwandalan su, kayan ciki kuma suka bar musu su yi da kan su

To Part ɗin Baffa dai ya tsaru sosai, domin zance kuɗi yayi kuka a nan, iyayen Sa'adatu sun kashe mata kuɗi sosai, don ganin sun fito da ɗiyar su, itama zuwa dare aka kawo ta, can babban gidan aka fara kai ta, sai da aka kai ta wajen Kaka yasa mata albarka, sannan su Big Dady suka haɗa su da Baffa suka yi musu nasiha sosai. Daga nan kuma suka wuce wajen Hajja, inda itama tayi wa Baffa faɗa da nasiha sosai, akan "ya riƙe ta da amana, kar taji kar ta gani wajen ya muzguna mata, domin ita ɗin ƴar uwan sa ce, idan kuma aka ce ta kawo ƙarar sa, to wlh sai ta ɓata masa rai".

Shi dai be ce komi ba, har ta ƙarashe faɗan ta ta sallame su, suka nufo gidan su.

Sai mu ce Allah ya ba da zaman lafiya Amare.



⚫⚫⚫⚫⚫⚫⚫⚫⚫⚫⚫

            Ɗahira dai taci bikin nan ne ba a daɗin rai ba, domin kuwa fama take yi da matsanancin zazzaɓi me zafi, kowa be san halin da take ciki ba, ko Kaka da take zuwan mishi hira, ƙin zuwa tayi bare ya san me ke faruwa da ita, shima be neme ta ba tunda ya san sha'anin biki ne

Fadila ita ke matsa mata tasha magani, domin sosai take bata tausayi, ita duk a ganin ta tana damuwa ne saboda rashin auren ta, bata san cewa Ɗahira ta kasa jure rabuwan da suka yi ne da Baffa ba, har yanzu abun na cin mata rai, shiyasa dole ciwo ya kamata.

           A haka Aunty Amarya ta dawo ta tarar da ita babu lafiya, hankalin ta yayi matuƙar tashi, duba da yanda ta dawo ta ganta gaba ɗaya ta rame a ɗan kwana biyu kacal da ba ta nan, babu wanda ya duba lafiyan ta, har kuka sai da Aunty Amarya tayi, nan ta kira Abbun su take sanar mishi

Shima hankalin sa ya tashi sosai, tare da ɓacin rai da ya nuna a kan Umma, tunda ai ita ce take zaune da su, amma ta kasa kula da ita, ga shi gida ya hargitse da ƴan biki, shi kansa ba kwana a Part ɗin yake yi ba, kuma ko da yana son ganin yaran sa, yawan jama'a bazai bar sa ganin su ba, shi duk a tunanin sa da ita ake bikin

Dole aka ɗaura mata drip, sabida sosai take jin jiki, duk hankalin su Kaka ya tashi matuƙa, irin su Hajja Fatu kuwa murna fal ciki, domin duk a ganin su baƙin cikin rashin auren ta ne ya saka mata damuwa

Su ma su Kaka abinda suke tunani kenan, shiyasa tayi matuƙar ba su tausayi, a ranan Kaka ya zauna da ƴaƴan sa meeting, inda suka yanke shawaran kawai za su haɗa auren Ɗahira da Usman, tunda dai baza su zuba musu idanu suna kallon su sun ƙi aure ba, sai dai babu wanda ya tayar da zancen, sun bari sai nan da kwana biyu, lokacin an gama huta wa da bikin nan da suka yi.

      Itama Ɗahiran sosai take samun lafiya, tunda ana kula da ita sosai

Baffa dai sau biyu yana zuwa gaishe ta, yanda Ɗahiran ta nuna masa ne, yasa shi jin daɗi, domin ko kaɗan bata sauya masa daga yanda suke da ba, gaba ɗaya ta nuna masa tamkar wani abu be faru tsakanin su ba, duk da a zuciyarta tana jin ƙaunar sa. Hakan sai ya mishi daɗi sosai, shima sai ya saki jikin sa yana jan ta da hiran da suka saba

A ranan na ukun ne da zai zo, suka taho da Sa'adatu don ta duba ta, amma daƙyar ta taho, don sai da suka yi faɗa da Baffa ɗin, da cewa tayi, "ba ta zuwa" amma da ya nuna mata ɓacin ran sa, dole ta biyo sa

Suna zuwa tayi mata ya jiki ta miƙe zata tafi, sai ta ga Baffa ma gyara zaman sa yake yi be da ninyan tafiya, ta kalle sa tace, "a'a ya haka kuma? Kai da za mu tafi kuma kake shirin zama?"

Kallon ta yayi, sai ya harare ta, sabida akwai Aunty Amarya a wajen, dayake suna zaune a Parlour ne har Ɗahiran. Kawar da kansa yayi ya soma jan Ɗahira da hira

Sai ta ja dogon tsaki tana faɗin, "Da kai fa nake yi ka zauna ina magana?"

A fusace Baffa ya kalle ta yace, "Ni sa'an wasan ki ne wai Sa'adatu? Ni ne zaki tasa a gaba sai ka ce ɗan ki?"

Murguɗa baki tayi ta hau jijjiga jiki, sai dai bata iya cewa komi ba sabida ganin yanda ya taso mata a fusace

Aunty Amarya ce tace dashi, "ya isa haka Miji na, tashi ka tafi tunda baka san me take buƙata ba, ka je kaji ka dawo anjima".

"But wlh Aunty Amarya this girl..."

"ya isa tashi ka je kaji?" Ta katse sa da faɗan haka cikin lallami

Miƙe wa yayi yana kallon Ɗahira da ta kawar da kanta yace, "Sweet sister I'm leaving, I will be back soon, we have something to talk about, Allah ya ƙara lafiya kinji?"

Gyaɗa masa kai tayi, a wannan karon tana kallon sa tayi masa murmushi tace, "to Yaya na, na gode".

Fuuuu Sa'adatu ta wuce ta bar parlour'n

Shima bin bayan ta yayi bayan ya sake yin ma Aunty Amarya sallama

Aunty Amarya ci gaba tayi da ɓare lemon dake hannun ta, a ranta sosai take mamakin abinda yasa Sa'adatu take kishi da Ɗahira, domin tuni ta gane abinda ke zuciyar ta, sai dai kuma bata san cewa da Baffa Ɗahiran tayi soyayya ba

Ɗahira kuwa gyara wa tayi ta kwanta kan two sittern da take kai, tana lumshe idanu tare da faɗa wa duniyar tunani, ita ko kaɗan abubuwan da Sa'adatu take yi ba ya damun ta, amma duk idan ta tuna da yanzu ita ce a makwafin Sa'adatu ɗakin Baffa, abun na mata zafi