You Cannot Download this book untill you login but you can read it .

---

Login Register

tafi ban samu ba sai yanzu kwatsam na gano ashe kai ne shiyasa ban yi ƙasa da gwiwa ba mu ka tafi"William yace "ni kuma?to ni mi zan iya yi?"Oga Danee ya miƙe tsaye ya na gyara maɓallan rigar shi yace "in lokaci yayi za ka sani,am abinda da dai ni ke so da kai ka riƙe sirri"William na shirin magana sai ga abokan aikin su sun dawo jiki jina-jina.A firgice Oga Danee ke kallon su kafin yace "ya haka?ina kuɗin su ke da sauran mutanen?" "An kama su har sai da mu ka ɗauko kuɗin ashe an yi masu mugun tsaro ta yadda mu na taɓawa jiniya za tayi ƙara"a hasale William yace "aikin banza tirrr duk yawan ku aka rasa wanda zai iya ƙwace kuɗin?Oga Danee shiyasa na so in tafi mtws"ya ida maganar ya na jan tsuki tare da ɗauko gorar ruwa ya sha.
Oga Danee ya nufe shi ya na lalaɓa shi dan kaf cikin yaran shi ya fi son William saboda ƙwazon shi da iya aiki,hannu William ya ɗaga tare da ficewa ya bar gidan gaba ɗaya.Oga Danee ya rufe su da masifa "da kuka ga an kama ƴan uwan ku miyasa ba ku ceto su ba yanzu ga shi za ku ɓallo min ruwa,babban baƙin ciki kuma William ya tafi cikin fushi bari na aika mashi text".


Tsakar gado ya hangota ta game kai da gwiwa ta na kuka,ta na jin motsin buɗe ƙofa ta taso a guje ta na shirin faɗawa jikin shi ta tsaya cak sakamakon sabuwar fuskar da ta gani.Ja da baya ta fara yi har tayi nasarar shigewa toilet cike da mamaki ya fara kiran sunanta amman ta ƙi buɗewa,ya gota ya hango abinda ta ke ma gudu a zuci yace "wato fuskata ta biyu ta ke yiwa gudu"ya faɗa ya na mai kwale fatar a sannu har ya cire ya fito William ɗin shi sak.Wayar shi ya duba ya ga saƙon Oga Danee akan ya je ya sheƙe mutanen su da aka kama kafin a kaisu kotu,lekowa Siya tayi sai ta ga William zaune bakin bed.Fitowa tayi kamar mai koyon tafiya a shagwaɓe ta faɗa jikin shi "minene baby?"da hannu tayi mashi tambaya "who are you ?"tashi yayi ya ɗauko wani albums wanda ake da hotuna.
Ya buɗe hoton wani African man ya bayyana gefen shi kuma wata baturiya ce, William yace "wannan shine babana sunan shi Ahmad wannan kuma Maman ce , Baba ya kasance asalin ɗan Mali ne yayinda Maman kuma ƴar France ce.Sun yi auren soyayya inda suke a France zaune tunda na mahaifina ya ke aiki, kasancewar Maman a gidan marayu ta taso shiyasa ba'a wani samu matsala wajen auren su ba"hoton Siya ta shafa ta na murmurshi ta na son tambayar ta shi ina Baba ya ke amman ta kasa.Wani hoton ya sake buɗowa inda shi kuma ɗan matashin saurayina da ba zai wuce 20years mai kama sak da Baba sai dai shi baƙin shi mai sarkaye da fari hakan ya sa fatar shi bada wani kala na musamman,ganin William ya kasa cewa komi sai ma hoton da ya ke shafa ya sa ta ɗan zungure shi.Ya sakar mata murmurshi yace "wannan kuma Dawood kenan,Yayana ne ya na can India wajen karatun SIDDABARU (Muntasir Shehu)tun ina ɗan shekara shidda ya tafi bai sake dawowa ba wannan hoton ma malamin su ya bani shi lokacin da na tafi kai mashi ziyara"ya ida maganar hawaye na zubo mashi a ido.......
*ƊAN DABA*
```love
and
romantic story

``` _MRS SADAUKI_ 💫

*Dedicated* to My Babbar Yaya Nafissa Laouali Rabo🥰

☀️ *FIRST CLASS WRITERS ASSOCIATIONS*☀️

____________________
BISMILLAHI RAHAMANI RAHEEM

Page 11-12


Su na shiga falon ya cillata saman gujera cike da masifa yace "uwar miye za ki yi da tsintsiya na ga kin nufi toilet?aikin mata ne balle kiyi kawai neman magana koko mi?"cewar Dawood ya na mai hararta cikin shagwaɓar da ita kanta ba ta san yaushe ta koyeta ba tace "ba wannan ba ne yace na wanke toilet bayan ya sa na wanke kayan maza masu warin giya"waro ido yayi yace "warin giya?ke a ina kika taɓa jin warinta har kika gane ta?am ba ma wannan ba miyasa da yace kiyi wankin kika yi"ta bashi amsa "ni tsoron shi ni ke"ya tako inda ta ke tare da zama gefenta yace "au kenan ni ne kika raina"ya faɗa ya na mai jan hannuwanta baya ya banƙare su ƙara ta saki ta shiga bashi haƙuri "Allah kai ma ina tsoron ka please ka sake min hannu kar ya cire daga yau ban sakewa" saketa yayi ya na mai dangwale mata goshi da yatsa yace "in ki na so ma ki sake ki ga yadda zan hukunta ki da wasu ido nata kamar ƙyaya"ta turo baki ta na gunguni ya cabke duka laɓan nata biyu ya shiga basu hot sumba mai game da ƙeta dan har ciciza su ya ke.
Gemun shi ta ja da ɗan ƙarfi ta yadda zai ji zafi da sauri ya saketa,ta miƙe za ta gudu ya taɗeta da ƙafa ta yo baya za ta faɗi ya caɓeta tare da yi mata masauki tsakiyar ƙafafun shi.Kan shi ya ɗora kan wuyanta yayinda ya manna ƙirjin shi ga bayanta ya sa baki ya ɗan ciji kunnenta ta saman hijab ya na mai yi mata ƙawanya da hannuwan shi yace "daga ina kike jiya cikin wannan tsohon daren ki na mace?"kamar ba za ta tanka ba tace "neman Siya na fito""wacece Siya?"yadda abun ya kasance ta bashi labari tun ɗauketa har izuwa Korar ta da Mami tayi.Dawood yace "amman wannan akwai rashin imani yanzu mi Makauniyar Allah ta yi ma shi ya ɗauke ta?"cike da mamaki Leemat ta ɗan juyo ta kalle shi sai ya ɗaga mata gira yace "ba ɗaya ba ne ai ke kina gani ita kuma fah?am ba ma wannan ba ita Mami miyasa ta ce doli sai kin je neman Siya alhalin ta ga ana ruwa?"Leemat tace "saboda ba ita ta haife mu ba ne,ni dama na gane ba ƙaunar mu ta ke ba kawai ta na zaune da mu ne ba dan ta na so ba sai dan tsoron Abba"ya jinjina kai yace "to shi Abban ya na ina har ya bari ta fitar da ke daga cikin gida?"Leemat tace "ya na Moumbay can ya ke da kasuwanci ya na ɗaukar shekaru kafin ya zo Niger".
"Moumbay...Moumbay"Dawood ya shiga juya sunan sai yaji kamar ya taɓa jin shi amman ya kasa tunawa,sai yace "to wacece mahaifiyar ku?"shiru tayi kafin tace "nima ban sani ba abinda na sani kawai Mami ba ita ta haife mu saboda yadda ta ke nuna mana tsangwama dama-dama ma Siya ita ta na rangwanta mata saboda ita ce farin cikin Abban mu yace duk ranar da ta cutar da Siya akan aurenta"Dawood ya jinjina kai yace "a haka ne kuma jiya kike min kuka na mayar da ke gida dan ki na sakara tashi ki ban guri"ya faɗa ya na ɗan tureta.
Leemat tace "Ni dai dan Allah ka kai ni wajen Siya ka ga ba gani ta ke ba kar wannan azzalumin *ƊAN DABA* ya cutar min da ita"kallon shashasha yayi mata yace "toh je ki nemo su ni ai ba aljani ne ba balle na san inda suke"yayi maganar ya na miƙewa tsaye,tace "to ai ka iya tsafi sai ka tambayi aljannun ka"waro ido yayi yace"ni ne matsafin?"ta ɗan ja da baya tace "a'a ni ban ce ba"ya matso kusanta yace "kin ce mana"a zuci tace "masifafe"yace "ni ne masifafen ko?to yayi kyau yarinya za ki wuni ba ki ci komi ba kuwa"narai-narai tayi da ido tace "ayya Yayana kar ka min horon yunwa ban iya jurewa ka taimaka ma ƴar ƙanwar ka"girgiza kai kawai yayi ya fita zuwa can ya dawo shi da Arne wanda ya ɗauko tray abinci.
Bisa table ya aje ya na gaishe da Leemat ta amsa tana mai sakar mashi murmurshi ashe wannan abu ya yiwa Dawood ciwo😂wanda hakan yasa ya yiwa Arne waya wakitar tsiya wacce yasa shi fita daga ɗakin bai shirya ba.
Hararta yayi yace "miye ruwan ki da shi ne?"tace "shi fah ya gaida ni"cikin masifa yace "sai kuma aka ce kiyi mashi murmurshi?"ta girgiza kai yace "stupide girl!ɗauki abinci ga shi nan ki ci in kin gama ki zo kiyi min tausa"da "toh"ta amsa ta na mai ɗaukar jalof ɗin macaroni ta fara ci shi kuma ya na kwance daga bisa salon ya na kallonta.
Ya girgiza kai yace "acici in kin gama fah kar ki manta da abinda na ce maki zan ɗan rumtsa"ta ture plate ɗin tace "ni dai ba acici ba wannan girkin duk wacce tayi shi ba ta iya sai shegen yaji da wani mai latsatsa kai kace wani abun kirki sai kaci kaji salaf"tayi maganai ta na mai ɗaukar gorar ruwa ta sha.
Sai da ta ƙare mashi kallo tsaf ta turo baki tace "to wai ni ta ina ma zan fara ga ka da tsayi ga kuma girma"murmurshin ƙeta yayi yace "nan za ki tausa min"ya nuna mata ƙirjin shi tare da fidda riga.
Ta waro ido tace "yanzu in ba neman magana ba ina ka taɓa ganin a matsa ƙirji aikin mi kayi da har zai yi ciwo"ta faɗa tana kallon ƙirjin nashi da ya ke suluf babu gashi.Ya ɗan ware idon shi da suke lumshewa yace "kin manta jiya dakon ki nayi?kika wani ɗale min ƙirji kamar katifa to yanzu sai a ramawa kura aniyyarta,matso mana"ya ida maganar cikin ɗaga murya.Ƙarasowa tayi gaban shi ta na ɗan turo baki kafin ta danna cikin shi ya saki ƴar ƙara tayi saurin jayewa zuwa awazun shi har ta zo daidai saitin zuciyar shi da ta ke bugawa da ƙarfi,ganin idon shi na lumshe yasa ta duƙa tare da ɗora kunnenta daidai saitin zuciyar shi.
Sautin bugu ne wanda ke nuni ko mutum ya na cikin wani hali na tashin hankali ko kuma wani abu mai motsa zuciya ba tare da ka shirya zuwan shi ko tsammani ba to wajen Dawood ma haka take a duk lokacin da suka samu kusanci da Leemat ya kan ji bugun zuciyar na ƙaruwa.Ahankali ya fara ɗaga gashin idon shi har ya buɗe su bisa kyakkyawar fuskar ta mai kama da ta Fulanin asali,hura mata iska yayi hakan yasa ta buɗe ido caraf suka yi ido huɗu da shi ɗaga mata gira yayi sai ta janye kanta ta na mai cewa "dan Allah wanene kai sannan wannan abun minene aka yi ma?"ta faɗa tana mai taɓa wani zane da ke tsakiyar ƙirjin shi.
Shafar zanen yayi yace "tambarin India ne an fiya yi ma uwanda suka yi karatun siddabaru shi" "kenan kai ma kayi karatun ?"ya gyaɗa mata kai tace "to mi ya kai ka Indiya na ga kuma kai baƙar fata ne?"shiru yayi ya na tunani can yace "eh a can nayi makarantar siddabaru,ina ɗan 20years malamin mu ya turo mu ƙasar Nigeria dan koyon karatun tsibo sai kuma aka samu akasi ƴan fashi suka tare mu".
Leemat tace "shine sai suka riƙe ka wajen su suka koya maka dabanci har ka zama ɗan ta'adda?"kallonta ya yi cike da mamakin yadda ta samu izzar da har ta ke gaya mashi duk abinda ya fito bakinta ba tare da tauna kalaman ta ba,ganin alamun ɓacin rai a fuskar shi yasa tayi saurin cewa " kayi haƙuri ina son sani ne ko da taimakon da zan iya baka"ta faɗa ta na mai jimƙe hannun shi.
Murmurshin gefen baki yayi yace "ƙaramin alhaki ke har akwai abinda za ki iya?hum ai ni duk duniya abu guda kawai ne zan iya nema gun ki"Leemat tace "miye fah?"ya girgiza kai yace "ba yanzu ba,dan ban buƙatar ki ban shi yanzu sai ya zama mallakina"kallon shi ta tsaya yi ta na auna maganar ta shi har ta gane miye nufin shi.A zuci tace "Allah raba ni da auren *ƊAN DABA* wai shi a haka har ya na tunanin akwai macen da za ta so shi?"Leemat ta manta shaf da cewa Dawood na karantar abinda ke ran mutum har tayi kuskuren kallon shi ta na maganar zuci."Ashhh!"ta furta da ɗan ƙarfi sakamakon haɓarta da ya matse a hasale yace "ni kike cewa *ƊAN DABA*?raini ko samun wurin zama?"ya faɗa ya na mangare ta kafin ya ɗauke ta da wani gigitacen mari wanda ya ɗauke jinta da ganinta na ɗan lokaci.
Bugunta ya shiga yi da hannu ta na tarewa tare da yin kuka ta na bashi haƙuri, Dawood irin mutanen nan masu zuciya kusa ya na saurin fushi abu ƙanƙane ke fusata shi shiyasa kaf yaran shi ke tsoron shi.Kiiii ya ja Leemat ya cillata waje nan kallo ya dawo kanta kama da ga mutanen da aka yi kidnapping har zuwa su Arne da ke zaune suna shan shayi.Da sauri suka ƙarasa kafin su kai ga tambayar lafiya Dawood yace "ku ɗauke ta ku kaita ɓangaren mata sannan ku gaya mata tsarin gidan nan"cike da jin daɗi Maye ya je kama hannunta Dawood ya kai mashi naushi tare da harar shi yace "kar ka saki ko akaifarta ka taɓa juste kayi abinda nace"......
*ƊAN DABA*
```love
and
romantic story

``` _MRS SADAUKI_ 💫

*Dedicated* to My Babbar Yaya Nafissa Laouali Rabo🥰

☀️ *FIRST CLASS WRITERS ASSOCIATIONS*☀️

____________________
BISMILLAHI RAHAMANI RAHEEM

Page 13-14

Ɗaki Mami ta koma bayan ta cilla Leemat waje,tana wani murmurshi irin na cin nasara ɗin nan,kafin ta ja dogon tsuki ta kalli kanta a madubi tace "wato ni za ka rainawa hankali ka bar min yarinya ina rainon ta ina kulawa da ita kawai dan ka aureta? to na yadda ƙwllon mangoro na futa da ƙuda can kaje ka nemo *ƊAN DABAN* da ya ɗauke ta ɗin"ta ƙare maganar ta na mai saɓule kayan jikinta ta na ƙarewa surarar jikinta kallo.
Mami mace ce wace ba za ta haura shekaru arba'in da biyar ba,in ka gan ta ka zata ƴar 35years ce nan kuma uwa ce ga zaratan ƴan mata biyu masu ji da kan su.Murmushin nan ta saki wanda a duk lokacin da ta kalli kanta a madubi ya ke gaya mata ba daidai ba,jin kanta ta ke kamar ƴar 20years saboda irin budurwar zuciyar da ta ke da.
Turaren wuta ta turara nan ɗakin ya ɗau haramar ƙamshi,ta na shirin shiga toilet taji muryar Jasmine na cewa "Mami za mu tafi sai mun dawo"ba tare wani tambayar inda za su je ba tace "ku dawo lafiya sannan ku kula da kan ku,samarin yanzu babu tabbas"da "toh"kawai ta amsa ta nufi inda Laila ke tsaye ta sha ado cikin riga da wando suka taɓa kafin su fita waje inda su Leel-H ke jiran su a mota.
Suna shiga Big boy ya yiwa motar key ba su zarce ko ina ba sai club,duk uban ruwan da ake sheƙawa bai hana club ɗin cika ba.Ƴan mata ne da samari kowanensu yayi mugunyar shiga a doli sai an zama turawa,kiɗa ke tashi tamkar wajen zai tsage.
Masu raye-raye nayi masu shan sigari da giya ma haka,wasun su kuma su na can keɓaɓen wuri suna aikata masha'ar su.
Leel-H ya kama hannun Laila suka shige cercle ɗin da ake rawa yayinda Jasmine da Big boy suka fara kurɓewa suna shan whisky,a ƙarshe ya ja ta zuwa gefe suna abinda suka saba romance wanda ko a cikin aji suna fakar idon jama'a su yi shi balle yanzu da suke gidan da aka tanada domin masha'a kawai.
Duk yadda Big boy ya ƙware da tantiranci Jasmine kar ta ke kallon shi ba ta yarda ya kai ga yin oga kwata-kwata,ya na ƙoƙarin kwaɓe kayanta ta buge mashi hannu tace "no sex Big boy kai ma ka san tsarina juste romance"cikin magiya yace "baby sau ɗaya tak,kuma da na tsoma zan fidda"ture shi tayi tace "ni kam rawa zan tafi nayi jikina ya fara min ciwo"babu yadda Big boy ya iya doli ya biyo bayanta suka fito daga ɗakin.Laila wacce a gaban idon ta suka fito ta saki hannun Leel-H ta ƙarasa gun Jasmine tace "mi kuka yi a can ɗin?"fuzge hannunta tayi tace "ke banza minti kawai mu ka sha ke a tunanin ki mi mu ka yi?"Laila tace "ni dai ban son keɓewar ku gudun kar a samu matsala"Jasmine ta taɓe baki ta barta nan tsaye, Allah na gani ita dai Laila ba ta son zuwan nan da suke Mami ce ta matsa mata har ta fara zuwa kuma ko ta zo rawa kawai ta ke,ba ta shan ko da sigari balle giya.

Sai wuraren ƙarfe ukun dare suka dawo, lokacin wasu masallatai har an fara kiran sallah.
Jasmine wacce ta ke a buge ta zube a kan salon tana sharɓar barci,Laila na shirin wuce part ɗin su ta fara jiyo sautin muryar Mami da ta wani namiji ko ba'a faɗa mata ba yanayin kalmomin ya tabbatar mata miye su ke.
Wani irin kyarma jikin Laila ya fara yayinda zuciyarta ke bugawa kamar za ta faɗo ƙasa,har ta aza hannunta bisa handle ɗin ƙofar sai kuma tayi sauri ta janye shi ta koma ta kwanta bisa salon da ƙudirin sai ta ga ko wanene.
Ba'a ɗauki wani dogon lokaci ba wani ɗan yaro matashi ya fito daga ɗakin Mami yayinda ita kuma ta ke biye da shi a baya daga ita sai ɗaurin ƙirji.
Yadda ta ga Nas ya ƙurawa Ƴaƴanta ido ya sa ta zungure mashi ƙeya tayi mashi nuni da ƙofa alamun yayi sauri ya fita,ba dan ya so ya bar gidan a lokacin ƙarfe huɗu ta gabato goshin asubah.
Bedroom Mami ta wuce ta faɗa toilet,Laila na kwance ta ji ƙaran saukar ruwa tayi sauri ta rumtse idonta a zuci ta furta ZINA ?(Zulfa'u Sa'eed Ibrahim) Innalillahi wa'inna iley raji'un da auren ki?kuma ki rasa da wanda za ki yi Mami sai da ɗan yaro sa'ar ɗan cikin ki?"wasu hawaye suka shiga zubo mata na takaici da baƙin ci.
Sai da Mami tayi sallah asubah sannan ta fito tana jan tazbaha tace "ƴan mata na ku tashi ku je ku yi sallah yau kun gaji sosai a falo ma kuka kwanta?"tayi maganar tana zuba masu tazbaha Laila wacce zullimi ya aureta dama ba kwana take ba ta tashi tana miƙa Jasmine kuwa sai da Mami tayi dagaske sannan ta tashi ta wuce part ɗin su tare da zubewa kan bed ta cigaba da barcinta.
Laila kuwa wanka tayi tare da yin Sallah nan ta zauna tana ta roƙon Allah yafiya tare da yin alƙawarin ba za ta sake zuwa gidan rawa ba.


Washegari bayan sun gama breakfast Laila ta dubi Mami tace "har yanzu babu wani labari akan ɓatan Siya kuma ita ma Leemat ɗin taje tayi zamanninta"Jasmine ta taɓe baki tace "halan ke a tunanin ki ɓata ne su kayi?to ki ma fitar da su daga cikin tunanin ki dan kuwa Siya ita da dawo sai lahira ban ƙi ba dai ko Leemat ita kam banda masaniya akan ɓatan ta"ta ida magana tana ƙas-ƙas da cingam,ba Laila ba hatta Mami sai da tayi mamakin jin furucinta tace "Jasmine kenan kin san inda Siya ɗin ta ke ?"tace "ƙwarai kuwa Mami,ina bawan Allah nan wanda ya ke zowa ya na min wankin kaya?"da sauri Laila tace "ɗan kurman almajiri?"Jasmine tace "shi fah,nuna min yayi ya na sonta ni kuma na haɗa plan ta yadda zai sace ta shine na baiwa Leemat kuɗi nace suje foire su yi sayayya to suna fita na kira na shaida mashi"cikin ɓacin rai Laila tace "Jasmine kin yi hauka ne?almajirin za ki baiwa ƴar uwar mu ya tafi da ita?"wata uwar harara ta watsa mata tace "ja can banza wannan makauniyar da kike gani bala'i ne zamanta a nan dan kuwa ya tabbatar min muddin ta na nan gidan mu da samu samari sai lahira ina ce ke shaida ce duk wanda yace ya na son mu da aure fasawa ya ke da zarar ya gan ta ko?kuma ma ba wannan ba na gaji da cin kashin da Abba ke yi mana saboda ita"murmurshin jin daɗi Mami tayi ta na godewa Allah da ya bata Ƴa sak mai irin halinta.

Laila ta miƙe tsaye tace "ai kuwa sai na gayawa Abba"da sauri Mami tace "kul!kar naji kar na gani in kuma kika kuskura kika faɗa mashi ban yafe maki nonona da kika sha ba, shashasha da ba ki kishin uwar ki to in baki sani ba Abban ku so ya ke auri Siya"Jasmine ta waro ido tace "aure ?"Mami tace "eh kin san bai san ciwon kan shi ba balle yaji kunyar haka" "ai duk wani maras kunya bayan ki ya ke dan kuwa ba ƙaramar tantiriya ba ce ke ni dai nan ban yi sa'ar uwa ba"Laila ta faɗa a zuci tana kuka.




Leemat na tafe tana waiwayen Dawood wanda ke tsaye ya harɗe hannuwa ya na kallon yadda Arne da Maye suka tisa ƙeyarta zuwa ɓangaren mata,suna shiga Maye yace "kin ga ɗakin ku nan sai jawo tabarma ɗaya wacce za ki rinƙa kwana,in kin ga dama ki zauna lafiya da mutanen ciki in kuma kin ƙi ki sha duka"yayi maganar ya na hararenta.Kuka Leemat ta fashe da shi da ta ƙarewa tangamemen ɗakin kallo wanda aka tsila tabarmi tuli guda yayinda kuma gefe guda kayan mutane ne zube a ƙasa.
"Haƙuri za ki yi ƴan mata da fatan Allah fidda ki lafiya daga wannan mugun waje,kin gan ni nan tun cikina na wata uku suka kamo ni har yanzu ba'a samu wanda ya biya kuɗin da za'a fanshe ni ba daga cikin dangina"Ladidi ta faɗa cike da tausyi,tsayar da kukan Leemat tayi tace "to ina shi mijin ki?"Ladidi ta samu waje ta zauna tace "ai shi aka kira aka shaidawa sai cewa yayi in dai sai ya biya kuɗi su kashe ni in su na so,tun daga rannan in an kira wayar shi a kashe hakan yasa na cigaba da zama a nan"Leemat tace "to miyasa ba ki bada lambar wani ba?"Ladidi ta girgiza kai tace "banda lambar kowa kuma ina tunanin ƙin biya ne suka yi tunda ai bai rasa gaya masu halin da ni ke ciki"Leemat na shirin magana wata jiniya ta shiga ruri a zabure Ladidi ta miƙe tace "mu tafi lokacin gyaran kayan miya na rana yayi "ta na gaba Leemat na bin ta abaya har suka je ɓangaren da ake girki.
Nan fah kowa ya shiga yi wasu na wankin kwanonin da aka ɓata wasu na ɓere kabewa da tafarnuwa.
Leemat aka baiwa atarugu da poivron sai tafarnuwa domin ta jajagawa,tana jajagen tana maganar zuci tare da tunanin Siya ba ta ankare ba ya waltsar mata a ido.Taɓaryai ta saki tare da ƙwala uban ihu da ya game duk illahirin gidan.
Ruwa Ladidi ta miƙa mata ta wanke fuska amman sam ta kasa buɗe idon sai kuka ta ke.
Dawood har cikin ran shi ya ji kukanta ya soke shi amman ya danne,ya na zaune ƙarƙashin bishiyar mangwaro Ladidi ta jawo hannun ta zuwa ɗaki kamar wata Makauniya.

Tashi Dawood yayi ya koma ɗaki zuciyar shi na suwa,a fili ya furta "wai miye ruwana ma da ni ke damuwa da ita?sai kace dai ita ce macce ta farko da aka taɓa kawowa nan mtws"wata zuciya ta bashi amsa da "kawai tausayinta ne kake"ya zauna kan salon ya kunna Nolywood inda suke wani série na Ibo.
Sam hankalin shi bai ga tv ya tafi can duniyar tunani na rayuwar shi ta baya amman ya kasa tuna komi,hankalin shi ne ya dawo inda King ɗin ke embrassé baiwar shi tsuki yayi sai ya ga tamkar exemple ɗin su ne shi da Leemat.
Wanka yayi tare da haye bed ya kashe hasken ɗaki a doli ya sa kan shi barci ba tare da ya shirya ba.


Har aka gama hidimar cin abinci Leemat ba ta farka ba sai yamma lis sannan ta tashi da wata irin yunwa sai dai mi?ba'a aje mata abinci ba haka ta zauna da jiran abinci dare sai kash abinda ba ta sani ba babu tsarin yin girkin dare a wannan gidan.
Tsakar dare yunwa ta hana Leemat barci sai juyi ta ke haka ta ke wajen Dawood shi ma kasa rumtsawa yayi, tunanin Leemat ne shimfiɗe a ran shi.Da sassarfa ya fito waje ya nufi ɓangaren mata