You Cannot Download this book untill you login but you can read it .

---

Login Register

kece kk wanke-wanke? Ina Ummin? Ta dago ta kalleshi, "sunana khadija ne, ba Mimi ba. Ummi sunje makaranta, yaya kuma taje ganin likita. Ko dama tana nan ka san tana buqatar taimako. Ya tsugunna kusa da ita, qamshinsa ya daki hancinta, gabanta kuma ya shiga wata irin faduwa. Maganarsa tamkar rada yace, in taimaka miki ko? Ta dago ta dubeshi, wata irin kunyarsa ce ta ji ta kamata, sbd cikin idonsa ta kalla, ta sunne kanta cikin cinyarta. Tace, ka barshi kawai, "yaya ma za'ayi kayi aikin mata? Cikin kwaikwayon muryarta yace, ai nima na matanne, kinga kenan babu laifi don nayi aikinsu ko? Yadda yayi din, sai taji ya birgeta sosai. Tace, nikam ka barshi kawai. Ya miqe tare da fadin shikenan tunda bakison taimako. Ya koma kan galan din ruwa ya zauna. "ki gama muyi magana dake. Tace, to. Kallonta kawai yakeyi cikin tausayi da birgewa. Ta gama ta kife, ta kai kwandon mazauninsa, Sannan tasa ruwa ta wanke gurin. Tana sanye ne da doguwar riga, tun irin kayanta ne data zo dasu. A ransa yace, kaya masu tsada sunada qwari, dubi yadda har ynxun kayanta suke da kyansu. Zasu jima basu lalace ba. Ta dubeshi, sannan ta nufi dakinta.
[20/09 9:57 pm] Inna👬👫: Canjin rayuwa

4⃣4⃣Da kallo ya bita, yana tuno asalin Mimi 'yar gata, 'yar jin kai, yarinyar da batason talauci balle hulda da talaka. Matuqar tausayinta yakeyi ynxun. Sannan ya jinjina mata sosai, domin bai ta6a zaton zata sauko haka cikin sauri ba. Hakanan ya fahimci cewa halinta ne yin abinda tace zatayi. A fili yace, wannan ya zama dole in cika mata dukkan alqawuran dana daukar mata. Wata zuciyar tace, harda saki? Gabansa ya fadi, amma sai ya miqe ya nufi dakin. Tana kakka6e gado, ya shigo ciki. Yace, ina zan zauna? Ta nuna masa bakin gado, bayan ta gama gyarawa, ka zauna anan. Ya zauna, yana kallonta tare da ci gaba da tuno da gatan ta har ta gama. Aikin dai babu sauri, amma tsaf-tsaf. Ta kalleshi, in nace zanyi wanka zan 6ata maka lokaci ko? Yace, yi wankanki. Ta dauki hijabi ta saka sannan ta fita. Ta dauki ruwan wankanta da Ummi ta zuba mata, sbd bata iya jan ruwa a rijiya, tsoron rijiya gareta. Bayan fitarta ne yaga wani littafi akan Allon gadonta. Ya dauka ya Kalli bangon, INDA RAI, DA RABO. Haka yaga an rubuta ajikin littafin, sunan littafin shine yaja hankalinsa zuwa ga bude shafukan littafin yana dubawa jefi-jefi har ta fito. Lura da tayi baya kallonta, sai ta shafa manta a cikin hijabin, da tazo saka kaya ne ta kalleshi, a tunaninta hankalinsa yana kan littafin ne, sai ta faki idonsa ta saka kayan. Murmushi yayi, a ransa yace, khadija ke nan, domin tunda ta fito hankalinsa yana gurinta. Bayan ta gama tazo ta zauna a daya gefen gadon. Ya dubi littafin, menene ma'anar inda rai, da rabo? Ta danyi murmushi, bansan yaya zance maka ba, sbd ka san bansan kan hausa sosai ba. Kawai dai naji su yaya suna sauraron littafin ne a rediyo, shine nace, a siyomin. "wa ya siyo maki? Tace ban sani ba yaya ce tasa aka siyo. Yace, kin karanta? Ta daga kai, alamun eh. Kin qaru da wani abu? Tace, sosai ma, duk da cewa labarin soyayya ne. Yace, shikenan zaki bani labarin wani lokaci.
[21/09 3:17 pm] Inna👬👫: Canjin rayuwa

4⃣5⃣Ya aje littafin ya fuskance ta sosai, "ki bani hankalinki muyi magana mai muhimmanci. Ta sunkuyar da kai, "ina sauraronka" bata iya kallonshi, don sai taga yayi mata wani qwarjini, ya cika dakin, "zan fara da son sanin matsalarki, in kina da wata matsala. "tana wasa da hannunta, tace, ni banida wata matsala, domin duk abinda akaci, shi za'a babi daidai qarfinsu, kuma zuwa ynxun na iya cin komai. Kuma ba'a takura min, komai nakeso nayi, zanyi ba wulaqanci. In babu zan haqura kamar yadda kowa ya haqura, shine kawai. Yace, na fahimta, to kina son siyan wani abu, ko burin yin wani abu, ina nufin na kudi? Ta saci kallonsa, banison komai na kudi, don duk abinda nakeso na kudi, bakada qarfin saimin. Don haka kar ka damu, khadija ba mimin daka sani bace, Nayi haquri da iyayena ma bare wani abin duniya. Babu komai a raina. Babu abinda yake birgeni cikin duniya ynxun. Yace, har nayi zaton zaki koma makaranta, don ki kammala digiri dinki? Tace, baka zaton in na fita iyayena su samu labarina. Yace, har ynxun baki huce da fushi dasu ba? Tace, na huce tun bayan da bakanan yaya Amina tayi ta karantomin kurakuraina ta hanyar nasiha, har na fahimci irin sa6awar da nayiwa iyayena. Ynxun kam ina nesanta kaina dasu ne, sbd ganina kusa dasu zaita sakasu cikin 6acin rai, zasu dinga tuno abinda nayi musu. Shiyasa bana fita. Banida wani buri daya wuce cikawa da imani inje in tarar da khalil. Gaban Ismail yayi matuqar faduwa, domin bai zaci jin haka daga bakinta ba. Baisan lokacin daya ce, dama har ynxun baki manta da khalil ba? Da sauri ta kalleshi, ta yaya kk zaton zan manta da wanda yake matuqar sona? Wanda ke fadamin kalamai masu sani cikin farin ciki, da nishadi. Wanda ke kwadaita min wata irin rayuwa, amma kafin mukai gareta, sai mutuwa ta katse hakan. Ya barni cikin qunci da takaici! Kuka ya kufce mata.
4⃣6⃣Shiru yayi tamkar ruwa ya cinyeshi, nazarin zantukanta yakeyi. ya dan qara matsowa kusa da ita, ya tausasa muryarsa qwarai. "Yi haquri khadija, inda zaki bani labarin soyayyarku da khalil, zanso ji. Ta dubeshi, fuska cike da hawaye, ba zan iya ba. Banason in tuna da komai game da labarin. Abinda kawai ba zan manta ba shine tsananin son da khalil yayi min. Haka kuma ba zan manta da yadda nayi ta wulaqantashi ba. Salon son da khalil yake nunamin ta hanyar chatting dina a facebook, wtsapp, da sauran irin wadannan kafofin, tun bana bashi amsa, har dadin kalamansa suka sa na soma bashi amsa, duk da ni ba amsa mai dadi nake bashi ba. Ranar dana soma son khalil, yawun bakina na watsa masa fa a cikin mutane. Amma kasan me yayi? Ismail yace, a'a tace,, ga mamakina sai naga kurum yasa harshensa ya lashe yawuna daya sauka kan kafadarsa, sannan yayi murmushi, "komai naki inason sa. In na bari yawunki ya sauka a qasa nan, nayi muguwar asara. Ta soma sabon kuka, wannan kadan ne daga irin son da khalil yayi min. Ismail yace, shikenan kiyi haquri. Allah ya yafe masa tace Ameen. Yayi shiru. Yasan ynxun yaya Amina ta rage mashi hanya da tayi wannan jihadin, na yiwa mimi nasiha harta fahimci cewa tayiwa iyayenta laifi, ba zai wahalar shawo kanta don zuwa basu haquri ba. Amman wannan ba ynxun ba. Ya dubeta, har ynxun tana share hawaye. Nace kiyi haquri. Kuma zaki iya samun wanda yafi khalil sonki, kema kuma ki soshi fiye da son da kk yiwa khalil din. Ya girgiza kai, Da wuya hakan ta kasance, nina kulle babin so, koda na samu mai sona, ni kam na tabbata ba zan soshi ba. Ismail yayi murmushin yaqe, to yaya batun islamiyya fa? Mimi tace ina daukan karatuna a gurin yaya Amina. yayi dariya, shikenan Allah ya biyata da aljannarsa.
[21/09 7:46 pm] Inna👬👫: Canjin rayuwa

4⃣7⃣Ya miqe ya dauko jakar tsarabarsu, ya dawo ya zauna bakin gado, "zo ki za6i abinda kk so cikin tsarabata. Ta matso. Ya dauko jakar ya dora ta saman Gadon. Ya soma ciro jallabiya, pink mai ratsin baqi, sai jarta, itama mai ratsin baqi, sai takalma da riga da wando kala biyu, duk ire-iren wadanda take sawa. Ta tsaya tana kallonshi, sbd ta san tsadar kayan. Kafin tace wani abu, sai kurum taga ya ciro wani gwangwani a can qarshen jakar, ya miqo mata. Da sauri ta kar6a sbd irin turarenta ne. Ta soma karanta rubutun jiki a fili tace, "tabbas shine" ta dago ta dubeshi, "siyan turarennan kayi? Yace eh, siya miki nayi. Tace ina ka samu kudi haka? Na ga kai din dalibi ne, kuma duk kayan nan suna da tsada, musamman wannan turaren? Yayi murmushi, "munyi aikin raba abinci ne ga mabuqata aka biyamu. Ta soma hawaye, ban ta6a tunanin zan qara amfani da wannan turaren ba. Nagode sosai. Ya tausasa murya don jin dadin sake burgeta. Karki damu khadija, nayi miki alqawarin in Allah ya buda min, zanyi miki gatan da yafi wanda kk ta6a shiga a fannin jin dadi. Ta sa idanunta cikin nasa, "nasan zaka iya, domin duk abinda kayimin alqawari, ka cika. Ina ganin kimar ka sosai, ynxun saura abu daya ya rage. Ya zaro mata manyan idanunsa, me? Tayi shiru, gabanta yana faduwa. Yace karki damu ki fadamin, qila na manta ne. Ta sunkuyar da kai, "maganar rabuwarmu." Gabansa yayi wani mugun faduwa. Dakin yayi tsit na wasu daqiqai kamar hudu. Maimakon yaci gaba da zancen, sai kawai yace, yau yau dale kuka karya ne a gidan nan? Yunwa nakeji. Tace, ruwan Lipton ne da biredi. In zaka ci ina zaton akwai a flask. Yace zansha shayin, kinsan mu shine ma abin shanmu kowane lokaci. Ta miqe ta nufi kicin ya bita da kallo, tafiyarta ta dawo tamkar da, cikin nutsuwa da kamewa. Ta dauko filas din ta hado da kofi da cokali da kuma suga. Sai ledar bread din. Zuciyarta kuwa tambayar kanta takeyi menene dalilinsa na share zancen rabuwarsu? Yace, ba zanci bread ba. Na saba dana can da mukeci bashi da suga.
[9/21, 16:54] A~PROF: 4⃣8⃣Ya miqe ya janyo jakarsa, ya zuba wani ganyen tea, ya zauna yana sha. Duk sukayi shiru, kowa da kalar tunaninsa. Shi ba wai ba zai iya sakinta bane, amma tsoron sa kar ya saketa, ta sake guduwa. Ta katse masa tunani, "Wai meyasa ka share batun da kawo? Ya kalleta, "ba sharewa nayi ba. Khadija muna buqatar qarin lokaci ne. Kiyi haquri har in kammala karatu na." Tace, zuwa yaushe? Ya dubeta da sauri, "kin samu wanda kk so ne? Itama cikin sauri ta kalleshi, "Allah ya kiyaye min, ni kam banason kowa. Nauyin ne nikeson a sauke min. Yayi murmushi baice komaiba. Sati biyun da Ismail sukayi a Nigeria sunyisu ne a cikin hidimar bikin Mahmud. Babu yadda baiyi da Mimi ba akan taje gurin walimar bikin, amma taqi, dolensa ya haqura ya barta. Bayan kwana biyu da kammala bikin, suka soma shirin komawa madina. Ango da Amarya cikin dokin juna a ranar tafiyar, ko cikin jirgi tamkar su hadiye juna suna ta birge Ismail, wanda ya lumshe ido yana tuno hawayen Mimi da suke zuba lokacin da sukeyin sallama. Ya tuna tambayar da yayi mata. Khadija wannan kukan kuma na menene? Ta girgiza kai, "nila ban san ko na menene ba. Ya ciro kyakkyawan hankici daga aljihunsa, sai qamshi yakeyi. "share hawayenki da wannan, sai in munyi waya kenan ko? Ya sauke ajiyar zuciya, tare da furzar da wani huci mai zafi. Yana kewar rabuwa da yarinyar. Yayi ta tuna huldarsuda kuma irin CANJIN RAYUWAR da Allah ya saukar mata. Allah yasa ya zama sanadin shiriyarta kenan. Labarin data bashi na tsohon saurayinta, abinda ya fahimta da Mimi, ita mutum ce maison aso ta, aji da ita, a nuna mata tsantsan so a fili, sannan a fada mata kalaman tada hankali. A fili ya furta cewa ban iya wannan ba. Sai kuma Zainabu ta fado masa, ya tuna da zancan su da yaya Amina bisa ganin da yayi mata. Yaya tace, masa tana gidan mijinta, qila dai tazo duba su ne. Haka yayi ta tunane-tunane har Allah ya kaisu lfy.
[9/21, 17:35] A~PROF: Satin su Ismail daya da tafiya, yaya Amina ta haifi 'yarta mace, aka sa mata Aishatu. Yaya tasha mamakin ganin 'yan uwanta mata yadda suka zo mata barka harda suna, sa6anin da ba kowa ke zuwa mata barka ba bare suna. Inna kuwa zuwanta uku. Mimi kam ta takura sosai ranar suna, domin sam batason jama'a, kamar ta bar gidan amma ba yadda zatayi, dole ta haqura.
[22/09 11:26 am] Inna👬👫: Canjin rayuwa

4⃣9⃣Lokaci yana qhudewa kwanaki quna qarewa, yau gashi su Na'ima anyi arba'in. Ta matsu qwarai tabar gidan minister, domin ko abincin da zataci sai taje kicin da kanta ta kar6a. Hatta 'yan aikin gidan sunsan batada wata kima, tunda a gabansu za'a zage ta tass. Don haka ko aiki tasa su basa yi mata. Sannan ga gadara da yaron, kullum akayi masa wankan safe, za'a tafi dashi gefen kakarsa, sai yamma ko in ya buqaci Nono. Da ma mai wanka da shirya shi musamman aka dauko. Shi kuwa Abbas sai dai ta jiyo muryarsa daga can sasan. Bata damu ba don ita ynxun ya gama sire mata. Kwana arba'in da bakwai suka maida ta gidanta bayan an kafa mata dokoki da sharudda akan yaron, sai kace ba itace ta haifeshi ba. Lokacin ne ma ta samu zuwa gidansu yini. Kuka momy Nafisa ta tasa Na'ima tayi tayi, sbd baqi data qara akan nata, gashi duk tayi zuru-zuru, idanu sun shige. Lokacin Alhaji bayanan Abuja, tace, bari dai yau dadynku ya dawo zan fada masa komai game da halin da kk ciki. Na gaji, gara komai zai faru, ya faru. Na'ima tace, yauwa momy don Allah ki taimaka min. In ba haka ba, wata rana zakije ki dauko gawata a gidan Abbas. Har dare Na'ima tananan tana jiran dawowarsa. Sun zauna sun karanto masa komai game da halinda Na'ima take ciki. Yace sam qarya ne, domin ta jima tanason kashema Na'imar aurenta. Su tashi su bashi guri. Ya kalli Na'ima, "karki daka ta mahaifiyarki, ki zauna dakinki shine cikar mutuncinki. Na'ima tace, Allah dady duk abinda kaji dinnan shine yake faruwa, yace kije zan bincika. Fitarta keda wuya, Alhaji Bashir ya kira layin Abbas. A tunanin Alhaji Bashir, Abbas da Na'ima duk daya ne agurinsa. Bayan sun gaisa, sai Alhaji Bashir yace, zantuka nakeji marasa dadi abakin Na'ima, tana fadamin wai bakwa zaman lfy tunda taje gidan. Shine na kira ka inji menene gskyr zancen? Abbas yace e.. to kusan akwai hakan daddy. Alhaji Bashir yace, to menene dalilin hakan Abbas? Abbas babu kunya ko shayi, yace, gsky daddy ina matuqar qoqari gurin zama da Na'ima, sbd gsky ni na wai ina sonta bane sam, Mimi nake so. "kalaman sukazo ma Alhaji Bashir a bazata, ya kuma fassarasu da cin fuska.
5⃣0⃣Amma sai ya danne, yace, in banda abin Abbas abinda yayi Mimi aishi yayi Na'ima, dukkansu 'ya'yana ne. Abbas yace, daddy Mimi fara ce mai aji. Na'ima baqa ce mai naci, amma aka dauki dauki Mimi aka ba wanda baisan darajata ba... "Dakata Abbas! Alhaji ya katseshi, cikin zafin zuciya. Yaya inayi maka magana kanayi min wani shirme? Zancen Mimi ba naka bane, qanwarta ce matarka, kuma a kanta muke yin magana. Bakason ta shine baka fada ba tuntuni, sai ynxun da kuka soma samun qaruwa? Ynxun dai abinda nakeso dakai, in tana yi maka wani laifi ne to sanar dani, sai in tsawata mata ta daina. Abbas yace, nidai son da banayi mata shine kawai matsalarmu. Alhaji Bashir yayi shiru, cikin Mamaki ya rasa me zaice, sai kawai yace, shikenan in ka samu lokaci kazo ina nemanka. Mamakin Abbas ne ya cika Alhajin, yadda yake magana cike da rashin ladabi. Kar dai ace yaronnan bashida tarbiyya. Sai kuma ya canza kiran wayarsa zuwa ga minista. Bayan sun gaisa, sai yace, ashe dama yaran nan zaman rashin jituwa sukeyi tun tuni? Minister yace, kamar yaya? Nan Alhaji ya kwashe komai ya fadawa minister har yadda suka yi ynxunnan. Sai kawai yaji minister yasa dariya, tare da fadin, karka shiga zancen yarannan. Baya sonta, yaya akayi ta haihu? Ya kamata da kayi masa wannan tambayar, lokacin daya ke fada maka cewa baya sonta. Alhaji Bashir yace, neman mata da tace yanayi shine matsalar ai. Minister yasa wata dariyar. "kar ta damu da wannan, in dai ya sauke mata nata haqqin. Kasan yarannan ba'a rabasu da son nishadi. Su kuwa mata, ai sune nishadin rayuwa. Kan Alhaji Bashir ya kulle, kenan ya daure ma dansa gindi yayi duk abinda yakeso, kuma bazai iya hanashi sa6ama Allah ba kenan? Minister ya katseshi da cewa, nayi zaton zakayi min magana akan hauhawar farashin man fetur ne? Alhaji Bashir yace, a'a ba wannan bane. Shi kenen saida safe mayi maganar kasuwanci, in Allah ya tashemu lfy, minister yace, Allah ya kaimu. Kada kasa kanka a damuwa game da batun wadannan yaran.
[22/09 11:55 am] Inna👬👫: Canjin rayuwa
5⃣1⃣Kwana Alhaji Bashir yayi da abin a ransa. Washegari ya nufi katsina. Tun saukarsa hajiya sauda ta karanci damuwa can qasa tare dashi. Amma data tuntu6eshi, sai yace, wai babu komai. Ta takura masa da tambaya don ta fada masa cewa, saidai inba zai fada mata ba, to ba zata takura masa ba. Amma batun matsala tabas tasan yana ciki. Sannan ya fede mata komai. Yace, ni damuwata ban san ta ina zan 6ullo ma lamarin ba. Hajiya sauda cikin damuwa tace, dama Alhaji baku binciki halinsa ba? Yace, ni ina na wani bincika. A zatona yayi tarbiyyar 'ya'yansa, nayi hasashen sunada lfy tamkar nawa. Ashe nayi kuskure. Shi kansa ministan, sai ynxun nake sanin nasa halayen, sbd haduwarmu babu dadewa muka qulla wannan auren. Hajiya sauda tace, duk abinda ya faru, da kuma wanda zai faru nan gaba, duk laifinka ne, kai kawai ka duba abinda zaka samu ne kawai, ka dauki 'yarka ka bada. Yace, sauda abinda ya faru, ya riga da ya faru, sai dai a kori gaba. Ni ynxun roqo na a gurinki, ki bani shawara, domin kaina ya riga ya kulle. Hajiya sauda tayi shiru, tana tunanin me zatace. Gashi dai lokacin da za'a qulla abin ba'a nemi shawararta ba, sai ynxun da za'a kwance shi. Tanason ganin mijinta cikin kwanciyar hankali, musamman shida ke fama da ciwon suga. Don haka ba tare da ta tuno masa wani abu da yayi mata abaya ba tace, shawara dai daya ce, tunda shi uban yaqi kuyi batun, ka samu shi abbas din kuyi magana. In har baya sonta, da zaman uquba gara su rabu kawai, Allah ya hada kowa da rabonsa. Yace hakane kawai mafita, ai nayi da na sani babu adadi, har ina tozarta Mimi, ina cin zarafinta, ashe ba dan mutunci bane, kuma bai fito daga cikin mutunci ba. Hajiya sauda tace, kuskure ne dai ya riga ya faru, sai dai muce, Allah ya tsare gaba. Kwanansa uku ya koma Abuja sbd kawai ya gana da Abbas. Da safe Abbas ya sameshi a Gida. Bayan sun gaisa, yace, na kiraka ne don muyi magana ta fahimta, ni da kai. In har kana ganin bakason Na'ima to kawai ku rabu. Allah ya raya muku danku. Abbas yace, daddy ka samu daddy na kuyi magana, kamar yadda kukayi lokacin da zaku qulla auren, in ba haka ba zaice nine na saketa sbd banajin maganarsa. Alhaji yace ni zan masa bayani, abinda nawai nakeso shine ka fadamin abinda ke ranka Abbas yace, daddy nima inason a rabamu. Alhaji u, shikenan jeka zanyi magana da Dadyn naku.
5⃣2⃣Sai dai duk yadda Alhaji Bashir yaso suyi maganar da minister sam yaqi. Ransa ya 6aci sosai. Don haka ya taka har gidan Abbas ya samu Na'ima, ya tambaye ta ko akwai wani canji tsakaninta da mijinta? Tace, babu wani canji, domin ynxu ko wace irin mace kawowa yakeyi, kuma dole inyi musu girki, sannan ya daukarmin yaro ya kai musu shi, kowace jaruwa tayi ra daqunarsa. Yace, dauko mayafinki da kayanki kizo muje gida. Wannan shine mafarin tsiyar data 6arke Tsakanin Alhaji Bashir da minister. Qiriqiri minister yace, shifa bai yadda da wannan hukuncin ba, saidai inta koma can Gidansa da zama har zuwa lokacin da zata yaye jikan nasa, tabashi abinsa. Alhaji Bashir yace, wannan kuma wani abu ne da ba zai yiwu ba ko a cikin mafarki. Buqatarsa kawai Abbas yaba 'yarsa takarda, in ta yaye dansu, suzo su dauka. Wannan rigima itace ta datse kasuwancin da suka qulla suke aiwatarwa. Ikon Allah kenan. Shiyasa akace, komai mutum zaiyi, tofa yayishi don Allah.
Masu son Zainabu sunata fitowa tun daga lokacin da ta haifi danta saurayi, amma kowa fada masa takeyi tanada wanda takeso, duk da cewa ba tada tabbaci akan samun wanda takeson, ko inda yake bata samu labari ba, bare tasan ko zata samu shiga. Amma begensa yananan cikin Zuciyarta, dashi take kwana, tana tashi. Bugu da qari, dole inna ta zuba mata ido, sbd tsoron hukuma, duk da irin son kudinta. Ita fatanta Zainabu tunda ta haufi danta lfy, ta samu miji ta qara gaba, ko bata yaye danta ba. Su kuwa mutan madina suna can suna ta karatu, babu ji babu gani. Ismail ya qware sosai a fannin tafsiri, yana da haddar litattafai da dama a cikin kansa. Malamansu suna jinjina ma Qwaqwalwarsa sosai. Sun sake samun wani hutun, lokacin Rabi'a matar Mahmud tanada tsohon ciki. Wannan hutun sun sameshi daf da azumin watan Ramadan. Sunso tsayawa, amma sai Malam Aminu yace, su dawo sbd shine sukeson ya gabatar da tafsir a sabon masallacin da aka gina nan Unguwar su. Masallacin Juma'a ne katafare. Kuma lokacin azumi za'a budeshi. Don haka suka nufo gida cike da doki, sbd shi Ismail mutum ne maison ganin yana daukaka kalmar Allah, kuma jama'a su qaru da iliminsa.
[22/09 4:38 pm] Inna👬👫: Canjin rayuwa

5⃣3⃣Wannan karon sun sauka cikin shirye-shirye sbd karatun azumin da zasuyi. Sam bai zauna dasu Mimi ba. Tun ranar da suka iso suka gaisa, ko kan kayansa bai dawo ta kansu ba, sai dai suyi waya da yaya. Sai ana sauran kwana biyu Azumi, sannan ya samu zuwa gidan yaya Amina, ya kwance kayansa ya basu tsarabarsu. Ranar ma dai bai zauna ba, sbd yana shigowa, Mahmud ya kirashi ya sanar dashi cewa, Rabi'a tana kan gwiwa. Da sauri ya fita ya samu Mahmud din a qofar gidansu Rabi'a. Fada ya rufe Mahmud din dashi kan cewa a fito da ita akaita asibiti. Zasu tafi nemo mota kenan, saiga wan rabi'a ya fito daga cikin gidan, cikin murna ya fada masu cewa, ta sauka, kuma an samu da Namiji. Murna gurin Ismail tamkar tashi matar ce ta haihu. Da dare ya shigo Gidan su yaya Amina, Aishatu ce kadai a tsakar gidan tana ta wasan ruwa, yasa hannu ya dauketa cak. Yayi sallama a qofar dakin yaya, tana sallar isha'i, yace Ummi yaya kk barta ita kadai a tsakar gida tana ta wasan ruwa duk ta jiqa jikinta. Tace, nima ina sallah ne kawu. Ynxun na ida. Ya miqa ta ,amsheta kisa mata kaya. Auntynki tana ciki? Tace, tana cikin tana sallah itama. Mimin batasan dalilin dayasa ta damu da Ismail ba wannan zuwan nasa. Duk da cewa, shi sam bai damu da ita ba wannan karon, tanason yin abinda zai birgeshi. Haka wannan karon yafi wancan zuwan wayewa, da gogewar ilimi, sannan kyawunsa yafi na wancan zuwan. Ko itace ke ganin haka? Oho. Lokacin da ta jiyo muryarsa, saita samu kanta da fesa turare a jikinta da kuma dakinta, ta zauna a bakin gado. Sai Zuciyarta ke tambayarta wai sbd me tayi hakan? Kafin ta lalubo amsa, har yayi sallama, ta amsa. Yace, in shigo? Tace ka shigo mana.
5⃣4⃣Ya shigo, cikin salon zolaya yake cewa, bayi zaton bake daya bace. Tadan ware idanu, da alamun Mamaki, "nida wa kk zaton samu? Yace, qawarki mana. Ta dafa hannunta da saman gadonta, tare da karkata kanta, ta dora kan kafadarta. "Nikam banida qawar data wuce Ummi, sai ko Aishatu. Yace, kardai kicemin har ynxun baki fita? Tace to ina zani kawun su Ummi? Wa na sani? Yayi dariya sbd sunan da ta kirashi dashi. Sunan nan da kk fadamin yana bani dariya khadija. Me zaisa ba zaki kirani da sunana ba Ismail? Tayi murmushi, "to ni bana iya fada ne. Na fa girmama ka ne. Ta fada da sigar shagwa6arta. Nidai gsky a daina fadamin wani kawun su Ummi, a kirani da wani abu kawai. Ta dubeshi, to Malam? Yace a'a ni dalibi ne, koyon karatu nakeyi. Kice min Ismail bin Abdurrahaman, ko kice, Abu Rumaisat. Tace ban gane Abu Rumaisat ba? Yace sunan yarinya ta