You Cannot Download this book untill you login but you can read it .

---

Login Register

2 sai shadda 2 sai yadukan laffaya masu kyau da taushi guda 3 ,
Anty Halima sai kallon Ummul take tana .
"Iyeeh manyan masoya."

Nenne kuma cewa tayi.
"Maza Ummul had'e kayayya kin nan ki adana ko turaren bazaki fesaba."

Fuska a marairaice tace.
"Ayyah Nenne am kullum Mustapha ya kawo min abu sai ki hanani amfani dashi ban san me yasa ba ko kema bakya sonshi ne Nenne?."

Murmushi Nenne tayi sannan tace.
"Me yasa ina son Mustapha ai yaron kirki ne kawai dai wannan Al',adarmu ce budurwa bata amfani da kayan saurayi sai in sunyi aure,
mu a gunmu in kiyi amfani da kayan saurayi kamar kasawa ce,
toh kinga ke kuma ba abinda muka regeki dashi."

Murmushi tayi ta tattara kayan,
sannan suka ci gaba da hira,
Abba da Umar da Usman dasu ya Adam kuma saida sukayi sallan ishah sannan suka dawo,
suna shigowa su Usman sukayi parlour Nenne Hamma Umar kuma Abba ya kirashi suka tafi parlour Hajjajo,
suna shiga suka samu Daddy ma yazo gun Hajjajon.

Su Usman ko suna shiga,
cikin halin girma Usman ya kalli Halima fuska a tsare yace.
"Ke Sadiya har yanzu baki tafi ba?."

Cikin girmamawa tace.
"Ya Usman yanzu zan tafi."

Mik'ewa yayi tare da cewa.
"Muje in maida ki kinzo kin wuni bai kamata ki kai dare ba."

Maza Ummul ta mik'e tare da cewa.
"Yauwa ya Usman muje in rakaku."

Kai ya gyad'a yace.
"Oga Mustapha ya barki ne?."
"Mustapha kuma ji ya Usman fa dama Mustapha ne ke hanani zuwa unguwa?."

Juyawa yayi ya fita Sadiya na biye dashi a baya ita kuma Ummul tana gefen shi,
kallon ta ya d'an yi sannan yace.
"Keda ki kace Mustapha ya fimu matsayi."

Murmushi tayi tare da rufe idon ta,
shi kuma Sadiya ya kalla cikin murmushi yace.
"Shiga baya kinsan Ummal da son zaman gaban mota kamar ba fullatana."

Dariya sukayi sannan suka tafi.

A parlour Hajjajo kuwa bayan su Abba sun d'anyi hira Abba yayi gyaran murya cikin kula ya kalli Daddy sannan ya kalli mahaifiyar su Hajjajo sai ya kuma kalli Hamma Umar cikin wani irin yanayi yace.
"Farouq ina maganar aure da mukayi da kai?."
Kai ya sunkuyar yayi shiru,
ido Daddy ya tsura mishi tare da cewa.
"Farouq shi fa aure dolene a gareka tunda Allah bai hanaka yadda zakayi ba,
shin a zatonka munajin dad'in zaman ka hakan ne,
Farouq ka sani duk girman mutun da darajarsa da matsayinsa matukar baiyi aure ba toh bai cika mutun ba."

har lau dai baiyi magana ba sai sunkuyar da kai ya k'ara yi,
a hankali Daddy yace.
"Farouq me kake jira ne? da har yanzu baka fara maganar aure ba."

Kanshi a sunkuye murya can k'asa a hankali yace.
"Daddy ina jiran......





By
*GARKUWAR FULANI*
















📝🍇🍇🍇🍇🍇🍇🍇🍇

*RUBUTACCEN AL,AMARI*

Page 7⃣

*NA*
*AYSHA ALI GARKUWA*

🍇🍇🍇🍇🍇🍇🍇🍇🍇




*"Abba* ina jiran Usman ne."
ido Abba da Daddy suka zuba mishi Hajjajo ko kai ta jinjina cikin mamaki tace.
"Usman kana jiran Usman kuma? toh ka jirashi a kan me? me zakayi mishi da kake jiran shi?."
shiru bai amsa mata ba bai kuma kalleta ba sai zaman shi da ya d'an gyara,
juyowa gaban shi Abba yayi cikin son fahimtar sa yace.
"Farouq!
Usman kake jira? meyasa kake jiran shi d'in? ko so kake kuyi aure rana d'aya?."
kanshi ya d'an d'ago cikin tok'k'oshi wuyanshi kan kafad'arsa cikin sanyi ya kalli Abba da Daddy murya a raunane yace.
"Abba ina jiran Usman ne ! Abba inaso inga Usman ya samu mai kula dashi kafin nayi nesa dashi ! Abba in nayi aure yanzu wazai kula da Usman kaga baya son shan maganin shi kuma baya son bin dokokin doctors kuma kaga inba ana samishi idoba komai ya samu zaici,
gashi ko yau saida yace min k'irjin shi na mishi nauyi."

Sai kuma yayi shiru dan muryarsa da ta fara rawa,
dan har cikin ranshi yake jin tausayin d'an uwanshi da yana da damar karb'awa Usman ciwon daya karb'a mishi.

Abban ma shiru yayi tausayin 'yay'an d'an uwan nashi na ratsashi yana son Usman da Umar a ranshi fiye da yaran shi.

Daddy ne ya d'an gyara zama cikin kallon Hajjajo da ta fara zubda k'ollah cikin k'arfin haki yace.
"Farouq aure rahama ne meyasa kake ganin aure zai nesan taka da d'an uwanka Allah shike kula da Usman ba wayon mu ko dabararmu ba."

Kai ya sunkuyar a hankali yace.
"Daddy inajin tsoron barin Usman shi kad'ai dan baya son shan magani gashi dole dai in nayi aure zan koma cikin Damaturu da zama,
Abba gashi bansan matar da zan auraba,
gashi matan yanzu basa son dangin miji sai k'alilan ake samun masu son dangin mijin su,
tayiwu nayi aure matar ta nuna bata son Usman yana rab'ata ko taga na fifita Usman a kanta har azo ta fara tunanin shiga tsaka nina da d'an uwana."

Gaba d'aya parlour shiru sukayi cikin nazartan kalaman Hamma Umar tabbas matan yanzu k'alilan ke son dangin miji,
kuma kamar yadda ya fad'a Usman tamkar yaro yake a gaban Umar,
a hankali Abba yace.
"Toh kai Farouq yanzu haka zakayi ta zama kenan?,
ko dai auren ne baka so Farouq?."

Kai ya jinjina cikin sanyin murya da tausayawa kanshi a hankali yace.
"A,a Abba bawai auren ne bana soba!
Abba ni bansan matar da zan aura bane ,
Abba ban san ya zanyi in samo matar da zata tayini kula da Usman ba."

Sai ya kuma juyawa ya kalli Daddy da Hajjajo da take ta zubda k'ollah a hankali yace.
"Ni da zan samu sai Usman yayi aure ya samu matar da zata kula dashi,
in yaso daga nan sai na nemi auren,
amman yanzu ina tsoron nayi aure nabar Usman gashi ni bansan ya zan fara neman auren bama bare na nemi wacce zata tayani kula da Usman."

Gaba d'ayan su shiru suka yi kowa da tunanin dake ranshi.

Cikin sanyi Abba yace.
"Umar ba dai so kake ka auri matar da zata taya ka kula da Usman ba.?"

Kai ya jinjina tare da murza yatsun hannun shi.

Shiko Abba sai juyawa yayi ya fiskan ci d'an uwanshi Daddy kenan,
Hajjajo kuwa shiru tayi cikin zurfin tunani...


Su Ya Usman kuwa suna zuwa k'ofar gidan Anty Halima suka had'u da mijin ta zaije d'auko ta,
ganin ya Usman ya dawo da ita suka gaisa,
da mijin k'anwar tashi sannan suka juya shida Ummul suka nufi gida.

Suna juyawa Ummul ta kalleshi cikin murmushi tace.
"Yauwa ya Usman ya batun koyamin tuk'in ne? tun da muka fita sau 2 bamu kuma fitaba."

Juyawa yayi ya d'an kalleta a fakaice yace.
"Ke da kike da Mustapha ai shi zai koya miki."

Baki ta d'an tura tare da cewa.
"Wai ya Usman kaima ka tsani Mustapha ne kam? wai me yasa bakwa son bawan Allah nanne kam?."
Baki ya d'an tab'e yace.
"A,a Hajia ni bance ba,
bance miki bana sonshi ba."

"Toh ka koya min kaji ko Ya Usman na,
Habeebi Katir katir."
dariya yayi tare da cewa.
"Allah ko Ummul kin rainani watoma Mustapha shine Habeebi da'iman ni kuwa Habeebi katir-katir na zama.?"

murmushi tayi tare da cewa.
"Ina sonka ya Usman dinnan."
Murmushi yayi yace.
"Allah d'aiyi ba."
sai kuma sukaci gaba da dariya,
suna cikin dariyar phone d'in Usman ya fara suwa a hankali yana d'agawa yaga Nuru ne,
juyawa yayi ya kalli Ummul dake ta kiciniyar murza siterin motar tare da taima konshi,
a hankali yace.
"Ga lailamajanun yana kirana."
Murmushi tayi tace .
"Toh yauma zaku je zancen kenan?."
Kai ya gyad'a mata tare da amsa kiran
yana d'agawa Nuru yace.
"Kai Gwanja ina kake ne? gani nazo gida Aliyu yace ka fita."

Dariya yayi tare da cewa
"Toh d'an anace naga jiya mafa kaje shine yauma zaka wani takura ni,
toh yau nima na fara zuwa zance gani ga Baby na tana ta cemin,
Ina sonka niko nace Allah d'ai yiba."

Shiko Nuru tsaki yaja yace.
"Kai da Allah ka same ni a k'ofar gidan su."

"Toh" yace sannan ya katse kiran,
hannu yasa ya d'an ture hannun Ummul dake kan nashi yana kallon titin yace.
"Bari sai gobe zamu fita da rana zan koya miki yanzu muje in maida ke gida dan zanje gun Nuru inban jeba zaita damuna."
"Toh tace sannan tace.
" Ya Usman ina son fruits."
Kai ya gyad'a sannan ya tsaya a gefen titin yaje ya saya mata sannan ya dawo suka tafi,
a bak'in gate ya sauk'e ta da nufin zai juya,
da sauri tace.
"A a ya Usman zomuje na yanka maka fruits d'in kasha kafin ka tafi."

"Ki bari sai na dawo."
"A a wallahi ni dai kazo mu shiga inya so na gyara maka ka tafi dashi ko a cikin mota zaka ci."

Binta yayi suka shiga cikin gida kai tsaye kitchen d'in Nenne suka shiga , gaban sink ta tsaya tare da
wonke su tsab sannan ta jawo wata yar roba mai kyau ta zuba mishi,
suna fitowa Aliyu ya kalli Ummul yace.
"In anga kina kiciniya dai toh kinga kayan zak'ine,
nanne za'aga k'wazon ki."

"Eh d'in me ruwan ka da ni d'an sa ido kawai."

Kitchen d'in ya shige yana cewa.
"Uhum shazumami kawai kin iya shan zak'i kin iya yi mana kuka in cikin ki ya fara ciwo,
kita b'are mana baki."

Kanshi tayi da sauri zata kai mishi duka,
shi ko zillewa yayi ya koma bayan Ya Adam dake harararta yace.
"Ai gaskiya ce Aliyu ya fad'a kike wani fiffik'ewa ke zakiyi duka."

Shi dai Ya Usman dariya yayi ya jawo hannun ta ya nufi parlour Hajjajo da ita yana cewa.
"Ko Hamma Umar mai son kalota miki laifi bazaice fruits zai saki ciwon ciki ba,
k'anwata sha abinki."

ba tare da tunanin su Abba na cikan d'akin ba suka shiga tare da sallama.

Suna shiga Hamma Umar ya d'ago kanshi fuska a tsuke ya d'an harari Ummul dake rik'e da Apple a hannun ta tana ci,
baki ta tura tare da kauda kanta da sauri a ranta tana.
"Mugu ko yaushe fuska a tsuke."
Shi ko Usman cikin dariya yace.
"Abba yau mitin kukeyi da Hajjajo da d'an jikinta a gefe ne."

Kallon shi kawai su Abba sukayi zuk'atan su cike da alhinin irin son da Umar keyi mishi,
shiko Usman ganin yadda suke zaune daga dukan alama magana mai mahimmanci sukeyi sai ya d'an zauna tare da gaida su,
itako Ummul dama tuni ta fita ta tsaya a barandar ganin bai fito bane tace.
"Ya Usman bari in kai maka robar cikin motar ko."
"Toh muje nima gani nan zuwa."

Juyawa tayi ta nufi harabar gidan nasu,
shima yana gaida su ya fito yabi bayan ta,
robar ta ajiye mishi sannan ta koma cikin gida, tana shiga Mustapha ya kira dan shaida mata ya isa lafiya,
daga nan kuma sukaci gaba da hira,
shi kuwa ya Usman wurin abokin shi Nuru ya nufa,


A parlour hajjajo kuwa cikin zurfin tunani Abba yabi bayan Usman da kallo a hankali ya sauk'e ajiyan zuciya sannan ya kalli Hamma Umar cikin nitsuwa,
shiko Hamma Umar kanshi ya sunkuyar,
kai Abba ya juya ya fuskanci Daddy da Hajjajo ajiyar zuciya ya kumayi sannan cikin yanke hukunci yace.
"D'an uwana Hussani da maifiyata Ku zama shaida a gareni na bada auren Ummul khairi ga d'an d'an uwana ,
na bada auren ta ga shi.....






By
*GARKUWAR FULANI*

棣冩憫棣冨磳棣冨磳棣冨磳棣冨磳棣冨磳棣冨磳棣冨磳棣冨磳

*RUBUTACCEN AL,AMARI*

Page 8閳拷

*NA*
*AYSHA ALI GARKUWA*

棣冨磳棣冨磳棣冨磳棣冨磳棣冨磳棣冨磳棣冨磳棣冨磳棣冨磳



*Fans na fatan alkhairi a gareni baki d'aya ina mai Baku hak'uri kwana biyu zaku jini shiru sakama kon tafiyar da zanyi gobe zanyi tafiya YOLA 2 KANO kuma biki zani ba damar yin typing sai Allah ya dawo dani lafiya ina barar addu'arku gareni*



*INA kuke masoyan yan gaskiya Firdausi Sodaggi tare da Hassana d'an larabawa Wannan shafi nakune INA al'fahari daku*


*TABITAL FULAKU group GARKUWAR FULANI group AYSHA ALI GARKUWA fans GARKUWA AYSHA&UMMEE novels tare da BANDIRAWO fans kun zamoni na zamo Ku Kusani kab groups na inajin daku kamar yadda kuke ji dani bani da kamarku a duniyar gizo-gizo棣冾檪棣冩棣冩*



*"N*a bawa Umar auren Ummul khairi,
ku sani na bashi auren ta na kuma yanke hukuncin za,ayi bikin nanda wani d'an lokoci domin aurar dasu ga juna shine mafita da zamu sama musu ."

Daddy kam da Hajjajo kallon Abba sukeyi cikin jin dad'i Daddy sai murmushi yake yi ita kuwa Hajjajo kai take ta jinjina wa,
gaba d'aya sai farin ciki ya cika zuk'atan su,
Shi kuwa Hamma Umar tunda yaji furucin da Abba yayi,
gaba d'aya yaji jikin shi na rawa gabb'an jikin shi kab kamar an sassare su,
sai zufa yaji yana ketomai tako ina ido ya d'ago ya kalli iyayen nashi sai kuma atake yaji wata iriyar kunya mai tarin yawa ta rufeshi nauyin Abba yaji gaba d'aya ya kama shi,
cikin tsananin kunya ya sunkuyar da kanshi k'asa yatsun hannushi ya rink'a murzawa tare da yin shiru sai bugun zuciyar shi da ya tsanan ta,
Daddy ne ya kalli shi cikin kula yace.
"Farouq kaji ta inda Allah ya kawo mana mafita ko?,
tunda dama kai tunanin ka matar da zaka aura ta kasan ce mai tausayawa Usman ta taya ka kula dashi kar tazo ta rabaka da d'an uwanka,
kaga a sauk'ak'e ita Ummul yar uwarsa ce kuma ko yanzu tana kula dashi."
Shiru yayi bai d'ago ya kalli Daddy ba sai gyad'a mishi kai yakeyi,
haka yasa Abba ya zuba mishi ido cikin kula yace.
"Farouq."
Shiru bai amsa ba sai gyad'a kai ya kumayi alamar amsawa, shima Abba kai ya jinjina tare da k'ara kiran shi a karo na uku yace.
"Farouq."
Jin Abban nata jerama mishi kiran yasa ya d'ago kanshi kad'an cikin raunin murya yace.
"Na'am Abba."
a hankali Abba yace.
"Farouq d'ago kanka ka kalleni."

Kai ya jinjina a hankali ya d'an kalli k'anin mahaifin nashi,
sai ya kuma yin k'asa da idanun shi,
kafad'an shi Abba ya dafa murya a tausashe yace.
"Farouq kai da banne a cikin yaran mu kowa da halinsa kowa ana fahimtar ina ya dosa amman kai haka Allah ya halicce ka kana da zurfin ciki ba'a gane abin da kake so da abinda baka so kuma bakin ka baya furtawa,
toh ka sani duk da haka bazan cutar da kaiba,
dan kafin ka zama maraya mu muka zama marayu kuma d'an uwanmu Abbanka shi ya zame mana uwa da una bai regemu da komai ba yakan hak'ura da farin cikinsa dan ya sama mana farin ciki,
haka zaisa Farouq bazan k'untata rayuwar kaba,
yadda Ummul take y'ata haka kaima d'anane jininane ni da maifinka uwa d'aya uba d'aya Farouq ina sonka son da bana yiwa y'ay'an cikina,
Farouq ni ubane a gareka kuma aboki kuma amini kuma mashawarci,
Farouq bazan yimaka doleba sai da son ranka karkaji kunyar shaida min baka son Ummul in har baka sonta ka gaya min ,dan bazan yimaka auren cusheba bare na dole,
ka furta min kana son Ummul? ko baka sonta?."

Kai ya rink'a jujjuyawa yana sauk'e numfashi a ranshi yake juya kalaman Abba a fili kuwa cikin raunin murya yace.
"A,a
A,a Abba a,a ba kaina nake tunawa ba , Abba Ummul bata sona,
ko cikin yayunta ni da ban ta d'aukeni kuma gashi tana da wanda take so,
Abba me za'a cewa Mustapha? Ummul da Mustapha nake tunawa kar sanadi na a cutar dasu hakan zaisa Ummul ta k'ara tsanata bana son na zama bak'in jakada a Rayuwar Ummul da Mustapha."

Sai kuma yayi shiru yana murza yatsun sa tare da kamo lips d'in shi na k'asa yana d'an ciza.

Abba da Daddy kuwa ido suka zuba mishi yayin da Hajjajo kuwa gaba d'aya take kallon shi da suffar maihaifinshi ,
Umar Faruoq shi haka Allah yayi shi baya son shiga hakk'in kowa .

Kai Abba ya jinjina sannan yace.
"Farouq amsa min tabbaya ta,
shin kana son Ummul ? ko baka sonta?."

Kai ya k'ara sunkuyar wa cikin cushewar tunani a ranshi yake tuna.
"Abba ya zanyi in kalli tsabar idanun ka nace bana son y'arka ta cikin ka?."

A zahiri kuwa kai ya girgiza murya a raunane a hankali yace.
"A,a Abba ya zanyi ink'i y'ar uwata."

Nannauyan ajiyan zuciya Abba ya dire sannan ya kalli Daddy cikin jin k'arfin guiwa da kara yace.
"Hussaini ina nemawa d'ana Umar Faruoq auren d'iyar mu Ummul."

Murmushi Daddy yayi tare da yin hamdala yace.
"Na bada auren Ummul ga d'ana Umar Faruoq."

Hajjajo ko murmushi tayi da hamdala sannan ta sanya alkhairi a acikin abin,
shi kuwa Hamma Umar kai ya d'ago a hankali yace.
"Abba nagode Daddy Allah ya biyaku."

Da sauri Abba yace .
"A a Farouq godiya kuma a tsakanin mu ai nauyin mu ne mike sauk'e wa."

Kai ya kuma sunkuyar wa murya a raunane yace .
"Abba ya za'ayi da Mustapha? Abba me za'acewa Mustapha? Abba ya Ummul zata d'auke ni?."

Gyara zama Daddy yayi sannan a nitse yace.
"Farouq wannan magana bamu gaya maka itaba har saida mukaje muka samu iyayen Mustapha mu kayi misu bayanin Ummul zamu bada ita ga d'an uwanta,
Alhamdulillah iyayen Mustapha masu mutun cine sun fahim cemu inda anan take suka kira Mustapha a gaban mu akayi mishi baya ni,
tabbas Mustapha yana son Ummul kuma ita tana sonshi d'an Mustapha ya san haka d'an tunda mahaifinshi ya mishi bayani Mustapha kuka yake tamkar yaro,
Amman kuma hakan bai hanashi ya fahimci abinda mik'e nufi ba,
d'an haka yace ,
yaji kuma ya yarda amman don Allah kar a hanashi zuwa gun Ummul tunda ba'asan Rubutaccen AL'AMARI da zai wakana ba yace zaici gaba da neman ta in ita rebonshi ne zaka bar mishi ita,
haka yasa yake zuwa gunta har yanzu kuma munce karya gaya mata yakuma yarda munkuma ce ya rege kiranta da zuwa duk ya yarda."

Allah sarki Umar Faruoq mai sadaukar da farin cikin sa ga wani gaba d'aya sai yaji ya tsani kanshi dan yanaga ya shiga hurumin wasu ya tsaga soyeyyarsu,
gaba d'aya jikin shi ya mutun a haka suka tashi taron su,
Daddy ya tashi ya koma gidan sa shi kuwa Abba yayi part d'in sa a parlour shi ya samu Nenne tana zaune rik'e da carbi hankalin ta na kan tv tana kallon tashar sunnah tv,
zama yayi gefen ta cikin sakin fuska da halin girma ya kalleta tare da cewa.
"Khadija rege sautin tv nan akwai maganar da zamuyi."

cikin girmamawa ta rege sautin sannan ta juyo gareshi cikin nitsuwa tace.
"Fatan alkhairi."
kai ya jinjina cikin girma da isa da gidan shi ya shaida mata yadda sukayi da y'an uwanshi kab.
sannan ya d'ora da cewa.
"Kinji hukuncin da muka yanke."
shiru Nenne tayi cikin zulumin abinda zai biyo baya a hankali kamar cikin rashin fahimta tace.
"Umar ko Usman?."
cikin zuba mata ido yace
"Umar dai ba Usman ba ko kina da magana ne?."

Kai ta juya yayin da idanun ta sukayi tab da k'olloh cikin sanyi tace.
"A a me zance ba komai sai fatan Allah ya sanya alkhairi Allah yasa sanadin haka zumunci ya k'ara k'arko."
sai kuma tayi shiru sannan tace.
"Lallai Mustapha yayi halin kirki,
sai kuma ita Ummul."

Cikin kula Abba yace.
"Ummul kam ai dole tabi umurni na."

Kai Nenne ta gyad'a tare da tarin zulumi.

Daga nan sukaci gaba da hirar yadda bikin zai kasan ce.

Shi kuwa Hamma Umar su Abba na fita ya koma kan 3 str ya konta yayi shiru tafin hannushi yasa ya rufe fuskar sa,
gaba d'aya zuciyarshi ta cushe ta cika da tausayin Mustapha da Ummul shi kam gani yake tabbas ba'ayi musu adalci ba,
d'aya rumtse idonshi sai ya rink'a ganin yadda Mustapha ke kallon Ummul zuwanshi na k'arshe,
Hajjajo ce ta matso shi gefen shi ta zauna a hankali tace.
"Umaruh Farouqu farin cikin ka iyayen ka ke bid'a shi yasa suka yanke wannan hukuncin da su sama maka dad'in rayuwa,
ba k'inka sukeyi ba."

ido ya d'an bud'e sannan yace .
"Na sani basa nufin cutar dani."
daga nan kuma ya mik'e jikin a mace yace.
"sai da safe."

"Allah bamu alkhairi."

Part d'in su ya nufa yana zuwa ya samu Usman yana konce sanyi da 3qtr shi a jikin shi matso shi yayi a hankali ya kalli B'iyayen nashi ganin yayi bacci ne yajawo blanket ya rufeshi,
sannan yayi addu'a ya shafa mishi sannan yaje yayi wonka yayi al'wala yazo suka konta..


A hankali Abba ya kammala shirye-shiryen auren Ummul da Umar hatta kayan d'akin Ummul Abba ya had'o mata a saudia ba abin daya rege,
abin mamaki shi kam Hamma Umar daga ranan basu kuma maganar dasu Abban ba,
Abin da ke bashi mamaki kuwa hatta kayan d'akin an kaishi gidan da yake zama a damaturu cikin gida jen ma'aikatan an shirya komai tsab ba abin da ya rege da bobu a gidan hatta kitchen d'in an shirya komai tsab.


Ita ko Ummul duk abinda akeyi bata da labari,
shak'uwa tsakanin Hamma Umar da Usman kuwa kullum k'aruwa yake Hamma Umar sam baya yarda ya kwana a damaturu yana tashi daga office nashi zai kama hanyar potiskum,
Ummul da Mustapha kuwa suna soyewa son ransu shima Mustapha har manta maganar su Abba yakeyi wasu lokutan.


Yau jumma tun da safe Ummul ta tashi da ciwon cikin da mararta kad'an-kad'an,
haka yasa bata samu tayi aikin da Hamma Umar ya k'indaya mata ba,
shi kuwa Umar Faruoq tun da sassafe ya shirya tsab shida Usman tea kawai suka d'an sha sannan suka fita a tare Usman ya nufi wurin aikin shi shima Hamma Umar ya nufi cikin damaturu,
kasan cewar ya jumma'ace aikin ba yawa sosai.

11:00 Am kiran Adam ya shiga woyar Hamma Umar d'in,
yana d'agowa yace.
"Adam ya akayi ne?."

"Yauwa Hamma Umar dama Abba ne ya aikoni da masu gyaran labulaye yace a canza labulayen toh munzo kuma baka gida gashi gidan a rufe."

"OK gani nan zuwa yanzu ku jirani kad'an bari in k'arisa aikin dan tare zamu koma cikin potiskum d'in."

"Toh" yace sannan suka koma cikin mota suka zauna.

Jimawa k'adan Hamma Umar d'in ya iso ya bud'e musu gidan nashi suka shiga ,
a take su Abdul suka canza labulayen gidan kab sannan suka kimatsa komai suka shimfid'e carpet masu lau shi da taushi gaba d'aya gidan ya d'auki k'amshin da shek'i ga k'amshin sabon penti ga k'amshin sabbin kayan d'akin ga k'amshin kasan cewar Hamma Umar ma abocin tsabta da k'amshin ne komai yayi ras sai shek'i da k'amshin yake zubawa,
shi kam Hamma Umar yana tunanin me Abba yake shirin yi tunda yasan har yau Ummul bata san da zancen ba haka dai ya bar abin a ranshi tunda shi bashi da yawan magana,
su Abdul na gamawa suka d'auki hanya tare da Hmma Umar..


Suna zuwa gida sallan jumma'a suka tafi,
Bayan an taso masallacin ne Dr Umar ya wuce chemist d'in shi,
Abba kuwa da sauran gida suka dawo,
Itako Ummul zuwa yanzu ciwon cikin ta ya fara tsananta,
tana zaune a parlour Nenne tana d'an juya kai Aliyu ya shigo parlour kallon ta yayi cikin kula yace.
"Sannu Anty Ummul ko inje in kira Hamma Umar ne?."
a d'an wahalce ta harareshi tace.
"Barni in mutun."
Dariyan tsokana yayi sannan yace.
"Kije Abba na kiran ki."

Da sauri ta d'an zaro ido gami da dafe k'irji cikin tsoro tace.
"Ni? da gaske Abba na kirana?."

"Ehh wallahi da gaske ne,
toh menene dan Abba ya kiraki ji yadda kike zaro ido."

"A a wallahi Aliyu Abba baya kirana ko batun makaran ta ne Nenne yake gayawa ta gaya min,
ni dai naji tsoron kiran nan nashi."

"Toh koma dai menene kije maji daga baya."
cewar Aliyu kenan.

A bak'in kofar parlour Abban ta tsaya tare da yin sallama ,
Daddy ne ya amsa tare da cewa .
"Ummul na shigo."

Kai ta sunkuyar cikin jin tsoro ta shiga a hankali can gefen Daddy ta zauna yayin da zuciyarta ke luguje,
a hankali ta gaida su,
sannan tace.
"Abba Aliyu yace kana kirana."

Kallon ta yayi cikin k'aunar y'ar tashi a hankali yace.
'"Ehh ina kiran ki."

Sai kuma duk sukayi shiru,
can dai Abba yayi gyaran murya tare da cewa.
"Ummul ni wayene a gareki?."
Kai ta d'ago cikin k'arin firgici a hankali tace.
"Mahaifina."
Kallon ta ya kumayi sannan yace.
"A duniya bayan mahaifi yarki akwai wanda ya fini sonki?."

Baki na rawa tace.
"A,a babu."

"Na tabbatar kina da sanin cewa shariya ta bani damar zab'a mik'a majin aure ko."

"Ehh."
ta bashi amsa hawaye na bin fuskarta.

Shi kuwa gyaran murya yayi sannan yace .
"Abin da ban saniba ko zaki iya min biyeyya kan zab'in da nayi miki."

Zuwa yanzu kam ta k'asa magana sai kai take gyad'a wa tana wasa da yatsun ta.

Cikin bada umurni Abba yace.
" toh nayi miki miji,
kiyi biyeyya a kanshi ko bana raye shine mijin ki, mahaifiyata da d'an uwana sune shaida,
na bada auren ki ga d'an uwanki Umar Faruoq."

Kalaman Abba sun maida Ummul kurma sun sata wani irin razani da firgici gaba d'aya jikin ta rawa yakeyi bugun zuciyar ta kuma kamar zai b'allo ya fito woje kunya yayi mata wani irin nauyi cikin rawan baki tace.
"Hamma Umar Faruoq?."

Kai Abba ya gyad'a mata tare da cewa.
"Ehh shi d'in dai."

Hannu tasa cikin tsoro ta kama kanta ta bud'e baki zatayi magana Abba ya dakatar da ita cikin tsuke fuska yace.
"Tashi ki