You Cannot Download this book untill you login but you can read it .

---

Login Register

An dauko wannan littafi daga shafin https://taskarnovels.com.ng ku ziyarci shafin na https://taskarnovels.com.ng domin samun kayatattun littatafan hausa kama daga kan na yake yake dana soyayya




Marubuci ko marubuciya zasu iya turo mana da littatafansu mu dora masu a shafinmu kyauta don masoyansu su rika Downloading a online,



Sannan marubuta zasu iya turo mana da tarihin rahuwarsu da tarihin rubutunsu, dama sharhin littatafansu don masoyansu su gani kuma su karu da hakan

Domin turo mana da littafi ko tarihin rayuwar marubuci ko marubuciya sai ayi mana magana ta whatssap da wannan nambar +2348140419490



A lura dakyau - kyauta muke saka littafi a shafinmu bama amsan ko sisin marubuci, duk wanda ya amshi kudinku da sunanmu babu ruwanmu,



Alura dakyau - manazarta bama tura littafi ta private ku dena binmu private kuna neman mu tura maku littafi, duk mai bukatar littafi yaje website namu



Alura da kyau - Littatfanmu suna fitowa cikin manhajoji uku ne PDF,TXT da DOC amman munfi amfani da PDF da TXT masu amfani da wayar android ko tablet ko computer zai fi kyau ku riga dauko PDF da DOC



Masu amfani da kananan wayoyi java ko mara java TXT zakuna zaba don shine daidai wayarku


This hausa novel was uploaded and downloaded from https://taskarnovels.com.ng

You can download more hausa novels there

Also you can send us your novel to upload it in our website for your fans to download it online

It is free we do not charge for uploading novel

Also if you are an Author be it online or Non online you can send us your biography including your book summary,commentary and others via this number +2348140419490 its free we do not charge for our services



Note that - we do not charge for our services we uploaded novels and posted biography free, any person that collect your money in our name is your fault do not blame us



Note that - pls readers stop calling us and be asking us to send you a novels we are not sending novels through whatssap or private our novels is public at any day, any time you can visits our site and download it



Note that - our ebooks came as PDF,TXT or DOC format but the popular format are PDF or TXT, those with android or tablet or pc we suggest you to download PDF or DOC
those with java phone or non-java phone we recommend you to download TXT



This Novel is downloaded from https://taskarnovels.com.ng
to download more hausa novels visits our site at www.taskarnovels.com.ng

For feedback and support

Facebook : https://facebook.com/taskarnovels

Twitter : https://twitter.com/taskarnovels

Telegram : https://t.me/taskarnovels

💅🏼 *KUN MAKARO* 💅🏼








*BY HAERMEEBRAERH*







*Ina farawa d sunan Allah,mai rahama mai jin qan bayin shi, tsira da aminci su tabbata ga Annabi Muhammad sallahu alaihi wa sallam, bayan lokaci mai tsaho yau inshaa Allah zan kawo maku sabon labari, wanda nake fatan ya sauya rayuwar mutane da dama, ta fuska kala2, labari ne mai qunshe da darrusa mabayyana, ina fatan zaku bude zuqatan ku masu albarka, kamar yanda kuka saba, domin fahimta da daukan darussan dake ciki.*


*Kamar koda yaushe ina roqon makaranta novels dina,ku na adanawa koda bakuyi sha'awar bi ba a yanxu, kar sai gaba ku zo kuna nema lokacin an wuce kuuu, wannan rubutun ina son nayi d sauri fiye da da, saboda kunsan na koma makaranta, ina roqon addu'ar ku akan samun nasara akan wannan karatun nawa, na gode maku*



Page 1:




Aeeshaa ke zaune a kan kujerar zaman mutum daya, dauke da wuqa da kwano, tare da kubewa tana yankawa, tana yi tana kallon lokaci, aiki take kamar wata inji, ba hutu, abinda ke tsaida ita wannan aiki, sallah.

Cikin sauri ta tashi ta koma kitchen ta dau turmi da tabarya, ta saba wannan kubewar da ta yanka, tana gamawa ta je ta zuba a tukunyar miyar data ji nama da kifi, ta kada ta rufe kadan, sannan ta koma kan tuwon semo da ta tuqa tin minti biyar da ya wuce, tuqawa tayi taga yayi,maza ta dakko leda da mazubi ta fara zubawa tana murde ledar tana sawa a inda ya dace, da sauri ta juya kan miyar dataji ta fara alamar zubewa, ta kashe gas din, ta qarasa rufe tukunyar, sannan ta qarasa kwashe tuwon ta.


Tana kammalawa ta diba fridge taga zobon data hada ya dau sanyi, murmushi ne ya kwace mata, da sauri ta koma ta wanke dik abinda ya dace, ta fara jera abincin akan dinning, sai da ta kammala komai, ta juya da sauri dan wucewa dakin ta tai wanka ta shirya islamiyya, kar ta makara kamar yanda tai da safe, zuwa makarantar boko, taji kiran Umman su, zuciyar ta ce ta buga da qarfi.


"Na'am Umma gani nan zuwa"


Cikin azama ta nufi dakin Umman nasu, inda ta tsaya a bakin qofa, tai sallama tare da qwanqwasa qofar, shiru kafin daga bisani ta amsa mata cikin tsawa,



"Dan ubanki sai yaushe zaki riqe akan ki inna kira ki kina shigowa? Sai ki tsaya dan gulma kina wani jira sai na baki izinin shiga,kina abu sai kace wata uwar mata, da ban son ganin ki zan kira ki ne?"



Shiga Aeeshaa tayi, ta samu gefe ta tsaya tace,


"Umma kiyi hakuri,gani,"


"Yauwa nace kin gama abincin ne?"


"Eh na gama,na hada komai kan dinning, yanzu shirin islamiyya zan, kar na makara kinsan yau banje boko ba saboda makara da nai, na kammala komai har dare nai abincin ma tinda naga tiwo ne"



"Waya saka ki yi har dare? Ni nace ki dafa har dare ko iyayi? Ko kin fini sanin me ya fi dacewa da ayi ne?"


"Umma dan Allah kiyi hakuri bana son ranki na baci, bari inna dawo islamiyya kome kk so zan dafa, dan Allah ko zan fashin boko bana son nai fashin islamiyya,"


"Alhuda huda kenan sarkin karatu, wuce ki tafi,kina dawowa kizo akwai wankin da zaki hada dana qannen ki kimin, kinga sai kisa uniform dinki ma dika ki wanke ko?"


"Eh hakan ma yayi Umma na tafi sai na dawo,"



"To"



Aeeshaa da sauri ta shirya ta fito, dan ko wankan bata samu yi ba gudun makara, in ta dawo tayi.


"Aunty Aeeshaa muma mun shirya,"


"To Ameena maza muje kar mu amshi bulalan latti ko? Ina Abdul hakeem?"


"Gani meye?"


"Kai dai Allah ya shirye ka baka da kunya ko kadan har yanzu,girma kk amma kana shiga daji,"


"An shiga din, ni na tafi kar ku taho ku tsaya surutu,"


"Aunty Abdul baida kunya, amma karki fada masa nace haka,"


Murmushi Aeeshaa tayi, ta shafa kan qaramar qanwar ta, sannann suka fita daga gate din gidan nasu, sannan tace.


"Kar ki damu, ba zan fada masa ba,ai dama baida kunya ko baki fada ba, muyi sauri,kinga ga yara can sai gudu suke suma,"



Qara sauri sukai, dankar su makara, suna zuwa suka shige ajujuwan su, Abdul Hakeem ajin su daya da Aeeshaa,Ameena na ajin dake qasa danasu, domin itace qaramar su.


Karatu ake amma hankalin ta yau sam baya jikin ta,yana can wajen tinanin rayuwar gidan su, gaba daya basu tausaya mata, basu san tayi abu a gode mata ba dik da qoqarin da take yi, tana baut masu kamar bata son jikin ta,amma ko a jikin su, burin su kawai ta masu aiki, su amfana da ita kuma su zage ta, sai kace ba Umman tasu ce ta haife ta ba, tinawa da mahaifin ta da ya rasu ne yasa wata kwalla me zafi ta saukar mata,to ko dai ba Umman ce mahaifiyar ta ba ne? Tinda mahaifin ta ya rasu tin tana shekara bakwai, sabida cancer, .......




"Aeeshaa tinanin me kk haka? Har da kuka?"



A firgice ta miqe tsaye ta fara rera karatun da ta haddace jiya,a zaton ta an tashe ta ne dan tai karatu, nan da nan kuwa ajin ya dau dariya,banda Abdul,wanda ya bata rai, ya juya ido, ya kalli waje.



Shiru tayi,dan ta kula da abinda ta yi, nan ta sunkunyar da kan ta, tana son taji me malamar tasu ta fada da farko.


"Aeeshaa tambayar ki nake me ya same ki?"




"Kaiii kaiinaaa ke ciwoo"


"Wayyoo sannu maza jeki gida,tinda ba nisa, sai kisha magani, ki zauna, gobe kin bada haddar ki,"


Da sauri ta fara karatun ta,dan bata son abinda zai sa ace ta koma gida ba a tashi ba aiki na can na jiran ta, bata huta da aikin da tagama tiqa ba tin safe.


Kyale ta malamar tayi, ta kammala, sannan suka dora sabon karatu.


Qarfe 5:30pm suke tashi,dan haka suna tashi gida ta nufa,ita da qannen ta.



Suna shiga taga kan dinning kaca2,ga qawayen Umman ta a parlour suna ta hira, ana shewa, an barbaza kayan sayarwa a qasa,ga cups nan da plates anci snaks, sai ciniki sike ma Umman nata,suna yi suna hirar batsa, lura da dawowar yaran yasa suka nutsu,




"Ah Aeeshaan Umman ta,kun dawo kenan, yanzu nake cin wani daddadan abinci, Umman ki tace ke kk dafa, ina matuqar mamakin ki Aeesha, dika dika shekarar ki sha shida amma kin iya abinci kala2, kamar wata babba,"



Wani irin dadi ne ya kama Aeeshaa,yau a rayuwar ta gaba daya an yabe ta, ji tai kamar ta kama Aunty Safnaa ta rungume dan murna, ta bude baki zatai magana kenan Umman ta ta amshe.



"Wannan me shegen son zaman dakin? In ba dan nayi qoqari na tsaya tsayin daka ba da ko ruwan zafi bazata iya dafawa ba,sai shegen son karatu, kamar wata babbar mace, kullum ina nuna mata hanyar kasuwancin nan tana kauda kai, bata san ko kayi karatu ba wani aiki zaka samu ba, maza ma wahala suke sha bare ke mace da zaki qare a dakin miji,"



Aeesha bata ji dadin kalaman Umman ta ba amma cikin murmushi tace,



"Umma me za a dafa? Ko kawai naje na dora abinda ya dace?"



"Kije ki yi dik abinda kk ga ya dace, ga wankin nan karki manta"

"To Ummana"



miqewa tayi ta shiga ciki, ta sauya kayan jikin ta, ta koma Office din nata wato kitchen, taliya ta dafa da miya, dan ta samu sauqi, da sauri cikin kazar2 ta wuce dakin Umman nata ta hada kayan wankin su, ta koma ta dauki na qannen nata ta fita qofar baya ta kama wanki,ba ita ta gama ba sai ana kiran magrib.


Bayan tayi sallar magrib, tayi azkar,tayi karatun ta na qur'ani, sannan ta yi isha'i, ta nadr abun sallah, ta leqa wajen umman ta ta tambaye ta ko akwai abinda zata mata?



"Ba abinda za ki min yanzu, ki tabbatar dai kin gyara kan dinning kan ki kwanta,"


"To Ummana sai fa safe,"


"Allah ya tashe mu lfy,"


Tana mamakin Umman ta, wai ace magana mai dadi bazata hada su ba, komai a cikin fada yake da kushewa, ga qannen ta nan suma sun dauka, musamman Abdul,gwanda2 Ameena, wataqila itan ma dan yarinya ce,ba zata wuce shekara 5 ba.


Daga komai tayi takai kitchen, ta kashe fitulu ta kulle masu qofa ta tofa ayatul kursiyyu sannan ta yi dakin ta.


Tana Assignment din ta bacci ya dauke ta ko kammalawa batai ba tsabar gajiya.

********************




"Wai makaranta nan da can ki taka kije sai na kai ki na dawo dake, ga su Ameena dake nesa, suma saina kaisu, na aje su, ke ko tausaya min bakiyi,"



Hawaye ne ya gangaro ma Aeeshaa, tai saurin saka hannu ta share, ita dik wahalhalun da take ba'a gani sai kaita makarantar da ake shine zai zama abin magana, lallai bin iyaye yana da wahala, Allah ya bata ikon cin wannan jarabawa, yanzu in ta amsa ta tace ta barta tana zuwa ta jama kan ta aiki, taje ta dawo ta tiqi aiki, ga shi dama ta fita a gajiye, a boko sam ba ta da wani qoqari, saboda aiki ya mata yawa, ga uban fashi datake dokawa.



"Kiyi hakuri Ummana"



"Mtss da an magana kiyi hakuri, kiyi hakuri, ya zan ai dole na hakura"



Sun isa gida, kowa ya fita ya rufe qofa, suka ganshi tsaye a bakin qofar shiga parlourn gidan, riqe da Cup a hannin shi, da shi da Umman sukai dariya, dan ta san da dawowar shi.



Bakin su sake, zuqatan su cike da murna suka nufe shi a guje, banda Aeeshaa da ta kasa koda motsawa.


Binta yake da wani irin kallon da ba mai iya fassara shi, dan shi kan shi bai san meke cikin zuciyar shi ba game da wannan halitta da ya gani a gaban shi........






*Casssss my fiful how do u like this page? Hope ya maku dadi? In yayi dadi wanna see ur comment to give u more page💃🏻💃🏻*
💅🏼 *KUN MAKARO* 💅🏼







*BY HAERMEEBRAERH*






Page 2:






"Ke wato kin girma shine ba zaki zo ba?"


Cike da jin kunya ta kalle shi, ta isa gare shi, ya kai hannu zai taba ta ta dan ja baya cikin dabara,



"Barka da zuwa Yayanmu, saukar yaushe? Shine ko ka sanar dani,na maka kyakkyawar tarba da girkina me tsinka kunne ko?"



"Wowww, har yaushe kk girma? Yaushe2 ma daina daukan ki muna zuwa gidan Hajja dake? Yaushe2 ne na daina....."



"Yayaaa plsss ya isa haka, kana ganin wannan mara kunyar har ya fara dariya,"


"Dan Allah muje ciki, na gaji da tsaiwa, dan na kula in aka barku nan sai ku kwana hira,"


Hanya suka bama Umman nasu ta shige, sannan suma.suka shiga suna ci gaba da hira tare da murnar dawowar yayan nasu, wanda yake dan Yayan umman su ne, amma anan gidan ya tashi, hasalima shi ke kiran Umman nasu da suna Umma har sika tashi da hakan suma.


Kulle dakin ta tayi, ta sauya kayan ta, har zata fita, ta tsaya, gani nai ta koma ta dakko mayafi mara girma sosai, ta yafa, sannan ta fita, (dan ta tina cewar yanzu ba su kadai bane akwai wanda ba muharramin ta ba a gidan).



Kamar yanda ta saba, girki taje ta dora, ta koma suka ci gaba da hirar su,yana basu labarin karatun nashi daya je na koyon tuqa jirgin sama, Abdul dik sha'awar tuqa jirgi ta gama kashe shi, tambaya kan tambaya, ita kuwa Aeeshaa abun bai wani bata sha'awa wai tuqa jirgi, ita taso ace aikin asibiti yayi,ko dan sanda ko soja, dan su take son namiji ya zama yana yi, amma ba wani abu wai shi tuqa jirgi ba,



"Qanwata ya dai naji kin bata shiru?"


"Ammm ba komai, dama ina tinanin kamar abincin nan yayi bari naje na duba,"


"Yes dear pls go, yunwa nake ji sosai,"



Dariya sukai dika ta tashi, ya bi bayan ta da kallo, yana mamakin saurin girman da tayi, kamar ba yar shekara sha shida ba,komai na jikin ta sai dai masha'Allah.



Bayan sun kammala cin abinci har Umman nasu, ya masu tayin raka shi zuwa gidan Hajja dan acan gidan iyayen shi yake.




"Yehhhhh Yah Sabeer zani, na dade ban je ba dama"


"Nima zani,"


"Ina zaki? Ke qaramar yarinya ce? Ki zauna ga dakina nan jiya ko sharar yamma baki min ba, ga gidan nan kaca2 in muka je dake wa zai gyara?"


"Au Umma kema zaki?"


"Zani mana Ameena, nida gidan mu? Ku kuka je balle ni?"


Sauke kan ta tayi, ta miqe ta bar wajen dan tana buqatar zama ita daya, ta koka abinda ke ran ta, in aka mata abu in bata koka ba wani irin baqin ciki ke tokare mata zuciya,


"Allah ya kaiku lfy y dawo d ku lfy,ina gaida tsohuwa me ran qarfe, sai kun dawo,"



Sabeer baiji dadin hakan ba,ya so su tafi dika, kwata2 baya son abinda Umman nasu take ma Aeeshaa da sunan wai kunyar 'yar fari,wannan ai shirme ne da kuma rashin wayewa, dik da su da alaqa da fulani ai ba haka ita Maman ta ke mata ba, tinda ko shawara da ita maman ta keyi, amma ita taqi jan tata diyar a jiki, tashi yayi jiki ba laka, dan ya sauya kayan jikin shi su wuce.


Tana wanke2 ya same ta, ya jingina da qofar yana kallon yanda ta juya baya take sharbar majina saboda kukan da take,



"Kar ki damu, inshaa Allahu zan kai ki da kaina, ki daina kuka, in munje da yawama bazaki wani ji dadin zuwan ba, ki bari sanda Umma bataje ba sai na kaiki, ki sake sosai abinki kinji yar qanwata?"


Juyowa tai tare da qaqalo murmushin dole,



"Na gode yaya, amma ni bansan me yasa Umma bata son jerawa dani muje gidan Hajja ba, rabona ma da gidan har na manta, ko ina za a fita ba ta zuwa dani, kullum sai dai a barni a gida kamar me gadi, innai magana sai tace wa xa a bari a gidan in mun fita dika,"


Kuka ne ya kwace mata ta juya d sauri ta ci gaba da wanke2n ta.

Cikin nutsuwa yake takawa zuwa gare ta, jin shi tai daf da ita,


"Kar ki na saka damuwa a ran ki kina qaramar yarinyar ki, zaki jawa kan ki wani ciwon,komai dake faruwa dake yana da dalili, Umma kunyar 'yar fari kawai take nuna maki, ba wani abu bayan nan, a bayan idon ki bakiji yanda take yabon ki ba,"


Da sauri ta juya wani farin ciki ya bayyana a fuskar ta,


"Yah Sabeer da gaske tana yabona a bayan idona?"


Ya bude baki zai bata amsar qaryar da ya shimfida yaji kira daga waje, ana qoqarin shigowa,


"Sabeer in bazaka kaimu ba mu mu tafi ai munsan hanya, ka samu waje ka yi zaman ka daga bari ka sauya kaya,"



"Umma kiyi hakuri nayi wanka ne, yanzu na shigo ina ma wannan 'yar qauyen sallama"


"Muje,ke kuma ki tabbata kan mu dawo, kin yi komai, kar na dawo naga wajen nan kaca2"


"Umma ku dawo lfy, ina gaida Baba General, kice ya baki abun dadi ki kawo min,"


"Eh tinda akaina rashin kunya ta qare sai naje ina fada masa saqon ki, keni bana ciki da rashin ta ido,"



Dan dariya sukai mata, dan gaba daya ita kamar ba wayayyiya ba, kunyar dan fari tin yaushe aka daina?


Tayi qoqarin kammala komai da wuri,dan tana da kazar2 da saurin aiki,sai dai tana yi a nutse da kulawa, yanda dik saurin da takeyi tana aiki me kyau, nan da nan gidan ya dau qamshi da kyalli, wanka tayi ta kwanta dan hutawa, in Umman ta ta dawo bata san kuma wanne aikin ne a gaban ta ba.



********************






Babban gida ne, kusan nace dik unguwar yafi kowanne gida kyau da girma, daga farkon layin zuwa rabin layin gaba daya gidan General Muhammad Mustapha Dan Bauchi ne, tsohon soja ne, wanda ya halarci yaqi kala2, kuma ya samu babban muqami, da kyaututtukan girmamawa, yayi ritaya amma har yanzu mahukuntan qasar nan suna damawa da shi, yana da matar shi guda daya, mai suna Aeeshaa, wadda suke kira da Hajja, auren soyayya sukai, wanda har yanzu soyayyar nan a kullum ba dan tsufa ba sai mutum yace sabbin aure ne, yana matuqar girmama matar shi,bai hada ta da kowa ba, itama haka, akwai fahimtar juna mutuntawa da kauda kai a tsakanin su.


A shekarar farko da auren su ta samu ciki, inda wata tara na yi ta haifi yaron ta na miji, aka maida sunan mahaifin shi wato Muhammad, amma suna kiran shi da Basheer, sai Abubakar, sannan daga qarshe sukai auta da Khadeeja.


Basheer shine babba, wanda yanzu haka suna tare a gida daya da mahaifan nashi, a bangare daban, yana da mata guda daya, yar garin Kano ce, mai suna Huwaila, mace ce mai mutunci da mutunta kowa, sai dai akwai ta da son abin duniya da son girma, gata kwata2 ba zaka taba mata kyauta ko wani abun alkhairi ba tace maka na gode, amma tsakanin ta da mijin ta sai son barka,kullum a cikin yabawa kyakkyawan halin ta yake, son abin duniyar ta kadai ke hada su, in yayi magana takan kashe bakin shi da cewa,

"Haba Abban Khaleefa, komai na siya ko na saka ai domin ka ne,"



Ta hakan yake dauke kai akan yawan bani2n ta. Suna da yara uku, Khaleefa wanda ya ci sunan kakan shi, (Muhammad Basheer Muhammad) sai Hamdiyya, da Bilqis. Matan sunyi aure dika, Khaleefa shi bai aure ba, har yanzu saboda girman kai, da ganin ba wanda ta isa ya kai kan shi wajen ta, ma'aikaci ne a filin jirgin sama dake nan a garin kano.


Sai Abubakar wanda yake shine mahaifin Sabeer, mahaifiyar shi 'yar uwa ce ga Hajja, dan haka aure zumunci ne suma, suna da yara Uku suma, Hassana,da Hussaina,Sannan Sabeer, Hussaina a tare aka aurar da ita dasu Balqis, yanzu ya rage sauran ita kadai a matan gidan.




Khadeeja itace autan Hajja, kuma itace mahaifiyar su Aeeshaa, ita kadai ce tayiwa Hajja takwara, wannan dalilin ne yasa Hajja ta hana a boye sunan Aeeshaa, Aeeshaa na da qanne kamar yanda kujaji sunan su a baya, Abdul Hakeem da Ameena.


Mahaifin Aeeshaa mai suna Salihu Adam, maraya ne, dan garin Katsina ne, yana da Yayan shi da ya rage masa, mai suna Isma'el Adam Katsina, yana can zaune tare da iyalan shi.


Neman aiki ne ya kawo Salihu garin Kano, makaranta daya suka gama da Abubakar Mahaifin Sabeer anan Kano, dan haka yace ya zo gidan su ya zauna har ya samu aiki, ya samu aikin banki, da taimakawar General, kuma yana samun albashi mai tsoka, dan haka General ya bashi shawara akan yayi aure, matasan yanzu suna samun kudi ba aure musiba ne, cike dajin kunya ya sosa kan shi, ya duqar da kai qasa, Hajja dake gefe tana shan kayan marmari, tace,



"Au ashe fa General baka da labari,"


"Na me fa?"

"Salihu Khadeeja yake so, dan na sha kama su suna hira, kullum ina son sanar da kai to ba ka zama sosai, sai na manta, yau dai Allah ya nufa kayi maganar a gabana, na san da ba zai fada maka ba,"



"Ahhh afff tooo... masha Allah, wannan abun ai yayi, yayi kyau hakan, na kuma ji dadi, Allah ya sanya albarka a ciki, yanzu abinda za ai shine, ya kamata kaje Katsina ka sanar da magabatan ka, kaga shikenan sai a zo a sha biki ko?"




Cike da jin nauyin su ya musu godiya sannan ya sanar da su rasuwar mahaifan shi, ta hanyar hadarin mota, ya sanar dasu yayan shi ne ya rage masa, da baffanin shi da kawunan shi.


Sun masa ta'aziyya, sannan suka shaida masa zasuje Katsinan tare, basu son a bata lokaci tinda suna son juna Hajja ta shaida hakan.



Cikin qanqanin lokaci akai auren su, Generak yayi2 su zauna tare da shi, kamar sauran yaran shi, Salihu yaqi, dan shi mutum ne mai zuciyar nema, da kuma son ya tsaya da qafar shi, mace dik son da take maka, taga iyayen ta na maka wani abu, komai qanqantar shi to ta samu kafar rainaka, haka ba dan Hajja taso ba suka samu gida a unguwar dake kusa da tasu, ya siya suka zauna.


Khadeeja na matuqar son mijin ta, amma kunya tana matuqar damun ta, kullum yayi ta tsokanar ta yace,


"Khadeeja ke fa ba zallar bafulatana bace, ki daina tauye mana rayuwar jin dadin mu,"


Takan bashi amsa da,


"Mu fulani ne, dan kuwa kakannina na uwa da uba fulani ne, dole na zama me kunya"



Sun samu albarkar aure, tare da qarin arziqi me yawa. Watarana yana wajen aiki aka wuce da shi asibiti, saboda matsanancin ciwon kai da yake fama da shi, likitoci sun dade suna masa gwaje, dan sai da suka dau kwanaki, suka gano yana dauke da ciwon cancer na bargo, Khadeeja tayi kuka sosai kamar zata mutu, gaba daya kunyar shi da nauyin su Hajja da take ji ranar babu, ga shayarwa tanayi, ga tashin hankalin rashin lafiyar mijin ta, ko abincin kirki bata ci, yarinya bata samun nono sosai, shekarar Ameena daya da yan watanni aka yaye ta, An shirya za ai masa aiki, a qasar India, suna shirin tafiya, Allah ya karbi rayuwar shi.





Tashin hankalin da Khadeeja ta shiga ba zai misaltu ba, sai da ya kai, an kwantar da ita a asibiti, na sati daya da kwana biyu, ta rame ta lalace kwata2 ko kyaun gani bata da shi, har Hajja ta dinga zargin ko wani cikin gare ta.


Bayan arba'in da rasuwar Salihu, Hajja suka yanke hukuncin ta koma gida, aikuwa sunga tashin hankalin da basu taba zatan zata yi ba, kuka ta dingayi, tana sambatun zasu raba ta da gidan mijin ta, mijin ta zai iya dawowa ko wanne lokaci ya ga bata nan, tafiya yayi ba mutuwa ba, da kyar aka lallaba ta, aka bar ta, dan gudun kar ta samu wani ciwon, a