You Cannot Download this book untill you login but you can read it .

---

Login Register

inji mummy still cikin mammaki


"hmm ke baki san halin da ake aciki bane
Allah yayiwa diyarki farinjinin masoya, mutanen dake tunkarata da son abasu ita ko wa 'ya'yansu ko wa kansu basuda iyaka, kullum cikin atracking dina suke akan maganarta amma saboda nayi alqawarin bazan yimata dole bane yasa duk bana maida hankali akai Saidai nace suje su tunkareta idan ta amince dasu to ni banida matsala

Dukda Hakan ban tsiraba kullum cikin zarya ake wajena shiyasa na yanke shawarar kawai sawa zanyi yaron datake so ya turo a daidaita magana kinga duk wanda yaji an badata bazai qara damuna ba"


Shiru mummy tayi sai kuma ta Kada kai
"kuma fa hakane, amma sai inga yayi wuri dayawa abari takusan gama school mana"

"ai ba auren za'a daura ba bakuma sa biki za'ayi ba kawai introduction ne, ma'ana suzo neman auren ta ya kasance an tsayar da magana, kinga idan shi yayi graduating yafara service sai asa bikin lokacin dazai gama service sai a daura auren dama kuma nariga na fidda post dazan bashi a daya daga cikin companies dina kinga sai suyi settle down ga mata ga aiki, ko yaya kika gani?"


Tuni mummy tahau fara'a batasan sanda ma tayi mai half hug ba

"perfect! Hakan yayi sosai wlh, kai amma naji dadi"


Murmushi daddy yayi ganin yadda mummyn ke murna sai yace
"kinga basai acemashi ya turo wannan larabar ba, basai sun takura kansu ba da kawo kudi yanzu duk mun zama daya kawai fatanmu allah yasama abin albarka"


"Amin ya allah Alhaji, Gaskiya bansan yadda zan iya musalta maka farincikin danake ciki ba, am supper happy, at last nafara jiyo qamshin auren diyata"


Dariya daddy yayi ganin yadda ta rikice don murna sai yace
"wayaga uwar amarya"


Jujjuya idanu tayi
"hmm za'ayi abu" tafada cikin cin buri


Dariya daddy yasake yi yace
"to yanzu sai agayama su mutanen Ruma ko sai asamu kosu yusuf suzo"


"har saisun zo?"


"yo ba diyarsu bace? Ni nan kinsan banida yayye ko qanne maza sai only qanwata JAMILA(ummu batool) kuma ba anan qasar suke ba bare nace mijinta ya wakilceta

Kinga idan daya daga cikin kawunnan nata na Ruman suka zo sai nasamu aboki ko daya nima ayi zaman tunda kawai introduction ne basai anyi wani gayya ba"


"hakane wlh, Gaskiya tsarin yayi, allah ya taimaka yasa ayi taro lfy a watse lfy"


"Amin amin Hajiya ta, insha allah bikinnan zai zama one in town, zamu jijjiga Katsina"

"Allah Alhaji na" tafada cikin tsananin jindadi

"Allah hajiyata"

Da wannan firar suka kwanta a ranar kowa zuciyarshi fess.




Washegari ummu batool ce ta fashe kwan wa zee don ita batasan anayi ba Saida ummu batool din ta kirata tana kodata tana cewa tun saura wata biki zasuzo nigeria su tare don sune amara qirjin bikin

Tace ba don daddy ya hana ba da dasu za'ayi introduction din


Itadai zee haka taita biyemata da Dariya ba don ta fahimci zancen nata ba Saidai kawai tadanyi Dariya cikin wayancewa

Saida suka gama Gaisawa da ummu batool din sannan taba batool din itama suka gaisa da zee inda itama take tsokanar ta da sunan amarya

Ahaka dai tasamu a daddafe tagama wayar sannan ta tashi da gudu tayi dakin Mummy


A rikice take gayama mummy yadda sukayi dasu ummu batool tana Tambayar me suke nufi


Murmushi mummy tayi na manya sannan ta fadamata abinda ke shirin faruwa.


Zee was so shocked, dumpfounded, Happy, tama rasa wanda ya rinjayi wani a feelings din


Tambayar mummy tayi tace tun yanzu? Sai mummy tayi mata bayanin da daddy yayi mata itama jiya.


Murna a wajen zee ba'a magana don Tsalle tayi ta rungume mummy tana ihun murna babu ko kunya


Tureta mummy tayi daga jikinta sannan ta fattatakota waje wai tafitar mata a daki tunda batada kunya


Dakinta zee takoma tana cigaba da tsallen murna, she can't believe wai Deen zaizo neman aurenta ne


Dafarko harta dauki waya zata kirashi saikuma ta tuna ba ita ya kamata tafara breaking din news din ba atsakaninsu shi ya kamata yafara

Hakan yasa ta maida wayar ta ajiye ta cigaba da murnarta


Koda daddy yadawo da marece har daki tabi shi Domin bayyana mashi farincikin datake ciki don dama ita bawani kunyarshi takeji ba


Sosai daddy shima yaji dadin ganin irin murnar datayi yana kuma alfahari da kanshi ganin ya wanke mata zuciya tass.



Sai daddadare tasamu kiran Deen wanda dama wayar na hannunta tana kallonta every now and then don ganin ta inda kiran zai shigo.


Duk yadda tayi tunanin Deen zaiyi murna Saida ya wuce nan don har abin Saida yasata shauqi

Sosai yake bayyana murnarshi yana cewa yana jin kamar ya jawo ranar tazo ko zai huta don bayada tabbacin zai samu isassun barci cikin dararren nan na kafin ranar


Itadai zee Dariya Kawai take mashi tana sauraron sambatun nashi tana kamar babu wanda yakaita farinciki a duniya.




Yan Ruma labari yakai musu, sosai sukayi murna da wannan al'amarin don sai bugowa ake tayi ana allah ya sanya alhairi dukda bawai bikin za'asa ba sai aka wakilci kawu yusuf don yaje don dayan bayama garin.





Shiri akeyi sosai na ranar a gidan su zee, kowanne ka gani kasan cikin farinciki yake don ace labarin zuciya a tambayi fuska, kallo daya zaka ma ahalin gidan suna cikin jubilation


A bangaren zee da Deen wata sabuwar soyayya ce suke shimfidawa ta waya

Koda yaushe maganar Deen bata wuce ya qagara ranar tazo, jiyake kamar ya tariye ranakun azo daidai ranar

Itadai Saidai tayi ta yimashi Dariya tace ya cika zumudi.






*WEDNESDAY*



Tunda safe aka fara shirye shiryen tarbar baqi

Sosai aka gyara gidan musanmman can 6angaren baqi don anan za'ayi zaman wanda aka fidda za'ayi qarfe 3:00pm


A kitchen kuma kayan snacks ake hadawa na musanmman saboda baqi



Tun 12pm Kawu yusuf ya qaraso daga Ruma.


Yasamu tarba mai kyau wajen mummy da daddy

Anan aka kira mashi Zainab da tazo tanata wani sunne sunnen kai wai ita kunya


Tsokanarta kawu yusuf yashiga yi su daddy nayimata Dariya itakau Saidai ta sunne kai tana murmushi


Saida sukaci abinci sannan daddy da kawu yusuf suka fita sallar zuhr


Lokacin dasuka dawo yayi daidai da lokacin da abokan daddy suka iso duk manyan mutane, da Alhaji Abubakar (baban Asaad) da wani Alhaji bello.


Wucewa sukayi bangaren daddy suka zauna sunata firarsu na manyan maza ana raha an cika masu gabansu da kayan motsa baki Suna ci suna fira suna jiran isowar mutanen Deen.







*03:15pm*



Zaune zee take gaban dressing mirror tana qarasa daurin dankwalin kanta tana humming waqa ahankali cikin nishadi


Jitayi an murda kofa an turo Hakan yasa tadan dakata tajuyo tana kallon mai shirin Shigowa


Mummy ce Hakan yasa tayi saurin sadda kai don kunyarta takeji sosai

Qarasowa mummy tayi wurinta ta tsaya

"mummy welcome" tafada cikin jin kunya


"yauwa, nace kunyi waya dashi ne?" inji mummy fuska babu walwala

Cikin rashin fahimta tace
"waye?"


"Kamal mana, yabar mutane Tundazu sunata jira shiru ko besan lokacin da akayi fixing bane?"


Gaban zee ne ya yanke ya fadi

"b.. Basu zoba?" inji zee cikin dan rawar murya


"da sunzo da kin ganni anan? C'mmon bugamashi kiji lfy suka tsaida mutane haka?"


Saurin tashi tayi jiki na dan rawa ta jawo wayarta dake kan gado tashiga laluben number shi wanda last call dinsu jiya daddadare ne Dakyar ma suka rabu a wayar don qin bari yayi su ajiye wayar dukda yadda wayar shi ke mashi low battery daga qarshe ma kiran katsewa tayi wanda bata raba dayan biyu chajin ne ya ida qarewa ta mutu


Danna ma number kira tayi amma aka bata amsar _switch off_


Dagowa tayi ta kalli mummy taga itama ita take kallo

"ya dai?" inji mummy

"wai akashe" inji zee


"akashe? Why zai kashe wayar shi a irin wannan ranar?" inji mummy wanda Alamu sun nuna tafara fusata


"wlh ban sani ba Amma jiya damuke waya yayi min complain wayar babu chaji don sai warning suke mashi, qila mutuwa tayi" tafada tana jin zuciyarta na gudu har lokacin


"ta mutu kuma shine bazaisa charge ko yakai a samashi ba?
Mutanen nan tun after 2 suke anan zaune amma ace haryanzu shiru? Uku kusan da rabi?"


"bari na sake gwadawa" tafada tana qara danna mashi kiran amma the same amsa ne
_switch off_


Daidai nan daddy shima yashigo dakin cikin shigarshi ta alfarma da yayi musanmman domin ranar

"wai ya haka? Daga aikoki kema shiru?" inji daddy yana kallon mummy


"hmm gamunan munata neman number yaron muji lfy mukaji shiru amma wai switch off?"


"number tashi?" inji daddy

"eh mana" inji mummy cikin takaici


"muga number daughter" yafada yana qarasawa wajen zee daketa faman sake re-trying number

Shima kira yayi amma amsar dayace, akashe take.


"to babu number wani nashi dakuka sani? Ko kaka?"


"Kaka batada waya" inji zee cikin sanyin jiki


"muga number" inji mummy

Kallon number tashiga yi

"wannan ai ba number bace ba" inji mummyn


"ai ya chanza layine wancan ya fadi" inji zee dake jin kamar tayi kuka


Ajiyar zuciya daddy ya sauke sannan ya duba agogon hannunshi


"yanzu 3:40pm bari mushiga sallar asr qila kafin mufito sun iso maybe wani abu ya tsaidasu, allah yasa lafiya"

Duk shiru sukayi jigum babu mai amsawa

"ku saki ranku mana, insha allah they're on their way, kuma kuje kuyi sallan kafin mugama zasu iso"

Da Hakan ya juya ya fita.


Kallon juna zee da mummy sukayi saikuma zee ta sauke kanta qasa

Ajiyar zuciya itama mummy tayi tace
"kije kiyi sallar gashi kin 6ata fuskar da kwalliya sai kije ki wanke"


"ai inada alwallata" inji zee a sanyaye

Ta6e baki mummy tayi ta fice itama


Komawa zee tayi ta zauna gefen gado tana tunanin meyasa haryanzu mutanen Deen basu qaraso ba?


Bata daddara ba taqara dago wayar hannunta taqara dannama number shi kira amma still *switch off*..... ✍️







Ummin fasihu 🧚🏻‍♀�?
8/2/21, 9:38 PM - Buhainat😝: *🙍🏻‍♂️DEEN 🙍🏻‍♂�?*






*051*






*THE LETTER✉️*






Sauke wayar daga kunnenta cikin damuwa


To ya akayi haka?

Ita a tunaninta ma su mutanen Deen din su zasuyi jira basu za'a jiraba duba da yadda Deen ke zumudin abin.


Meyasa wayar shi take a kashe? Koda jiyan ta mutu ai yaci ace yanzu yasamu charge koma ina ne.

Anya kau lfy?


Ta jima tana wadannan tunane tunanen sai kuma ta tashi tashige toilet ta wanke makeup dinta sannan ta daura wata alwallar tafito tana jin zuciyarta babu dadi


Shimfida sallaya tayi ta hau kai ta tada sallah.

Tun kafin ta ida mummy tasake Shigowa dakin ta zauna gefen gado tana jiranta.


Sallame sallar tayi sannan ta juyo ahankali ta kalli mummy

Expression din fuskar mummy kadai ya isa yabata amsarta

"wai what's all these ne? Yanzu 4:10pm amma haryanzu basu qaraso ba, qarin har awa daya da Mintuna? Kamata yayi ace Koda matsala aka samu su bugo sufadi atleast Hakan zai fidda zuciyoyinmu daga wasiwasi" inji mummy Cikin 6acin rai


Sadda kanta kawai zee tayi qasa tana jin hawaye na kawo mata, tama rasa wane tunani zatayi


Ringing wayar mummy ta dauka Hakan yasa taja Tsakin takaici kafin ta ciro wayar ta duba mai kiranta

Daddy ne


Dagawa tayi ta qara a kunne

"ya ake ciki yanzu?" inji daddy a wancan bangaren



"hmm nima bansaniba, wannan ai wulaqanci ne a tara manyan mutane a shanyasu? Idan sunsan basu shirya ba ai kamata yayi su sanar tun wuri a daga ranar"


"yanzu dai calm down maimuna, bari na aika bala yaje ya gano ko lfy?"


"haba Alhaji, kamar muna neman kai daita? Ina aka ta6a haka? Kawai a kyalesu ka sallamesu"


"A'a maimuna, ta yiwu wani abin yafaru wanda dole Hakan ya tsaidasu kuma basuda hanyar reaching dinmu bare su bugo su gayamana, muyi musu uzuri, shima balan ai ba shiga zaiyi ba, kawai zuwa zaiyi as C.I.D ya gano me gidan yake aciki"


Shiru mummy tayi amma allah yasani ranta a mugun 6ace yake


"bari nasan abinda zan gayamasu baqin don Gaskiya suma sun fara qosawa da wannan al'amarin kafin nan bala yadawo sai muji daga gareshi"



"to shikenan" inji mummy Cikin cinkushewar rai sannan suka katse wayar atare


Kallon zee da haryanzu kanta ke a sadde tayi sai kuma ta tashi ta fita daga dakin


Dagowa zee tayi tabi mummy da kallo da watery eyes dinta don tunda ta sadda kai take hawaye.


Tashi tayi daga kan sallayar ta ninketa ta ajiye sannan taqara daukar wayarta taje daidai bakin window inda ake iya hangen harabar gidan daga nan ta yaye labulen tana kallon harabar tanan


Daddy taga yana magana da bala sannan taga balan yanufi parking space shikuma daddy yakomo cikin gida


Ajiyar zuciya ta sauke sannan ta maida hankalinta akan wayar hannunta ta cigaba da kiran number Deen din amma shiru.



Wasa wasa har qarfe 5pm shiru babu mutanen Deen babu alamun su


Zainab tana tsaye still a bakin windown tana kallon harabar gidan kamar mai son ganin ta inda zasu 6illo.


Jitayi anyi horn a gate din Hakan yasata zabura ta qara yaye labulen tareda zubama gate din idanu zuciyarta na bugu sosai


Hango security tayi ya fito da gudu ya nufi gate yafara qoqarin budewa


Babu addu'ar da batayi ba a zuciyarta na allah yasa su ne amma sai me?


Sai gani tayi motar da bala yafita daita ne tadawo.


Qurawa motar idanu tayi in utmost disappointment tana jin kamar zuciyarta zata fashe.


Bala ne taga yafito daga motar sannan taga ya dan yi danne danne a wayar shi ya kara a kunne


Be dade yana magana ba ya sauke wayar ya cigaba da tsayuwa a inda yake


Can jimm kadan saiga daddy yafito yazo ya tarda bala din inda yake tsaye


Gani tayi suna magana, dukda batajin abinda suke cewa tasan koma menene ba alhairi bane duba da yanayin fuskar daddy.


Gani tayi daddy ya dafe kai yayi shiru saikuma ya cigaba da magana kamar ma a 6acin rai yana yi kamar zai make balan shidai balan kansa a qasa yake bece komai ba


Can kuma daddy ya juyo a fusace ya nufo hanyar cikin gida



Sakin labulen tayi ta dawo ahankali kamar wanda kwai ya fashe mawa aciki ta xauna gefen gado tayi wa waje guda quriii.



Ba'a jima ba taji an bude kofar dakinta an shigo


Dagowa tayi ahankali tana kallon daddy daya shigo din


"daughter wai what's going on ne?"
Cigaba da kallon daddyn tayi don ita kanta Tambayar da taso yimashi kenan


"na aika bala gidansu amma yadawo ya fadamin wai gidan a rufe da kwado wai ya tambayi mutane sunce suma basusan whereabout dinsu ba, meke faruwa ne?" inji daddy


Kasa ko kyafta idanu akan fuskar daddy tayi

_kofa arufe da kwado? Me kenan?_


"am talking to you Zainab kinyi shiru kin quramin ido, yaushe rabon da kuyi waya?"


Cikin wata murya da ita kanta bata tantance ko tata bace tace
"jiya... Jiya da daddare"


Daidai nan mummy tashigo dakin


"wai ya ake ciki ne?" inji mummy tana kallonsu


Ignoring dinta daddy yayi ya cigaba da yima zee magana

"da kukayi wayar be fadamiki wani abu ba, something concerning taron yau?"


Tunawa tayi da kadan daga cikin magangganunshi na jiya

_gobe ne ko?_

Murmushi tayi kawai batace komai ba

_gobe ne ranar, wannan daren zai kasance daya daga cikin tarihin rayuwarmu, dare mai tsayi, mai duhu mai cike da jira. Nasan wannan daren zai kasance mafi tsayi agareni, zan qarara gari ya waye ko zai yaye min duhu da damuwar zuciyata amma zaiqi wayewa sai nayi jira jiran da bansan adadin shi ba_

Murmushi tasakeyi tace
_karka damu duk nisan dare ai gari zai waye, duk jiran dazakayi mashi kasa a ranka a kowanne passing seconds ragewa yake safiya kuma na kusantowa, fatan mu anan shine allah yakai mu da rai da lfy_


Sai yace
_amin Zainab, amin zanso yayi saurin wayewa Zainab, zanso yayi saurin wayewa kafin zuciyata ta gaza hqr ta buga_


Dariya tayi mashi sannan tace
_bazata ma buga ba baban zumudi_


Murmushi mai sauti taji yayi sai yace
_I LOVE YOU_


"wannan wane salon wulaqanci ne ana miki magana kinyi shiru?" inji mummy a fusace

"A'a maimuna ki kyaleta babu ruwanki, dani da ita muke magana" inji daddy sannan yasake maida hankali kanta

"inaji daughter, kunyi wata magana data shafi yau"


Girgiza kai tayi ahankali sannan tace
"A'a saima zumudin dayake yi wai he can't wait gari ya waye"


Duk shiru dakin ya dauka

"wai Alhaji balan yadawo ne?" inji mummy


"eh amma wani abu wai ya tarda gidan arufe wai kuma ya tantambaya wai suma haka suka wayi gari sukaga gidan"



Shiru dakin yasake dauka babu mai cewa komai.


Sun dan jima ahakan daddy ya saki Ajiyar zuciya sannan ya kalli agogon hannunshi

"6 saura minti biyar"


"Alhaji kawai ka sallami mutanen nan, ba zuwa zasuyi ba" inji mummy Cikin dacin rai


Shiru dakin yasake dauka

"innallilahi waina ilaihi rajiun, yanzu ta ina zan fara musu bayani ma?" inji daddy cikin tsananin damuwa


Zee kanta na sadda takasa controlling din hawayenta



"ya zamuyi kawai afadamasu meke faruwa babu wani 6oye 6oye, sun dai maida mu qanannun mutane kawai" inji mummy Cikin dacin rai



Jigum suka sakeyi kowa rai babu dadi saikuma daddy ya juya

"bari naje na barosu su kadai"

Saiya juya ya fita


Itama mummyn Jigum tayi tana kallon wuri guda saikuma itama ta bude kofar tafita.


Baya zee tayi ta kwanta kan gadon ta kafe p.o.p din saman, tama rasa tunanin da zatayi





A bangaren daddy kau zuciya ba dadi yayi musu bayanin komai nan take suka shiga jajantawa duk zuciya babu dadi inda suke Fatan allah yasa dai lfy.


Haquri daddy yayi ta basu akan zaman jiran gawon shanun da sukayita yi sukuma suna nuna babu komai ai Indai lfy tau alhamdullilah kuma idan suka dawo aka sake fixing rana a sanar dasu zasu dawo insha allah.


Da Alhaji Abubakar da Alhaji Bello suka wuce shikuma Kawu Yusuf don dole daddy ya riqeshi akan yabari sai gobe yatafi tunda har magrib tayi, haka ya haqura ba don yaso ba.


Tare suka wuce masjid don yin sallar magrib suna tafe suna firar dalilin dayasa mutanen Deen basu zo ba Suna fatan allah yasa dai komai lfy.



A bangaren zee kau sosai abin ya tsaya mata a zuciya takasa komai

Ta rasa aciki me yafi damunta, rashin Zuwansu mutanen Deen ko rashin sanin halin da yake ciki.


Banda hawaye babu abinda takeyi Dakyar tasamu itama ta tashi tayi sallar magrib ta kuma zauna anan tayi nisa a tunani har akayi sallar isha'i taje ta chanza alwalla tadawo ta miqata itama.


Komawa tayi saman gado ta zauna jigum waya a hannunta har lokacin bata haqura da neman number tashi ba.


Tana ahaka maid tashigo dakin akan ta sauko dinner is ready

Cemata tayi ta tafi batajin yunwa

Jin haka yasa daddy zuwa dakin nata da kanshi ya lalla6ota dakyar yasamu ta fito dining din.


Saida ta gaida mutanen wajen cikin dashashen muryarta sannan ta zauna a kujerar da daddy yaja mata baya


Zuba mata abincin daddy yashiga yi yana cewa
"daughter please ki saki ranki, ki tuna da problem dinki, kibar saka abin arai sosai insha allah komai will be ok, kinji?" inji daddy Ahankali cikin sigar rarrashi


Batace komai ba sai riqe fork din datayi tana dan motsa abincin ahankali


Kawu Yusuf yace
"Gaskiya ne diyata, karki bari abin ya dameki kinji? Insha allah zamu ji daga garesu soon"


Itadai mummy ko dagowa batayi bare ta Ko kalli gefenta, abincinta kawai takeci amma ita kadai tasan irin 6acin ran datake aciki yau.


"amma fa abin da daure kai, ina zasuje haka daxaisa suyi watsi da abu mai matuqar muhinmmanci irin wannan?" inji daddy


"nima abinda ya daure min kai kenan Alhaji, koma menene kamata yayi su sanar sai ayimusu uzuri da lamunin daga ranar zuwa wani lokacin amma ai ba Haka akeyi ba ka tara mutane ka koma gefe kayi shiru ka barsu a shanye ba"


"hmm to mudai fatanmu allah yasa lfy, duk wani abu dazai biyo bayan wannan mai sauqi ne" inji daddy


"Amin fa Alhaji, fatanmu kenan" inji Kawu Yusuf din.



Haka suka qaraci firarsu da daddy da Kawu Yusuf su mummy iyakarsu sauraro don babu wanda ya iya tankawa cikinsu, su kadai sukasan abinda sukeji a zuciyoyinsu.



A daren ranar kasa isashen barci zee tayi, banda juyi daga farkon gado zuwa qarshenshi babu abinda takeyi


Kwata2 takasa samun kwanciyar hankali bare salamar ruhi, ranar Saidai tayi barci rabi da rabi tasamu gari ya waye a daddafe.



*WASHEGARI*



Saida Kawu Yusuf yakai har 12 rana don jiran jin ko zasu samu wani feedback daga family dinsu Deen Amma shiru Hakan yasa yayi musu sallama ya kama hanyarshi ta komawa yana cewa duk yadda akayi sun gayamashi ta waya.



Ranar ma haka ahalin gidan suka wuni cikin baqinciki don kwata2 babu alamun su Deen nada niyyar zuwa ko kira aji yaya ake ciki taqamaimai.



Izuwa yanzu hankalin zee yafara tashi don ita yanzu ba rashin zuwan nasu ne yafi damunta ba rashin sanin halin da suke ciki yafi damunta gashi haryanzu numbershi bata shiga kwata2, daga jiya zuwa yau amsa dayace duk lokacin data buga wayar, switch off



Tun tana daurewa tabar abin iya cikinta har takasa ta tunkari daddy da maganar don ko giyar wake tasha bazata ta6a nufar mummy da wannan maganar ba don haryanzu mummy bata sauka daga 6acin ran datake aciki ba


Koda ta fadama daddy abinda ke damunta dakuma fargabar kar ace ba lafiya ba sai shima ya damu yana jin Gaskiya ya kamata a bincika Hakan yasa ya qara aika bala unguwar tasu Deen don ganin ko sun dawo gidan


Amma daya dawo amsa daya ce haryanzu, gidan a kulle yake still da kwado kamar dai yadda ya ganshi jiya.


Sosai hankalin zee yaqara tashi.

To meya faru?

Ina suke?

Yaushe zasu dawo?

Dama sauran tambayoyi da dama keta kai kawo a qwalwarta wanda duk babu mai bata amsoshinsu.



Ganin yadda ta tashi hankalinta yasa shima daddy shiga damuwa sosai don shi yanzu baya qaunar abinda zai sakata a damuwa saboda maganar Dr dayayi akan a kiyayi barinta cikin damuwa, he can't afford to loose his only daughter just like that Hakan yasa yaita rarrashinta da kalamai na kwantar da hankali yana assuring dinta insha allah gobe zaije shima da kanshi yagani da kanshi.


Hakan yadan kwantar mata da hankali har tadan samu taci abinci kadan wanda shima tutturawa kawai tayi bawai don dadi ba don kwata2 rasa abinda ke mata dadi a duniya tayi ga wani fargaba ta musanmman data addabi zuciyarta



Mummy kau duk abinda suke ko kallo basu isheta ba don ita tun jiya zuciyarta ke cinkushe.


Tarasa ma a wane siga zata kalli wannan al'amarin

Qin zuwa sukayi da gangan koko akwai dai abinda ke faruwa?


Sosai ranta ke a dagule saboda wannan abin daya faru Saidai kuma haryanzu takasa dora laifin akan Deen ta kuma kasa yarda da abinda zuciyarta ke saqamata na kodai Deen yaudarar zee yake dama bawai auranta yake so yayi ba?

Da wannan tunanin yazo mata sai tayi saurin kawar dashi tana girgiza kai don Gaskiya Deen beyi kama da mayaudari ba kuma tana hangen soyayyar zee a idanunshi tsantsarta, to a ina matsalar take? Tabbas akwai lauje cikin nadi.



Washegari kamar yadda daddy yayi ma zee alqawari wajajen bayan 12pm na rana ya shirya tsaf don zuwa dubowa shima don tunda gari ya waye zee ta matsa mashi akan Hakan


Itadai mummy haryanzu batace uffan ba akan komai ba, yima takeyi kamar batasan sunayi ba.


Har parking space ta raka daddy din tana jin kamar tace zata bishi itama suje su dubo tare.


Saida taga fitarshi daga gidan sannan ta juyo a sanyaye tadawo falo ta zauna a kujerar da take facing kofar Shigowa ta raku6e ta zubama kofar idanu tana jiran ganin ta inda daddy zai dawo.


A lokacin idan kaga Zainab dole tabaka tausayi, tawani yi laushi ta sururuce, kallo daya zaka mata kasan tana cikin damuwa sosai.


Ta dade anan zaune tana counting down din seconds daya gota ma agogo tana jiran ganin dawowar daddy, deep down kuma addu'a kawai takeyi allah yasa adace don yanzu idan akwai labarin da zaisata cikin matuqar farinciki to na ganin Deen ne, kawai ita dai burinta aganshi a tabbatar da lafiyarshi lau.



Har 2pm ta gota daddy be dawo ba hakan yasa ta tashi don dole ta wuce sama don yin sallar zuhr.