You Cannot Download this book untill you login but you can read it .

---

Login Register

kamar zasu babbake
saboda wani irin azababben hucin zafi dake
fesowa
daga cikin kogon dutsen.
Ba shiri kurayen suka juya da baya da gudu suka
nausa wani bangaren daban na dajin.
Adaidai wannan lokaci ne su haiman sukayi
doguwar ajiyar numfashi suka dawo cikin
hayyacinsu.
A sannan ne haiman ya dubi yarima yazid yace
tabbas yanzu nayi imani da cewa babu wani
ubangiji wanda ya cancanci a bauta masa face
ubangijin musulunci don haka a shirye nake
yanzu na karbi wannan addinin mai daraja.
Koda jin wannan batu sai farin ciki ya lullube
yarima yazid har ya budi baki zaice wani abu
kawai sai yaga yarima zainur,gimbiya nauwara,
da dukkan hadiman sarkin yaki sunzo gabansa
sun durkusa sun dubeshi cikin hadin baki suna
masu cewa muma munyi imani da wannan addini
naka.
Take Yarima yazid yaji hawaye ya zubo masa
saboda farin ciki,ba tare da bata lokaci ba ya biya
musu kalmar shahada suka maimaita amma sai
yazid ya lura da wani hadimi gudu daya wanda
ya tsuke bakinsa yaki biya kalmar shahadar.Yazid
yayi shiru bai tonawa hadimin asiri ba,
amma sai ya aiyana a ransa cewa lallai zaisa ido
a kansa tunda bai sani ba ko ya biya kalmar
shahadar ne a cikin zuciyarsa bai biyata a fili ba
tunda shi imani a zuci yake ba a baki ba.
.
Kaico!Allah ka shiga tsakaninmu da munafiki
domin kuwa sharrin munafuki yafi na barawo
takaici da bakin ciki domin shi munafuki tamkar
haske yake yana jikinka
yana morarka amma kuma yana yi maka babbar
illah.
Ashe wannan munafukin hadimi yaron waziri
Ridwan ne kuma yafi shekaru goma sha biyar
yana bauta a gidan sarkin yaki kuma da gaiya
waziri ridwan yasa aka siyarwa da haiman shi a
matsayin
maraya saboda yasan cewa haiman baya ajiye
bawan da ba maraya ba a gidansa,kuma tun
wannan bawa yana yaro yake zuwa gidan waziri
ridwan a sirrance yana kai sirrin gidan haiman
bisa duk abubuwan da yake shiryawa.
WASIKAR JINI
Littafi Na Shida (6)
Part C
.
Yana kai sirrin Haiman bisa duk abubuwan da
yake shiryawa.
A tsawon wadannan shekaru sarkin yaki haiman
yana matukar mamakin yadda waziri yake sanin
abubuwa nasa dayawa na sirri,amma sai yayi
zaton cewa da karfin sihirinsa na tsafi ne yake
sani
bai san cewa yana da munafuki a jikinsa ba.
Lokacin da wannan munafikin bawa ya fito daga
cikin kogon
dutse sai ya falfala da gudu ya tunkari hanyar da
zata kaishi cikin gari,yana cikin gudunne yayi
kicibus da wadannan dakarun sumame na sojan
haya sunyi masa kawanya ba tare da fargabar
komai ba saiya dubesu yayi musu wata inkiya.
Koda ganin haka sai suka sauke makaman dake
hannunsu kasa.
Shugaban su ya dubi bawan yace meye labari?
Waishin a ina kuka buya muka nemeku sama da
kasa a cikin wannan dajin muka rasa.
Koda jin wannan tambaya sai bawan yace ai wani
takadirin
bako ne ya bamu kariya da irin sihirinsa muna
can baya cikin wani kogon dutse kuzo muje na
kaiku
wajen ku shiga ku hallaka su.
Nan take bawan ya juya da baya da gudu su
kuwa dakarun sumamen suka rufa masa baya
cikin murna da mugun nufi.
Koda bawan da dakarun sumamen suka iso bakin
wannan kogon dutse sai suka yi turjiyar dole bisa
jin wannan hucin zafi mai tsananin gaske.
Hatta shi kansa bawan wanda dazun nan ya fito
daga cikin kogon sai ya kasa komawa.
Al'amarin dayayi matukar baiwa dakarun
sumamen mamaki kenan suka rasa dabarar da
zasuyi su shiga cikin kogon dutsen.
Koda ganin haka sai shugaban dakarun sumamen
ya bada izini
aka dawo baya kadan aka tsaya akayi cirko cirko.
A sannan ne shugaban dakarun ya dubi sauran
yaransa yace mu tsaya a nan harsu gaji da buyan
su fito ai duk tsiyadai ba zasuyi ta zama a ciki ba
har abada.
Idan yunwa bata fito dasu ba kishirwa zata fito
dasu.
Haka dai dakarun sumamen suka zuba ido akan
kofar kogon dutsen suna rike da makamansu
kawai jira suke suga wani ya fito daga cikin
kogon dutsen su rafkeshi amma har gari ya waye
babu wanda ya fito,asalima su yarima yazid basu
san abindake faruwa ba a kofar kogon
dutsen,domin barcinsu suke ta sharawa tamkar
suna cikin ainihin gidajensu na kwana.
Saida asuba tayi yarima yazid ya tashi kowa
domin ayi alwala ayi sallah sannan suka hango
rundunar dakarun sumamen acan bakin kofar
kogon dutsen,nanfa hankalin kowa ya dugunzuma
banda na yarima yazid.
Koda yazid yaga haka saiya dubesu haiman a
fusace yace ashe imaninku mai rauni ne ban sani
ba,shin kun mantane da cewa tun jiya Allah ya
nuna muku ikonsa ya hana kuraye ma'abota jin
yunwa shigowa cikin wannan kogon dutse ya
kareku daga sharrinsu?
Koda jin wannan batu sai jikin kowa yayi sanyi
suka kama yin istigfari,yarima yazid yayi gyaran
murya sannan yace yanzu zamuyi alwala mu
gabatar da sallah sannan mu roki Allah akan ya
bamu sa'a akan wadannan abokan gaba kuma ya
karemu daga sharrinsu,da izinin Allah zakuga abin
al'ajabi.
Koda gama fadin hakan sai kowa ya kama yin
alwala sannan yarima yazid yawuce gaba yayi
jasu,bayan an idar da sallah sai akayi addua'a
kamar yadda yazid ya fada.
Ana gama shafa adduar sai kawai akaga sarkin
yaki haiman ya mike tsaye zumbur kamar bai
taba ciwo ba ya zare takobinsa yana mai cewa
duk wanda yayi imani da Allah ya biyoni mu
afkawa wadannan abokan gaba.
Nan take yarima yazid,zainur gimbiya nauwara da
sauran gaba
dayan hadiman haiman ma suka zare takubbansu
suka kwala kabbara suka ruga waje da gudu,
aikuwa suna haduwa da dakarun sumamen sai
aka ruguntsume da azababben yaki mai tsananin
ban tsoro da ban al'ajabi domin nan take su
yarima yazid suka zamewa dakarun sumamen
alakakai sukayi ta ragargazarsu.
Duk inda suka sa gabansu saidai kaga mazaje na
zubewa kasa tamkar ana sassabe a gona cikin
abinda bai wuce rabin sa'a ba su yazid suka
kashe kaso biyu a cikin kaso ukun dakarun.
Koda dakarun sumamen suka lura da irin
mummunar barnar da akayi musu sai tsurarun
suka cika wandonsu da iska suka ruga izuwa
cikin daji a dimauce domin su tsira da rayuwarsu.
Nan take su yarima zainur sukayi kabbara suka
kuma yi godiya ga Allah bisa wannan gagarumar
nasara daya basu.
A cikin wannan kogon dutse su yarima yazid suka
kara yada zango har wani daren yayi da niyar
cewa gobe da sassafe zasuyi shiri su cigaba da
tafiya don riskar dajin hajrul Aswad yake inda
wasikar jini take.
*
Al'amarin waziri Ridwan tunda ya tura manzo
izuwa ga wadannan dakarun nasa na sumame
dake cikin daji sai ya zuba idanu domin yaga
dawowar manzon yazo masa da labari mai dadi
amma sai yaji shiru kamar maye yaci shirwa.
Al'amarin daya dugunzuma hankalinsa kenan ya
kasa zama ko tsayuwa bis wannan dalili ne ya
kama dokinsa a cikin daren yahau ya fice daga
cikin birnin shi kadai ya
tasamma cikin daji.Koda yazo wannan daji na
karshe wanda dagashi sai birnin nasu sai kawai
ya
hango sansanin dakarun yaki daga can nesa
kada.
Al'amarin dayayi matukar bashi mamaki kenan
domin shi kadai a saninsa babu wata kasa a
nahiyar wacce ta isa ta kawo musu harin
bazato,nan take zuciyar waziri ridwan ta baci
kuma zuciyarsa ta
kama tafarfasa kamar zata kone don haka saiya
tunkari wannan sansani na mayaka batare da
shakkar komai ba.
Ai kuwa yana matsawa kusa dasu sai dubunnan
dakaru suka taso masa akayi masa kawanya
daga masu mashi sai masu takubba.A
sannan ne waziri ridwan ya hango tutar birnin
sarki marwatu a cikin sansanin.
Koda ganin tutar saiya kyalkyale da dariyar farin
ciki ya kwalawa sarki
marwatu kira yace yakai abokina sarki marwatu
maza ka fito ka taryi abokinka ridwan.
Sarki marwatu na cikin tantinsa a kwance yana
barci yaji kamar a mafarki ana kiransa.
Aikuwa saiya farka a razane koda kunnuwansa
suka jiyo sautin muryar
™Abbas Abdulkadir Hada Hada™
waziri ridwan saiya mike zumbur ya ruga waje da
gudu,ridwan na hango marwatu saiya sauko kasa
daga kan dokinsa shima ya ruga gareshi suka
rungume juna cikin tsananin farin ciki.
Nan take sarki Marwatu ya kama hannun ridwan
ya jashi izuwa
cikin tantinsa aka kawo musu giya da nama suka
fara ci,a sannan ne waziri ridwan ya dubi sarki
marwatu a cikin wani irin kallo na rashin yarda
yace shin har yanzu kana kan burinka ne nason
ganin ka
mallake kasata ko kuwa so kake kawai ka rama
wulakancin da dan uwana yayi maka?
Koda jin wannan tambaya sai sarki marwatu ya
bushe da dariya sannan yace ai labari na samu
cewa zaki ya kwanta shi yasa na gaggauta kawo
ziyara domin na
debi rabona kafin sauran dabbobin daji su dasa
masa wawaso.
Dajin wannan batu sai waziri ridqwan ya sake
bushewa da dariya a karo nabiyu sannan ya
turbune fuskarsa yace dubeshi cikin tsananin
fushi yace yakai abokina ni dakai KAR TA SAN
KAR ne,na sani cewa baka yafiya amma duk da
haka nasan kuma ka dade da burin ganin ka
mallaki birnina.To
ka sani cewa ko dan uwana ya mutu yau babu
wanda ya isa ya hau kan karagar mulkinsa face
wanda ya mallaki wasikar jini ya karanceta ka
sani cewa a halin yanzu makiyana sun fito domin
zuwa kogon hajrul aswad inda wasikar jini take.
Nayi iya bincikena na kasa gane inda wannan
kogon yake kuma taswirar zuwa wajen tana
hannun sarkin yaki haiman.
Inason ka taimaka mini mu bazama farautar
sarkin yaki a cikin dajin nan domin mu kamashi
mu
kashe kuma mu dauki taswirar,nayi maka
alkawarin idan muka sami wannan nasara zamu
raba wannan kasa tawa biyu ka dauki kaso daya.
Koda jin wannan batu sai farin ciki ya lullube
sarki marwatu ya rumgume waziri ridwan suka
kama kyalkyala dariyar mugunta da murna suka
ci gaba da kora ruwan giya suna ciskar naman
kazan dake gabansu.
*
A can kuma kogon dutse kuwa da dare yayi sai
su gimbiya nauwara suka kasa barci saboda
fargabar gagarumar tafiyar dake gabansu da
kuma sanin hadarin dake cikinta.Koda Yarima
Yazid ya fahimci
halin da suke ciki saiya dubesu yace yaku yan
uwana ku kwantar da hankalinku ku sani cewa
ba'a
zama wani a banza dole sai an sha wuya.
Inda kunsan labarin sarki Uzaima da Sarauniya
Aryala da ko kadan baku damu kanku ba.
Koda jin haka sai nauwara ta dubeshi tace
wacece kuma sarauniya Aryala?
Yarima yazid yace ga kadan daga cikin labarinta.
°°°°°°A.A Hada Hada°°°°°°
SARKI UZAIMA na zaune bisa wata kujera ta
alfarma a tsakiyar turakarsa ta barci ya caba ado
saiga shugaban dakarunsa ya shigo tare da
sarauniya Aryala,koda ganinsu sai sarki Uzaima
ya mike cikin tsananin farinciki ya taho garesu
yana mai yiwa Aryala barka da zuwa kuma ya
bude hannayensa da nufin ya rungumeta.Kawai
sai Aryala ta daga kotar
takobinta guda ta tokare kirjinsa da ita tace babu
wani da' namiji daya taba rungumata face
mahaifina, kana son karya wannan alkadari nawa
ne?
Koda jin wannan batu sai sarki Uzaima yayi
murmushi sannan ya juyawa Aryala baya ya nufi
inda wani teburi yake mai dauke da tambula na
ruwan inibi ya fara zuba ruwan inibin a cikin
kofuna
biyu yana mai cewa haba tauraruwar taurari shin
kin manta ne cewa kece kika fara karya
alkadarina na jarumtaka a duniya har kika kaini
kasa?
Menene idan na rungumeki a matsayin matar
dazan aura?
Koda jin wannan batu sai sarauniya Aryala ta
bushe da dariya tace hakika wannan mafarki naka
yana da kamar wuya ko kuma ince yayi daidai da
tatsuniyar yara mara kan gado.
Bincike ya nuna cewa har nabar duniya babu
wani 'da namiji dazai zama mijina saboda me
kake son wahalar da kanka a banza?
Sarki Uzaima yayi dan guntun murmushi a lokacin
daya juyo ya taho gareta rike da kofuna biyu na
inibin na gilashi cike kowanne da ruwan inibi ya
mika mata guda ta rike.
Bata sha ba shi kuma sai ya kurbi nasa sannan
ya dubeta cikin tsawa yace kamar yadda kike yin
mafarki zaki iya sauya alkadarinki haka nima
nake mafarkin sauya nawa,na gani a cikin
madubin tsafina cewa ba zakiyi aure ba amma
hakan baya yana nufin cewar ba zaki iya samun
haihuwa da wani
ba.
A takaice na gane cewa nine wanda zaki sami
juna biyu dashi,babu makawa sai wannan
kaddara ta faru,mai zai hana tun yanzu ki kare
darajarki da kimarki ki aureni domin 'danmu yayi
alfahari da cewar an haifeshi akan tafarkin aure
mai daraja tsakanin sarki da sarauniya.
Kapin sarki Uzaima ya gama rufe bakinsa tuni
sarauniya Aryala ta tari numfashin tana mai daka
masa tsawa tace kada ka sakeyi min batun
aure,shin kana ganin cewa zaka iya yi mini fyade
ne?
Sarki Uzaima ya gyada kansa cikin murmushi
yace ai bakin rijiya ba wajne wasan makaho
bane,ni kaina nasan cewa bazan iyayi miki
fyade ba da karfin tsiya amma ki sani cewa maso
abinka ya fika dabara wannan shine dalilin da
yasa na hana dakaruna shigowa nan kuma na
rantse da gemun iyayena ba zaki fita daga cikin
turakar tawa ba face na sanki 'ya mace,kuma
bada karfin tsiya bukatata zata biya ba,sirrin
yana jikin wannan kofin da kika rike a hannunki a
jikin kofin an shafa wani
sinadari wanda tuni ya shiga dukkan kofofin fatar
jikinki,nan da cikar yan dakiku kadan zaki rasa
gaba daya karfin jikinki ko tsayawa ba zaki iyayi
ba kina ji kina gani zan sarrafaki yadda duk nake
so.
Koda jin wannan batu sai sarauniya Aryala tayi
jifa da kofin dake hannunta ta kama goge tafin
hannunta a jikin rigarta.
Da ganin haka sai sarki Uzaima ya kyalkyale da
dariya ya dubeta yace wannan shine ihu bayan
hari,ai BAKIN ALKALAMI ya riga ya bushe.
Cikin tsananin fishi Aryala ta zare tagwayen
takubbanta ta yunkura da nufin ta afka masa
kawai sai ta kame a inda take domin ji tayi kamar
an zare gaba dayan lakar dake jikinta,jim kadan
kuma saita bingire kasa ta baje.
™Abbas Abdulkadir Hada Hada™
A lokacin da taji ta kasa koda motsa dan
yatsanta guda,sarki Uzaima ya dubeta ya sake
kyalkyalewa da dariya a karo na biyu sannan
yazo kanta ya durkusa
yace yake abar KAUNATA,abar BEGE NA kiyi sani
cewa a wannan duniya kaf yanzu babu abinda
nake SO sama dake,inda zaki bani gurbi a cikin
zuciyarki kuma ki zabeni a matsayin mijinki na
aure da kin
sami cikar dukkan burinki na duniya,to amma
kaddara ta riga fata,ni ma babu yadda zanyi dole
ne
na kau da batun aure a tsakaninmu muddin
inason na cika nawa babban burin na samun
magaji.
Koda gama fadin hakan sai sarki Uzaima ya ajiye
kofin inibin dake hannunsa yasa hannayensa biyu
ya
dauki sarauniya Aryala yaje ya shimfideta akan
gadonsa,koda ya fara cire maballan rigar jikinsa
sai
yaga ta kura masa idanu hawaye na zubo mata.
Nan take yaji ya kamu da tsananin tausayint
amma daya tuna burin dake gabansa sai kawai
yaci gaba da kokarinsa har saida hakansa ya
cimma ruwa.
Hawaye bai daina shatata ba daga cikin
idanuwan Aryala har Uzaima ya kammala abinda
zaiyi,a sannan ne ya kura mata idanu yace,ki
gafarceni yake MASOYIYA ta,daga yau zan kula
dake a matsayin matata a cikin wannan babban
gidan sarauta nawa,kuma na baki
dukkan jin dadin rayuwa da duniya har izuwa
lokacin da zaki sami rabo daga gareni wato juna
biyu,zan kula da lafiyarki yadda ko kuda bazan
bari ba ya taba lafiyarki.
*
A can bakin kofar turakar sarki Uzaima kuwa
lokacin da Barde Husum yaga sarauniya Aryala ta
dade bata fito daga cikin turakar sarki Uzaima ba
sai hankalinsa ya dugunzuma ainun ya kama
hannun
Jarumi Damzur ya jashi izuwa gefe daya ya
dubeshi yace yakai Damzur ka yi sani cewa
tabbas akwai wani abu dake faruwa wanda ba
daidai bane,nasan halin Aryala mutumce wadda
batayin magana mai tsawo,tunda har kaga ta
dade haka da yawa bata fito ba daga cikin
turakar sarki Uzaima lallai ba lafiya
ba.
Koda jin wannan batu sai nan take idanun Jarumi
Damzur suka kada sukayi jawur,zuciyarsa ta
kama tafarfasa kamar zata kone,kawai sai ya
dubi Husum yace maza kaida dakarunka ku
taimaka mini zan
fasa dakarun dake gabanmu da karfin tsiya na
shiga har can cikin turakar Sarki Uzaima,amma
dole ne
mutum daya ya biyoni ciki domin ya taimaka mini
wajen dauko sarauniya koda zamu risketa a cikin
mugun yanayi,zanyi kokarina naga mun gudu da
ita daga cikin gidan sarautar nan mun mayar da
ita can
birnin Nurul Ansar,wannan shine aikina kuma
shine alkawarin dana daukar mata.
Koda jin wannan shawara sai barde Husum yace
an gama ya shugabana,nan take duk su biyun
suka zare takubbansu suka afkawa dakarun dake
gabansu suka
hausu da SARA da SUKA,koda ganin haka sai
sauran yan uwansu dakaru suka kawo
dauki.Nanfa wuri ya yamutse,ihun mazaje da
karafkiyar karafa ya cika gidan sarautar gaba
daya,dakarun sarki Uzaima dake kan katanga rike
da KWARI da BAKA sai suka dimauce suka rinka
sakin harbi ta ko ina,al'amarin daya janyo suke
rinka kashe yan uwansu suma kenan basu lura
ba.
Wannan itace damar dasu jarumi Damzur suka
samu suka tarwatswa dakarun dake bakin kofar
turakar da karfin tsiya suka kunna kai cikin suna
masu falfala azababben gudu.
Sarki Uzaima nacan a gaban sarauniya Aryala
yanayi mata
sambatu sai ya jiyo ihun mazaje da karafkiyar
karafa acan wajen turakarsa a firgice ya mike
tsaye zumnur ya ruga izuwa inda takobinsa da
garkuwarsa suke domin ya dauko su daga jikin
bangon da suke rataye amma kafin hannunsa
yakai kansu tuni Jarumi Damzur ya dako tsalle a
sama ya doki gadon bayan sarki uzaima.Sarki
uzaima yayi sama fuskarsa
ta gwaru da bangon dakin ya fado kasa
sumamme,cikin hanzari Jarumi Damzur ya dauki
sarauniya Aryala ya sabata a gadon bayansa ya
sake rugowa waje har ya dawo inda ake
gumurzu,da karfin tsiya yaci gaba da tarwatsa
dakarun sarki uzaima yana saransu da sukarsu.
Barde Husam na taimaka masa amma saboda
tsananin yawan dakarun guda dubu biyu da dari
bakwai ya rage sauransu dari uku da biyu kacal.
A haka dai suka ci gaba da azababben yaki har
tsawon dakiku masu yawa,da kyar da sidin goshi
gami da dabarun yaki suka iso har farpajiyar
gidan sarautar suka tasamma inda bargar
dawakai suke,a sannan ne fa dakarun sarki
Uzaima suka sake tuttudowa da yawan gaske
tamkar daga cikin kasa suke fitowa sukayi musu
rubdugu...
.
waye zai iya tuna mana sunan extract din labarin
da yazid yake baiwa su gimbiya nauwara?
WASIKAR JINI!!!
Littafi Na Shida (6)
Part D
.
Suka sake tuttudowa da yawan gaske tamkar
daga cikin kasa suke fitowa sukayi musu
rubdugu..
.
Wohoho!
Idan Jarumi ya cika jarumi tofa ba'a ganin
jarumtakarsa sai idan yaga mutuwa muraran a
lokacin da zuciyarsa ke dauke da babban
buri,burin su jarumi Damzur shine su sami damar
guduwa da sarauniya Aryala daga cikin gidan
sarautar kafin sarki Uzaima ya farfado daga
dogon suman da yayi,don haka sai suka cigaba
dayin yakin da dukkan karfinsu ya zamana cewa
duk inda suka sa gabansu saidai kaga maza na
zubewa kasa tamkar ana sassabe a gona.
Kaico a wannan lokaci ne aka kashe ragowar yan
uwansu dakaru mutum dari uku ya zamana saura
su biyu kacal suma din babu wanda ba'ayi masa
rauni ba sama da guda biyar a jikinsa ba.
Gashi dai jini na zuba a jikinsu amma basu fasa
tarwatsa dakarun ba,a haka suka isa inda
dawakai suke suka haye kansu suka zaburesu da
gudu ana harbo musu kibiyoyi da masu,su kansu
sun gama sallamawa cewa mutuwa
zasuyi tunda babu yadda za'ayi dawakansu su
iya shallake doguwar katangar gidan sarautar
amma ba zato ba tsammani sai sukaga dawakan
nasu sun daka tsalle sun shallake katangun kuma
sunci gaba da gudu suna masu nauwasa cikin
daji,a guje aka bude kofar gidan sarautar dakarun
suka biyo bayansu a guje domin su cimmasu.
Adaidai wannan lokaci ne sarki Uzaimana ya
farfado daga dogon suman da yayi koda ya bude
idanunsa ya dubi ko ina a cikin turakar yaga babu
sarauniya Aryala saiya kwarara uban ihu mai
tsananin firgitarwa nan take ya
mike tsaye zumbur ya dauko kayan yakinsa ya
ruga izuwa waje yana isowa filin gidan sarautar
yayi arba
da gawarwakin dakarunsa dana su sarauniya
Aryala,sai ya tambayi ina sarauniya Arayala take.
Nan fa aka gaya masa cewa an kashe mata
dakarunta gaba dayansu amma shugaban
dakarun nata da mataimakinsa sun sami nasarar
saceta akan doki sun gudu amma anbi sawunsu.
Koda jin haka sai sarki Uzaima ya sake kwarara
uban ihu ya ruga
izuwa cikin bargar dawakansa ya kamo wani farin
ingarman dokinsa ya haye kansa ya zabureshi da
gudu yabi sawun dakarun da sukabi su jarumi
Damzur.
Lokacin da su Jarumi Damzur suka nausa cikin
daji da sarauniya Aryala bisa doki suna tsala
gudu sai suka cigaba da sakarwa dawakansu
linzami kamar zasu tashi sama,kai da gani kasan
cewa
gudun ceton ransu sukeyi kodai su tsira ko kuma
su hallaka.
Duk wannan abu dake faruwa har a sannan
sarauniya Aryala bataji karfin jikinta ya dawo ba.
Duk irin azababben gudun da sukeyi sai da suka
rinko jiyo sautin sawayen dawakan dakarun da
suka biyo su,ashe dawakan dasu jarumi Damzur
suka hau na
musamman ne wadanda suka sami horon gudu
da tsallake gine gine masu tsawo.
Tunda safe aka fara wannan tseren guda har
saida rana ta fadi ya zamana cewa su Jarumi
Damzur sun baiwa dakarun sarki Uzaima tazara
mai yawa kuma har sun fita
daga cikin iyakar kasar sannan dakarun suka
hakura suka daina binsu suka juya da baya.
Ai kuwa suna juyawar sukayi cikibus da sarki
Uzaima a sukwane bisa farin dokinsa,yana
ganinsu yaja linzamin dokin yayi turjiya yana mai
daga kafafunsa sama gami da haniniya,koda sarki
Uzaima ya dubi gaba dayan
dakarun yaga basa tare da sarauniya Aryala saiya
kurma uban ihu ya zare takobinsa yahau
dakarunsa da sara saboda tsananin fishi ba shiri
dakarun suka tarwatse suka bazama izuwa cikin
daji suna neman wajen buya don tsira da
rayuwarsu.
*
Al'amarin su Jarumi Damzur kuwa basu daina
gudu akan dokin ba har saida suka tabbatar da
cewa sunyi nisa ga barin iyakar birnin Kisra sun
shiga cikin yankin dazuzzukan birnin kisra sannan
suka tsaida dawakansu suka fado kasa daga kan
dawakansu a matukar galabaice tamkar ransu zai
fita.
Da kyar suka yiwa kansu magani suka dinke
raunikan dake jikinsu.Sarauniya Aryala kuwa bata
dawo cikin haiyacinta ba gami da samun karfin
jikinta har saida sanyin asuba ya kada a sannan
ta farka daga barci.
Koda ta bude idanunta ta tsinci kanta a cikin daji
kuma taga jarumi Damzur da Barde Husum zaune
a gabanta saita takarkare ta kurma uban ihu
sannan ta fashe da matsanancin kuka da kyar su
jarumi damzur suka rarrasheta tayi shiru sannan
jarumi damzur ya dubeta yace ya shugabata ina
dalilin wannan kuka naki?
Aryala tasa hannu ta share hawayenta sannan
tace sarki Uzaima ya kawar da Budurcina ya
karya alkadarina.
Koda jin haka sai jarumi Damzur da Barde Husum
suka kamu da tsananin bakin ciki har idanuwansu
suka ciko da kwallah.Aryala ta cigaba da magana
cikin sheshsheka tana mai cewa yanzu da wane
ido zan kalli mahaifina wanda ke kwance cikin
jinyar rashin lafiya yana son yaga dawo wata gida
cikin nasara dauke da dukiya mai yawa.
Da wane idanu zan kalli jama'ata alhalin na kasa
kare kaina bare na kare rayuwarsu da
mutuncinsu,ku kanku gashi nasa kunsha bakar
wahalar da kuka kusa rasa rayukanku,ni kan
yanzu rayuwar duniya ta fita daga raina gwara
ma ku taimaka mini ku kashe ni idan
kuka ki kashe ni to lallai zan kashe kaina.
Koda sarauniya Aryala tazo nan a zancenta sai
jarumi Damzur da barde Husam suka fashe da
kuka suka shiga rokonta akan ta janye wannan
manufa tata kuma sukayita bata baki akan ta
hakura ta yarda su maida ita birnin nurul
ansar,duk da cewa sarauniya Aryala tana son ta
koma gida ta iske mahaifinta a raye amma sai
bakin cikin abinda ya sameta yasa taji bata son
sake saduwa dashi.
Da kyar da sidin goshi dai su jarumi Damzur suka
shawo kan sarauniya Aryala ta amince akan a
cigaba da tafiya don isa birnin nurul ansar.
Nan da nan suka cigaba da tafiya ba sassauci ya
zamana cewa basa yada zango komai dare komai
rana face sun gaji likis ko kuma duhu yayi
yawa,cikin sa'a suka shafe kwana
™Abbas Abdulkadir Hada Hada™
tara suna tafiya batare da sun hadu da wani
mugun abuba sannan suka iso birnin nurul
ansar.Tun daga nesa suka hango an sauke tutar
masarautar daga
kan kofar birnin,zuciyoyinsu suka buga da karfin
gaske a wannan lokaci sarauniya Aryala na bisa
doki Jarumi Damzur na kasa yana jan dokin nata
shi kuma Barde Husum na biye dasu bisa daya
dokin,kawai sai sarauniya Aryala taja linzamin
dokin nata ta tsaya cak ta dubi barde Husam
tace babu lafiya a kasata kodai mahaifina ya rasu
ko kuma ancimu da yaki.
Ka ruga cikin birnin ka gano abin dake faruwa.
Koda jin wannan umarni sai jarumi
Husum ya sakarwa dokinsa kaimi ya nufi cikin
birnin nurul ansar.
Jim kadan saiga barde Husum ya dawo garesu
jikinsa a sanyaye kuma kansa a sunkuye,koda ya
iso daf dasu ya dago kansa sai sukaga idanunsa
sunyi sharkaf da hawaye take sarauniya Aryala ta
kwalawa mahaifinta kira ta fashe da matsanancin
kuka,saida Aryala ta shafe sama da sa'a daya da
rabi tana kuka sannan ta nutsu ta dubi
su jarumi Damzur tace tunda har ban dawo gida
na iske mahaifina a raye ba bana bukatar
sarautan idan
a cikinku akwai mai sha'awar yaje ya karbi
karagata yanzu anan zanyi rubutu kuma na buga
hatimina
bisa shaidar cewa na bashi karagar tawa.
koda jin wannan batu sai jarumi Damzur da Barde
Husum suka fashe da kuka,jarumi damzur ya
dubeta yace yake jarumar jarumai kiyi sani cewa
banga amfanin rayuwata ba muddin bana tare
dake saboda kece kika tsamoni daga cikin
mummunar rayuwa kika
mayar dani mutum,nasan menene adalci da
soyayya alhalin adacan babu abinda nasani face
zalunci da
kiyayya.
Bani da abinda zan saka miki dashi face nayi
bauta a karkashinki har izuwa karshen rayuwata.
Shima barde Husum saiya dubi sarauniya Aryala
yace tun ina yaro karami iyayena suka mutu
mahaifinki ne ya reneni tamkar dan cikinsa kuma
yasa aka koyar dani horon yaki har na zama
babba
a cikin dakarunsa,shine ya bani macen dana aura
tazo ta mutu a lokacin haihuwarta ta farko kuma
shine ya bani gida da dukiya mai yawa,bai taba
neman wata alfarma a wajena ba sai sau daya
alfarmar kuwa itace kafin mu baro birninmu ya
rokeni akan na kula dake kuma na tsare lafiyarki
da rayuwarki har izuwa karshen rayuwata.
Dame zan sakawa mahaifinki bisa abinda yayi
mini a rayuwa
face na cika alkawarin baki tsaro.Lallai ina tare
dake har izuwa karshen rayuwata.
Koda Barde Husum yazo nan a zancensa sai
sarauniya Aryala ta sauko daga kan dokinta ta
rungumesu duk su biyun ta fashe da kuka gaba
dayansu saida suka jima a kankame da juna
sannan suka janye jikinsu daga cikin nata suka
dorata akan doki suka kauce daga kan hanyar da
zata kaisu birnin nurul ansar suka nausa cikin
daji batare da sanin inda ma suka dosa ba.Haka
dai su sarauniya Aryala suka cigaba da tafiya har
saida suka shafe sati uku suna tafiya sannan
suka iso wani kauye dake cikin wata nahiya
daban da tasu,suna sauka a bakin wannan kauye
sai sarauniya Aryala ta kamu da tsananin rashin
lafiya ya zamana cewa zazzabi mai zafi ya rufeta
kuma ta rinkayin kumallo.Nanfa hankalinsu ya
dugunzuma suka karasa cikin wannan kauye da
sauri suka biya kudi aka kaisu gidan wata likita.
Koda aka kwantar da Aryala a cikin wata bukka
likitar tazo ta dubata saita dubi su jarumi Damzur
cikin murmushi tace ai ba wani abu bane ya
samu yar uwarku,ta sami juna biyu ne.
Koda jin wannan batu sai Aryala ta kurma uban
ihu kuma ta mike tsaye zumbur kamar
mahaukaciya ta rarumo wuka zata daba a cikinta.
Da kyar jarumi Damzur da barde Husum suka
riketa suka kwace wukar dake hannunta.
Nanfa ta fashe musu da matsanancin kuka na
bakin ciki.Daga wannnan rana Aryala ta tsani
kanta kuma ta tsani juna biyun da take dauke
dashi,babu abinda batayi ba don ta lalata juna
biyun datake dauke dashi amma sai abu ya
faskara